إختبار فحص القيادة أصبح لاينفع حاليا -- أخونا جاجاسم

[GENIUS]

السلام عليكم ورحمة الله وبركاته.

أخونا جاجاسم الفاضل .

بصراحة تعبنا من طريقة قيادة السائقين الجدد وبالذات بعض الوافدين بدون تحديد جنسية أو فئة معينة يعني مستحيل تطلع أي مشوار بدون ما يتحرش فيك واحد من هؤلاء .

بصفتك جهة الوصل بيننا وبين إدارة المرور يرجى الأخد بالإعتبار هذه النقاط المهمة

مدارس تعليم القيادة المنتشرة في البلاد تقوم بتعليم منتسبيها القيادة لهدف واحد وهو كيف يجتاز الفحص فقط.

لا يتم تعليم منتسبي هذه المدارس طريقة القيادة على طريق ذو إتجاهين أو شارع بمسارين مختلفين ولك أقرب مثال في الطريق الممتد من مساكن بروة بإتجاه دوار وقود أذهب وأنظر طريقة القيادة وسترى العجاب .

عدم فهم كيفية إنسياب الحركة المرورية في دخول الدوار سواء كان دوارا عاديا أم ذو إشارات ذكية فستراه يهجم عليك بسيارته وهو لا يعرف لمن الأولوية .

عدم الإلمام بقوانين وقواعد القيادة في إلتزام المسارات الصحيحة سواء في الشارع أو في دخول الدوار أو حتى عند الإشارات الضوئية .

وغيرها الكثير لكن المطلب الأساسي هو تغيير إختبار القيادة وجعله أكثر صرامة بدلا من أن يتحرك في خط مستقيم ثم يتوقف فقط .ويعتبر ناجح ويستلم الرخصة .

أعتقد بأن الأخوة الكرام سيضيفون المزيد من الملاحظات.

ولكم جميعا جزيل الشكر والتقدير والإحترام

[BURBERRY]

الحل ان يحطون لهم متروو نفس دبي و يفكونا من الزحمه

[وطن]

:(

لا تزيد المواجع خلني قد نسيت

انا نفسيتي تعبت
وصرت كله عبري مالي خلق السواقه بسببهم وبسبب الرادارات

حتى طلعاتي من البيت خفت بنسبة كبيــــــــــرة جدا :(

لا تدريب سنع ولا اختبارات سنعة
وهادينهم لنا في الشوارع حق حرقة الدم :(

[ثرية]

بصراحه باقولكم وبكل صرااحه

التدريب تعبان الى ابعد الحدود في التدريب يحوطون المدربين بالمتدرب في الفرجان الي مافيها سيايررر

يعني السايق المتدرب يعرف يسوق في شوارع فاضيه من السيايير

ثانيا الامتحان ايكون في نفس المنطقه الي تدرب فيها والي هي فاضيه من السيايير ويكون الامتحان اقل من 3 دقايق طيب انتوا شلون حكمتوا عالشخص انه سواق ممتاز ويستاهل الليسن


ولا اللحين انا شلون نجحت وخذت ليسن انا نفسي مادري شلون خذت ليسن

اول ماركبت سياره الاختبار قالي اوه شكلج متمكنه استانست وسكت وقلت شكلي خذت الليسن قبل الامتحان وفعلا توني ادوس الريس ومشيت شوي الا ايقولي خلاص بس والشارع كان شبه معدم من السيارات يعني ماحسيت بخوف ولا والي يضحك والامتحان ايكون الصبح

انا باقولكم تبون السواق يطلع عدل ويسوق صح خلوا الامتحان عالمغرب وقت الزحمه صوب الاسواق عند الدوارات المزحومه مب في شوارع معدمه من السيايير

واهم شي صار عندي ليسن وانا سواقتي متوسطه قولوا لي وين العدل للعلم انا خذت الليسن بس ماسوق ومازال للدريول ايوديني ويجيبني

[(حوريه)]

تعليم السواقه

لازم يكون عملي ونظري

المفروض المدرسه تعطي المتدرب كتيبات ومنشورات تبين له قواعد المرور والتصرف في الازمات والاهتمام بالسياره

المشكله نحن في زمن الماده اهم شي عند المدرسه استلام المبلغ كامل

واهم شي عن المدرب انهاء الحصه استلام راتبه

يعني يقع حمل التعلم على المتدرب عليه هو تثقيف نفسة والانتباه وممارسه السواقه في الشوارع وخوض التجارب الى ان يصبح سائق درجه اولى .

يعني الصبر يا سائقين على السائق الجديد لنعطيه فرصه يثبت وجوده ويتعلم من اخطاءه

[doha70999]

والله انا ريحت راسي لما شفت العالم صايرين زيرو في السواقة قمت ما اطلع من البيت وايد واذا اطلع اسوق على راحتييييييييييييييي على اليمين واذا اليسار فاضي اخذه اهم شي اوصل البيت ولا المكان اللي ابيه وانا بعافيتي ولا اعصب ولاشي لان مافي شي يستاهل واهم شي صحتي ومزاجي واذا الواحد بيحط دوبه ودةب كل واحد مايعرف يسوق ويلف عليه ولا اللي يمشي على الخطيين اللي صايره موضه هالايام ،،صدقوني بيروح بيته وضغطه اوووووووفر :nice:

[alrheeb2020]

والله ناس ماتعرف اتسوق واغلبهم من الجنسيه الاسيويه !!!

يبطون جبدك خاطرك تنزل تعطيهم طرااق يتعلمون السواقه من بعدها ويمشون صح !!

[شاهيناز]

وايد ناس في الشارع ماتعرف تسوق وخاصه عند الدوار كم مره كنا بندعم احمد الله سايقنا يعرف يسوق ويسوق ببطئ
ولا كان رحنا فيها

مايصبر عند الدور يمشي على طول واحنا جاييين اووف الشوارع صارت مرعبه
انا ماطلع الا النهار
مره طلعت في الليل وصار لي حادث:weeping:

[HIGHNESS]

والله ناس ماتعرف اتسوق واغلبهم من الجنسيه الاسيويه !!!

يبطون جبدك خاطرك تنزل تعطيهم طرااق يتعلمون السواقه من بعدها ويمشون صح !!

بذمتكم الآسيوين شيسوقون في بلادهم ... ؟؟ كروزر ولا بي ام ولا فراري ؟؟؟ :rolleyes2:... شي طبيعي ماراح يعرف يسوق وبالذات بين اهل قطر ( ولو انه بعضهم مخالفين ) لكنهم محترفين في السواقة ... هاذي نقطة ..
النقطة الثانية .. في بعض الوافدين ماعندهم اصلاً نظام مروري في بلادهم يعني الشارع ملك الجميع كل واحد يسوق على هواه ... ولما يجي عندنا راح يسوق مثل مايسوق في بلاده صح ولا لا ؟؟ :thumbdown:

ومسألة التحرش بالسيارات والهجوم عليها والسواقة بطريقة خاطئة ..اتوقع هذا مايخص جنسية معينه ... ولو ان الأغلبية هي من الوافدين .. في الاخير السواقه يبي لها فن وتركيز وطولة بال ولازم الواحد يعرف يتصرف في آخر لحظة ... :)

الواحد في هالزمن صار مايخاف يسوق من الحوادث .. الا يخاف من الذنوب اللي ياخذها وهو يسب العالم في الشارع ويدعي عليهم ههههههههههههه ...:anger2:

تقبلوا مروري...