المساعد الشخصي الرقمي

مشاهدة النسخة كاملة : لكزس 470ال اس 2005 كم تسوى؟


لون المطــــــر
02-02-2006, 07:05 PM
سياره لكزس 470 ال اس يعني الحجم الكبير موديل 2005 من بره عشبيه ومن داخل بيج جلد

كامل الزيادات كم تسوى؟
لون المطــــــر
05-02-2006, 10:38 PM
السياره الجديده من الوكاله بميتين وستين الف

اذا مستعمله وماشيه عشره الاف كيلو (اسمحلو لي نسيت هالمعلومه المهمه )

كم تسوى

شاكره لكم الردود
Qa6ar
05-02-2006, 10:49 PM
200 الى 220 وعلى حسب اذا فيها صبغ او لا دي في دي او لا اوشاشه لا يختلف السعر

بعدين اللون مب مرغوب للعلم
لون المطــــــر
06-02-2006, 12:28 AM
فيها صبغ ؟

شنو يعني؟

فيها ديفيدي وشاشه



اللون مب مرغوب :( أشكرك بس لما خذته كانت السياره في العرض مبينه رماديه انصدمت لما طلعتها بره وكان الظهر طلعت على عشبي يعني اللون يعطي احيان رمادي واحيانا عشبي على حسب الضوء
لاداعي
06-02-2006, 12:39 AM
الله يوفقك وتبيعها
بو سالم
06-02-2006, 12:55 AM
الله يوفقك بس المشكلة الاسعار تنزل بسرعه
لون المطــــــر
06-02-2006, 12:57 AM
لا داعي تسلم على الدعوه الطيبه

بو سالم مشكور الشيخ بس ظنيت ان الياباني ما ينزل سعره بسرعه

مادري يمكن اكون غلطانه على العموم تسلم على الرد
قطري وكلي فخر
06-02-2006, 02:40 PM
الياباني فعلا ماينزل سعره بسرعه بس هاللون غير مرغوب بصراحه ولو تودينه الوكاله تشوفين بكم يشترونه من عندج وتبادلين بواحد يديد او بواحد ثاني مستعمل ابرك لج بس دام الموتر بيكون استخدام بنت حتي بالمستقبل سعره بيكون فيه ;)

بالتوفيق اختي يعطيج خيره ويكفيج شره والسموحه لو حطمتج بالكلام بس عطيتج الكلام الي يصير برع
لون المطــــــر
06-02-2006, 02:47 PM
مشكور اخوي قطري وكلي فخر الله يجزيك خير على النصيحه

بس لونها مب كريه مب اخضر يعني لا صاير غريب رمادي بس في النهار يعطي على زيتي

وهذي الصورة من الموقع اللون هو ثالث واحد من اليسار
cypress mica

http://www.lexus.com/models/ls/gallery_exterior_colors.html

عاد انا ابي اغيرها عشان احس ان الجلد البيج يتوصخ من العبايه وابي اخذ وحده جلد اسود والي هو في خاطري من البدايه
قطري وكلي فخر
06-02-2006, 02:58 PM
ما شاء الله بالعكس لونها حلو والله انا افتكرت اخضر غاااامق نفس لوون الجرجير :p

اللون حلو اختي ودام حصلتي موتر نظيف وبسعر حلو مايحتاي تبيعين وتشترين وتعورين راسج خلج علي سيارتج وبالعكس الجلد مايتوصخ بسرعه وحتي لو توصخ فيه مغاسل ترجعه نفس وكالته في نص ساعه بأدويه خاصه واسالي مجرب

عموما عندي لج حل ثاني وهو انج تقدرين تشترين غطاء تلبيسه من محلات الزينه حق الواجهه بس مب تلبسين الكرسي كامل وتشترينه بـحول ال30 ريال وتقدرين تحصلين علي لون الجلد

يعطيج خيرها ويكفيج شرها
لون المطــــــر
06-02-2006, 03:03 PM
الله يجبر بخاطرك يا قطر جبرت بخاطري على اللون ..

بس مثل ما قلت لك الجلد البيج يتوصخ من العبايه ولو نظفته في المغسله بيرد بعد نفس الشي والاسود أصلا كان في خااطري بس انه طلبيه وبيطول ..

اذا ما جابت لي سعر عدل ما بابيع وباتم عليها

ألف شكر لك
قطري وكلي فخر
06-02-2006, 03:05 PM
الله يجزيج خير اختي .. وانا ماقصد انج تنظفين الجلد بالمغاسل تحملي تخلينهم يقربون جنب الجلد لانه ادويتهم تعبانه ومايعرفون شي والله .. احسن حل للجلد الطبيعي انه كل ست شهور تودين سيارتج عند محلات التنظيف المعروفه مثل الوسام علي خط سلوي ولا التايلندي في محطه التيسير وفيه محل بعد داخل محطه الصقر بالهلال نسيت اسمه بس معروف هناك واحسن واحد للتنظيف بين هالثلاثه هو الوسام وانا توني مودي كروزري عنده وضارب باليس داخل وبرع وتنظيف عدل ومبطل كراسي السياره برغي برغي بـ400 ريال والله لمعه الوكاله ردت فيها ما شاء الله

بس ممكن اعرف بكم خذتي الموتر اذا كان سؤالي مايضايقج
لون المطــــــر
06-02-2006, 03:07 PM
هو ميتين وواحد وستين الف ايامها مادري الحين بكم وبعد الخصم طلع علي ميتين وشي خمسين
قطري وكلي فخر
06-02-2006, 03:15 PM
صح هذا سعره بالوكاله والحين سيارتج تجيب لج مابين 220لين230 ومايحتاي ماشاء الله اسال عن نظافه الموتر لانه يبين انج محافظه عليه

والله اخوي العود موصيني ادور له لكزس فور ويل ولا رنج ياريتج تضفيني علي الايميل وبنتفاهم ان شاء الله



موفقه ان شاء الله اختي
لون المطــــــر
06-02-2006, 03:21 PM
أخوي سيارتي صالون مب فور ويل :(

الله يوفق الجميع
قطري وكلي فخر
06-02-2006, 03:27 PM
انتي مغلطه بالعنوان اختي :d

كاتبه ال اس 470 وهذا حجم الفور ويل والصالون الي تقصدينه الظاهر هو الاكبر حجم الي هو 430 صح اختي؟؟

وانا ماعندي مشاكل اذا انج جاده بالبيع انا جاد بالشراء باخذها حق الوالد :d بالصوالين ماعندي خلفيه كبيره بس اليوم بسال وبرد عليج خبر واتمني اضافتج بالايميل عشان نتفاهم

اخوج قطري وكلي فخر
لون المطــــــر
06-02-2006, 11:40 PM
اي والله صاج اخوي مادري شفيني كنت مفهيه يوم حطيت اول مشاركه العنوان غلط وناسيه اقول كم ماشيه السياره

السموحه
قطري وكلي فخر
07-02-2006, 01:55 PM
الظاهر مالج نيه تبيعين اختي

علي كل حال .. موفقه ان شاء الله
لون المطــــــر
07-02-2006, 03:20 PM
انا اسومها اخوي اذا يابت سعر مناسب وتدبرت السياره الي ابيها بعتها

واذا لا ما راح ابيع .. كلامي واضح ما قلت اني اليوم والا باجر بابيعها انا سألت كم تسوى وفي العنوان

وانت قلت لي بتسأل حتى ما عطيتني سعر اقدر احدد اذا اوكي اطلب السياره الثانيه من الوكاله واذا خسرانه وايد اتم على سيارتي

عموما اسفه اذا صار سوء فهم وكنت انا سببه
وما صار الا الخير
Qa6ar
07-02-2006, 11:31 PM
مساء الخير لون المطر

انا حسبالي السياره فور ويل اثاريها صالون مرغوبه ثرى السياره وحلوه للاستخدام لانها الكزس احلا شيء

فيها الهدوء وبروده المكيف في الصيف هذي يكفي بعكس الالماني... على العموم

اذا انتي بياعه هذي اميلي ومب مختلفين في السعر Qa6ar@hotmail.com
Qa6ar
11-02-2006, 01:20 PM
وينك لون المطر؟؟؟
قطري وكلي فخر
11-02-2006, 08:05 PM
البنت تبينا نسوم الموتر اهنيه وان عجبها بتبيع

عطيني يومين بسال وبرد عليج بالسومه
qatar2018
12-02-2006, 08:42 PM
صح هذا سعره بالوكاله والحين سيارتج تجيب لج مابين 220لين230 ومايحتاي ماشاء الله اسال عن نظافه الموتر لانه يبين انج محافظه عليه

والله اخوي العود موصيني ادور له لكزس فور ويل ولا رنج ياريتج تضفيني علي الايميل وبنتفاهم ان شاء الله



موفقه ان شاء الله اختي

اخوي Lx 470 بتتغير وبتصير Jx 470

حاولت من النت اطلع الشكل الجديد بس ما قدرت ياريت تقدر تساعدني
Qa6ar
12-02-2006, 11:30 PM
لون المطر مهب موجود اصلا
البدر 8
17-02-2006, 09:29 AM
ياشباب الكزس موديل 2005 جديد في السعوديه
حجم 430ls
سعرها 235000 ريال سعودي جديد