المساعد الشخصي الرقمي

مشاهدة النسخة كاملة : شكراً اشغال ..


Chambray
29-09-2009, 01:16 AM
ياشباب في شئ تغير في اشغال .
يا جايبين مهندس يفهم
يا حاطين مهندس يخاف الله ويحب الشعب
يا انهم طوروا من شغلهم
المهم ان نشوف شغل واضح وفلوس تنحط في اماكنها الصحيح في تطوير البنيه التحتيه بالصورة الصحيحه والايجابيه ..

لاني اشوف امور كثيره قامت تتغير في الفترة الاخيرة
وتوسعات لدوارات كثيرة وشوارع تستدعي التوسعه
الله يوسع عليهم في قبورهم ويوسع عليهم دنيا وآخره

وايضاً فتح مخارج يمين لبعض الدوارات

وامور كثيره اخرى اتمنى الاستمرار في هذا النجاح الي يريحنا نحن كسائقين

شكراً اشغال
حالي الذوق
29-09-2009, 01:20 AM
فعلا اخوي يستحقو الشكر والتقدير على مجهوداتهم الكبيره في مثل ما ذكرت
سوق واقف
29-09-2009, 01:23 AM
هؤلاء هم ابناء قطر أخي العزيز ومهندسين قطر
الخير كله
29-09-2009, 01:27 AM
ما شفنا شي .........ممكن توضح علشان نروح ونشوف.........
اخاف انك شايف مترو دبي:tease:
هتـان قطر
29-09-2009, 01:28 AM
شي جميل ان نقدم الشكر لمن يستحق الشكر

اشغال دائما كانت محل انتقاد دائم من قبل المواطنين



من لايشكر الناس لا يشكر الله

فشكرا لاخونا Moyen Orient
غير البشر
29-09-2009, 01:30 AM
فعلااااا كلامك صحيح تغيرات كثيره وكبيره انا لاحظت بعد

بس ياريت خاطري اعرف شنو التغير الي صار في اشغال

والتغيير الي استغربت منه دوار السنتر ( المركز) صغرو الدوار وكبرو مساحه الشارع

بالدوار


والى الامام يا اشغاال :nice:
genesis
29-09-2009, 01:32 AM
توضيح: لجنة الاختناقات المرورية -هم من وراء أعمال توسيع الطرق الاخيرة. هذة لجنة من عدة جهات بالدولة. يترأس اللجنة مهندسين قطريين من هيئة الاشغال العامة.
بوخالد911
29-09-2009, 01:33 AM
الووووغ مسيووو

سا فا؟


يسس


تعديلات وان جاءت متاخرة ؛ الا انها مقبوولة ومنتظرة منذ وقت طوويل



ميغسي بوكوو بوغ فوتغ (( موضوع ))



اتو تاليييغ


مسيوو / بوخالد911
بوخالد911
29-09-2009, 01:34 AM
ما شفنا شي .........ممكن توضح علشان نروح ونشوف.........
اخاف انك شايف مترو دبي:tease:

:nice::nice::nice::nice:
الجني
29-09-2009, 01:41 AM
اللي قاهرني

انهم سوو شيء بسيييط جداً

و احدث فرق كبير

دلالة على سوء تخطيط سابق

و بعد اشارات رامادا و السنتر و جسر الجيدا

شوف الخربطه كلٍ يبي يكون صاحب الفكرة الجهنمية

اللي هي عبارة عن تصليح شيء خربان هم مسوينه

ما كان من زمان

اللفات اللي على اليمين و اليسار امغطوها شوي علشان نلحق عليها

قبل لا تشب حمراء و نركب الأرصفه

على كلٍ

انا اشكرهم على شغلهم و هذا هو الصحيح بس معرفتي بربعنا

اذا شافوا حد سوى شي عدل يتخلون في شغله و يخربونه

الله يعينكم يا اشغال
تحداني
29-09-2009, 02:20 AM
.. نعم في الآونه الأخيره بدأت بعض الأخطاء تصحح ..
والأموال توضع في أماكنها الصحيحه ..


أعتقد مراقبه اولي الأمر لهم أصبحت أكثر صرامه ..
والخسائر الكبيره التي حصدوها من هروب الكثير من المهندسين القطريين ..
جعلهم في وضع لا يحسد عليه ..


أيضا تغير المدير العام ..
ووضع شخص نأمل أن يكون الشخص المناسب في المكان المناسب ..


كل تلك الامور جعلتهم يفكرون بشئ من الجديه ..
لكسب ثقه الشارع ..
والاشارات .. والتقاطعات .. وحتى القار والسماد :)


فشكرا لهم .. وبارك الله فيهم ..
وجعلهم من من يخافون على اموال هذا الوطن ..
وراحه شعبه ..
وازدهار العمران ...


اللهم آمين
ولد النواخذه
29-09-2009, 03:41 AM
ينشكرون على هالجهد الحلو الصراحة والى الامام ونجاحهم يفرحنا بالعكس الله يوفقهم
alrheeb2020
29-09-2009, 06:57 AM
اللي قاهرني

انهم سوو شيء بسيييط جداً

و احدث فرق كبير

دلالة على سوء تخطيط سابق

و بعد اشارات رامادا و السنتر و جسر الجيدا

شوف الخربطه كلٍ يبي يكون صاحب الفكرة الجهنمية

اللي هي عبارة عن تصليح شيء خربان هم مسوينه

ما كان من زمان

اللفات اللي على اليمين و اليسار امغطوها شوي علشان نلحق عليها

قبل لا تشب حمراء و نركب الأرصفه

على كلٍ

انا اشكرهم على شغلهم و هذا هو الصحيح بس معرفتي بربعنا

اذا شافوا حد سوى شي عدل يتخلون في شغله و يخربونه

الله يعينكم يا اشغال

:nice: اتوقع هاي ابسط شي وتحت البسيط اللي يسوونه !!:nice:
alphaqatar
29-09-2009, 07:02 AM
ان شاءلله دوم للأمام والفال للباقي ..............،...........،.........،........،.... ...،

ويعدلون المسارات العويه إلى أرهقت العالم:nice:
حشيم
29-09-2009, 07:10 AM
اخوي هاذي التعديلات والمشاريع الصغيره مخطط لها ووضعت لها ميزانية من اكثر من سنه وفيه ايضاً تعديلات ثانيه لكن اشغال تمشي على حسب جدول للاولويات والي كان انشاء المدارس الجديدة ماخذ نصيب الاسد فيه وكذلك طريق بوسمره والي كان عقده وشروطه تمت قبل انشاء اشغال ، وفعلا التعديلات الجديده مفيده وواضحه لكن الاهم المشاريع الكبيره تنتهي على خير مثل تقاطع الريان والصناعية والدائري الرابع

مع الشكر لأشغال ولصاحب الموضوع
قناص قطر
29-09-2009, 07:36 AM
السلام عليكم

شكرا لصاحب الموضوع

شكرا لاشغال

اخي العزيز :

هذه لجنه من المرور بالتنسيق مع مهندسين التخطيط العمراني وتنفيذ اشغال

الشكر للجميع ان شاء الله
براتزية برازيلية
29-09-2009, 09:13 AM
يعطيهم العافية
قطري !
29-09-2009, 09:24 AM
الله يرحم والديكم



لا تقعدون تمدحونهم على كلام فاضي



والله انهم سبب الازدحام اللي صاير في الدوحه بكبرها


انا اتكلم عن المشاريع الكبيره مثل :


1- جسر الصناعيه ... توقف المقاول عن تنفيذ المشروع

2- تقاطع الريان... لم ينجز المشروع منذ 4 سنوات

3- طريق امسيعيد الخراره ( مازال طريق واحد ) حوادث كل اسبوع والضحيه من ابناء قطر

4- مشاكل طريق سلوى الى حد اليوم لم تنتهي


هذا غير المشاريع الصغيره اللي سلموها الى مقاولين ولم يتابعونها


الحسنه الوحديه اللي صارت في اشغال انهم شالوا مديرها السابق اللي مايدري وين الله حاشره


كل يوم يطلعون ويقولون احنا تفاجأنا في مستوى الشركه الفلانيه والعلانيه ... اي لانها دخلت بواسطه !!!!!!


أنا أقول


أللله يجزا وزارة الداخليه الف الف خير على مجهوداتهم الواضحه والملموسه وهذا ان دل فهو يدل على وزيرهم انه رجل مخلص في عمله ورجل بمعني الكلمه
ابن الجزيره
29-09-2009, 09:35 AM
طنازة
ولا
اجــاده

؟؟؟؟؟؟؟؟

لسه ماشفنا شي !!

يكفي مترو دبي ؟؟؟!!
محمد لشيب
29-09-2009, 10:46 AM
لقد تم تشكيل لجنة سميت بلجنة الاختناقات المرورية، مشكلة من أشغال والمرور ولخويا والتخطيط وكهرماء.
وقد عقدت اللجنة مؤتمرا صحفيا خلال شهر أبريل المنصرم حددت فيه أزيد من 20 تدخل ستقوم به لتوسيع بعض الدوارات وتعديل بعض المسارات وتنفيذ فتحات جانبية ...
ومن المفروض أن تكون هذه الأعمال انجزت قبل بدء العام الدراسي لتفادي الزحمة وتسهيل حركة السير ....

كل التفاصيل تجدونه في هذا المقال
http://208.109.168.188/details.php?docId=80912&issueNo=493&secId=16
ليــث قطر
29-09-2009, 11:00 AM
الصراحة .. توسعة الدورات والإشارات سوت نتيجة إبدااااااااااعية


والإشارات الذكية اللي تشتغل من جهة وتكون صفرا في الجهة المقابلة فكرة ابداعية


وتم تعميمها ..



هالمشاريع السنعه .. بسيطة ونتائجها فعالة وملموسة


ألحين بس يخلصون مشروع الدوحة السريع ودوار الصناعية وبيكونون تمام


وإلى الأمام يا أشغال
م. عبدالعزيز
29-09-2009, 01:51 PM
احسن شي سووا = الاشارات بالدوارات

صراحه ماشاء الله الزحمه اللي كنا نشوفها الحين مب موجوده ،،

عقبال كل الدوارات بالدوله
Chambray
29-09-2009, 02:08 PM
شكراً لكم
الي دخل الموضوع ويقول ميترو ومادري ايش
ما اعتقد ان قطر راح تبني شئ بدون دراسه
والدراسه يبيلها وقت
مش ميزانيه وعمال ومهندسين ومعدات كفايه لإنشاء اي مشروع
الدراسة اهم من كل شئ ..
ثم التنفيذ الدقيق ..

الدولة حاطه جدول ان شاء الله نشوف التطورات ..
مافي شئ صار في يوم وليله ..
فلفل حار
30-09-2009, 12:52 AM
سبقتني يا جاسم على هالموضوع كنت ناوي آنزل نفسه ...
:)



يستاهلون آشغال كل خيـر ... ولفته طيبه منكـ آخوي جاسم ...
:victory:
واحد 11
30-09-2009, 03:25 AM
انا ماراح اشكرهم

والامور اللي ذكرتها ترى مايبيلها حد يخاف الله او مهندس فاهم .. الفتحة اللي قبل الدوار ترى حركة مسوينها من عشرات السنيين في دول ثانية والحين هالدول الغوا الدوارات نهائيا
اشغال توهم طايحين عليها

هذا والمفروض تسائلونهم عن تأخر المشاريع وهروب المقاولين واحد ورا الآخر
قطري !
30-09-2009, 09:37 AM
والله مصخره


يعني الحين سوو اشارات على الدوار يعني انهم انجزوت عمل جبار ...هههه


الاشارات اللي على الدوار تريح شرطة المرور من الوقوف على الدوار فقط .. وتنظيم الحركه اوتوماتيكيا بدل اليا ..


ياخي نبي جسوووووووووووووور و انفاااااااااااق .. وطرق سريعه



1- يعني مثلا ... المفروض جسر الصناعيه الى جسر مدماك مايكون بينهم دوارات واشارات ..يكون طريق سريع ...


2- ومن جسر مدماك الى جسر الجيده يكون نفس الشي ..طريق سريع

3- ومن جسر الريان (دوار الجيده سابقا) الى نفق المناعي يكون نفس الشي .

يعني بين الجسر والجسر مايكون هناك اشاره ولا دوار ...



المفروض الطرق الموديه الى سنتر المدينه تكون طرق سريعه مثلا :

# من الوكره الى وسط الدوحه سريع
#من الشمال الى وسط الدوحه سريع
#من الريان الى وسط الدوحه سريع
#من الصناعيه الى وسط الدوحه سريع

الدوار بدللا منه نفق او جسر ...
um3lianny
30-09-2009, 07:50 PM
اظن الموضوع طنازه

ما شفنا اي تطورات بالعكس شوارع منطقتنا من سيء الى اسوء
The Watcher
01-10-2009, 07:43 PM
التعديلات بسيطة جداً

الدول الثانية تعدت هالمرحلة من زمااااان

هالحركات كانوا يسوونها في دول ثانية من 15 سنة
الجني
01-10-2009, 08:10 PM
الصراحة .. توسعة الدورات والإشارات سوت نتيجة إبدااااااااااعية

والإشارات الذكية اللي تشتغل من جهة وتكون صفرا في الجهة المقابلة فكرة ابداعية

وتم تعميمها ..

هالمشاريع السنعه .. بسيطة ونتائجها فعالة وملموسة

ألحين بس يخلصون مشروع الدوحة السريع ودوار الصناعية وبيكونون تمام

وإلى الأمام يا أشغال


احسن شي سووا = الاشارات بالدوارات

صراحه ماشاء الله الزحمه اللي كنا نشوفها الحين مب موجوده ،،

عقبال كل الدوارات بالدوله

ليش مايكملون ابداعهم و يشلون الدوار من اساسه

طالما توجد اشارة . . . ليش الف الدوار

ليش ما اكمل على طول >>>>>>>>>>>>>>

كل ما في الموضوع بلدوزر و كم نشال يشيلون الدوار

و كم تريب قار يقورون مساحة الدوار

و قوطيين صبغ يصبغون حق الخطوط


انا شقاعد اقول كلامي هذا يحتاج مهندس من ناسا
علشان يفهمه