المساعد الشخصي الرقمي

مشاهدة النسخة كاملة : أبعتذر عن كل شئ -- الا الهوى ماللهوى عندي عذر --- رائعة الأمير بدر بن عبد المحسن


غناتي1
25-09-2009, 06:12 AM
أغنية أبعتذر -- من أجمل روائع الأمير بدر


كلمات الامير :

بدر بن عبدالمحسن


وغناها الفنان محمد عبده




ابعتذر ... عن كل شيء ...

إلا الهوى .. ما للهوى عندي عذر ..


ابعتذر .. عن أي شي ..

إلا الجراح .. ما للجراح إلا الصبر ..


إن ضايقك اني على بابك أمرّ ...

ليلة ألم ...

واني على دربك مشيت عمري وأنا

قلبي القدم ...



ابعتذر ... ابعتذر ... كلي ندم ...

عن كل شيء ... إلا الهوى ...

ما للهوى عندي عذر ...


ا تصدقي ... ما اخترت أنا أحبك ...

ما احدٍ يحب اللي يبي ...

سكنتي جروحي غصب ...

ياحبي المرّ ... العذب ...

ليت الهوى وانتي ... كذب ...

كان اعتذر لك عن هواي ...

ما أقول أنا ... كوني معاي ...



ان ضايقك اني على بابك أمرّ ...

ليلة ألم ...

واني على دربك مشيت عمري وأنا ...

قلبي القدم ...



ابعتذر ... ابعتذر ... كلي ندم ...

عن كل شيء ... إلا الهوى ...

ما للهوى عندي عذر ...







الله كريم .. حبك ... يكون ...

همي القديم ...

وجرحي القديم ...

والله عليم ... يا أحلى العيون ...

ان الفراق ... جزا الفراق ...


ابوعدك ... كان الطريق بيبعدك ...

بامشي الطريق ...

وكان الجحود بيسعدك ...

مالي رفيق ...

ابجمع أوراق السنين ... وأودعك ...

كان الفراق اللي تبين ... الله معك ...
doha70999
25-09-2009, 06:27 AM
غناتي شكلج مستطربة اليوم =) ان شاء الله دووم مستانسه
بنت ذياب
25-09-2009, 06:58 AM
حززززينه هالخاطرة واااايد

بس انتي شكلج متهاوشه مع قسم الشعر خخخخخخ

لانه بينقلون مووضوعج لقسم الشعر :(
سماء الرياض
25-09-2009, 08:04 AM
سلمت الايـــادي
black@white
25-09-2009, 03:20 PM
رائعه من الروائع
غناتي1
26-09-2009, 12:18 AM
حززززينه هالخاطرة واااايد

بس انتي شكلج متهاوشه مع قسم الشعر خخخخخخ

لانه بينقلون مووضوعج لقسم الشعر :(



هلا فيييج يا بنت ذياب --

محد ملاحظ انه في هالقسم الا انتي --



وحبايبي الباقي -- مشكورين عالمرور الكريم .
اميرةالصحراء
26-09-2009, 05:02 PM
رووووووووعععععه
ناصر العمادي
26-09-2009, 05:12 PM
:omg::omg::omg: شسالفه لايكون لغوا قسم الشعر ..<< بصراحه الموضوع يكون في الأستراحه أحسن من قسم الشعر

بصراحه الكلمات خلتني أسرح مع الماضي الجميل والأيام الحلوه ..

تسلم أيدك أختي على الكلمات الحلوه والأختيار الرائع

الله يوفقك وينور دربك وييسر أمرك دنيا وأخره يارب

كل الشكر والتحيه والتقدير والأحترام مني لك
яέέⓜ
27-09-2009, 01:01 AM
كلمات قمه
واحساس روعه
غناتي1
27-09-2009, 02:04 AM
:omg::omg::omg: شسالفه لايكون لغوا قسم الشعر ..<< بصراحه الموضوع يكون في الأستراحه أحسن من قسم الشعر

بصراحه الكلمات خلتني أسرح مع الماضي الجميل والأيام الحلوه ..

تسلم أيدك أختي على الكلمات الحلوه والأختيار الرائع

الله يوفقك وينور دربك وييسر أمرك دنيا وأخره يارب

كل الشكر والتحيه والتقدير والأحترام مني لك



مشكور اخوي ناصر --

مشكور على مرورك -- وعلى دعاويك الاحلى

والله يجعل لك فيها ومنها نصيب

وهالاغنية تذكرنا كلنا بذكريات حلوة --- جعلها تسقى