المساعد الشخصي الرقمي

مشاهدة النسخة كاملة : للي يشتغلون في شركات البترول + قطر للبترول (مساعدة)


ثاني
28-09-2009, 10:46 AM
السلام عليكم.. شلونك ياخوان

ياشباب بس بغيت اسئل.. انا ودي اتوظف في شركة من شركات البترول شلون هي الأجرائات ؟ هل لازم اروح الشركة الي ابي اتوظف فيها

ولا لازم اروح قطر للبترول وهناك اختار الشركة حتى اهم يدربوني وكل شي


اتمنى المساعدة وشكرا
وتبقى الدنيا حلوه
28-09-2009, 10:51 AM
كل قطاع له ادارة توظيف مستقل عن الاماكن الاخرى

بترول

قطر غاز

وقود

راس غاز

كل مكان تقدر تروح تقدم عندهم و مالهم علاقة بالاماكن الثانية بقطاعات البترول الاخرى

و تبي منى نصيحة :-

اذا كنت قطري روح برج برزان و قدم هناك و هم بيودون اوراقك كل مكان او المكان للي انت تبيه

او انتظر لين شهر 4 سنة 2010 بيسون معرض مهني

و ربي يوفقك
ثاني
28-09-2009, 11:01 AM
انا والله خلصت الثانوية والحين في جامعة قطر .. لكني با عتذر لاني ماقدر على متطلباتهم _ سنتين تأسيسي + توفل+كمبيوتر + رياظيات


فقلت ودي اقدم على البترول وفي خاطري الصراحة شركة موبيل أو شيل
فمادري هالشركتين اروح لهم عن طريق البترول ولا لازم اروح الادارة حقتها
لان في واحد قالي انه راح البترول وعطوه ورقة وقالو له اختار الشركة الي تبيها , فيليت احد يأكد لي هالشي وشكرا
الألماسي
28-09-2009, 11:15 AM
اخوي ثاني اذا انت خريج ثانويه عامه . . فـ روح لمركز التدريب التابع لقطر للبترول و قدم هناك . . :)

الله يوفقك
بويوسف
28-09-2009, 11:18 AM
طيب ليش مايكون في موقع لتوضيف القطريين سواء من شركات البترول او حتى ادارة العمل . بدل ما يروح الشخص ويعطيهم السي في وبعدها يعتمد على الموظف شاف السي في او ماشافه .

وهالشي يوفر سرعة وشفافية وعدالة ..
ثاني
28-09-2009, 11:26 AM
اي اخوي انا خريج ثانوية مستقلة 2008/2009

بشوف مركز التدريب بس انا ودي استفسر شلون لو انا بختار الشركة الي ابيها
PoBox
28-09-2009, 11:36 AM
انا والله خلصت الثانوية والحين في جامعة قطر .. لكني با عتذر لاني ماقدر على متطلباتهم _ سنتين تأسيسي + توفل+كمبيوتر + رياظيات


فقلت ودي اقدم على البترول وفي خاطري الصراحة شركة موبيل أو شيل
فمادري هالشركتين اروح لهم عن طريق البترول ولا لازم اروح الادارة حقتها
لان في واحد قالي انه راح البترول وعطوه ورقة وقالو له اختار الشركة الي تبيها , فيليت احد يأكد لي هالشي وشكرا

*
*

نصيحة لوجه الله ، حاول تكمل الجامعة حتى لو تضغط على نفسك وتجيب مدرسين

بتكون حر نفسك وتشتغل باي مكان بالدولة وتكون سنير
بدل الاذية والشروط والمجال الضيق للوظيفة
ثاني
28-09-2009, 11:48 AM
والله يخوي صعبه ماقدر اكمل

شروط الجامعة اهي المقعدة الصراحة
توفل والتأسيسي سنتين والكمبيوتر والرياضيات,

فعشان جي قلت ابشتغل احسن واكمل دبلوم
ابوعهد
28-09-2009, 11:48 AM
ليه ما تروح لقطر للبترول وهم راح يدربونك ويبعثونك من عندهم على كلية الشمال الاطلنطي وانت في نفس الوقت موظف عندهم واول ما تخلص دراستك بتكون الوظيفه تنتظرك طبعا لان مافي غنا عن الجامعه والكل يدري وش الفرق بين الموظف الجامعي والموظف الثانوي مع احترامي للجميع

وبالتوفيق انشالله
ثاني
28-09-2009, 12:00 PM
ليه ما تروح لقطر للبترول وهم راح يدربونك ويبعثونك من عندهم على كلية الشمال الاطلنطي وانت في نفس الوقت موظف عندهم واول ما تخلص دراستك بتكون الوظيفه تنتظرك طبعا لان مافي غنا عن الجامعه والكل يدري وش الفرق بين الموظف الجامعي والموظف الثانوي مع احترامي للجميع

وبالتوفيق انشالله

هلا اخوي .. انا ودي شركة موبيل او شل .. فمادري هل اقدر اتدرب عن طريقهم مثل البترول وشلون الاجرائات

لان واحد قالي روح البترول واهناك اختار الشركة وعقب بتتدررب وكل شي
Petroleum
28-09-2009, 01:45 PM
الشباب اللي نصحوك بأكمال الجامعة معاهم حق ...

انت لحد الحين مادخلت مجال العمل في قطاع البترول خاصة ... طبعا كل القطاعات سواء الحكومية او الخاصة او قطاع الطاقه الأفضل انك تكون جامعي لكن خلني اتكلم لك عن قطاع البترول ... انت لو بتخلص الجامعه بعشر سنوات احسن لك من انك تشتغل بالبترول و تآخذ الدبلوم بـ 3 سنوات ... الحسبه راح تختلف اختلاف كلي
في الترقيات , العلاوات , البوزشن , البرامج المعدة لتدريبك ...
و بعد الدبلوم و الحصول على درجة السينير سقف الترقيات يقف على مسمى وظيفه
Senior Supervisor
الجامعي له السقف مفتوح
اخوي قبل لا تقرر فكر مليون مره:telephone:

اختصر كلامي السابق بمثل أمريكي ترجمه و فكر فيه بكيفك:omen2:

If you think education is expensive try ignorance

عموما لو حاب تشتغل فقدم على قطر للبترول و ادخل البرنامج
و الله الموفق
ثاني
28-09-2009, 02:02 PM
اخوي انشالله بعد الدبلوم.. بحاول إني اخذ بعثه للخارج لان ان شاء الله بشد حيلي اول شي اخلص الدبلوم ثم اشتغل شوي وعقب احاول اخذ بعثه ..

لكن جامعة قطر صدقني مب مشجعتني اني اكمل...


بس بغيت اسئلك اخوي لو بغيت اقدم على احدى الشركات مثل موبيل او شل.. اقدمها عن طريق قطر للبترول ؟
PoBox
28-09-2009, 02:11 PM
الشباب اللي نصحوك بأكمال الجامعة معاهم حق ...

... انت لو بتخلص الجامعه بعشر سنوات احسن لك من انك تشتغل بالبترول و تآخذ الدبلوم بـ 3 سنوات ... الحسبه راح تختلف اختلاف كلي



مية مية ولا فراخ الجمعية :victory:
PoBox
28-09-2009, 02:14 PM
بس بغيت اسئلك اخوي لو بغيت اقدم على احدى الشركات مثل موبيل او شل.. اقدمها عن طريق قطر للبترول ؟

هذا عنوان شل في قطر والتقديم عندهم مش عن طريق كيوبي
كيوبي ان تبنتك راح يكون لك تدريب عندهم ( كيوبي ) وبعد الانتهاء منه
يحولونك على احدى الشركات الخاصة

Shell in Qatar
Address Qatar Shell Service Company W.L.L.
P.O.Box 3747
Al Mirqab Tower - 1st Floor
Corniche Road
West Bay
Doha
State of Qatar

Tel: +974 4957 777

Fax: +974 4957 778
ثاني
28-09-2009, 02:21 PM
هذا عنوان شل في قطر والتقديم عندهم مش عن طريق كيوبي
كيوبي ان تبنتك راح يكون لك تدريب عندهم ( كيوبي ) وبعد الانتهاء منه
يحولونك على احدى الشركات الخاصة

shell in qatar
address qatar shell service company w.l.l.
P.o.box 3747
al mirqab tower - 1st floor
corniche road
west bay
doha
state of qatar

tel: +974 4957 777

fax: +974 4957 778

مرحبا اخوي .. يعني قصدك لو رحت كيو بي وتبنتني وكل شي عقب يحولوني حق شيل ؟
دلوليانوز
28-09-2009, 02:30 PM
كمل جامعه..احسن لك

عقب بيتهاوشون عليك الشركات
متداول عالمي
28-09-2009, 05:07 PM
يا الغالي نصيحة لوجهه الله تعالى كمل جامعتك باي وسيلة حتى لو خارج البلد

والله يا الغالي عندى اخواني 7 ولله الحمد 2 على وشك التخرج و2 يدروسون والان باقي 3 ونيتهم كلها يكملون الجامعه انا عارف ان اذنك ما فيها ماي ونيتك انك تشتغل ولاكن حاول لانك بتندم متاخر حاول ولو تكملها برى في الامارات او الاردن لو ما حصلت على بعثة
alfahad1
28-09-2009, 05:44 PM
اخوي ثاني انا صارلي خمس سنوات في شركه بتروليه ولا ابتعثوني وعلى نفس الدرجه (4)
المشكله مش بالشركه المشكله من برنامج الqp طويييييييييييييل
لا وشكلي بتنقع خمس سنوات بعد على كلامهم وبعد ماابتعث يبيلي على الاقل خمس سنوات
عشان اصير سنير يعني مب بكلوريوس.. اتش ان دي بس يعني باصير في الاربعينات
وتوني ما تخرجت ......................... اخوي لا تفكر في الراتب فكر اشلون تخلص الدراسه
باسرع وقت ممكن
HENRY
29-09-2009, 02:55 AM
شوف اخوي اذا كانت نسبتك 75% روح المجلس الاعلى لتعليم هم يبغون منك قبول من اي جامعه امريكيه او بريطانيه
واذا نسبتك اقل من الستين التحق بقطر غاز راح تعيش عزك
ثاني
29-09-2009, 03:03 AM
لان اليوم كلمت شخص في البترول قالي لو خلصت الدبلوم وشديت حيلك نبعثك بريطانيا او كندا.. يقول احنا بعثنا واجد على مثل هالطريقة فمادري اشلون الحين
أم قطرية
29-09-2009, 03:22 AM
الله يسهل عليك دربك زيوفقك ياولدي
اسمع كلام خوانك اللي انصحوك هم اخبر واعلم
وفكر فيها واحسبها عدل
الشهادة هي اهم شي وكلنا ندري انك حريص عليها وتبغيها في غير جامعة قطر
بس تأنى في الاختيار

والله يوفقك وتتيسر امور دراستك قريب

قول امين
تحداني
29-09-2009, 03:27 AM
.. أنصحك يا اخي الفاضل

إنك تكمل دراستك الجامعيه ..
مهما كانت الصعوبات والطلبات ...
كملها يا اخي الفاضل ...


عمرك هذا مو عمر شغل ..
وجمع افلوس .. وتحقيق طموح واهداف ...


في هذا العمر تبني لنفسك كيان ..
وشهاده تسند نفسك عليها طول العمر ..
وتكون انت شيخ نفسك وحر نفسك ...
اي مكان تختاره واي مكان حاب تشتغل فيه ..
انت من تقرر ذلك .. وليس الغير ...


انا اليوم بطلب منك طلب صغير ..
اتصل شركه من شركات البترول ..

واسأل اي موظف ما عنده شهاده جامعيه ..
وقول له لو ترجع الاسنين ورى ايش تتمنى ؟؟
بدون تفكير راح يكون الجواب الشهاده الجامعيه ...


اذا كانت متطلبات جامعه قطر صعبه ..
من حقك تطلع برا ..
وتدرس لغه وبعدها تلتحق بأي جامعه ..

يا اخي الفاضل تعبنا وحنه نردد هذه العباره ...


" اللغه الانجليزيه ليست قنبله نوويه "
اللغه ممارسه ... ارجوكم افهموا ممارسه ..


وخير دليل على ذلك وانت محشوم الخادمات ..
بعد 6 أشهر تقول " اشلونج مدام " " اشلونك سير " ..


وكل شركات البترول راح تتبناك ..
ولكن لايمكن تبتعثك لاكمال البكالوريوس ..
وانا اراهن على ذلك ..
الا القليل جدا .. وذلك لندره بعض التخصصات ..


كل من يلتحق ببرنامج التدريب مكانه كالاتي ..

كليه شمال اطلنطي او كباين ومن ثم
... راس لفان
او .. مسيعيد ..

وتوته توته خلصت الحتوته ..


لان الكثير من الوظائف في البترول ..
لا يعمل بها الا اصحاب الشهادات مثل الثانويه والدبلوم ..
فهدفهم تنويع نوعيه الشهادات ..


ثاني مازلت صغير ..
ولا تعرف خبايا سوق العمل ..
ولا تعرف اهوال الوظائف .. والقوانين والامتيازات ..



... الدراسه والشهاده ..
ولا تقبل غير ذلك ..


بلا تدريب بلا كلام فاضي ..


اتمنى انك فهمت كلامي يا اخي الفاضل ...
والقرار راجع لك ..

اللهم بلغت ..
ولا اقصد من وراءه سوى ان يوفقك الله ..


نعم
يمكنك ارسال السيره الذاتيه لاي شركه تريدها عن طريق..
موقعها الاكتروني .. وهذا جواب لسؤالك وسؤال اخونا " بويوسف "


الله يسعدك ..يارب :)
ثاني
29-09-2009, 03:35 AM
.. أنصحك يا اخي الفاضل

إنك تكمل دراستك الجامعيه ..
مهما كانت الصعوبات والطلبات ...
كملها يا اخي الفاضل ...


عمرك هذا مو عمر شغل ..
وجمع افلوس .. وتحقيق طموح واهداف ...


في هذا العمر تبني لنفسك كيان ..
وشهاده تسند نفسك عليها طول العمر ..
وتكون انت شيخ نفسك وحر نفسك ...
اي مكان تختاره واي مكان حاب تشتغل فيه ..
انت من تقرر ذلك .. وليس الغير ...


انا اليوم بطلب منك طلب صغير ..
اتصل شركه من شركات البترول ..

واسأل اي موظف ما عنده شهاده جامعيه ..
وقول له لو ترجع الاسنين ورى ايش تتمنى ؟؟
بدون تفكير راح يكون الجواب الشهاده الجامعيه ...


اذا كانت متطلبات جامعه قطر صعبه ..
من حقك تطلع برا ..
وتدرس لغه وبعدها تلتحق بأي جامعه ..

يا اخي الفاضل تعبنا وحنه نردد هذه العباره ...


" اللغه الانجليزيه ليست قنبله نوويه "
اللغه ممارسه ... ارجوكم افهموا ممارسه ..


وخير دليل على ذلك وانت محشوم الخادمات ..
بعد 6 أشهر تقول " اشلونج مدام " " اشلونك سير " ..


وكل شركات البترول راح تتبناك ..
ولكن لايمكن تبتعثك لاكمال البكالوريوس ..
وانا اراهن على ذلك ..
الا القليل جدا .. وذلك لندره بعض التخصصات ..


كل من يلتحق ببرنامج التدريب مكانه كالاتي ..

كليه شمال اطلنطي او كباين ومن ثم
... راس لفان
او .. مسيعيد ..

وتوته توته خلصت الحتوته ..


لان الكثير من الوظائف في البترول ..
لا يعمل بها الا اصحاب الشهادات مثل الثانويه والدبلوم ..
فهدفهم تنويع نوعيه الشهادات ..


ثاني مازلت صغير ..
ولا تعرف خبايا سوق العمل ..
ولا تعرف اهوال الوظائف .. والقوانين والامتيازات ..



... الدراسه والشهاده ..
ولا تقبل غير ذلك ..


بلا تدريب بلا كلام فاضي ..


اتمنى انك فهمت كلامي يا اخي الفاضل ...
والقرار راجع لك ..

اللهم بلغت ..
ولا اقصد من وراءه سوى ان يوفقك الله ..


نعم
يمكنك ارسال السيره الذاتيه لاي شركه تريدها عن طريق..
موقعها الاكتروني .. وهذا جواب لسؤالك وسؤال اخونا " بويوسف "


الله يسعدك ..يارب :)


الصراحة يخوي كلامك أثر فيني بشكل كبير جداً....

وللأسف بخصوص البعثات الخارجية.. ماخليت حد مايرسل بعثات الا ورحت له وكل متطلباتهم شهادة التوفل والايلس .

حتى المجلس الأعلى خلو السنة التأسيسية الأولى لازم تكون على حسابي

يعني وين نروح نبي مكان يدعمنا ويساعدنا عشان نكمل.

جامعة قطر للاسف والله انا ماقدرت اظمن ان في خلال هالسنتين اني بتعدى متطلباتهم
تحداني
29-09-2009, 04:06 AM
الصراحة يخوي كلامك أثر فيني بشكل كبير جداً....

وللأسف بخصوص البعثات الخارجية.. ماخليت حد مايرسل بعثات الا ورحت له وكل متطلباتهم شهادة التوفل والايلس .

حتى المجلس الأعلى خلو السنة التأسيسية الأولى لازم تكون على حسابي

يعني وين نروح نبي مكان يدعمنا ويساعدنا عشان نكمل.

جامعة قطر للاسف والله انا ماقدرت اظمن ان في خلال هالسنتين اني بتعدى متطلباتهم




.. الحمد لله ان كلامي عجبك ..
واسأل اله ان يوفقك يااااااااااارب ..



وينور طريقك ويحفظك لشبابك ...
البعثات التي تكون عن طريق هيئه التعليم العالي ..
تكون على الشكل التالي ...

قبول من احد الجامعات الاجنبيه دون شرط اللغه ... بمعنى ان تكون الجامعه قابلتك ..
واللغه عندك جيده .. ولكي تتأكد الجامعه ان مستواك في اللغه الانجليزيه عالي ..
وغير محتاج للغه .. عليك ارسال شهاده التوفل او الايلس ..


هنا سيكون لك حلين ..

الحل الاول ... / عليك تقديم التوفل او الايلز ومن ثم مراسه الجامعه بالشهاده ..
وبعدها تحصل على القبول وترسله لهيئه التعليم العالي .. وسيكون من حقك اكمال الدراسه على حسابهم " بدون لغه " .. اهم شئ بدون لغه ..


الحل الثاني ... // اذا كنت لغتك ضعيفه .. وغير قادر على احضار شهاده التوفل او الايلس ..
ولا تستطيع الحصول على قبول لان القبول مرتبط باللغه ... فعليك الذهاب اما للخارج لدراسه اللغه على حسابك الخاص .. " والله ثم والله تكفيك 6 اشهر .. وانا تحداك .. انك ستغرد باللغه الانجليزيه " ..او محاوله تقويه اللغه في احد المعاهد او عن طريق مدرس خاص .. وتحصل على الشهاده .. وتراسل الجامعه وتدرس ..




ارجوك كمل الجامعه ... لن ينفعك الدبلوم في شئ ..

الحياه وغلاء المعيشه وبكره ان شاء الله ستتزوج ..
وراح ايكون عندك اعيال بإذن الله ..
محتاج توفر لهم حياه كريمه على الاقل ..


مع الشهاده الجامعيه .. وبلغه ممتازه ..
كل فرص العمل ستكون مفتوحه لك ..
مع الشهاده الجامعيه بإمكانك..
ان تحصل على كل حقوقك الوظيفيه بدرجه جامعي ..



وراتب الجامعي في اي مؤسسه بتروليه ...
يفوق اضعاف راتب الدبلوم والثانوي .... " واذا عرفت حجم الفرق .. مع الايام ستندم ..


أرجوك كمل الجامعه ..
ولا تتسرع .. وتتخذ قرار .. التوقف عن الدراسه ..
ما عليك من انتقاد الناس للجامعات والقوانين ..



عليك من نفسك ...



واكرر لك ذلك .. لا تعرف سوق العمل ..
ولا تعرف كثيرا عن الوظائف .. والدرجات الوظيفيه والرواتب ..

ولو عرفت كم سيكون راتبك في الثانويه مقارنه بالجامعه ..
راح تقول .. راح ادرس الين ما اشيب :) ..


صدقني ...



ارجوك فكر في الامر ...


الكبائن .. وكليه شمال اطلنطي ...
والدورات التدريبيه ليست حل ...


ولا يمكن تحل محل الشهاده الجامعيه ...



هناك قوانين في الحياه وفي الشركات والمؤسسات تفرض على الانسان ..
لا يمكن ان نغيرها بعنادنا .. ان نقول مو على كيفهم ...
ومن زينهم ..
ومالت عليهم ...
وما اعرف ايش ..


هذا ليس حل ..

انما ابعاد تأنيب الضمير عن الشخص ..



اي مساعده .. عن المعاهد ..
عن المدرسين ...
عن المراسلات ...
عن الدراسه ..


انا تحت امرك انت .. وكل شاب .. قطري ..
لاننا اخوان وخوات .. وابناء هذا البلد ...

ولن نقبل الا بأعلى الوظائف .. وارقى الدرجات ...


فكر .. واتخذ قرار لا تندم عليه ...

الله يسعدك ..



وآآآآآآآآآسفه جدا على الاطاله ..:shy:
قطري vip
29-09-2009, 05:03 AM
انزين بقولك شي ليش ماتدخل الجامعه الهولنديه بقطر مايبيلها شي وجامعه وشهاده وبتصير سنير على طول

بقولك شي اخوي دش البترول وكمل بكلية الاطلنطي البترول مبتعثينه اوكي وخلص وقطوه بمصنع يعني مافيه

فايده والحين يكمل جامعه ليش ماتكمل انت ياخي مب شرط بقطر بالبحرين تقدر بمصر تقدر بالاردن بس كمل

ولا تنتسب كمل عادي وصدقني بعدها ماراح تتحسف انا متحسف والله اني ماكملت بس تدري انا مصر اني اكمل

لو شنو وبكمل بالبحرين قريب اذا اهني ماوفقو غيرهم بيوافقون وصدقني بعد الشهاده لو ابي اي مكان

تخيل ينصدر قرار التوظيف بس للجامعين ايش بيكون رايك بعدها انته ماتدري ايش يصير بالدنيا بس الشهاده

الجامعيه كنز والله ومايعرفها الا اللي عنده والتوفل او الايلتس تقدر تاخذهم مب شرط بقطر وجرب اخذ لغه

ومارسها وتبي نصيحه لما تشوف فلم اجنبي حاول تترجمه من نفسك صدقني بتتعب بس والله بتستانس بعدين

ياخي يكفي سنير وراتبك حلوو والترقيات تجيك اول الناس
ثاني
29-09-2009, 06:12 AM
جزاكم الله خير والله يرحم والديكم على المساعدة والردود
بنت ابوها 19
29-09-2009, 08:38 AM
قدم على ميرسك


والله رواتبها اوكي
وتبقى الدنيا حلوه
29-09-2009, 09:09 AM
:(

قريت ردودكم صار لي أكتئاب

صج لما تخرجت من المدرسة وقتها ما فكرت ومحد كان يشجعني أكمل بس اتمنى لو اقدر اكمل الحين وادرس برع بس للاسف اهلي معارضين دراستي برع الدولة :(

حاليا انتظر كلية المجتمع و بهل الوقت بحاول ادرس توفل و الله الموفق انشالله
Stranger Man
30-09-2009, 02:08 AM
اهم مطلب اهو البكالوريوس يكفي ان معاملتك في اي مكان عمل تكون غير سواء حكومة او قطاع خاص .. درجاتك تاخذها اول الناس .. راتب الجامعي على الاقل ضعف راتب الدبلوم وفي اماكن اخرى يوصل لضعفين وثلاث اضعاف .. صدقني اخوي ان الجامعة افضل بمراحل من العمل واحمدالله اني سمعت كلام اهلي ودرست جامعة ولاكان وضعي جدا سيء !!

بالنسبة للغه مثل ماقال اخوي الكريم تحداني الزمن ليست بصعبه انا محدثك كنت لا افقه من اللغه الا اشياء بسيطه وليس لها معنى وبفضل من الله اولا وثم بمدرس خاص في قطر اصبحت اتحدث بشكل جيد والحمدلله ..

قس الامور جيدا ووازنها فستجد ان فكرة الدراسة هي الراجحه

موفق خير