المساعد الشخصي الرقمي

مشاهدة النسخة كاملة : لو سمحتوا ابغي اخذ فيلا عن طريق البنك ممكن


أحمد المالكي
26-09-2009, 08:44 AM
السلام عليكم

انا ابغي اخذ فيلا عن طريق البنك ايش هى الخطوات الي اسويها مع العلم انا اول مرة اخذ قرض من البنك

حسابي في بنك قطر الوطني

اتمنى من الي عنده الخبرة انه يفيدني
سداوي&مدريدي
26-09-2009, 01:12 PM
أخوي فكر عدل قبل ماتحط دين على ظهرك

نصيحه لاتاخذ قرض من البنك

الدوله تعطيك قرض وأرض ليش تاخذ دين من البنك ؟
بوصلوح
26-09-2009, 01:19 PM
أخوي فكر عدل قبل ماتحط دين على ظهرك

نصيحه لاتاخذ قرض من البنك

الدوله تعطيك قرض وأرض ليش تاخذ دين من البنك ؟



اذا الدين ما بيأثر فيك صراحه دين بيت ولا دين سيارة على الاقل البيت ملك لك بتكون فيه امير نفسك بس اذا الدولة بتعطيك ارض ولا قرض اانا انصحك تنتظر شوي احسن لك من الديون وترى الدين هم والله


والله يوفقك
The Pirate
26-09-2009, 01:26 PM
قرض البنك يعني تاخذ لك تقريبا مليون ونص ولا مليونين على 20 سنه تقريبا او اكثر وشوف كم الفوايد


اما قرض الدوله فهي 600 الف + 600 من بنك التنميه = مليون و200 وتبني فيها او تشتري وتدفع الفرق من عندك ( او تزيد الفرق من البنك يعني تكون سلفه قليله)

وتدفع 4000 شهريا لمدة 25 سنه ( على اساس انه قرض حسن للمواطنين ) بس الفايده تقريا 300 الف لو تحسبها

وفي الحالتين بتكون مديون بس مديون للدوله ولا مديون للبنك

لكن فكر واستشير واستخير

والله يوفق الجميع
MP3
26-09-2009, 01:48 PM
اهل قطر يستاهلون خيرها وكل خير

الله يعطيكم بيوت بأرضكم وبالجنه
مطـر
26-09-2009, 01:49 PM
إذا مستعد لحرب الله والرسول خذ قرض ربا ولا تنطر راي أي أحد
أحمد المالكي
26-09-2009, 03:46 PM
أخوي فكر عدل قبل ماتحط دين على ظهرك

نصيحه لاتاخذ قرض من البنك

الدوله تعطيك قرض وأرض ليش تاخذ دين من البنك ؟

انا ما استحق ارض لأني من المغضوب عليهم وبالنسبة للقرض قالوا لي لازم تكون متزوج او عمرك 35 سنة .. الله كريم

الواحد ما يدري شيسوي .. قطري وما عنده لا هو ولا ابوه بيت ملك

البنك هو الحل

اشكركم اخواني على الردود .. واذا عندكم نصيحة ثانية اتمنى تفيدوني
الصارم
26-09-2009, 09:40 PM
والله أخوي نصيحتي لك إشتري أرض عن طريق بنك إسلامي وإذا نزل إسمك في بنك التنميه إبني بالمليون وميتين أو تزوج وقدم على القرض وإذا نزل إسمك في بنك التنميه دورلك بيت وزيد فوق القرض أحسن لك البنوك الربويه اللي بتم تسدد لهم لين 2630 ميلادي.. يعني مديون فوق الأرض وملعون تحت الأرض ومحروم يوم العرض
ولد النواخذه
26-09-2009, 10:38 PM
انا ما استحق ارض لأني من المغضوب عليهم وبالنسبة للقرض قالوا لي لازم تكون متزوج او عمرك 35 سنة .. الله كريم

الواحد ما يدري شيسوي .. قطري وما عنده لا هو ولا ابوه بيت ملك

البنك هو الحل

اشكركم اخواني على الردود .. واذا عندكم نصيحة ثانية اتمنى تفيدوني

اشلون يعني من المغضوب عليهم!!!
المريش
27-09-2009, 05:59 AM
أخوي نصيحة لوجه الله ، إذا كلش تبي تاخذ بيت عن طريق البنك لا تاخذ عن طريق بنك ربوي، لأنهم بيرونك الويل، غير إنه ربا وحرام واعتبرها سبحانه إنها حرب عليه وعلى رسوله، وحد قد الله ولله المثل الأعلى
أسأل مجرب وتاب الله علي منهم
صدقني حتى لوالقرض من البنك الاسلامي طلع اكثر بس إذا نويت انك تترك البنك الربوي لله
الله بيوفقك وبيسير لك أمرك

وأسأل الله لك التوفيق والخير وإستخير الله واستشير