المساعد الشخصي الرقمي

مشاهدة النسخة كاملة : سلندرات الغاز (ذبحونا الجماعه) جهاز توزيع الغاز اللي بها غير ملائمه


المتضرعه لله
28-09-2009, 02:54 PM
هذه مراره كل بيت ايش سووا بنا قطر للوقود بهالموزع للغاز من السلندر

هذا مايجدي اما الجماعه يرجعون الحال على ماكان عليه او نرد نطبخ على الكهرباء والحطب

اللي يطبخ ذبيحه مثلا كم ساعه يبي ؟

الصراحه بديت الساعه ثلاث انتهيت ثمان ونص

زمان كان الوقت بس ثلاث ساعات

الخدامات كانوا يشتكون
الجيران يشتكون
جيران الجيران يشتكون

بس لما طبخت انا حسيت بالمعناه

ياناس قولوا رايكم بها ونبي نوجة نداء للمسؤول عن هالمهزله يردون الحال على ماهو عليه سابق

المفصل الخاص بالمزع الجديد بلاستيك يعني اي حكره او ضربه تكسره

القديم بالعكس كان اقوى وامتن وآمن من هذا


صح مايحس بالنار الا رجل واطيها
أخت الغالي
28-09-2009, 03:04 PM
معاناة الأكل اللي ينطبخ في ساعة صار 3 ساعات

بس قالوا لي القديم اسرع لطبخ بس لسلامتج لاء

والجديد بطئ بس لسلامتج هو الأفضل

وأنا اشوف القديم مافية شي بصراحة من زمااااااااااااااان هو هو ماتغير نستخدمة ...
الامانه
28-09-2009, 03:26 PM
الله يكون في العون
بس الطباخ على الحطب طعمه الذ
مهره
28-09-2009, 04:45 PM
والله ااا نا مثلكم اعانى معاناة النار ضعيفة جبت واحد مال الغاز وقالى فى قطعة متوفرة فى الامارات تزيد من قوة النار وصينا عليها ويوم وصلت ماركبت على السلندر الى عندي
الله المستعان بس
فراغ
28-09-2009, 05:18 PM
هذي لعبة وراها مصلحه
بدل القديم غصب عنك بجديد ودفع
خلاص أنكشفت اللعبة يا وقود (الكسب السريع) شوفوا بس من تبديل النظام على أهالي قطر شكثر كسبوا
الخوف من الجاي في المستقبل
فيزيائية
28-09-2009, 07:46 PM
بالاضافة لبطء عملية الطهو واستغراقها مدة طويلة
لاحظوا ان كمية الغاز اقل ....
وتنتهي بسرعة...
يعني ندفع مال اكثر على غاز اقل:omen2:
برزان1
28-09-2009, 09:07 PM
الجميع يشتكي من منظم الغاز الجديد ولكن لا حياة لمن تنادي
HIGHNESS
28-09-2009, 09:38 PM
بالاضافة لبطء عملية الطهو واستغراقها مدة طويلة
لاحظوا ان كمية الغاز اقل ....
وتنتهي بسرعة...
يعني ندفع مال اكثر على غاز اقل:omen2:

اي والله صادقه ... لاحول ولاثوة الا بالله ... كل شي صار نفس المنشار طالع واكل نازل واكل ..
مادري ليش احنا مالنا وقفة قوية ضد الجشع والاستغلال
غير البشر
28-09-2009, 10:01 PM
سبحان الله في كل شي القديم احلى

مادري ليه من الموضوع تذكرت قلم بونص 10 سنين مايخترب :rolleyes2:

الله يكون في عونكم يا الحريم مع الطباخ

احسن طريقه سلق وتخزين او نص طبخه وعلى طول الثلاجه :(
حجر
28-09-2009, 10:41 PM
سمعت أن هناك من يقوم بمعالجة الساعة الجديدة مما يساعد على ارتفاع شعلة النار بمبلغ 30 ريال
امل الحب
28-09-2009, 10:46 PM
سمعت أن هناك من يقوم بمعالجة الساعة الجديدة مما يساعد على ارتفاع شعلة النار بمبلغ 30 ريال

ماتنفع بس كلام .. ولابيتغير اي شي .. تحس الغاز فاضي لما تفكر تطبخ وياخذ مدة طويلة :(
حجر
28-09-2009, 10:49 PM
ماتنفع بس كلام .. ولابيتغير اي شي .. تحس الغاز فاضي لما تفكر تطبخ وياخذ مدة طويلة :(

أنا ما أدري بس هناك من أكد لي ، وذكر اسم الشخص وقال بيطرش لي رقمه
ساراام
28-09-2009, 11:13 PM
احنااا فريجناا للحين على القديم

الله لايجيب الجديد وبلاويه :nice:
المتضرعه لله
29-09-2009, 01:42 AM
سمعت أن هناك من يقوم بمعالجة الساعة الجديدة مما يساعد على ارتفاع شعلة النار بمبلغ 30 ريال

شكرا للجميع والله حاسه بقهركم
يعني اللي يطبخ خروفين ايش حاله :anger1:

انا ادور على الكهرباء والله افضل بس ابي للعزايم غاز مش السلندر لا اللي يحطون عليه الصفريه للطبخ ابيه على كهرباء ابي اريح نفسي واعصابي الرجال يقول خلصوا العشاء والعشاء من الساعه 3 لين ثمان وهو يطبخ اشوف ان هالموزع للغاز بيتسبب بطلاق كثير من النسوان وربي قهر ....امزح بس يمكن يصير مع احد يوم من الايام


حجر دلني عليه ان لم يكن فيه خطر علي وعلى البيت مافي صبر عندي كل اسبوع عزيمتين ايش اسوي اذبح نفسي :(
المتضرعه لله
29-09-2009, 01:45 AM
احنااا فريجناا للحين على القديم

الله لايجيب الجديد وبلاويه :nice:

:(

القديم لنتهى راح ماعاد جاء جاك الكسول الملول مالت عليه
الرافعي
29-09-2009, 05:17 AM
انا سمعت وحدة من الاهل تقول بتطبخ على حطب للعزايم وما شاء الله عزايمهم ما تخلص
يعني بيحدون الناس على اشياء فيها اجهاد وتعب وما فيها اي امان

خافوا الله في هالناس بيدعون عليكم
كل سنة لكم سالفة
العام ازمة الغاز
والسنة ازمة هالجهاز
يتفننون ما شاء الله عليهم
غاية في الابداع!!!
فرقة الصقور
29-09-2009, 05:51 AM
طيب يوفرون منظم الغاز الضغط العالي
كل مواعينا صارت سودا من هالمنظم
المتضرعه لله
29-09-2009, 02:39 PM
صادني رعب كل ماشوف ابو العيال يقول عشاء والا غدا والله مب تعب من الطبخ بالعكس احب اطبخ وخاصه العزيمه لكن العله الموزع هذا والله الطبخ على الحطب افضل لكن يجب ان اسوي له مكان مخصص ودخان وسواد صفاري وزيادة صابون وعلة زمان

حسبي الله على هالموزع ومن افتكره
فلفل حار
30-09-2009, 12:50 AM
يعطيكم العافيه طباخات منتدي الآسهم ...!

بس محد يطرش ...
:(
المتضرعه لله
02-10-2009, 01:34 AM
يعطيكم العافيه طباخات منتدي الآسهم ...!

بس محد يطرش ...
:(

كرهنا الطبخ
غناتي1
02-10-2009, 04:17 AM
والله انج صادقه --

وما يحس بهاالمعاناة الا اللي يطبخون الضيفة في البيت مش في المطاعم

صار لنا هالموقف من كم يوم -- وتخيلوا متى الطباخ طبخ الساعة 6 وخلص ع ال 11

والله فشيييييله
سنطره
02-10-2009, 11:31 PM
وفي رمضان كرهت المطبخ بسبه سلند الغاز
والله القديم وايد احسن ياليت ايرجعونة احنا بلادنا فيها خير من الغاز فخلونا نتمتع بخيرات بلادنا.