المساعد الشخصي الرقمي

مشاهدة النسخة كاملة : ابي اركب بيبان لبيت العمر.. ممكن تساعدوني؟؟؟


Limet UP
28-09-2009, 07:11 PM
السلام عليكم .. ورحمة الله وبركاته..

اخباركم يا اعضاء المنتدى..

انا الحين ابني بيت العمر.. ونصحني واحد من ربعي اني اركب افريمات البيبان للغرف من الحين مع البلستر.. ايش رايكم ؟؟

هل هاي الخطوه الصحيحه.. والا انطر لما يخلص البيت كله وبعدين اركبهم..

وحبيت اعرف احسن المحلات ..الي اسعارها معقوله.. لاني سمعت ان سعر الباب الواحد يمكن يوصل الى 3000 ريال..

وشنو انواع الخشب.. واحسن نوع تنصحوني اركبه للغرف.. والله يعزكم الحمامات.. هل اخليهم كلهم خشب.. او للغرف خشب.. وللحمامات المنيوم..



والي يعرف محلات زينه الله لايهينه يدلنا عليها ؟؟

وتنصحوني اركب البيبان اهني في الدوحه او السعوديه..

تسلمون وان شاء الله نستفيد من خبراتكم..
قطري !
29-09-2009, 07:47 AM
الله يوفقك انشالله


والله و انا نفسك بخصوص ابواب الغرف ,, نبي افضل محل بالدوحه من اهل الخبره



اما بخصوص ابواب الحمامات (اعزكم الله) تقريبا سويت عقد مع الدوحه يو بي في سي .. ابواب مشابه للالمنيوم بس طبعا افضل من ناحية الجوده والشكل .
ولد شرق
29-09-2009, 08:02 AM
اخوي
يعله منزل امبارك وتتهنى في البيت ان شاء الله

نصيحة لك لاتشوّه منظر البيت بتركيبك ابواب المنيوم للحمامات
يعني البيت كله خشب والحمامات المنيوم المنظر بيكون مب حلو
انا امركب ابواب خشب صب حق الحمامات لا اختربت ولا شي
بامكانك اتركب المونيوم حق حمام الخدم إذا عندهم غسيل متكرر او اذا كنت حاط الغساله في الحمام (الله يعزك)
السفير العربي
29-09-2009, 08:34 AM
... قبــل أن تقدمـــا على أي أتفاق مع النجـــار نصيحتي لكما أتباع الأتي :-

* تكوين معلومة عن انواع الأخشاب ولأصباغ من خلال المرور على 3
محلات متخصصة دون أتفاق معهم فأسعار الأبواب تتوقف على نوعية
الخشب (تيك ، أش ، خشب ابيض ) وسمكها (سولد ، سيمي سولد ، كبس )
وصبغها ... أكرر عليكم عدم الأتفاق مع أي منهم في هذه المرحلة إنما هي لتكوين قاعدة
معلومات لديكم للتصدي للغش المحتمل مواجهته فيما بعد .
* من الضروري أخذ مقاسات فتحتات الأبواب بنفسك للحصول على أسعار
الأبواب المبدئية كي لاتصاب بملل مرافقة كل نجار على حدة إلى منزلك لأخذ
القياسات .
* يفضل عادة أختيار أبواب السيمي سولد وهي الأبواب التي يحشــى نصف
جوفها الداخلي بالخشب لضمان خفة أغلاقها وفتحها بيسر بعكس السولد
المحشو جوفها كاملاً بالخشب والتي عادة ماتكون أثقل وزنا وأعلى سعراً
وأكثر غشاً .

* توجد تشكيلة رائعة جداً لدى أنصــار سيتي الواقع على طريق سلوى عبارة
عن أبواب مستوردة جاهزة من الصين وبأسعار منخفضة للغاية ولاشك
أن من مزايا الأبواب الجاهزة سهولة فحصها وتقييمها بعكس الخام التي
لاتراها إلا أثناء التركيب وعادة ماتكتشف بعد التركيب خفايا العيـــــــــوب
الفنيــة .


أتمنى لكماأختياراً موفقة ،،،
Limet UP
01-10-2009, 03:13 PM
... قبــل أن تقدمـــا على أي أتفاق مع النجـــار نصيحتي لكما أتباع الأتي :-

* تكوين معلومة عن انواع الأخشاب ولأصباغ من خلال المرور على 3
محلات متخصصة دون أتفاق معهم فأسعار الأبواب تتوقف على نوعية
الخشب (تيك ، أش ، خشب ابيض ) وسمكها (سولد ، سيمي سولد ، كبس )
وصبغها ... أكرر عليكم عدم الأتفاق مع أي منهم في هذه المرحلة إنما هي لتكوين قاعدة ))

عفوا اخوي بس ماحددت لي شنو احسن نوع منهم معلومات لديكم للتصدي للغش المحتمل مواجهته فيما بعد .
* من الضروري أخذ مقاسات فتحتات الأبواب بنفسك للحصول على أسعار
الأبواب المبدئية كي لاتصاب بملل مرافقة كل نجار على حدة إلى منزلك لأخذ
القياسات .

اي والله .. الله المستعان


* يفضل عادة أختيار أبواب السيمي سولد وهي الأبواب التي يحشــى نصف
جوفها الداخلي بالخشب لضمان خفة أغلاقها وفتحها بيسر بعكس السولد
المحشو جوفها كاملاً بالخشب والتي عادة ماتكون أثقل وزنا وأعلى سعراً
وأكثر غشاً .



* توجد تشكيلة رائعة جداً لدى أنصــار سيتي الواقع على طريق سلوى عبارة
عن أبواب مستوردة جاهزة من الصين وبأسعار منخفضة للغاية ولاشك
أن من مزايا الأبواب الجاهزة سهولة فحصها وتقييمها بعكس الخام التي
لاتراها إلا أثناء التركيب وعادة ماتكتشف بعد التركيب خفايا العيـــــــــوب
الفنيــة .


بنروح ونشوف اخوي ..

أتمنى لكماأختياراً موفقة ،،،

جزاك الله الف خير..
Limet UP
01-10-2009, 03:15 PM
قطري .. الله يباك لك ان شاء الله ويجعله منزل مابك

ولد شرق>> انا معاك في رايك.. بس عيب الخشب.. يوم تجيك خدامه وتخرب الباب بصب الماي..

جزاكم الله الف خير
qatar2006
01-10-2009, 04:36 PM
اخوي شوف شركة المتحده ابوابهم ممتازه وتركيبها بعد البلاستر والصبغ والارضيات
doha2012
02-10-2009, 11:28 PM
سلام عليكم

اخوي لاتركب الابواب الا بعد البلاط واهم الشي الفريمات علشان لابغيت تغيرها و لا تخترب ولا يدش فيها ماي من الغسيل بتاكل الباب
وثانيا فيه منجره اسمها منجره المشرق في الصناعيه شغلها روعه واحلى ديزانيات وارخص من شارع سلوى بكثير
والحمامات المونيوم بدون كلام

وبالتوفيق ان شاء الله
موضي قطر
03-10-2009, 07:38 AM
أخوي كلام الخوان صحيح لأني أعرف وحده مركبة خشب للحمام

راح عليها خسارة بسبة الخدم والماي
Limet UP
03-10-2009, 07:06 PM
اخوي.. دوحه 2012.. جزاك الله الف خير.. الظاهر بسوي نفس ماقلت..

موضي قطر.. مشكوره على النصيحه.. والله يعينا على الخدم .. وخرابهم ..
Limet UP
03-10-2009, 07:07 PM
مشكورين على المرور..

بس لو حد يعطينا عناوين .. محلات .. ومناجر في قطر.. او تنصحون نشوف من السعوديه.. فيدونا من خبراتكم جزاكم الله الف خير
ام رويشد
06-10-2009, 07:51 AM
منزل مبارك ان شاء الله ...بس حق الحمامات الله يعزكم ماينفع الخشب الا اذا بتشوف طريقة يكون من الداخل المونيوم ومن برا خشب عشان ديزاين البيت
Limet UP
07-10-2009, 12:20 AM
منزل مبارك ان شاء الله ...بس حق الحمامات الله يعزكم ماينفع الخشب الا اذا بتشوف طريقة يكون من الداخل المونيوم ومن برا خشب عشان ديزاين البيت

فكره.. يصير..

بنسأل ونشوف..

مشكوره اختي على الفكره..
عـلاء
07-10-2009, 05:19 AM
مبروك الفيلا مقدما
انا اتفق مع البعض من ناحيه المنظر وخصوصا انه بيت العمر
ابواب الحمامات داخل الفيلا تكون خشب ومغلفه بالالمنيوم من الداخل الى النصف

احدى المشاركات ذكر احد الاخوه عن انصار سيتي ,,, الاسئله اذا ممكن

هل ابوابهم نوعيه جيده ؟؟
واذا كانت الباب مختلف الحجم قليلا ,, هل بالامكان ان يتم تصغيرها للحجم المطلوب ؟؟
وهل هناك نجاريين ممكن ان تتفق معهم بشراء الابواب من انصار سيت وعليهم التركيب ؟؟

المعذره لصاحب الموضوع اذا كانت اسئلتي مش المطلوبه
Limet UP
07-10-2009, 08:12 PM
مبروك الفيلا مقدما
انا اتفق مع البعض من ناحيه المنظر وخصوصا انه بيت العمر
ابواب الحمامات داخل الفيلا تكون خشب ومغلفه بالالمنيوم من الداخل الى النصف

احدى المشاركات ذكر احد الاخوه عن انصار سيتي ,,, الاسئله اذا ممكن

هل ابوابهم نوعيه جيده ؟؟
واذا كانت الباب مختلف الحجم قليلا ,, هل بالامكان ان يتم تصغيرها للحجم المطلوب ؟؟
وهل هناك نجاريين ممكن ان تتفق معهم بشراء الابواب من انصار سيت وعليهم التركيب ؟؟

المعذره لصاحب الموضوع اذا كانت اسئلتي مش المطلوبه


الله يعطيك العافيه..

لا ابد اخوي.. تسلم على هالاسئله..
اعتقد ان من حقنا كلنا ان نستفيد من خبرات الاعضاء..
وانت عندك اسئله مافكرت فيها..

اتمنى ان نلاقي اجوبه عليه..
law girl
07-10-2009, 09:38 PM
شوف الكل انتقد بيبان الخشب
ومهما كانت جودة الخشب راح يخترب مع سوء الاستعمال من قبل الخادمات
احنا صارلنا سنه وشوي على بيتنا
وابوي تنقى البيبان صح
البيبان حلوة وكل شي وجودتها ممتازة
لكن مع الماي
بدى تماسك الخشب يخف
يمكن حق الغرف اوكي وماعليهم كلام
بس ماعرف شنهي نوعيه الخشب
اتوقع تيك
ومشبع خفييف باللون الفستقي
واسم المحل بالضبط ماعرفه
يقولون محل عبدالرحيم
هل هو اسم المحل ولا صاحبه ماعرف
راح اتأكد لك وارد عليك خبر
ومن الحين اقولك ان سعر الباب شوي غالي :)
بوحمد2
07-10-2009, 11:02 PM
افضل حل تركب حق الحمامات ابواب المنيوم بلون الخشب وكان الله قفورا رحيم
اسيرالدوحه
08-10-2009, 10:39 PM
السلام عليكم ...

شوف اخوي ...

بخصوص ابواب الغرف... ركب خشب ....

عندك التيك ... والآش ... والخشب المرنتي ....

وركب الفريمات قبل التبليط ...

وبخصوص ابواب الحمامات ...

ركب ابواب المنيوم ... بلون الخشب ... وركب دبل توبلر ...

شنو معناته ... مدري ...

انا مركب ابواب الحمامات ... بالطريقة هذي ...

صراحة الباب .. شكله حلو ... وثقيل ...

مب مثل ابواب الالمنيوم اللي نشوفها ...

يعطيك العافية ...
المـــــ$$$ـــــتثمر
11-10-2009, 01:30 PM
أخوي doha2012 قال في منجرة المشرق في الصناعية !!!!
اتصلت على 180 يقولون ما عندهم هالاسم
لفيت الصناعية لين دخت ماحد يعرفها

إذا ما عليكم كلافة ياليت أحد يدلني عليها لأنه فيه ناس كثير يمدحونها
وشفت شغلهم بنفسي في بيت جديد ,,, أقل من روعة ما تقدر تقول عنة ,, أكثر من روعة


ياليــــــــــــــــــــــــــــــــــــــــــــــ ـــــــــــــــــت ,, اتدلوني عليها ,,, أو رقم على الأقل ,,
شكراً مقدماً ,,,
ALHAJAJI
14-10-2009, 09:32 AM
انصحك اذا بتركب الفريمات حق الابواب اول شي خلص شغل البلاستر قبل الفريم وعقبها ركب الفريمات والسبب الله يسلمك اذا ركبت الفريم قبل البلاستر يكون فيه فراغ في الداخل وبالتالي هذا يعطي فرصة لظهور بعض انواع النمل والحشرات .
قطري !
14-10-2009, 12:24 PM
انا سالت المهندس المشرف على البيت عن تركيب لفريمات


هل لفريمات تركب قبل التبليط ولا بعده .. قال تركب بعده افضل .... شرايكم؟؟؟؟


ونفس الوقت قال بامكانك تركب قبل التبليط لاكن الافضل بعده
Limet UP
18-10-2009, 07:25 PM
لجميع من مر .. وساهم بأضافه .. شكرا لكم..

ماقصرتو والله
المـــــ$$$ـــــتثمر
19-10-2009, 10:58 AM
انا سالت المهندس المشرف على البيت عن تركيب لفريمات


هل لفريمات تركب قبل التبليط ولا بعده .. قال تركب بعده افضل .... شرايكم؟؟؟؟


ونفس الوقت قال بامكانك تركب قبل التبليط لاكن الافضل بعده
طيب أسأل المهندس عن السبب وليش هذة الطريقة أفضل من الثانية
ونفس الشيء روح للمناجر وأسأل عن أفضل طريقة وليش هي أفضل طريقة وليش الطريقة الثانية أقل جودة من الأولى




الفريم يركب قبل التبليط يكون أفضل
السبب هو تثبيت الفريم في الأرض داخل البلاط يعطي ثبات أقوى ,, يعني لا يمكن أن الفريم يتحرك وهو مثبت داخل البلاط ( هذا كلام أحد المناجر في الصناعية )
Limet UP
17-12-2009, 03:32 PM
ازين اخواني الي بدى في تركيب البيبان >> ممكن تخبروني عن اسماء المحلات.. وهل الاسعار مازالت مرتفعه او نزلت اشوي

وهل هناك موديلات جديده.. للبيبان؟؟

افيدونا افادكم الله .. صج البنيان عوار راس واحترت ايش اختار؟؟ ووين الزين..
بويوسف
17-12-2009, 03:45 PM
ازين اخواني الي بدى في تركيب البيبان >> ممكن تخبروني عن اسماء المحلات.. وهل الاسعار مازالت مرتفعه او نزلت اشوي

وهل هناك موديلات جديده.. للبيبان؟؟

افيدونا افادكم الله .. صج البنيان عوار راس واحترت ايش اختار؟؟ ووين الزين..

الله يعينك اخوي .. طيب اخوي ممكن من خلال خبرتك في البحث عن افضل الاسعار للأبواب اعلامنا عن الاسعار والنوعية ؟
Limet UP
19-12-2009, 12:37 AM
الاسعار ياخوي الباب يتراوح بين 2500

وممكن يصل لين ال4000

حشى مب باب.. والله احترت.. ماابي اركب اي شي.. >> بس وايد غالي..

عشان جذي مازلت محتار.. اوقات اقول بركب ب900 بس بعد اقول ابي شي يعيش العمر مب كل سنه مغير لي باب

بس صج طفشت..

مافي شي زينوحلو.. بعد رخيص..
ابي شركه عدله 2500 بعد غالي.. بس ابي شركه كلمتها وحده اخاف اتفق معاهم يصدمونوي باب كشره.. وين اطق براسي من غش المقاول.. واستغلال الاستشاري.. يجوون الشركات والمحلات

الله المستعان
دلوليانوز
19-12-2009, 02:04 AM
نشوان في الابواب...شغله تمام..والاسعار ماشي الحال

تبي ارخص...في بشارع الفروسيه الرئيسي..صوب التسويق العائلي
محل i design عندهم شغل ابواب بعد زين..وارخص من نشوان
بس اهم شي..تطلب الباب مارندي...اياك ترضى بأي نوع ثاني..
واتفق ع مواعيد التسليم...وجدول الشغل..
الأميرة ملاك
19-12-2009, 12:37 PM
سلام عليكم

اخوي لاتركب الابواب الا بعد البلاط واهم الشي الفريمات علشان لابغيت تغيرها و لا تخترب ولا يدش فيها ماي من الغسيل بتاكل الباب
وثانيا فيه منجره اسمها منجره المشرق في الصناعيه شغلها روعه واحلى ديزانيات وارخص من شارع سلوى بكثير
والحمامات المونيوم بدون كلام

وبالتوفيق ان شاء الله
اخوي ممكن رقمهم
الأميرة ملاك
19-12-2009, 12:45 PM
السلام عليكم ...

شوف اخوي ...

بخصوص ابواب الغرف... ركب خشب ....

عندك التيك ... والآش ... والخشب المرنتي ....

وركب الفريمات قبل التبليط ...

وبخصوص ابواب الحمامات ...

ركب ابواب المنيوم ... بلون الخشب ... وركب دبل توبلر ...

شنو معناته ... مدري ...

انا مركب ابواب الحمامات ... بالطريقة هذي ...

صراحة الباب .. شكله حلو ... وثقيل ...

مب مثل ابواب الالمنيوم اللي نشوفها ...

يعطيك العافية ...

اخوي ممكن تعطيني اسم الشركة الي سوي عندها بيبان الحمامات
وتسلم
بنت الصقور
10-02-2010, 01:49 AM
كم رقم منجرة لمشرق ؟
سهم طويل الأجل
10-02-2010, 09:03 AM
لأبواب الخشب عندك منجرة الوفاء عند تقاطع التويوتا القديم
شغلهم نظيف وأسعارهم أعتقد متوسطة وأهم شي مواعيده مضبوطة
روح لاسماعيل هناك وتفاهم معاه .

بالنسبة لأبواب الحمامات الله يكرمكم إذا ناوي على الألمنيوم لاتركب إلا من النوع الزين
وفي هذي الحالة سعره مايفرق عن الخشب بالعكس يمكن يكون أغلى بس يكون عملي وشكله حلو

الله يبارك لك في المسكن الجديد
bonasser2010
10-02-2010, 09:05 AM
الله يوفقك انشاء الله
فتى الجود
11-02-2010, 05:10 PM
مـــــــــــر علينا

http://qatarshares.com/vb/showthread.php?p=5475919#post5475919