المساعد الشخصي الرقمي

مشاهدة النسخة كاملة : شرايكم في مكيفات سبلت ماركة Carrier ؟؟؟



فويرط
26-09-2009, 11:37 PM
السلام عليكم

ايش رايكم في مكيفات كارير (Carrier) اسبلت ؟؟

هل في احد منكم عنده تجارب مع هذه الشركة في الاسبلت ؟؟

لاني افكر احط في بيتي الجديد كله ماركت (كارير) سبلت

ولا أنتوا شرايكم ؟؟

Qatar Flash
26-09-2009, 11:41 PM
يا خوي كارير من المكيفات الجيده . . ولكن انا شريت جنرال من عند العمادي وهي براي افضل
ويقولون ال fuji بعد ممتازه عند الريس في شارع الخليج

بو الجوري
27-09-2009, 12:51 AM
والله يالغالي انا ماجربت كارير ،، لكن اللي جربوه يمدحون المكيفات ،،
وسعرها فيها :: وممتازه الصراحه ،، من ناحية التبريد والكوالتي ،،
وإن شاء الله الباقي يفيدونك ،،

آنــه
27-09-2009, 01:17 AM
احنا مستخدمين كارير .. صراحه وبدون اي مجامله من افضل المكيفات السبلت اللي شفتهم واستخدمتهم " خدمتهم ممتازه وخرابهم قليل والتبريد لا يعلى عليه ما شاء الله م شاء الله .. وعندنا في البيت 3 انواع غيره ولا واحد فيهم فيه خير .. وفي الخطه الخمسيه بنشيل اللي عندنا كلهم وبنركب كرير لان حتى احجامهم حلوه ولبجه مب مثل الباقي

ولد شرق
27-09-2009, 01:30 AM
اخوي
انا بيتي كله كاريير سبلت
توكل على الله
من احسن المكيفات ماشاء الله
عندك الوكيل وعندك الموزع المعتمد في شارع الخليج

ana_ana
27-09-2009, 01:32 AM
اخذ اي نوع الا ال l g

شبح الأسهم
27-09-2009, 01:39 AM
ياخوي انا عندي كله سامسونغ بس المسجد اللي اصلي فيه كله كارير بس شاقولك من البروده ماقدر اصلي

Chambray
27-09-2009, 02:26 PM
كارير الي عند برج الجيده ؟ هذا هو؟ ولا غيره ؟

خليفـة
27-09-2009, 05:02 PM
كارير زين يالغالي

ولكن
لو كنت تدور مكيف يبرد تبريد ماله حل
خذ : cooline وكيلهم جنرال عبدالحميد وأسد عماد التجارية .

صدقني يالغالي درجة الحرارة تنزل قريب الـ 19 في عز الظهر .. ولا تستغرب اذا صحيت من النوم وانت متجمد لان صج صج ماله حل .

الله يوفقك

فويرط
27-09-2009, 11:33 PM
جزاكم الله خير على مروركم الكريم

وبصراحة انا عندي في البيت كارير بس وندو ( اثنين ) بوطن ونص .... بصراحة مالهم حل .. ماشاء الله

لكن حبيت اشوف السبلت وعن تجاربكم معاهم ....

وفي اعتقادي ان الصيانة الدورية للمكيف الاسبلت من تنظيف ... راح يعالج مشاكل المكيفات من انسداد فتحة الماي و تبريد وووو و ألخ ...

وجزاكم الله خير

فويرط
27-09-2009, 11:35 PM
كارير الي عند برج الجيده ؟ هذا هو؟ ولا غيره ؟

مرحبا اخوي

وكيلهم عند فندق جنة الخليج ( اعتقد في صفة المحلات اللي تحت الفندق ) .... اللي في شارع الخليج ... صوب جسر الجيدة

ولد شرق
27-09-2009, 11:37 PM
كارير الي عند برج الجيده ؟ هذا هو؟ ولا غيره ؟

ايه نعم اخوي
اللي عند برج الجيده
اما اللي عند فندق جنة الخليج فهو موزع واسمه ماستر كول

فويرط
27-09-2009, 11:39 PM
ايه نعم اخوي
اللي عند برج الجيده
اما اللي عند فندق جنة الخليج فهو موزع واسمه ماستر كول

اها .... لاني انا شاري مكيفاتي من هناك

جزاك الله خير على التوضيح والتنبيه

فويرط
02-10-2009, 10:14 AM
يعني خلاص اتوكل على الله وأركب

فويرط
05-10-2009, 09:07 PM
جزاكم الله خير جميعاً على مروركم الكريم

rashid_qatar
05-10-2009, 09:31 PM
جبسن ولا اروع منة تبريد وقوة دفع غيرت الجي وركبت جبسن بصراحة ررررروعة تبريد ودفع هواء قوي لاتركب الا 2 طن وفوق حسب المكان

عـلاء
09-10-2009, 12:17 PM
شكراٌ على المعلومات القيمه

حمد
27-01-2010, 02:06 PM
ياشباب وخاصة المشاركين بالموضوع

بعد تركيبكم للمكيفات ... ايش رايكم الحين هل مكيفاتكم جيده ومازالت تؤدي اداء جيد ولالا ...؟

رايكم مع ضرورة ذكر اسم المكيف

اخوكم محتار

زهرة الوادي
27-01-2010, 09:01 PM
انا جربت هالنوع ... وهو ممتاز

هذا رايي ..

حمد
27-01-2010, 09:35 PM
يعني في رايكم نركب كارير

ممكن معلومات عن هالنوع وسعر الطن ونص وطنين ؟

Om Majed
27-01-2010, 10:02 PM
آنا بيتي كله كرير والله كل شهر أجيب الصيانه يصلحون شي فيها
وفيه قطعه كل ساعه تخترب ب( ميه وخمسين ريال )
هاذي من يجي العامل لازم يقولي هالقطعه خربانه في كل كنديشن ... وكل شهر لازم المكيف يقطر ماي
وألا يوقف ويولع أخضر والحاله حاله سألت أهلي أنتوا مكيفاتكم مثلي تخترب وكل شهر صيانه
قالوا لا والله ... معناته كيرير مب شي :(

السهم الكلاسيكي
28-01-2010, 03:12 AM
راي انا المكيفات الان
كلها صناعة كورية او ماليزية او عربية
ولكن اقوى انواع السبليت مكيفات ميتسوبيشي تجميع ياباني ثم دايكن ثم Lg
1- مكيفات ميتسوبيشي تجميع ياباني
2- مكيفات ميتسوبيشي تجميع تايلندي
3-مكيفات ( جنرال ) ( تجميع تايلندي ) ( ملحوظة إسم جنرال مُستغل من الشركات الصينية فأحرص أن تكون بإسم O-GENERAL )
4- مكيفات فوجي اليابانية تجميع تايلندي
5- مكيفات دايكون اليابانية تجميع تايلندي
6- مكيفات Lg صناعة وتجميع كوريا

1) ابتعد كل البعد عن اي كمبرسر روتاري ( مع ان اغلب اللي موجود للاسف روتاري ) وهذا الكمبرسر صغير و وما يصلح على الاطلاق . ومعروف ان الكمبرسر اهم شيئ في المكيف. النوع الثاني من الكمبرسر وكان يركب على المكيفات القديمة سيلندر وهو صعب الحصول عليه الا انه يجب البحث .
2) الكلام عن الكمبرسر ينطبق على مكيف النوافذ والسبلت .
3) حسب مساحة الغرف والمجالس والصالات يجب اختيار ال btu يعني كم طن ولا تنسى اذا كان وجهة البيت غربي او شمالي او مافيه عوازل .

واحد ركب مكيف ال جي 18.000 في غرفة 6في6 ولم يبرد فقال ان ال جي سيئ جدا وما يبرد
وثاني ركب ال جي في غرفة 3 في 3 فقال احسن شي ال جي
لذلك لابد من اخذ اعتبار المساحة وحرارة الغرفة وهل فوقها سطح ام لا وهل الجدران بها عوازل

الاجهزه القوية وأداؤها قوي هي كالتالي :-
والمكيفات على حسب علمي انها 3 درجات


االاولى
الامريكي + اليباني الاصلي+ التجميع امثال جنرال والدايكين والهيتاشي ترين فوجي ميتسوبيشي



الدرجة الثانية
جبسون افضلهم كرير وال lg سامسوتج الزامل وكرفت




الدرجة الثالثة ونصحك الابتعاد عنها
هي كل انواع الصيني المنتشر بسوق


واسمائها
أمثال
1- سانيو
2- هيتاشي
3- قري
4- ال جي
5- سامسونج

السد
28-01-2010, 06:50 AM
عليك بمكيفات ترين الامريكية
شركة الدرويش للتجارة
طريق سلوى

فويرط
31-01-2010, 01:25 PM
ياشباب وخاصة المشاركين بالموضوع

بعد تركيبكم للمكيفات ... ايش رايكم الحين هل مكيفاتكم جيده ومازالت تؤدي اداء جيد ولالا ...؟

رايكم مع ضرورة ذكر اسم المكيف

اخوكم محتار

مرحبا اخوي حمد

هاه بشر ؟؟ ايش رسيت عليه ؟؟

لاني انا لين الحين متوهق بصراحة

الجنرال .. قالو زين بس شعار خدمتهم ما بعد البيع ( دورنــــــي ) على كلام بعض الاعضاء
المستوبيشي ... قالو تقريبا من احسن المكيفات ، لكن انا عندي بيتين من اللي يصيرون لي
مركبين مستوبيشي ،، من اول سنه صارت مشاكل مع المكيفات ،، الا ينقط ماي أو قطعه مبدلينها
مع أن أول سنه لهم في البيت ...
الحين جينا للكارير ... ( اللي خاطري اركب منهم بس متردد ) سئلت كم عضو ، وبصراحة يمدحولي اياه ، وفي احد الاعضاء قال انه مركب بيته كامل كارير وفيه واحد يقول بعض البيت كارير
وبعضه غير ، ويفكر يشيل المكيفات ويركب كارير
انا عندي في البيت الحين كارير بس وندو مب سبلت ... وبصراحة ماشاء الله ماعليهم كلام


بس الحين ابي رايك في الموضوع ،، وايش رسيت عليه ؟؟

حمد
01-02-2010, 05:23 PM
مرحبا اخوي حمد

هاه بشر ؟؟ ايش رسيت عليه ؟؟

لاني انا لين الحين متوهق بصراحة

الجنرال .. قالو زين بس شعار خدمتهم ما بعد البيع ( دورنــــــي ) على كلام بعض الاعضاء
المستوبيشي ... قالو تقريبا من احسن المكيفات ، لكن انا عندي بيتين من اللي يصيرون لي
مركبين مستوبيشي ،، من اول سنه صارت مشاكل مع المكيفات ،، الا ينقط ماي أو قطعه مبدلينها
مع أن أول سنه لهم في البيت ...
الحين جينا للكارير ... ( اللي خاطري اركب منهم بس متردد ) سئلت كم عضو ، وبصراحة يمدحولي اياه ، وفي احد الاعضاء قال انه مركب بيته كامل كارير وفيه واحد يقول بعض البيت كارير
وبعضه غير ، ويفكر يشيل المكيفات ويركب كارير
انا عندي في البيت الحين كارير بس وندو مب سبلت ... وبصراحة ماشاء الله ماعليهم كلام


بس الحين ابي رايك في الموضوع ،، وايش رسيت عليه ؟؟

جنرال - العمادي

فويرط
02-02-2010, 02:36 PM
جنرال - العمادي

وبكم طلع عليك المكيف ؟؟

1.5 طن ؟؟

2 طن ؟؟

ماضي
08-02-2010, 12:49 PM
مكيف كارير قصتي وياه قصة من قرادة حظي اني حطيته في غرفة النوم ما كمل 3 شهور الا و يصب ماي وكل ما اتصلهم يصلحونه واسوبع ويرجع يصب والله يمكن اربع مرات لين رحت وكالتهم في برج الجيدا وعصبت عليهم ارسلو ثاني مرة العمال وصلحوه واللحين لك عليه نصيحة لله ابعد عنه .

فويرط
08-02-2010, 10:05 PM
مكيف كارير قصتي وياه قصة من قرادة حظي اني حطيته في غرفة النوم ما كمل 3 شهور الا و يصب ماي وكل ما اتصلهم يصلحونه واسوبع ويرجع يصب والله يمكن اربع مرات لين رحت وكالتهم في برج الجيدا وعصبت عليهم ارسلو ثاني مرة العمال وصلحوه واللحين لك عليه نصيحة لله ابعد عنه .


اخوي
الكارير نوعين

في كمبرسر روتري وفيه بستن

يمكن النوع اللي خذته انت روتري تجميع مصر

لان الكارير فيه نوعيات جيدة لان فيه بعض الاعضاء ما شاء الله ومن بعد تجربه يمدحونه

حتى انا عندي مكيفين وندو كارير ما شاء الله عليهم

والله يعينك اخوي

The Watcher
27-03-2010, 11:08 PM
مكيف كارير قصتي وياه قصة من قرادة حظي اني حطيته في غرفة النوم ما كمل 3 شهور الا و يصب ماي وكل ما اتصلهم يصلحونه واسوبع ويرجع يصب والله يمكن اربع مرات لين رحت وكالتهم في برج الجيدا وعصبت عليهم ارسلو ثاني مرة العمال وصلحوه واللحين لك عليه نصيحة لله ابعد عنه .

في كثير من الاحيان لما السبلت يقطر ماي .. هذا مش معناه ان الميكف نفسه هو اللي تعبان .. احياناً تكون توصيلات تصريف الماي فيها مشكلة

تأكد من التوصيلات .. ويفضل ان مايكون البيب يلف وايد .. كل ماكان سيدا يكون افضل

فارس قطر
30-06-2010, 02:09 AM
اقوى انواع السبليت مكيفات ميتسوبيشي تجميع ياباني ثم دايكن ثم Lg

شبيــه الريح
30-06-2010, 02:39 AM
ركب ميتسوبيشي دايا الياباني الوحيد اللي لين الحين ياباني ووشركتهم بطريق سلوى التيسير اسمها ولا فوجي

r07
30-06-2010, 04:34 PM
جنرال - العمادي

اللي بياخذ منهم لبيت كامل يروح وقت التنزيلات...لأني لما رحت وقلت لهم ابي اشتري لبيت كامل على اساس ينزلون لي في السعر نصحني البياع اشتري وقت التنزيلات...المهم في النهايه تعاقدت مع كاريير لأن اسعارهم مناسبه واشكالهم حلوه ..كاريير خذت من عندهم سبلت بستن وحاولت قد ماقدر اتجنب الصناعه المصريه مع ان البياع يمدح في كل الموجود ...بس سبحان الله شي نفسي احس ان الصناعه الاسيويه اجود من العربيه..

badarameen
30-06-2010, 07:24 PM
متى التنزيلات

A bin M
03-10-2010, 04:58 PM
تحمل تركب كارير