الخبر اليقين عن البيع والشراء في نفس اليوم (( دلالة الاسلامية يصير ودلالة فقط لا

[PoBox]

الخبر اليقين لما حصل
هل يصير نبيع ونشتري نفس اليوم ولا لا بنفس المبلغ؟

بعد قرائتي لهذا الموضوع
http://www.qatarshares.com/vb/showthread.php?t=30195


اليوم ماسك التلفون واتصل على الشركتين
دلالة الاسلامية
ودلالة (فقط)


اتصلت دلالة الاسلامية
قلت لهم يصير اضارب(ابيع واشتري) بنفس المبلغ في نفس اليوم
قالتلي يصير

قلتلها عيل اسمعي هالمثال وعطنيي ردج

حسابي فيه صفر ريال
بعت 1000 سهم مصرف بالسعر الفلاني ..


الحين بعد خمس دقايق طاح السعر
رديت وحطيت امر شراء ابي اشتري ..
يصير ولا لازم انتظر يومين

قالتلي الموظفة بالحرف الواحد
في دلالة الاسلامية يصير
بس في دلالة الثانية عندهم مشاكل ..
سواء كان عن طريق مركز الاتصال او الانترنت كله واحد ..




اما في دلالة (فقط)

لا يمكن البيع والشراء بنفس المبلغ في نفس اليوم
ولا حتى عن طريق التلفون

توني متصل
قالتلي الموظفة يصير تبيع وتشتري (دام ان في رصيد في حسابك )
انا فهمت ان يصير :confused:

لكن ابي اتاكد اكثر ;)
قمت وعطيتهم مثال توضيحي
قلتلها انا ما عندي الا 1000 سهم مصرف ابيعهم صاروا مبلغ معين (انتهى)
ابي اشتري بها المبلغ نفس اليوم يصير

قامت ونقزت قالتلي شلون لا مايصير .. لازم يمضي يومين
قلتلها عيل يال ... طوووووووووط .. :D
ليش تقولين يصير كنتي بتوهقيني .. افهمي سؤالي عدل..
قالت بكل بساطة .. آسفة







خلاصة القول


دلالة الاسلامية عادي تضارب معاهم
دلالة (فقط) ما يصير عندهم مشاكل

وقالوا لي صح احنا شركة وحده لكن نظامنا في بعض الاختلاف

وسلامتكم

[ابو فهد]

جزاكم الله خير وصلت المعلومة

[qatar25]

انا وصلني الباسوورد واليوزر نيم وان شالله باحاول بكره ابيع واشتري في نفس اليوم
وابشركم بعدها بالابخرا

[المخلب]

شلون يعني في مشكله معناها مااافي فايده منها اجل !

[PoBox]

انا وصلني الباسوورد واليوزر نيم وان شالله باحاول بكره ابيع واشتري في نفس اليوم
وابشركم بعدها بالابخرا


حسابك في دلالة الاسلامية ولا الثانية اخوي
وفي انتظار مغامرتك وان شاء الله تربح فيها بالحلال

[qatar25]

حسابي في الاسلاميه ولله الحمد

[ومن الغباء ماقتل]

والله يا خوي PoBoxing الظاهر ان الي كلمتهم مايفهمون شي! .. لان الشركتين نظامهم واحد ، ومشاكلهم وحده! .. وهالكلام انا متأكد منه مليون بالميه.

[qtiger43]

والله يا خوي PoBoxing الظاهر ان الي كلمتهم مايفهمون شي! .. لان الشركتين نظامهم واحد ، ومشاكلهم وحده! .. وهالكلام انا متأكد منه مليون بالميه.

:nice: :nice:

[ورد]

اعتقد ان نظامهم مختلف ............لان اللي فاتح حساب في دلاله الاسلامية مايطلع اسمة في دلاله فقط

[Clueless]

انا وصلني الباسوورد واليوزر نيم وان شالله باحاول بكره ابيع واشتري في نفس اليوم
وابشركم بعدها بالابخرا

اخونا شصار؟؟؟

[المراقب]

وهل يعقل أن يكون هناك نظامين مختلفين لنفس الشركة؟

[al7or]

دلالة التقليدية تتعامل مع بنك قطر الوطني
ودلالة الاسلامية تتعامل مع المصرف الاسلامي

فنظام البنوك يختلف

وبنك قطر مأخرنا وان شاء الله عن قريب

[najeeb]

لا والله؟؟؟؟؟؟؟؟؟