المساعد الشخصي الرقمي

مشاهدة النسخة كاملة : )) التربيه والتعليم سابقا...المجلس الاعلى للتعليم ((


أميرااالذوق
27-09-2009, 05:04 PM
السلام عليكم ورحمة الله وبركاته...كل عام وانتم بخير وبصحه وسلامه!

موضوعي اليوم محزن للغايه!

وبالاخص لموظفي وزارة التربيه والتعليم..والله يكون بعونهم
بصراحه شئ محزن للغايه ان احنا انشوف اخواتنا وهم يتبهدلون في اشغالهم
بعد احلال وزارة التربيه واجبارهم على المدارس المستقله
بصراحه شفت ناس مظلومين وااااايد من هالقرار وماادري هل قبل صدور القرار كان فيه دراسه اتاييد هالشئ او القرارا عشوائي
انا بالنسبه لي عن المدارس المستقله انها فاشله وذلك من تجربه انا حطيت اعيالي ومااشوف انهم تعلمووا شئ مفيد غير هالاناشيد الانجليزيه وكم سورة من القران
وين ايام التربيه والتعليم..الله يرحم بس!
والطامه الكبرى في المدرسات والاداريات والله يصبرهم على ماابتلاهم
انا سمعت انه فيه شخص معين بدون ذكر اسماء انه هو الي يقوم بالتوجيه ووضع القرارات الظالمه(((يابخت من بات مظلوم ولا بات ظالم))))
واحمد ربي اني مش من موظفي التربيه وليس قصور منهم ولكن من ظلم تعرضوا له
واسمحوا لي على الاطاله ...ونسال الله العفو والعافيه في الدنيا والاخره...
butterfly
27-09-2009, 05:06 PM
حسبي الله ونعم الوكيل .. لا حول ولا قوه الا بالله
خليفـة
27-09-2009, 05:07 PM
يا جماعة الخير صلوا على النبي
الشغله هذي توها في بدايتها .. خلونا نعطيهم فرصة كافية ونشوف شنهي النتايج !

الله يكتب لنا ولعيالنا الي فيه الخير ان شاء الله
بومحمد911
27-09-2009, 05:13 PM
الله يعينهم اخواتنا المدرسات من هل القرارات الظالمة والمجحفة بحقهم

وبعدين ابي عرف شنو دور المجلس البلدي ما يقدر يتدخل

شكله ما يدق سلف
ريماس الغلا
27-09-2009, 05:23 PM
انت لو مريت اليوم البرج كان شفت العجب العجاب


او تسمع من احد يشتغل بالوزارة ما يحزن قلبك


اصوات عاليه وبكاء ومناوشات ووووو


صج حسّـينا اننا ما نعمل في وزارة كان اسمها

وزارة التربيه والتعليم
kit kat
27-09-2009, 05:42 PM
يا جماعة الخير صلوا على النبي
الشغله هذي توها في بدايتها .. خلونا نعطيهم فرصة كافية ونشوف شنهي النتايج !

الله يكتب لنا ولعيالنا الي فيه الخير ان شاء الله

يعجبني اسلوبك المتفاءل ... الله يسمع منك وتكون كل هالخربطة لان الموضوع في بدايته

والله يكتب الخير للجميع يارب
قطرية ونص
27-09-2009, 05:50 PM
تدرون البلاء في من ؟ في وزارة التربية والتعليم ماانصفت المدرسات قبل والحين .. اذكر تتبهدل المدرسة في الوزارة اذا تبي تنقل من مدرسة لين مدرسة لازم حرف الواو عند مكتب الرئيس الله يسامحهن الرئيسات اللي ما اذكر منهن الا كل شر.. والحين اللهم لا شماته شوفوا اشلون الظلم من وزارتهم
عديـل الـروح
27-09-2009, 05:57 PM
في الاسبوع الاخير واليوم الاحد :

اكثر من 15 استقاله

بسبب عشوائية عمليه الدمج وتحديد المسارات والتدريبات

والله يعلم باللي جاي
خليفـة
27-09-2009, 05:57 PM
اليوم مريت البرج على اخر الدوام .. على أمل تكون خفت زحمة المراجعين والمراجعات .. من المدرسين والمدرسات .. المتضررين منهم والمتضررات .

لما وصلت على الساعه 12.45 ظهرا .. والله اني تفاجأت بالي شافته عيني .
من اولها .. ما لقيت موقف لسيارتي الا بمكان ممنوع الوقوف .. وقفت وعلى البركة ( الحمدلله ما تخالفت طبعا لان غيري مخالفين وايد :nice: )

لما دخلت
شفت العجب العجاب

موظفات التربية والتعليم بجميع طواقمهم .. المدرسات والاداريات .. والعاملات .. والكل كانوا عند مكتب الاستاذ الفاضل طارق العبد الله ( ونعم الرجل والله )
الي مو عارفة وين مدرستها .. والي تبي نقل بأسرع وقت .. والله ما نزل أسمها ولا تدري وين تروح .. والي والي والي . . الخ
كان الله في عونهم صراحه .

بس خلونا نكون واقعيين حبتين :
المسألة توها في بدايتها .. ولابد من وجود بعض اللخبطة .. ولا تنسوا ( سقط سهوا ) تصير وايد في الاشياء الكبيرة الي مثل ذي .

خلونا نتحمل هالكم يوم .. وكان الله في عون الجميع .

ابشركم .. المدرسين والمدرسات الي في المسار الرابع وما نزل فيهم شي عن نقلهم لمدارس اقرب لبيوتهم ومناطق سكنهم .. بينزل الكشف فيهم بكرة بأذن الله .
اعالي الجنان
27-09-2009, 06:04 PM
هل كان موجود الاخ طارق اخوي مالكم امل وقت تواجدك هناك؟
hussein66
27-09-2009, 06:35 PM
طيب مالكم امل قريبتي في الوزاره وحطوها المسار الرابع و
حطوها في مدرسه مستقله واليوم راحت وقالوا لها اول بنشوف
شرحجج بكره للدرس وان عجبتينا بنخليج ونعطيج 18 حصه
وان غابت وحده من زميلاتج لنفس الماده تستلمين منهجها مع ال 18 حصه
واحنا مانجيب احد زياده بالمدرسه والكل يشبيل بعض

والحين هي تقول انا بستقيل وماابي اروح المستقله عشان اخذ منهجي ومنهج غيري
أو اذا اسهل بروح للتدريب افضل
فذمتكم هذي حاله
خليفـة
27-09-2009, 07:02 PM
هل كان موجود الاخ طارق اخوي مالكم امل وقت تواجدك هناك؟
نعم كان موجود هناك
والشهادة لله كان مشغول جدا جدا بكثرة المراجعين والمراجعات
لدرجة ان ما عنده وقت يحك راسه .. لكن ابشركم .. انا حكيت له راسة
:nice:

كثر الله امثاله هالرجل


طيب مالكم امل قريبتي في الوزاره وحطوها المسار الرابع و
حطوها في مدرسه مستقله واليوم راحت وقالوا لها اول بنشوف
شرحجج بكره للدرس وان عجبتينا بنخليج ونعطيج 18 حصه
وان غابت وحده من زميلاتج لنفس الماده تستلمين منهجها مع ال 18 حصه
واحنا مانجيب احد زياده بالمدرسه والكل يشبيل بعض

والحين هي تقول انا بستقيل وماابي اروح المستقله عشان اخذ منهجي ومنهج غيري
أو اذا اسهل بروح للتدريب افضل
فذمتكم هذي حاله

الله يكون في عونكم والله
حاله والله
ما نقول الا الله يكتب لهم الي فيه الخير
بس لو بغيت نصيحتي وانا اخوك .. انا ما انصحها بالاستقاله .
الحين الوقت الي رفعوا فيه رواتب المدرسات الي طول عمرهم محرومين .. والوقت الي طارت فيها رواتبهم ونزلوا لهم علاوات جديدة .. تقوم تقدم استقاله ؟
والله حرام .

قول لها يا يبه .. مالكم أمل يقول لج : مشي حالج مع زميلاتج .. والموت مع الجماعة رحمة .. وانتظري الفرج من رب العالمين .

تروا يا جماعة .. لا تستغربون بعد فترة اذا نزل قرار يلغي كل التعديلات والتعلميات الاخيرة .. ولا تستغربون لو رجعت حليمة لعادتها القديمة .. الوضع حتى اللحظة تحت التجربة .. ان مشى الحال خير وبركة .. وان ظلت الامور ملخبطة والمشاكل في ازدياد مالهم الا يردون كل شي على ما كان عليه .

المهم :
لا للاستقاله والتخلي عن الرواتب الجديدة .

ملاحظة اخيرة :
اتمنى محد يزعل من هالملاحظة :
بعض المقيمين والمقيمات وليس الكل .. طايرين فرح من الي قاعد يصير .. لان المدرس او المدرسة القطرية هم عبارة عن عائق وحجر عثرة في طريق توظيفهم بالمدارس .. يا جماعة .. خير البلاد لاهلها .. ولا مانع ان يشاركونا فيها اخوانا المقيمين ان كتب لهم الله ذلك .. ولكن لا تخلون بعض اصحاب النفوس المريضة والحاقدين والحاسدين ( البعض وليس الكل ) يتشمتون فيكم .
وان ما كانت الشماته بوجيهكم .. تروها بالقلوب .

بالذات انتوا يالحريم .. يمه منكم يالحريم .. تلاقونها من برع حزينه وزعلانه على وضعج .. ومن داخلها تقول : تستاهلين .. الله يزيدج يا رب .

السموحه على الاطاله .. تعبت وانا اكتب عاد خلاص
:rolleyes2:
أميرااالذوق
28-09-2009, 01:56 AM
الله يكون بعونكم والله
شكلي قلبت عليكم المواجع
نسال الله العفو والعافيه في الدنيا والاخره
وبالتوفيق للجمييييييييييييع
الوووووعد
28-09-2009, 02:17 AM
السلام عليكم ::::
انا سمعت عن مسؤوله في المجلس الاعلى عن طريق وحده من المدرسات ( المنكوبات ) تقول يرفعون يديهم ويدعون عليها حسبي الله ونعم الوكيل من الظلم اللي اظلمتهم فيه بالنسبه للتوزيع وغير ذلك ماعندها احترام لاولياء الامور!
لانه صار اجتماع مع المدرسات والاداريات بالنسبه للتوزيع الروض اللي كان المفروض ولدي يكون فيها وفي وسط الاجتماع وبعد الجدال مع الاداريات تقول عن اولياء الامور (خلهم يولون) والله يعينها على ظلم الناس
يعني بالله عليكم اشلون هذي اتكون قدوه للتعليم مادام هذا اسلوبها..لا وبعد اتقولون عطوهم فرصه
وشاطرين كل شوي يسندرونا بالمسجات الا الروضه تاجل افتتاحها ..
.ومصيرها اطيح بشر اعمالهاواتعرف ان الله حق...والله يمهل ولا يهمل!
أميرااالذوق
29-09-2009, 12:19 PM
الله يكون بعونكم!

والله ينصفكم ان شاء الله