تفتيش الخدامات [الأرشيف] - منتديات شبكة الأسهم القطرية

بوحمد2

24-09-2009, 08:14 PM

السلام عليكم ورحمة الله وبركاته
حابه اسأل عن تفتيش الخدامات اذا تعرفون احد يفتش لي خدامتي اذا جات تروح ابي واحدة تعرف قويه وتعرف مخابئ الخدامات ووين يخشون الاغراض ابيها تفتشها في نفسها وتفتش شناطها
جزاكم الله خير

لاتفتشيها؟ بس تمي طالعيها بنظره رسميه بدون اي ضحك وبدون اي مجامله وهي من نفسها بتخااااف لو كانت تخطط في شي او مبيته النيه وبتحس انك مش هينه وممكن تخاف منك وتترك الشي الي كانت بتسويه وبتحس انه امرها انكشف ...اتمنى تجربي الطريقه وتقولي لنا اشصار

QATAR 11

24-09-2009, 08:16 PM

:eek5::eek5::omg::omg:

الموضوع غريب

alrheeb2020

24-09-2009, 08:16 PM

لاتحطين جدامها اشياء غاليه ..

او حطي كاميرات فالبيت p:

بوعلي2

24-09-2009, 08:21 PM

:rolleyes2:

المشتاقه الى الجنه

24-09-2009, 10:05 PM

:telephone::telephone:

عبدالرحمن

24-09-2009, 10:16 PM

كلامها صحيح ياما خدمات عندنا سافرو الي شاله وياها عقد الماس ولا خواتم الماس ولا اشياء غاليه ونادرة اذكر عندنا خدامه يوم سافرت اخوي مشالله عليه ولا 7 تلفونات محذفهم في الغرفه شلت منهم واحد بس والحبيب ماحس فيه الا يوم اتصل وشافه رنه خارجيه وعقب اقطعه عقب مالعبت في حسبته شوي
كلام الي طارحه الموضوع صحيح المفروض تفتش صح واتمنى انج انتي تفتشينها احسن عادي مافيها شي حرص ولا تخون

مساهم فنان

25-09-2009, 12:13 AM

طرشي الخدامة إلى مكان خارجي ، وادخلي حجرتها وفتشي شنطتها .

bshayer

25-09-2009, 12:22 AM

بالنسبة لي انا اكلمها واعلمها ان هذا شي طبيعي .....وافتش الشنطه جدامها ..مره ومرتين ..
امم بعد ممكن تودينها تتسوق تشترى لها اغرااض اصلآ
هي بتحن عليج تودينها ..وفي هالفتره خلي احد من الاهل يفتش بعد ...!!والله يستر منهم .بس
الافضل انت تفتشين علشان تثقين اكثر ....>>>ذكريني الخدامه تحن تبي تروح ...يامال الي شاقول ..!!

زقرتي ومزاجي

25-09-2009, 12:28 AM

ذيبة الريان

25-09-2009, 12:46 AM

فتشيها بنفسج آختي ,,
فتشي بين الثياب ,, وفي الجيوب الجانبية ,, وعلب الكريمات وهالاشياء اللي ياخذونهآ معاهم ,,
وحتى البوك فتشيه !
فتشيه كأنه أمر طبيعي عشان ماتحقد عليج ويمديها تسوي لج شي ..
واذا انتي منحرجه من هذا الشي خليها تطلع من البيت , تروح بيت الأهل او تتسوق وفتشي اغراضها .
ولما تفتشين انتبهي أن ماترجع تدخل البيت عشان تاخذ شي ولاشي ...
وان شاءالله ماعليكم شر ..

المتضرعه لله

25-09-2009, 01:07 AM

عادي حبيبتي اذا انتي مستحيه تفتشيها خلي وحده من ربعك تجي وتسوي نفسها طابه على البيت كله تفتشه وتقول مثلا سرقتوني وين اغراضي وتطب بالبيت ومن ثم تاخذ شناطها

وهذا يصير قبل ركوبها السياره مباشره للمطار

بعدها حتى عروة الشنطه تفتشها وتفتش شنطة يدها احيانا يسوون فتحه بين البطانه والجلده حتى كبابة الشعر والكريم تحوس بهم

عادي هي ذالفه منك من حقك تفتشيها بس ترى المعامله الزينه تكسر العين والنفس لج والله انا مصادقتهم مثل خواتي الله لا يحرمني منهم قولوا ماشاء الله علينا والله الكل يحسدنا على بعض عندي ثلاث ومن اخطر الجنسيات اندونسيات لكن ولله الحمد حجوا واعتمروا ومعاملتهم معاملة البنات والاخوات اي والله والله شاهد علي حتى ملابسهم بالعيد ماتتخيلين من وين اجيب لهم من زارا ومارك سبنسر والله علي شاهد :)

يااختي عامليهم زين حتى لما يسافرون يكفي انهم بمنازلنا ويطبخون لنا ومتحملين عيالنا

ALHAJAJI

25-09-2009, 01:36 AM

شوفي هالرابط يمكن يفيدكم
http://www.qatarshares.com/vb/showthread.php?t=302107

كيفـي

25-09-2009, 03:16 AM

الحمد لله عمري مافتشت ولا خدامة..

لاني اعاملهم مثل خواتي.. وابين لهم اني ملاحظة كل شي..

وماتسافر الوحدة الا عقب ماتشبع وتتعلم مني ولله الحمد..

ويارب لاتبليني بخدامة حرامية.. لانه مصيبة..

اذكر خدامة بيت عمي سارقة ذهب ومخيطته في ملابسها..:|

Revamp

25-09-2009, 04:16 AM

هههههههههههههههههههههههههههههههههههههههههه
الله يخلق ومحمد يبتلي...........والله موضوع يفطس من الضحك

غناتي1

25-09-2009, 05:19 AM

الظاهر انج قلبج طيب وما تقدرين تفتشين --

ذكرتيني بوحدة تستحي تفتش خدامتها مع انها متاكدة انها بايقتهم

الورده

25-09-2009, 10:42 AM

جزاكم الله خير على الردود
بس والله اني اعاملهم معامله زينه وارحمهم وحتى اهاوش بناتي عندهم واقومهم معهم واذا جانا مناسبه واتعبوا معي ازيد راتبهم شوي ولكن............................سبحان الله ما فيهم متجمل متعاونين علينا ظهر ان عندهم تيلفونات ويبيعونها على خدامات الجماعه وشرائح ما ادري من اللي مظهرها لهم والمشكله لازالوا يجحدون والله اني اشتري لهم الكروت ويكلمون اهلهم واهلهم يكلمونهم ولاني امنعهم من التلفون
انا اول كنت افتشهم وما احصل شئ بس انا من النوع اللي ما اعرف افتش عدل عشان كذا ابي احد يفتشهم
انا اخاف من السحر ولا انهم ماخذين شئ قلعته ما همني
ليش ما عندنا مثل السعوديه ام زياد اذا طلبوها اصحاب الخدامه تجي تفتش خدمهم

..er..

25-09-2009, 10:45 AM

بنت^البحرين1

25-09-2009, 11:00 AM

مايبي لها شي .. انا اسوي جذي اوديها السوق واخليها تتسوق وتشتري ولين خلاص تأكدت بس مافي زود اقولها روحي تسبحي وتعالي ،، وتقعد في الغرفه وجدامها بنفسي انا اللي ارتب الشنطة قطعة قطعة افحص الثياب واهم شي اختي ركزي على نهايات الثياب ترى يبوقون ويخيطون عليهم.. وعقب لين خلصت وخلاص بنطلعها والله ولا استحي ولا شي خاصه لين كانت مب راجعه لنا ،، اوقفها وافتشها عيني عينك ( ومن هالطريقة صدت خدامة قبل جم سنة بايقة فلوس من كل غرفة شوي لين جمعت له مبلغ وقدره،وخاشتهم في جسمها) !

اختي الموضوع مايبي له شي وسهل ولاتستعينين باي احد،، انتي بنفسج جيبيها وفتشي جدامها وكان الله غفورا رحيما

mooona

25-09-2009, 12:28 PM

صراحة ناس وايد حطوا الكاميرات في المطبخ وغرفتها والصالات وارتاحوا طبعا غرف النوم لما تنظفها يكون حد معاها اللي بي يسلم من شرهم وسلامتكم

قطررررريه

25-09-2009, 01:45 PM

انا بصراحه اقترح ان تكون شرطيات في المطار على مدار الساعة لتفتيش الخدامات المسافرات لبلادهم تفتيش دقيق وفي حالة وجود اي اشتباه بالسحر او السرقة تؤجل سفرها ليوم اويومين ويعمل لها تحقيق بوجود الكفيل وتمنع من دخول البلاد نهائياً وتوضع في البلاك لست ونطهر بلادنا من المشعوذين والحراميه ((الحقوق الفكرية محفوظه ولا احد يبوق فكرتي))

اعقل مرجوجه

25-09-2009, 02:21 PM

زين فتحتي هالموضوع وخذيها نصيحه مني

تووووني مسفره خدامتي الهنديه امس ومصيبتها مصيييييبه ماتتخيلينها

اكتشفت ان عندها جوال وتكلم كللللللل اللي يمرون جدام بيتنا ودرويله وطبابيخ الفريج كله

والله والله احلف لج انها هاااااااديه وطيبه وخدوووومه معاي بس عشان مااكتشفها

ثعبان يبدل جلده مليووون مره

ولاااااا المصيبه انها اغرت الهندي اللي بيوصلها المطار

تخيلي طرشتها الساعه 7 في الليل وموعدها 10 للاقلاع

بس ،،، ان خدمه مطراش ماطرشت رساله عالجوال تسجيل خروجها !!!!

اتصل زوجي المطار وراح لهم قالو له ماتسجل خروج ولا سافرت !!

فاااااااااااار دمه واتصل في الهندي وصررررخ عليه ترى هو خذها عنده واجّل تذكره لليوم الثاني عشان تعطليه ليله حمرا بالرشوه

حسبي الله علييييييييها

من درا ان احنا صدناه على طوووول وداها المطار <<بعد ماشبع منها الله ياخذه هالهندي

اهم شي تفتشين تحت الفراش ترفعينه كاااااااامل يعني بتلقين الخشب أو الحديد للسرير طالعي هي تلف الجوال او شئ ثاني بثيابها

طرشيها بيت اختج او حد وخذي راحتج بالتفتيش حبه حبه

واذا طرشتيها السوق لااااااااازم تفتشين بعد بنفس الطريقه

تراهم حمييييييييير حتى لو تشوفين الطيبه في وجوههم

لاتسكتين عنهم وتعلمي من اللي صار فيني

واكبر دليل روحي شوفي الخدم في المدارس كل وحده ولها جوال ويقعدون يضحكون من الصور ورسايل عشاقهم

أم جود

25-09-2009, 02:22 PM

اللهم لا تبلانا الحمدلله لك يارب خدامتي وايد زينة
وما ابي افتشها لأن الحمدلله مافي شي انسرق مني

أم جود

25-09-2009, 02:24 PM

انا عطيت خدامتي جوال
وهي متزوجة بس اغلب الوقت افتش جوالها
فيه صورها وتطرش صورها حق ريلها
لأني اعرف رقم ريلها
قبل لا اطلع لها جوال كم مرة كلمت ريلها من جوالي وهو يشتغل فالسعودية

اعقل مرجوجه

25-09-2009, 02:32 PM

انا عطيت خدامتي جوال
وهي متزوجة بس اغلب الوقت افتش جوالها
فيه صورها وتطرش صورها حق ريلها
لأني اعرف رقم ريلها
قبل لا اطلع لها جوال كم مرة كلمت ريلها من جوالي وهو يشتغل فالسعودية

زين الجوال ماله داعي عطيها بالكرت تكلمه بتلفون البيت وش المشكله

جربي تقولين لها هالاقتراح وشوفيها شلون بتنكد عليك الا وراها شئ ثاني

والله خدامتج تضحك عليج

و انتي نايمه وماتدرين وش تسوي في الليل ومن تكلم وروحي شوفي الخدم اللي في المدارس وبلاويهم وش يورون بعض

بعدها ماينفع الندم

بنت الرجال

25-09-2009, 06:43 PM

السايق نعطيه شريحة جواال قلنا مو مشكله الله أعلـم ((نطرشه مكان ماعرف محل نبي أغراض من محل فلاني)) نحتاج الجوال في مثل هالأموور ... أمااااا الشغاااله شحاجتها في الجواااال ممكن توضحوون لي !!!!!

تكلم ريلها <<< حلووه هذي .. عيل ليش كيووتل مسويه خدمة الكيوو كاارد ..؟؟ مافي بيت مافيه تلفوون يعني لازم جواال عشاان تكلم ريلها الوقت اللي تبيه ...!!! لا و اطرش له صوور ..!!! اللهم ياكاافي اللي مثل هذي لا تستبعدوون عنها تصوور أي شي في بيتكم و تطرشه حق اي أحـد ... الله يستر علينااا بس ... و الا من زوود الدلع و الفشخررره كل وحده مطلعه شريحه حق خادمتهاااا ... يالله لا تبلانا .... الدنيااا تغيرت من عقب الرسااايل وصلنا للجوالات لازم كل خداامه عندها جواال تكلم اللي تبي .. لا حووول و لا قوة الا بالله ...

بنت^البحرين1

25-09-2009, 06:48 PM

عندنا تبي تكلم اهلها.. تلفون البيت مايقول لا تتصل منه وخلاص تلفونات مافي وطلعات من البيت للبرادة مافي .. اي شي يبون احنا وياهم مافي بروحهم

السد

25-09-2009, 07:23 PM

اذا الخادمة اطلعت من البيت
سلام عليكم

لله الحمد

25-09-2009, 07:34 PM

ههههه يا عالم لا تنسون ان هالخدامات بشر

عامليها نفس ما تحبين مديرج في الدوام يعاملج ؟؟

ترضين المدير يفتشج ؟

ام الجازي

25-09-2009, 07:36 PM

احسن شي انج طرشينهم مكان مع الساق بيت اهلج او اي مكان وقعدي بطلي اغراضهم على راحتج..
واذا ماقدرتي روحيلهم وشعليج منهم قولي بفتش اغراضكم مافيها شي..

سوق واقف

25-09-2009, 07:51 PM

ليش الخوف طرشيها عندي بس ما عليج او أنا بجي بفتش ليش خايفين منهم

fandi

25-09-2009, 07:59 PM

مايحتاج للتفتيش اذا فيه جاي مسروق وانتوا ماعرفتوا عنة ولافقدتوه هذا يدل على عدم اهتمام ربة البيت والاتكالية على الخدم.

طبعا المسروقات يتم تصريفها اول باول يعني ماتنتظر يوم السفر.

تحياتي

عواااصف

25-09-2009, 08:20 PM

يبيلهم تفتيش ومب اي تفتيش لانه اللي صارلي مب شي هين
من جم سنه كانت عندي سيلانيه وكنت شاكه انها تعرف واحد وفي يوم كشفتها وقلتلها ليش تسوين جذي قالت عشان زوجي يخوني ولازم اخونه المهم سفرتها على طول وقبل لاسفرها فتشتها الا شفت عندها رساله وفتحتها واشوفها مكتوبه بالدم :eek5: المهم تخرعت وقلتلها وش ذي تقول دم (عادي عيني عينك مافي مشكل ) وحرقت الورقه بس اللي عرفته عقب لازم ماحرق هالخرابيط وافك السحر
والحمدلله الله ستر وحفظنا من كل شر

الورده

28-09-2009, 04:20 AM

انا والله قبل افتشهم ولا اخاف واول ما جوني تفتيش دوري بس الحين ما اقدر شئ يردني عشان كذا انا خائفه من السحر
مسألة اني اعطيها تيلفون عسى ما شر وش حاجتها في التلفون الكيو كارد موجودة تكلم اللي تبي وعلى كيفها
الله يكفينا شرهم يارب

قطرية حنونه

28-09-2009, 09:06 AM

والله صج لازم كل فتره نفتشهم
على سبيل الحرص

ابوعهد

28-09-2009, 09:48 AM

فتشيها بنفسك واذا ماعندك الجرأه شوفي احد من اهلك يفتشها

برق لمع

28-09-2009, 11:56 AM

التفتيش مب يوم السفر بس لا
المفروض التفتيش الدوري اسبوعيا او شهريا في غرفهم الخاصة وفي ادراجهم عشان اول باول اعرف شناويين عليه ولا تعطونهم الوقت والفرصة انهم ينفذون اللي انتوا تخافون منه خلوهم دايما تحت عينكم
واللي تحب بيتها وعيالها وزوجها بتترك منها الطللعات اللي مالها داعي والمناسبات اللي ما تخلص وتفتح عينها على عيالها ومملكتها اللي هي مسؤوله منها امام الله
والله يوفق الجميع

الامانه

28-09-2009, 03:58 PM

الصراحه
انا بنفسي سويت تفتيش ذاتي حق شغالتي قبل لا اسفرها بساعه
وحصلت بلاوي في ملابسها من الداخل وهي مسلمه مهب مسيحيه
حتى صور بناتي لقيته عندها
وفي المطار طلبت منهم يسون لها تفتيش ذاتي مره ثانيه للاحتياط
الله يجزاهم خير
والله ماقصروا معاي امن المطار

الورده

03-10-2009, 03:32 PM

ابشركم فتشوها بناتي لقوا معها ملابس جديدة قالت الدريول شاريها لها ولقيناها مصورة في كل غرفه في بيتي وخذيت الصور منها
غيرة ما لقينا معها شئ

الورده

15-10-2009, 06:55 PM

ابي اعلمكم بعلومي لقيت الثانيه معها جوال تكلم في الحمام حسبي الله عليها طلبته منها ابي اشوف هو كاميرا ولا لا رفضت انا تعطيني وتمسكت فيه انا طبعاً وقفت مثل الصنم ما قدرت اسوي شئ بناتي وابو عيالي خذوه غصب منها بعد ان كسرته يوم سمعت زوجي جاء المهم فتشوها لقوا معه بودرة حسبي الله عليها ودوها لمطوع قال هذا سحر تحطه للي يهاوشها عشان ما يقول لها شئ وطبعاً انا الوحيدة اللي اتكلم بس والله يا جماعه اني احس اهل بيتي موطبيعين
حسبي الله عليهم الله يريني فيهم عجائب قدرته الله لا يوفقهم قد ما ضروني وانا ما ضريتهم الله يخفف عني وعن عيالي ويشافينا قد مار حمتهم وعطفت عليهم