نصيحتكم يا أصحاب الخبره!!!

[QATAR2011]

السلام عليكم ورحمة الله وبركاته

أول شي حبيت أشكركم على الجهد المبذول في هذا المنتدى وأشكر كل الأخوان والقائمين على اعداد التحليلات واللي فعلاً أفادو المنتدى بخبرتهم...
الحين ندخل في الموضوع :nice:
أنا عندي 30000 ألف وحابه أشغلهم في الأسهم يعني مو استثمار أشتري وأنسى،، لأن حالياً عندي في الريان بس مخليتهم استثمار للمدى البعيد.. من خلال المواضيع اللي قريتها في المنتدى ومراقبتي حق السوق فكرت بنصيحة أحد الأخوان في أحد المواضيع بأن العقارية وبروه راح يرتفعون فشرايكم تنصحوني أشتري وأخليهم فتره طويله ولا أضارب فيهم؟؟؟
وياليت تعطوني نصايح شلون ممكن نشغل فلوسنا بدون خساير؟
وبعد حبيت أعرف متى يكون وقت توزيع الأرباح وفي هذي الفتره كيف تكون حركة السوق هل تكون الأسعار عادة في ارتفاع ولا تكون نازله؟؟؟

أدري طولت عليكم وكثرت بالأسئلة بس أنا الصراحه خاطري يكون عندي 6 مليون :nice: خخخخخخخخ لاتضحكون علي،، لأني كنت اقرا كتب عن رجال الأعمال الأجانب وشلون بدو من الصفر وقصص نجاحهم وأتمنى اكون ناجحه مثلهم..

ياليت ماتبخلون علينا بالنصيحه

[QATAR2011]

شدعوه 50 مشاهدة ومحد رد:omg:
ولايهمكم أسعدني مروركم

[omar77]

شدعوه 50 مشاهدة ومحد رد:omg:
ولايهمكم أسعدني مروركم

السلام عليكم
اختي اذا بتشغلين افلوسج بالاسهم بيكون جدامج خيارين اما المضاربه او الاستثمار
اما المضاربه تعتمد عليج وعلى خبرتج ممكن ايوصل العائد الشهري لراس المال من 10% الى 20% بالميه وانتي وشطارتج
اما الاستثمار يعتمد على الفتره الي ما تحتاجين فيها لهاذا المبلغ
يعني اذا كلش مو محتاجه هالمبلغ في شركات اتحقق عائد يوصل ل 10% سنويا
واذا تصبرين عشر سنوات بيرجعلج راس مالج بالاضافه الى قيمة الاسهم في ذاك الوقت وهالطريقه مضمونه لرأس المال وما راح ايخوفج انخفاض او ارتفاع السهم
اما اذا كان استثمار قصير الاجل سنه مثلا رح تربحين 10% عائد للسهم بس لازم اتشوفين الاسهم الي ما خذت حقها في الارتفاع الى الان


اما اسألتج
يتم توزيع الارباح في شهر 3 من كل عام
يعني ارباح سنة 2009 تتوزع تقريبا في شهر 3 عام 2010
اما حركة السوق في ذلك الوقت محد يقدر يعرفها بس الي صار في هالسنه ان كل شركه تعلن عن توزيع الارباح كانت ثاني يوم تنخفض لمت داون
وهالسنه الله اعلم

واتمنا بعد ان باقي الاخوان ما يبخلون عليج بالنصيحه