ابيكم تساعدوني برايكم ياجماعة الخير !!!!!

[المديون]

السلام عليكم ورحمة الله وبركاته

ابي منكم خدمه ياجماعة الخير وابيكم تساعدوني برايكم فقط لاغير

انا شاب مقبل على الزواج بالصيف ومحتاج فلووس وعندي 1000 سهم صناعات وشريتهم بغالي تقريبا 240 الف ريال

وبعضها سلفه من البنك
والحين مثل ماتشوفون نزلت اسعار الصناعات

وعندي 2600 سهم في الناقلات

وشرايكم ابيع الصناعات والا الناقلات

تكفوووون ابي رااااي اللي رايه سديد ...

[كحيلان]

ايه والله ابشر بسعدك بالنسبه لي انصحك تترك الصناعات ولا تفكر اتبيع منها حتى ربع سهم اذا مضطر تبيع بيع في الناقلات 1500 سهم ضرب انشاء الله في 100ريال او 90 ريال ترا سعرها زوين حليو بس مشكلتك مستعجل المهم توكل على الله اعتقد الجميع راح يقولك نفس كلامي وبالتوفيق

[مغروور قطر]

عليكم السلام ورحمه اخوي المديون


تحياتي لك

اولا ,, بتكلم عن صناعات اخوي انت ذكرت شريت 1000 سهم مبلغ 240 الاف ريال يعني من الملاحظ خسران تقريبا 50 الاف ريال في فترة انزوول انا اعتقد سوف ترتفع قريبا بأذن الله الى 220 تقريبا فا انصح في بيع صناعات حيث عدد الاسهم كما ذكرت قليل 1000 سهم وقل ربما ارتفاع خلال سنه او سنتين الى 500 ريال يعني ربحان 260 الاف ريال


ثانيا .. اسهم ناقلات تمتلك 2600 سهم بسعر تقريبا 13 الاف ريال راس مالك ولاكن اذا استثمارك طويل الاجل سوف يعني سنه او سنتين الى اقل سعر سوف توصل اليه 150 ريال يعني ربحان ان شاء الله 377 الاف ريال


عني انا انصح ببيع الصناعات مع موجات الارتفاع االقدامه ان شاء الله ملاحظه (( بنسبه لزواجك يعني المبلغ سوف يستثمر لزواج والمشايخ حرمو بيع الناقلات في الوقت الحالي ))



وتحياتي لك وهذا رأيي الشخصي

[كحيلان]

اخوي مغرور الرجال يبي يتزوج باالصيف وانت تقوله بيع الصناعات على كذا تبيه يتزوج بصيف 2006اخوي مغرور لو انت محله وتبي تزوج بالصيف بتسوي لنفسك جذيه! (لا يؤمن احدكم حتى يحب لأخيه مايحب لنفسه)

[منصور]

بيع وخل امورك تمشي

[مغروور قطر]

اخواني الاعزاء هذا زواج وانا عطيته وناقلات محرم بيعها في الفتره الحاليه يا اخوان انا اعطي نصيحه كما نصيحه لي محرم يعني تبونه يتزوح بفلوس محرمه لا تاخذون الامور بدون ماتقرون الرد بالكامل تحياتي لكم

[المديون]

جعل ربي يوفقكم كلكم ياجماعة الخير

الشي اللي استنتجته من ردودكم انكم صادقين في كلامكم

وفي نصايحكم

وانا بحاول ابيع منيه شوي ومناك شوي والله غفور رحيم

وتراكم معزومين ,,,,

[سلطان زماني]

مبروووووووووووووووووووووك العرس

بس الحين غير لو ما بعت ترى خسراااااااااااان حاليا

[اللوجستي]

مكن سؤال يمغرور: مهو المغزى من تحريم بيع ناقلات الآن؟ وهل حرام شراه الآن أيضا ولمذا؟

[كحيلان]

هكذا 1-يامغرور 2- ولماذا 3-ممكن 4-ماهو

[منصور]

بشر يا المديون عسا بعت كل شي

[RayeG]

ايه والله ابشر بسعدك بالنسبه لي انصحك تترك الصناعات ولا تفكر اتبيع منها حتى ربع سهم اذا مضطر تبيع بيع في الناقلات 1500 سهم ضرب انشاء الله في 100ريال او 90 ريال ترا سعرها زوين حليو بس مشكلتك مستعجل المهم توكل على الله اعتقد الجميع راح يقولك نفس كلامي وبالتوفيق

اجل اتقول يبيع ناقلات على 100 :nice:

يعجبني التفائل اللي ممزوج بشوية احلام وردية .. صح النوم

[كحيلان]

اخوي Rayeg انا نصحت الاخ بالبيع ب 100 او 90


في ذمتك اخوي لو الاخ عرض مع الناس في اول البيع يعني راح يبيع بكل سهوله 80 رياااااااال


في ذمتك ايش الفرق بين 90رياااال و ال80 رياااااال


بالعكس اخوي كلامي اقرب لصواب وطريقة الاقتباس انما دليل بأن توقعي كان قريب من ال 90 وشكرا لك


اذا شغلتك مثل غيرك اقتباس في اقتباس هذي فضاوه



انت فقط هدفك واضح وضوح الشمس لكن اقولك روح صيدلك احد غيري


(((((كل توقع و تحليل تأكد القليل منهم دائما يصيب اما الباقي مجرد حظ او صدفه)))))

[RayeG]

من ناحية فضاوة .. اكذب عليك لو قلتلك اني مشغول اليوم

اما يا عزيزي كحيلان .. ال 80 اللي تكلم عنها كانت نزوة استمرت ثواني .. و الله يعين اللي شراها حتى على 50 .. ياخي شركة للحين ما مارست نشاطها .. و يبيلها كم سنة علشان اتحقق ارباح .. على أي اساس اتقول 90 و 100 .. اللي حبيت اقوله نكون واقعين و نبتعد عن المبالغة اللي أثرت على ناس واجد و شروا على اسعار خيالية ..
ووسع خاطرك

[ابو البورصه]

والله ان كلامك في محله يا رايق...... بس من راضي يفهم