شهادة كلية شمال الاطلنطي هل تنفع في مجال العمل؟

[rema13]

السلام عليكم

حبيت اسألكم عندكم فكره عن كلية شمال الاطلنطي واذا الدراسه فيها اتفيد في مجال العمل ولا لا؟
ياليت الي عنده فكره يفيدني.. وجزاكم الله خير

[مافيا قطر]

حسب جه العمل اللى انت فيها وشهاده النورث معترف فيها فى قطر

[قطري vip]

معترف فيها كدبلوم عالي يعني لو اتخلصين من الجامعه الهولنديه ابرك من الاطلنطي والله اخوي مخلص فيها

ومانفعت معاه بالبترول اخر شي دبلوم عالي يعني مب سنير ويتم كم سنه علشان ايصير سنير وطلع والحين

يكمل بالجامعه افضل لج اتخلصين جامعه من الكليه

[M!ss Vimto]

نو

ما انصح فيها

انا تخرجت منها وحتى بالكيو بي مافي مستقبل

لكن معترف فيها في كندا وامريكا وعندهم انها شهاده تمام

بس اهني حتى دكان مايوضفنا

[بوحارب]

السلام عليكم

حبيت اسألكم عندكم فكره عن كلية شمال الاطلنطي واذا الدراسه فيها اتفيد في مجال العمل ولا لا؟
ياليت الي عنده فكره يفيدني.. وجزاكم الله خير

وعليكم السلام

بالنسبة لشغلنا نعم معترف فيها ويعطونا عليها درجة سنير بعد :)

واذا جبنا معدل مرتفع يطرشونا برع لتكملة الدراسة

توني راد من الكلية من شوي :weeping:

[مافيا قطر]

الحمد لله على السلامه بوحارب على رجوعك من الكليه

[Scorpion]

السلام عليكم

حبيت اسألكم عندكم فكره عن كلية شمال الاطلنطي واذا الدراسه فيها اتفيد في مجال العمل ولا لا؟
ياليت الي عنده فكره يفيدني.. وجزاكم الله خير


هي كلية حتى في كندا يعني مش باكالوريوس... وبالنسبة للعمل، لو كنتي سبونسر توكلي على الله بس لو على حسابك فكري عدل :)

وبالتوفيق

[الرايــق]

نعم .. ولكن لازم تسافر وتكمل بكالوريوس من الخارج بعد ما تحصل على الدبلوم العالي من هنا

والله اعلم

[BURBERRY]

كليه شمال الاطلنطي تنفع وايد لمجال العمل و انا استفدت و تعلمت منها و الحمدلله

و معترف فيها .. :)

طبعا فيه 3 شهادات

سيرتفتك ( دراسه سنه)
دبلوم ( دراسه سنتين)
دبلوم عالي ( دراسه 3 سنين)

و اغلب الطلاب يختارون (دبلوم) .. المهم بعد التخرج تقدرين تقدمين على جامعات برع .. كندا .. بريطانيا .. امريكا .. و الكليه بتساعدج و بتنسق مع الجامعات ..

و على فكره وايد طلاب يحولون من جامعه قطر و يجون الاطلنطي .. و تخرجو و راحو يدرسون برع

و انا سمعت على العهد على الراوي .. ان فيه نيه ان يسون شهاده بكالريوس في كليه شمال الاطلنطي .. و الله اعلم

[ثاني]

انزين يا اخوان لو ادخل هالكلية عن طريق قطر للبترول هل تنصحوني ؟ علماً اني بكون فني .

[جوال 11]

كلية شمال الأطلنطي تعطي دبلوم وتنفع في الشركات وممكن تكمل الدراسة لمدة سنتين وتحصل على الشهادة الجامعية ولكن مع العمل بالدبلوم تحتاج مدة وتصبح سنير .

[tees]

انزين يا اخوان لو ادخل هالكلية عن طريق قطر للبترول هل تنصحوني ؟ علماً اني بكون فني .

والله ياخوي انا تميت فالجامعه صارلي 4 اسنين ونفس البرجرام مالك بيكون اذا انك انت للحين مادشيت انا انصحك مادش هالجامعه تروح برع انا تقدر لان برع بتخلص 4 سنين وترجع على طول سنير ستاف
انا الحين باقيلي كورس واحد وبخلص السيرت 3 قتلهم لمه اخلص شبتعطوني بيعطوني درجه وحده زياده بس 4 سنين درجه وحده زياده :anger1: الله كريم
احين اذا بروح ادرس برع الي درسته في النورث بينفعني انهم مابيعطوني انجليزي وبيدخلوني تخصص 4 سنين على طول يعني من 5 نقصوا سو اربع امحق سستم والله وقالولي الشركه الي انا فيها لو مارحت تدرس وانت هارد وركر يعني مجتهد بدون ماتدرس يبيلك 8 سنين تحصل سنير تقريبا :eek5: يعني بيصير عمري لو من اليوم 8 سنين 36 ليش يربي جي :tease:
بس فنفس الوقت انا انصحك لاتطلع من البترول يالغالي لانه اول شي معاشهم اكثر من اي مكان ويعطونك انشورنس ويعطونك بونس كل نهاية شهر واحد ويعطونك شهر 9 فلوس حق تذاكر ويعطونك يالغالي دراسه حق عيالك هاي كله طبعا لين تخلص السيرت 2 وتوقع العقد
وربي يوفقك ويوفق الجميع يارب
واذا تبي تسئل عن الراتب وتعرف قولي على الخاص وانا اعلمك