مهـم للي بيشترون قـــــــطــــــــاوه من النـت ( تجــربتــي )

[NoooN]

السلام عليكم

اخواني وخواتي انا حبيت احذركم لان مابي يصير لكم اللي صــار لي .....
من كم اسبوع شريت قطوه ب 2500 من وحده هني في المنتدى ( بدون ذكر اسماء )
وهي حاطه بالموضوع انها مطعمه ومعاها شهاده ....

المهم انا خذتها وجاتني القطوه بدون شهاده لان الدريول ماعرف يعني وشو شهاده ...

جات القطوه لاتاكل ولا تشرب يومين كل ماحاول أأكلها ترجع اللي كلته ( الله يعزكم )

قمت وديتها العياده قالوا لي هاذي مب مطعمه ومريضه وايد ... عطوها 3 أبر + ادووويه تاخذها لمدة 20 يووم

وهالشي كلفني 1500 ريااال يعني خذيت القطوه مغشوشه ب 4000 ريال !!

فأرجووا قبل لاتشترون القطوه تروحون بنفسكم وتعاينونها وعقب تشترونها ..

واي مساعده للي عنده مشكله مع قطوته انا حاظره

اسمحوا لي على الاطاله ..

:shy:

[زهرة بنفسجية]

حسبي الله و نعم الوكيل
مأجووورة أختي أن شاء الله
و لا حول و لا قوة ألا بالله

الواحد شي يقول !!!!!!
الله يهديهم
..........

[غرفاوي قطري]

شالناس والله العظيم .. عليهم ذمه !!
الله يعينج والله اختي .. تروحين سوق واقف القطاوة شزينهم والله على 1000 و 1200
والقطوة الحين شسويتي فيها ؟
مع تمنياتي لج اختي بالتوفيق .. :)
على قوله اختي زهرة .. مأجورة .. :)

[قطري vip]

الله يعينج وان شاء الله في ذمتها وانتي ماقصرتي بالعكس لج اجر لانج عالجتي القطوه

[Index Signal]

قطوه ب ٢٥٠٠ ..؟! الله يهديج بس..

أحسن قطوه بسوق واقف و بنت ناس ما تكلفج ١٠٠٠ ريال ولو إنه السعر يظل غالي لكن أهون من ٢٥٠٠..

و فوق هذا تعاينينها قبل ما تشترينها و إذا القطوه طلع فيها شي المحل موجود ممكن تتفاهمين معاه..

لكن الطريقه إللي شريتي فيها القطوه تعطي إنطباع إنج لاقيه فلوسج بالشارع مو تعبانه فيهم..!!

و ما أستبعد إللي باعتج هالقطوه تكون شاريتها من سوق واقف و بايعتها عليج و على غيرج..

إنتي فاتحه هالموضوع و نيتج تحذرينا لكن صار العكس و إحنا إللي صرنا نحذرج..!!

الله يعوّض عليج و أتمنى تكونين حذره في المرات الجايه و ما تكونين صيد سهل لضعاف النفوس.

[زمن الغدر]

العالم هنا اسعارهم اغله من بره وخاصه يسوق المنتدى الاغلبيه

[miow1243]

بالتوفيق

[هذلان]

بصراحه المفروض ترجعين للي باعتج القطوه و يكون واحد من اثنين
يا تعطيج تكاليف العلاج
يا تردين القطوه و تخصمين عليها الي دفعتيه

بعدين ليش بدون ذكر اسماء هذي غشتج و اذا بتحذرين الناس عدل قولي شريتها من فلانه لانها غشتج متعمده و تستاهل

[boamir]

الصراحه من واقع تجربه خذت لي نظاره من واحد في المنتدى على انه اصلي وماركه ويوم طرشت الدريول عشان يستلمها اطلعت النظاره لاهي ماركه ولا هم يحزنون وما تستاهل ربع قيمتها والحين الدريول كاشخ بالنظاره
الله يعينا مع بعض التجار اللي في المنتدى

[بورصجية]

انا لو مكانك والله كنت رجعتلها القطة تاني واخدت فلوسي
لو كانت قالت من الاول انها موش مطعمة كنت ممكن فكرت اخدها ولا لأ

لكن كده والله حرام

[قول و فعل]

اصلا عن تجربه خاصه

اسعار تجار المنتدى وااااااااااااااااااااااااااااااااااااايد غاليه


اضعاف اسعار السوق


ودايم يقولون مب موجود في الدوحه


وبعد فتره القى الغرض في الدوحه برخص التراب


والله يأجرج على هالقطوه يحليلها

[قول و فعل]

وانا مع الاخ هذلان


لازم الاسم ينذكر عشان نحذر منها

[بـن عدوان]

انا صار لي تقريبا مثل موقفج

شريت قطو من المنتدى بس صاحبه قالي انه مب مطعم

بس المشكلة انه شعره كان يطيح وااايد

حاولت اعالجه لكن مافي فايدة :(

اخر شي قطيته صوب سوق العلي صوب عالم الحيوان هههههههههه

[تركي الشهراني]

الله يجزاج خير على علاج القطووه

[الدمعه]

لو انا منج احذف القطوه في ويهها .. وحرام هالفلوس تروح في اشياء مالها معنى ..

يعني لو شاريه بقره جان شربتي من حليبها خخخخخخخخخخ

والسموحه

[moni]

اختي لاتسكتين عن الموضوع تراه مب سهل والساكت عن الحق شيطان اخرس واجهيها لأن مثل ماغشتك بتغش غيرك والله حرام انتي ماقصرتي عالجتي القطوة وخسرتي وهي تتهنى في فلوس حرام نصيحة رديها او ردي مبلغ العلاج على الأقل وموفقة اختي وحسبي الله ونعم الوكيل عليها تكفي

[ورده فوشيه]

المفروض تتصلين في الي با عتها لج ...

وتواجهينها ممكن هي نفسها ما تعرف

ان واجهتيها ولقيتي منها الصد هني ممكن تقولين انها غشتج . .

[المظلومة]

الصراحه ترجعينها الله يعينج هاى في ذمت اللباعتج القطوة لانها تعتبر بضاعه مقشوشه

انا استغرب ان لين اليوم في ناس مافيهم ضمير في تعاملهم ..

والمفروض تذكرين اسمها علشان العالم تعرف ما تنغش معاها ولا تتعامل معاها ..

ويكون لها اجراء وجزاج الف خير ع الطرح

[ميمي 88]

لو انا منج احذف القطوه في ويهها .. وحرام هالفلوس تروح في اشياء مالها معنى ..

يعني لو شاريه بقره جان شربتي من حليبها خخخخخخخخخخ

والسموحه


ههههههههههههه ...
مااادري شلون تشترون قطاوه ماااحبهم واخاف منهم ...

[BURBERRY]

لا حول ولا قوة إلا بالله .. ياحب بعض الناس للغش .. لكن بييها يوم بتنغش

بس المفروض تذكرين اسمها عشان باقي الاعضاء يحذروون

[التلال]

الله يعوض عليك وفي ذمتها

[روضه الجنة]

بللللللللل ..!!
حسبي الله عليهم !:|
الله ما ينسي عبده والدنيا دواره :@

[خفوشه]

اى والله حتى انا شريت منتج من بيااعه معرووفه فالمنتدى وقالت انه اوووكى واايد زين وكاان شبه مزيل عرق بريحه المسك والعوود والله يووم استخدمته قاامت تطلع الله يكرمكم ريحه عرق خاايسه كل ما استخدمه والله حراام ولين اليووم حاذفه المنتج فى الغرفه حراام والله عليهم مايخافوون ربهم مع ان والله ان حتى صديقتى انصدمت تقوولى ليش صارت ريحتج هالشكل احذروووا منتجاات الجسم احذروووهاااا
وبعد ماتركت المنتج الحمدلله ريحتى ارجعت حلوووه وعاااديه نفس قبل يخلوون الوااحد يشتط عقب تلوووع جبده منهم

[ريم المدينة]

انا صار لي تقريبا مثل موقفج

شريت قطو من المنتدى بس صاحبه قالي انه مب مطعم

بس المشكلة انه شعره كان يطيح وااايد

حاولت اعالجه لكن مافي فايدة :(

اخر شي قطيته صوب سوق العلي صوب عالم الحيوان هههههههههه

أخوي بس بغين اقولك شي شعر القطط يطيح لعدة اسباب

منها حرارة الجو العاليه

أو لتزآوج

اذا كان فيها اكتـآئب

وآخر شي اذا كـآنت مربيه وسقطة أو مرضعه أو أنهـآ مريضه

والعلاج تـآخذهـآ للبيطري تقوله ابي ابرة مـآنع تسـآقط الشعر وأصلن هـي تجي مع التطعيم الثاني وكل شهرين او 3 شهور تاخذها مره ثانيه

أو أنك

تسبحهـآ بشـآمبو ينزورال تلقاه في الصيدليه البشريه

أو أنه مع أكلها تحط معه شوية زيت زيتون

أو أنهـ قب مـآتسبهـآ تحط مع الماي زيت زيتون وتخليه عليها عشر دقايق وتسبحها بالشمبو العادي

أو أنهـ ع الفجر أو العصر اطلعها برع علشان اشعة الشمس بعد توقف التساقط

كـآن ممكن تـسـآلني قبل مـآترميها

ومع التمشيط اليومي يوقف التساقط

زين كي أحين في ذمتك

بس علشان تساقط شعر

أي حـد عندهـ مشكله مع القطط يسـآلني مـآدري ليش كي ترمونها كـآنهـآ شي تافه

~~~~~~~~~

بس أختـي أول مـآشفتي انه ماعرف الشهاده رجعتيها


لانه الشهاده ضروريه

بس كنهـ وآيد 1500 أي بيطري رحتي له

شكله البستان او مركز قطر البيطري

وفي مزان حسناتج أختـي

ختـي أجر عليهـآ ^^

[diab911]

ان شاء الله في ذمتها

[وردة]

نفس الحركة حصلت معاي شريت لاب توب على اساس مستعمل فترة بسيطة ونظيف وطلع خربان وصلحتة
على حسابي والمشكلة يوم كلمتها تحلف تقول ماادري الله يسامحها بس تعلمت اني ما اشتري شي الا بعد الفحص ومافي شي يسمى (((ثقة))).

[همسه]

اول شي اختي جزاج الله خير انج اهتميتي في القطوه جعله في ميزان حسناتج

آمين يارب

انا مابي اتكلم عن اللي باعتها عشان ماظلم حد

احتمال كانت مريضه من قبل تبيعها واحتمال مرضت بعد ماباعتها

شوفي بقولج شي

القطط بعد التطعيم تاخذ لها يومين تعبانه لأنهم يطعمونها بالفيروس نفسه عشان تاخذ منه مناعه اتم يومين تحسينها كله نايمه واكلها يقل

وبعد يومين ترجع تمام ما شاء الله

لكن اذا انتي واثقه انها غشتج اذكري اسمها عشان محد غيرج ينغش

الله الهادي سبحانه و تعالى

[همسه]

على فكره اكبر غلطه انج تشترين قطوه واطرشين الدريول ياخذها المفروض انتي بنفسج ماتدفعين الفلوس لين تشوفينها يبين على القطوه المريضه من النظر

:)

بخصوص سوق واقف

اللي يبي يشتري منه هو حر طبعاً كل انسان حر من وين يشتري

لكن نصيحه مني لاحد يشتري من عندهم قطاوتهم اغلبها تعبانه عموما المحلات ما يهتمون في الحيوانات تكرمون

همهم الفلوس غير عن قطاوة البيت انظف

[مسك قطر]

انا صار لي تقريبا مثل موقفج

شريت قطو من المنتدى بس صاحبه قالي انه مب مطعم

بس المشكلة انه شعره كان يطيح وااايد

حاولت اعالجه لكن مافي فايدة :(

اخر شي قطيته صوب سوق العلي صوب عالم الحيوان هههههههههه

أخوي انت كفاية انك شاريه بسعر رمزي ما أعتقد في حد في المنتدى عرض قطو بالسعر اللي بعتك اياه ... وضيعته في أول نص ساعه من خذته ... ولقيته ثاني يوم محتمي في المخزن من حرارة الشمس .. وميت يوع بلسانك قلتها

يعني بالله عليك .. في أحد يحط قطو بيت معزز في الحوش .. أبلفيت يبي يضبطله المكان داخل ..
وهاي وأنا موصيك عليه كذا مره بعد .. أنا كنت حاس من مواقفك انك عديم خبره ومهمل .. بس قلت كلمة رجال بالبيعه ببيع وبتوكل على الله .. ولا تنسى سعرك كان أقلهم وارجع للموضوع وتذكر ..

مب هاي كلامك اللي تحت ..



السلام عليكم

اختي ما بحط في ذمتي بس اعتقد انا اول واحد طلبت القطو

والقطو بحطه عندي في البيت والله

يعني ناوي اربيه

وانا جاااد وبشتريه منج


أشكرج اختي ريم المدينه على المعلومات اللي قلتيها .. والله انج صادقة .. وهاي هو الفرق ما بين الناس اللي لها بالقطاوة وتموت عليها وقبل كل شي تخاف الله على هاي الروح المسكينة ومابين الناس العليمية اللي تقلد بس ..

هي الظاهر وناسة كم يوم كانت بس وخرعة سعر

ما أقول الا غميضه اني بعتك القطو وفي ذمتك لين يوم الدين ..

واللي ما يعرف الصقر يشويه

قال شنو .. قال شعره يطيح .. :rolleyes2:

[بو فهد]

حسبي عليها الي غشتج
الله لايوفقها لادنيا ولااخرة

{بِسْمِ اللَّهِ الرَّحْمَـنِ الرَّحِيمِ }

{وَيْلٌ لِّلْمُطَفِّفِينَ * الَّذِينَ إِذَا اكْتَالُواْ عَلَى النَّاسِ يَسْتَوْفُونَ * وَإِذَا كَالُوهُمْ أَوْ وَّزَنُوهُمْ يُخْسِرُونَ * أَلا يَظُنُّ أُوْلَـئِكَ أَنَّهُمْ مَّبْعُوثُونَ * لِيَوْمٍ عَظِيمٍ * يَوْمَ يَقُومُ النَّاسُ لِرَبِّ الْعَـلَمِينَ}.

[بوغزلان28]

الله يعوضج وانشالله اللي باعتج ما اتهنى بالفلوس

[براتزية برازيلية]

لا حول و لا قوة ألا بالله

[الكلدي]

حتى لو اتصلت ما راح ترد لها فلوسها

انا مريت بنفس الموقف مع>>>>>

واحد في المنتدى يبيع عطورات وعود

شريت من عنده دهن عود على اساس انه اصلي ومعتق

المهم شريت من عنده ربع توله با1000ريال

وحسب الاتفاق اذا ما عجبني بيرد لي فلوسي

وبعد التجربه طلع دهن بصل



كلمته على اساس برد فلوسي

رفض وسواها سالفه قلت له قدرك وسكرت الخط

.................................................. .........
وعلى ما اعتقد مو حلوه انك تكتب اسم الشخص
لان الموضوع راح يحذف او قد يكون الموضوع كيدي

[>>> غــمـــوض <<<]

انزيــن حبيبتــي جان تأكدتــي واتصلتي عليــها يمكن تكون ناسيه تطرش الشــهاده وممكن تكون غاشتــج والله اعلــم __ يعني لو اتصلتي تتأكدين كان احسن عشان مايصير لبس بالموضوع

بس في شي مهم لازم الكل يعرفــه اذا الحيوانـــــــــ متعود على صاحبــه وفارقه فجأه وراح لشخض ثاني يربيه الاغلبيــه الحيوان يمرض ويتعب لين يتأقلم على مكانه الجديد

اختي كان عندها قطــو ماخته من عند واحــد وكان تمام ونظيف وحلو ومن جابته البيت ماقام ياكل ومايبي احد وكله تعبان وحرارتــه مرتفــعه :( وكنه بإستمرار نوديه البيطري
بعد فتره تعود علينــا ورجعت حالته طبيعيــه

الفراق ومايسوي سبحان الله حتى الحيوان يحــس
:)

[لوليتا قطر]

الله يعوووضج خيررر يااختي

[Om Majed]

لازم تقولين الأسم ترى إحنا نتعامل مع تجار المنتدى والحذر واجب من ألى ماعندهم أمانه

[ريم المدينة]

أخوي انت كفاية انك شاريه بسعر رمزي ما أعتقد في حد في المنتدى عرض قطو بالسعر اللي بعتك اياه ... وضيعته في أول نص ساعه من خذته ... ولقيته ثاني يوم محتمي في المخزن من حرارة الشمس .. وميت يوع بلسانك قلتها

يعني بالله عليك .. في أحد يحط قطو بيت معزز في الحوش .. أبلفيت يبي يضبطله المكان داخل ..
وهاي وأنا موصيك عليه كذا مره بعد .. أنا كنت حاس من مواقفك انك عديم خبره ومهمل .. بس قلت كلمة رجال بالبيعه ببيع وبتوكل على الله .. ولا تنسى سعرك كان أقلهم وارجع للموضوع وتذكر ..

مب هاي كلامك اللي تحت ..





أشكرج اختي ريم المدينه على المعلومات اللي قلتيها .. والله انج صادقة .. وهاي هو الفرق ما بين الناس اللي لها بالقطاوة وتموت عليها وقبل كل شي تخاف الله على هاي الروح المسكينة ومابين الناس العليمية اللي تقلد بس ..

هي الظاهر وناسة كم يوم كانت بس وخرعة سعر

ما أقول الا غميضه اني بعتك القطو وفي ذمتك لين يوم الدين ..

واللي ما يعرف الصقر يشويه

قال شنو .. قال شعره يطيح .. :rolleyes2:

@@

قـآطهـ في المـخزن ؟؟؟؟؟؟

القطـآوهـ نفسهـا ماتتحمـل الحرآرهـ

لا وميـت يوع يـآمكـبرهـآ عنـد ربـي

تـرى قطـآوة البيـت غير عن القطـآوهـ اللي إجـوفهـآ

فـي الشـآرع

[الأمبراطور]

اطااااااااااااااااااااااااااااااااااااالب باسم العضوه عشان مانتعامل معاها ..........ليش تسترون على الي مايخافون الله لييييييييييييييييييييش؟؟؟

[خالد88]

صرااحه الله يعييينج

بس انا والله مو مستعده اشتري لاقطوه ولا كلب

لو قالولي اخذي القطوه بالذاات وفووقها مليوووون ريال بقوولهم مااااابي هع

اخااف من هالقطوه موووووووووووووت ادفع لهم فلووس بس يوخرونها من طريقي هههههه


الله يهدي جميع الناس انشالله


ف التجاااره ماافي ثقه

لازم تشووف اللي تبي تااخذه اوول واذا اوكي تدفع

انا والحمد لله فبداايه بيعي للميداليات كنت اخلي الشخص احيانا لو كان في وقت يشووف الشي يحلو واعجبه يدفع ماعجبه اخذه واسوي له غيره وعقب يدفع
واذا كان الغلط مني اناااا اسوويله بدون دفع


هذا الطبيعي
لكن اخذ انا واااثقه انها ماتغش لا طبعااااا

وياانا هدو القطاوه عقب بيطلع لكم مرض انفلونزاا القطووو


والله يهدي كل النااس



مع حبي بنوته مزاجيه

[بوغانم]

جزاج الله خير اختي على التنبيه
ومأجوره ان شالله

لكن اسمحيلي اقول رايي

برايي انه كلنا مشاركين في الغلط اللي يصير

البايع والشاري

البايع طبعا يحاول يقنعك بانه السلعه اللي عنده مافيه مثلها بالسوق
ويوهمك بان اسعاره هي المنافسه ويرفع الشي اللي يبي يبيعه سما



والشاري بعد مايحاول يتعب نفسه شوي وياخذ له فره
في الاسواق والمحلات التجارية او يسأل عن الغرض هل
متوفر واذا متوفر هل سعره اقل او اعلى من السعر المعروض

الشي الثاني والاهم
الاغلبيه منا اذا شاف شي عجبه مايسأل عن تفاصيل السلعه
وهل معاها شهادة ضمان جوده ومعاينتها قبل الشراء

وهالشي يبين للبايع انه الشاري اما مقصه تكرمون
او انه فلوسه لاقيها في الشارع ومايعرف شيسوي فيها!!

بالاخير الرزق بيد الله سبحانه وان ماتوفقت بشي الله بيعوضك خير ان شالله

[وردة الصحراء]

الله يهديهم بعض التجار

[بلاهويـــــة]

مسكينه الله يعينج بس زين خذتيها لان لو كانت عنده كانت بتموت وانتي انقذتيها يعني عالجتي روح يمكن كانت خيرا وعبره للي يشترون من غير ما يشفون القطوة بنفسهم وسامحوني عالطلة

[بنت^البحرين1]

:eek5:


متأكدين هالموضوع كله عن قطاوة مب ناس؟؟

[PARIS]

الله يعوضج اختي الكريمة..... بس خاطري اعرف ايش تحبون في القطاوة ...

[Navigator 85]

جزاج الله الف خير

واذا البايعه غشتج

ماراح تتوفق والحمد لله انا ما ابيع

الا قطاوتي وقطاوة ربعي اللي متاكدد من صحتهم

حتى اللي يشتري من عندي كنت اقول له روح وافحص

وبعدين ادفع لي النقطه المهمه الخوف من الله سبحانه

وان اللي يبيع بغض ماراح يتوفق بالفلوس


الله يعوضج اختي الكريمة..... بس خاطري اعرف ايش تحبون في القطاوة ...

انا عن نفسي اربي القطاوه من 4 سنيين

القطاوة اشكالهم حلوة بس محتاجيين اهتمام وعناية خااصه

واللي ماعندة وقت لايشتري

وسبحان الله السنه اللي طافت انا مرضت وماكنت اقدر اعطي قطوتي اكل

وكنت في فراشي

وقلت للوالده تعطيها اكل نادتها وراحت شافت الاكل

ورجعت نامت جنبي على السرير وعيونها دمعت

وبعدها قمت اهتم فيهم اكثر واكثر واحرص على راحتهم

والعنايه فيهم

[بولينجر]

مب تكفلون يتيم احسن لكم من صرف هالفلوس على قطاوة؟! الله يهديكم....

[The Stig]

الله بيحط حوبتج فيها وانشاءالله تشوف شي ما شافتة ..
حسبي الله ونعم الوكيل ..

عسا ان تكرهو شيئا وهو خيرا لكم .. اهم شي القطوة موجودة وعاشت بعد هالخساير ..
بالتوفيق اختي وخيرها بغيها انشاءالله

[LahFa]

نووون .. الله ياجرج فيهااا ويعوووضج اللي احسن ... ؛

ريم المدينه وهمسه مشكورررين ع توضيحاتكم للاعضااء ..؛

بس فعلا ترى تربيه القطوه مب سهله .. وقطاوه الشوارع غيرر عن قطاوة البيت ..؛

ونصيحه اللي مايعرف لهم لا ياخذ ..؛

وتربيه القطاوه ترى تعلم واااايد اشيااء ... ؛

بس اكثر الناس تشوفها شي تافه .. ؛

[مساهم]

ورجعت نامت جنبي على السرير وعيونها دمعت

قصة مؤثرة حرام على اللي يهملهم اذا مب قادر على الاهتمام والعناية بهم لاياخذهم وبلاش الاذى والتعذيب. :protest:

[زهرة بنفسجية]

مب تكفلون يتيم احسن لكم من صرف هالفلوس على قطاوة؟! الله يهديكم....

:nice:
:nice:

كلام سلييييم 100%100

هي تربية القطاوة حلوة ما نقول لا

لكن لو بتفكر بالأجر اللي تحصله من كفالة اليتيم
و تقارنه مع تربية القطاوة

قال عليه الصلاة و السلام :
أنا و كافل اليتيم كهااااتين في الجنة
و اشار بالسبابة و الوسطى

عليه الصلاة و السلام

جزاك الله كل خير أخوي على التذكيير

[ريم المدينة]

:eek5:


متأكدين هالموضوع كله عن قطاوة مب ناس؟؟

الشيـخه انـآ كـل مـآجوف موضوع عن قطـآوهـ

تقـولين شي

حبيبتـي تـرى هالقطـآوهـ أحنـآ نـآخذ فيهـآ أجـر

أكيـد انـتي مـآتحبينهم بـس يوم تـقولين جي

تـغيضيني أصلن هـم اللي شـآغلين وقـت فرآغي

مو أحسـن لا أطيـح بشي مب زين ع كـد الفلـوس اللي نصرفهـآ بس ع أكلهم وصـحتهم

مو مثل الاجـآنب مـلابس وفي العـيد أعطيهـآ هديهـ

وأعلمهـآ تستـخدم حمـآم البشر وأغير غريزتهـآ

هالمـوضوع يهمنـآ أحنـآ مربيـن القطط

يمكـن بالنسبهـ اللي يربون قطـآوهـ عشـآن يتـفآخرون فيهـآ

وعلشـآن فـلانهـ عنـدهـآ وأنـآ مـآعندي

[بنت^البحرين1]

الشيـخه انـآ كـل مـآجوف موضوع عن قطـآوهـ

تقـولين شي

حبيبتـي تـرى هالقطـآوهـ أحنـآ نـآخذ فيهـآ أجـر

أكيـد انـتي مـآتحبينهم بـس يوم تـقولين جي

تـغيضيني أصلن هـم اللي شـآغلين وقـت فرآغي

مو أحسـن لا أطيـح بشي مب زين ع كـد الفلـوس اللي نصرفهـآ بس ع أكلهم وصـحتهم

مو مثل الاجـآنب مـلابس وفي العـيد أعطيهـآ هديهـ

وأعلمهـآ تستـخدم حمـآم البشر وأغير غريزتهـآ

هالمـوضوع يهمنـآ أحنـآ مربيـن القطط

يمكـن بالنسبهـ اللي يربون قطـآوهـ عشـآن يتـفآخرون فيهـآ

وعلشـآن فـلانهـ عنـدهـآ وأنـآ مـآعندي




ولاتنغاضين ولاغيره .. بس بدل مهالكثر مهتمة للموضوع وتلبسين وتهدين القطوة في العيد ،، اكفلي يتيم وفرحيه بالعيد .. كلامج وايد مبالغ فيه
واللي يدور الاجر يدوره في ناس في بشر مثله،محتاجين والفقر ضاربهم ولين كملوا عقب يلفون على القطاوه

وفي النهاية حدث العاقل بما يعقل !

[ريم المدينة]

مب تكفلون يتيم احسن لكم من صرف هالفلوس على قطاوة؟! الله يهديكم....

أحنـآ مـآسوينـآ شي غلط يبهـ

بـآلـ ع ـكس أحنـآ نـآخذ أجر

والثنين لهم أجر

يبهـ لو أنـت جفـت قطـو مريض عمره ماتجوز شهر ونص

بتـخليه؟

أكيد لاء " إلا إذآ كـآن قلبك قـآسي < أسفهـ لاتزعـل >"

طيب بقولك شي

اللي اهلهم كافلين يتيم وبعد يربون قطوهـ

شبتـقول؟

بتـقول إكفلوا يتيم ثـآني وثـآلث ورآآبع ؟

[ريم المدينة]

ولاتنغاضين ولاغيره .. بس بدل مهالكثر مهتمة للموضوع وتلبسين وتهدين القطوة في العيد ،، اكفلي يتيم وفرحيه بالعيد .. كلامج وايد مبالغ فيه
واللي يدور الاجر يدوره في ناس في بشر مثله،محتاجين والفقر ضاربهم ولين كملوا عقب يلفون على القطاوه

وفي النهاية حدث العاقل بما يعقل !

ياحبيبتي ياعمري انا ماهديتة قطوه هديه ولا لبستها

بالعكـس أنـآ أصرف ع أكلهم وصـحتهم بـس

حبيبتـي أنـآ مـآشتغلت علشان اكد ع نفسي

أنـآ لين صـآر عنـدي فلـوس جـفت هالكبونات خذت منها

حتى في رمضان فديتج شفت واحد جالس قدامه الكروت

طاح عيني ع هدية العيد وخذتهـآ

انتـي شدرآج بظروف غيرج

يمكن هو كـآفل يتـيم ويمكن الزكاه كل شهر

واقولج بعد عيالتنا كافله يتيم وعندنا اسره محتاجه وكل شهر نعطيها

ان لين جاني واحد وبس عطيته اللي عندي قام يدعي والله استانس له

يعني احنا نخذ اجر

من كفالة يتيم

ومن اسره محتاجه

وقطاوه

شفتي حبيبتي لا تحكمين ع غيرج

أنـآ هالقطوه مفرحتني لا تمللت جات تلعب معاي

وان جيت من المدرسه جات تركض تستقبلني

حتى لما انظف غرفتي صج ساعت تزعجني بس والله تونسني

وان قامت من نومها ومالقتني تروح تجوف سريري اذا انا موجودهـ ولا رحت

والسموحهـ لني طولت عليج

[همسه]

بنت^البحرين1

ايه فديتج نتكلم عن القطاوه شفيج مستغربه

:)

هوايه

وللناس فيما يعشقون مذاهب

انا عني اربي القطاوه من كنت نونو صغيرونه

بخصوص كفالة الايتام اختي لاتحكمين على الناس ماتدرين بالناس

تعتقدين اللي قلبه رحوم على الحيوان بيكون قاسي على البشر ؟

[NoooN]

لكل من قال أن القط نجس أتعتقد أنك أفضل من رسول الله صلى الله عليه وسلم من نظافته وخلقه وحكمته :

اقرأ كيف رسول الله يتعامل مع القطط

الاحاديث التى وردت فى القطط كثيرة منها :

عن أنس بن مالك قال :
خرج رسول الله صلى الله عليه وسلم الى أرض بالمدينة يقال لها بطحان فقال
:" يا أنس اسكب لى وضوءا " . فسكبت له فلما قضى الرسول صلى الله عليع وسلم حاجته أقبل الى الاناء وقد أتى هر أى قط فولغ فى الاناء فوقف له الرسول صلى الله عليه وسلم وقفة حتى شرب الهر ثم سأله فقال
:" يا أنس ان الهر من متاع البيت لن يقذر شيئا ولن ينجسه".

-------------------------

قال الترمذى : عن داود بن صالح بن دينار الثمار عن أمه أن مولاها أرسلها بهريسة الى عائشة فوجدتها تصلى ، فأشارت الى أن ضعيها فجاءت هرة فأكلت منها ، فلما انصرفت أكلت من حيث أكلت الهرة
فقالت :" ان رسول الله صلى الله عليه وسلم قال
" انها ليست بنجس انما هى من الطوافين عليكم أو الطوافات وقد رأيت رسول الله صلى الله عليه وسلم يتوضأ بفضلها "
أى ببقايا الماء الذى شربت منه القطة .

-------------------------

قال أبو هريرة : كان الرسول صلى الله عليه وسلم يأتى دار قوم من الانصار ودونهم دار فشق ذلك عليهم فقالوا :
يا رسول الله تأتى دار فلان ولا تأتى دارنا ؟
فقال صلى الله عليه وسلم :" لان فى داركم كلبا "
قالوا :فان فى دارهم سنورا .
فقال صلى الله عليه وسلم :" السنور سبع".

-------------------------

وعن أبى هريرة قال : قال رسول الله صلى الله عليه وسلم :

" الهرة لاتقطع الصلاة لانها من متاع البيت "

-------------------------

وفى الصحيحين أن ابن عمر مر بفتيان من قريش قد نصبوا طيرا وهم يرمونه بالنبل .. فلما رأوا ابن عمر تفرقوا خوفا منه وكان لاتأخذه فى الله لومة لائم
فقال : من فعل هذا ؟
لعن الله من فعل هذا ، ان رسول الله (صلى الله عليه وسلم) لعن من اتخذ شيئا فيه الروح غرضا

[كارتير]

انا مالوم اللي باعك والومك انتي .. المفروض اذا ماشفتي
الشهاده الصحيه على طول اتصلي بالبايع واذا مارد رجعيها
بنفس الوقت وهذي 4000 مش 40 ريال
هذي قصة فيها عبره اتمنى انكم تقرونها ..

كان هناك رجلان يمران عبر بوابة الجمارك في أحد المطارات,
كان الرجل الأول يابانيا ويحمل حقيبتين كبيرتين,
بينما كان الثاني بريطانيا وكان يساعد الياباني على المرور بحقائبه عبر بوابة الجمارك.
عندها رنت ساعة الياباني بنغمة غير معتادة,
ضغط الرجل على زر صغير في ساعته,
وبدأ في التحدث عبر هاتف صغير للغاية موجود في الساعة…
أصيب البريطاني بالدهشة من هذه التكنولوجيا المتقدمة !
وعرض على الياباني 5000 دولار مقابل الساعة, ولكن الياباني رفض البيع.
استمر البريطاني في مساعدة الياباني في المرور بحقائبه عبر الجمارك.
بعد عدة ثوان, بدأت ساعة الياباني ترن مرة اخرى…!
هذه المرة, فتح الرجل غطاء الساعة فظهرت شاشة ولوحة مفاتيح دقيقة,
استخدمها الرجل لاستقبال بريده الالكتروني والرد عليه…!
نظر البريطاني للساعة في دهشة شديدة وعرض على الياباني 25000 دولار مقابلها,
مرة اخرى قال الياباني إن الساعة ليست للبيع,
مرة اخرى استمر البريطاني في مساعدة الياباني في حمل حقائب الضخمة.
رنت الساعة مرة ثالثة, وفي هذه المرة استخدمها الياباني لاستقبال فاكس,
هذه المرة كان البريطاني مصمما على شراء الساعة,
وزاد من الثمن الذي عرضه حتى وصل الى 300,000 دولار…!
عندها سأله الياباني, ان كانت النقود بحوزته بالفعل,
فأخرج البريطاني دفتر شيكاته وحرر له شيكا بالمبلغ فورا…!
عندها استخدم الياباني الساعة لنقل صورة الشيك الى بنكه,
وقام بتحويل المبلغ الى حسابه في سويسرا…!
ثم خلع ساعته واعطاها للبريطاني وسار مبتعدا.
“انتظر “ صرخ البريطاني !
” لقد نسيت حقائبك ! “
رد الياباني قائلا (انها ليست حقائبي ،وانما بطاريات الساعة !!)

كم مرة في مجال العمل رأيت او سمعت عن فكرة رائعة,
ثم قمت باعتمادها فورا بدون ان تفهم طريقة عملها بالفعل؟ أو تعي ما يترتب عليها !!
وماذا كانت النتائج ؟؟؟

الله يعوض عليك

[قطرية وافتخر]

حسبي الله ونعم الوكيل في ناس الغش في دمهم

[الصوت المبحوح]

الله يعوض عليج حبوبه بس اقل شي تقولين لها حق اللي باعتج يا تاخذها وهي مريضه او تعطيج فلوس العلاج كفايه كذبتها يوم تقول انه عندها شهاده

[أمل العمر1]

حسبي الله ونعم الوكيل لازم اتكون عندج على الأقل يومين اتشوفينها بعينج وبعدين تاخذ الفلوس وفي الذمة حرام والله لازم اتشوفينها بعدين تشترينها

[قطرية مثقفة]

انا صار لي تقريبا مثل موقفج

شريت قطو من المنتدى بس صاحبه قالي انه مب مطعم

بس المشكلة انه شعره كان يطيح وااايد

حاولت اعالجه لكن مافي فايدة :(

اخر شي قطيته صوب سوق العلي صوب عالم الحيوان هههههههههه


ههههههههههههههههههههههههههههههههههههه
:taunt: :taunt: :taunt:
الصراحة أشكركم من كل قلبي لأن عيالي كل ما رويتهم عروض البيع ايحنون علي يبون اشتريلهم قطاوه من المنتدى،،،،،،،،

[Miss]

للاسف بعض الناس ذمتها وسيييعه وما تخاف من الله
حسيبهم الله
الله ياجرج ان شاء الله

[ريم المدينة]

ههههههههههههههههههههههههههههههههههههه
:taunt: :taunt: :taunt:
الصراحة أشكركم من كل قلبي لأن عيالي كل ما رويتهم عروض البيع ايحنون علي يبون اشتريلهم قطاوه من المنتدى،،،،،،،،
يـآزيـن هالضحكهـ الحلوهـ

فـديت قلبـج أصـآبع إيـدج مـب سوى

مثل تـجـآر المنتـدى مـب سوى

[جرير]

اختاري واحد منهم


http://i246.photobucket.com/albums/gg104/2008tinker/cat_0160.jpg

[حياة]

للاسف بعض الناس ذمتها وسيييعه وما تخاف من الله
حسيبهم الله
الله ياجرج ان شاء الله
ع فكره عيالي عندهم نفس القطاوه اللي عند العضو جرير ومستانسين عليها ومدربه زين وتفهم انجليزي عدل واحنا جايبينها من تايلند

[بـن عدوان]

أخوي انت كفاية انك شاريه بسعر رمزي ما أعتقد في حد في المنتدى عرض قطو بالسعر اللي بعتك اياه ... .. :rolleyes2:


هل معناته اني احمد ربي على السعر، حتى لو كان فيه شي ؟


وضيعته في أول نص ساعه من خذته ... ولقيته ثاني يوم محتمي في المخزن من حرارة الشمس .. وميت يوع بلسانك قلتها
:rolleyes2:

المخزن ماكان حار، والاشعة ماكانت توصل، والأكل كان متوفر :)


وللعلم هو تم في المخزن أقل من يوم، بس ماعتقد انه بيكون سبب في تساقط الشعر دايما.

وللعلم أول ماخذته منك، الشعر انترس في السيارة كلها، قلت مو مشكلة، بعالجة، استمريت في العلاج بس مافي فايدة، وللعلم ترى من اسبوعين انا هديته.


وسلامة قلبك :)