ما هور رأيك بالاستثمار بفلوس الغير

[al_rahy2003]

السلام عليكم

يا جماعة اشرايكم اذا واحد يستثمر الى ربعة واهلة ويعطيهم فايدة وياخذ فايدته
يعني اهم بس جالسين مكانهم ويجيهم راس المال مضاف اليه نسبة من الارباح
مع العلم انه الشخص الي بيستثمر لهم ما عنده راس مال ويبي يدش في السوق بس مش عارف
يعني ما عنده راس مال


اشرايكم

[rashid-1]

شووووف أخوووي

نصيحة أخوووويه أبتعد عن الإستثمار للغير لأن فيها مشاكل ماتخلص وإتهامات بالباطل

وأعرف شخص دخل البورصة بمبلغ 600 الف وخسر وهالمبلغ ليس له وحده ..مدخل وياه أهله

وبعدين الواحد المفروض مايغامر ويتاجر بأموال الغير لأن بكره يمكن يخسر ويندم طول عمره على هالتصرف

[PoBox]

السلام عليكم

يا جماعة اشرايكم اذا واحد يستثمر الى ربعة واهلة ويعطيهم فايدة وياخذ فايدته
يعني اهم بس جالسين مكانهم ويجيهم راس المال مضاف اليه نسبة من الارباح
مع العلم انه الشخص الي بيستثمر لهم ما عنده راس مال ويبي يدش في السوق بس مش عارف
يعني ما عنده راس مال


اشرايكم

تقول مضافا اليه نسبة من الارباح ..

طيب وشدراك لا قدر الله تكون ناقصا منه نسبة من الخسائر ..

الحقيقة
الاستثمار في اموال الناس .. فيها كثير من الاحراج ..
واتهامات لا مباشرة ..


لان غالبا من سيعطيك المبلغ من اهلك سيكون لا يعرف في البورصة
والا لكان دخلها بنفسه ..

ولا يعرف التقلبات والخسائر والارباح الجنونية الحاصلة


انا عن نفسي لا احبذ هذه الطريقة
حتى لو صاحب راس المال قالي
المبلغ كله فداك لو خسرته ...

احراااااااااااااااج ..

[ابو الاسهم]

السلام عليكم

يا جماعة اشرايكم اذا واحد يستثمر الى ربعة واهلة ويعطيهم فايدة وياخذ فايدته
يعني اهم بس جالسين مكانهم ويجيهم راس المال مضاف اليه نسبة من الارباح
مع العلم انه الشخص الي بيستثمر لهم ما عنده راس مال ويبي يدش في السوق بس مش عارف
يعني ما عنده راس مال


اشرايكم
ابعد

نصيحة من مجرّب

[$$$]

ما انصحك....

[لاداعي]

خلك استثمر بفلوسك احسن لك

[Alemadi]

ماانصحك اخوي وخاصه تقول انك جديد على البورصه .... تبي نصيحتي خذ لك سلفيه بمبلغ صغير لايتعدى ال 50 الف ريال قطري :court: وتوكل على الله واذا لاقدر الله خسرت بتتحمل الخساره بنفسك :funny: واذا خذت السلفيه اعمل احسابك انك بتردها للبنك خلال سنه اقل شي لان اذا خسرت على الاقل بتكون عامل احسابك من قبل حق الانتظار لمده سنه عشان تطلع راس مالك كامل وزياده ارباح عليه

الله يوفقك

اخوك العمادي :nice:

[rashid-1]

ماانصحك اخوي وخاصه تقول انك جديد على البورصه .... تبي نصيحتي خذ لك سلفيه بمبلغ صغير لايتعدى ال 50 الف ريال قطري :court: وتوكل على الله واذا لاقدر الله خسرت بتتحمل الخساره بنفسك :funny: واذا خذت السلفيه اعمل احسابك انك بتردها للبنك خلال سنه اقل شي لان اذا خسرت على الاقل بتكون عامل احسابك من قبل حق الانتظار لمده سنه عشان تطلع راس مالك كامل وزياده ارباح عليه

الله يوفقك

اخوك العمادي :nice:

يالعمادي

أسمحلي أقولك نصيحتك هاذي مهب مناسبة لعدة أسباب

السبب الأول : القرض من البنك حرام لأنه ربا

السبب الثاني : البنك سيأخذ فائدة لابأس منها من العميل

السبب الثالث : مافي ضمان للربح

وأخير ( يربي الصدقات ويمحق الربى )

[المخلب]

خذراحتك تبي تستثمر بكيفك ماتبي هم بكيفك

بس لما تربح ادعي لنا

ولما تخسر ادعي لنفسك مو علينا :)

[Alemadi]

يالعمادي

أسمحلي أقولك نصيحتك هاذي مهب مناسبة لعدة أسباب

السبب الأول : القرض من البنك حرام لأنه ربا

السبب الثاني : البنك سيأخذ فائدة لابأس منها من العميل

السبب الثالث : مافي ضمان للربح

وأخير ( يربي الصدقات ويمحق الربى )


انا معاك ان القرض من بنك ربوي حرام مافي شك في ذلك وانا قصدت القرض من البنوك الاسلاميه :deal: واكبد اخوي البورصه فيها ربح وخساره والواحد لازم يحسب حق الخساره اكثر من الربح وانا كنت ابي اوضح له ان القرض بمبلغ صغير احسن من الاستثمار باموال الغير :deal:

يارب اغنينا بحلالك عن حرامك

اخوك العمادي :nice:

[abusultan707]

ما انصحك انا شخيا صار لي درس ما راح انساة كان بسمي اسهم لشخص قريبي وقال سو فيها الي تبي بس يوم تجي الارباح او اقول لك بيع تبيع المه ارتفعت شوي وبعت على امل بتنزل واشتريها وان ااستفيد المهم بعتها باربعين وتواصل الارتفاع لين 56 شوي الا متتصل يقول لي بيع طبعا ما قلت لة شلي صار واعطيتة الفرق من مخباي وصرت اخاف اضارب حتى في اسهمي :anger1:

[الجني]

إذا كنت مؤهل و دارس اقتصاد و استثمار و تمللك خبرة في المجال لا تقل عن 5 سنوات . لا تتردد و لكن بطريقة منهجية.

و بالتوفيق

[الرسام القطري]

أنا أنصحك بس أذا كنت تقدر تستحمل وعندك في البنك مبلغ يغطي اي وقت يطلبك

شوف خذا المبلغ بس لاتشتري الحين اي شيء

بعد توزيع الأرباح
خذ المصرف
الدولي
الإسلامية

ولاتخاف

أنا سحبت قرض من البنك 750 الف العام من بنك الدوحة
وشريت المصرف على 213 ريال
رشريت الدولي على 220
وشريت الأسلامية

وبعت المصرف السنه يوم كان 475 من كم شهر
والدولي ببيعه قبل الأرباح
والأسلامية نفس الشيء

ماراح أنتظر الأرباح لأنه راح ينزل السهم وايد
الحمدالله رجعت للبنك الى الآن 400 الف أقدر ابيع الدولي الحين بكون رجعت فلوس البنك وبزيد عندي مبلغ كبير وللحين عندي الإسلامية بعد ربحان
يعني دخلت ضعف المبلغ

لا تغـــــــــــــــــــــامر الحين لأني وضع السوق مب مطمن
اصبر لين نهاية وزيع الأرباح

[oqbah]

وانا اخوك
قس الامر هذا على نفسك
لوم جاك احد من اخوانك وربعك وقال انه يجمع دراهم الناس ولا اهله وهو ماعنده خبره بالتعامل في الاسهم صدقني ماراح تعطيه ريال واحد

واذا قالك انه هو نفسه ماعنده ريال بيشارككم فيه يضيق صدرك اكثر لانه قاعد يتعلم الحلاقه في روس اليتامى

شي احس انه مخجل وراح يحرجك اكثر مع ربعك وجماعتك واهلك

ابعد الفكره حتى تثبت نفسك بدراهمك وتشوف انك افلحت ونجحت
ثمن فكر بفلوس الغير

عموما موفق وانا اخوك وما خاب من استشار وماندم من استخار

[فارس العنزي]

وانا اخوك
قس الامر هذا على نفسك
لوم جاك احد من اخوانك وربعك وقال انه يجمع دراهم الناس ولا اهله وهو ماعنده خبره بالتعامل في الاسهم صدقني ماراح تعطيه ريال واحد

واذا قالك انه هو نفسه ماعنده ريال بيشارككم فيه يضيق صدرك اكثر لانه قاعد يتعلم الحلاقه في روس اليتامى

شي احس انه مخجل وراح يحرجك اكثر مع ربعك وجماعتك واهلك

ابعد الفكره حتى تثبت نفسك بدراهمك وتشوف انك افلحت ونجحت
ثمن فكر بفلوس الغير

عموما موفق وانا اخوك وما خاب من استشار وماندم من استخار


الله هالصوره إللي حاطها في قمة الروعة ، بس وين مصورها بأي مكان

[عاشقة المضاربة]

أنا أنصح بالاستثمار وأن يحاول أن يدخل السوق وهو واثق وليس جميعناُ ولدنا خبراء في البورصة ولاتقولون أن منكم لم يخطاء جميعاُ تعلمنا من أخطائنا يتوكل على الله ويستشير أقرب الناس لة اذا لهم اي تعاملات في السوق وأنشــــــالله يصبح من أصحاب الملاين وهو الذي يستثمر أموالة أنا لي تجربة سابقة والحمدالله وفقت فيها كثيراُ أحدى قريباتي تملك مبلغ جيد وطلبت مني أن أستثمره في سوق الاسهم لانها لاتحصل على أي فوائد أو ارباح من تجميد المبلغ والحمدالله أستطعت أن أجعلها تتجة للاستثمار لانها كانت ترى الارباح التي تدر علينا من السوق وليعلم الجميع بأن هناك منازل كثيرة مفتوحة فقط من أرباح السوق وأصحابها لايملكون وظائف بدخل شهري ثابت فقط هم مستثمرين

[al_rahy2003]

شووووف أخوووي

نصيحة أخوووويه أبتعد عن الإستثمار للغير لأن فيها مشاكل ماتخلص وإتهامات بالباطل

وأعرف شخص دخل البورصة بمبلغ 600 الف وخسر وهالمبلغ ليس له وحده ..مدخل وياه أهله

وبعدين الواحد المفروض مايغامر ويتاجر بأموال الغير لأن بكره يمكن يخسر ويندم طول عمره على هالتصرف

شكرا على النصيحة با خوي

[al_rahy2003]

تقول مضافا اليه نسبة من الارباح ..

طيب وشدراك لا قدر الله تكون ناقصا منه نسبة من الخسائر ..

الحقيقة
الاستثمار في اموال الناس .. فيها كثير من الاحراج ..
واتهامات لا مباشرة ..


لان غالبا من سيعطيك المبلغ من اهلك سيكون لا يعرف في البورصة
والا لكان دخلها بنفسه ..

ولا يعرف التقلبات والخسائر والارباح الجنونية الحاصلة


انا عن نفسي لا احبذ هذه الطريقة
حتى لو صاحب راس المال قالي
المبلغ كله فداك لو خسرته ...

احراااااااااااااااج ..


شكرا اخوي وكلامك عدل بس انا سويته وسلام وانا بصراحة متوكل على الله
فمن توكل على الله فهو حسبه

[al_rahy2003]

ابعد

نصيحة من مجرّب

انا الحين سويته وانطر الوقت المناسب للبيع وافتك من هذا الطريق

[al_rahy2003]

خلك استثمر بفلوسك احسن لك


اذا بعت الي عندي ورجعت الى الناس حقوقها برتاح نفسيا شهر وبعدين بارجع بفلوسي انشاء الله

[al_rahy2003]

ماانصحك اخوي وخاصه تقول انك جديد على البورصه .... تبي نصيحتي خذ لك سلفيه بمبلغ صغير لايتعدى ال 50 الف ريال قطري :court: وتوكل على الله واذا لاقدر الله خسرت بتتحمل الخساره بنفسك :funny: واذا خذت السلفيه اعمل احسابك انك بتردها للبنك خلال سنه اقل شي لان اذا خسرت على الاقل بتكون عامل احسابك من قبل حق الانتظار لمده سنه عشان تطلع راس مالك كامل وزياده ارباح عليه

الله يوفقك

اخوك العمادي :nice:


شكرا اخوي العمادي
بس انا الحين اننطر الوقت المناسب للبيع وافتك
بس بأذن الله بعد ما اخلص روحي من حقوق الناس راح ادش دورة عن الاستثمار
ادري التوقيت عندي خربطى بس صار الي صار والله يستر

[al_rahy2003]

يالعمادي

أسمحلي أقولك نصيحتك هاذي مهب مناسبة لعدة أسباب

السبب الأول : القرض من البنك حرام لأنه ربا

السبب الثاني : البنك سيأخذ فائدة لابأس منها من العميل

السبب الثالث : مافي ضمان للربح

وأخير ( يربي الصدقات ويمحق الربى )

لا توصي حريص
بس المشكلة اني متولع بالطريق هذا طريق الاسهم الاستثمار اقصد
والمشكلة الثانية انه بنك راتبي بنك ربوي وانا اصلا ما يعطوني قرض لاني ماخذ قرض من قبل

[rashid_qatar]

أبعد عن الشر وغنيييلة .......... اولها حلووو وأخرهااااااااااا ندم وهم .

[al_rahy2003]

أبعد عن الشر وغنيييلة .......... اولها حلووو وأخرهااااااااااا ندم وهم .


اي والله صدقت والله يستر ادعيلي اخلص روحي من هذا الطريق واستثمر بفلوسي
تراني ما انام الليل

[oqbah]

الصوره ياراعي الكويت
روضة خريم شرق الرياض
وترى هالايام خوش ربيع كان ودك تنتعش
وحياك الله والدار دارك

[الرمز]

السلام عليكم

يا جماعة اشرايكم اذا واحد يستثمر الى ربعة واهلة ويعطيهم فايدة وياخذ فايدته
يعني اهم بس جالسين مكانهم ويجيهم راس المال مضاف اليه نسبة من الارباح
مع العلم انه الشخص الي بيستثمر لهم ما عنده راس مال ويبي يدش في السوق بس مش عارف
يعني ما عنده راس مال


اشرايكم

( فيه مثل يقول ( فاقد الشي لا يعطيه )

[ابوسلمان]

خطر اذا خسرت بيزعلون عليك :anger1:

[blackjacket]

انه سويت الحركه هذي و خسرت !!!!! و صدقني يوم تخسر الكل راح يلومك !!!!!!!!!! في طريقه ثانيه ممكن ترهن اسهمك في المجموعه و راح يعطونك مبلغ حلو ! بس بعد لا تسوي الحركه تراها مجازفه لاني انا سويتها بعد و ما قدرت اسدد الاقساط لان فلوسي كلها في السوق و خسران فيها و اخر شي بعت بخساره و فكيت نفسي و رجعت فلوس الناس :court:

[๏̯͡๏]

انه سويت الحركه هذي و خسرت !!!!! و صدقني يوم تخسر الكل راح يلومك !!!!!!!!!! في طريقه ثانيه ممكن ترهن اسهمك في المجموعه و راح يعطونك مبلغ حلو ! بس بعد لا تسوي الحركه تراها مجازفه لاني انا سويتها بعد و ما قدرت اسدد الاقساط لان فلوسي كلها في السوق و خسران فيها و اخر شي بعت بخساره و فكيت نفسي و رجعت فلوس الناس :court:


اكل العنب حبه حبه ... من يأكل العنب حبة حبه سيتلذذ بطعمه ...

[al_rahy2003]

أنا أنصح بالاستثمار وأن يحاول أن يدخل السوق وهو واثق وليس جميعناُ ولدنا خبراء في البورصة ولاتقولون أن منكم لم يخطاء جميعاُ تعلمنا من أخطائنا يتوكل على الله ويستشير أقرب الناس لة اذا لهم اي تعاملات في السوق وأنشــــــالله يصبح من أصحاب الملاين وهو الذي يستثمر أموالة أنا لي تجربة سابقة والحمدالله وفقت فيها كثيراُ أحدى قريباتي تملك مبلغ جيد وطلبت مني أن أستثمره في سوق الاسهم لانها لاتحصل على أي فوائد أو ارباح من تجميد المبلغ والحمدالله أستطعت أن أجعلها تتجة للاستثمار لانها كانت ترى الارباح التي تدر علينا من السوق وليعلم الجميع بأن هناك منازل كثيرة مفتوحة فقط من أرباح السوق وأصحابها لايملكون وظائف بدخل شهري ثابت فقط هم مستثمرين

كلام من ذهب

مشكورة اختي