هل راسلتوا سمو الأمير على بريدة الإلكتروني؟؟

[موضي قطر]

السلام عليكم أخواني وخواتي

من دقايق راسلت سمو الأمير على بريدة الالكتروني وعرضت عليه مشكلتي

ياريت اللي راسله من قبل يقول لنا هل طولوا لحد مايردون ؟؟

وهل فعلاً أنحلت مشاكلهم المختلفة ؟؟

وكم من الوقت كان بين ردهم وحل المشكلة ؟؟

أدري بستغربون من أسئلتي بس الله يعلم بمشكلتي اللي مأرقتني

أدعوا لي يردون علي باسرع وقت ويفرجها علي وعلى كل مستضيق

اللهم آآآآآآآآآآآآآآآميييييييييين

[s o s o]

مرحبا اختي والله يفرج عليج ان شاء الله من عنده ويسخرلج عباده .
انا راسلت الامير مسبقا اكثر من مره وفي اكثر من موضوع
والحمدالله يتم التواصل بيني وبين موظفي مكتب سموه بعد حوالي اسبوع او اقل ويكونون جدا متعاونين
ويفضل انج تحطين ارقام اتصال ..واغلب المشاكل يكون لها حل ان شاء الله
وبعضها للاسف يحفظ
والله يوفقج ان شاء الله

[عبدالرحمن]

انا ماراسله ولا اتصله ان بقيت شي جيته الديوان ولا قصر الوجبه يعلني ماخلو من بومشعل ولااذوق حزنه وفديت قطر

[butterfly qatar]

فـديته والله ربي يطول بعمره بومشعل بابا حمد مايقصر

وان شاءالله بيردون عليج حبيبتي في أقرب وقت

الله يفرج ضيقتج ان شاءالله ويحل مشاكلج كلها

[موضي قطر]

مرحبا اختي والله يفرج عليج ان شاء الله من عنده ويسخرلج عباده .
انا راسلت الامير مسبقا اكثر من مره وفي اكثر من موضوع
والحمدالله يتم التواصل بيني وبين موظفي مكتب سموه بعد حوالي اسبوع او اقل ويكونون جدا متعاونين
ويفضل انج تحطين ارقام اتصال ..واغلب المشاكل يكون لها حل ان شاء الله
وبعضها للاسف يحفظ
والله يوفقج ان شاء الله



ممكن نعرف مثال على المشاكل اللي تحفظ ؟؟

الله يسترررررررررر

[طموحي عالي]

واي فديته بو مشعل والله انا ماجربت
اصلا ولا اعرف ان في ايميل نرسل عليه
بس صج فكره حلوه لتواصل مع الشعب
ياجعلني ماخلا منك يابو مشعل

والله يخليك لنا يارب

مشكلتي ابي ادرس >>> سخيفه صح بس صج من كم شهر موضوعي واقف

[موضي قطر]

انا ماراسله ولا اتصله ان بقيت شي جيته الديوان ولا قصر الوجبه يعلني ماخلو من بومشعل ولااذوق حزنه وفديت قطر


أخوي عبدالرحمن الله يسمع منك ويخليه لأسرته الكبيرة ( أهل قطر )

بس أنا ما أقدر أروح له الديوان ولا القصر يعني أنت رجال تقدر تروح

[موضي قطر]

فـديته والله ربي يطول بعمره بومشعل بابا حمد مايقصر

وان شاءالله بيردون عليج حبيبتي في أقرب وقت

الله يفرج ضيقتج ان شاءالله ويحل مشاكلج كلها


جزاك الله خير أختي على المرور والكلام الطيب

[s o s o]

ممكن نعرف مثال على المشاكل اللي تحفظ ؟؟

الله يسترررررررررر

بالنسبه لي انا

تم حفظ موضوع رجعتي للجامعه لاستكمال الساعات القليله الباقيه لي بعد طي قيدي للاسف
وكان ينظر في الموضوع من سنة 2006 الى 2008 وفي النهايه حُفظ
الموضوع كان بين مكتب الامير الله يحفظه ومكتب ولي العهد .

[موضي قطر]

بالنسبه لي انا

تم حفظ موضوع رجعتي للجامعه لاستكمال الساعات القليله الباقيه لي بعد طي قيدي للاسف
وكان ينظر في الموضوع من سنة 2006 الى 2008 وفي النهايه حُفظ
الموضوع كان بين مكتب الامير الله يحفظه ومكتب ولي العهد .

الله المستعان

[طبشور]

انا ماراسله ولا اتصله ان بقيت شي جيته الديوان ولا قصر الوجبه يعلني ماخلي من بومشعل ولااذوق حزنه


ممكن تعرفنا طال عمرك على المواعيد اللي ممكن نروح فيها ... ترى والله تعبت ومحد عطاني الجواب الوافي .
شكلك يا بوعوف واحد واصل من قلب ...:secret:
اللي عطاك قادر يعطينا سبحانه وتعالى

[موضي قطر]

Up up up

up up

[ساراام]

انااااا ماجربت والله

انزين موضي ممكن عنوان البريد فضلا لا امراً :)

[طلعة الروح]

شنهي طبيعة المشكلات اللي ممكن تنعرض على سموه؟؟

[غاوي مشاكــل]

اختي الكريمة اذا البيانات كاملة سيتم الرد عليك خلال عشرة ايام بكثير

وعن الموضوع ان كان ممكن ايجاد الحل له بيكون في احتمالين

اذا الموضوع تم ارسالة الى الجهات المعنية في حلها ولم يتم لاسباب

او موضوع خاص في امور التظلم

والمواضيع الباقية لها اداراتها وجهاتها

[حقل الشمال]

الله يطول عمر بومشعل

[هدوء 2]

اناراسلت أكثر من مره سمو الامير حفظه الله ومن عام 2007 وللاسف مافي رد ليش ؟؟مادري .......وله عذره
وراسلت سمو الاميره أكثر ...وأكثر وأكثر للاسف مافي رد نهائيا أيضا من عام 2007 ياليت من سمو الاميرة تفتح باب المقابله لها ولو مرتين ف الشهر لاستقبال الامور وحل مايمكن حله وكلمة ياليت .....
راسلت سمو ولي العهد تم الرد ف المرة الثانيه وتمت المقابله صادني تفائل كل خير ولكن ليومكم ذيه ماشفت شي ولا أتصال ولا قالوا اذا حفظ الموضوع ....او موضوعي ماله حل وتم عايش الامل ..... في النهايه أغدو شاكره لمكتب سمو ولي العهد ع الااقل ردو

والحمدلله رب العالمين

[عبدالرحمن]

ممكن تعرفنا طال عمرك على المواعيد اللي ممكن نروح فيها ... ترى والله تعبت ومحد عطاني الجواب الوافي .
شكلك يا بوعوف واحد واصل من قلب ...:secret:
اللي عطاك قادر يعطينا سبحانه وتعالى

امين بس صدقني القصه مب مساله واصل ولا مب واصل بس ماعمري انحطيت في موقف يستدعي انه اوصله للامير بس احس الوصول له سهل جدا مادري ليش

[ضوى]

نعم اختي سبق وراسلت سمو الامير وسمو ولي العهد والاثنان ردوا علي في خلال عشر ايام ولكن عن طريق الجهة التي تم تحويل الموضوع اليها وهي الجوازات والجنسية وتم اخباري ان الموضوع تم تحويله من قبل مكتب الامير وولي العهد ولله الحمد والمنة

[طالب جامعي]

البريد الالكتروني لسمو الامير حفظة الله من اختصاص سعادة الشيخ هند في الوقت الحالي

وهي من تقوم بالاطلاع على المواضيع لكن يجب ان يكون بيانات الموضوع وافية حتى يبث فية

[موضي قطر]

أتمنى لي ولكم ولكل من أحتاج سموه بعد الله إيجاد الحل بإذنه تعالى

[موضي قطر]

انااااا ماجربت والله

انزين موضي ممكن عنوان البريد فضلا لا امراً :)


أختي دشي موقع الديوان الأميري وأتبعي هالخطوات البسيطة وهي :-

1- أختاري اللغة العربية .
2- أختاري صفحة سمو الأمير .
3- أدخلي على بريد سموه .

ملاحظة :- لازم تتأكدين أن البيانات المطلوبة صحيحة مثل رقم البطاقة الشخصية
وأرقام الهواتف علشان يتواصلون مع المواطنين بشكل صحيح

والله الموفق

[موضي قطر]

سبحان الله وبحمده سبحان الله العظيم

[حقيقه]

يصير بنت تقابل سمو الامير فديته ؟؟

[ساراام]

أختي دشي موقع الديوان الأميري وأتبعي هالخطوات البسيطة وهي :-

1- أختاري اللغة العربية .
2- أختاري صفحة سمو الأمير .
3- أدخلي على بريد سموه .

ملاحظة :- لازم تتأكدين أن البيانات المطلوبة صحيحة مثل رقم البطاقة الشخصية
وأرقام الهواتف علشان يتواصلون مع المواطنين بشكل صحيح

والله الموفق

ايه خلاص عرفت

ماااقصرتي الغاليه

لاتنسين تبشرينا اذا ردو عليج

موفقه :)

[s o s o]

يصير بنت تقابل سمو الامير فديته ؟؟

انا من شهر 2/2009قدمت طلب مقابلة الامير الله يحفظه وللحين ماردو علي مع العلم اني اتصلت وكلمت الخوات الي في الديوان وقالو لي الموضوع يحتاج من 20 يوم الى شهر
وهاذاني للحين انطر .

[كاشخ في قطر]

الله يوفقج ياشيخه
@@
والله يحفظ بومشعل لنا يارب والله يعطيه الصحه والعافيه ياررررربي

[مستجدة]

انا بعثت رسالة لسمو الامير وبعد 5او 6 شهور ردوا على الايميل يطلبون صورة من بطاقتي الشخصيه
على رقم فاكس وحتى الان من شهر خمسه مايو وانا انتظر

ادعوا لي انه يردون مادري ليه تاخروا هالكثر دام الاخوه والاخوات يقلون خلال 10 ايام ردوا عليهم !!!!!
موضوعي انساني طلب علاج ومشاكل مع بعض الوزرات والواقفه في وجه مصالح الضعفاء .

[saranay1]

اللي يمكنهم الدخول شخصيا على الامير ( الله يعطيه الصحة والعافية )
ليش ما ينقلون له مشاكل وراي العامة من القطرييين
مثلا
_ تقلص راتب التقاعد الى اكثر من النصف
_ بناء مستشفى للقطريين فقط .. ساروا الاجانب يتعالجون في حمد والخاص ابلاش وحنا القطريين ما عندنا تامين صحي من الحكومة .
نبي مستشفى خاص لنا .. واباحسن الدكاترة .
_ الاجانب فوقنا في اكثير من الوظائف .. ورواتبهم اضعاف القطريين .
_ الباكر والاسعار الدبل المفروضة علينا من القطرية للطيران ..
_ صرف ميزانية اكبر لبناء الجسور ولانفاق والاهتمام بالشوارع الداخلية .

هذه بعض الامور اللي تخطر ببالي واتمنى حد يوصلها للأمير
وما اعتقد في اثنين قطريين يختلفون عليها .

شكرا لكم وجزاكم الله خيرا

[موضي قطر]

Up up up

up up

[q6r2009]

اللي يمكنهم الدخول شخصيا على الامير ( الله يعطيه الصحة والعافية )
ليش ما ينقلون له مشاكل وراي العامة من القطرييين
مثلا
_ تقلص راتب التقاعد الى اكثر من النصف
_ بناء مستشفى للقطريين فقط .. ساروا الاجانب يتعالجون في حمد والخاص ابلاش وحنا القطريين ما عندنا تامين صحي من الحكومة .
نبي مستشفى خاص لنا .. واباحسن الدكاترة .
_ الاجانب فوقنا في اكثير من الوظائف .. ورواتبهم اضعاف القطريين .
_ الباكر والاسعار الدبل المفروضة علينا من القطرية للطيران ..
_ صرف ميزانية اكبر لبناء الجسور ولانفاق والاهتمام بالشوارع الداخلية .

هذه بعض الامور اللي تخطر ببالي واتمنى حد يوصلها للأمير
وما اعتقد في اثنين قطريين يختلفون عليها .

شكرا لكم وجزاكم الله خيرا

:victory::victory::victory::victory::victory::vict ory::victory::nice::nice::nice::nice::nice::nice:: nice::nice::nice::nice::nice::nice:

[مشتاقة لقطر]

ماشالله تبارك الله


ماحنا محتاجين نقلق سمو الامير .. كل شي عندنا مو مقصر فينا .. تبارك الله ..

الله يحفظ بومشعل .. وعايلته الكريمة .. لقطر واهلها

[موضي قطر]

ماشالله تبارك الله


ماحنا محتاجين نقلق سمو الامير .. كل شي عندنا مو مقصر فينا .. تبارك الله ..

الله يحفظ بومشعل .. وعايلته الكريمة .. لقطر واهلها



يالغالية اعتقد أن مافيه واحد بيراسل الأمير عبث ترى احنا مانقلق سمو الأمير أنا متأكده أنه

يستانس اذا درى عنا وعن اللي يضايقنا أو ( يقهرنا) وبعدين هو (ولي أمر الجميع )

و ما أعتقد انج ماتدرين انه فيه أمور ما يحلها إلا الله سبحانه وسمو الأمير

الله يحفظه خاصة مع تسلط بعض المسؤلين وتعنت و ( رفع خشومهم على المواطن المسكين)

وين يروح يتظلم ؟؟ ولا يموت أحسن

شسالفه ؟؟؟؟؟؟؟؟؟؟؟:anger1:

[بوحارب]

الله يجزاك الخير يابومشعل وعسى عمرك طويييييل

[ممنوع اللمس]

انا راسلته من زمان علشان موضوع الوظيفه ولا حد رد علي وارسلت لهم رساله عن طريق موقع الديوان الاميري
والحمد لله الحين توظفت بس ما كان عن طريق الديوان الاميري نفسه...
وما يقصر سمو الامير وان شاء الله بيردون عليج

[موضي قطر]

الله يجزاك الخير يابومشعل وعسى عمرك طويييييل


آآآآآآآآآمين يارب العالمييييييييييين

[موضي قطر]

انا راسلته من زمان علشان موضوع الوظيفه ولا حد رد علي وارسلت لهم رساله عن طريق موقع الديوان الاميري
والحمد لله الحين توظفت بس ما كان عن طريق الديوان الاميري نفسه...
وما يقصر سمو الامير وان شاء الله بيردون عليج


شكراً ياخوي على المرور الطيب وفعلاً أبو مشعل مايقصر

وعسى عمره طوييييييل

[نعيمه علي]

السلام عليكم

كيف ممكن اعرف إيميل سموه ؟

مع الشكر

.

[موضي قطر]

أختي دشي موقع الديوان الأميري وأتبعي هالخطوات البسيطة وهي :-

1- أختاري اللغة العربية .
2- أختاري صفحة سمو الأمير .
3- أدخلي على بريد سموه .

ملاحظة :- لازم تتأكدين أن البيانات المطلوبة صحيحة مثل رقم البطاقة الشخصية
وأرقام الهواتف علشان يتواصلون مع المواطنين بشكل صحيح

والله الموفق


دش واتبع الخطوات المذكورة أعلاه

[نورالهدى]

الله يفرج همك

[موضي قطر]

الله يفرج همك


جزاك الله كل خير أختي

[Riku3]

ارسلت لاكثر من مشكلة فهالكم سنة بس ماجاني اي رد للاسف >_< ..

بس جربت من جديد اللحين وبإذن الله يكون خير :] .

الله يوفق الجميع لما فيه خير البلاد والعباد .

[موضي قطر]

ارسلت لاكثر من مشكلة فهالكم سنة بس ماجاني اي رد للاسف >_< ..

بس جربت من جديد اللحين وبإذن الله يكون خير :] .

الله يوفق الجميع لما فيه خير البلاد والعباد .


ان شاء الله خير ياخوي

[براتزية برازيلية]

الله يفرج عليج ان شاء الله

[سوق واقف]

أنا راسلت سمو الأمير الله يحفظة من كل شر بومشعل ما يقصر

وتم الرد علي خلال ثلاث أيام والحمد الله . من الديوان ... هذي الموضوع من سنة

وربي بومشعل ما يقصر الله يحفظه من كل شر يا رب

[النائب]

انا ارسلت كم إيميل ولا أحد رد على مواضيعي
اتمنى القائمين على إيميل سموه يردو على الإيميلات لأن عدم ردهم على إيملات المواطنين نوع من أنواع رفض المبدأ.

[موضي قطر]

الله يفرج عليج ان شاء الله

وعليج وعلى جميع المسلمين

[موضي قطر]

أنا راسلت سمو الأمير الله يحفظة من كل شر بومشعل ما يقصر

وتم الرد علي خلال ثلاث أيام والحمد الله . من الديوان ... هذي الموضوع من سنة

وربي بومشعل ما يقصر الله يحفظه من كل شر يا رب


الله يحفظه اذا عليه هو مايقصر بس المصيبة في (؟؟؟؟؟) :secret::secret:

[موضي قطر]

انا ارسلت كم إيميل ولا أحد رد على مواضيعي
اتمنى القائمين على إيميل سموه يردو على الإيميلات لأن عدم ردهم على إيملات المواطنين نوع من أنواع رفض المبدأ.


:nice::nice::nice:

[saranay1]

الملاحظ من خلال الردود
ان معظم اللي راسلوا الامير ما تم الرد عليهم
التقصير في القائمين والمسؤولين عم الايميلات
ليش ما يوصلون امور المواطنين للامير
عيل ايش شغلتهم
تسفيه الناس .. والعيشة على امل .....

[موضي قطر]

الملاحظ من خلال الردود
ان معظم اللي راسلوا الامير ما تم الرد عليهم
التقصير في القائمين والمسؤولين عم الايميلات
ليش ما يوصلون امور المواطنين للامير
عيل ايش شغلتهم
تسفيه الناس .. والعيشة على امل .....


لأنهم مفكرين أن ذمتهم ماهو بلاحقها شي من صوبنا

بس لا ينسون ان الله موجود والأمير وضعهم لخدمة

الناس والله مايضيع حق أحد

[عبدالرحمن]

اللي يمكنهم الدخول شخصيا على الامير ( الله يعطيه الصحة والعافية )
ليش ما ينقلون له مشاكل وراي العامة من القطرييين
مثلا
_ تقلص راتب التقاعد الى اكثر من النصف
_ بناء مستشفى للقطريين فقط .. ساروا الاجانب يتعالجون في حمد والخاص ابلاش وحنا القطريين ما عندنا تامين صحي من الحكومة .
نبي مستشفى خاص لنا .. واباحسن الدكاترة .
_ الاجانب فوقنا في اكثير من الوظائف .. ورواتبهم اضعاف القطريين .
_ الباكر والاسعار الدبل المفروضة علينا من القطرية للطيران ..
_ صرف ميزانية اكبر لبناء الجسور ولانفاق والاهتمام بالشوارع الداخلية .

هذه بعض الامور اللي تخطر ببالي واتمنى حد يوصلها للأمير
وما اعتقد في اثنين قطريين يختلفون عليها .

شكرا لكم وجزاكم الله خيرا

العلوم وكل هلاخبار عنده ليش في ظنج مايدري؟؟؟؟

[ام شادن]

ممكن ترسلين لي ايميل الامير ضرور ي

[ســـهم]

هذا بريد سمو الامير

http://www.diwan.gov.qa/arabic/the_amir/the_amir_email.asp


انا راسلته اهنيه بقدوم شهر رمضان فقط

[ماهر حسن]

الموضوع اخبره عن المراسلة لمكتب سمو الامير ...حفظه الله

مب عن شي ثاني.....اللي له استفسار يتفضل ....واللي ماعنده عن الحجي الفاضي

[غانم 81]

هذا بريد سمو الامير

http://www.diwan.gov.qa/arabic/the_amir/the_amir_email.asp


انا راسلته اهنيه بقدوم شهر رمضان فقط

بيض الله وجهك ياسهم وماقصرت
لنه في ناس وايد تبي الاميل ومب عارفه اشلون توصله:victory:

[(حوريه)]

طيب شنو البريد قولوا لنا

[ضوى]

ياخواني ادخلوا على موقع الديوان الاميري وبتلقون البريد الالكتروني للامير وولي العهد ورئيس مجلس الوزرا بعد على هذا الرابط

http://www.diwan.gov.qa/arabic/the_amir/default.htm