المساعد الشخصي الرقمي

مشاهدة النسخة كاملة : طريق سلاح الجو .. الواصل بين الوكرة وراس بوعبود


امل الحب
24-09-2009, 04:38 AM
السلام عليكم ورحمة الله وبركااته

هالخط هو اكثر خط شهد تغييرات .. وكانت سهلة نظرا الى انها مجرد سحب شارع شوي واغلاق من الجهة الثانية وهكذا..وتسبب بحوادث لان الاشارات بدون كاميرا ومشاء الله تجاوز الاشارة الحمرا مامقصرين به الشباب ..

من 3 ايام تم افتتاح النفق المواجه لكلية الطيران وهو جهد يشكرون عليه الشركة المنفذه من ناحية الترتيب والتغير التام الي صار فالشارع..

لكن مصيبة هالشارع صار بدون لوحات ارشادية .. ووجود التفافات غريبة فيه .. تودي يمين ويسار مو واضحة"حق كيوبي حق القوات البحرية ووو الخ " اي صوب وحق وين تودي .. لدرجة ان ناس تدخل بالغلط في الشارع الجاي من الجهة المقابلة اذا كان فاضي على اساس انه الخط نفسه وماينتبهون الا اذا سيارة جاية من الجهة المقابلة ويضطر يرجع ويلف وقصة ..

هالشي ممكن يسبب حوادث وحوداث شنيعة بعد لان السييارتين يكونون متقابلتين والبعض يتجاوز الاشارة الحمرا وبسرعة بعد على هالخط..

شكرا للشركة المنفذة على هالسرعة ولكن الاشارات"اللوحات الارشادية" مطلب عاجل ..

حاولنا نتواصل مع احد العاملين الموجودين عالشارع طببعا لاانجليزي ولاعربي ماستفدنا منه شي..

مقر الشركة غير معروف .. ولكن هذا امر حتمي لايحتمل التأجيل .. والا ياكثر الحوادث الي بتصير :rolleyes2:
بوخليفة3
24-09-2009, 04:50 AM
كلامج عدل اتقولين متاهات

بس الصراحه يعطيهم العافيه شغالين صح هالمرة وخلصوه بفتره معقولة
واذا بيشتغلون بهالطريقة بيخلصون بسرعه الجزء اللي صوب الكيو بي
وترى باقي شغلات بسيطه ويفتحون الجزء هذي كامل

واتفق معاج بخصوص اللوحات الارشادية

ويعطيج العافيه ع الموضوع
برزان1
24-09-2009, 04:56 AM
كلامج عدل اتقولين متاهات

بس الصراحه يعطيهم العافيه شغالين صح هالمرة وخلصوه بفتره معقولة
واذا بيشتغلون بهالطريقة بيخلصون بسرعه الجزء اللي صوب الكيو بي
وترى باقي شغلات بسيطه ويفتحون الجزء هذي كامل

واتفق معاج بخصوص اللوحات الارشادية

ويعطيج العافيه ع الموضوع

شغلهم عدل وماشي سريع لأن مشروع الطريق تحت إشراف الشركة المنفذة لمشروع المطار وليس أشغال
عـ العبيدلي
24-09-2009, 05:10 AM
والله هاي دربي كل يوم حق الدوام ..

شارع مرعب بصراحه .. بس طويل وللاسف الكل يسرع فيه ..

قبل كان يسمونه شارع الموت من كثر الحوادث
اصلا الشارع فيه حنيات خطيره .. و فيه طلعات ونزلات مب عدل الشارع ..
وفنهايته عند الطيران بصراحه مأساه اشاره مادري وين تودي واشاره مادري وين تودي

طريق غريب الله يحفظ الجميع
هدهد سليمان
24-09-2009, 05:22 AM
مؤيد لهلكلام اللوحات الارشاديه ضروريه والتغيرات الي تحدث فجائيه وخصوصا الإشاره اللي توديك صوب المطار الجديدndi وفي نفس الوقت توديك صوب الوكره خطيره جدا واكثر من مره اشوف ناس ما تنتبه تبي تحول من صوب الإشاره على طول الى الشارع الأخر للوكره مما قد يسبب لا سمح الله حوادث مميته بسبب عدم وجود لوحات ارشاديه واضحه المعلم !
يعطيك العافيه اختي امل لحب
GULFSUN
24-09-2009, 05:37 AM
البارحه وانا جاي من فندق الخليج ( سابقا ) دخلت النفق ( مافية ردار ) وطلعت منه تحول الشارع الى مسارين واحد يمين الى الوكرة والثاني سيدة , رحت سيده الا انا وسط اشارات بتوديني للمطار الجديد سويت يو تيرن وركبت من فوق الجسر ورجعت مرة ثانية وخذيت المخرج يمن على شان اروح الوكرة (فية لوحة بلنجليزي وصغير وغير واضحه الا للي على سيكل ) المرور مطلوب منهم متابعه اللوحات الارشادية وتنبيه الشركة.
هدهد سليمان
24-09-2009, 05:45 AM
البارحه وانا جاي من فندق الخليج ( سابقا ) دخلت النفق ( مافية ردار ) وطلعت منه تحول الشارع الى مسارين واحد يمين الى الوكرة والثاني سيدة , رحت سيده الا انا وسط اشارات بتوديني للمطار الجديد سويت يو تيرن وركبت من فوق الجسر ورجعت مرة ثانية وخذيت المخرج يمن على شان اروح الوكرة (فية لوحة بلنجليزي وصغير وغير واضحه الا للي على سيكل ) المرور مطلوب منهم متابعه اللوحات الارشادية وتنبيه الشركة.


ترى اهم شي في السالفه ان ما في رادار :nice:
GULFSUN
24-09-2009, 05:50 AM
ترى اهم شي في السالفه ان ما في رادار :nice:

والسيكل بعد طال عمرك
_بوشهاب_
24-09-2009, 06:37 PM
والله انا ماكسر سيارتي غير هذا الشارع من الــ كيو بي لين الكورنيش

الشارع تعبان ورفعات ونزلات الجامبينات راحت وكراسي المكينه راحت
امل الحب
28-09-2009, 11:02 PM
كلامج عدل اتقولين متاهات

بس الصراحه يعطيهم العافيه شغالين صح هالمرة وخلصوه بفتره معقولة
واذا بيشتغلون بهالطريقة بيخلصون بسرعه الجزء اللي صوب الكيو بي
وترى باقي شغلات بسيطه ويفتحون الجزء هذي كامل

واتفق معاج بخصوص اللوحات الارشادية

ويعطيج العافيه ع الموضوع

الله يعاافيك ومازال فيه نوع من المشاكل لازم حلها بهالشارع


شغلهم عدل وماشي سريع لأن مشروع الطريق تحت إشراف الشركة المنفذة لمشروع المطار وليس أشغال

محد ينكر هالكلام وكلامك صحيح 100%


والله هاي دربي كل يوم حق الدوام ..

شارع مرعب بصراحه .. بس طويل وللاسف الكل يسرع فيه ..

قبل كان يسمونه شارع الموت من كثر الحوادث
اصلا الشارع فيه حنيات خطيره .. و فيه طلعات ونزلات مب عدل الشارع ..
وفنهايته عند الطيران بصراحه مأساه اشاره مادري وين تودي واشاره مادري وين تودي

طريق غريب الله يحفظ الجميع

امين ويحفظك ان شاء الله



مؤيد لهلكلام اللوحات الارشاديه ضروريه والتغيرات الي تحدث فجائيه وخصوصا الإشاره اللي توديك صوب المطار الجديدndi وفي نفس الوقت توديك صوب الوكره خطيره جدا واكثر من مره اشوف ناس ما تنتبه تبي تحول من صوب الإشاره على طول الى الشارع الأخر للوكره مما قد يسبب لا سمح الله حوادث مميته بسبب عدم وجود لوحات ارشاديه واضحه المعلم !
يعطيك العافيه اختي امل لحب


الله يعاافيك وكلامك صحيح 100%


والله انا ماكسر سيارتي غير هذا الشارع من الــ كيو بي لين الكورنيش

الشارع تعبان ورفعات ونزلات الجامبينات راحت وكراسي المكينه راحت

ههههههههههه خفت عالسيارة الله يحفظك .. اهم شي النفوس لاتروح والسبب سوء تخطيط


البارحه وانا جاي من فندق الخليج ( سابقا ) دخلت النفق ( مافية ردار ) وطلعت منه تحول الشارع الى مسارين واحد يمين الى الوكرة والثاني سيدة , رحت سيده الا انا وسط اشارات بتوديني للمطار الجديد سويت يو تيرن وركبت من فوق الجسر ورجعت مرة ثانية وخذيت المخرج يمن على شان اروح الوكرة (فية لوحة بلنجليزي وصغير وغير واضحه الا للي على سيكل ) المرور مطلوب منهم متابعه اللوحات الارشادية وتنبيه الشركة.

لوحة صغيرة ماتنفع :)
امل الحب
28-09-2009, 11:06 PM
بخصوص هالموضوع تم وضع اللفتات الي نسميها Solar signs بس نوعية رديئة بصراحة وماحلت المشكلة حل كامل ..

ويواجة الشارع مشكلتين جداد ..

الاولى الاشارة الي بعد النفق .. مالها داعي وممكن تزيد نسبة الحوادث خصوصا وانها طلعت فجأة وماكانت موجودة قبل ..

الثانية الU turns الي على الطريق مقابل "شرق" خطرة جدا جدا لاي حد ممكن يطلع ومايهتم بلي جاي من الجهة الثانية ..

الله يحفظكم .. :)
رمــش الغلا
28-09-2009, 11:07 PM
والله انا افتر راسي وضيعت
يايه من الوكرة باروح الشغل مادليت :(
امل الحب
29-09-2009, 06:29 AM
والله انا افتر راسي وضيعت
يايه من الوكرة باروح الشغل مادليت :(

هههههههههههههههه .. شصار على الدوام يومها..

ركزي وخلج ورا الي رايحين او روحي من اشارات عبدالغني .. :)
ساحل الشمال
29-09-2009, 12:53 PM
موضوع جيد واتمنى توصل ملاحظات الاخوان للجهة المسئولة عن الطرق في الدولة .وشكرا لصاحبة الموضوع.
فلفل حار
30-09-2009, 01:05 AM
الله يكون بعونكم يا آمل ...
شبه الملاك
30-09-2009, 01:35 AM
البارحه وانا جاي من فندق الخليج ( سابقا ) دخلت النفق ( مافية ردار ) وطلعت منه تحول الشارع الى مسارين واحد يمين الى الوكرة والثاني سيدة , رحت سيده الا انا وسط اشارات بتوديني للمطار الجديد سويت يو تيرن وركبت من فوق الجسر ورجعت مرة ثانية وخذيت المخرج يمن على شان اروح الوكرة (فية لوحة بلنجليزي وصغير وغير واضحه الا للي على سيكل ) المرور مطلوب منهم متابعه اللوحات الارشادية وتنبيه الشركة.

خخخخ نفس اللي صار ويانا اليوم ... الشارع فيه واايد لفات
بوالفاروق
30-09-2009, 03:24 AM
هههههههههههه اي والله المكان غريب بعد ما افتحوا النفق

والله نزلت النفق وانا اتلفت اقول اطلع صوب القوات البحريه
ولا مكان واتوهق .. بغيت اكمل للوكره وما شفت الطريج

حتى ولد خالتي في كلية الطيران يقول توهقت اول يوم دوام عقب العيد
امل الحب
03-10-2009, 10:59 PM
موضوع جيد واتمنى توصل ملاحظات الاخوان للجهة المسئولة عن الطرق في الدولة .وشكرا لصاحبة الموضوع.

العفووو


الله يكون بعونكم يا آمل ...

بعون الجميع اخ فلفل ..ومرتادين هالطريق يوميا