لم تصلني رسالة تخصيص الناقلات ؟؟؟؟ ما العمل ؟؟

[Chambray]

السلام عليكم .. كيف الحال .. أنا واحد شريت لي وحق زوجتي المشكلة ان رسالة التخصيص وصلت لي انا بس لكن ماوصلت حق زوجتي مع ان احنا الاثنين في نفس صندوق البريد .. والشئ الي مريحني نفسياً هو انهم خصموا المبلغ من حسابي يعني اكتتاب حق شخصين وعندي فاتورة بنك قطر الوطني انهم سحبوا حق شخصين .. فما العمل ؟؟؟؟
اراجع من بخصوص ان رسالة التخصيص ماوصلت حق زوجتي ؟؟ هل في احتمال انهم ماخصصوا حق زوجتـــي مثلاً ؟؟؟؟؟؟ هل في طريقة ثانية غير اني اروح اخذ كشف بعدد الاسهم الي عندها عن طريق الرقم الشخصي لكن كل ماروح احصل طابور صاك لين آخر السوق ومادشه لاني ماحب الانتظار .. أو اني اراجع بنك قطر الوطني ؟؟؟ لاني حاط امل انهم يرسلون لي الرسالةمن يوم التخصيص لين هذا اليوم .. فما العمل ..

وشكراً لكم

[كحيلان]

اطمئن يابني يمكن بسبب الزحمه انا نفس الشي حصلي نفسك قلتلهم ليش التأخير قالولي بسبب الضغط المهم ارقد وامن

[KhalidQ]

تقدر تروح البنك الوطني اللي بجوار البنك المركزي
وتقولهم الموضوع راح يرشدونك الى المسؤول وتعطيه بطاقتك
ويقولك كم خصص لك او اتصل على البنك الوطني وراح يرشدونك
لان البنك هو اللي قام بجمع الاموال للاكتتاب وارسل الشيكات
للاموال بعد تخصيص

[Chambray]

هلا اخواني .. لزيادة التوضيح ان الفلوس انخصمت من حسابي .. وباقي الفلوس ردت لحسابي .. يعني حسبتها مافي شئ غلط .. لكن .. أنا اسأل عن ( إشعار التخصيص ) .. مادري هل خصصوا حق زوجتي ولا السالفة فيها نكبه ؟؟؟؟؟؟؟؟

[ابوعلي اليافعي]

الاخ الدبلوماسي..هناك عدة طرق تستطيع معرفة التخصيص الي تم الزوجتك..الطرق الي ذكروها الاخوان وممكن هناك طريقه اخرى اسهل..وهي ان تقوم بالاتصال بالبروكر الي تتعامل معاه في البيع والشراء وتعطيه رقم بطاقة زوجتك وتطلب منه ان يسحب الاسهم وهنا ستستطيع التاكد من وجود الاسهم..ثانيا لاتخاف مستحيل انهم مايكونون خصصوا لزوجتك لان المشكله بتكون عليهم مب عليك...