المساعد الشخصي الرقمي

مشاهدة النسخة كاملة : ساعدوني - وين اطلب بوفيه عشاء


القطوة
29-09-2009, 12:37 PM
مرحبا...
يوم الخميس عازمة ربعي وأول مرة يجيوني البيت ...وفي بالي اسوي لهم بوفيه ، فإيش تنصحوني ؟ وين ممكن احصل حد يسوي بوفيه لـ 6 أشخاص؟!
انقاذ ناطرة الرد عاجل
شبح الصمت
29-09-2009, 12:38 PM
مرحبا...
يوم الخميس عازمة ربعي وأول مرة يجيوني البيت ...وفي بالي اسوي لهم بوفيه ، فإيش تنصحوني ؟ وين ممكن احصل حد يسوي بوفيه لـ 6 أشخاص؟!
انقاذ ناطرة الرد عاجل


عليج بالبيت الشامي اكلهم حلو وعجيب على كيف كيفج
قطر العطاء
29-09-2009, 12:38 PM
اشدعوة ......6 اشخاص !!!!!!!
صعبة صراحة..........
شجرة الدر
29-09-2009, 12:44 PM
هلا اختي بوفيه البتيل يمدحونه وإذا العدد قليل 6 أشخاص بس انصحج بحصة التميمي تنوع في الأكل إذا تبين رقمها ممكن اطرشه لج .
ضوى
29-09-2009, 12:47 PM
اختي شجرة الدر

ممكن تفاصيل عن الاخت حصة التميمي وشنهي نوعية الاطباق اللي تقدمها والاسعار اشلون ؟؟


مع الاعتذار للاخت صاحبة الموضوع
القطوة
29-09-2009, 12:55 PM
شبح الصمت ... شكرا هل في خيارات ثانية...يعني انا خاطري اسويه مشكل يعني فيه مقبلات وفيه مشاوي وفيه محاشي وفيه عيوش وباشميل ومصقعة :)

قطر العطاء...خلاص باخليها 10 ولا حد يزعل ...

اخذي راحتج اخت ضوى...وفي انتظار الرد على أسئلتج

اخت شجر الدر ممكن ترسلين لي رقمها؟
a.w.gouda
29-09-2009, 01:15 PM
عليكي بمطعم فينيسيا او المجلس العربي ما اعتقد انك ممكن تلاقي نوعية اكل ولا سعر افضل منهم ودي نصيحة لوجه الله
وتبقى الدنيا حلوه
29-09-2009, 01:15 PM
البيت الشامي يمدحونه واااااااااااايد
شجرة الدر
29-09-2009, 01:16 PM
اختي شجرة الدر

ممكن تفاصيل عن الاخت حصة التميمي وشنهي نوعية الاطباق اللي تقدمها والاسعار اشلون ؟؟


مع الاعتذار للاخت صاحبة الموضوع


هلا أختي ضوى حاضرين لج حصة اطباقها بصراحة حلوة وطريقة تقديمها حلوة انا بصراحة غالباً اطلب منها حق استقبال ، المنيو مالها حافل بكل شي مقبلات ومحاشي وعيوش وووايد يمدحون المسقعة عندها والسلطات يمدحونها بعد وعندها حلويات واغلبها تكون ميني سايز ع العموم انا باطرش لج رقمها ع الخاص واستفسري منها أكثر والتوصيل لاتحاتينه ياانج تروحين لها وبيتها عند الريفيرا ماايضيع او اتطرشه لج بمبلغ رمزي .

واتمنى اكلها يعجبكم
شجرة الدر
29-09-2009, 01:18 PM
شبح الصمت ... شكرا هل في خيارات ثانية...يعني انا خاطري اسويه مشكل يعني فيه مقبلات وفيه مشاوي وفيه محاشي وفيه عيوش وباشميل ومصقعة :)

قطر العطاء...خلاص باخليها 10 ولا حد يزعل ...

اخذي راحتج اخت ضوى...وفي انتظار الرد على أسئلتج

اخت شجر الدر ممكن ترسلين لي رقمها؟

الحين باطرش لج الرقم ع الخاص وإنشاء الله تبيض ويهج وبالعافية مقدماً
ضوى
29-09-2009, 01:18 PM
هلا أختي ضوى حاضرين لج حصة اطباقها بصراحة حلوة وطريقة تقديمها حلوة انا بصراحة غالباً اطلب منها حق استقبال ، المنيو مالها حافل بكل شي مقبلات ومحاشي وعيوش وووايد يمدحون المسقعة عندها والسلطات يمدحونها بعد وعندها حلويات واغلبها تكون ميني سايز ع العموم انا باطرش لج رقمها ع الخاص واستفسري منها أكثر والتوصيل لاتحاتينه ياانج تروحين لها وبيتها عند الريفيرا ماايضيع او اتطرشه لج بمبلغ رمزي .

واتمنى اكلها يعجبكم



الله يجزيج الف خير ماقصرتي

ناطرة الرقم مع كل الشكر والتقدير
A l i
29-09-2009, 01:20 PM
إلي فرانس لايفوتج
طموحي عالي
29-09-2009, 01:37 PM
اختي 6 اشخاص شوي
ممكن تطلبين من مطعم في الؤلؤه اذكر مره طرشولي عالايميل عن هالمطعم حده عجيب

وعندج البيت الشامي انا جبت منه لحفله نجاحي قبل سنه
بس الحين مادري عنهم لان المطاعم تتغير دايم

وبالعافيه
سنطره
29-09-2009, 06:04 PM
عليج بمطعم البيت الشامي روعة روعة روعة احلى من فينيسيا والمجلس والبتيل وغيرة والكل راح يسألج من وين
Qtr.Girl
29-09-2009, 09:23 PM
اختي العدد قلييل


وبالنسبه للبيت الشاامي اكله لذييييذ وايد انا دوم اجيب من عنده بس اقل عدد 20


انزين ليش ماتاخذين صحون حلوووه وانتي تودينها المطعم ويحط لج ؟


يعني تطلبين شي مشكل مثلا : برياني - معكرونة باشميل او باستا - مشاوي - فطاير- مقالي " سمبووسه + كبه " - مسخن << لذيييذ - وودي كذا صحن للمقبلات ..


وبالنسبه للسويت ..

اممممممم جوفي الاوبرا عندهم سويت على شكل اكواب وايد حلو وصغير

وعندهم بعد كيكات مني ساييز
:victory:
ام لولوه
29-09-2009, 10:49 PM
فوشون او لينوتغ او الهيديارد
الصراحه روعه وترتيب خيال حتى تيجبون لج ورد طبيعي على الطاولات اذا طلبتي فري
مع العشاء

بس مادري والله اذا يسون حق 10 اشخاص او لا
لان كل حفلاتي من العشرين وفوق
وانشاء الله تطلع حفلتج احلى حفله
مافيا قطر
29-09-2009, 11:10 PM
انا مالى خص انتوا بنات مع بعضكم
المتضرعه لله
30-09-2009, 12:07 AM
البوفيهات من 25 شخص وفوق

البتيل هو الافضل لكن الاغلى يعني انا بغيت لخمسين شخص طلع ثمان الاف وزياده

لكن ضيوفي يستاهلون

شغلهم كثير حلو ومرتب وفرش

انصحك بهم

اما الخيمه حلوه اسعاره وبعض اطباقه حلوه لكن السلطات ماهي شي تحسي مب فرش وكانه ملموسه
غزلان
30-09-2009, 12:21 AM
لاسيجال حلو
ماني بهين
30-09-2009, 12:45 AM
البيت الشامي والمجلس

انا دوم اطلب من المجلس واقل عدد عندهم 15 شخص للبوفيه واسعارهم مناسبة جدا
الخير كله
30-09-2009, 12:54 AM
انا اعرف وحده تسوي بوفيهات بس تخصص بحري فقط
شي خياااااااااااااااااااااااااااااااااااااااااااااااا اااااااااااااااال
اعتقد لبنانيه لان هلي يطلبون من عندها
خذاني الشوق
30-09-2009, 12:56 AM
ابي رقم حصه اذا ممكن

اما احنا البنت تبي بوفيه واحنا رحنا موضوووووع ثاني هههههههههههههههههههههههه
اسمحي لنا يا القطوة ان شالله بجيب لج رقم البوفيه اللي سويناه حق عدد بسيط ورووووووووووووعه روعه اكله على مسؤوليتي يجنن اكله بس بكرة بجيب لج اسم المطعم واسعارة خياليه رخيصه بس صج صج عجيب عجيب ولذيذ اكله بكرة بجيب لج الرقم
شبح الأسهم
30-09-2009, 01:02 AM
يمدحون ايسكريم بلازا يقولون عندهم سندويش كلاب حلو
فلفل حار
30-09-2009, 01:02 AM
وليش الخساير ...؟

همبرغر
وناقتس
ونقانق


وكم ستيكـ للذويقات ...:rolleyes2:



http://www.3roos.com/uploder/uploded20080901/12721/01235723838.jpg


http://up.mn66.com/download.php?img=43375





و Go nuts ... ^-*
القطوة
30-09-2009, 02:36 PM
:) تسلمون كلكم على الردود الحلوة والافكار
فكرة اني اخذ صحون التقديم وارسلها للمطعم :) بالضبط هاي اللي مفكرة فيه عشان يكون كل طقمي موحد :)

أما عن المطعم اللي في اللؤلؤة ...خلاص سكروه لاني اتصلت عليهم امس وماعادوه يوفرون الخدمة هاذي :(

وان شاء الله اتصل في حصة وترضى تسوي لي لانه الوقت متأخر وبكرة باطلبه...
اخت خذاني الشوق ناطر الرقم :) للضمان

شاسوي اذا كانوا ربعي 6 يعني من وين ازيد يعني انا زايدة وقايلة 10 بس احتياط ...
وبعدين خلصت وسويت عزيمة لـ 25 شخص بس كان الطلب عيش ولحم المطابخ الشعبية ومع مقبلات خفيفة (هريس - فتوش - ورق عنب - كبه - سمبوسه)...
اضربوا العالم بالخمس خخخخ
بس هاي فضلت البوفيه :)
تسلمون لي كلكم وماقصرتوا
تحياتي