المساعد الشخصي الرقمي

مشاهدة النسخة كاملة : تسجيل المنازل


المنسى
30-09-2009, 01:04 PM
ممكن نعرف اذا حد عنده خبر هل لازال فيه تسجيل منازل او انتهى ومشكورين
الجني
30-09-2009, 01:09 PM
يا ليت يكون فيه منازل

يا خوي اذا فيه ارجو ان تخبرني بالخاص
بوحنان
30-09-2009, 01:15 PM
امس انا في ادارة الامتحانات وقالو للحين يمكن على الاسبوع الجاي
ضوى
30-09-2009, 01:16 PM
التسجيل راح ينتهي 4/10
شموخ
30-09-2009, 01:19 PM
التسجيل حتى 15-10-2009
OTOsan
30-09-2009, 01:23 PM
لو في توضيح لكيفية التسجيل لوسمحتوا .. وين يكون والاوراق المطلوبة

ويعطيكم العافيه ،،
تحداني
30-09-2009, 01:33 PM
.. لمن أراد معرفه تفاصيل أكثر عن طريقه التسجيل ..
والأوراق المطلوبه ..

يرجى الإتصال ببرج المجلس الاعلى للتعليم ..
رقم البداله : 4941111
الطابق الرابع عشر ..

عند الاخ : أحمد السهلاوي
أو الاخ : يوسف سلطان ..


أخذت المعلومات من المجلس الاعلى للتعليم ...


بالتوفيق يارب
المنسى
30-09-2009, 02:15 PM
جزاكم الله خير على المرور وان شاء الله نلحق عليهم
مشتاقة لقطر
02-10-2009, 10:13 AM
للرفع للافادة
وحيد-الشوق
02-10-2009, 04:15 PM
تبي نصيحتي سجل مسائي ابرك اذا ماكنت في ثالث ثانوي

المسائي اكثر الدروس ملغية والدراسة اسهل بواجد ومب ضروري انك تروح المدرسة كل يوم تقدر تسجل وتروح وقت الامتحان وتشرح لهم ضروفك

اتصل على هالرقم للأستفاده
4941111

او روح البرج صوب الدفنة واسأل على كيفك :)

والشور شورك
الدستور
06-10-2009, 09:27 AM
ممكن نعرف ايش المدارس اللي فيها تسجيل المدارس الليليه والمنازل
الدستور
06-10-2009, 09:38 AM
اتصلت توني في البداله المجلس الاعلى للتعليم

ومايدرون شسالفـــه !!

الموظفه تقول ان اليوم قرت الجريده اليوم وتقول ان ما شافت خبر تسجيل منازل !!!
وحيد-الشوق
06-10-2009, 12:35 PM
ممكن نعرف ايش المدارس اللي فيها تسجيل المدارس الليليه والمنازل


بالنسبة لليلي الثانوي

عندك المعهد الديني صوب دوار الفروسية << دراسة ثانوية عامة

ومدرسة الاخلاص النموذجية في الريان صوب معيذر تقريبا

ومدرسة التجارة في بن محمود بس هذي دراسة تجارة

ملاحظة التسجيل ينتهي تاريخ 15-10-2009

اما المنازل ماعندي علم
الدستور
20-10-2009, 12:28 PM
تسجيل المنازل

من تاريخ : 18 / 9 / 2009م الى 12 / 11 / 2009 في الفتره الصباحيه
بوخليفة3
20-10-2009, 12:37 PM
تسجيل المنازل

من تاريخ : 18 / 9 / 2009م الى 12 / 11 / 2009 في الفتره الصباحيه

في وين التسجيل؟؟؟؟؟؟؟؟؟؟؟
ALJokar
20-10-2009, 12:51 PM
الاسبوع الي طاف مكلمهم قالوا لي الا الحين مانزل تعميم او خبر بالنسبه للتسجيل منازل

وما ادري وين يكون التسجيل الحين وهل بيكون في المدارس الحكوميه او المستقله
الدستور
21-10-2009, 07:40 AM
فتح باب تسجيل الطلاب والطالبات بنظام (المنازل) للعام الدراسي 2009/2010 لجميع المراحل التعليمية (ابتدائي، إعدادي، ثانوي) تعليم عام وتخصصي، حيث يبدأ التسجيل اعتباراًً من يوم الأحد الموافق 18/10/2009 وحتى نهاية يوم الخميس الموافق 12/11/2009م ويكون التسجيل في الفترة الصباحية



يشترط للتسجيل استكمال المستندات التالية : البطاقة الشخصية أو جواز السفر الاصلي المسجل به الطالب (ساري المفعول + صورة عنه لجميع الطلاب والطالبات) وجواز السفر الأصلي المسجل به الطالب + صورة عنه ( لجميع الطلاب والطالبات غير القطريين ).وشهادة الميلاد الأصلية + صورة عنها ( لمن لا يحمل جواز سفر ومضاف بجواز آخر) . والرقم الشخصي الخاص بوزارة الداخلية (لجميع الطلاب والطالبات ). وإقامة سارية المفعول للمقيمين على جواز السفر + صورة عنه (لجميع الطلاب والطالبات، وبطاقة تصريح الإقامة المؤقتة الصادرة من وزارة الداخلية بدولة قطر لحاملي هذه البطاقة {سارية المفعول} صورة عنها ( وتسجل الجنسية من سكان قطر ). ويشترط أن تكون الشهادات الدراسية الأصلية موثقة حسب الأصول. (عدد /2 ) صورة شخصية حديثة لجميع الطلاب والطالبات.



وبالنسبة للشهادات الدراسية المطلوبة فهي كالتالي:
بالنسبة للمرحلة الابتدائية : يتم تسجيل الطلاب والطالبات { المستجدين } بدءاً من الصف الاول الابتدائي وحتى الصف الرابع الابتدائي فقط دون شهادات دراسية ، شريطة التقيد بالحد الأدنى لسن القبول المحدد في لائحة قبول وتحويل الطلاب.

أما الصفين الخامس والسادس فيتم التسجيل فيهما بموجب شهادة نجاح أو إفــادة شـطب أو إفـادة رسـوب.

وبالنسبة للمرحلة الإعدادية : ينبغي تقديم شهادة نجاح أخر صف دراسي أو إفـادة شطب أو إفـادة رسـوب للطالب.

أما بالنسبة المرحلة الثانوية : فينبغي شهادة نجاح آخر صف دراسي أو إفادة شطب أو إفادة رسوب للطالب
الدستور
21-10-2009, 07:46 AM
لمعرفه المدارس التسجيــل . . .

http://www.education.gov.qa/content/resources/detail/33401
ALJokar
21-10-2009, 02:07 PM
اغلبيه المدارس مستقله

بس هل بتكون المنهج الدراسي حكومي او مستقله
مالي ومال الناس
21-10-2009, 04:14 PM
متى امتحانات نصف السنه ؟ ومتى امتحانات اخر السنه ؟
..الاميرة..
21-10-2009, 09:28 PM
اتوقع فيه تعميم نزل بالجرايد بهالخصوص ..

احاول اشوفه بكره ان الله عطانا عمر وانزله ..
سيدة أعمــال
21-10-2009, 10:27 PM
متطلبات التسجيل صوره من اخر شهاده دراسيه لك و صوره من البطاقه الشخصيه

توديها لاداره الامتحانات في الغانم يصدقونها وتتوقع وبيعطونك ورقه فيها أسماء المدارس للتسجيل فيها ( مدارس بنات وبنين )

تختار المدرسه الي تناسبك ، توديلهم الشهاده المصدقه و يسجلونك ويعطونك الكتب بنفس الوقت

للاستفسار أكيد وبيردون عليكم على هالرقمين

4339200
4339312
..الاميرة..
22-10-2009, 09:44 AM
http://www.gulfup.com/do.php?id=841539

تعميم تسجيل المنازل - الملف على صيغة PDF اتمنى يفتح عندكم ..

(http://www.gulfup.com/do.php?id=841539)
سيدة أعمــال
22-10-2009, 08:05 PM
متطلبات التسجيل صوره من اخر شهاده دراسيه لك و صوره من البطاقه الشخصيه

توديها لاداره الامتحانات في الغانم يصدقونها وتتوقع وبيعطونك ورقه فيها أسماء المدارس للتسجيل فيها ( مدارس بنات وبنين )

تختار المدرسه الي تناسبك ، توديلهم الشهاده المصدقه و يسجلونك ويعطونك الكتب بنفس الوقت

للاستفسار أكيد وبيردون عليكم على هالرقمين

4339200
4339312

في تعديل بسيط ، لما تودون الشهاده المصدقه عشان التسجيل في المدرسه

يطلبون الجواز الأصلي وصوره منه و البطاقه الشخصيه الأصليه وصوره منها و صورتين شخصيتين