استفسار ... عيادة لزراعة السنان ؟؟

[dream~qa]

السلام عليكم ورحمة الله وبركاته

ياليت تفيدوني بتجربتكم مع زراعة الاسنان في قطر ..

لا تقولون لي رميلة لأن ما لقيت مواعيد إلا بعد سنة وطبعا العلاج بعد ياخذ سنة ثانية يعني يبيلي سنتين على ما أكمل .

وشرايكم في مركز الخليج للأسنان عند الدكتور محمود ؟؟؟

[بسبس]

عندك عيادة الرازي في مجمع الكلدي في دكتور متخصص للزراعه د. يمان اللحام انا اشالله راح أزرع عندة وبقنااااعه واجد اعرفهم مسوينهااااااا وسأل عنه

[ام لولوه]

عيادة الدكتور تميم ملص روووووعه بس غالية شوي الزرعه عنده بس الصراحه سعره فيه
امي سوت عندهم بس الصراحه تمدح فيهم ومايبين كلش ومواعيدهم في وقتها وشغلهم نظيف وبذمه وضمير
واختي مسوي لها تلبيسة ضرس قدام من 25 سنه ومايبن كلش ان تلبيس
احنا عايلتنا كلها مايتعاملون الا معاهم
اذا تبين المكان راسليني على الخاص وادليج عليها

[dream~qa]

مشكورين على الرد

أم لولوة ممكن أسعار عيادة تميم للسن الواحد ؟؟؟

[dream~qa]

فووووووووووووووووق

[أبورودي]

عارف من الاسعار اللى شفتها هنا
اقولك روح مصر
وحتزرع عند احسن دكتور مع تذاكر الطياره وفندق
حيكلفك نص اللى حتدفعه هنا

[ساعي الخير]

من منكم عمل زراعة أسنان في سوريا ؟ أنا أعتقد - والله أعلم- أنها أكثر تطورا وأرخص من مصر .

[تحداني]

.. مركز الخليج للاسنان ..
مقابل غرفه تجاره وصناعه قطر ..

عند الدكتور الاستشاري / محمود ..


شغلهم رائع ..
وعملهم مميز ..

الوالده عملت عندهم زراعه قبل سنتين ...
وعملت " تشيك " على كل سن تم زراعته في رميله من اجل الاطمئنان ..


وكانت النتائج مرضيه ..

بخصوص الاسعار ...
الاسعار معقوله جدا ..


اما من قال عن تميم ملص ..
فأسعاره جدا مبالغه .. وجودتها ليست افضل من غيرها


سلامتك يارب :)

هذا والله أعلم

[قطر دزاين]

عند المركز اللي في الاردن تخصص اسنان ناسي اسمه

[dream~qa]

بالنسبة للسفر أكيد أرخص بس للأسف ما أقدر أسافر .

واللي يسأل عن سوريا فيه الدكتور أنس نعنوع مشهور ومتخصص للزراعة وعنده موقع مخصص له تقدرون تزورونه .

تحداني الزمن ..

مشكور على نقلك لتجربة الوالدة مع الدكتور محمود وأتوقع أسعارهم معقوله بس يعني شنو نتائج مرضية هل هذا يعني أن الشغل ماشي حاله ولا ممتاز ؟؟؟؟؟

بالنسبة لي للحين في حيرة بين مركز الرازي ومركز الخليج

في انتظار تجارب اكثر علشان أقدر أحدد لأني تعبت من العيادات التعبانة ورميلة مواعيدهم بعيده .

مشكورين كل الأعضاء اللي شاركوا في الموضوع .

[تحداني]

بالنسبة للسفر أكيد أرخص بس للأسف ما أقدر أسافر .

واللي يسأل عن سوريا فيه الدكتور أنس نعنوع مشهور ومتخصص للزراعة وعنده موقع مخصص له تقدرون تزورونه .

تحداني الزمن ..

مشكور على نقلك لتجربة الوالدة مع الدكتور محمود وأتوقع أسعارهم معقوله بس يعني شنو نتائج مرضية هل هذا يعني أن الشغل ماشي حاله ولا ممتاز ؟؟؟؟؟

بالنسبة لي للحين في حيرة بين مركز الرازي ومركز الخليج

في انتظار تجارب اكثر علشان أقدر أحدد لأني تعبت من العيادات التعبانة ورميلة مواعيدهم بعيده .




.
. الشكر لله دائما ..

النتائج جدا راااااائعه والله ..
ومن باب الامانه اسعارهم معقوله ..
وتعاملهم جدا ممتاز ..
والاهم الاهم من ذلك .. ان شغلهم مضمون 100% ..


وزراعتها للاسنان .. تطوي عامها الثاني ...
وبين فتره وفتره يتصل بها شخصيا ..
ويسأل عنها ..



ويقول لها . ..
مري علي كلما احسستي بشئ ..


.. اذا تبغى اتكلم الوالده .. ما عندي مانع ..
هي مثل امك .. :)

لكي تتأكد أكثر ..

والقرار راجع لك ..


ما تشوف شر ان شاء الله

[ana_ana]

تبي النصيحه سافر ايران واعمل اسنانك هناك بس شوف لك حد يعرف وعنده خلفيه عن البلد والله شغلهم هناك يمدحونه الربع ولاتفكر انه على رخص الماده ولاكن الجوده عاليه ومهاره وبدون غش العيادات الموجوده عندنا في قطر بدون تحديد اسماء واكاد اجزم انه كلهم نصابين وشغلهم زباله

[dream~qa]

تحداني الزمن

ألف شكر لك ... شهادتك تكفي وكلامك مطمئن جدا . شكلي بتوكل على الله وبستخير وبتعالج عنده .

أنا أنا

مشكور بس أنا ما أقدر أسافر ولا كنت رحت سوريا ولو أن المطلوب زراعته هو سن واحد فقط ما يسوى السفر .. وسبب خلعه هو خطأ أحد الدكاتره في علاج العصب الله يسامحه .

[العـوا]

يعني مافيه دكتورة متخصصه في زراعه الاسنان للحريم

[Mr.1]

روحي اي مكـان بس لاتروحين المركز الاول للاسنان لانهم الصراحه قبل ماتبدين العلاج بيقولن لج كلام وعقب ماتدفعين اكثر من نص المبلغ بيقولن لج كلام ثانـي وخصوصااا دكتور التقويم نفسـه خاايسه تحسفت قد شعر راسي اني سويت التقويم عنـدهم ..

[طواش]

شوف مركز الأسنان الجميلة عند الدكتور كمال

[روح الاطلس]

عارف من الاسعار اللى شفتها هنا
اقولك روح مصر
وحتزرع عند احسن دكتور مع تذاكر الطياره وفندق
حيكلفك نص اللى حتدفعه هنا


ممكن التفاصيل لوسمحت

[قلم صادق]

الدكتور تميم قالي بيسوي زراعه سن + شيل الحشوات اللي موجوده ووضع حشوات جديده كل

هالشغلات ب 70 الف مب صاحي ها لدكتور

[تحداني]

الدكتور تميم ملص .. اعتقد انه اخذ من افواه الناس ..
تجاره مربحه للغايه .. ودائما اللمت عنده عالي ..


مع العلم هناك اطباء كثر جيدين ..

ولكن الناس مصرين
على وضع كل مافي الجيب .. من اجل الجيب فقط ..



ما اعرف الناس الي تعالج عنده ..
ليه يروحون له ؟؟ سؤال نتمنى ان نجد له اجابه ..[/center]

[مستثمره جديده]

الدكتور تميم قالي بيسوي زراعه سن + شيل الحشوات اللي موجوده ووضع حشوات جديده كل

هالشغلات ب 70 الف مب صاحي ها لدكتور

رزق الهبل على المجانين :victory: