ايهما أفضل من شركات الوساطة دلالة الاسلامية أو المجموعة

[RJ83]

السلام عليكم ..

حبيت أعرف أي أحسن شركات الوساطة .. انا اللي سمعته ان المجموعة أحسن .. بس ابي اعرف رايكم.. وما الخطوات المتخذه لفتح الحساب عند الشركة اللي تشوفونها أحسن..
وعندي استفسار ثاني وهو .. كيف اعرض اسهمي للبيع قبل ادراج الشركة في السوق ( بروة )؟؟
والاستفسار الاخير .. متى سيكون ادراج اسهم الريان في البورصة ؟؟

ولكم جزيل الشكر

[PoBox]

بروة ستدرج الخميس القادم
9-2-2006

من يوم الاحد القادم
تقدر تروح لاي وسيط ومعك ورقة التخصيص وقوله نزلي الاسهم في حسابي
وتقدر تبيعها منه
-----------------------
من الاحسن كل واحد ورايه
انا شخصيا تعاملت من ال2
المجموعة
والآن دلالة الاسلامية

من وجهة نظري والخيار لك ..
دلالة الاسلامية احسن وغير انها احسن .. حسابي سيكون في بنك اسلامي ..(المصرف)
وليس في بنك الدوحة (في حالة المجموعة)
ومركز الاتصال يردون بسرعة

فتح الحساب دقايق
خذ بطاقتك الشخصية معاك ..
افتح الحساب وعمبي الفورمات
ووفع على خدمة مركز الاتصال والفاكس والانترنت ..
وبيعطونك ارقام الحسابات التي تتعامل فيها ..
وتودع فيها (تودع في بنكك وبس تودي الوصل دلالة الاسلامية )
وكل هذا في مكتب واحد ما تحتاج تنتقل ..
وثاني يوم حسابك فعال للتداول

والامر لك اولا واخيرا

وادارج الريان من 4 الى 6 شهور
لكن متى بالضبط
الله اعلم

[RJ83]

شكرا اخوي على الرد..
حبيت استفسر استفسار اخر ..
اذا كان ابوي هو الوكيل في شركة الوساطة عني.. هل يمكن ان اتداول بنفسي مرات ، ومرات هو يقوم بذلك .. والا بس لازم هو اللي يقوم بالتداول فقط لانه الوكيل ..

وشكرا

[RJ83]

وياريت احصل على اراء اكثر بخصوص الافضل من شركتين الوساطة اللي ذكرتهم
وشكرا مره اخرى

[PoBox]

هو قانونيا لازم واحد بس
بس محد يروح المكتب للتداول كله بالتلفون (غالبا)

ويصير تحط اكثر من تلفون في مركز الاتصال
لان لو اتصلت من غير التلفونات المسجله عنده ما راح يخليك تتداول
(حتى لو عطيته رقم فانيلتك بعد )


اذا تبي كل شي رسمي رسمي
روح المحاكم الشرعية قسم توكيلات الاسهم
وسو لك وكالة عن ابوك او العكس حسب ما تبي وود الوكالة دلالة الاسلامية
بيدخلونها الكمبيوتر ..
وتتداولون ال2 عادي ورسمي يعني حتى في سحب الشيكات من الرصيد تقدر انت تسحب او الوالد
لو في وكالة
اما لو مافي تقدر تسوي كل شيء
الا السحب من الرصيد (بعد بيع الاسهم مثلا) لازم صاحب الحساب نفسه

لازم الرقم المسجل عنده

بس سواء انت اتصلت او الوالد هو شدراه كله واحد

ولكن اذا منت تتداول عن الوالده مثلا هني العبالة لان صوت رجل وامراة غير

[al7or]

اذا الواحد موكل حد يقدر صاحب الوكالة والوكيل يتداولون

بس اهم شي من رقمه المعرف عندنا

اي استفسار عن دلالة انا موجوده

al7or

[RJ83]

شكرا على الردود. بس ما قلتوا لي تنصحوني بدلاله ؟؟ او المجموعة ؟؟
واذا دلالة اي وحده الاسلامية او دلالة بس ؟؟

[al7or]

لو علي بقولك دلالة

:d

[@@ديزل@@]

كلووو مااشي