المساعد الشخصي الرقمي

مشاهدة النسخة كاملة : $$$$$$ والله بديت اتضايق لي شفت لاعلى سعر ... للجادين ... سوماتكم ... إلخ إلخ إلخ إلخ


honey_uk
28-09-2009, 05:27 PM
ظاهره وبدت تنتشر ؟

من الملاحظ فالفتره الاخيره كثرة الهوشات فالمواضيع والجدال اللي ماله خص في الموضوع او حتى يكون له دخل فالموضوع الاصلي ؟؟؟ وخصوصاً في منتديات الاسواق ... السيارات .. العقار .. إلخ

واحد يعرض رقم ... واثنين مالهم خص ولا يبون يشترون يتهاوشون ؟


واحد عارض موتر ... واثنين يتهاوشون الموتر يسوى ولا مايسوى ؟

وفالاخير ... لا الاول ولا الثاني ولا الثالث اللي يبي يحل السالفه بيشترون الموتر ؟ والناتج وشو ؟؟؟

خربتوا على الرجال :(
موضوعه صار ماله طعم :(
الجديه انعدمت فالموضوع والناتج ! توهق الرجال ولو واحد فكر يدش الموضوع او يرد عليه .. بيتردد اكثر من مره بسبب ردودكم ؟

انا ابي اسئل ؟؟ الحين المنتدى ماعليه مراقبين !

ادري بتقولون ايه فيه ... بس والله مانحس بوجودهم ! خصوصاً في مواضيع المزايد والسوم ؟

وشو الحد الاقصى والادنى لمسح المواضيع او الردود ؟

وشذنب الرجال انه موضوعه اخترب وصار ماله قيمه عند الاشخاص الجادين ؟

والسلام ختام

طراااااااااااخ
http://gameplaybid.co.uk/userfiles/image/Misc%20Images/Auction_hammer.jpg
راكـــــــان
28-09-2009, 06:05 PM
لا فض فوك ياشييييييييييييييييييييخ
.
.
.
وانا اشدد على سالفه المراقبين والمشرفين فعلا مالهم اي حس
وخصوصا في المنتديات الحساسه والى تعتمد على العرض والطلب وفيهم حركه
.
.
.
لاعدمتك
qtr soul
28-09-2009, 06:22 PM
والله يعطييك العافيه
honey_uk
28-09-2009, 06:31 PM
لا فض فوك ياشييييييييييييييييييييخ
.
.
.
وانا اشدد على سالفه المراقبين والمشرفين فعلا مالهم اي حس
وخصوصا في المنتديات الحساسه والى تعتمد على العرض والطلب وفيهم حركه
.
.
.
لاعدمتك

ولاعدمنا طلتك يالشيخ

عرض وطلب ... لكن من اللي بيلتزم ؟؟:secret:
honey_uk
28-09-2009, 06:32 PM
والله يعطييك العافيه

الله يعافيك .. مشكور
أحساس
28-09-2009, 06:34 PM
أخوي كلامك صحيح 100%
والله يعطيك العافيه
هذلان
28-09-2009, 06:38 PM
اذا بتسئلني قسم السوق فيه مراقبين او مافيه .. الجواب ما ادري
اذا بتسئلني لو فيه مراقبين شرايي فيهم .. الجواب مقصرين تقصير منقطع النظير
اذا بتسئلني اداره المنتدى عندها علم بالي صاير .. الجواب يدرون اكثر مني و منك و ساكتين ليش ما ادري

كل حرف كتبته صحيح و لو ان الواقع اتعس مما ذكرت
honey_uk
28-09-2009, 06:39 PM
أخوي كلامك صحيح 100%
والله يعطيك العافيه

الله يعافيك :)
honey_uk
28-09-2009, 06:44 PM
اذا بتسئلني قسم السوق فيه مراقبين او مافيه .. الجواب ما ادري
اذا بتسئلني لو فيه مراقبين شرايي فيهم .. الجواب مقصرين تقصير منقطع النظير
اذا بتسئلني اداره المنتدى عندها علم بالي صاير .. الجواب يدرون اكثر مني و منك و ساكتين ليش ما ادري

كل حرف كتبته صحيح و لو ان الواقع اتعس مما ذكرت

مقصرين ... يدرون او مايدرون ...

انشالله هاي تكون رساله خفيفه عليهم ... ويتقبلون راينا فيهم بصدر رحب وهاي فرصه للتغير :)

ليش مايصير تركيز اكثر من قبل على المواضيع والردود و اسلوب الشباب ...

والله يحز فالخاطر لما ندخل موضوع راعيه مسكين لاله في الاخذ والعطى ولا يبي يجادل فلان وعلان .. عنده سلعه ويبي يبيعها ... لكن ولــلاسف

:( بعض الشباب يزاهم الله خير .. عبالهم الموضوع موضوع " اسمحولي بهالكلمه " مهايط ومصارخ عالفاضي

الاول يقول انا شايفه بهالسعر ..
والثاني يقول اتحداك ...
والثالث انت روح تعلم
والرابع مب انت اللي تقول كذا
والخامس مع الاول والثالث
والسادس مع الثاني والرابع

وراعي الموضوع يقول انا شمدخلني هني وشاللي خلاني اعرض السلعه ؟
والخسران راعي الموضوع ولا اللي ردو بيرووحون ويخربون على واحد ثاني وكأنهم ماسوو شي :)
راكـــــــان
28-09-2009, 06:51 PM
ولاعدمنا طلتك يالشيخ

عرض وطلب ... لكن من اللي بيلتزم ؟؟:secret:


المفروض الرد اللى خارج اطر الموضوع يتم خذفه وانا اشدد على هالسالفه
reall_sky
28-09-2009, 06:54 PM
صادق والله .. واضم صوتي لصوتك ... الظاهره هذي فعلا بدت تكون مسيئه ومشينه شوي
ليت من ادارة المنتدى تكون مكثفه حزمها مع البعض برقابه دورية
وليست بدعوى او شكوى من احد
تحياتي للجميع
وشكرا
الشامخ
28-09-2009, 07:02 PM
صح لسانك
خيال شمر
28-09-2009, 07:53 PM
كلامك كله 100% ومحتاج دراسة من أصحاب المنتدى لوضع حد للمشكلات الكثيرة الموجودة في قسم البيع والشراء ... لكن مانحس فيهم الا اذا انحذف موضوع او تقفل موضوع ... واذا فيه موضوع شدهم اسحبووووووووووووووووووووووه لقسم الشكاوي والاقتراحات وتناقشوا فيه بسرية وانه نطلع بشي من عندهم فالجواب هو ( !!!!!!!!!!!!!!!!!!!!!!!!!!! )
WAR
28-09-2009, 10:48 PM
المفروض الرد اللى خارج اطر الموضوع يتم خذفه وانا اشدد على هالسالفه


ها اخوي بتبيع الرقم :nice: ترا امزح


وصادق والله لازم يكون هناك رقابه لكن بعد الله يعين المراقبين والله يهدي الجميع

شكرا ياصاحب الموضوع
لاجئ عاطفي
28-09-2009, 10:56 PM
اكثر اللي يخربون المواضيع اصحاب السومات اللي مالها داعي
مثلا واحد يعرض سياره وطلب السومه من 100 الف يطلع واحد ويقوله 70 او 80 !!! هذول ماعندهم اي جدية ويشاركون لمجرد المشاركة فقط لاهو شراي ولا شي ...
دام راعي الموضوع كاتب سومة الكل يلتزم ويبتدي من السومه المذكورة .. مهب اقل منها بحجة العرض والطلب .. فاقترح اللي سموته اقل من السومة المطلوبه من راعي الموضوع يتم حذف مشاركته
xxqataryxx
28-09-2009, 10:58 PM
كلامك صحيح 100%
السهم الجريح
28-09-2009, 10:59 PM
صادق يالغالي والله المستعان ومن فينا ماتعرض للي تقوله وكلنا ناخذ بخاطرنا نزعل ونرد للمنتدى وتعبنا واحنا نتكلم بهالموضوع ابصراحة لا زم المشرفين والاعضاء جزاهم الله خير ينتبهون شوي

عندي اقتراح ما عرف بيعجبكم او لا وهو كل واحد يكون مسئول عن نفسه مثلا يعطون صلاحية حذف الردود الغير مرغوبة لصاحب الموضوع فقط على الاقل في قسم البيع والشراء وهو صاحب الحلال كذا وفرنا الوقت على المشرفين لان مافي حد بيهتم للموضوع اكثر من راعي الحلال والله الموفق
لاجئ عاطفي
28-09-2009, 11:01 PM
صادق يالغالي والله المستعان ومن فينا ماتعرض للي تقوله وكلنا ناخذ بخاطرنا نزعل ونرد للمنتدى وتعبنا واحنا نتكلم بهالموضوع ابصراحة لا زم المشرفين والاعضاء جزاهم الله خير ينتبهون شوي

عندي اقتراح ما عرف بيعجبكم او لا وهو كل واحد يكون مسئول عن نفسه مثلا يعطون صلاحية حذف الردود الغير مرغوبة لصاحب الموضوع فقط على الاقل في قسم البيع والشراء وهو صاحب الحلال كذا وفرنا الوقت على المشرفين لان مافي حد بيهتم للموضوع مثل راعي الحلال والله الموفق


اقتراح حلو وراح يطفي على المشاركات طابع الجديه والاستمرارية بس هل من الممكن يصير ؟؟ اهني السؤال ..
هذلان
29-09-2009, 12:40 AM
عندي اقتراح ما عرف بيعجبكم او لا وهو كل واحد يكون مسئول عن نفسه مثلا يعطون صلاحية حذف الردود الغير مرغوبة لصاحب الموضوع فقط على الاقل في قسم البيع والشراء وهو صاحب الحلال كذا وفرنا الوقت على المشرفين لان مافي حد بيهتم للموضوع اكثر من راعي الحلال والله الموفق


اقتراح ولا اروع ،، اتمنى اداره المنتدى تاخذ الاقتراح بعين الاعتبار
زمن الغدر
29-09-2009, 12:50 AM
كلامك حلو وجيد واقعي

بس اظن موضوعك بينحذف ولا حد منهم بيعبر

انا كتبت موضوع تاجير سيارات ليه العيد انحذف بدون اي سبب ونزلت الموضوع الحذف على العام وقدام الكل والكل قالي غريبه وبعد احذفوا
وابو ظلحه كتب موضوع نفس موضوعك انحذف بعد
واليوم واحد بعد كان يقول نفس كلامك ومن مساعه ادور موضوعه يوم سالته قالي احذفوه
ماعندهم غير مخالف للقوانين هذا تعليقهم
honey_uk
29-09-2009, 11:00 AM
صادق والله .. واضم صوتي لصوتك ... الظاهره هذي فعلا بدت تكون مسيئه ومشينه شوي
ليت من ادارة المنتدى تكون مكثفه حزمها مع البعض برقابه دورية
وليست بدعوى او شكوى من احد
تحياتي للجميع
وشكرا

ياخي احنا نعذرهم ونقول يمكن مشغولين ويمكن مافي عدد كافي لـ المراقبين اللي يسمح انهم يجيكون على المواضيع اول بأول ...

بس اللي ملاحظينه .. انه مافي رده فعل كلشششش ؟ على الاقل نحس انهم يدرون.
honey_uk
29-09-2009, 11:01 AM
صح لسانك

صح بدانك يالشيخ :)
honey_uk
29-09-2009, 11:03 AM
كلامك كله 100% ومحتاج دراسة من أصحاب المنتدى لوضع حد للمشكلات الكثيرة الموجودة في قسم البيع والشراء ... لكن مانحس فيهم الا اذا انحذف موضوع او تقفل موضوع ... واذا فيه موضوع شدهم اسحبووووووووووووووووووووووه لقسم الشكاوي والاقتراحات وتناقشوا فيه بسرية وانه نطلع بشي من عندهم فالجواب هو ( !!!!!!!!!!!!!!!!!!!!!!!!!!! )

ليش ماينفتح الباب لـ الراقبين والتصويت عليهم ؟

ليش مايزيد عدد المراقبين فالمنتدى نفسه " خصوصاً المنتدى اللي ذكرته انت لانه هو اللي اكثر شي عليه الجدال والزعل "

ليش ماتتغير طريقة عرض المواضيع في هالمنتدى بالذات لـ تلافي المشاكل اللي تصير :)
honey_uk
29-09-2009, 11:04 AM
ها اخوي بتبيع الرقم :nice: ترا امزح


وصادق والله لازم يكون هناك رقابه لكن بعد الله يعين المراقبين والله يهدي الجميع

شكرا ياصاحب الموضوع

الله يعينهم انا معاك في هالشي ...

انا عاذرهم من ناحيه انهم مهب فاضيين لـ هالمنتدى بس اكيد في اقسام وايد ومشرفين عليها بعد

لكن السؤال .. لييش مانحس بوجودهم ؟؟؟؟؟؟
honey_uk
29-09-2009, 11:06 AM
صادق يالغالي والله المستعان ومن فينا ماتعرض للي تقوله وكلنا ناخذ بخاطرنا نزعل ونرد للمنتدى وتعبنا واحنا نتكلم بهالموضوع ابصراحة لا زم المشرفين والاعضاء جزاهم الله خير ينتبهون شوي

عندي اقتراح ما عرف بيعجبكم او لا وهو كل واحد يكون مسئول عن نفسه مثلا يعطون صلاحية حذف الردود الغير مرغوبة لصاحب الموضوع فقط على الاقل في قسم البيع والشراء وهو صاحب الحلال كذا وفرنا الوقت على المشرفين لان مافي حد بيهتم للموضوع اكثر من راعي الحلال والله الموفق

بيض الله ويهك .. هاللي كنت ابيه انا تفاعل واقتراحات ... ولا يهونون اللي ردو قبلك

يعني شبيصير لو كانت الصلاحيات لصاحب الموضوع انه يمسح الردود اللي ماتعجبه ؟؟

ليش نسمح لـ المخربين انهم يحوسون فالموضوع ويطلعون من السالفه على حساب راعي الحلال ؟؟؟
honey_uk
29-09-2009, 11:08 AM
كلامك حلو وجيد واقعي

بس اظن موضوعك بينحذف ولا حد منهم بيعبر

انا كتبت موضوع تاجير سيارات ليه العيد انحذف بدون اي سبب ونزلت الموضوع الحذف على العام وقدام الكل والكل قالي غريبه وبعد احذفوا
وابو ظلحه كتب موضوع نفس موضوعك انحذف بعد
واليوم واحد بعد كان يقول نفس كلامك ومن مساعه ادور موضوعه يوم سالته قالي احذفوه
ماعندهم غير مخالف للقوانين هذا تعليقهم

اذا انحذف مهب مشكله :) هم ابخص بالمنتدى وهم اصحابه ... وبعدين احنا ماجرحنا احد ولا غلطنا على احد

كل اللي صار انه شي يحز بالخاطر وماحس انه في ناس مهتمه باللي يصير غير المتضررين ..

ولا الشباب اللي يخربون ماشالله كل يوم يزيدون :) 1 ورى الثاني :)
بوسيف الهاجري
29-09-2009, 11:17 AM
موضوع جيد
انا ما بي ازيد على الشباب بس عندي كم نقطه ويالت الاداره تاخذها بعين الاعتبار

1-ياليت يكون فيه مراقبين من الاعضاء المتواجدين بشكل يومي في المنتدى
2-عمل تقيم للتاجر او العضو الفعال في البيع و الشراء (مثال اي واحد يشتري بضاعه من عضو او تاجر يرسل المشتري ايميل للاداره با الموضوع وتعامله مع التاجر
3- وضع قائمه سوداء للاعضاء بحيث يبلغ عن اي عضو غير جاد في الشراء او البيع

وشكرا
برشلوني قطر
29-09-2009, 11:30 AM
موضوع جيد
انا ما بي ازيد على الشباب بس عندي كم نقطه ويالت الاداره تاخذها بعين الاعتبار

1-ياليت يكون فيه مراقبين من الاعضاء المتواجدين بشكل يومي في المنتدى
2-عمل تقيم للتاجر او العضو الفعال في البيع و الشراء (مثال اي واحد يشتري بضاعه من عضو او تاجر يرسل المشتري ايميل للاداره با الموضوع وتعامله مع التاجر
3- وضع قائمه سوداء للاعضاء بحيث يبلغ عن اي عضو غير جاد في الشراء او البيع

وشكرا

كلام طيب..

اشووف وايد ناس تضررو بسبة عدم الجديه...واحد يبي يبيع رقم جاله واحد

وقاله انا شراي واحجز الرقم وطرش رقمه ع الخاص..وللعلم ف واحد ثاني كان يبي

يشتري الرقم بس الريال قاله شراي بالسعر الي انت حاطه..لاكن للاسف يتصله ومايرد عليه..

مثل ماقال اخوي بوسيف اتمنى معاقبة الي مب جاد.. ان الشخص الغير جاد

يعطونه بلوك او يتوقف فتره ويكون عبره..

ومشكور ياراعي الموضوع ع الكلام الطيب
dhl
29-09-2009, 11:37 AM
ياخوان المشكله مب في المنتدى المشكله في الاعضاء نفسهم

الاداره ماقصروا حطوا قوانين ولازم نقراها ونتعبها

الواحد قبل لا يسجل في المنتدى يقرى المواضيع وكل قسم وقانونه

لكن الواحد شيسوي يشوف القوانين ولا يدخلها ولا كنه يشوفها اصلً

وكل واحد وشخصيته في منه الطيب الي يجيك ينور موضوعك وفي العكس

على العموم مشكور يالغالي على موضوعك الطيب واهتمامك

وانا انضم صوتي لصوتك
dhl
29-09-2009, 11:41 AM
وعندي اقتراح اشرايكم يالاداره انسوي قسم العقـــود والاتفــاقيــــات

يعني يجيك المشتري يقول انا ابي اسوي معاك عقد في المنتدى علشان اضمن حقي والكل يعرف
ويسون عقد في حالة عدم اجراء البيعه او في مخلافات او تاخير انسوي الاجارائات الازمه

وانحط قوانين للبايع والمشتري وعليها مخلافات يعني اذا ماتم الاتفاق او في حالة النصب

يتم اجراء القوانين الازمه

واتمنى تقبلون اقتراحي وهو مجرد اقتراح

وبالتوفيق للجميع
ALRAYYAN
29-09-2009, 12:36 PM
موضــوع شائك وماقصروا الاخوان .. بس انا ملاحظ كم عضو ماعطونا رايهم في الموضوع

مع انهم دايماً متواجدين واون لاين على ماقالوا ومنهم الاخوان ( السد و الوافي وستاندر )

مادري شمعنى هالموضوع مادخلوه ولا شاركوا فيه ؟!!

ياليت يبدون رايهم في الموضوع لأن هالموضوع يعنيهم أكثر من غيرهم من وجهة نظري المتواضعه
لوسيل
29-09-2009, 01:09 PM
أنا أشوف الموضوع إلي ينكتب فيه لأعلى سعر هذا مش بياع , مجرد يبغي يعرف الشي إلي عارضه كم يوصل سعره

المفروض إلي بيعرض شي يحدد سعر معين أو سعر قريب من سعره , أما يقول لأعلى سعر وماندري لوين يبغي يوصل , وفي النهاية الموضوع يضيع بين صفحات المنتدى ولا يصير فيه شي , مجرد اسعار أنعرضت عليه ولا نشوفه أستقر على سعر معين وللحين يقول نشوف باقي السومات

وثاني شي إلي يعرض بضاعة ويكتب التفاصيل على الخاص أو السعر على الخاص , ليش ماتكون كل التفاصيل على العام عشان الكل يستفيد , ولا يقول في ناس بطيح من سعر البضاعه , لأنهم في النهاية بيعرفون السعر في الخاص على قولته ولو يبون يخربون بيخربون في كل الأحوال , أغلب الأعضاء إلي يشوفون هالأشية ( لأعلى سعر - شيك على الخاص ) يطلعون من الموضوع حتى لو كان ودهم في الشي المعروض بسبة التفاصيل على الخاص
dhl
29-09-2009, 01:09 PM
انا اعرف ليش لان في قسم السيارات

يعني لو في القسم العام كان شفت المشاركات والحوارات والمنقاشات اكثر
dhl
29-09-2009, 01:13 PM
أنا أشوف الموضوع إلي ينكتب فيه لأعلى سعر هذا مش بياع , مجرد يبغي يعرف الشي إلي عارضه كم يوصل سعره

المفروض إلي بيعرض شي يحدد سعر معين أو سعر قريب من سعره , أما يقول لأعلى سعر وماندري لوين يبغي يوصل , وفي النهاية الموضوع يضيع بين صفحات المنتدى ولا يصير فيه شي , مجرد اسعار أنعرضت عليه ولا نشوفه أستقر على سعر معين وللحين يقول نشوف باقي السومات

وثاني شي إلي يعرض بضاعة ويكتب التفاصيل على الخاص أو السعر على الخاص , ليش ماتكون كل التفاصيل على العام عشان الكل يستفيد , ولا يقول في ناس بطيح من سعر البضاعه , لأنهم في النهاية بيعرفون السعر في الخاص على قولته ولو يبون يخربون بيخربون في كل الأحوال , أغلب الأعضاء إلي يشوفون هالأشية ( لأعلى سعر - شيك على الخاص ) يطلع من الموضوع حتى لو كان وده في الشي المعروض

اخوي كلامك سليم لكن في مشكله

في ناس لو مثل حطيت لهم موضوع بيع سلعه معينه

وحطيت سعرك 1200

ويجيك واحد ويكسر من سعرك ويقول لك 800

والثاني 850

فيعني السعر يكون على الخاص هاي قصدهم

علشان محد يقلل من قيمة السلعه

فانا عن نفسي احط السعر في الموضوع مباشر وبدون اي تفاصيل

واذا جاب السعر بعت واذا ماجاب مب لازم ابيع

فاكتب في الموضوع الرجاء اغلاق الموضوع

علشان يعرفون ان البيعه تكنسلت او انبعات او لايي سبب من الاسباب

هاي الصح

ومشكور يالغالي على كلامك ويعطيك الف الف عافيه :nice:
N.A.F
29-09-2009, 01:15 PM
الله يعطيك العافيه الشيخ
لوسيل
29-09-2009, 01:26 PM
اخوي كلامك سليم لكن في مشكله

في ناس لو مثل حطيت لهم موضوع بيع سلعه معينه

وحطيت سعرك 1200

ويجيك واحد ويكسر من سعرك ويقول لك 800

والثاني 850

فيعني السعر يكون على الخاص هاي قصدهم

علشان محد يقلل من قيمة السلعه

فانا عن نفسي احط السعر في الموضوع مباشر وبدون اي تفاصيل

واذا جاب السعر بعت واذا ماجاب مب لازم ابيع

فاكتب في الموضوع الرجاء اغلاق الموضوع

علشان يعرفون ان البيعه تكنسلت او انبعات او لايي سبب من الاسباب

هاي الصح

ومشكور يالغالي على كلامك ويعطيك الف الف عافيه :nice:


العفو يالغالي

بخصوص المشكله إلي تتكلم عنها , هالنوعية من الأعضاء لازم تضربهم على روسهم بكلمة تسم البدن عشان مره ثانيه يحرم ينزل من قيمة الشي المعروض , ولي بيعرض سلعة معينه يحط سعره وإن هالسعر غير قابل للتنزيل , كذا بتكون سويت إلي عليك ولي بينزل من سعرك ذنبه على جنبه لي جاه كلام من صاحب الموضوع والشكوى عليه عند المشرفين إذا تكرر هالشي من نفس العضو في أكثر من موضوع
dhl
29-09-2009, 02:46 PM
ماقصرت يالغالي كفيت ووفيت

وكثر الله من امثالك الطيبه

وانشاء الله يستفديون الاعضاء

وبالتوفيق للجميع
زمن الغدر
29-09-2009, 02:51 PM
لا تعليق من المشرفين ومن الاداره

وردوا ياليل .......
سعادة الوزير
29-09-2009, 02:59 PM
الحل بسيط جدا جدا ، وانا اقترحته على ادارة المنتدى من فتره لكن ماخذو به ، الحل انه يكون السعر اجباري ، يعني مافي شي اسمه لاعلى سعر او السعر على الخاص او مزاد ولا انت بعارف من الي يزايد وياك ولا متى بينتهي! .. الي يبي يعرض سلعه اكيد انه حاط في باله سعر معين ، يذكره والي يبي يشتري يدخل على الموضوع ويتفاهم وياه ، والي يبي يسوم يحط سعره واذا البايع راضي يرد عليه بالموافقه ، ترى العملية بسيطة ومافيها تعقيد وحساسيات.
honey_uk
29-09-2009, 10:07 PM
ياخوان المشكله مب في المنتدى المشكله في الاعضاء نفسهم

الاداره ماقصروا حطوا قوانين ولازم نقراها ونتعبها

الواحد قبل لا يسجل في المنتدى يقرى المواضيع وكل قسم وقانونه

لكن الواحد شيسوي يشوف القوانين ولا يدخلها ولا كنه يشوفها اصلً

وكل واحد وشخصيته في منه الطيب الي يجيك ينور موضوعك وفي العكس

على العموم مشكور يالغالي على موضوعك الطيب واهتمامك

وانا انضم صوتي لصوتك


وعندي اقتراح اشرايكم يالاداره انسوي قسم العقـــود والاتفــاقيــــات

يعني يجيك المشتري يقول انا ابي اسوي معاك عقد في المنتدى علشان اضمن حقي والكل يعرف
ويسون عقد في حالة عدم اجراء البيعه او في مخلافات او تاخير انسوي الاجارائات الازمه

وانحط قوانين للبايع والمشتري وعليها مخلافات يعني اذا ماتم الاتفاق او في حالة النصب

يتم اجراء القوانين الازمه

واتمنى تقبلون اقتراحي وهو مجرد اقتراح

وبالتوفيق للجميع

يعطيك العافيه ...

شكراً على الرد الحلو وبصراحه انا مع و ضد اقتراحك في نفس الوقت :) بقولك ليش

مع .. لان ممكن يفيد الشباب ويلزم 1 او 2 ٪ من المستخدمين :) والسبب مثل ماقالوا الشباب المشكله فالشباب نفسهم وش فالمنتدى او المراقبين :)

ثاني شي احنا خلنا نحل مشكله الردود اللي مالها داعي علشان نفكر اذا نسوي القسم او لا :)

ومره ثانيه تسلم على اهتمامك :)
honey_uk
29-09-2009, 10:17 PM
موضوع جيد
انا ما بي ازيد على الشباب بس عندي كم نقطه ويالت الاداره تاخذها بعين الاعتبار

1-ياليت يكون فيه مراقبين من الاعضاء المتواجدين بشكل يومي في المنتدى
2-عمل تقيم للتاجر او العضو الفعال في البيع و الشراء (مثال اي واحد يشتري بضاعه من عضو او تاجر يرسل المشتري ايميل للاداره با الموضوع وتعامله مع التاجر
3- وضع قائمه سوداء للاعضاء بحيث يبلغ عن اي عضو غير جاد في الشراء او البيع

وشكرا

الجديه من يحددها :) صاحب الموضوع ولا المراقب ؟؟؟

ممكن واحد يدخل ويسئل بكم السعر ... نهائيك بكم ... ممكن الرقم كامل على الخاص ورقمك ؟
كم طالب فيه على الخاص ؟

هاي الردود المعتاده :) لو جاتك هالردود ورديت عليها وبعدين ماشفت شي ؟؟ هل هاي عدم جديه بالنسبه لك وتستحق العقوبه .. ولا عدم الجديه انه لي صار اتفاق ... المتفق معاه مايرد عليك ولا كأنه سوى شي ؟؟

السوق عرض وطلب ... ممكن يجيك واحد وجاد لكن السعر على الخاص مايعجبه ومايرد عليك :) هاي تعتبر من الادب انه يرد يقول مشكور بس سعرك عالي مثلاً او الله يوفقك علشان تدري انه مهب حولك وتركز على غيره :)

الشباب ماشالله وايد اللي يردون ... لكن ثقافه البيع والشراء بالاتفاق مش موجوده :)

انا معاك المفروض يكون في تققيم للبايع ... وتققيم من البايع للشاري :)

هالشي بيحد من المشاكل ... وبيبين لك مدى جديه السائل لو كان تقيمه عالي " كـ شاري " ومدى جديه صاحب الموضوع " كبـايع " :)

تسلم
honey_uk
29-09-2009, 10:20 PM
كلام طيب..

اشووف وايد ناس تضررو بسبة عدم الجديه...واحد يبي يبيع رقم جاله واحد

وقاله انا شراي واحجز الرقم وطرش رقمه ع الخاص..وللعلم ف واحد ثاني كان يبي

يشتري الرقم بس الريال قاله شراي بالسعر الي انت حاطه..لاكن للاسف يتصله ومايرد عليه..

مثل ماقال اخوي بوسيف اتمنى معاقبة الي مب جاد.. ان الشخص الغير جاد

يعطونه بلوك او يتوقف فتره ويكون عبره..

ومشكور ياراعي الموضوع ع الكلام الطيب

الله يبعدنا عن المشاكل ياخي ... ومره ثانيه :) من يحدد عدم الجديه من غيرها ؟ صاحب الموضوع ... المراقب ؟

وش الحد الاعلى والدنى للجديه ؟ في وايد اشياء لازم تحطها ببالك قبل لاتقول العقاب ثم العقاب ثم العقاب :)

ترى الردود اللي مالها داعي ممكن تنمسح لكن العقوبه كبيره وايد في حق العضو ولازم تكون على شي يسوى :)

يعطيك العافيه
السهم الجريح
29-09-2009, 10:22 PM
بيض الله ويهك .. هاللي كنت ابيه انا تفاعل واقتراحات ... ولا يهونون اللي ردو قبلك

يعني شبيصير لو كانت الصلاحيات لصاحب الموضوع انه يمسح الردود اللي ماتعجبه ؟؟

ليش نسمح لـ المخربين انهم يحوسون فالموضوع ويطلعون من السالفه على حساب راعي الحلال ؟؟؟




وجهك ابيض ورحم الله والديك يالغالي

وياليت على الاقل واحد من الادارة يدخل ويطمنا ويتابع معانا اقتراحي واقتراح باقي الاخوان

ترا الموضوع لتطوير المنتدى مب لنقد المراقبين والمشرفين والله المستعان
السهم الجريح
29-09-2009, 10:26 PM
:anger1::anger1::anger1:
honey_uk
29-09-2009, 10:27 PM
موضــوع شائك وماقصروا الاخوان .. بس انا ملاحظ كم عضو ماعطونا رايهم في الموضوع

مع انهم دايماً متواجدين واون لاين على ماقالوا ومنهم الاخوان ( السد و الوافي وستاندر )

مادري شمعنى هالموضوع مادخلوه ولا شاركوا فيه ؟!!

ياليت يبدون رايهم في الموضوع لأن هالموضوع يعنيهم أكثر من غيرهم من وجهة نظري المتواضعه


انا اعرف ليش لان في قسم السيارات

يعني لو في القسم العام كان شفت المشاركات والحوارات والمنقاشات اكثر


اول شي الحمدلله على السلامه :) ونور المنتدى مره ثانيه :)

ثانياً ... ليش مادخلوه يمكن مايدانوني خخخخ لا اتغشمر ... الموضوع مكتوب في قسم السيارات ويمكن مثل ماقال اخوي دي اتش إل انه لو كان بالعام بتكون المناقشات والمشاركات اكثر ... بس انا اخترت هالقسم لـ عده اسباب

1- اكثر الهوشات تصير في هالقسم وللأسباب اللي قلتها فالبدايه
2- المتضررين في هالقسم اكثر من اي قسم ثاني ... خصوصاً من موضوع لأعلى سعر .. او المزايدات.

بس انا ملاحظ شي بعد ... انت ماعطيتنا رايك يالغالي :) ترى رايك مهم
ولا يهون دي اتش ال

مشكورين :)
honey_uk
29-09-2009, 10:38 PM
العفو يالغالي

بخصوص المشكله إلي تتكلم عنها , هالنوعية من الأعضاء لازم تضربهم على روسهم بكلمة تسم البدن عشان مره ثانيه يحرم ينزل من قيمة الشي المعروض , ولي بيعرض سلعة معينه يحط سعره وإن هالسعر غير قابل للتنزيل , كذا بتكون سويت إلي عليك ولي بينزل من سعرك ذنبه على جنبه لي جاه كلام من صاحب الموضوع والشكوى عليه عند المشرفين إذا تكرر هالشي من نفس العضو في أكثر من موضوع

ماقصرت يالشيخ ... شتسوي فاللي يسوي نفسه ابو العريف وهو اللي يحدد السعر فالسوق :)

علباله لو سوى هالشكل الناس بتبيع له ؟؟ بس الغرض التخريب لا أكثر :)

وبعدين احنا نعرف اللي يخربون المواضيع " وهم نفس الشباب للأسف في كل مواضيع المنتدى مهب واحد او اثنين " تقول مافيا تخريب البيعات بالمنتدى ...

فالمنتدى عندك يدخل القسم ويدخل على المواضيع واحد ورى الثاني ... يخرب ويطلع .. كل يوم نفس الشي والاسامي يعرفونها الشباب وماله داعي تنذكر هني علشان نتم في نفس الموضوع.
لوسيل
29-09-2009, 10:46 PM
ماقصرت يالشيخ ... شتسوي فاللي يسوي نفسه ابو العريف وهو اللي يحدد السعر فالسوق :)

علباله لو سوى هالشكل الناس بتبيع له ؟؟ بس الغرض التخريب لا أكثر :)

وبعدين احنا نعرف اللي يخربون المواضيع " وهم نفس الشباب للأسف في كل مواضيع المنتدى مهب واحد او اثنين " تقول مافيا تخريب البيعات بالمنتدى ...

فالمنتدى عندك يدخل القسم ويدخل على المواضيع واحد ورى الثاني ... يخرب ويطلع .. كل يوم نفس الشي والاسامي يعرفونها الشباب وماله داعي تنذكر هني علشان نتم في نفس الموضوع.


مانقدر نقول غير الله يهديهم :)

المفروض على الإدارة تحط نموذج لتسجيل البيعه في حال الأتفاق بين الطرفين ويتم إرسال نسخه لمشرف السوق ... حتى يكون في دليل أن هالشخص أتفق مع البايع أنه يشتري البضاعه المعروضه وفي حال عدم الجدية من الشاري يتم أنذاره أول مره وإذا تكرر هالشي منه يحضرون عضويته لإشعار آخر
علي1
29-09-2009, 10:47 PM
والله كلامك في قمة الروعه وهذا شي يطور المنتدى ماشوف انا فيه شي يعيب الموضوع عشان الخوان مادخلو بس الشباب للحين الي مسافر والي مشغول عن موضع المدارس والله المستعان بنسبة لي انا معاكم في القتراح والله لايهين الي شاركو ويحفظ الي ماشركو معنا

تقبلو كل تقديري
علي1
29-09-2009, 10:50 PM
شوفو عنوان موضوعي ((( للجــــاديــن فقــــــــــــــط ÷÷÷÷÷÷÷÷رقـــم سداســـي ))) لنه مصيبة البعض يسوم ويلا جيت صوبه تبي تبيعه شرد ولا حتى يرد عليك

...؟ علىىىىىا شن كذا لازم نكتب للجادين؟؟


الله المستعان
honey_uk
29-09-2009, 10:54 PM
الحل بسيط جدا جدا ، وانا اقترحته على ادارة المنتدى من فتره لكن ماخذو به ، الحل انه يكون السعر اجباري ، يعني مافي شي اسمه لاعلى سعر او السعر على الخاص او مزاد ولا انت بعارف من الي يزايد وياك ولا متى بينتهي! .. الي يبي يعرض سلعه اكيد انه حاط في باله سعر معين ، يذكره والي يبي يشتري يدخل على الموضوع ويتفاهم وياه ، والي يبي يسوم يحط سعره واذا البايع راضي يرد عليه بالموافقه ، ترى العملية بسيطة ومافيها تعقيد وحساسيات.

اول شي تسلم على ردك ويعطيك العافيه :)

بالنسبه حق اقتراحك ... ماتقدر تفرض على البايع طريقه البيع :) بس في نفس الوقت ممكن يكون في قسم ثاني للمزايدات وقسم للبيع العادي

قسم المزايدات .. كل المواضيع مزايدات ويكون له قانون معين والشباب مابيقصرون في ارائهم لان فالاخير المنتدى قايل بهم ولهم :)

وقسم البيع يكون من شروطه ان السعر بالموضوع واي ردود تمس السعر بشي صاحب الموضوع له الحق انه يمسحها علشان ماتخرب عليه او على سلعته :)

شرايك :)
honey_uk
29-09-2009, 10:57 PM
وجهك ابيض ورحم الله والديك يالغالي

وياليت على الاقل واحد من الادارة يدخل ويطمنا ويتابع معانا اقتراحي واقتراح باقي الاخوان

ترا الموضوع لتطوير المنتدى مب لنقد المراقبين والمشرفين والله المستعان



ياليـــــــت :)

النقد موجود بس بناء وانشالله يصير في تفاعل من المراقبين .... احنا انتكلم وايد والكل يدري انه هالوضع مهب عاجب الاغلبيه ؟؟؟ لكن الله المستعان

يعطيك العافيه يالغالي
honey_uk
29-09-2009, 10:59 PM
مانقدر نقول غير الله يهديهم :)

المفروض على الإدارة تحط نموذج لتسجيل البيعه في حال الأتفاق بين الطرفين ويتم إرسال نسخه لمشرف السوق ... حتى يكون في دليل أن هالشخص أتفق مع البايع أنه يشتري البضاعه المعروضه وفي حال عدم الجدية من الشاري يتم أنذاره أول مره وإذا تكرر هالشي منه يحضرون عضويته لإشعار آخر

مره ثانيه :) تسلم ويعطيك العافيه :) :victory::victory::victory:
honey_uk
29-09-2009, 11:01 PM
شوفو عنوان موضوعي ((( للجــــاديــن فقــــــــــــــط ÷÷÷÷÷÷÷÷رقـــم سداســـي ))) لنه مصيبة البعض يسوم ويلا جيت صوبه تبي تبيعه شرد ولا حتى يرد عليك

...؟ علىىىىىا شن كذا لازم نكتب للجادين؟؟


الله المستعان

انت صاحب الموضوع وانت صاحب البيعه ... القرار لك يا انك تفضحه علشان يتأدب يا انك تسكت وتمشيها مثل باقي الشباب :( وهاللي انا ماتمناه منك الصراحه

اللي مثله يستاهل انه ينفضح قدام الكل " اذكر اسمه فالموضوع انه مهب جاد و و وو "

والله يوفقك فالبيعه :)
فراغ
30-09-2009, 12:05 AM
أنا أشوف الموضوع إلي ينكتب فيه لأعلى سعر هذا مش بياع , مجرد يبغي يعرف الشي إلي عارضه كم يوصل سعره

المفروض إلي بيعرض شي يحدد سعر معين أو سعر قريب من سعره , أما يقول لأعلى سعر وماندري لوين يبغي يوصل , وفي النهاية الموضوع يضيع بين صفحات المنتدى ولا يصير فيه شي , مجرد اسعار أنعرضت عليه ولا نشوفه أستقر على سعر معين وللحين يقول نشوف باقي السومات

وثاني شي إلي يعرض بضاعة ويكتب التفاصيل على الخاص أو السعر على الخاص , ليش ماتكون كل التفاصيل على العام عشان الكل يستفيد , ولا يقول في ناس بطيح من سعر البضاعه , لأنهم في النهاية بيعرفون السعر في الخاص على قولته ولو يبون يخربون بيخربون في كل الأحوال , أغلب الأعضاء إلي يشوفون هالأشية ( لأعلى سعر - شيك على الخاص ) يطلعون من الموضوع حتى لو كان ودهم في الشي المعروض بسبة التفاصيل على الخاص
والله جبتها من الأخر أخوي
وكذلك لي ملاحظه
ذكرني موضوع لأعلى سعر
سوق بدل يجيك الواحد ومعاه ثنين من ربعه وهم يزايدون لسلعة
honey_uk
30-09-2009, 12:41 AM
والله جبتها من الأخر أخوي
وكذلك لي ملاحظه
ذكرني موضوع لأعلى سعر
سوق بدل يجيك الواحد ومعاه ثنين من ربعه وهم يزايدون لسلعة

سوق بدل هههههه

تسلم على الرد :)
ANONYMOUS
30-09-2009, 12:51 AM
انا اقول سالفة لاعلى سومه.. كلام فاضي

مثلا كروزر قيمته 100 - 110 الاف..

بكم يبيه مثلا.. بنص مليون

يقول 110 وقابل..

---


وبعدين سالفة وصل على الخاص مادري كم..


مثلا..

عارض كروزر لاعلى سعر..

تلاقي في الموضوع اعلى سومه 85 الف

ويقول وصل ع الخاص 97

وليش ماتقول وصل على الخاص 200 الف.. شوراك.. محد يدري.. :p


الافضل ان البايع يحد الموتر.. بسعر معين.. والسلام عليكم ورحمة الله وبركاته
honey_uk
30-09-2009, 12:54 AM
انا اقول سالفة لاعلى سومه.. كلام فاضي

مثلا كروزر قيمته 100 - 110 الاف..

بكم يبيه مثلا.. بنص مليون

يقول 110 وقابل..

---


وبعدين سالفة وصل على الخاص مادري كم..


مثلا..

عارض كروزر لاعلى سعر..

تلاقي في الموضوع اعلى سومه 85 الف

ويقول وصل ع الخاص 97

وليش ماتقول وصل على الخاص 200 الف.. شوراك.. محد يدري.. :p


الافضل ان البايع يحد الموتر.. بسعر معين.. والسلام عليكم ورحمة الله وبركاته

مستحيل يحده لانه يبيه لأعلى سعر

:) ولو جاد كان حط سومات الخاص قدام الناس علشان الناس تزايد

بس تلاقيه مايبي يبيع او حاط سعر في باله ويخاف يقوله ماحد يوصل للسعره ومايبيع وبهالطريقه بيبيع بسعر اقرب لحده :)
ANONYMOUS
30-09-2009, 01:16 AM
مستحيل يحده لانه يبيه لأعلى سعر

:) ولو جاد كان حط سومات الخاص قدام الناس علشان الناس تزايد

بس تلاقيه مايبي يبيع او حاط سعر في باله ويخاف يقوله ماحد يوصل للسعره ومايبيع وبهالطريقه بيبيع بسعر اقرب لحده :)


اوكي..

كم ذا الاعلى سعر..

ع الاقل.. يقول اعلى سعر فوق ال 100 الف.. كمثال اذا في باله سعر 105 الاف..

بس يخلي السعر عايم


ماعتقد ينفع هالجلام
honey_uk
30-09-2009, 07:29 AM
اوكي..

كم ذا الاعلى سعر..

ع الاقل.. يقول اعلى سعر فوق ال 100 الف.. كمثال اذا في باله سعر 105 الاف..

بس يخلي السعر عايم


ماعتقد ينفع هالجلام

على فكره احنا طلعنا من الموضوع الاصلي :) خلنا نرجع له احسن :) هالكلام ماله قانون كل واحد وثقافته واحترامه للغير ولنفسه :)

البيع له اساليب وله عادات وله احكام للأسف يجهلها البعض وهاللي مسوي المشكله اللي قلتها

بس لاتنسى انه في ناس لو انه راعي الموضوع حاط السوم يبدى من 100 الف تستهبل وتستعبط كانها ماشافت هالكلام وتبدى السوم من 70 الف مادري وش الحكمه من هالأسلوب اللي فيه عدم احترام لراعي البيعه الصراحه

تخيل ياخي انت تروح للدكان تبي غرشه ماي تقوله بكم يقولك بـ ريال تقوله هاك ربع ؟؟؟ استهبال هو ولا استخفاف ؟؟

والسلام ختام :)
برشلوني قطر
30-09-2009, 08:28 AM
الله يبعدنا عن المشاكل ياخي ... ومره ثانيه :) من يحدد عدم الجديه من غيرها ؟ صاحب الموضوع ... المراقب ؟

وش الحد الاعلى والدنى للجديه ؟ في وايد اشياء لازم تحطها ببالك قبل لاتقول العقاب ثم العقاب ثم العقاب :)

ترى الردود اللي مالها داعي ممكن تنمسح لكن العقوبه كبيره وايد في حق العضو ولازم تكون على شي يسوى :)

يعطيك العافيه


الغالي اكيد صاحب الموضوع...وطبعا حدد عدم الجديه بفعل قام فيه الشاري..

مثلا قال بشتري منك السياره بـ 100 الف وعقب مايرد عليك يبلغ المراقب ويقوم

بالاجراء...طبعا بعد التأكد من الشكوى..

ترى اخوي الموضوع مب صعب بس يبيله امجابل ومراقبه...ياماااا تشوف مواضيع

وردود فيها اساءه والموضوع يتم اكثر من ثلاث ايام عقب ينحذف او تنلغي بعض

المشاركات,,والعقوبه ياخوي ايش بتكون ف نظرك ..؟؟ غير البلوك
honey_uk
30-09-2009, 08:32 AM
الغالي اكيد صاحب الموضوع...وطبعا حدد عدم الجديه بفعل قام فيه الشاري..

مثلا قال بشتري منك السياره بـ 100 الف وعقب مايرد عليك يبلغ المراقب ويقوم

بالاجراء...طبعا بعد التأكد من الشكوى..

ترى اخوي الموضوع مب صعب بس يبيله امجابل ومراقبه...ياماااا تشوف مواضيع

وردود فيها اساءه والموضوع يتم اكثر من ثلاث ايام عقب ينحذف او تنلغي بعض

المشاركات,,والعقوبه ياخوي ايش بتكون ف نظرك ..؟؟ غير البلوك

الفكره مهب فالعقوبه بس :)

زين ليش مايكون لصاحب الموضوع نفسه الصلاحيه انه يمسح الردود اللي مالها داعي ؟

ماتعتقد ان هالشي بيساعد وبيسهل على البايع وايد ؟
بــوعــوف
30-09-2009, 10:27 AM
مرحبا شباب ..

صدقتوا في كل اللي تقولونه ..

ياخي انا دوم ادخل منتدى الاسهم الامارتية .. ونادر ما اشوف هالسوالف ..

تدرون ليش ؟؟

لأن الشخص اللي عنده موتر مثلا يبي يبيعه لازم يحط صورته وسعره والمواصفات ورقمه تلفونه بعد !!!! ..

يعني مافي مجال الواحد يلف ويدور والا لاعلى سعر والا طرش لي رقمك عالخاص .. لييييش اطرش رقمي عالخاص ؟؟!!


احنا اهني كلن منا يدور رزقه والا يدور شي يستنفع منه.. مب علشان نضحك على بعض ونستغفل بعض ونبخس بضايع بعض !!

والمفروض حتى الشباب اللي عنده شي بيبيعه لا يقولون نبتدي السومة بكذا ,, ياخي حط سعرك وكلن بيسوم حول سعرك .. صح والا أنا غلطان ؟؟

اتمنى من المشرفين والقائمين على هذا المنتدى الطيب أخذ بعض الاقتراحات بالاعتبار وذلك للمصلحة العامة ..

اسمحولي عالاطالة .. ودمتم طيبيبن .. :nice:
برشلوني قطر
30-09-2009, 11:24 AM
الفكره مهب فالعقوبه بس :)

زين ليش مايكون لصاحب الموضوع نفسه الصلاحيه انه يمسح الردود اللي مالها داعي ؟

ماتعتقد ان هالشي بيساعد وبيسهل على البايع وايد ؟


اوكي ليش لا...فكره حلوه...بس بعد لازم الي يخرب ياخذ جزاه ولا يعيد ويكرر:)

بس ياخوي نبي من يسمع ذي الاقتراحات وياخذها بعين الاعتبار:(
QtrAlshmaaL
30-09-2009, 11:30 AM
فيه شريطية دشوا فالسالفة وخاصة الي من السعودية .. على طول من تشوف واحد يكتب في مشاركاته تحس جنه قاعد في ميلس مهب مشاهد كمبيوتر أعرف انه شريطي من السعودية .. يشترون المواتر من قطر لانها ارخص وانظف وعلى فكرة ترى السوق ارتفع بسبتهم
هذلان
30-09-2009, 12:34 PM
فيه شريطية دشوا فالسالفة وخاصة الي من السعودية .. على طول من تشوف واحد يكتب في مشاركاته تحس جنه قاعد في ميلس مهب مشاهد كمبيوتر أعرف انه شريطي من السعودية .. يشترون المواتر من قطر لانها ارخص وانظف وعلى فكرة ترى السوق ارتفع بسبتهم

الله يعلم اني انقهر لاشفت موتر في الشارع عليه نمره تصدير :rolleyes2:
butterfly qatar
30-09-2009, 12:56 PM
كلامك صحيح اخووي وان شاءالله المراقبين بنتبهوون

والاعضاء يخفون من حركاتهم الحلوه الي تخرب ع العضووو
عزيز المقام
30-09-2009, 02:17 PM
الله يعافيك .. مشكور
honey_uk
30-09-2009, 05:26 PM
مرحبا شباب ..

صدقتوا في كل اللي تقولونه ..

ياخي انا دوم ادخل منتدى الاسهم الامارتية .. ونادر ما اشوف هالسوالف ..

تدرون ليش ؟؟

لأن الشخص اللي عنده موتر مثلا يبي يبيعه لازم يحط صورته وسعره والمواصفات ورقمه تلفونه بعد !!!! ..

يعني مافي مجال الواحد يلف ويدور والا لاعلى سعر والا طرش لي رقمك عالخاص .. لييييش اطرش رقمي عالخاص ؟؟!!


احنا اهني كلن منا يدور رزقه والا يدور شي يستنفع منه.. مب علشان نضحك على بعض ونستغفل بعض ونبخس بضايع بعض !!

والمفروض حتى الشباب اللي عنده شي بيبيعه لا يقولون نبتدي السومة بكذا ,, ياخي حط سعرك وكلن بيسوم حول سعرك .. صح والا أنا غلطان ؟؟

اتمنى من المشرفين والقائمين على هذا المنتدى الطيب أخذ بعض الاقتراحات بالاعتبار وذلك للمصلحة العامة ..

اسمحولي عالاطالة .. ودمتم طيبيبن .. :nice:

للاسف هم يستفيدون من التجارب السيئه واحنا لا
هم عندهم قانون محدد للمنتدى واحنا مكتوب بس
هم الاعضاء المخربين يعاقبونهم واحنا " ياليل مطولك "

والمثل يقول " لي غاب القطو إلعب يافار " :)
honey_uk
30-09-2009, 05:27 PM
اوكي ليش لا...فكره حلوه...بس بعد لازم الي يخرب ياخذ جزاه ولا يعيد ويكرر:)

بس ياخوي نبي من يسمع ذي الاقتراحات وياخذها بعين الاعتبار:(

اخخخخ بس :)
honey_uk
30-09-2009, 05:28 PM
الله يعلم اني انقهر لاشفت موتر في الشارع عليه نمره تصدير :rolleyes2:

الشريطيه من عندك ومن برى :) بعدين ماهنا مضره منهم لو في قانون يلزمهم :) ويلزم غيرهم :)
honey_uk
30-09-2009, 05:28 PM
كلامك صحيح اخووي وان شاءالله المراقبين بنتبهوون

والاعضاء يخفون من حركاتهم الحلوه الي تخرب ع العضووو

الله يسمع منك :)
ALRAYYAN
30-09-2009, 08:43 PM
اول شي الحمدلله على السلامه :) ونور المنتدى مره ثانيه :)

ثانياً ... ليش مادخلوه يمكن مايدانوني خخخخ لا اتغشمر ... الموضوع مكتوب في قسم السيارات ويمكن مثل ماقال اخوي دي اتش إل انه لو كان بالعام بتكون المناقشات والمشاركات اكثر ... بس انا اخترت هالقسم لـ عده اسباب

1- اكثر الهوشات تصير في هالقسم وللأسباب اللي قلتها فالبدايه
2- المتضررين في هالقسم اكثر من اي قسم ثاني ... خصوصاً من موضوع لأعلى سعر .. او المزايدات.

بس انا ملاحظ شي بعد ... انت ماعطيتنا رايك يالغالي :) ترى رايك مهم
ولا يهون دي اتش ال

مشكورين :)

الله يسلمك ويعافيك يالغالي

بخصوص هالموضوع .. في بعض الشباب مايعرف رقمه كم بيجيب بالضبط

لذلك يعرضه لأعلى سعر وانا ماشوف ان فيها شي .. يعني هو وده مثلاً يعرض رقمه بـ 20 الف لكن يقول في نفسه
يمكن يجيب اكثر من 20 الف ليش ماكتب لأعلى سعرو ابيع على السعر اللي يرضيني

هذا من ناحية العرض لأعلى سعر

اما السوم على الخاص انا ماحب هالسالفه .. ودايما لما انزل رقم للبيع اكتب السوم ع العام فقط
وتجيني سومات ع الخاص .. اقوله روح حطها على العام او انا اكتب الرقم انسام من العضو الفلاني على الخاص بكذا الف مثلاً

الشفافية مطلوبه في مثل هالمواضيع .. صدقوني طريقة العرض اياً كانت مافيها مشاكل

المشكله في الشباب اللي مب كفو .. اما يدخل يخرب الموضوع بسومه ماتوكل عيش ويبخس بسلعة العضو البايع
او يسوم ويتهرب لو رسى عليه الرقم وصارت كثير

لو كل واحد منا يكون رجال قد كلمته .. ولايقول مالا يفعل كان حتى هالموضوع ماله داعي

العيب صدقني فينا لا في طريقة عرض ولا في المنتدى ولا حتى في المشرفين رغم اني اشارككم الرأي بأنهم مقصرين في هالقسم

اما بخصوص بعض النكات اللي انا ذكرت ان احنا محتاجين آرائهم في هالموضوع
فما اعتقد انهم مشغولين .. ولكن هالموضوع يسبب لهم بعض الحساسيه ونوع من الاكزيما المزمنه والله يشفيهم من هالامراض

انا ماستحي من احد ولا علي من احد .. لذلك انا اقول اللي في قلبي واللي بيزعل يبلط البحر

المفروض كلنا نكون رجال وكلمتنا وحده .. ذاك الوقت بينصلح الحال في هالقسم

ولا يهونون باقي الاعضاء اللي جربت التعامل معهم وكانوا قول وفعل وياكثرهم والله

تحياتي