ماذا حدث في دورة الوزارة يا مدرسات ؟

[saranay1]

انا ما حضرت الدورة
غبت اليوم باجازة مرضية
ورحت الوزارة علشان اطلب اجازة بلا راتب او تقاعد ..
كالعادة .. لا من مجيب .. كل واحد يحولك للثاني .. انا مادري ليش حاطين هذول الناس في الوزارة .. ماتاخذ منهم اي فايدة ..
ليما قالوا عند مسؤلج في الدورة
هل يوجد مسؤل في الدورة ؟؟
ياريت اللي راحوا المسار الثالث بالماريوت يقولون لنا ايش صار ؟

[أخت رجال]

مثل ماتوقعت

شتتوهم عشان يضمنون اجبارهم على مالايريدون

أولا المدارس رفضت توقيعهم وقالت روحوا البرج

ثانيا راحوا البرج وموضوعهم عند الاخ طارق العبدالله والاخ مو موجود

في مكتبه قالوا عنده اجتماع للساعه وحده!!! بيخترعون الذره؟!!!

شهالاجتماع اللي للساعه وحده؟!!! طبعا السالفه تهرب واضح جدا

ثالثا قالوا لهم بما ان طارق مو موجود توزعوا كل لمساره المحذوف في المنطقه الفلانيه

اللي في الماريوت واللي مادري وين !!!!


وفي الآخر انتهى الدوام وهم من مكان لي مكان والنتيجه اللي هم يبون

حسبنا الله وهو نعم الوكيل

[%حورية قطر%]

والله حرام

ايش هالفوضى

لتهونا عقب ما كنا مستقرين !!!!!!!!!!!!!

ايش بيضرهم لو حولوا اللي ما يبون دورات ومدارس مستقله ع البند المركزي ؟؟؟؟

حسبي الله ونعم الوكيل

[عاشق الشهادة]

يالييت يتعلمون من وزارة البلديه ممنوع الاجتماعات اثناء الدوام الرسمي؟ وانما الاجتماعات تنعقد بعد ساعات الدوام الرسميه

[saranay1]

طيب اللي اجتوعوا من الصبح في الماريوت ايش صار؟
هل عرفوا من اللي حضر ومن اللي غاب ..
من يبي الدورة ومن رافضها ..
قالوا ايش الخطة وايش اللي يبونه ....

انا لين اخذ اجازة مرضية قالت لي الدكتورة : اختي تبي الدورة وما حولوها لها .. خلوها في مدرستها .
عجب يا مسؤؤلين .. تخبط من غير دراسه ولا استفتاء
حنا اللي ما نبي حولونا للدورات .. واللي يبون ويسعون للدورة خلوهم في مدارسهم .

[بلو دايموند]

لا ابشرك اللي قالوا في الاوراق اللي عطونا اياه ارغب ولا ارغب تعرفينها اللي بلينهاا بماي وشربنا المقلب اللي حطوا لا ارغب في المستقله شلونا وعطونا دوره ووووين في المستقله من ورى خشومناااا غصبن عنا ابي اعرف حريه الاختيار وينهاااا نختار من نكون معاه نختار تخصصاتنا نختار اصحابنا نختار اكلنا نختارشربنا نختار نختار نختار واخررررررررر شي هم يجبرونااا على شي مالنا خيار فيه حريتنا قيدوهاااا مفروض علينا اشياء هذا تعنت هذا كبت للحريات من المنقذ من مالنااا الا الله ومن بعد الله من ...؟؟؟؟ من؟؟؟؟ من اللي بينقذنا وبيفتح باب البند المركزي وباب النقل من يالله انك تفرجهااا ياكررريم

[أخت رجال]

ولا هم المجلس الأعلى

ذابحين الموظفات في المستعله اجتماعات بعد الدوام

يابلفيت عشان المصلحه العامه وهم يحللون هالألف الزيادة اللي ذابحيننا بها


ليش ماخلا اجتماعه بعد قضاء مصالح الموظفات؟!!!!!!!!!!!!!!!!!!!!!!!!!!!!!!!!!!!!!!

ومصلحة العمل؟!!!!!!!!!!!!!!!!!!!!!!!!!!!!!!!!!!!!!


انا اللي كاسرات خاطري اللي صدقوا انه في اجتماع

الله يراويهم ظلمهم في أنفسهم

[هدوء 2]

اللي من هلي ف المسار الرابع راحو اليوم ع ولا شي ....لا دورات ولا شي ولما راحو المدرسه اللي انكطوا فيها مديرة المدرسه قالت آسفه انا مااستقبل وأسمائكم مب عندي!!!!! ولايوجد عندي شواغر وأرجعو للبرج ...:anger1:.... اين التنسيق يا عالم ؟؟؟ هل يعقل مديرة المدرسه تقول ليس لدي علم .!!!.المشكله اهل البرج كل يوم اجتماعات ولساعات وللاسف ماتم أرسال الاسماء للمديرات ولا اي شى رسمي .!!!!.:deal: وهم المساكين يعتبرون انفسهم ف دوره جان يقولون لهم بتوكنون مدرسات صف .... ومدرسة صف تكون ( انجليزي _علوم _ رياضيات ) هل يعقل ؟؟؟؟؟ هل هذه الدورات المعتمدة واالي تم التصريح عنها ف وسائل الاعلام :deal:

السؤال الاهم هل فعلا ف دورات أم لاء ؟؟؟؟؟؟؟؟:waiting::waiting:؟؟؟؟؟؟؟؟؟؟؟

و بالنسبه للاماكن مافي لنا مكان !!! ليش ماتم الترتيب مسبقا ع المكان؟؟؟::anger1:

طيب بالنسبه لدوام ليش الفترة طويله مدام ماف طلاب ؟؟؟؟ ولا دورات ايش الحكمه من ذلك

خلاص تعبت وئبي أرقد :yawn: ؟؟؟

[kitmat]

اليوم كان اجتماعنا في الماريوت والكل شكله خاضع للامر الواقع وبينهم وبين نفسهم متذمرين وكان الهدوء مسيطر على القاعه حسبي الله ونعم الوكيل حتى مانعينا من الاستقاله صديقتي اداريه وعمرها مادرست مسكينه حاطينها تدريس وتقول انا يوم درست في الجامعة ما اخترت ادرس والحين يجبروني على التدريس باي حق وكل ماتسأل الي يقول ماعرف والي يوجهك غلط والي يقول مو على كيفج بتدرسين غصب وين التدريس بيرتقي وبيتطور اذا هاذي حالتنا

[hussein66]

أنا جاني كلام أن المتدربين كانوا متذمرين جدا من الفكره أساسا
وطلعوا حرتهم في الاجتماع

[هبوب الشمال]

الله المستعان

الوزاره الوحيده الفاشله في الدوله 99%

ولا انتوا شرايكم ؟؟؟؟؟؟؟؟

[ريماس الغلا]

في ناس راحت وردت نفس ما هي

ما فهموا شئ من اللي حاصل

ليش مسؤولي الوزارة : كالمجلس الاعلى او التعليم

ما نحصّل مسؤول مسؤول ؟؟

[doha70999]

حاولوا تكلمون عبدالعزيز السيد مدير مكتب المدارس المستقلة لأي استفسار بخصوص المدارس المستفلة ومركز التدريب والتطوير بخصوص اي دورة تدريبية

بالتوفيق =)

[NOORA2008]

انا في المسار الرابع والمديرة ماقصرت قعدتنا لين 2 بدون شغله ولا عمله غير انهم ارسلو مسج علشان تغييييير المدرسه اللي هي في ابو نخله يعني كل يوم اطلع ومعاي جواز السفر .. وفالاخير انتهى الدوام ولا جانا شي ومنزلين الاسامي فالبرج يعني لازم نروح هناك علشان نعرف وين قطونا مره ثانيه

[بلو دايموند]

استغفر الله شي يحزن بصراحه مايدرون وين يقطونا صرنا كوره بيدهم يحذفونا يمين ويسار يمين ويسار ياخوفي تطيح الكروره من يدهم ومحد بخسر حزتها غيرنااااااا

[سينابون]

انا مارحت اليوم للماريوت انا في المسار الثاني بكره وين بيكون الدوام

[الواعد]

انا مارحت اليوم للماريوت انا في المسار الثاني بكره وين بيكون الدوام

ايش هالوزارة اللي الموظف مايدري وين يداوم ؟

كل يوم مكان

الله يعين

[الصدى الخالد]

اليوم وعلى كلام ناس من الأهل راحوا الماريوت كانت وحده اجنبية تحاضر عليهم واعترفت انها خمس وعشرين سنه كانت في البيت تربي اعيالها وسنه وحده خضعت لدورة وجابوها المجلس الأعلى حتى تلقي محاضرات عليهم خوش خبرة عندها

اللي عندها خبرة سنه تعلم موظفين خبرتهم أكثر منها سنيين

ولا العيون الزرقه هم أهل الخبرة

[السد]

اليوم وعلى كلام ناس من الأهل راحوا الماريوت كانت وحده اجنبية تحاضر عليهم واعترفت انها خمس وعشرين سنه كانت في البيت تربي اعيالها وسنه وحده خضعت لدورة وجابوها المجلس الأعلى حتى تلقي محاضرات عليهم خوش خبرة عندها

اللي عندها خبرة سنه تعلم موظفين خبرتهم أكثر منها سنيين

ولا العيون الزرقه هم أهل الخبرة

مشكلتكم انكم محتشمات

[kitmat]

إختي سينابون بكره نفس المكان في الماريوت وكذالك يوم الثلاثاء انا في المسار الثاني

[kitmat]

ايوه الي بتدرسنا قاعده 25 سنه في البيت المفروض تدرس الحين اطفال

[القطرية1]

يقولون ما تبون تدربون ياقطريات
على يد من ؟؟
اكفايه انها من قوم العيون الزرق
والجواز مش عنابي ..
انشالله ما عندها شهادة ابتدائية .. هي افضل منكم يالقطريات..

والله ابلادنا امسفها فينا