موقع مدرسه ام معبد المستقله للبنات

[مافيا قطر]

موقع مدرسه ام معبد المستقله للبنات بغيت اعرفه وينه قالوا صوب الصناعيه ومره قالو صوب نادى معيذر رحت ودورت مخى افتر من الدواره قلت مافى الا مجلان المنتدى يدلونى :rolleyes2:

[عاشق الشهادة]

بالمره الغربيه بالقرب من الخزان

[الورده]

روحي كانج رايحه السيليه اخر دوار اللي يدخلج على السيليه ادخلي يمين روحي لين تطيحين على كم مدرسه واحدة منهم هي ام معبد ان شاءالله اني دليتج عدل انا ما رحت لها بس اهلنا هناك قالوا انهم سجلوا بناتهم في ام معبدوهي قريب منهم

[شويهينــه]

ام معبد اللي بالعزيزيه؟؟

اذا هي

الاشارات اللي بين الحياه بلازا وفيلاجيو هم بيكونون على يدج اليمين انتي تلفين يساريعني تدخلين العزيزيه بين البيوت وبس تمشين سيده وبلقين المدرسه على يدج اليمين

[بنت ذياب]

احذا بيتنا بالضبط

:looking:

الله يرحم ايام قبل.. يوم كنت ادرس فيهاا :(

[بنت ذياب]

بالمره الغربيه بالقرب من الخزان

بالعزيزية .. مب المرة :eek5:

[black@white]

تغير مكانها اللي بالعزيزيه نقلوها السيليه

[عاشق الشهادة]

بالعزيزية .. مب المرة :eek5:


كانت العام الماضي بالعزيزية وبالتحديد بمنطقه الاحباب نقلوها من هناك الى المره الغربيه :nice:

[شويهينــه]

احذا بيتنا بالضبط

:looking:

الله يرحم ايام قبل.. يوم كنت ادرس فيهاا :(

:omg::omg:
درستي فيها؟؟

وانا بعد

بس المدرسه لحين موجوده ماهدموها ولا شي

واعتقد ان لحين عليها الاسم

[عاشق الشهادة]

ام معبد اللي بالعزيزيه؟؟

اذا هي

الاشارات اللي بين الحياه بلازا وفيلاجيو هم بيكونون على يدج اليمين انتي تلفين يساريعني تدخلين العزيزيه بين البيوت وبس تمشين سيده وبلقين المدرسه على يدج اليمين




صحيح كلامج اختي كانت بالعزيزية بس تغير مكانها هذه السنه بعد ماصارت مدرسه مستقله

[بنت ذياب]

:omg::omg:
درستي فيها؟؟

وانا بعد

بس المدرسه لحين موجوده ماهدموها ولا شي

واعتقد ان لحين عليها الاسم


ااي درست فيها خخخخخ

بس يقولون الاعضاء انقلوها للـ سيليه

لكن انا للحين اشوفها وعليها الاسم بعد

:omen2:

[بنت ذياب]

كانت العام الماضي بالعزيزية وبالتحديد بمنطقه الاحباب نقلوها من هناك الى المره الغربيه :nice:

ااهاا

شكرا ع التوضيح اخوي

[عاشق الشهادة]

وانا كنت دوم اوقف سيارتي بمواقف المدرسه :nice:

[معيذر جنوب]

مدرسة أم معبد الاعدلدية للبنات في العزيزية

من اشارات المناصير (اشارات حديقة الحيوان) تروحين سيدة كأنك رايحه الوعب يكون الحياة بلازا على يسارك ومحطة بترول الحديقة يمينك لين توصلين اشارات الي بين مجمع الحياة بلازا وفيلاجيو تأخذين الدخلة
يمين صوب العزيزية وتمشين مسافة 1 كم قبل الدوار بتشوفين المدرسة على يمينك.

بالمختصر اشارة المناصير سيدة اشارات فيلاجيو يمين أول دوار يمين.

[مــــلاك]

وانا كنت دوم اوقف سيارتي بمواقف المدرسه :nice:


عيل انت الي كنت تضيق على المدرسات:eek5: ...ومن سنه اظن مسوين حواجز
وسلاسل عشان محد يوقف سيارته :victory:

[قطريه ماركه]

وانا كنت دوم اوقف سيارتي بمواقف المدرسه :nice:

و انا أقول من هالجيران اللي يصفون ويضيقون ع المدرساااات :secret:

كنت تاخذ موقفي :omen2:

المدرسة تحولت مستقلة .. و اللي في العزيزية خلالالاص مهجورة .. و سمعنا انه

بيجيبون مدرسة ابتدائية مكانها ..

اما الحالية مدرسة أم معبد المستقلة .. فـ مكانها ..

شفت اشارات المناصير تروح سيده كنه بتروح الحسا بعدين تاخذ أول دوار و ثاني

دوار و الثالث بعد رابع دوار المدرسة بتكون على اليمين :nice:

و صاحبة الترخيص كانت موجهتنا العربي :victory:

[law girl]

اللي أعرفه إنهـآ بالعزيزية ..
أنــآ بعد درست فيهـآ ..
بس كآنت أتعس مرحلة درآسية بحيآتي يوم إنــي كنت فيهآ ..

[خالي مشاعر]

وانا كنت دوم اوقف سيارتي بمواقف المدرسه :nice:

الظاهر انهم حطوا الحاجز اللي فوق السور من جهة الشرق بسبتك :)

[عاشق الشهادة]

عيل انت الي كنت تضيق على المدرسات:eek5: ...ومن سنه اظن مسوين حواجز
وسلاسل عشان محد يوقف سيارته :victory:







و انا أقول من هالجيران اللي يصفون ويضيقون ع المدرساااات :secret:

كنت تاخذ موقفي :omen2:

المدرسة تحولت مستقلة .. و اللي في العزيزية خلالالاص مهجورة .. و سمعنا انه

بيجيبون مدرسة ابتدائية مكانها ..

اما الحالية مدرسة أم معبد المستقلة .. فـ مكانها ..

شفت اشارات المناصير تروح سيده كنه بتروح الحسا بعدين تاخذ أول دوار و ثاني

دوار و الثالث بعد رابع دوار المدرسة بتكون على اليمين :nice:

و صاحبة الترخيص كانت موجهتنا العربي :victory:




الظاهر انهم حطوا الحاجز اللي فوق السور من جهة الشرق بسبتك :)




مدام مدرسه ام معبد انتقلت الى مكان اخر انا الحين سوف ابوح لكم بسر:shy: الصراحه انا دوم اختار موقف الغربي واصف سيارتي به :nice:وبعد فتره صارت سياره تصف بالموقف المفضل لدي:anger1: وجاء يوم واروح وابنشر تاير السيارة:funny: خخخخخخخخخخخخخخخخخخخ ومن بعد ما عملت المقلب في راعي السيارة حرم صاحبها يوقف في هذا الموقف :)

[شويهينــه]

مدام مدرسه ام معبد انتقلت الى مكان اخر انا الحين سوف ابوح لكم بسر:shy: الصراحه انا دوم اختار موقف الغربي واصف سيارتي به :nice:وبعد فتره صارت سياره تصف بالموقف المفضل لدي:anger1: وجاء يوم واروح وابنشر تاير السيارة:funny: خخخخخخخخخخخخخخخخخخخ ومن بعد ما عملت المقلب في راعي السيارة حرم صاحبها يوقف في هذا الموقف :)

:omg::omg:

كل هذا يطلع منك عاشق الشهاده

[سهم طويل الأجل]

54074

54075


أضغطي على الصورة وبتكبر الخريطة


والمدرسة مكانها عند صورة رمز الطالب ..

هذي اللي أقدر أفيد فيه :victory:

[R.T.Z]

مقرها الجديد في السيلية الجديدة
بعطيك وصف واضح خل حياة بلازا على ايدك اليمين قدامك اشارة المناصير كمل سيدا
أحسب أربع دواوير...رابع دوار اخذه يمين وكمل سيدا لين تشوف المدرسة على ايدك اليمين
مدرسه ام معبد المستقله للبنات :)

[قهوة الضحى]

لو سمحتوا ابي حد يحط موقع المدرسة بالضبط
بالصورة بقوقل ايرث ضروووري


وبعد بغيت اعرف شلون الزي المدرسي للمدرسة نفسة ولاتغير بسرررعة جاوبوني ضروري

[سهم طويل الأجل]

لو سمحتوا ابي حد يحط موقع المدرسة بالضبط
بالصورة بقوقل ايرث ضروووري


وبعد بغيت اعرف شلون الزي المدرسي للمدرسة نفسة ولاتغير بسرررعة جاوبوني ضروري


مرفقة صورة قوقل ايرث في ردي السابق

تحياتي

[المسا]

اما انا كنت طالبه بأول دفعه دوامت بالمبنى الجديد كنت بثالث اعدادي يعني مالي فيها ذكريات طويله سنه وحده بس خخخخخخ
اللي يسألون عن الزي اتوقع تغير كأنه بيكون فيه وردي المسج اللي وصل اخوي لأن بنته بهالمدرسه مكتوب فيه عنوان الخياط اسم المحل برتاس بسوق عبدالله السادة بين العسيري وفالح الخياط ايوب جواله 5908294
هذا كل اللي اعرفه وللحين مارحنا له.. اتمنى اني اكون افدتكم

[موضي قطر]

ذكروتني باللي مضى شكل أغلبكم مايدرون أن مدرسة أم معبد كانت في مدينة المرة الشرقية

من الأساس وهل الكلام أنا لحقت عليه في آواخر الثمانينات وكنت بصف رابع ابتدائي

وكانت بمرحلتين فيها من رابع لين سادس وفيها المرحلة الاعدادية بس كانت أيام وللحين

اتذكر مدرساتي منهم طفله الغانم ووضحى الغانم وآمنة زيد ومدرسة الرسم لولوة الغانم

وحليمة عبدالكريم وست هاجر المصرية تدرس رياضيات (كح كح غبااااار :victory:)

كانت أيام والله ومديرتنا كانت نورة الجابر أدري ردي ماله خص في الموضوع بس مثل

مانقول بلهجتنا تراكم ( هيضتوني ) ولحد يقول شمعناة ( هيضتوني ..هههههه :nice:)

[موضي قطر]

وانا كنت دوم اوقف سيارتي بمواقف المدرسه :nice:


أخوي عاشق ما قلت لنا ليش كنت تصف سيارك بمواقف المدرسة ؟؟؟

أعذرني على اللقافة :tease:

[عاشق الشهادة]

أخوي عاشق ما قلت لنا ليش كنت تصف سيارك بمواقف المدرسة ؟؟؟

أعذرني على اللقافة :tease:




بحكم قرب المنزل والمظلات المجانيه الموجوده هناك تحمي
سيارتي من لهييب الشمس الحارقه وبالليل استعراض بالساحه :tease: هذا اول اما الحين اضحك على الي كنت اعمله بالسابق:shy:

[قهوة الضحى]

مشكورين


وفي سؤال ثاني

متى تخلص دواماتهم ضروري الحين قولولي