بعد رصد 4 حالات انفلنزا الخنازير بمدارس كويتيه .. من منكم لازال متسمك بالدراسه

[مساهم قديم]

بالكويت اعلن عن 4 حالات انفلونزا خنازير بين طلاب مدارس خاصه وهم اطفال ... السؤال الي يطرح نفسه من الاهم في نظر المجتمع سنه او بعض سنه دراسيه ام ارواح الطلاب .... للعلم الخبر من (سبق)



طبعا السؤال موجه لافراد المجتمع باستثناء اصحاب المصالح ابتداء من بعض موردي السمونه والسمبوسه للمقاصف وانتهاء ببعض اصحاب الرخص للمدارس المستقله

[بواردي]

لا للدراسة

[وطن]

أظن عدد حالات الطلاب المصابين عندنا أكثر
بس ما قاموا يعلنون عنهم خلاص

الشويفات كان فيها في رمضان
والفرنسية بعد ذكروا لها خبر في المنتدى

وغيرهم

كلها الا انفلونزا
والطلاب تشافوا منها والحمدلله

[ساراام]

الاسبوع الجاي غياب

خل الحارس يداوم :telephone:

[سنطره]

في الوطن اليوم جابوا ام لاربعة اطفال اتقول ان اعيالها اصابهم المرض وشفوا عادي حالها حال الانفاونزا العادية بس زيادة علية اما ترجيع فقط مع حرارة او حرارة مع اسهال والحرارة تتم اما يوم اويومين وأعيالها غابوا عن المدرسة وتلقوا العلاج والحين اهم بخير واتقول المرض عادي بس اسمة خوف الناس
وقالت ان المرض اذا اصاب الطفل راح يكون كم يوم مش سنة
والحين احنا جونا بدا يلطف اشوي فشي طبيعي راح اتصيبنا انفلونزا والاطفال في الفصلين شتاء او صيف راح ايصيبهم انفلونزامع حرارة مثل كل السنوات
فنتمنى ان الوزارة ما تؤجل الدراسة فالتأجيل لن يفيد ، والتطعيم سيظر اجسام اطفالنا في المستقبل
تتذكرون مرض السحايا الذي سبب هول للناس ، هناك مجموعة كبيرة من الاطفال والكبار لم ياخذوا التطعيم
والحمدلله لان لن يصيبنا الا ماكتبة اللة لنا والموت مكتوب يومة على الجبين
فخلاصة الكلام دعوا المرض ياخذ حقة كم يوم مع اخذ العلاج وعدم التخوف لان بس اسمة اللي يخوف

[قطر دزاين]

انا افكر ما اودي اولادي ها السنه بس بنطر للاخر وبشوف ايش اخر الاخبار سنه ما اتأخر اعتبره رسب سنه واحده

[حياة]

الكويت مأجزه !!!!
ماداوم الا طلاب المرحله الثانويه فقط
يعني الاطفال لي الحين ماداوموا

[سنطره]

اتمنى الدراسة تبدأ الاسبوع القادم واللي يعشق النوم خلة ايغيب اعيالة
والتطعيم ماراح ناخذة
والناس ماتبي الدراسة ولا تبي التطعيم هذا دليل على كسل الاهالي

[قطر دزاين]

اتمنى الدراسة تبدأ الاسبوع القادم واللي يعشق النوم خلة ايغيب اعيالة
والتطعيم ماراح ناخذة
والناس ماتبي الدراسة ولا تبي التطعيم هذا دليل على كسل الاهالي

هذا حرص على اولادنا او يعطونا الاخبار الصحيحه مو نسمعها من مصادر اخرى

[سنطره]

الكويت الاسبوع الماضي بدأوا بالمرحلة الثانوية والاسبوع هذا سيبدأون بالمراحل الابتدائية والاعداية(جميع المراحل) ويقولون امرضوا اعيالنا وشفوا عادي والمرض ما يخوف بس اسمة اللي ايخوف

[ولد النصر]

الله يكون في عونهم

[مساهم قديم]

بصراحه مطلقة كل تصرفات مسئولينا عن اصرارهم على المجازفه بارواح ابنائنا يعد بأمور الله يستر من عواقبها ....... هل هم ينتظرون وقوع الفاس بالراس .... عموما مني انا ماراح يدرسون ولا يوم

[]ام جاسم[]

امس اشوف الاخبار في قناة الكويت
اعلن المذيع عن وجود 250 حاله مصابة بانفلونزا الخنازير خلال اسبوووووووع
بس مو متاكده بلمدارس او لا

[ابن البيطار]

اليوم في الجريدة الاعلان عن وفاة طفل عمرة 14سنة في الكويت

[مشتاقة لقطر]

لاحول ولا قوة الا بالله

التطعيم مب ماخذينه والدوام مو مداومين ؟؟ ما يصير ياعيال الناس

داومو وتوكلو على الله واخذو الاحتياطات والاذكار والله الحافظ

احنا بالامارات الحين ثاني اسبوع عندنا والامور مستتبة وطيبة الحمدالله

والله يحفظ الجميع

[ضوى]

الله يحفظهم يارب

[عزووز قطر]

يعني لين متى بنخلي العيال في البيت !؟؟؟
خلاص توكلو على الله ودخلوهم مدارسهم
قال تعالى: (( قل لن يصيبنا الا ماكتب الله لنا ))
اذا الله كاتب انهم يمرضون بيمرضون حتى لو كانو في غرفة مسكرة
والحمدالله عيالنا جاهزين للمدارس وراحو اليوم والله يحفظهم

[الامانه]

مرض السحايا الذي سبب هول للناس ، هناك مجموعة كبيرة من الاطفال والكبار لم ياخذوا التطعيم
انتي صادقه احنا اول ناس ماخذنا تطعيم السحايا
لا كبارنا ولا صغارنا
والحمد لله رب العالمين