شهر العســـل ... ويـــن ؟؟!!

[الاعــلامية]

/

صباحكم / مسائكم ورد


شحالكم ياأعضاء المنتدى الطيبييــن

بغيت رايكــمـ


لو خيروكــم وين تقضون شهر العســـــل .... اي بلاد تختارون ... وليـــــــــش ؟؟


ابغي رايكــــمـ ... :victory:


والف مبروكـ مقدماً للي يخطط لهذي الفتــــــــــرة


:shy:

[sood mhamed]

ميونخ زلمسي سلزبورغ فيينا

[بوخالد911]

هلا


يعتمد ع المدة


لو اسبوعيين : المانيا - النمسا


3 اسابيع : استراليا


اسبوع : لبنان او مكة او دبي


والقرار لكم


مسيوو / بوخالد911

[الوفـى طبعي]

ماليزيا و10 ايام والله ونااااااااااسه مابعدها وناسه

[الاصلية]

انشالله المالديف او تايلند

[شبيــه الريح]

ميونخ زلمسي سلزبورغ فيينا

هذا الاختيار ولا بلاش

[Um Sultan]

المالديف ..

[راعي الغزيل]

دبي والعيين وعمان وركب طياره بانكوك

[BURBERRY]

هلا


يعتمد ع المدة


لو اسبوعيين : المانيا - النمسا


3 اسابيع : استراليا


اسبوع : لبنان او مكة او دبي


والقرار لكم


مسيوو / بوخالد911

و اذا شهر ..وين؟ :)

[eXpert*]

أسبوع موريشيوس
أسبوع سيشيل
أسبوع مدريد
أسبوع روما

[الاعــلامية]

ميونخ زلمسي سلزبورغ فيينا

عجبني اختيارك ..
خاصة ان هالاختيار مناسب في كل فصول السنه تقريبا

شكرا :shy:

[الاعــلامية]

هلا


يعتمد ع المدة


لو اسبوعيين : المانيا - النمسا


3 اسابيع : استراليا


اسبوع : لبنان او مكة او دبي


والقرار لكم


مسيوو / بوخالد911


شكرا مسيووو خاالد

اللي عجبني في ردك هو التصنيف في المدة المختارة

بس تتوقع استراليا تناسب شهر العســل ؟؟؟؟
وليش ... وهذا الاهم ؟


ولك التقدير

:victory:

[الاعــلامية]

ماليزيا و10 ايام والله ونااااااااااسه مابعدها وناسه


بالفعل ماليزيا فيها وااايد اختيارات

لما زرتها كنت اشووف فيها عرايس وايد يقضون شهر العسل هناك

بس ماادري ليش ماحسيتها تناسب للكل

وجهة نظر

والف شكر لك :shy:

[الاعــلامية]

انشالله المالديف او تايلند

المالديف .. اختيار مميز .. وشاعري لشهر العســل

بس تايلند ... مااعتقد .. تناسب اللي يبي يتسووق اكثر ولا شراايكم ؟؟


الف شكر الاصيلة :shy:

[الاعــلامية]

هذا الاختيار ولا بلاش

:victory:

وانا أأيدكم

[الاعــلامية]

المالديف ..



وهذا ثاني اختيار للمالديف

ياترى ليش المالديف ودي اعرف ؟


:shy:

[الاعــلامية]

دبي والعيين وعمان وركب طياره بانكوك


بعد وجهة نظر واختيارك نقدرة ياراعي الغزيل

مرحبتيــــــــــن :victory:

[فارس الكلمة]

ألف مبروك الإعلامية .. و بالذرية الصالحة إن شاء الله ..

[Just a Gurl]

زيلامسي " الافضل " .... :)

[الاعــلامية]

و اذا شهر ..وين؟ :)

انتظر ايك .. انت شتقول اذا شهر ..


:victory:

[الاعــلامية]

أسبوع موريشيوس
أسبوع سيشيل
أسبوع مدريد
أسبوع روما



جدول واااااايد مميز


بس ياليت قت لنا ليش اخترت هالاماكن يعني شنو المميز في كل اختيار

الف شكر

[سداوي&مدريدي]

دارفور :eek5:

















:secret:










ماليزيا حلوه لشهر العسل

وما شاء الله الأخوان ماقصور

بالتوفيق :nice:

[باظلوف]

شرق آسيا + استراليا

[anood]

اي مكان يعتمد على امكانيه الزوج
ومزاجهم .. مثلا في ناس يحبون الرومنسيه والطبيعيه
وفي ناس تبي تروح اسواق وملاهي
وفي ناس عادي اي شي

[بوحارب]

صباح الخير الأعلامية

انه بختار مكة والمدينة المنورة ويمكن صلاله :)


وعساج من عواده :nice:

[عاشق الريم]

السلام عليكم

اتوقع فيينا بتكون باردة جدا ف الاشهر الجاية

والكل يمدح ماليزيا ان كان شهر العسل في نوفمبر وديسمبر

[clouds]

انا رحت اغلب الدول المذكوره...بس انا مش من رايهم..انصحكم بامريكا..فيها كل شي..واحلى من اوروبا واونس ..اوروبا كلها نفس الشي...زيلامسي حلوه بس المانيا لااااااا مافيها شي
بس مو معقوله بتقعدون اسبوعين في زيلامسي..وشهر العسل مو حلو التنقل كثير...ممكن ايطاليا وفرنسا ترى احلى او اليونان وايطاليا..بس مانصح بالمانيا كلش..
المالديف حلوه لو كان شهر العسل اسبوع مثلا لان اسبوع اصلا وايد عليها..هي حق 4 ايام او 5 بالكثير..هدوء وراحه وبحر وبساطه بس مافيها شي ثاني
استراليا خيار حلو بعد وممكن هونغ كونغ واستراليا...
والي قال موريشس وسيشل وروما وبرشلونه مادري مدريد..ترى التخطيط خطأ لان كل بلد في مكان..وصعب التنقل ..لما تختار دول لازم تكون قريب من بعض..
بس الصراحه لو شخص عنده امكانيه بدل مايضيعها في المانيا ولي حولها يروح امريكا احلى واونس

[N7eEeS]

مبروك اولا :)
وثانيا حددي متى وقت السفر بيكون على اساس نقدر نرشح لج دولة حتى يكون الجو مناسب ويفضل المده.

[نشميّه]

الاعلاميه لو بعد شهر ..
انصحج لا جزيره ولا شي ملحوق عليها ..
لندن وباليورو ستار باريس .. وبالقطار سويسرا ..
ماتنفع الا لندن في هالبراد والوناسه وبلاد عارفتها
وتونس فيها القهاوي والمطاعم والشوبنج والحياه
وباريس تمشي و يورو ديزني وعقب تبين سويسرا ولا ايطاليا ...
تروحين سويسرا 3 ايام روما يومين فينيس :)

[كلي أمل]

اختي انا معظم هلي اللي عرسوا راحوا سويسرا + النمسا


والله يووفقج حبيبتي

[albadawi1]

المالديف كونها مكان هااااااااااادي وايد رومانسي عن تجربة سياحية

[الاعــلامية]

ألف مبروك الإعلامية .. و بالذرية الصالحة إن شاء الله ..



أميــن

والف شكر ... بس فكرة الموضوع عامة مب لي بــس :shy:

[الاعــلامية]

زيلامسي " الافضل " .... :)



:victory:

حلووووووة وايد ... ورومانسية

[الاعــلامية]

دارفور :eek5:

















:secret:










ماليزيا حلوه لشهر العسل

وما شاء الله الأخوان ماقصور

بالتوفيق :nice:


دااارفووور ممكن الواحد يفكر فيها .. هههههههه :tease:


ماليزيا وايد اعضااء موافقين عليها .. بس انا مااشوفها حلوة لشهر عسل وهذي وجهة نظر

:victory:

[الاعــلامية]

شرق آسيا + استراليا


امممممممم باظلوووف بس مب كانه استراليا وايد بعيدة

حطوا في بالكم انها اول سفرة للمتزوجين مع بعض :omen2:

الف شكر

[الاعــلامية]

اي مكان يعتمد على امكانيه الزوج
ومزاجهم .. مثلا في ناس يحبون الرومنسيه والطبيعيه
وفي ناس تبي تروح اسواق وملاهي
وفي ناس عادي اي شي

:victory:

اوااافقج الرااي العنود

لازم الزوجين يحطون جدول بأمكانياتهم
ورغبتهم يبون تسوووق ولا تمشي ولا وناسة وملاهي ولا شواطي

بس عموما انا اشووف ان شهر العسل لازم يبتعد عن التسوووق اللي ماله داعي
يعني العروس بتكون اساسا توها متشريه اغراض العرس ..
مايمنع انها تتشرى شيء بسيط لها او لأهل زوجها او اهلها كهديه بسيطة وذكرى
مب تشقل ههههه

الله يوفق الجميع

[كبتشينوو]

ميونخ 4 ايااام وبعدها زلام سي 4 ايام

وفينا بعد اربع اايام وتحلو السفره بسياره

لان الطريق وايد حلو ومايضيع والى يبي احداثيات

عندي موجوده حتى الباركنات الى مجانا لان السياره راح تخليك

تروح اى مكان يعنى فيه مناطق حلوه قريب ميونخ وغيرها والسواقه مافي اسهل منها

[بــوعــوف]

مبروك مقدما ..


احلى مكان رحت له في حياتي ( انترلاكن ) في سويسرا .. مكان هادي وحلو ومافيه بلشتيه :nice:


ترى هي مدينة صغيرة في طبيعة وبحيرة و أنشطة .. تشبه زلامسي بس فيها نشاط ..

تصلح حق اسبوع بس .. يعني اللي بيروح اروبا لا تفوته هالمنطقة ..

[قطري vip]

ميونخ زلمسي سلزبورغ فيينا

هذا الاختيار حلووو وبعد عندي اختيار اهو امريكا بصراحه كل ولايه فيها الزود

وعندج تركيا بس بالشمال اعتقد حلووه وايد وخصوصا انها تجمع بين اوروبا واسيا

وبعد قبرص واهي قريبه من تركيا يمدحونها وايد

[بوخالد911]

و اذا شهر ..وين؟ :)



3 ايام سنغافورة

22 يوم استراليا = ملبون + جولد كوست :nice::nice::nice::nice::nice:

5 ايام بانكوك

[نحول]

أسبوع موريشيوس
أسبوع سيشيل
أسبوع مدريد
أسبوع روما

:victory::victory::victory:

[بوخالد911]

شكرا مسيووو خاالد

اللي عجبني في ردك هو التصنيف في المدة المختارة

بس تتوقع استراليا تناسب شهر العســل ؟؟؟؟
وليش ... وهذا الاهم ؟


ولك التقدير

:victory:





هلا

حااضرين

استراليا تصلح ونص

رووحي ملبوورن

وغولك كوست


وحياج شووفي تقريري عنها بتوقيعي


غولد كوست ممتعة جدا

رحللات بحرية
جوية
بررية


مجمعات

مدن ترفيهية بالهبل


البلد آمن جدا جدا

وأرخص من اوروبا:victory:

شعبهم جدا فريندلي = ودوود حبووب:nice:


وزرتها مررتتين والله

ووودي بعد ازوررها

ايييه عليها بس


:nice::nice::nice::nice:

[شويهينــه]

فانكوفر في كندا

اجمل مدينه بالعالم

وانا شفت صور وحده مصورتها صج شي خيالي

الطبيعه ولا احلى

[(وكراوية)]

المالديف ..^_^..


http://www.al3sr.com/vb/uploaded/30_1162678836.jpg

[عذوبـة قلم]

.♦. ♠ .♦
:
♥
:

.. المالديف ..

http://farm4.static.flickr.com/3184/2660434057_d348ef2f39.jpg

جزر رومانسية .. اجواء استوائية .. هدوء نفسي ..
مزيج بين البحر والطبيعة .. وعنوان المتزوجين حديثا لقضاء أفضل شهر عسل ..

يتميز الطقس بالدفء ويبدأ الفصل الممطر الخفيف ابتداء من شهر ابريل (نيسان)
لغاية اكتوبر(تشرين الاول) ..
والطقس المعتدل يبدأ من شهر ديسمبر(كانون الاول) لغاية مارس(اذار) ..
وتعتبر الفترة الانسب للزيارة خلال فصل الشتاء حيث يكون الجو دافئا ومشمسا ..


ويمكنكـِ التعرف على المزيد عن هذه الجزر من خلال مواضيع إخواني الاعضاء

(( تقريــر مصوّر )) الرحلـة السلطانيــة إلى جــزر المالديف بقلم: السلطــــان

http://www.qatarshares.com/vb/showthread.php?t=188290&highlight=%C7%E1%E3%C7%E1%CF%ED%DD

السياحه في جزر المالديف بقلم: ناصيف

http://www.qatarshares.com/vb/showpost.php?p=4529521&postcount=1


آلف مبروكـ مقدمـاً .. تقبلي تحياتي القلبيـه لكـِ .. والله ولي التوفيـق ..

http://www.xx5xx.com/vb/images/smilies/9965.gif
:
♥
:
.. ع ـذوبـة الـ ق ـلم ..

[ضوى]

كيرلا رووووووووووووعة

شوفي الرابط

http://travel.maktoob.com/vb/travel216304/

سيرلانكا لا تستهينين فيها خيااااااااااال الطبيعة فيها

[findi]

المالديف أو انترلاكن ( سويسرا )


لأني اعشق البحر والطبيعه

[cavok]

انا الحين في vienna وبصراحة ولا اروع من ناحية الجو يا سلام وبسياحتها متع عيونك بمناظرها السياحية ---------------- ومبروووووووووووووووووووك

[ثاني]

الله يوفقكم يارب
السفره تعتمد على الميزانيه المرصوده
ماليزيا حلوه وتصلح لشهر العسل
ويفضل في حال تنقلكم بين الجزر والمناطق تاخذون لكم في كل مكان 3 ليالي

والمالديف من اروع الاماكن وبس بشرط انكم تحبون البحر والسباحه

[MaRuKoO]

تاليند وماليزيا وبسسسسسسسسسسس شهر العسل هناااك مممتع ومسلي واكشن هههه :victory:
والقرار لج :)


وبالتوفيق حبيبتي

[شقرديه]

تركيــــــــا

جوها الحين ششششششي لاتفوتج مطر وطبيعه وكل شي وانصحج باستراليا :) موووفقه يااارب

[nym]

زيلامسي وفيينا

[جرير]

وايد . . . احشرونا العالم زيلامسي وزيلامسي

بس حق التقليد وانا رحت هناك واحنا رحنا هناك

من زينها الحين . . فيه مناطق احلى منها بميه مره

[آنــه]

واجد اشياء تحكم الاختيار

1- المده
2- الميزانيه
3- طبيعة العرسان ( يحبون الهدوء ولا الصخب او الراحه او المغامره )
4- القناعه
5- التوقيت في اي اشهر السنه ( الطقس \ الفصول )

اعرف واجد راحو شرق اسيا وما طاب لهم المكان وتمنو انهم يروحون مكان ثاني
ووايد ناس قررو يقضون عشر ايام في امريكا وردوا ما كفاهم الوقت
ووايد ناس راحوا زيلامسي وانتر لاكن فلشتا ماحبوها وفي ناس راحوا في الصيف شرق اسيا وما حبوها

انا احس هالشي راجع للاثنين نفسهم يتفقون على اي مكان ويعيشون تخطيط هم بنفسهم مختارينه
يعني اعرف وحده راحت الهند شهر العسل مع انها هي وهو ما يعرفون شي عن هالبلاد وكانت ذكرى حلوه لهم
واعرف وحده راحت مصر وبعد هي وجها ما قد طبوها واستمتعوا باختياراتهم لان هالشي ناتج عن شي
هم مقتنعين فيه

والف مبروك للجميع وعقبال العزاب ان شاء الله

طبيعه خضراء ( زيلامسي \ انترلكن \ سالزبورغ \ انسي \ لوزيرن \ شامونيه في الصيف = كيرلا ماليزيا تايلند اندونيسيافي الشتا يكون جوهم معتدل لانهم مناطق استوائيه ودايما جوهم حار وممطر )

بحر وسواحل جميله ( كان \ لوزان \ مونترو \ جنيف \ برايتون \ سكاربرا \ جزؤ موؤيشيوس \ المالديف \ تايلتد \ ماليزيا \ قبرص )

ما اعرف شنو اكتب زياده بس التفكير والاقتراحات حلو تكون بين الاثنين مب عن تجارب الناس

احترامي

[لوردغاليري]

ميونخ زلمسي سلزبورغ

وطبعا يعتمد ع الميزانيه والمدة اول

ومبرووووووووووك للصبايا

[البعد الخامس]

أبتعدي عن البلدان التاليه ميونخ وزيلامسيه وسالزبورغ

أنت بشهر العسل وهالأماكن ما تصلح لهالمناسبه

يفضل الذهاب لأماكن مب مستهلكه من السياح

[أم طم طم]

امريكا
انا مارحت لها بس من كثر ماسمعت عنها

[سنطره]

انصحكم بالنمسا والله انها جنة في الارض طبيعة خيالية (خاصة منطقة سازبورغ وزيلامسي)
النمسا احلى من ماليزيا بمليون مرة

[الريمي قطر]

والله النمسا حلوووووووووة وماليزيا حلوووووووووة بعد والحلو انك لو طلعت برا في الجزر مثل لانجاوي و جنتنق صج ونااااااااااااااااسه

[ABDALAZiZ]

الصراحه جنيف وااايد رومانسيه رحت لها ف شهر العسل :)
ومافيها عرب وايد بعيد عن الحشره .. وانترلاخن بعد فضيعه ..
وف سويسرا .. في قلعه اسمها قلعة الجبن فضيعه .. وعندج بعد بيت هايدي .. وفي اماكن حلووه =)

واذا كنتي بتروحين ألمانيا انصحج تروحين العاب فن تازيا
وااذا كنتي بتروحين بروكسل (بلجيكا) روحي ميني يورب والاموتيوم
واذا بتروحين فرنسا .. احجزي فندق ف ديزني .. وطلي شوي ع برج ايفل ههههه
وايطاليا بعد رومانسيه

بس لندن مانصحج فيها :)

[سماء الرياض]

انا اقول سويسرا وعن تجربه الصراحة وخصوصا انتر لاكن لا تفوتينها (بس غاليــــة)

ومبروك

[مشاغب]

بتوفيق للمتزوجين الجدد ولفال لنى انشالله

[FHN]

طبعا بدون كلام سالمسي وسانس برغ كنت اتمنى اروح شهر العسل مكان حلو وما الله كتب بس صج هامناطق ما تنسي

[نحول]

بلاد مايدور فيها طخة بوعرب

[أخت الغالي]

المالديف وزيلامسي (= باذن الله

فخاطري ايطاليا اواسبانيا

والاهم يعتمد عالمدة والميزانية .. تسلمين

[Don't Try]

ديزني لاند ، باريس ^.^

http://www.britannica.com/blogs/wp-content/uploads/2009/04/disneylandparis2.jpg




تحياتي للجميع ،، والف مبروك

[مـراحـب]

وايد . . . احشرونا العالم زيلامسي وزيلامسي

بس حق التقليد وانا رحت هناك واحنا رحنا هناك

من زينها الحين . . فيه مناطق احلى منها بميه مره

ليش معصب
ههههههههههههههه

أنا خاطري أروح لها من كثر الأقاويل عنها

[مـراحـب]

وبعد في خاطري

جزر المالديف


روعه بمعنى الكلمه

[سنطره]

(النمسا) سالزبورغ +زيلامسي+ميونخ
النمسا صج صج روعة واللي يروح لها مرة ما تكفي (جنة في الارض) وطبيعة خلابة

[العمـادي]

ماليزيا

لانه فعلا بلد شهر العسل

[بنت الحرمي]

اذا اوروبا : باريس اكيد ، او المناطق الاتيه في ايطاليا فيرونا ، فينيسيا و فلورنس

وفي امريكا فلوريدا (ميامي) ، هاواي ، والساحل الشرقي ( كالفورنيا واوريغن)

وبالتوفيق ان شاءالله

[نظرة شجاع]

صراحة اتمنا ان اقضي شهر العسل في اجمل الدول في العالم ؟؟ لكن عندي سؤال هل شهر العسل في بلاد الكفر جائز ام لا ؟؟

[omar77]

العراق

[عالم الخليج]

انا رحت مع زوجتي شهر العسل في تايلند 25 يوم وناسه من قلب
وبعدين ابي اروح مره ثانيه مع الربع ارفضت زوجتي مادري ليش :cry::cry::cry::cry::cry:

[حمد 2002]

العراق

:eek5::rolleyes2:

[آنــه]

الصراحه جنيف وااايد رومانسيه رحت لها ف شهر العسل :)
ومافيها عرب وايد بعيد عن الحشره .. وانترلاخن بعد فضيعه ..
وف سويسرا .. في قلعه اسمها قلعة الجبن فضيعه .. وعندج بعد بيت هايدي .. وفي اماكن حلووه =)

واذا كنتي بتروحين ألمانيا انصحج تروحين العاب فن تازيا
وااذا كنتي بتروحين بروكسل (بلجيكا) روحي ميني يورب والاموتيوم
واذا بتروحين فرنسا .. احجزي فندق ف ديزني .. وطلي شوي ع برج ايفل ههههه
وايطاليا بعد رومانسيه

بس لندن مانصحج فيها :)


بلجيكا ما اتفق وياك فيها هالبلاد اللي يروحها يعذب نفسه صراحه على الفاضي
البلاد بكبرها مافيها انشظه الا في الصيف في ساحة البلديه
الا اذا تبون اسم انكم رحتوا بلاد ما قد رحتوها
فرنسا ما انصح لان كل اللي راحوا تضايقوا
من تعامل الفرنسيين فيهم وقاحه وقلة ادب مب طبيعيه
ممكن في يورو دزني فيه احترام لكن باريس << وعع وخصوصا في الصيف
ايطاليا ما اقدر احكم عليها وايد بس ميلان اللي قعدت فيها تقريبا 3 ايام وايد غاليه وفي رايي ما تستاهل كل هالغلاء وقالوا لي ايطاليات كانوا وياي في الدراسه وكم وحده تعرفت عليهم ان ايطاليا كلها في صوب وميلان في صوب ثاني وان شاء الله اذا الله اراد مقررين نروح ايطاليا هالمره بس نبي اماكن ثانيه ابعد من ميلان

ووووو بس

[الخامس]

اخوي انا رحت شهر العسل في مدينة زلامسي
هذة المدينة هي هي جنة الله في ارضة بــــــس
احسن تروح في الصيف حلشان المناضر تكون احلى

[Candycane]

اختي مثل ما قالوا الاخوان
يعتمد على الميزانيه والمده

انا رايي

ماليزيا ..
عن تجربه عاديه جدا بس مادري ليش
وايد تشوفين نااس في شهر عسلهم يرحون لها

المالديف

عال العال بس 4 ايام وايد عليها
يعني لازم تروحين مكان قريبه بعدها
ومافي الا شرق اسيا

انا اقوول

مكه وبعدها سيده فرنسا
والقطار مايقصر روحي سويسرا وبلجيكا والي ودج
:)

[ريد قطر]

احب فرنسا اتينن وسويسرا فيها مناطق عجيبة جنج في حلم اذا حبيتي بجيبلج اساميها نصيحتي لج لا اتكثرين بلد واحد او اثنين يكفي تجمع الاغراض وترتيب الشنط ايتعب . اشتبين بشهر وايد اسبوعين ايكفون .

[بزنس وبس]

المالديف وماليزيا

[سنطره]

النمسا حلوة موت ولكن لا انصحكم في الشتاء لان البحيرات تكون جليد
حلاتها بالصيف من شهر 6 وطالع

[HAYA]

لقد سافرت لمعظم الدول التي ذكرها الاخوان والاخوات ، ولم أجد أجمل ولا أروع من
تركيـــــــــا ....
وهي البديل الأفضل عن الدول الأوروبية التي كرهنا زيارتها بعد موجة العنصرية التي طغت عليها ، وخصوصا الرسوم المسيئة لرسولنا الكريم حيث كانت تتباهى هذه الدول بإعادة عرض الرسوم نكاية بالمسلمين ، فحبا في ديننا وتعظيما لرسولنا يجب أن نقاطع هذه الدول ، ولم أجد البديل إلا في تركيــــا الساحرة .
الطبيعة في الشمال التركي أجمل من الطبيعة في سائر المدن الأوروبية التي زرتها ، الطبيعة في تركيا تجملها الشلالات الكثيرة التي ترافقك في معظم رحلاتك ، هذا بالإضافة إلى كثرة المطاعم والمنتجعات الجميلة ، أما المساجد فحدثي ولا حرج ، فالأذان الشجي تسمعينه أينما كنت في تركيــــا فوق الجبال وفي البحار وفي الأسواق ، وستجدين حبا جارفا للعرب لدى أهل الشمال فما إن يروا عربيا حتى يبادروا بالسلام عليه مستبشرين لأننا من المناطق المجاورة للحرم . يكفي أنك تأكلين وتشربين في هذا البلد المسلم وانت آمنة مطمئنة من شر الخنزير و الكحول التي تجدينها في الدول الأوروبية في الحلويات والكيكات والسلطات والآيسكريم بل وحتى بعض أنواع القهوة !!!
أتمنى أن يكتشف أهل قطـــر جمال تركيا المتنوع من طبيعة خلابة وإمكانات سياحية هائلة ، وأسواق حديثة وبضاعة رائعة ومتاحف ومساجد ومطاعم .
باختصـــار كل شيء تجدينه هناك .... زوري بوابة تركيا في منتدى العرب المسافرون لتكتشفي جمالها وسحرها .... والله يوفقك ويسعدك .

[فارس الكلمة]

أين في الشمال التركي أختي هيا .. ؟ ما هي أسماء المناطق هناك .. ؟

و كم تبعد عن اسطنبول ..؟ هل تقصدين بورصا .. و يلوى و ترمال .. و أبان ..؟

[HAYA]

السلام عليكم أخي الكريم فارس الكلمة :أقصد المناطق المطلة والقريبة من البحر الأسود ، وأكبر مدينة هناك هي طرابزون بالإضافة إلى مدن أخرى مثل ريزا وأوف وغيرها، بإمكانكم السفر بالطائرة من اسطنبول إلى طرابزون أو كما يفعل العديد من الأخوة السعوديين بالسفر برا عن طريق الأردن وسوريا إلى تلك المناطق الساحرة بطبيعتها .
صدقني أخي الفاضل : لقد سافرت إلى معظم دول أوروبا وأمريكا وكندا ودول آسيا وأكثر الدول العربية وجميع الدول الخليجية ولم أنبهر يوما بأية منطقة كما انبهرت بالشمال التركي تحديدا ، ومهما أعبر فلن أفي تلك المناطق حقها ، فمنطقة كأوزنجول مثلا اكتشفها الخليجيون وأصبحت مستعمرة خليجية للعائلات المحافظة ، وهي منطقة خيال ، الجبال الخضراء تحيط بالبحيرة الكبيرة التي يتوسطها المسجد الجامع ، والجو الغائم البارد صيفا ، والشلالات التي تسمع خريرها وتلمس برودة مائها ، بالإضافة إلى الموتيلات والبنسيونات والمطاعم الجميلة التي تحيط بالبحيرة ، وصوت الأذان في كل وقت يضيف سحرا خاصا على تلك المنطقة الخلابة ، ولن ترى عينك هناك المناظر الخليعة التي تراها في أوروبا ، فالأهالي محافظون ويحبون العرب حبا جما لأنهم يعتقدون أن أهل الخليج جميعا هم من أهل الحرمين ، فيكرمونك بالهدايا وبالسلام والترحاب مما يبعث في النفس الطمأنينة والسرور . العائلات الخليجية تقيم هناك لمدد طويلة وتستأجر بيوت الأهالي لتستمتع بالجو والطبيعة في جو إسلامي رائع .
أخي الكريم : صدقني لن تسعفني الكلمات لوصف هذه المناظق التي لم يكتشفها أهل قطر بعد ( إلا القلة القليلة ) فأحيلك إلى منتدى العرب المسافرون / بوابة تركيا / قسم التقارير المصورة عن تركيا .

[فارس الكلمة]

ما شاء الله .. ( عيشتينا ) الجو على حقيقته .. أنا زرت تركيا قبل سنتين .. لكني للأسف

لم أقم بزيارة تلك المناطق الشمالية .. و أخشى أن تكون هذه المناطق ممتلئة بالسياح ..

و لن تجدي وقتها مكاناً تسكني فيه هناك .. بسبب محدودية السكن عادة في هذه المناطق .. و هو ما يتطلب

الحجز مسبقاً .. تحية لك ...

[بو الجوري]

أسبوع موريشيوس
أسبوع سيشيل
أسبوع مدريد
أسبوع روما

هييييييه ذكرتني بشهر العسل :)

والله أنا أشوف المالديف حلوه :.. و ماليزيا :..

وما أفضل الدول العربيه :.. وطبعاً على حسب الجو :..
روح أي مكان يكون الجو مغيم ومطر خفيف :) عشان تعيش الرومانسيه :)