تعالوا صارحوني...ليش تبون اجازة ؟؟

[هتـان قطر]

في ظل المخاوف المتزايدة من انتشار انفلونزا الخنازير

وفي ظهور الاشاعات بين اجازة لطلاب المدارس من عدمها

نبي نكون صريحين..هل انتوا تبون اجازة لعيالكم خوفا من المرض

والا بس تبون اجازة علشان الاجازة والراحة..؟؟؟!! :secret:

لاني الصراحة هالفترة صرت اشوف الناس مركزين على الاجازة

وكأنهم امام مسألة حياة او موت..ومتناسين المرض


مع العلم ان الاغلبية ماراح يطعمون عيالهم..لان فيه اشاعة قوية

تقول ان التطعيم ضار اكثر منه نافع !!!!

يعني في كل الاحوال حنا متوكلين على الله ان جاهم المرض ولا حول ولا قوة الا بالله

بنعالجهم ..وبنسلم امرنا لله وما راح نطعمهم..



اللي يشوف المجمعات والالعاب ما يقول الناس خايفين على عيالهم

كانت الاوضاع طبيعية وما فيه الا العافية..

دائما امام كل امر تلاقونا محتارين وما نعرف بالضبط وش نبي..


هل الاجازة بتقضي على المرض؟؟؟

هل بتطعمون عيالكم اذا توفر اللقاح ..؟؟

واذا فرضا فيه اجازة هل المدرسين بيأجزون والا بس الطلاب؟؟

لان اذا المدرسين بيداومون ماكنا سوينا شي..يمكن يصابون

بالمرض وبالتالي بينقلونه لعيالهم و اهاليهم..!!:rolleyes2:



بس تبون الصراحة انا مع الاجازة خصوصا ان واحد من عيالي يعاني من الربو

وخايفه عليه..:(

[ANONYMOUS]

احس ان الحريم يبون ينامون..

مايبون يقومون بدري ويجهزون لعيال

والله اعلم

:)

[ريماس الغلا]

انا ضـــــد الاجازة

[بنت^البحرين1]

8
8

8

هههههههههههههههههههه ،، ليش دايما تسيء الظن بالحريم ؟؟

اختي هتان الناس صج خايفة على اعيالها بس كلامج والله صح، الحين ايام العيد كنا في الستي ، تقولين أمة محمد كلها هناك واليهال ترس المكان ، هل بس المدارس هي مصدر العدوى؟؟

[هتـان قطر]

احس ان الحريم يبون ينامون..

مايبون يقومون بدري ويجهزون لعيال

والله اعلم

:)


انا بعد عندي نفس الاحساس :)

[سلمى76]

انا عن نفسي ضد تمديد الجازة

نفسي الاولاد يرجعوا ينظموا اقاتهم مرة تانية

يصو بدري وينامو بدر

دا غير اكيد دماغهم اتمسحت بعد ثلاث شهور اجازة

[هتـان قطر]

انا ضـــــد الاجازة


تبين الصراحة انا مع الاجازة من اسبوع الى اسبوعين بس

خصوصا ان احنا ما راح نطعم عيالنا..:rolleyes2:

ما ادري ليش نبي اجازة واحنا ماراح نطعمهم:shy:

[هتـان قطر]

8
8

8

هههههههههههههههههههه ،، ليش دايما تسيء الظن بالحريم ؟؟

اختي هتان الناس صج خايفة على اعيالها بس كلامج والله صح، الحين ايام العيد كنا في الستي ، تقولين أمة محمد كلها هناك واليهال ترس المكان ، هل بس المدارس هي مصدر العدوى؟؟


نفس الشي عندنا..وديت بنتي تتقضى اغراض المدارس..ما قدرنا ناخذ راحتنا

من كثر العالم..لا واغلبهم اطفال ..:rolleyes2:

[سيزن]

تعالوا صارحوني...ليش تبون اجازة ؟؟


ممكن على الخاص .. اصارحك ليش نبي إجازة .؟


امزح :) لاني متزوج ولا عندي عيال .

[هتـان قطر]

انا عن نفسي ضد تمديد الجازة

نفسي الاولاد يرجعوا ينظموا اقاتهم مرة تانية

يصو بدري وينامو بدر

دا غير اكيد دماغهم اتمسحت بعد ثلاث شهور اجازة


معك حق..وفي الاخير " قل لن يصيبنا الا ما كتب الله لنا "

انا مع اخذ الحيطة والحذر ..كأن يوفرون لنا اجهزة لكشف المرض

ويحاولون قدر الامكان اخذ حرارة كل طالب يوميا

وفي هالحالة لابد من تكاتف المراكز الصحية مع المدارس

وتوفير الممرضين كل صباح..والله يستر

[بنت^البحرين1]

اخوي سيزن

ان شاءالله في هاليوم الفضيل... الله يرزقك الذرية الصالحة ان شاءالله .. اكثر من الدعاء والح اكثر وربي بيرزقك من حيث لاتحتسب

[ماني بهين]

عزيزتي المرض لو انتشر في المدارس راح يصيب شريحة كبيرة

واعتقد ان المجلس الاعلى للصحة ماعنده القدرة على استقبال اعداد كبيرة

وخصوصا انه كل مانروح مستشفى حمد نجد مشكلة السراير دائمة

واللي صاير اخذ العلاج وروح البيت

نتمنى منهم دراسة الامر ووضع الحل المناسب

[هتـان قطر]

ممكن على الخاص .. اصارحك ليش نبي إجازة .؟


امزح :) لاني متزوج ولا عندي عيال .


اذن انت لا ناقة لك ولا جمل في هالقضية ..

عسى الله يرزقك الزوجة والذرية الصالحة

:)

[كاتم الاسرار]

الاجازه عشان النووووووووووووم بالعكس انا اقووول الاجازه خوووف من الامراض والله يستر

[بوبندر]

اكثر مواضيكم...........حشو كلام يعني اي موضوع وسلام

[هتـان قطر]

اخوي سيزن

ان شاءالله في هاليوم الفضيل... الله يرزقك الذرية الصالحة ان شاءالله .. اكثر من الدعاء والح اكثر وربي بيرزقك من حيث لاتحتسب


اللهم آمين

[عاشق الشهادة]

الصراحه وانا من أمس اخطط على وين بسافر في هذه الاجازة بس:weeping: للأسف طلعت الاجازة فشنق:weeping:

[هتـان قطر]

عزيزتي المرض لو انتشر في المدارس راح يصيب شريحة كبيرة

واعتقد ان المجلس الاعلى للصحة ماعنده القدرة على استقبال اعداد كبيرة

وخصوصا انه كل مانروح مستشفى حمد نجد مشكلة السراير دائمة

واللي صاير اخذ العلاج وروح البيت

نتمنى منهم دراسة الامر ووضع الحل المناسب



مانت بهين..خلنا نكون واقعيين المرض اصاب الكثيرين

تقريبا 5 او 6 اشخاص اصابهم المرض من معارفي

والحمدلله تعاطوا الدواء وتعافوا بسرعة..

كنا قبل صحيح خايفين لكن بعد ما تأكدنا ان المرض ليس

بتلك الخطورة..اصبح الوضع عادي نوعا ما..

اما بخصوص مستشفى حمد وقدرته الاستيعابية للمصابين

ونقص الاسرة..هنا بيطول الحكي ويبيله موضوع منفرد

ونسأل الله السلامة

[(الفيصل)]

escape

[هتـان قطر]

الاجازه عشان النووووووووووووم بالعكس انا اقووول الاجازه خوووف من الامراض والله يستر


توكل على الله ولا به الا العافية ومحد بيموت قبل يومه

واوصيكم بالمر..نقعوا مر واسقوا عيالكم

:)

[هتـان قطر]

اكثر مواضيكم...........حشو كلام يعني اي موضوع وسلام



اسفين اخوي بوبندر اذا مواضيعنا ما تعجبك

شنسوي لابد ان نتناقش في المستجدات والمواضيع اللي

تهم المجتمع..:(

[هتـان قطر]

الصراحه وانا من أمس اخطط على وين بسافر في هذه الاجازة بس:weeping: للأسف طلعت الاجازة فشنق:weeping:



واعتقد هذي خطط اغلبية اللي يبون اجازة :eek5:

[هتـان قطر]

escape



غريبة يالفيصل ارجع ناقشنا وقول رايك

والا انت من اللي يبون اجازة علشان يسافرون :omen2:

[ANONYMOUS]

8
8

8

هههههههههههههههههههه ،، ليش دايما تسيء الظن بالحريم ؟؟

اختي هتان الناس صج خايفة على اعيالها بس كلامج والله صح، الحين ايام العيد كنا في الستي ، تقولين أمة محمد كلها هناك واليهال ترس المكان ، هل بس المدارس هي مصدر العدوى؟؟

عشان تدرين ان " أغلب " العالم تبي تنام.. والخوف على العيال خرطي..

ولا شوفي اليهال اللي خايفين عليهم الامهات محذفين في الشوارع والمولات

ولا يدرون عنهم اصلا

ولا يدرون وين الله حاشرهم

بس اهم شي الاجازه والنوم في الوقت الحالي..

وعسى الله يبدل الحال .. من حال الى حال..

:)

[سيزن]

اذن انت لا ناقة لك ولا جمل في هالقضية ..


:)

نعم....... لاناقة لي ولا جمل في هالقضية .


بس مشارك حتى يشوف الجميع توقيعي ...والمقطع اللي في اليوتيوب :)

ايش رايك في صراحتي .؟


و جزاك الله خير انتي واختي بنت البحرين .

واسمحيلي شتيت عن الموضوع.

[ANONYMOUS]

اخوي سيزن

ان شاءالله في هاليوم الفضيل... الله يرزقك الذرية الصالحة ان شاءالله .. اكثر من الدعاء والح اكثر وربي بيرزقك من حيث لاتحتسب



ههههههههههههههههههههههههه

يقول لج مش متزوج..

من وين يجيب لعيال :p

[ساراام]

والله مااادري ليش نبي اجااازه

حنااا خايفين من المررض ومن التطعيمات بنفس الوقت

لووو كنت طالبه كااان قلت عشاااان اناااام

بس الحين بقووووول عشان اختي تناااام هعهع :weeping:

[هتـان قطر]

عشان تدرين ان " أغلب " العالم تبي تنام.. والخوف على العيال خرطي..

ولا شوفي اليهال اللي خايفين عليهم الامهات محذفين في الشوارع والمولات

ولا يدرون عنهم اصلا

ولا يدرون وين الله حاشرهم

بس اهم شي الاجازه والنوم في الوقت الحالي..

وعسى الله يبدل الحال .. من حال الى حال..

:)


اللهم آمين..

اشكرك على صراحتك..بس ما قلت لنا انت مع الاجازة والا ضدها

واذا مع قول لنا ليش تبي اجازة هل هو خوف من المرض والا عندك اسباب اخرى؟؟؟


:omen2:

[هتـان قطر]

نعم....... لاناقة لي ولا جمل في هالقضية .


بس مشارك حتى يشوف الجميع توقيعي ...والمقطع اللي في اليوتيوب :)

ايش رايك في صراحتي .؟


و جزاك الله خير انتي واختي بنت البحرين .

واسمحيلي شتيت عن الموضوع.


المقطع مؤثر جدا اخوي سيزن..اللهم انصر اهل السنة في بغداد

والله ان كلامه يقطع القلوب ..

[(الفيصل)]

غريبة يالفيصل ارجع ناقشنا وقول رايك

والا انت من اللي يبون اجازة علشان يسافرون :omen2:

انا من اللي
(يشردون) من قدر الله لقدر اللهescape

[هتـان قطر]

ههههههههههههههههههههههههه

يقول لج مش متزوج..

من وين يجيب لعيال :p


بنت البحرين فهمت انه متزوج وما عنده عيال..

انت ماشالله عليك تلقط الحب :secret:

[هتـان قطر]

والله مااادري ليش نبي اجااازه

حنااا خايفين من المررض ومن التطعيمات بنفس الوقت

لووو كنت طالبه كااان قلت عشاااان اناااام

بس الحين بقووووول عشان اختي تناااام هعهع :weeping:


اشكرك على الصراحة..وترى اغلب الناس يبون اجازة

اكثر من خوفهم من المرض..:)

[هتـان قطر]

انا من اللي
(يشردون) من قدر الله لقدر اللهescape




يعني انت مع الاجازة..:)

طيب هل بعد الاجازة بتطعم عيالك والا لا..؟؟

:omen2:

[ANONYMOUS]

اللهم آمين..

اشكرك على صراحتك..بس ما قلت لنا انت مع الاجازة والا ضدها

واذا مع قول لنا ليش تبي اجازة ها هو خوف من المرض والا عندك اساب اخرى؟؟؟


:omen2:


هلا هتان.. نسيت الموضوع الاصلي :)

والله انا ضد الاجازه.. اذا كان الوباء تحت السيطره.. وعيالنا بيتمون بخير..

بس اذا الوباء خارج عن السيطره .. افضل ان لعيال يتمون بالبيت..

وبشكل عام.. مابي اجازه..

عشان الحريم يهزون طولهم شوي

وعشان البزوره مايتلتهون.. وينحدر مستواهم العلمي

بس.. نبي جديه في موضوع العلم.. حنقضي السنه كلها هزار :rolleyes2:

[العقيد]

اسمحيلي اختي هتان الموضوع لايحتاج الى تسائل . لان الجواب واضح وهو الخوف من المرض .

اذا كان هناك من يبحث عن الاجازه بقصد الاجازة فهذا انسان متخلف لان لا احد يريد لابنائة التكاسل والخمول وفقدان اهم شيء بعد لا اله الا الله محمد رسول الله وهو العلم .ولكن هناك ماهو اهم من العلم في مثل هذه الحالات الطارئه وهي النفس . استغرب من الي يقول المرض مب خطير او عادي وهو مرض قاتل حتى ولو كانت نسبة او احتمال الموت 1% .

ثم استغرب من الي يشبة اختلاط الاطفال مع ذويهم في مجمع تجاري او صالة العاب لمدة دقائق وبمسافات بعيدة بالمدرسة الي يحتوي الصف فيها على 30طالب في مساحة لاتزيد عن 5*6 ولمدة 6ساعات على الاقل .

وكذلك استغرب من الذي يقول ان الرجل او المرأه الموظفين مثلهم مثل الطفل في احتمال نقل العدوى ونسبة الاحتكك . الطفل لايعرف العواقب ولا يدرك معنى الوقاية فأتمنى ان لانقيس الطالب وبيئة المدرسة بالموظفين واي بيئة اخرى .


اخيرا: الكل راح يطعم اذا وصل التطعيم لان التطعيم لاضرر منه وكل ماكتب عنه كلام فارغ ومجرد نسج خيال من محبي نظرية المؤامره .

[عبدالله العذبة]

في ظل المخاوف المتزايدة من انتشار انفلونزا الخنازير

وفي ظهور الاشاعات بين اجازة لطلاب المدارس من عدمها

نبي نكون صريحين..هل انتوا تبون اجازة لعيالكم خوفا من المرض

والا بس تبون اجازة علشان الاجازة والراحة..؟؟؟!! :secret:

لاني الصراحة هالفترة صرت اشوف الناس مركزين على الاجازة

وكأنهم امام مسألة حياة او موت..ومتناسين المرض


مع العلم ان الاغلبية ماراح يطعمون عيالهم..لان فيه اشاعة قوية

تقول ان التطعيم ضار اكثر منه نافع !!!!

يعني في كل الاحوال حنا متوكلين على الله ان جاهم المرض ولا حول ولا قوة الا بالله

بنعالجهم ..وبنسلم امرنا لله وما راح نطعمهم..



اللي يشوف المجمعات والالعاب ما يقول الناس خايفين على عيالهم

كانت الاوضاع طبيعية وما فيه الا العافية..

دائما امام كل امر تلاقونا محتارين وما نعرف بالضبط وش نبي..


هل الاجازة بتقضي على المرض؟؟؟

هل بتطعمون عيالكم اذا توفر اللقاح ..؟؟

واذا فرضا فيه اجازة هل المدرسين بيأجزون والا بس الطلاب؟؟

لان اذا المدرسين بيداومون ماكنا سوينا شي..يمكن يصابون

بالمرض وبالتالي بينقلونه لعيالهم و اهاليهم..!!:rolleyes2:



بس تبون الصراحة انا مع الاجازة خصوصا ان واحد من عيالي يعاني من الربو

وخايفه عليه..:(


أختي الفاضلة هتان قطر الحترمة

في الحقيقة المطالب تتمحور في أن تكون الإجازة لطلاب المدارس وليس الجامعات.

وهذا لا يشمل الموظفين والموظفات في سلك التعليم.

هناك ضرورة لتأجيل دراسة رياض الأطفال والمرحلتين الإبتدائية والإعدادية.

أضحكتني حجة عدم تطبيق الإجازة بحجة السفر.... :eek5:

وكأن الموظفين يملكون رصيد لا متناهي من الإجازات ولو كان هناك تأجيل لدراسة الأطفال لن يبقى في قطر أحد! :rolleyes2:

[alrheeb2020]

نبي اجازه علشان نرقد :tease::tease:

[شارع الأصمخ]

الاجازه مالها داعي لان ما اعتقد بان المدرسه موكز لانتشار الامراض وهذا وباء عالمي يعني يمكن الواحد يمرض في بيته
الله المستعان

[هتـان قطر]

هلا هتان.. نسيت الموضوع الاصلي :)

والله انا ضد الاجازه.. اذا كان الوباء تحت السيطره.. وعيالنا بيتمون بخير..

بس اذا الوباء خارج عن السيطره .. افضل ان لعيال يتمون بالبيت..

وبشكل عام.. مابي اجازه..

عشان الحريم يهزون طولهم شوي

وعشان البزوره مايتلتهون.. وينحدر مستواهم العلمي

بس.. نبي جديه في موضوع العلم.. حنقضي السنه كلها هزار :rolleyes2:



نحترم وجهة نظرك انونيموس وفعلا مادام الوضع تحت السيطرة

مافيه داعي للخوف ..ونطلب من كل الاهالي اللي يحس ولده تعبان

حتى لو حرارة بسيطة لا يودونه المدرسة الا بعد فحص حالته

ونتمنى من المدارس يراعون مسألة الغياب وما يتشددون كما في السنوات السابقة

والله يخلي لك عيالك وما يصيبهم مكروه ان شالله

[هتـان قطر]

اسمحيلي اختي هتان الموضوع لايحتاج الى تسائل . لان الجواب واضح وهو الخوف من المرض .

اذا كان هناك من يبحث عن الاجازه بقصد الاجازة فهذا انسان متخلف لان لا احد يريد لابنائة التكاسل والخمول وفقدان اهم شيء بعد لا اله الا الله محمد رسول الله وهو العلم .ولكن هناك ماهو اهم من العلم في مثل هذه الحالات الطارئه وهي النفس . استغرب من الي يقول المرض مب خطير او عادي وهو مرض قاتل حتى ولو كانت نسبة او احتمال الموت 1% .

ثم استغرب من الي يشبة اختلاط الاطفال مع ذويهم في مجمع تجاري او صالة العاب لمدة دقائق وبمسافات بعيدة بالمدرسة الي يحتوي الصف فيها على 30طالب في مساحة لاتزيد عن 5*6 ولمدة 6ساعات على الاقل .

وكذلك استغرب من الذي يقول ان الرجل او المرأه الموظفين مثلهم مثل الطفل في احتمال نقل العدوى ونسبة الاحتكك . الطفل لايعرف العواقب ولا يدرك معنى الوقاية فأتمنى ان لانقيس الطالب وبيئة المدرسة بالموظفين واي بيئة اخرى .


اخيرا: الكل راح يطعم اذا وصل التطعيم لان التطعيم لاضرر منه وكل ماكتب عنه كلام فارغ ومجرد نسج خيال من محبي نظرية المؤامره .


مرحبا اخوي العقيد ..انت تطرقت لنقاط كثيرة وبنتناقش معاك فيها باذن الله

اولا المرض ليس بتلك الخطورة والدليل شفاء اغلبية المرضى

يعني في قطر المتوفين 3 اشخاص عليهم رحمة من الله..

الكعبي الله يرحمه وكان يعاني من امراض سابقة وسمنه مثل ما سمعنا

النيبالي تاخر في العلاج الى ان تمكن منه الالتهاب الرئوي..

سيدة قطرية لا العم بالضبط ماهي اسباب وفاتها..

يعني كل المصابين الباقين تماثلوا للشفاء وسبق وذكرت اعرف 6 اشخاص

جميعهم تماثلوا للشفاء بسرعه..

بالنسبة للذهاب الى المجمعات تفاجأت الصراحة بكثرة المرتادين واغلبهم

اطفال ومنهم مواليد..يعني الاهل عندهم عادي عيالهم يختلطون بالناس

وما اشوفهم خافوا على عيالهم..

انا معك ان الصفوف بتكون مكتظه لذلك احنا نطالب بالكاشف الحراري

ونطالب من الاهل التعاون مع المدارس وما يودون عيالهم اذا كانوا تعبانين

واكيد المجلس الاعلى مراعي هالنقطة ومتعاونين مع وزارة الصحة

وبالنسبة للموظفين والمدرسين بالذات..هم ايضا عندهم عيال يعني يمكن

ينتقل المرض لعيالهم وهم في البيت ..

اما بالنسبة للتطعيم ترى اغلبية الناس ماراح يطعمون وهذا الكلام سمعته

من كل اللي حولي..حتى ان البعض حرم هذا التطعيم واحتج ان فيه

مصل ماخوذ من الخنازير :eek5:

المسألة ملخبطة واراء الناس متضاربه حول هالموضوع

والله يخلي لك عيالك اخوي العقيد وان شالله ما يشوفون شر

[هتـان قطر]

أختي الفاضلة هتان قطر الحترمة

في الحقيقة المطالب تتمحور في أن تكون الإجازة لطلاب المدارس وليس الجامعات.

وهذا لا يشمل الموظفين والموظفات في سلك التعليم.

هناك ضرورة لتأجيل دراسة رياض الأطفال والمرحلتين الإبتدائية والإعدادية.

أضحكتني حجة عدم تطبيق الإجازة بحجة السفر.... :eek5:

وكأن الموظفين يملكون رصيد لا متناهي من الإجازات ولو كان هناك تأجيل لدراسة الأطفال لن يبقى في قطر أحد! :rolleyes2:



مرحبا اخوي عبدالله..بظنك المرحلة الثانوية بيداومون والبقية لا..؟؟

طيب اللي بالثانوية عندهم اخوان في بقية المراحل يعني احتمال

يصاب بالمرض وينقله لهم وهم في البيت..وكأنك يابوزيد ما غزيت :secret:

وبيني وبينك من امس والعالم يهنون بعض بالاجازة..والمدرسات مستخفين

يبون يعرفون هل الاجازة بتشملهم والا لا..؟؟

ونسوا المرض بالمرة..!! :omg:

[PARIS]

لاحول ولا قوة الا بالله ................ لاتعليق

[هتـان قطر]

نبي اجازه علشان نرقد :tease::tease:



يالله خذ..هذا واحد يبي يرقد وما همه المرض ..ويا كثرهم اللي نفسه :nice:

[هتـان قطر]

الاجازه مالها داعي لان ما اعتقد بان المدرسه موكز لانتشار الامراض وهذا وباء عالمي يعني يمكن الواحد يمرض في بيته
الله المستعان


نسأل الله السلامة لنا ولعيالنا.." قل لن يصيبنا الا ما كتب الله لنا "

[هتـان قطر]

لاحول ولا قوة الا بالله ................ لاتعليق



!!!!!!!!

:omen2:

[!الشايمه!]

كلن يبي يرقد...وكلن يبي يسافر...واللي ماراح يسافر
بيدلع نفسه في المجمعات والسينمات :nice:


المشكلة ان مافي حل للسيطرة...يعني اذا الطفل الصغير ما انصاب
ممكن احد من اهله اللي يشتغلون او اخوانه اللي اكبر
منه ينصاب ويعاديه...


واذا ماداموا اسبوع والا اسبوعين...ممكن بعد هالاسبوعين ينصابون
وخاصة مع دخلة الشتاء...وكثرة الانفلونزا...بين الكل..

يعني الخطورة ماراح نتفاداها في اسبوع .....والا شهر والا شهرين....!


فهل نعطل كل الدولة....بسبب مرض..لقاحه غير متوفر...ولا نعرف
متى راح يوصل...ولا بامكانية قضاءه على المرض.....!


وانا استغرب من البعض...اللي يهاجم وزير الصحة...في الجرايد
اذا كل الدول ماتوفر لها اللقاح.......
وين الوزير يخترع لكم....!



الله المستعان......ويحفظ الجميع


وعيدج مبارك ياهتان :)


تحية

[ام لولوه]

اسمحيلي اختي هتان الموضوع لايحتاج الى تسائل . لان الجواب واضح وهو الخوف من المرض .

اذا كان هناك من يبحث عن الاجازه بقصد الاجازة فهذا انسان متخلف لان لا احد يريد لابنائة التكاسل والخمول وفقدان اهم شيء بعد لا اله الا الله محمد رسول الله وهو العلم .ولكن هناك ماهو اهم من العلم في مثل هذه الحالات الطارئه وهي النفس . استغرب من الي يقول المرض مب خطير او عادي وهو مرض قاتل حتى ولو كانت نسبة او احتمال الموت 1% .

ثم استغرب من الي يشبة اختلاط الاطفال مع ذويهم في مجمع تجاري او صالة العاب لمدة دقائق وبمسافات بعيدة بالمدرسة الي يحتوي الصف فيها على 30طالب في مساحة لاتزيد عن 5*6 ولمدة 6ساعات على الاقل .

وكذلك استغرب من الذي يقول ان الرجل او المرأه الموظفين مثلهم مثل الطفل في احتمال نقل العدوى ونسبة الاحتكك . الطفل لايعرف العواقب ولا يدرك معنى الوقاية فأتمنى ان لانقيس الطالب وبيئة المدرسة بالموظفين واي بيئة اخرى .


اخيرا: الكل راح يطعم اذا وصل التطعيم لان التطعيم لاضرر منه وكل ماكتب عنه كلام فارغ ومجرد نسج خيال من محبي نظرية المؤامره .


:victory::victory::victory:

[امل الحب]

مرحبا اخوي العقيد ..انت تطرقت لنقاط كثيرة وبنتناقش معاك فيها باذن الله

اولا المرض ليس بتلك الخطورة والدليل شفاء اغلبية المرضى

يعني في قطر المتوفين 3 اشخاص عليهم رحمة من الله..

الكعبي الله يرحمه وكان يعاني من امراض سابقة وسمنه مثل ما سمعنا

النيبالي تاخر في العلاج الى ان تمكن منه الالتهاب الرئوي..

سيدة قطرية لا العم بالضبط ماهي اسباب وفاتها..

يعني كل المصابين الباقين تماثلوا للشفاء وسبق وذكرت اعرف 6 اشخاص

جميعهم تماثلوا للشفاء بسرعه..

بالنسبة للذهاب الى المجمعات تفاجأت الصراحة بكثرة المرتادين واغلبهم

اطفال ومنهم مواليد..يعني الاهل عندهم عادي عيالهم يختلطون بالناس

وما اشوفهم خافوا على عيالهم..

انا معك ان الصفوف بتكون مكتظه لذلك احنا نطالب بالكاشف الحراري

ونطالب من الاهل التعاون مع المدارس وما يودون عيالهم اذا كانوا تعبانين

واكيد المجلس الاعلى مراعي هالنقطة ومتعاونين مع وزارة الصحة

وبالنسبة للموظفين والمدرسين بالذات..هم ايضا عندهم عيال يعني يمكن

ينتقل المرض لعيالهم وهم في البيت ..

اما بالنسبة للتطعيم ترى اغلبية الناس ماراح يطعمون وهذا الكلام سمعته

من كل اللي حولي..حتى ان البعض حرم هذا التطعيم واحتج ان فيه

مصل ماخوذ من الخنازير :eek5:

المسألة ملخبطة واراء الناس متضاربه حول هالموضوع

والله يخلي لك عيالك اخوي العقيد وان شالله ما يشوفون شر

بخصوص التحريم لكونه من الخنزير نفسه.. حسب القاعدة في دينا دين اليسر .. ان الضرورات تبيح المحظورات..

وهي قاعدة أصولية مأخوذة من النص، وهو قوله تعالى: (إِلَّا مَا اضْطُرِرْتُمْ إِلَيْهِ) [الأنعام:119].
والاضطرار: الحاجة الشديدة، والمحظور: المنهي عن فعله، ومعنى القاعدة: أن الممنوع شرعاً يباح عند الضرورة، وقد مثل الفقهاء لهذه القاعدة بأمثلة منها:
1- إباحة أكل الميتة عند المخمصة، أي المجاعة.
2- إساغة اللقمة بالخمر لمن غص، ولم يجد غيرها.
3- إباحة كلمة الكفر للمكره عليها بقتل أو تعذيب شديد.
وهذه القاعدة فرع عن قاعدة كلية سماها العلماء (الضرر يزال)..

واذا بنتعمق في هالقاعدة بنلاقي انه مبااح ..لمكافحة وباء استمراره قد يؤدي للهلاك ..


كلن يبي يرقد...وكلن يبي يسافر...واللي ماراح يسافر
بيدلع نفسه في المجمعات والسينمات :nice:


المشكلة ان مافي حل للسيطرة...يعني اذا الطفل الصغير ما انصاب
ممكن احد من اهله اللي يشتغلون او اخوانه اللي اكبر
منه ينصاب ويعاديه...


واذا ماداموا اسبوع والا اسبوعين...ممكن بعد هالاسبوعين ينصابون
وخاصة مع دخلة الشتاء...وكثرة الانفلونزا...بين الكل..

يعني الخطورة ماراح نتفاداها في اسبوع .....والا شهر والا شهرين....!


فهل نعطل كل الدولة....بسبب مرض..لقاحه غير متوفر...ولا نعرف
متى راح يوصل...ولا بامكانية قضاءه على المرض.....!


وانا استغرب من البعض...اللي يهاجم وزير الصحة...في الجرايد
اذا كل الدول ماتوفر لها اللقاح.......
وين الوزير يخترع لكم....!



الله المستعان......ويحفظ الجميع


وعيدج مبارك ياهتان :)


تحية

:nice::nice:

[MP3]

انا ضـــــد الاجازة


داومي بروحج

[شاهيناز]

كل عام وانتي بخير اختي هتان
مع انها متاخر شويات

بس موضوعك كنا امس نتكلم عنه

نفس الملاحظه الي كنا نقولها اماكن الالعاب مليانه السينمات العدد فل

ليش الناس تخاف من المدارس

الحمدلله طلابنا مداوميين من بدايه رمضان ولا في مشاكل

وماعليه شر ولدك ولد وحده اعرفها فيه الربو وجاه المرض الحمدلله صار بخير
اهم شئ العلاج

الموضوع الناس مكبريينه
ومردهم عيالهم بيرحون المدرسه والي الله كاتبه مايقدرون ياخرونه

وتسلمين على الموضوع الصريح

[مرتبش]

انا بعد اتسائل وتوني كتبت رد على احد المواضيع المشابهة بس محيته.. ما ادري ليش مركزين على الاجازة هالتركيز
كل اللي اخروا المدارس اخروها اسبوع او اسبوعين.. شنو الفرق يعني فيهم..لا تطعيم بيوصل ولا الشتا بيتاخر علينا..

اشوف خلهم يداومون ويتعلمون عن الوقاية من المرض والصحة تشيك المدارس واي طفل فيه اعراض مرضية يقعد في البيت ليما تروح عنه الاعراض ويضيف لها يومين راحة (حسب الاجراءات الصحية)..

وماعليهم شر ان شاء الله

[ضوى]

الغالية هتان

كل عام وانتي بالف خير وعسى ربي يتقبل طاعتج ويثبتج اللهم اميييييييين

تدرين انا معارضة للاجازة بشكل كبير مع انه في قرارة نفسي اقول لو جات منهم زين مب خوف من المرض الحمد لله رب العالمين ان شاء الله العيال ماعليهم شر ربي يحفظهم ويبعد عنهم وعن عيالكم المرض اللهم امييييييين ، ولكن اتمنى الاجازة حتى اطلع الصبح براحتي ولا اكون مقيدة باحد وغير هذا الشوارع تكون زحمة مب طبيعية ولكن بعد ابيهم يرجعون للمدرسة خلاص اجازة طويلة الصراحة هم ملوا واحنا ملينا من قعدتهم في البيت ، هذا هم تلفزيون ونوم ... الخ

بكل الاحوال انا ضد التأجيل لانه المرض مب في المدارس بس هذا هو الفيروس يلعب بالجو لعب بشمال وشرق وغرب وجنوب يعني مب موجود بالمدارس ومستاق على طلبة المدارس بس ، انا معاكم راح تزيد النسبة شوي بس بعد هذا يبي لها حسن تدبير من الام يعني شفتي ولدج ميهود ماله داعي تودينه المدرسة وديه المستشفى ولحقي عليه ، انتبهي لولدج لحركاته لعبه يعني المرض ببدايته واضح جدا اذا انا سويت جذي وانتي سويتي جذي خلاص ان شاء الله عيالنا ماعليهم شر

[بوعلي2]

مع الاجازه وبشده

في يهال فيهم ربوا وامراض

وبعد تجيهم فلونزا الخنازير ؟؟ لا راحوا من الدنيا الله لايقول

وفي بنات مدرسات بعد مناعتهم مش قويه مايتحملون المرض وغير الشباب ولكن الشباب اقوى بالتحمل

والله يبعد الامراض عن كل المسلمين

[شاهيناز]

اعلان عاجل في برنامج المجلس


خالد جاسم


تاجيل الدراسه في قطر اسبوع كامل

[رRاAدDاAرR]

آنا ضد قرار التأجيل وبشدة :eek5:

أخوي ANONYMOUS قال كل اللي في خاطري وأزيد عليه إن نسبة كبيرة من ربعنا مخططين يسافرون وكأنك يا بو زيد ما غزيت :anger1:




عشان تدرين ان " أغلب " العالم تبي تنام.. والخوف على العيال خرطي..

ولا شوفي اليهال اللي خايفين عليهم الامهات محذفين في الشوارع والمولات

ولا يدرون عنهم اصلا

ولا يدرون وين الله حاشرهم

بس اهم شي الاجازه والنوم في الوقت الحالي..

وعسى الله يبدل الحال .. من حال الى حال..

:)

[السامـي]

كل عام والجميع بخير..ولو إنها متأخرة.
زين يا هتان،وبعد الإجازة..هل فيه حل للمشكلة في المستقبل القريب..؟.
ما أعتقد.المشكلة بتبقى قائمة حتى مع وجود التطعيم.
فالأفضل ان تبقى الإجازة مفتوحة الى ان"يقضي الله أمراً كان مفعولا".

[قطرية عسل]

الغالية هتان

كل عام وانتي بالف خير وعسى ربي يتقبل طاعتج ويثبتج اللهم اميييييييين

تدرين انا معارضة للاجازة بشكل كبير مع انه في قرارة نفسي اقول لو جات منهم زين مب خوف من المرض الحمد لله رب العالمين ان شاء الله العيال ماعليهم شر ربي يحفظهم ويبعد عنهم وعن عيالكم المرض اللهم امييييييين ، ولكن اتمنى الاجازة حتى اطلع الصبح براحتي ولا اكون مقيدة باحد وغير هذا الشوارع تكون زحمة مب طبيعية ولكن بعد ابيهم يرجعون للمدرسة خلاص اجازة طويلة الصراحة هم ملوا واحنا ملينا من قعدتهم في البيت ، هذا هم تلفزيون ونوم ... الخ

بكل الاحوال انا ضد التأجيل لانه المرض مب في المدارس بس هذا هو الفيروس يلعب بالجو لعب بشمال وشرق وغرب وجنوب يعني مب موجود بالمدارس ومستاق على طلبة المدارس بس ، انا معاكم راح تزيد النسبة شوي بس بعد هذا يبي لها حسن تدبير من الام يعني شفتي ولدج ميهود ماله داعي تودينه المدرسة وديه المستشفى ولحقي عليه ، انتبهي لولدج لحركاته لعبه يعني المرض ببدايته واضح جدا اذا انا سويت جذي وانتي سويتي جذي خلاص ان شاء الله عيالنا ماعليهم شر



:victory: :victory:

[QATAR 11]

شلون تقولون تأجيل الدراسة بسبب هذا المرض الخطير إجازة !!!
ياليت وزارة الصحّة توزّع منشورات ؛ بعض الفئات جاهلة بالأعراض و كيفيّة التصرّف !

حسبنا الله وهو نعم الوكيل

آللهم ارفع عنا الوباء
آللهم ارفع عنا الوباء
آللهم ارفع عنا الوباء
آللهم ارفع عنا الغلا والزلازل والمحن ماظهر منها ومابطن


زلازل + وباء + غلا + محن مسلمين في جميع انحاء الأرض .. والله انها من ذنوب البشر ..

ماعبدناك حق عبادتك سبحانك

[Lym]

زين ياجماعه نفرض عطو اجازه اسبوع او اسبوعين وبعدين؟ هل بيختفي المرض؟ اصلا المرض يزيد في الشتا واذا تنطرون اللقاح ضد المرض د. احمد ناجي قال يمكن يوصل نهايه اكتوبر وبعدين يحتاج اسبوعين من التطعيم عشان يبتدي مفعوله

[مستقلة]

التطعيم اللي يبيعطونه اليهال في البداية هو تطعيم الانفلونزا العادية مب لقاح انفالونزا الخنازير اللي بيكون في فبراير

[أخت الغالي]

عن نفسي ماشوف الاجازة بتسوي شي وعلى قولتهم مستعدين للمرض وفي تعقيمات واجهزة هذا اول اسبوع والاسابيع اللي بعدها مش معقولة انا الاطفال اللي بيداومون مابيطلعون مكان ابد غير المدرسة للبيت والبيت للمدرسة ، وحتى لوالأم كانت حريصة وحطت احتياطات فاين ديتول ومعقم هذول جهال شعرفهم اشوف يقعدون فاللبيت امهاتهم يدرسونهم احسن من المدارس المستقلة ..
اللي ربي كاتبة بيصير الاجازة مابتقدم ولاتأخر شي ..

[هتـان قطر]

كلن يبي يرقد...وكلن يبي يسافر...واللي ماراح يسافر
بيدلع نفسه في المجمعات والسينمات :nice:


المشكلة ان مافي حل للسيطرة...يعني اذا الطفل الصغير ما انصاب
ممكن احد من اهله اللي يشتغلون او اخوانه اللي اكبر
منه ينصاب ويعاديه...


واذا ماداموا اسبوع والا اسبوعين...ممكن بعد هالاسبوعين ينصابون
وخاصة مع دخلة الشتاء...وكثرة الانفلونزا...بين الكل..

يعني الخطورة ماراح نتفاداها في اسبوع .....والا شهر والا شهرين....!


فهل نعطل كل الدولة....بسبب مرض..لقاحه غير متوفر...ولا نعرف
متى راح يوصل...ولا بامكانية قضاءه على المرض.....!


وانا استغرب من البعض...اللي يهاجم وزير الصحة...في الجرايد
اذا كل الدول ماتوفر لها اللقاح.......
وين الوزير يخترع لكم....!



الله المستعان......ويحفظ الجميع


وعيدج مبارك ياهتان :)


تحية


الشايمة تدرين كاسر خاطري وزير الصحة السيد عبدالله القحطاني

كأن الامر بيده وهو مقصر..مع انه في وضع ما يسمح له يسوي

شي سوى توعية الشعب واتباعهم الارشادات ..لكن مقيوله

رضا الناس كايد..والدليل عطوهم اجازة لمدة اسبوع وما زالوا يتذمرون :rolleyes2:


مبارك عيدنا وعيدكم الشايمة..

:)

[هتـان قطر]

:victory::victory::victory:


داومي بروحج


تحياتي لكم

:)

[هتـان قطر]

بخصوص التحريم لكونه من الخنزير نفسه.. حسب القاعدة في دينا دين اليسر .. ان الضرورات تبيح المحظورات..

وهي قاعدة أصولية مأخوذة من النص، وهو قوله تعالى: (إِلَّا مَا اضْطُرِرْتُمْ إِلَيْهِ) [الأنعام:119].
والاضطرار: الحاجة الشديدة، والمحظور: المنهي عن فعله، ومعنى القاعدة: أن الممنوع شرعاً يباح عند الضرورة، وقد مثل الفقهاء لهذه القاعدة بأمثلة منها:
1- إباحة أكل الميتة عند المخمصة، أي المجاعة.
2- إساغة اللقمة بالخمر لمن غص، ولم يجد غيرها.
3- إباحة كلمة الكفر للمكره عليها بقتل أو تعذيب شديد.
وهذه القاعدة فرع عن قاعدة كلية سماها العلماء (الضرر يزال)..

واذا بنتعمق في هالقاعدة بنلاقي انه مبااح ..لمكافحة وباء استمراره قد يؤدي للهلاك ..



:nice::nice:



أمل الحب تسلمين يالغالية على الاضافة الرائعة

ومع ذلك الاغلبية ما راح يقتنعون خصوصا المتشددين

وماراح يطعمون لاهم ولا عيالهم..

عيدك مبارك اموله وكل عام وانتي بخير

[بواردي]

نبي نرقد؟؟؟

اكيد ما نبيهم يختلطون مع ناس توهم رادين الدوحة والله اعلم فيهم بلى ولا صاحيين

[هتـان قطر]

كل عام وانتي بخير اختي هتان
مع انها متاخر شويات

بس موضوعك كنا امس نتكلم عنه

نفس الملاحظه الي كنا نقولها اماكن الالعاب مليانه السينمات العدد فل

ليش الناس تخاف من المدارس

الحمدلله طلابنا مداوميين من بدايه رمضان ولا في مشاكل

وماعليه شر ولدك ولد وحده اعرفها فيه الربو وجاه المرض الحمدلله صار بخير
اهم شئ العلاج

الموضوع الناس مكبريينه
ومردهم عيالهم بيرحون المدرسه والي الله كاتبه مايقدرون ياخرونه

وتسلمين على الموضوع الصريح

وانتي بخير وصحة وعافيه شاهي..

اشفيها البنية تبكي..؟؟ اكيد الريان...كالعادة :(

انا ما رتحت الا لما تركت متابعة مباريات الريان والمنتخب

اسأل من بعيد ليبعيد..اشتري راحتك وانا اختك

ترى ما راح تلاقين الا العصبية والضغط..:rolleyes2:

بالنسبة للموضوع..فعلا الناس مكبرين الامر ومهولينه

ما اشوف حد قر في بيته..الكل عايش حياته الطبيعية

اللهم يراقبون الموقف..هل فيه اجازة..والا ما فيه..؟؟

تسلمين شاهي وعيدك مبارك

:)

[umabdulla77]

اسمحيلي اختي هتان الموضوع لايحتاج الى تسائل . لان الجواب واضح وهو الخوف من المرض .

اذا كان هناك من يبحث عن الاجازه بقصد الاجازة فهذا انسان متخلف لان لا احد يريد لابنائة التكاسل والخمول وفقدان اهم شيء بعد لا اله الا الله محمد رسول الله وهو العلم .ولكن هناك ماهو اهم من العلم في مثل هذه الحالات الطارئه وهي النفس . استغرب من الي يقول المرض مب خطير او عادي وهو مرض قاتل حتى ولو كانت نسبة او احتمال الموت 1% .

ثم استغرب من الي يشبة اختلاط الاطفال مع ذويهم في مجمع تجاري او صالة العاب لمدة دقائق وبمسافات بعيدة بالمدرسة الي يحتوي الصف فيها على 30طالب في مساحة لاتزيد عن 5*6 ولمدة 6ساعات على الاقل .

وكذلك استغرب من الذي يقول ان الرجل او المرأه الموظفين مثلهم مثل الطفل في احتمال نقل العدوى ونسبة الاحتكك . الطفل لايعرف العواقب ولا يدرك معنى الوقاية فأتمنى ان لانقيس الطالب وبيئة المدرسة بالموظفين واي بيئة اخرى .


اخيرا: الكل راح يطعم اذا وصل التطعيم لان التطعيم لاضرر منه وكل ماكتب عنه كلام فارغ ومجرد نسج خيال من محبي نظرية المؤامره .


انا معاك في كل اللي قلته

مع ان عيالي يبون يداومون لانهم زهقوا من البيت بس من خوفي عليهم قتلهم بغيبكم اذا ماعطوكم اجازة

علما اني قبل لايطلع هالمرض انا وعيالي اسبوعيا نروح مجمعات لكن من بدا ينتشر منعتهم من روحة اي مكان حدهم بيوت الاهل وبيت جدهم ومانقول الا ربنا الحافظ

وعيالنا خبركم من اجواءنا ولله الحمد عندهم حساسية بالصدر وهذا اللي مخوفني اكثر

وعلى هذا فانا موظفة موب قصدنا النوم ولاشي جذي جذاك مداومين واحنا كبار بنتحمل بس الله يحفظ عيال الجميع من هالوباء

[ولد النصر]

خلاص الاجازة اقروها سنة اقصد اسبوع بعد ربعنا مسمينها اجازة العالم ياخذون بالشهر وحنا قرارات وهالله هالله واخر شي اسبوع

[fff]

الله الحافظ

[بوحارب]

اتوقع الناس تبي تنااااام والله اعلم :nice:


هتان انه اداوم في كلية كندية ومن نص رمضان واحنا مع المدرسين والمدرسات

وتدرين هالأجانب صاروا يخوفون

بس شنسوي :(


يعطيج العافية

[الجني]

عيدك مبارك اختي هتان

شاهدت الموضوع بالأمس و لم استطع المشاركة

هذا الموضوع يجب ان يعمل له استفتاء

الكل مبسوط على تأجيل الدراسة اسبوع و كأن المشكله تم حلها

و حتى التأجيل شهر

و اذا الغيت الدراسة طامه كبيرة

الدراسة فيها مشكله اكبر من الانفلونزا

- زحمة السيارات
- مشاكل المستقلات و مناهجها
- عدد الكراسي و الطاولات
- التوظيف
- من المسئول عن التعليم مجلس التعليم ام وزارة التعليم
- المدارس الخاصة لم تخضع لقرار وزير التعليم بتوحيد الدوام

اللهم لك الحمد على نعمة العقل

انا لا يفرق عندي التأجيل "و ما يهم الشاة سلخها بعد ذبحها"

[محمد الجفيري]

بصراحة الإجازة لسبب - وهو المدرسين والطلاب الي جايين من الخارج في هالفترة قبل التزاحم يكونون تاكدوا من خلوهم من الامراض

[هتـان قطر]

انا بعد اتسائل وتوني كتبت رد على احد المواضيع المشابهة بس محيته.. ما ادري ليش مركزين على الاجازة هالتركيز
كل اللي اخروا المدارس اخروها اسبوع او اسبوعين.. شنو الفرق يعني فيهم..لا تطعيم بيوصل ولا الشتا بيتاخر علينا..

اشوف خلهم يداومون ويتعلمون عن الوقاية من المرض والصحة تشيك المدارس واي طفل فيه اعراض مرضية يقعد في البيت ليما تروح عنه الاعراض ويضيف لها يومين راحة (حسب الاجراءات الصحية)..

وماعليهم شر ان شاء الله

اخوي مرتبش وجهة نظرك سليمه وان شالله مابه الا العافية

:)

[هتـان قطر]

الغالية هتان

كل عام وانتي بالف خير وعسى ربي يتقبل طاعتج ويثبتج اللهم اميييييييين

تدرين انا معارضة للاجازة بشكل كبير مع انه في قرارة نفسي اقول لو جات منهم زين مب خوف من المرض الحمد لله رب العالمين ان شاء الله العيال ماعليهم شر ربي يحفظهم ويبعد عنهم وعن عيالكم المرض اللهم امييييييين ، ولكن اتمنى الاجازة حتى اطلع الصبح براحتي ولا اكون مقيدة باحد وغير هذا الشوارع تكون زحمة مب طبيعية ولكن بعد ابيهم يرجعون للمدرسة خلاص اجازة طويلة الصراحة هم ملوا واحنا ملينا من قعدتهم في البيت ، هذا هم تلفزيون ونوم ... الخ

بكل الاحوال انا ضد التأجيل لانه المرض مب في المدارس بس هذا هو الفيروس يلعب بالجو لعب بشمال وشرق وغرب وجنوب يعني مب موجود بالمدارس ومستاق على طلبة المدارس بس ، انا معاكم راح تزيد النسبة شوي بس بعد هذا يبي لها حسن تدبير من الام يعني شفتي ولدج ميهود ماله داعي تودينه المدرسة وديه المستشفى ولحقي عليه ، انتبهي لولدج لحركاته لعبه يعني المرض ببدايته واضح جدا اذا انا سويت جذي وانتي سويتي جذي خلاص ان شاء الله عيالنا ماعليهم شر


ماشالله عليك ضوى قلتي ك اللي ابي اقوله

ترى الاغلبية يبون الاجازة فقط للراحة ومهب خوف من المرض

لان الاوضاع عادية وحياتنا ماشيه نفس قبل وما فيه احتياطات

او اجراءات نتبعها..كل شي تمام التمام..:)

مشكورة يالغالية على الدعوة الطيبة عسى ربي يخليلك عيالك

[هتـان قطر]

مع الاجازه وبشده

في يهال فيهم ربوا وامراض

وبعد تجيهم فلونزا الخنازير ؟؟ لا راحوا من الدنيا الله لايقول

وفي بنات مدرسات بعد مناعتهم مش قويه مايتحملون المرض وغير الشباب ولكن الشباب اقوى بالتحمل

والله يبعد الامراض عن كل المسلمين

بوعلي ترى الوضع ماهو بتلك الخطورة..اهم شي الواحد ينتبه لنفسه وعياله

اي تعب او حرارة لا يترددون بالذهاب للمستشفى لاخذ العلاج ..وبس

وان شالله مابه شر..



اعلان عاجل في برنامج المجلس


خالد جاسم


تاجيل الدراسه في قطر اسبوع كامل

:victory::victory:



آنا ضد قرار التأجيل وبشدة :eek5:

خلاص تأجل اسبوع ..وان شالله الامور تمشي بشكل طبيعي

:)

أخوي ANONYMOUS قال كل اللي في خاطري وأزيد عليه إن نسبة كبيرة من ربعنا مخططين يسافرون وكأنك يا بو زيد ما غزيت :anger1:


صحيح..وبيني وبينك ترى الناس بدوا ينسون الخوف والمرض..:)


كل عام والجميع بخير..ولو إنها متأخرة.
زين يا هتان،وبعد الإجازة..هل فيه حل للمشكلة في المستقبل القريب..؟.
ما أعتقد.المشكلة بتبقى قائمة حتى مع وجود التطعيم.
فالأفضل ان تبقى الإجازة مفتوحة الى ان"يقضي الله أمراً كان مفعولا".

السامي..اجازة مفتوحة ليش..؟؟

عيالكم محكورين في البيت والا عايشين حياتهم الطبيعية..؟؟

سواء راحوا المدرسة والا انكنوا في بيوتهم " قل لن يصيبنا الا ما كتب الله لنا "

اتذكر يوم كانوا عيالي صغار كنا في بيت واحد احنا وبيت عمهم

عيال عمهم صابهم العنقز وعيالي معاهم ولا صابهم المرض

بعدها بسنة زرت بيت ناس وولدي كان معاي وكانوا عيالهم معنقزين

بعدها بكم يوم صابه العنقز ونقله لاخوانه..سبحان الله اللي الله كاتبه بيصير

والمحاذير ما تمنع المقادير

[Bu Rashid]

أنا ضد التاجيل
والحمد لله الان عرفت بان هناك من يوافقني الراي
وكما ذكرتي الاخت ضوى ما قصرت قالت ما نريد ان نقووووله

لا للتأجيل ....

[هتـان قطر]

أنا ضد التاجيل
والحمد لله الان عرفت بان هناك من يوافقني الراي
وكما ذكرتي الاخت ضوى ما قصرت قالت ما نريد ان نقووووله

لا للتأجيل ....



زين ان الاجازة اسبوع...:)

حياك الله بوراشد

[هتـان قطر]

شلون تقولون تأجيل الدراسة بسبب هذا المرض الخطير إجازة !!!
ياليت وزارة الصحّة توزّع منشورات ؛ بعض الفئات جاهلة بالأعراض و كيفيّة التصرّف !

حسبنا الله وهو نعم الوكيل

آللهم ارفع عنا الوباء
آللهم ارفع عنا الوباء
آللهم ارفع عنا الوباء
آللهم ارفع عنا الغلا والزلازل والمحن ماظهر منها ومابطن


زلازل + وباء + غلا + محن مسلمين في جميع انحاء الأرض .. والله انها من ذنوب البشر ..

ماعبدناك حق عبادتك سبحانك


الحمدلله على كل حال..فعلا ما عبدنا الله حق عبادته

لابد ان نرفع اكفنا بالدعاء ان يرفع عننا هذا الوباء وسائر الامراض والفتن

جزاك الله خير ..


زين ياجماعه نفرض عطو اجازه اسبوع او اسبوعين وبعدين؟ هل بيختفي المرض؟ اصلا المرض يزيد في الشتا واذا تنطرون اللقاح ضد المرض د. احمد ناجي قال يمكن يوصل نهايه اكتوبر وبعدين يحتاج اسبوعين من التطعيم عشان يبتدي مفعوله

الله يلطف بنا في كل الاحوال..



التطعيم اللي يبيعطونه اليهال في البداية هو تطعيم الانفلونزا العادية مب لقاح انفالونزا الخنازير اللي بيكون في فبراير

هذا اللي سمعناه ..وان شالله ينتهي المرض بدون تطعيم


عن نفسي ماشوف الاجازة بتسوي شي وعلى قولتهم مستعدين للمرض وفي تعقيمات واجهزة هذا اول اسبوع والاسابيع اللي بعدها مش معقولة انا الاطفال اللي بيداومون مابيطلعون مكان ابد غير المدرسة للبيت والبيت للمدرسة ، وحتى لوالأم كانت حريصة وحطت احتياطات فاين ديتول ومعقم هذول جهال شعرفهم اشوف يقعدون فاللبيت امهاتهم يدرسونهم احسن من المدارس المستقلة ..
اللي ربي كاتبة بيصير الاجازة مابتقدم ولاتأخر شي ..

:victory::victory::victory:

[دلة الرسلان]

لا ياهتان انا مش مع الأجازة ابدا واحس وزارة التربية انجرت لها جر استجابة للوبي الرأي

العام:)

[سهم مديون]

صراحة اذا الاجازة اسبوع بس ماكنهم سوو شي كانك يابو زيد ماغزيت !!

[هتـان قطر]

نبي نرقد؟؟؟

اكيد ما نبيهم يختلطون مع ناس توهم رادين الدوحة والله اعلم فيهم بلى ولا صاحيين


الله يحفظهم ان شالله..وللعلم ترى المدارس شغاله من اخر رمضان

والبعض من نص رمضان..ولا فيه الا العافيه..:)



انا معاك في كل اللي قلته

مع ان عيالي يبون يداومون لانهم زهقوا من البيت بس من خوفي عليهم قتلهم بغيبكم اذا ماعطوكم اجازة

علما اني قبل لايطلع هالمرض انا وعيالي اسبوعيا نروح مجمعات لكن من بدا ينتشر منعتهم من روحة اي مكان حدهم بيوت الاهل وبيت جدهم ومانقول الا ربنا الحافظ

وعيالنا خبركم من اجواءنا ولله الحمد عندهم حساسية بالصدر وهذا اللي مخوفني اكثر

وعلى هذا فانا موظفة موب قصدنا النوم ولاشي جذي جذاك مداومين واحنا كبار بنتحمل بس الله يحفظ عيال الجميع من هالوباء


الله امين ..نسأل الله لنا ولهم الصحة والعافية..


خلاص الاجازة اقروها سنة اقصد اسبوع بعد ربعنا مسمينها اجازة العالم ياخذون بالشهر وحنا قرارات وهالله هالله واخر شي اسبوع

ولد النصر ولو عطوكم شهر اجازة في ظنك بيختفي المرض..؟؟

نفس الشي خصوصا انه فيه ناس رافضين التطعيم رفضا باتا



الله الحافظ

ما غير الله حد..سبحانه