المساعد الشخصي الرقمي

مشاهدة النسخة كاملة : فضايح ستار اكاديمي


ريتال
03-10-2009, 01:18 AM
السلام عليكم ورحمه الله وبركاته

قبل قليل كنت اتابع برنامج على قناة سكوب

البرنامج استضاف المتسابق الكويتي خالد اللي شارك في ستار اكاديمي النسخة السادسة وكذلك المتسابقة الكويتيه

المتسابقين بالاضافة الى السعودي عبدالله الدوسري وبدر تكلموا بكل صراحة عن ما يجري في الاكاديمية

قالوا انهم يجبرونهم انهم ياخذون ابره قبل كل برايم وهم ما يعرفون شنو نوع هالابرة

وقالوا انهم تعرضوا للاهانة ولمعاملة سيئة من مديرة الاكاديمية

وانها تطلع على الهواء بانها محبة لهم وتحت الهوا تهينهم وتسبهم

كانوا يجبرون على النزول لحمام السباحة

وقال المتسابق الكويتي انه قبل ما يدخل البرنامج سألوه عن علاقاته مع البنات

المتسابق السعودي كشف عن حقيقة انسحابة من البرنامج وان الاسباب اللي انقالت في الرسالة غير حقيقية

قال انه تعرض للحبس في حمام الاكاديمية ( تكرمون ) من ادارة البرنامج !!

كما تعرض للضرب واهانة بلده من المتسابق الاردني ولم تتدخل الادارة !!

قالوا ان الجمهور في الحفلة مدفوع لهم

وان البرنامج غير مباشر وان في اشياء تطلع في البرنامج مفبركة والتصويت مفبرك

وان اهل المتسابقين ومعجبينهم يرسلون لهم هدايا وتعطى هذه الهدايا لمتسابقين غيرهم او تسرق !!

وحذروا شباب وبنات الخليج من المشاركة في البرنامج

البرنامج بينعاد بكرة

والاسبوع القادم بيستضيفون المتسابق السعودي عبدالله الدوسري في الاستيديو للكشف عن المزيد من الفضايح
بوحنان
03-10-2009, 01:21 AM
يستاهلون الي جاهم
مناحي السادس عشر
03-10-2009, 01:22 AM
اصلا يا كبرياء الم كل من راح واشترك في هالبرنامج يعتبر انسان سفيــــــــــــــــه
فلا عتب عليهم ويستاهلون كل ماصار لهم
ريتال
03-10-2009, 01:29 AM
بو حنان , مناحي

اكيد انهم غلطانين لما شاركوا واهلهم ينلامون اكثر منهم

لكن للاسف البرنامج يطلع بالنسبة للمراهقين خاصة انه برنامج مثالي

فلما تطلع فضايحهم يمكن يكون رادع للبعض اللي يفكرون يشاركون
الطيبة كلها
03-10-2009, 02:41 AM
اللي قهرني والله يقهرهم المتسابقه البحرينيه قليله الحياء بلبسها وابوها البليد كان يشجعها اسود الويه ويقول لها لا تنسحبين

والثانيه البويه الكويتيه نوره اللي امها تشجعها لاحياء ولا مستحى كان المفروض حكوماتهم يؤدبونهم هذي سمعه الخليجيه
للاسف المدينات والعاقلات محد يذكرهم والصايعات هم اللي ينذكرون باسم نساء الخليج
A l i
03-10-2009, 03:42 AM
يعطيج العافيه

الساعه كم ينعرض البرنامج
ثرية
03-10-2009, 03:52 AM
خاطري اشوف البرنامج اوف الحلقه كانت مسكته عيل ايه انا ملاحظه ان البرنامج ايميل حق الجنسيات العربيه اكثررر والخليجين يلعنون والدا والديهم
السنافية
03-10-2009, 04:08 AM
تابعت البرنامج المعني000
ماهو المتوقع من برامج غربيه معلبه تاخذها القنوات العربية لتبث سمومها على العرب
برنامج يدعو للانحلال والاسفاف
ويقومون عليه اناس بلا اخلاق ولا غيريه على الدين
واكثر المتأثرين فيه للأسف الشديد المراهقين والمراهقات
عفانا الله،،،
البارح
03-10-2009, 11:49 AM
اصلا يا كبرياء الم كل من راح واشترك في هالبرنامج يعتبر انسان سفيــــــــــــــــه
فلا عتب عليهم ويستاهلون كل ماصار لهم



:victory::victory::victory:
بنت^البحرين1
03-10-2009, 11:57 AM
يستاهلون ماجاهم

احنا اذا بنتكلم .. خل نتكلم على أولياء الأمور،، قولوا ذيلن مراهقين وماعليهم عتب، الاباء والامهات وينهم؟؟ والا نفس ماقالت اختي الطيبة كلها، البحرينية اللي حطوها فضحتنا وفشلتنا الله يفضحها والا ابوها هاللي مايستحي على دمه بنته عرضه لابسه لي فوق الركبة وواقفة تغني؟؟ شنو هالابو ؟ شهالعايلة التعبانة ذي؟
ونقول نبي مطر ونبي الخير.. اي خير يينا الا غضب من رب العالمين علينا من فعايلهم

شوفوا على كل ذي، لازم في ناس بتأيد البرنامج صدقوني، شوفوا كثر مايسوون في الخليجيين وبعد بيروحون لهم، في ناس تحب تنهان
رمــش الغلا
03-10-2009, 01:14 PM
يستاهلون
والله يستر على بناتنا وشبابنا ويحفظهم يارب
abn qatar
03-10-2009, 01:45 PM
مشكله لو فايز كان مدح في البرنامج ومجد في مديره الاكاديميه
بومحمد911
03-10-2009, 01:49 PM
الحمدلله اني ما اتابع مثل هل البرامج

هؤلاء اعوان ابليس ايش تتوقعين منهم

اللهم اهدي شباب وبنات المسلمين
C'est La Vie
03-10-2009, 02:28 PM
الحين فضائحهم 2:28 طاحو من عيني كنت أتابعهم حسافة
ريماس الغلا
03-10-2009, 02:31 PM
الحمد لله ما اتابع لا انا ولا عيالي هذه القنوات
شيزكيك
03-10-2009, 04:35 PM
الي يشترك معاهم يستاهل الي يصير له
ساراام
03-10-2009, 07:36 PM
محد ضربهم على ايدهم

ويستاااهلون هم اللى رضوها على روحهم
ريتال
03-10-2009, 11:45 PM
اللي قهرني والله يقهرهم المتسابقه البحرينيه قليله الحياء بلبسها وابوها البليد كان يشجعها اسود الويه ويقول لها لا تنسحبين

والثانيه البويه الكويتيه نوره اللي امها تشجعها لاحياء ولا مستحى كان المفروض حكوماتهم يؤدبونهم هذي سمعه الخليجيه
للاسف المدينات والعاقلات محد يذكرهم والصايعات هم اللي ينذكرون باسم نساء الخليج

الله يهديهم

المفروض الحكومات الخليجية تمنع مشاركة ابانئها ما اعرف ليش ساكتين


خاطري اشوف البرنامج اوف الحلقه كانت مسكته عيل ايه انا ملاحظه ان البرنامج ايميل حق الجنسيات العربيه اكثررر والخليجين يلعنون والدا والديهم

اليوم عادوا حلقة البرنامج الظهر

والاسبوع الجاي في استكمل لنفس الموضوع
ريتال
03-10-2009, 11:46 PM
يعطيج العافيه

الساعه كم ينعرض البرنامج

انا اول مرة اتابع البرنامج

اسمه سهرة اسكوبية ما شفته من الدباية يمكن يبدا 10 او 11 ما ادري
جلمود
03-10-2009, 11:53 PM
اللبنانين بيجيبون شي في خير

يعلهم النفاذ

ونتي بعد وش حادك اتابعينهم
ريتال
04-10-2009, 12:16 AM
اللبنانين بيجيبون شي في خير

يعلهم النفاذ

ونتي بعد وش حادك اتابعينهم


:omg: انا ما اتابع ستار اكاديمي وحاذفه القناة من الرسيفر عندي

انا اتكلم عن فضايحهم

عشان اللي يبون يشاركون او حتى اللي يصوتون يعرفون شنو هالبرنامج القذر

شاكرة لك ردك اخوي
بن رومي
04-10-2009, 12:22 AM
يستاااااااااااهلووووووووووووووووووووون

سفاهه

في

تفاهه

في

وقااااااااااااااااااااااحه








بن رومي
الهـواوي
04-10-2009, 12:29 AM
ههههههههههههههههههههههههههههههههههههههه

والله متخلف اللي يشارك واللي يشوف هالبرنااامج

وقسم برب الكعبه ان هالبرناااامج سخيف واسخف منه ماعينت
ذيب زكريت
04-10-2009, 02:16 AM
طيب وش اللي حادهم -- يستاهلون
بوعلي 78
04-10-2009, 02:42 AM
برنامج وقح ومايعلم غير الانحلال والانحطاط الاخلاقي
انا ماادعي المثاليه لكن هذا البرنامج زودها مع الاسف في شريحه كبيره من الناس تتابعه بشغف
واولهم ناس عزيزين علي وايد، ومب عارف اشلون امنعهم لأن اهلهم مب قاعدين يمنعونهم ويتابعون معاهم هال برنامج المنحط
pure
04-10-2009, 07:31 AM
حساااااافه ما عندي قناة سكوب :(

البرنامج صاير سخيف

صج قبل كنت اتابعه :secret:

بس احين صايرين اوفر قلة حيا وسخافه

وساعات احس يبين التصنع

بس ماتخيليت يطقونهم ويغزونهم ابر !!!!!!!!
ضوى
04-10-2009, 07:43 AM
امحق برنامج وامحق اعتراف

واذا بليتم فاستتروا وهذولا يفضحون نفسهم الحمد لله والشكر لله
شبح الصمت
04-10-2009, 08:07 AM
اشدعووه جالسين في عسكريه ويعلهم يحترقون