الدكت سبيليت [الأرشيف] - منتديات شبكة الأسهم القطرية

مشاهدة النسخة كاملة : الدكت سبيليت

سياتل

02-10-2009, 10:25 AM

يرجى من الاخوان اصحاب الخبرة افادتي
عن مميزات الدكت سبيليت وسلبياته وأفضل الشركات اللي تركبه

مع الشكر الجزيل

Chambray

02-10-2009, 02:40 PM

الدكت سبليت عبارة عن وحده تكييف تغذي المناطق المعينه بنفس نظام المكيف المركزي
والدكت تركيبه حق مناطق معينه وليس للمنزل كامل
مثلاً للمجلس فقط
والدكت دائماً يكون في الحمام وانت بكرامه وماشي منه الدكتات للمكان المذكور
وإذا بتركب للبيت كامل انصحك تركب مركزي ( بكج ) وتريح راسك
والافضل للمركزي هو موتسبيشي و يورك

انا عن نفسي لفيت ولفيت ولفيت ، وآخر شئ استقريت على ( السبليت ) !!

قطري !

02-10-2009, 07:24 PM

كلام اخوي ..Moyen Orient

صحيح

وانا لفيت لفيت وركبت سبيلت

سياتل

02-10-2009, 11:32 PM

Chambray

03-10-2009, 12:10 AM

السبيليت انا اعاني منه في بيتي الحالي

جربت ال جي وجربت سامسونج وجربت توشيبا وكلها الله بالخير

المكيف المركزي لازم تخطط له في مرحلة الخرائط ويكون له ارتفاعات معينه وهذي راحت علينا لأني خلصت الخرائط وبديت في الحفر

الدكت سمعت ناس يقولون انه افضل من السبيليت

بس السؤال ليش انت تقول مايصير تركبه في البيت كامل ؟؟

وشنهي سلبياته لو ركبته فالبيت كامل ؟؟

وهل هو غالي ؟؟

وهل صيانته غاليه وأي واحد ممكن يسوي له صيانه ؟؟

هل هو ينزل ماي مثل السبيليت داخل البيت ؟؟

وأيش الشركات اللي تركبه ؟؟؟

ياليت اللي مجربينه يجاوبون أو الاخوان بوحارب او شركة راحه يفيدونا فالموضوع

هلا اخوي
يصير ليش مايصير تركبه في البيت كامل
لكن دامك بتركب للبيت كامل ركب ( باكيج مركزي ) لان فرق السعر بسيط !! !!
وبخصوص الارتفاعات !! ترى الدكت محتاج ارتفاعات ايضاً !!!!!!!!!!
لان هو عبارة عن مكيف 5 طن او اكثر ، وله دكت يغذي المنطقة الي انت تبغيها
يعني للفيلا كامله محتاج لايقل عن 8 مكيفات دكت ، مع التمديدات الكامله له
وهذا تكاليفه بنفس تكاليف المركزي !!
اللهم المركزي يكون ( كمبريسر كبير او 2 فوق السطح يدف هو بارد ويطلع هوا حار من داخل ابيت ) والصيانه وكل شئ يكون من فوق السطح
لكن الدكت عبارة عن كمبيرسور فوق السطح ووحده داخل البيت بنفس تمديدات السبليت بالضبط .. لاتنسى يمكن يصير تنقيط او حاجه ويخرب لك الجبس
ولازم يكون للمكيف سقف مستعار .. وفتحه في السقف لتبديل الوحده وصيانتها !
صدقني فكرته سيئه
وغالي على ولا شئ
إما ( مركزي بكج كامل )
او ( انك تركب اي مكيف من هالموجودين ) يا استاند او سبليت . وانصحك بالاسبليت النوعيات الممتازة

سياتل

03-10-2009, 09:07 AM

جزاك الله خير على التوضيح وماقصرت يالغالي

بويوسف

03-10-2009, 01:12 PM

يعني الدكت سبليت سئ ؟ كنت افكر فيه .. وهل هو فعلا فيه مشاكل ؟

Chambray

03-10-2009, 02:23 PM

يعني الدكت سبليت سئ ؟ كنت افكر فيه .. وهل هو فعلا فيه مشاكل ؟

مب شرط اخوي تكون فيه مشاكل
لكن الدكت نفس ماقلت لكم عبارة عن وحده تهويه تكون مخبأه فوق السقف المستعار وعاده تكون في الحمام وانتو بكرامه لمنع الضجيج
ولا يمكن ان يسرب ماي مثله مثل اي مكيف عادي ، ومشكلة إذا خرب لك السقف المستعار .. لان عبارة عن وحده تتركب نفسه نفس السبليت
لكن المركزي او مايسمى بكج فهو الافضل من جميع النواحي
ركبوا 4 احجام متوسطه تخدم البيت
2 يشتغلون و2 احتياط يشتغلون إذا احتر البيت في عز الصيف اتوماتيكياً توفيراً للكهرباء وحفاظاً على جو البيت في حاله عطل اي بكج في الاعلى
لكن الاسعار غاليه لايقل عن 250 الف للفيلا كامله
لكنه مريح وهادئ جداً

لكن لو جينا للسبليت فيلا كامله لايتجاوز سعر التكييف 80 الف

شوفوا الي يصلح لكم وقرروا

الدكت سبليت ينفع لمنطقه معينه مثلاً
مجلس ديكوراته كشخه ، ماتبون السبليت يخرب الشكل ، تركبون دكت سبليت لهالمنطقة ..

بويوسف

03-10-2009, 02:53 PM

مب شرط اخوي تكون فيه مشاكل
لكن الدكت نفس ماقلت لكم عبارة عن وحده تهويه تكون مخبأه فوق السقف المستعار وعاده تكون في الحمام وانتو بكرامه لمنع الضجيج
ولا يمكن ان يسرب ماي مثله مثل اي مكيف عادي ، ومشكلة إذا خرب لك السقف المستعار .. لان عبارة عن وحده تتركب نفسه نفس السبليت
لكن المركزي او مايسمى بكج فهو الافضل من جميع النواحي
ركبوا 4 احجام متوسطه تخدم البيت
2 يشتغلون و2 احتياط يشتغلون إذا احتر البيت في عز الصيف اتوماتيكياً توفيراً للكهرباء وحفاظاً على جو البيت في حاله عطل اي بكج في الاعلى
لكن الاسعار غاليه لايقل عن 250 الف للفيلا كامله
لكنه مريح وهادئ جداً

لكن لو جينا للسبليت فيلا كامله لايتجاوز سعر التكييف 80 الف

شوفوا الي يصلح لكم وقرروا

الدكت سبليت ينفع لمنطقه معينه مثلاً
مجلس ديكوراته كشخه ، ماتبون السبليت يخرب الشكل ، تركبون دكت سبليت لهالمنطقة ..

طيب اخوي العزيز شرايك اذا مثلا الدكت سبليت للدور الارضي (المجلس+ الصالات)
السبلت للطابق الاول (غرف النوم)

Chambray

03-10-2009, 04:58 PM

طيب اخوي العزيز شرايك اذا مثلا الدكت سبليت للدور الارضي (المجلس+ الصالات)
السبلت للطابق الاول (غرف النوم)

هلا اخوي ..
وحده الدكت إذا زاد عن 5 طن صار مزعج
يعني 5 طن شوفها كم تكفي
إذا المجلس مثلاً بحاجه إلى 10 طن فأنت بحاجه إلى وحدتين 5 طن 5طن
الصالة 10 طن فأنت بحاجه إلى 5 طن 5 طن ، يعني
و و و و إلخ
فشوف كم وحده انت بحاجه لها !
تقدر تركب مركزي وتريح راسك بدل هالكثر وحدات للطابق الاول ، والطابق الثاني تركب سبليت بس
لكن إذا حسبتها وطلعت الوحدات شوي . شوف كم بيركبونه لك وتوكل على الله
واختار شركات متميزة في هالمجال ..
عندك يورك ممتاز بس اختار الامريكي . وليس البحريني

كيفيه قياس كم تحتاج الغرفه لمكيف كم طن ..

الطول في العرض في 900 تقسيم 12000ويطلع لك كم طن تحتاج الغرفه...
يعني 7 *5 =35
35*900=31500
31500تقسيم12000=2.625
يعني المفروض انه 2.5 طن تكفي وإذا ركبت 3 طن بعد مافي مشكلة .. تزيد ولا تنقص
وحط عوامل الارتفاع وكثرة النوافذ في المكان ، ونوعيه الاناره ، لان السبوت لايت بحاجه إلى قوه تكييف ..

بويوسف

03-10-2009, 09:33 PM

معلومات كافية ووافية كثر الله خيرك وجزاك الله خير اخوي العزيز ..

Chambray

03-10-2009, 10:24 PM

حياك الله اخوي بويوسف
ياما استفدنا منك وفدتنا في امور اخرى
اقل من الواجب والله

المـــــ$$$ـــــتثمر

04-10-2009, 11:23 AM

من اسبوع رحت لشركة للمكيفات وقابلت المهندس الخاص بأنظمة التكييف
وكنت جايب معي مخططات البيت وناوي على ( نظام السبيلت دكت ) لتركيبة في الصالة فقط ,, مساحتها ( 10.5*16 )
قالي المهندس تحتاج تقريباً 19 طن لتغطية هذة المساحة
سألته عن التكلفة بالكامل مع التركيب ,,,, قال 100.000 مئة الف ريال فقط للصالة
طبعاً أنا شكلي طبيعي يوم قال لي المهندس السعر ( لكن في نفسي أقول :omg: ,, بل ,, بل ,, بل :omg: ,, بل ,, بل ,, بل :omg: ,,,,,,,, والله الي ما ركبتة عندي :anger1: )escape
قلت لة طيب لو بغطي المنطقة هذة بنظام السبيلت الي يتعلق على الجدار قال 38.000 ( موزعة على 6 مكيفات 3 طن تقريباً ) ايه هذي معقولة :app2:
هذا الكلام للصالة فقط ,,,,,,,,,

يعني لو جينا للفلة مساحة 700 متر مربع وهي مساحة بيتي الجديد ( إن شاء الله يتم على خير )
1 --------------------------------------------
إذا بتركب نظام بكج سنترال ( المركزي المصغر)
( تحتاج تقريباً من 250.000 إلى 400.000 الف ريال) حسب إختلاف أسعار الشركات
* أضف إلى ذلك تكلفت إرتفاع السقف في البناء
* ظروري الجبسم بورد في كامل البيت لتغطية الدكتات تقريباً 60.000 ألف ريال ( متوسط سعر المتر هو 85 للجبسم بورد مع الكرنيش ,, يعني مستوى واحد فقط مع الكرنيش بدون أي تشكيلات )
* ظروري أضف أيضاً تكلفت العقود السنوية للصيانة (تقريباً من 30.000 إلى 50.000 ألف ريال ) وتختلف حسب الإتفاق ( عدد الزيارات للصيانة -- شاملة قطع الغيار أو لا )
2 --------------------------------------------
إذا بتركب نظام السبيلت دكت
* ( تحتاج تقريباً من 200.000 إلى 350.000 الف ريال) حسب إختلاف أسعار الشركات
(هذة السعر كنا نبني فية بيوت كاملة مع التشطيب) الله يذكر أيام زمان بالخير
* أضف إلى ذلك تكلفت إرتفاع السقف في البناء
* ظروري الجبسم بورد في كامل البيت لتغطية الدكتات تقريباً 60.000 ألف ريال ( متوسط سعر المتر هو 85 للجبسم بورد مع الكرنيش ,, يعني مستوى واحد فقط مع الكرنيش بدون أي تشكيلات )
* أضف أيضاً تكلفت العقود السنوية للصيانة (تقريباً من 30.000 إلى 50.000 ألف ريال ) وتختلف حسب الإتفاق ( عدد الزيارات للصيانة -- شاملة قطع الغيار أو لا )
* لو مثلاً تعطلت وحدة التكييف الداخية سعر الواحدة تقريباً 9000 ريال
3 --------------------------------------------
إذا بتركب نظام السبيلت المعلق على الجدار
* ( تحتاج تقريباً من 70.000 إلى 100.000 الف ريال) حسب إختلاف أسعار الشركات
* ليس من الظروري عمل إرتفاع إضافي في السقف
* ليس من الظروري عمل جبسم بورد ( السقف المستعار )
* بإمكانك الإستغناء عن العقود السنوية والإعتماد على المحلات الصغير ( لأن أي محل مكيفات صغير ممكن يتعامل مع هذا المكيف )
* وإذا حاب تعمل عقود سنوية للصيانة (تقريباً من 15.000 إلى 20.000 ألف ريال ) وتختلف حسب الإتفاق ( عدد الزيارات للصيانة -- شاملة قطع الغيار أو لا )
--------------------------------------------

ولا أنصح بالشباك ( الوندوز ) نهائياً
يعني قد ما تقدر نصيح لوجه الله لا تاخذ شباك

ومن بغى الدح ما قال اح
ومد رجليك على قد لحافك .. ولا تشتكي من الاسعار

كل الأسعار المذكورة في الأعلى تقريبية لأنها تختلف من شركة إلى شركة

--------------------------------------------
معك فلووووووووووووووووس (يعني مغتني) ركب سنترال ...( مع أني من معارضين تركيبة في الفلل ) لأنه يصلح حق فنادق وأماكن مفتوحة كبيرة جداً مثل المجمعات التجارية
--------------------------------------------
معك فلوس ومقتدر ركب (بكج سنترال) نظام مصغر عن السنترال
--------------------------------------------
معك شوية فلوس ركب كونسيلد الدكت ( مكيفات اسبلت مخفي)
--------------------------------------------
معك فلوس على قد حالك ركب اسبلت جداري
--------------------------------------------
ما معك فلوس ركب شباك ... ترى فية ناس أغنياء لكن ما يعرفون ينامون إلى على صوتة ..
--------------------------------------------

في النهاية أستقريت على السبيلت الجداري
صح أن أنواع المكيفات المخفية أحلا في الديكور
لكن على قولتهم مد رجليك على قد لحافك

بويوسف

05-10-2009, 12:09 AM

مشكور اخوي المستثمر على المعلومات المفيدة .. فعلا غالي .. وماتوقعت هالسعر صراحة ..

شكلنا بنحول على السبلت الجداري ...

ياجماعة شرايكم في السبلت اللي يتركب تحت اشوف ان اشكالهم حلوة ؟؟ شرايكم هل فيها مشاكل ؟