قصيدة الفكسار

[الشامخ]

قصيدة الفكسار - الا يا رسولي فوق منجوبة اليابان

للشاعر ناصر الفراعنه السبيعي





ألا يارسولـي فـوق منجوبـة iiاليابـان
نبى نبعثك من شـان عيـنٍ iiحساويَّـه
على جيبٍ مغطى تقل صومعـة iiرهبـان
على لمبته من وجنة الزين مـن iiماريَّـه
ليا ديس بنزينه وهبـت هبـوب عمـان
قحص مثل رجلٍ شاف جنب القدم iiحيَّـه
ولامنك عطيته بالدبل من ورى iiبـرزان
تقل صـوت مسجـونٍ يطالـب iiبحريَّـه
وكل من يشوفه يحسبه من طيور iiالجان
والا نجمـة فـوق الشيايطيـن iiمرميَّـه
ولاأطلق شبح لاسمرت سايـق الذرعـان
تبـى تلحـق الفكسـار لاصـاح iiجنيَّـه
وياجاهـل الفكسـار هاذايـت iiالرحمـن
وأظن من ركب فوقه له الخلـد iiمبينيَّـه
من حبي الفكسار حبيـت أنـا iiاليابـان
غدوا لي عيال أعمام والا أكثـر iiشويَّـه
تشوف المواتر واقفـه كنهـا iiالثيـران
وهو وقفته وقفـة أسـد لعنبـو iiحيَّـه
أوصفه حبٍ فيه والا أنا يابـدر iiطفـران
وهـو ماملكـه الا عـبـادٍ iiغنـاويَّـه
وأنا لو حصل لي ماأكنزه مثل iiهالحضران
ورى البايكة مـن فيِّـة دوم فـي iiفيَّـه
علي الحرام إنـي لسوقـه كمـا الربـان
أوطي كفـره فـي كـل أرضٍ iiخلاويَّـه
أمسي على نجران وأصبح على iiالصمان
أدور الوناسة فالسفـر روحـة iiوجيَّـه
وأزاور حبيب الروح أبو منطـقٍ iiفتـان
أبـو حاجـبٍ سكبـه ووجنـات ورديَّـه
لكـن الدهـر يابـدر iiخوان ابن خوان
وحظي لاقلت اصحى يقول اش لكـم فيَّـه

منقول