استقالات القطريين الى متى !

[هدوء العاصفة]

هذا الموضوع بيكون عبارة عن احصائية بالاستقالات اللي تصير في مختلف الجهات
ومثل ما انتوا عارفين في جهات كثيرة تم تنزيل رواتبهم منهم كهرماء ومنهم التخطيط
واشغال وغيرهم ..

هيئة التخطيط والتطوير العمراني تشهد استقالات مستمرة واخرها استقالة اربع مهندسين
من اكفأ المهندسين القطرين ..

ننتظر من الاخوة الكهرمائيين تزويدنا باخر الاخبار والاستقالات خصوصا ان الكثير منهم
ينوون الاستقالة ولكن تم منع قبلوهم في معظم الجهات بالدولة ..

[s o s o]

توها وحده من الخوات معلنه عن استقالتها من كهرماء في احد المواضيع

هذا غير الكثير من الاعداد الاخرى من الموظفين من مختلف التخصصات الى استقالوا قبل العيد

:(

[هدوء العاصفة]

بنت عز ؟؟

[s o s o]

اي والله

على كثر مافرحت لها تكدرت والله

[هدوء العاصفة]

الفال لج ياسوسو

[طلعة الروح]

طبعا ما نؤيد الاستقالات العشوائيه ..

وما اعتقد انه في استقاله تتقدم منيه والطريج وليست وليدة اللحظة..

والاكيد انه في اسباب وفيه تراكمات نفسيه للشي هذا..

بالنسبة لجهة كهرماء يوم خفظوا رواتبهم ماظن انه الواحد منهم استقال الا

وضامن شغله ثانيه خصوصا اللي عليهم التزامات مادية واسرية

اما اللي ماعليه التزامات ولايحاتي شي اظن هذا من السهل انه يرتاح فبيتهم

لين الله يفرجها عليه..

اما الاستقالات اللي كل يوم تصير في الجهات الاخرى هذي شي ثاني صدقوني

كل واحد له ظروفه واسبابه المقنعه..

[عبدالرحمن]

يبون الخرده القطريين لاسالتهم شسبب قالك والله الاوفر احسن هنيه
يعني يسرك حالهم والي بيستقل يعله مايتعطل لاتحسب مصلحه البلاد في المكان الي بيروح له ولا يبي ينجز شي عظيم واقبضوة
انا مسؤل في عملي ونادر مافي موظف يبي يستقيل بس خلنا نزل شوي من الرواتب ماحد يبي يقعد
فهذا شي طبيعي وصحي يعني وبعدين متى هيئه التخطيط عندهم مهندسين اكفاء الله يرضالي عليك؟؟؟؟
لاهي ولا اشغال لو فيهم مب 4 بس 2 اكفاء بتشوف امور تطيب خاطرك

[هدوء 2]

الاستقاله غالبية أهل قطر يتمنونها ولا المذله واولهم أنا .....انشالله الله يسر بعض الامور وثق اني أقولهم ف أمانة الله وبلا عوار الراس ناس مرتاحه وناس تكرف وناس راكده ف بيوتهم ...ولا...... يمشى لهم راتب كامل اشلون مادري ....وناس تسألهم طيب انت وين متعين يقول مادري مش مهم انا وين متعين ؟؟ الاهم يمشي راتبي وانا مرتاح الواحد مايقول الا حسبنا ونعم الوكيل ع يدري وراضي بالامر ومخلي القرعه ترعى ومسوي نفسه مايدري عن شي

[طلعة الروح]

يبون الخرده القطريين لاسالتهم شسبب قالك والله الاوفر احسن هنيه
يعني يسرك حالهم والي بيستقل يعله مايتعطل لاتحسب مصلحه البلاد في المكان الي بيروح له ولا يبي ينجز شي عظيم واقبضوة
انا مسؤل في عملي ونادر مافي موظف يبي يستقيل بس خلنا نزل شوي من الرواتب ماحد يبي يقعد
فهذا شي طبيعي وصحي يعني وبعدين متى هيئه التخطيط عندهم مهندسين اكفاء الله يرضالي عليك؟؟؟؟
لاهي ولا اشغال لو فيهم مب 4 بس 2 اكفاء بتشوف امور تطيب خاطرك

بصراحه اللي يصير انه يوم تقدم استقالتك اي حد يشوفك بالدوام يقولك أوووف والله خساره كبيره والله حرام وانت كفؤ وزين ووو ومن هالكلام ولكن في الواقع الأسباب تكون أكبر.. ماعتقد انه لو الواحد مرتاح من جميع الجوانب راح يفكر يستقيل من عمله اكيد الاسباب قوية واكبر من انه يتحملها الانسان..

الماده عامل مهم ماننكر ولكن في عوامل اهم واقوى من الماده مثل تسلط المسؤول وعدم رضاه عنك مهما تقدم وتنجز وهاي يتروالي نقص في البعض والعياذ بالله قابلت هالنوعيه في مجال عمل سابق وذقت منه الامرين وانتهيت بالاستقالة لحفظ ماتبقى من نفسيتي وكرامتي وخصوصا اذا كان هذا المسؤول نفسه مسنود هنا لا يوجد اي حل..
فصبر جميل والله المستعان على مايصفون..

[هدوء العاصفة]

يبون الخرده القطريين لاسالتهم شسبب قالك والله الاوفر احسن هنيه
يعني يسرك حالهم والي بيستقل يعله مايتعطل لاتحسب مصلحه البلاد في المكان الي بيروح له ولا يبي ينجز شي عظيم واقبضوة
انا مسؤل في عملي ونادر مافي موظف يبي يستقيل بس خلنا نزل شوي من الرواتب ماحد يبي يقعد
فهذا شي طبيعي وصحي يعني وبعدين متى هيئه التخطيط عندهم مهندسين اكفاء الله يرضالي عليك؟؟؟؟
لاهي ولا اشغال لو فيهم مب 4 بس 2 اكفاء بتشوف امور تطيب خاطرك

خاف ربك على هذا الكلام
في ناس تشتغل باخلاص وتتعب وكفاءات قطرية ووطنية وعلى فكرة راحوا مناصب اعلى
لو على قولتك مش كفاءات ومايعرفون يشتغلون محد خذاهم

لكن انت اللي قاعد تذم الناس اش مكانك بالاعراب يا كفاءة !

[هدوء العاصفة]

طبعا ما نؤيد الاستقالات العشوائيه ..

وما اعتقد انه في استقاله تتقدم منيه والطريج وليست وليدة اللحظة..

والاكيد انه في اسباب وفيه تراكمات نفسيه للشي هذا..

بالنسبة لجهة كهرماء يوم خفظوا رواتبهم ماظن انه الواحد منهم استقال الا

وضامن شغله ثانيه خصوصا اللي عليهم التزامات مادية واسرية

اما اللي ماعليه التزامات ولايحاتي شي اظن هذا من السهل انه يرتاح فبيتهم

لين الله يفرجها عليه..

اما الاستقالات اللي كل يوم تصير في الجهات الاخرى هذي شي ثاني صدقوني

كل واحد له ظروفه واسبابه المقنعه..

شكرا اختي على الرد المتوازن ولكن احنا نتكلم عن الاستقالات الشبه جماعية في هالجهات

[s o s o]

الفال لج ياسوسو

انا مبدئي في الحياه اصلح مكاني واحاول يكون لي فيه دور

لكن مسألة ان حقي هُضم في مكان اخليه واكرر المحاوله في مكان ثاني مسأله بعيده عني

لاني بهالطريقه بشجع الكل يظلموني لانهم خلاص بيعرفون ان اسلوبي يبعد عن المواجهه واكتفي بالهروب بحجة فرصه افضل في مكان اخر .

[هدوء العاصفة]

بصراحه اللي يصير انه يوم تقدم استقالتك اي حد يشوفك بالدوام يقولك أوووف والله خساره كبيره والله حرام وانت كفؤ وزين ووو ومن هالكلام ولكن في الواقع الأسباب تكون أكبر.. ماعتقد انه لو الواحد مرتاح من جميع الجوانب راح يفكر يستقيل من عمله اكيد الاسباب قوية واكبر من انه يتحملها الانسان..

الماده عامل مهم ماننكر ولكن في عوامل اهم واقوى من الماده مثل تسلط المسؤول وعدم رضاه عنك مهما تقدم وتنجز وهاي يتروالي نقص في البعض والعياذ بالله قابلت هالنوعيه في مجال عمل سابق وذقت منه الامرين وانتهيت بالاستقالة لحفظ ماتبقى من نفسيتي وكرامتي وخصوصا اذا كان هذا المسؤول نفسه مسنود هنا لا يوجد اي حل..
فصبر جميل والله المستعان على مايصفون..


كفيتي ووفيتي

وتعقيب على كلام العضو عبدالرحمن اقول له مش معقول تمسك مهندس قطري مشاريع بقيمة 3 مليار و اكثر وتقول له لازم تشتغل عدل وتنتبه لها وبعدها تنزل راتبه وتماطله على الفين وثلاث الالاف

[هذلان]

السلام عليكم

بصراحه زين اني لقيت موضوع محايد عشان اذكر نقطه ما قدرت اذكرها سابقا .

فيه ناس من هل قطر يقدمون استقالاتهم ،، بكل امانه فرقاهم عيد الله لايثمني يمكن الكافر بيراعي ضميره في الشغل و هم مسلمين و من هل البلد و سواياهم ما يعلم بها الا رب العالمين .

استقال احد الاشخاص السيئين جدا عندنا في الشغل تفاجئت بموضوع في المنتدى فلان الفلاني استقال و الاعضاء منقهرين و معصبين انه قطري و مستقيل من منصبه و ايحائات انه ممكن يكون مظطهد او مظلوم و هم مايدون اساسا شنهي وظيفته بالظبط بس مع الخيل يالشقرا .

اقولها وفيني غصه القطري لا ظرب اوجع :(
اذا وقع عليك ظلم من مدير اجنبي تلقى لنفسك عزاء بانه اجنبي ممكن يحمل ضغينه على اهل البلد او انه يميز ربعه من جنسيته او اي سبب اخر ممكن انت كموظف تختلقه اسباب عشان تهون على نفسك.
لكن اذا قطري شتقول ؟ ماتنبلع :(

[ساراام]

لييييش القطرررري يستقيل والاجنبي لااااااا؟؟

ليش القطري ماياخذ حقه ببلاده والاجنبي مااخذ حقه وزيااااده؟؟

لييييييييييييييش :weeping:

[طلعة الروح]

اقولها وفيني غصه القطري لا ظرب اوجع :(
اذا وقع عليك ظلم من مدير اجنبي تلقى لنفسك عزاء بانه اجنبي ممكن يحمل ضغينه على اهل البلد او انه يميز ربعه من جنسيته او اي سبب اخر ممكن انت كموظف تختلقه اسباب عشان تهون على نفسك.
لكن اذا قطري شتقول ؟ ماتنبلع :(

هذا عاد الجرح اللي مايندمل عزيزتي..
وتسبب الغصة في الوجدان..
بعض المسؤولين القطريين في الشركات الكبيره والمهمه خانوا الأمانة وشرف المهنه للأسف والله العالم من اللي حطهم ونصبهم جلادين يلشطون في الناس بامزجتهم المنحرفه..

اعرف مسؤولين في الموارد البشريه والله لا يرويكم من هالنوع الحقيقه خربوا على اسم شركاتهم وسمعتها بسبة افعالهم وظلمهم بدل ماياخذون بايادي عيال البلد يا يطردونهم ولا يتهمونهم بالدلع والتقصير دايما يركزون عالسلبيات بدل مايقولون هذا ولد بلادنا وهاي استثمارنا الحقيقي وماشفنا واحد منهم حل مشكله وحده في ادارته بالشكل الصحيح لا توجد اخلاقيات مهنية لدى الاغلبية ولا حرفية عمل الموضوع ومافيه امزجه ومصالح شخصيه..

[م. عبدالعزيز]

انا مستغرب من شغله ،، شلون ساكتين على هالشي ،، ليش القطريين يشردون من القطاع الحكومي اللي هو أولى من الخاص ،، يعني مو معقول مؤسسه أو هيئة حكوميه قطريه كل موظفيها من جنسيات غير قطريه !!! وين الكوادر القطريه ؟؟ المفروض يكونون أولى لهم علشان يخدمون البلد

[كاتم الاسرار]

لييييش القطرررري يستقيل والاجنبي لااااااا؟؟

ليش القطري ماياخذ حقه ببلاده والاجنبي مااخذ حقه وزيااااده؟؟

لييييييييييييييش :weeping:

تبغي تعرف ليش لاننا قطرييييييييييين مش اجانب خل المسئولييييييييييين يجابونك احسن

[genesis]

Everyone is replaceable
مع هجرة البعض للقطاع الحكومي ، اتيحت الفرصة لأجيال جديدة وكذلك تم تعيين أجانب كرؤساء أقسام أو مدراء مشاريع في حالة عدم وجود بديل .
العمل لم يتوقف. والانتاجية نفس السابق (إن لم تكن أحسن)

[هدوء العاصفة]

everyone is replaceable
مع هجرة البعض ، اتيحت الفرصة لأجيال جديدة وكذلك تم تعيين أجانب في حالة عدم وجود بديل.
العمل لم يتوقف. والانتاجية نفس السابق (إن لم تكن أحسن)

صحيح الحياة لن تتوقف برحيل شخص او عدة اشخاص .. ولكن اللي حصل على خبرة في المكان يفترض ان يعامل باحترام وتقدير مش تقول له روح وغيرك يترس مكانك ..

اذا كان هذا تفكير المسئولين فهو مخيب للامال ولانه بكلامك انعدمت معاني جميلة للاسف منها التقدير والاحترام والوفاء وبعد النظر

انت تتكلم عن نوع من التهجير القسري وليس الاختياري

[هدوء العاصفة]

انا مستغرب من شغله ،، شلون ساكتين على هالشي ،، ليش القطريين يشردون من القطاع الحكومي اللي هو أولى من الخاص ،، يعني مو معقول مؤسسه أو هيئة حكوميه قطريه كل موظفيها من جنسيات غير قطريه !!! وين الكوادر القطريه ؟؟ المفروض يكونون أولى لهم علشان يخدمون البلد

هذا انت قلتها عيال قطر اولى بهالاماكن ولكن اش تقول اذا تشوف هل قطر يتم الخصم المفاجئ من رواتبهم وقطع علاواتهم وبدلاتهم وعدم مس رواتب الاجانب اهنيي القطري بيحس بالغبن والظلم والمهانة واكيد بيروح يدور مكان ثاني ولابيحس باي حافز للعمل

[هدوء العاصفة]

السلام عليكم

بصراحه زين اني لقيت موضوع محايد عشان اذكر نقطه ما قدرت اذكرها سابقا .

فيه ناس من هل قطر يقدمون استقالاتهم ،، بكل امانه فرقاهم عيد الله لايثمني يمكن الكافر بيراعي ضميره في الشغل و هم مسلمين و من هل البلد و سواياهم ما يعلم بها الا رب العالمين .

استقال احد الاشخاص السيئين جدا عندنا في الشغل تفاجئت بموضوع في المنتدى فلان الفلاني استقال و الاعضاء منقهرين و معصبين انه قطري و مستقيل من منصبه و ايحائات انه ممكن يكون مظطهد او مظلوم و هم مايدون اساسا شنهي وظيفته بالظبط بس مع الخيل يالشقرا .

اقولها وفيني غصه القطري لا ظرب اوجع :(
اذا وقع عليك ظلم من مدير اجنبي تلقى لنفسك عزاء بانه اجنبي ممكن يحمل ضغينه على اهل البلد او انه يميز ربعه من جنسيته او اي سبب اخر ممكن انت كموظف تختلقه اسباب عشان تهون على نفسك.
لكن اذا قطري شتقول ؟ ماتنبلع :(

يعني اذا قطري ماتنبلع واذا اجنبي تنبلع ؟ اكيد الاثنين ماينبلعون بس بمفهومك عيل القطري اذا باق لازم اعدام والاجنبي اذا باق عادي الموضوع ينبلع

خلاص حسب نظرية هذلان نحط الموظفين والمسئولين اجانب عشان اذا ظلموا ينبلعون ويكونون خفيفين علينا لكن القطري لا

اخوي هذلان الاخلاق ترجع للشخص نفسه وليس لجنسيته قطري او غيره مطلوب منه الاخلاص في العمل واتقان العمل المتطلب منه

[هدوء العاصفة]

تبغي تعرف ليش لاننا قطرييييييييييين مش اجانب خل المسئولييييييييييين يجابونك احسن

اي والله خلهم يجاوبونك

[genesis]

صحيح الحياة لن تتوقف برحيل شخص او عدة اشخاص .. ولكن اللي حصل على خبرة في المكان يفترض ان يعامل باحترام وتقدير مش تقول له روح وغيرك يترس مكانك ..

اذا كان هذا تفكير المسئولين فهو مخيب للامال ولانه بكلامك انعدمت معاني جميلة للاسف منها التقدير والاحترام والوفاء وبعد النظر

انت تتكلم عن نوع من التهجير القسري وليس الاختياري

ياأخي الكريم ، مع إحترامي للذين إستقالوا. بس الكثير إعتقد ، إن العمل بيتوقف برحيلهم. وإن كانوا يعلمون ، إن حتى أيام الطفرة ، ما أضافوا أي جديد للجهة اللي يعملون فيها.
في النهاية ، الراتب ليس هو كل شيء.
بس المادية للأسف أعمت عيون الكثيريين ....

[هدوء العاصفة]

:
ياأخي الكريم ، مع إحترامي للذين إستقالوا. بس الكثير إعتقد ، إن العمل بيتوقف برحيلهم. وإن كانوا يعلمون ، إن حتى أيام الطفرة ، ما أضافوا أي جديد للجهة اللي يعملون فيها.
في النهاية ، الراتب ليس هو كل شيء.
بس المادية للأسف أعمت عيون الكثيريين ....

يا عزيزي من يظن ان العمل بيوقف عند رحيلة فهذا شخص قصير نظر كما يقولون .. من قال لك المادة سبب رحيل هؤلاء ؟؟

المادة يا استاذي العزيز مهمة لانها تعبر عن تقديرك للموظف وخصوصا اذا كان ذو خبرة وتخصص فني واذا كان يحصل في الجهات الثانية ضعف مايحصل في هالمكان ليش مايطلع .. مايحتاج تقول مادية وكلام غير صحيح ومجحف في حقهم ..

الراتب ليس كل شي لكن اذا خصموا من راتبك ووقفو ترقيتك تعال قول لي الراتب مب كل شي :nice:

[امل الحب]

بصراحه اللي يصير انه يوم تقدم استقالتك اي حد يشوفك بالدوام يقولك أوووف والله خساره كبيره والله حرام وانت كفؤ وزين ووو ومن هالكلام ولكن في الواقع الأسباب تكون أكبر.. ماعتقد انه لو الواحد مرتاح من جميع الجوانب راح يفكر يستقيل من عمله اكيد الاسباب قوية واكبر من انه يتحملها الانسان..

الماده عامل مهم ماننكر ولكن في عوامل اهم واقوى من الماده مثل تسلط المسؤول وعدم رضاه عنك مهما تقدم وتنجز وهاي يتروالي نقص في البعض والعياذ بالله قابلت هالنوعيه في مجال عمل سابق وذقت منه الامرين وانتهيت بالاستقالة لحفظ ماتبقى من نفسيتي وكرامتي وخصوصا اذا كان هذا المسؤول نفسه مسنود هنا لا يوجد اي حل..
فصبر جميل والله المستعان على مايصفون..

مؤيدة لكلامك مليون % .. وجود الراحة النفسية من عدمها يحدد امور كثيرة فالعمل..

وانا واجهت ناس من هالنوعية .. انسان ماقدرت اوصفه بأي كلمة :) كان يستفزني ويقط علي مرادم .. ليش؟! لاني كنت احد الجدد الي يخاف منهم هو .. وطبعا مديري المباشر انسان سلبي وهو اجنبي ايضا يقول خلصي شغلج واتركيه عنج .. طفح الكيل .. والحمدلله بوجود مدير ادارة قطري متزن وفاهم وماكنت انا الاولى الي تشتكي على هالشخص ..قدرت استرد راحتي وراحة بالي .. ولكن الامر منه كان بيكون لو حملني الخطأ وببقى اشتغل تحت ضغط نفسي..

محد يتمنى هالشي ولكن في مسؤولين للاسف .. مايراعي الحالة النفسية بقدر مايحب يثبت وجوده وهو اي كلام ولا له وجود اصلا .. الشي الي يخلي الموظف يشتري راحة باله بمكان ثاني وهذا ابسط حل .. :)

[طلعة الروح]

انا مستغرب من شغله ،، شلون ساكتين على هالشي ،، ليش القطريين يشردون من القطاع الحكومي اللي هو أولى من الخاص ،، يعني مو معقول مؤسسه أو هيئة حكوميه قطريه كل موظفيها من جنسيات غير قطريه !!! وين الكوادر القطريه ؟؟ المفروض يكونون أولى لهم علشان يخدمون البلد

بالعكس مب القطريين الي يشردون من القطاع الحكومي الا مساكين مب لاقيين فرصة وخلنا صريحين اغلب اللي في الوزارات الحين تعينوا بالواسطه هذاك اول اللي يستقبلون كل من هب ودب والدليل روح وزارة العمل واسألهم عن الترشيح في الوزارات اول ماتقولهم ابي اترشح في وزاره يتخسبقون ويصيدهم داء الركب مادري ليش يا مهددينهم مايرشحون حد في الحكومه ولا خاشين الوظايف هذي حق ربعهم وحبايبهم وغير هالحلين مافي..

[طلعة الروح]

ولكن اللي حصل على خبرة في المكان يفترض ان يعامل باحترام وتقدير مش تقول له روح وغيرك يترس مكانك ..

اذا كان هذا تفكير المسئولين فهو مخيب للامال ولانه بكلامك انعدمت معاني جميلة للاسف منها التقدير والاحترام والوفاء وبعد النظر


كلام سليم وحتى لو جديد وماعنده خبره بالمكان هم المفروض يحترمونه ويدربونه لأنه في الاخير كلهم ثروه وطنيه وبلادهم اول وتالي ومحد بينفعهم غير عيالهم..

[saddawi4ever]

اسمع الشباب اليوم يتكلمون

انه في اكثر من واحد مقدم استقالته من اللجنة الاولمبية

[هدوء العاصفة]

بالعكس مب القطريين الي يشردون من القطاع الحكومي الا مساكين مب لاقيين فرصة وخلنا صريحين اغلب اللي في الوزارات الحين تعينوا بالواسطه هذاك اول اللي يستقبلون كل من هب ودب والدليل روح وزارة العمل واسألهم عن الترشيح في الوزارات اول ماتقولهم ابي اترشح في وزاره يتخسبقون ويصيدهم داء الركب مادري ليش يا مهددينهم مايرشحون حد في الحكومه ولا خاشين الوظايف هذي حق ربعهم وحبايبهم وغير هالحلين مافي..

كلام غير صحيح بحكم قربي من التعيينات فأقول لج التعيين موقوف في الكثير من الوزارات وبعدين نصيحة مني ابعد عن الشر وغني له روحي الخاص افضل لج

[ساراام]

تبغي تعرف ليش لاننا قطرييييييييييين مش اجانب خل المسئولييييييييييين يجابونك احسن

الايه انقلبت وصرنا احنا الاجانب

والاجاانب صاروا اهل البلد للاسف

[رمــش الغلا]

والله اكثرت الاستقالات
حتى في اللجنة الاولمبية يوميا تقديم استقالات :omg:

شالسالفة :(

[هذلان]

داش عرض

الله يهديك معارض الكل انت ،، كلنا كلامنا غلط او مش واقعي .
ممكن تشرح لنا اكثر عشان نفهم منك

[M!ssy]

روحوا شوفوا معهد التنميه الاداريه والبلاوي الي فيه بتضحكون
تخيلوا الشؤون الاداريه والماليه مافيها ولا جامعي
والسبب ان الجامعيين واصحاب التخصصات قطوا استقالاتهم في وجه المسؤولين هناك

والاداره صارت بين الثانوي والاعدادي

[واقعي وصريح]

تبغي تعرف ليش لاننا قطرييييييييييين مش اجانب خل المسئولييييييييييين يجابونك احسن

القطري ماخذ حقه وزيادة الله يعز الحكومة

السؤال وين رد الجميل لبلاده ؟

انا اقول قولوا الحمدلله واشكروا ربكم ترى النعمة زوالة

وبدووووووووووووووووون زعل

[ماهر حسن]

والله في قطريين مرتاحين ومتنعمين ...ولا عليهم قصور
وفيه قطرين الله يعلم بحالهم ....

وفيه نص ونص .......وفيه ربع ونص

ذاك ايام ما قبل النفط ......كانوا واحد ..

واعذروني على الصراحة

[saddawi4ever]

والله اكثرت الاستقالات
حتى في اللجنة الاولمبية يوميا تقديم استقالات :omg:

شالسالفة :(

نفس الكلام الي سمعته

تحطيم :(

[alphaqatar]

السلام عليكم

بصراحه زين اني لقيت موضوع محايد عشان اذكر نقطه ما قدرت اذكرها سابقا .

فيه ناس من هل قطر يقدمون استقالاتهم ،، بكل امانه فرقاهم عيد الله لايثمني يمكن الكافر بيراعي ضميره في الشغل و هم مسلمين و من هل البلد و سواياهم ما يعلم بها الا رب العالمين .

استقال احد الاشخاص السيئين جدا عندنا في الشغل تفاجئت بموضوع في المنتدى فلان الفلاني استقال و الاعضاء منقهرين و معصبين انه قطري و مستقيل من منصبه و ايحائات انه ممكن يكون مظطهد او مظلوم و هم مايدون اساسا شنهي وظيفته بالظبط بس مع الخيل يالشقرا .

اقولها وفيني غصه القطري لا ظرب اوجع :(
اذا وقع عليك ظلم من مدير اجنبي تلقى لنفسك عزاء بانه اجنبي ممكن يحمل ضغينه على اهل البلد او انه يميز ربعه من جنسيته او اي سبب اخر ممكن انت كموظف تختلقه اسباب عشان تهون على نفسك.
لكن اذا قطري شتقول ؟ ماتنبلع :(


والله ماقدر أقول أكثر من إلى قلته ماتنبلع إلا موت لأني مجرب

[السهم الملتهب]

ان شاء الله ان تصدر مكرمة اميرية بزيادة رواتب القطريين وأن يبقوا القطريين في وظائفهم وأن تقف موجة الاستقالات

أملاً في الله ثم في سمو الامير المفدى كبير

[كيفـي]

هذا هو المعنى الحقيقي للتقطير..

والمعادلة :

تطفيش القطري (وبخس حقوقه) + عدم الالتفات لمشاكله = احلال محله اجنبي..:nice:

[بنت عز نفسها]

بما ان الموضوع يخص المستقيلين

يسعدني ويشرفني انقل تجربتي وليش سعيت اني اطلع من شغلي و استقيل
قدمت استقالتي لاني لقيت شغل ثاني ووافقت عليه لأسباب
التغيير من النواحي:1- بيئه العمل 2- طبيعة العمل 3- تغيير من جميع النواحي

* للعلم انا ماحب التغيير بهالامور ويصعب علي بس حسيت اني فعلا محتاجه لتتغير ( مجبر اخاك لا بطل )


وصار لي 7 سنين عمل في نفس القسم وبنفس الدرجه
( بحكم قانون كهرماء سابقا الجنير مايترقى للسنير ) قانون واحترمناه

كنا نطالب بالترقيات ونصير سنير يقولون لا الموظف لازم يكون موهيء لشغل وظيفة السنير
( مادري السنير بيخترع الذره وانا مادري )

المهم حصلت لي ترقيات بحدود الجنير من low الى Medium لي وصلنا Top

طبعا بطلعة روح مب من كيفهم

والصراحه مانطالب بالترقيه الا نعرف ان كنا مستحقينها غصب طيب بحكم
شهاده شكر من المؤسسه وبحكم انجاز الشغل في اكمل وجه واقصر مده ممكن والدقه
والتمييز وثناء من المسؤول .. حـلو لحد الحين

مر علي 3 مسؤولين واخر واحد الله يهديه ضيق علي الدنيا بكثر الشغل اللي يعطيني اياه
وللعم شغلنا صعب ومب سهل فعلا برامج مخصص ودراسه مخصصه
المهـــــم والاهــــــم
وجا "قانون الموارد البشريه" وبسلبيته وظلمه علينا مثل مانتو عارفين تنقيص الرواتب واتعبت نفسياتنا :secret:
لكن الشغل هو هو ماتغير وساعات العمل هي هي ولا تغيرت ولا في احد يطمن بالك

فا اضطريت للبحث لاني جد تازمت عندي وانضريت والحمدلله حالتي احسن من غيري
ولين الله وفقني ولقيت
الشغل الاريح
وساعات الدوم اريح
والراتب اعلى
الحمــــــــــــدلله على النعمه ( شنو ابي اكثر من جذيه )
قدمت استقالتي امس المسؤل قالي مابي اوقع لان انتي الموظفه الاميز والاحسن ومواظبه على الدوام مانبي نخسرج وخـــبره 7 سنين
قال راجعي امورج .. المؤسسه بتحسن الامور وبنعدل وضعج قلت قررت واستخرت ومصره اني استقيل
وتم يحاول معاي وانا ارفض لين اخر شـــي والحمدلله
قالي الله يوفقـــج

ووقـــع لي
والحمدلله رب العالمين
:victory:

واسمحولي على الاطاله:shy:

[Darco]

مسألة الاستقالات طبيعية وبالعكس يدل على أن الأمور تمشي بطريقة صحّية ..

الوضع الطبيعي أن الموظف يبحث عن المكان اللي يناسبه.. ما ناسبه المكان a يروح المكان b لأسبابه هو , ومن هذا يصير فيه سوق وظائف ولكل شراي بضاعة وسوقي على قولة دايم السيف. وظيفة إداري في مصنع تونا في ولاية فلوريدا غير عن وظيفة إداري في سيتي بنك وكل وظيفة لها العشرات اللي يتقدمون لها لكن أكيد أن سيتي بنك بياخذ ناس بمؤهلات وخبرة أكبر لأنه مستعد يقدم امتيازات أكبر من شركة التونا :)..

من الأساس خطأ المساواة بين القطاعات والأعمال وتوحيد رواتبها سواءاً في جدول رواتب ثابت في القطاع أو جداول ثابتة في كل القطاعات..

[هدوء العاصفة]

مسألة الاستقالات طبيعية وبالعكس يدل على أن الأمور تمشي بطريقة صحّية ..

الوضع الطبيعي أن الموظف يبحث عن المكان اللي يناسبه.. ما ناسبه المكان a يروح المكان b لأسبابه هو , ومن هذا يصير فيه سوق وظائف ولكل شراي بضاعة وسوقي على قولة دايم السيف. وظيفة إداري في مصنع تونا في ولاية فلوريدا غير عن وظيفة إداري في سيتي بنك وكل وظيفة لها العشرات اللي يتقدمون لها لكن أكيد أن سيتي بنك بياخذ ناس بمؤهلات وخبرة أكبر لأنه مستعد يقدم امتيازات أكبر من شركة التونا :)..

من الأساس خطأ المساواة بين القطاعات والأعمال وتوحيد رواتبها سواءاً في جدول رواتب ثابت في القطاع أو جداول ثابتة في كل القطاعات..




وهذا اللي نقوله

في اماكن العالم فيه بطالية وراقدين وسهالات لاحسيب ولارقيب واماكن فيها شغل وكرف ويوم تساوي بين هالاماكن شي طبيعي تلاقي العالم تبي تطلع من المكان اللي فيه شغل خصوصا بعد المساواة المزعومة

[هدوء العاصفة]

بما ان الموضوع يخص المستقيلين

يسعدني ويشرفني انقل تجربتي وليش سعيت اني اطلع من شغلي و استقيل
قدمت استقالتي لاني لقيت شغل ثاني ووافقت عليه لأسباب
التغيير من النواحي:1- بيئه العمل 2- طبيعة العمل 3- تغيير من جميع النواحي

* للعلم انا ماحب التغيير بهالامور ويصعب علي بس حسيت اني فعلا محتاجه لتتغير ( مجبر اخاك لا بطل )


وصار لي 7 سنين عمل في نفس القسم وبنفس الدرجه
( بحكم قانون كهرماء سابقا الجنير مايترقى للسنير ) قانون واحترمناه

كنا نطالب بالترقيات ونصير سنير يقولون لا الموظف لازم يكون موهيء لشغل وظيفة السنير
( مادري السنير بيخترع الذره وانا مادري )

المهم حصلت لي ترقيات بحدود الجنير من low الى medium لي وصلنا top

طبعا بطلعة روح مب من كيفهم

والصراحه مانطالب بالترقيه الا نعرف ان كنا مستحقينها غصب طيب بحكم
شهاده شكر من المؤسسه وبحكم انجاز الشغل في اكمل وجه واقصر مده ممكن والدقه
والتمييز وثناء من المسؤول .. حـلو لحد الحين

مر علي 3 مسؤولين واخر واحد الله يهديه ضيق علي الدنيا بكثر الشغل اللي يعطيني اياه
وللعم شغلنا صعب ومب سهل فعلا برامج مخصص ودراسه مخصصه
المهـــــم والاهــــــم
وجا "قانون الموارد البشريه" وبسلبيته وظلمه علينا مثل مانتو عارفين تنقيص الرواتب واتعبت نفسياتنا :secret:
لكن الشغل هو هو ماتغير وساعات العمل هي هي ولا تغيرت ولا في احد يطمن بالك

فا اضطريت للبحث لاني جد تازمت عندي وانضريت والحمدلله حالتي احسن من غيري
ولين الله وفقني ولقيت
الشغل الاريح
وساعات الدوم اريح
والراتب اعلى
الحمــــــــــــدلله على النعمه ( شنو ابي اكثر من جذيه )
قدمت استقالتي امس المسؤل قالي مابي اوقع لان انتي الموظفه الاميز والاحسن ومواظبه على الدوام مانبي نخسرج وخـــبره 7 سنين
قال راجعي امورج .. المؤسسه بتحسن الامور وبنعدل وضعج قلت قررت واستخرت ومصره اني استقيل
وتم يحاول معاي وانا ارفض لين اخر شـــي والحمدلله
قالي الله يوفقـــج

ووقـــع لي
والحمدلله رب العالمين
:victory:

واسمحولي على الاطاله:shy:


الحمدلله خير مافعلتي اختي والله يوفقج دنيا واخرة

[كساب]

لكل شخص اسبابه