ليش اسعار الاكسسوارات نار [الأرشيف] - منتديات شبكة الأسهم القطرية

dhl

29-09-2009, 10:09 AM

السلام عليكم ورحمة الله وبركاته

هلا والله شخباركم

اخواني واخواتي

:(

انا بصراحه متفاجى

يعني :eek5:

السموحه منكم ياتجار اكسسوارات البلاك بيري

لكن كلمة الحق لازم تنقال

صح ولا لا

وارجوكم لحد يزعل او يشيل بخاطره

ولحد يقول الكلام موجه لي بس

لا للجميع

...........................

يعني بصراحه انا اشوف كفرات المطاطيه سعرها برع في السوق ب 35 ريال

واهني اشوفها 45 ريال

والعاكس ب 40 اهني وامس رحت خذته من فيديو الصقر ب 25 ريال ورحت محل الجوالات ولقيته ب 30 ريال

يعني انا داش اهني ومتاكد 100 من 100 ان الاشياء الي اهني في المنتدى

لازم تكون ارخص من برع

على العموم انا مابي اطول عليكم بس حبيت انبهكم

والله يوفقكم يالتجار

والسموحه اذا ازعجناكم

فمان الله

الاعــلامية

29-09-2009, 10:37 AM

يزاك الله الف خير

حتى أنا لاحظت هالشيء

بس عموما هذا عرض ... واللي يبي يشتري

وربي يوفق الجميع

رآعية البورش

29-09-2009, 10:47 AM

آنآ بعد لآحظت هآلشـــي..

نصيحــه..آللي له رزق بيآخـــــذه..ليش آلجشـــع

dhl

29-09-2009, 10:51 AM

اول شي صح كلامكم الي يبي يشتري براحته

ونفس الشي الي يبي يبيع كفيه

لكن مب من المعقول ان احنا نشتري اشياء من الدوحه بسعر وانبيعها بسعر

يعني قولوا لو مثل السعر برع 5 ريال ومع الشحن صار 15 حلو ويجي يبيعه ب 30 او 40 ريال

وسعره اهني في الدوحه 50 او 60 يعني في هاي الحاله في فرق انك تشتري من برع احسن

ولكن شاقول الله يوفقك الجميع واسف على الازعاج ومابي حد يزعل

بس حبيت انبه

ومشكورين على المرور

البسمة العذبه

29-09-2009, 11:02 AM

اي والله

بس الواحد اذا مضطر يشتري

يعني في الستي حست ادور كفر للبلاك بيري مالقيت

وماقدر اروح السد
يعني مضطره اخذ من هني

والواحد يتبع مثل ((ذل فلوسك ولا تذل نفسك))

مشتاقة لقطر

29-09-2009, 11:08 AM

السلام عليكم ورحمة الله وبركاته

هلا والله شخباركم

اخواني واخواتي

:(

انا بصراحه متفاجى

يعني :eek5:

السموحه منكم ياتجار اكسسوارات البلاك بيري

لكن كلمة الحق لازم تنقال

صح ولا لا

وارجوكم لحد يزعل او يشيل بخاطره

ولحد يقول الكلام موجه لي بس

لا للجميع

...........................

يعني بصراحه انا اشوف كفرات المطاطيه سعرها برع في السوق ب 35 ريال

واهني اشوفها 45 ريال

والعاكس ب 40 اهني وامس رحت خذته من فيديو الصقر ب 25 ريال ورحت محل الجوالات ولقيته ب 30 ريال

يعني انا داش اهني ومتاكد 100 من 100 ان الاشياء الي اهني في المنتدى

لازم تكون ارخص من برع

على العموم انا مابي اطول عليكم بس حبيت انبهكم

والله يوفقكم يالتجار

والسموحه اذا ازعجناكم

فمان الله

مراحب الشيخ يعيك العافية لي مداخلة بسيطة

ارجو بعد ما تزعل ..الاعضاء

مثلا العرض اللي قلته يؤثر على عرض اخواني اللي ذكرت سلعتهم اللي كفرات البلاك بيري ..

فيريت كان التعميم على جميع البضايع احسن ولانه هذا اللي صاير

ثانيا باقول لكم سر بعض التجار وانا بعض الاحيان يستوي معاي هالشي

يعني ممكن اكون انا خذه مثلي مثلك من الصقر والا مدري وين او محل جوالات .. ب25 وابيعه هنيه ب45 هذا حقي .. اكيد ابي ربح دامني نزلت عرض وشغالة على الردود والرسايل والمتابعة اكيد ابي ربح وهذا هدف هالقسم عروض للبيع ..

يعني بصراحة وش هي 20 ريال ربح ..؟؟ ما تكفي بترول السيارة والامسجات الاستفسارات والا رصيد التلفون ..

فيه ناس تشتري راحتها ما تبي تروح الصقر والاغيره عادي بيشترون ب45 يعني ال20 ريال هذي بيدفعها بدال زحمة الدوحة اللي ماتنطاق .. صح والا لا ؟؟

شي ثاني مثلا احنا مانروح لا الصين ولا امريكا ولا حتى دبي ؟؟ عشان نتعامل مع موردين جملة فناخذ سعر المفرق وبكذا يرتفع السعر

وبعدين ربح 5 ريال ما تاكل عيش في ظل غلاء المعيشة .. قبل كان اوكي بس الحين ممكن ربح الخمس ريال لطلبات الكميات والجملة ..مثلا 5×20 حبة =100 ريال ربح والتوصيلةمرة وحدة حلو

والله يوفق الجميع انا ما اقصد د معين ولا شخصك الكريم .. بالعكس هذا كلام عام موجه للكل

dhl

29-09-2009, 11:14 AM

جزاج الله خير اختي على الكلام على التوضيح
ويعطيج العافيه

وانا مب قصدي بس الكفرات بشكل عام

لان انا هاي الي شفته

وانا من اسبوع شاري ايبود من المنتدى وقالوا انه اصلي

واخر شي طلع تقليد ولا يوم يشتغل ويوم مايشتغل

وفي ناس بعد صارت لهم مواقف وايد

لكن الله يعينا

وبالتوفيق للجميع

مشتاقة لقطر

29-09-2009, 11:16 AM

ايوة اللي يعطيك شي على اساس انه اصلي ويطلع تقليد هذا غلط غلط وهنيه اقول للتاجر ستوب ..

واللي يعطيك شي خربان او مكسور ..هذا بعد تقول له ستوب مليون مرة ..

والله يوفقك يارب ..

dhl

29-09-2009, 11:18 AM

اي والله

بس الواحد اذا مضطر يشتري

يعني في الستي حست ادور كفر للبلاك بيري مالقيت

وماقدر اروح السد
يعني مضطره اخذ من هني

والواحد يتبع مثل ((ذل فلوسك ولا تذل نفسك))

اي والله نفسي وانا بعد كنت من يومين ادور في المنتدى وخارج المنتدى

كفر البلاك بيري الاسود كامل مب المطاط

وكل ماروح محلات مالقيه فقلت عادي باشتريه اهني في المنتدى

لكن الحمدالله لقيته في محل في الغرافه وبسعر رخيص
ولو مادورت في المحلات كان عادي باشتري اهني في المنتدى
لكن لازم انحط حد للاسعار يعني مب الكفرات برع سعرها 60

اهني ب 90

جذي فرقت وايد

على العموم بالتوفيق لك ولباقي الاعضاء وشاكر لك على المرور الطيب

dhl

29-09-2009, 11:19 AM

ايوة اللي يعطيك شي على اساس انه اصلي ويطلع تقليد هذا غلط غلط وهنيه اقول للتاجر ستوب ..

واللي يعطيك شي خربان او مكسور ..هذا بعد تقول له ستوب مليون مرة ..

والله يوفقك يارب ..

انا يعني مارحت اكلمه واقول له ليش وليش والله ولا كلمته

ولا شي لكن كتبت تعليق بسيط في موضوعه

علشان الاعضاء ينتبهون

وانا والله ماحطيت في بالي اني ارد فلوسي

لكن شنسوي :(

fa6ma

18-01-2010, 02:14 AM

مو بس الكفرات في كلشي

بظايع المنتدى واااايد مبالغين بالاسعار

البعض مو الكل