المساعد الشخصي الرقمي

مشاهدة النسخة كاملة : سعر سهم ناقلات 70 ريال ..... نعم 70 ريال



sulai6i
12-02-2005, 07:45 PM
السلام عليكم

اولا احب أن اهنئكم على هذا المنتدى والذي نحن بحاجه ماسه له


ادخل في الموضوع مباشره


كما يقال علينا بأننا ( صغار المستثمرين ) .. لماذا لا تكون لنا كلمة ... نعم كلمة في السوق وننفذها

لدي فكرة .. اتمنى ان لا تخيب وهو ان نتحكم في سعر سهم ناقلات قبل طرحه
كما هو متعارف بأن سعر السهم لأي شركه يكون بناءا على (( العرض والطلب ))
فلو اتحدنا على أن لا نبيع اسهمنا بمبلغ أقل من 70 ريال .. فلن يكون هناك عرض
بل سيكون هناك طلب .. والمستثمرين ( الهوامير ) القطريين يريدون أخذ كل ما هو معروض قبل
أن يأخذه الأجانب ..

محور الحديث هو ((( كيف نتحكم في السعر من الآن )))

نقوم بعمل حملة دعائية او اعلانية او سموها بأي اسم تكون من خلال المسجات
وكلكم تعلمون بأن مسج واحد ينتشر في قطر كلها في غضون سويعات

ونضيف للمسجات .. المنتديات القطرية


نقوم بصياغة مسجات .. وننشرها

مثال :
1)
سهم ناقلات :
إن عرضت سهمك بأقل من 70 ريال فأنت الخسران
انشر

2)
سهم ناقلات :
نحن من يتحكم في السعر
لن نقبل بأقل من 70 ريال للسهم
انشر

3)
سهم ناقلات :
اذا قل العرض .. زاد الطلب
اعرض سهمك بـ 70 ريال
انت الربحان
انشر


وهكذا ......

انا لست مبدعا في صياغة مثل هذه المسجات
ولكن قد يكون غيري مبدعا فيصيغ مسجات يكون لها وقع وتأثير على جميع المكتتبين



لا تقولوا بأنه مستحيل ...... فالمستحيلات نعرفها



فقط مجرد فكره وسوف اقوم بتنفيذها حتى لو لم يشاركني احدا فيها
ولكن بما ان سهم ناقلات يهم الجميع احببت أن يشاركني الجميع



ما رأيكم ؟؟؟؟





نبدأ العمل ؟؟




على بركة الله

قناص قطر
12-02-2005, 07:59 PM
هلا وغلا اخوي

احب في كلامك الطموح واللي فيه نوع من الثقه بسعر السهم

اعتقد سعر 70 ريال على شركه ناقلات الغاز كبيرة اخوي اشوي

اعتقد وضعها نفس وضع وقود بين 35 الى 45 ريال

انت شوف سهم وقود توه متحرك من الاربعينات والخمسينات

والان وبعد طوووول انتظار وصل سعر السهم الى 77 ريال

خلك واقعي اخوي افضل من بناء احلام على شركات من المفترض ان تكون قويه

هذا والعلم عند الله

sulai6i
12-02-2005, 08:00 PM
طيب اخوي ممكن تقول لي اذا ما كان في عرض بسعر 35 او 40
ايش راح يكون ؟؟

اكيد راح يزيد سعر الطلب

وليش ما انجرب ؟؟


لو جربنا بنخسر شي ؟؟

قناص قطر
12-02-2005, 08:06 PM
بتجرب بروحك مشكله

هناك هوامير وتحتها 10000 خط

التجربه بالسوق صعبه

لان هناك عرض وطلب

اذا انت او 10 او 20 الى 100 الف شخص

الباقي وين ؟ اكيد بيكون هناك عرض

ولاتنسى ان اغلب الناس او ممكن تقول بعض الناس

اخذ سلفه اي تمويل من البنك للاكتتاب بهذه الاسهم

فمثلا بنك قطر الوطني يجبر المكتتب بسداد المبلغ قبل 30/6

وغير من البنوك

كيف تبي الناس تغامر وتجمد الاسهم

عني انا والله لو تم تخصيص جميع اللي اكتتبت فيه

راح اشتري اي كمية من السوق وقبل التداول وبسعر 30 ريال

واللي يبي ايبيع انا حاضر

يعطيك العافيه

sulai6i
12-02-2005, 08:11 PM
اما سالفة اللي ماخذين قروض .. صدقت .. هم اول ناس بيبيعون وبأي سعر

عموما هي مجرد فكره

وانا انشالله بفبرك لي كم مسج وبنشرهم

والله كريم

ومشكور اخوي على تواجدك

رحال
13-02-2005, 01:04 AM
أ خوي اذا أ ردت أ ن تطاع فأمر بالمستطاع

والمثل يقول : لا تنام بين القبور ولا تحلم بالقصور
ترى خير الا مور أوسطها و من 30 الى 40 واذا كثرت 50
وليش لا الله يسمع منك كل شي جايز هل الا يام ؟

قطري
13-02-2005, 02:10 AM
لاتنسى ان عدد الاسهم 280 مليون سهم
وصعب انا نقدر نتحكم فيها :o
كلام الاخوان منطقي جداً
شكراً لك على المشاركة

sulai6i
13-02-2005, 08:25 AM
والله شقول لكم :confused:

كسرتوا مياديفي :D


عموما هي كانت مجرد فكره ليس الا

ومشكورين على التجاوب

سوبر سهم
13-02-2005, 11:25 AM
واحد في حاله

انا بعرض ب 80 مب ب70 بعد

تدري لان الاجانب بيكونون اول من يشترون
وكل واحد فيهم ايخاف غيره ايخلص عنه نسبة ال 25% من الشركة

خصوصا انها شركة غاز دولة

ولاتقارنونها بوقود قديما حتى وقود ارتفعت وراح ترتفع

لانه هذي شركات قوية لو كانت بتنطرح لاهل قطر بس كان قلنا سعرها بين 35-50

لكن الحين لا تغير الوضع

:)

وسلام عليكم

sulai6i
13-02-2005, 06:39 PM
اي والله يا سوبر سهم .. تغير الوضع الحين

تسلم على الطلة

الجرناس
13-02-2005, 07:05 PM
الأخوه جميعاً ارجو ان يتسع صدركم لملاحظتي وهي :
هذا طبعنا يأهل قطر عمرنا ماتحدنا ولا تكاتفنا ولاتوافقنا حتي في ابسط الامور
الرآي الي طرحه الأخ / واحد في حاله مهب مستحيل وممكن وسهل لكن المشكله الى واجهته انه اطرحه على ناس حاطه في فكرها انها تشتر ي اكبر كميه بأقل سعر والدليل في رد الأخ / قناص قطر
انا مع قناص قطر في اني لو أحصل اي كميه بأقل سعر سوف اشتري لأني على يقين انه راح يتجاوز ال70 ريال
لكن هذا ماراح يجعلني اناني واشكك في السعر وخلي الفقراء الي متسلفين يبيعون السهم بأقل من حقه
الأخ / واحد في حاله نفذ فكرتك وصدقني بتنجح وانا راح ابتدي بها من اليوم مع ان هذا يخالف تخطيطي في شراء اكبر كميه بأقل سعر لكن من حيث المبداء ( حب لأخيك ماتحبه لنفسك )
اسف على الإطاله :cool:

sulai6i
13-02-2005, 07:20 PM
الجرناس ... مشكور اخوي على الكلام اللي يبرد القلب

انا نفذت الفكره من امس وطرشت مسجاتي

يقول المثل ( ربعٍ تعاونوا ما ذلوا )


وعساك على القوة

Chambray
14-02-2005, 08:25 AM
الله كريم أن شاء الله والله يسوي الي فيه الخير أن شاء الله
وجزاكم الله خير

Spread Trader
15-02-2005, 01:22 AM
فمثلا بنك قطر الوطني يجبر المكتتب بسداد المبلغ قبل 30/6

قناص قطر ,ممكن تشرحني المقصود ? هل صحيح ان البنك يجبرك اتسدد بتاريخ محدد . افيدنا بهالخصوص.

قناص قطر
15-02-2005, 10:02 AM
نعم اخوي بالنسبة للاخوان اللي خذوا سلفيات

لان البنك عنده نوعين من القرض

اول قرض 42 هذا الشهري العادي

اما بخصوص قرض 18 هذا القرض يسدد بالكامل قبل 30 /6 / 2005


والله الموفق

رحال
16-02-2005, 12:56 AM
لا يسمعونه الهوامير بنتحد عليهم وتنقلب الآ ية ويود السوق ( اسهال ) 7 أيام لمت داون
خلونه على حملنه اللي فرخو ا وفضوها سيرة !

هداف
16-02-2005, 01:54 AM
كلام معقول وتوقعاتك صحيحه ولا غبار عليها ابدا ولكن
ولكن

التنفيذ صعب الكل يقول يالله نفسي


وانا عن نفسي بعد الاكتتاب سوف اقاتل في شراء ما لايقل عن 15000 سهم في ناقلات

وسعر الشراء المناسب لي 30 ريال

والى الجميع ولكل مستعجل في البيع اذا انطرح السهم في السوق بقيمة 25 انا سوف اشتريه بــ
30 ريال

وينكم يا البياعين راسلوني على الخاص

ابوعلي اليافعي
16-02-2005, 02:59 PM
ابشر يا واحد في حاله السهم انشالله بينطرح فالسوق باكثر من سبعين اريال والاسعار السابقه كانت فالماضي الحين السوق والاسعار تغيرت يعني من يعتقد ان سهم التحويليه او الطبيه او التخصصي الي لحين ماشتغل بيكون اغلى من الغاز .......ز السبعين مليون سهم المخصصه للاجانب راح تقفز بسعر السهم فوق فوق فوق....

الغشمري
17-02-2005, 06:15 PM
السلام عليكم الفكرة ممتاازة جداً يا اخوي واحد في حاله

اليوم كنت اسمع من واحد من الربع بانة هناك فعلا من يشتري سعر 1000 سهم بـ 70 ريال لسهم الواحد

مستثمر طموح
17-02-2005, 07:17 PM
ياليت الغشمري يكون صج لو صج السالفة محد بنام في قطر :p لين 15 /4 المفروض يكون سعرة فوق 70 لانة هذي سمعة شركة تصدر للعالم الغاز وراس مالة بالمليارات

بوحظين
22-02-2005, 07:05 PM
من الغريب أن يكون سعر سهم الغاز 70!! ما في أرباح و شركة لسا على ورق .
و إذا افترضنا جدلاً إن كل المكتتبين في غاز باعوا بهذا السعر "أنسان خيالي" التحويلية وين بتكون مثلاً ؟؟؟ شركة اتوزع أرباح و شغاله.

qatar_moon
23-02-2005, 02:09 AM
صج في حد يشتري ال 1000 سهم بسبعين ؟؟؟؟؟

خبير أقتصادي
23-02-2005, 02:15 AM
ما أدري يا ابو حضين كيف تفسر أرتفاع سهم المواشي و هية على الورق مع العلم أنها شركة راس مالها ما يتعدى المئة و ثمانين مليون فما بالك بشركة بحجم 5.6 مليار و بتتوسع الى الضعف بعد سنتين , و الأرباح بتكون من الناقلات المؤجرة و المملوكة بعد و قبل التأسيس.

أما سعر سهم الناقلات الطبيعي عند التداول بيكون 100 ريال للسهم الواحد و بيرتفع الى 150 بعد 3 أشهر من التداول, وأتمنى عدم الأستعجال و البيع ب 70 ريال قبل نزولها في البورصة وهم المستفيدين.

بوفهد
23-02-2005, 08:42 AM
يا شباب فكرو إشوي بواقعية ولا تقللون من الوضع الحالي إللي إحنا فيه هالأيام:
1- البورصة شابه نار وأسعارها ما راح تتراجع.
2-اخواننا في دول مجلس التعاون يحاولون يشترون الأسهم ب 50 ريال قبل التداول.
3-دخول غير القطريين بنسبة 25% ليس بالشيء القليل.
4-المتوقع إن أقل سعر للسهم بالبورصة إلى تاريخ 3-4-2005 هو 40 ريال.
5-سهم الناقلات قوي جدا والكل يجمع على الشراء بأي سعر في أول أيام التداول.

عشان جذيه أنا أقول إن سعر 70 معقول جدا و توقعاتي إن أول يوم للتداول في ناقلات راح يكون بسعر 50 ريال.


ودمتم سالمين

Hamooor
23-02-2005, 05:34 PM
يا اخوان مو كل المشترين مضاربين. ولو عندك 10 ملايين عيزان اتاجر فيهم صدقني كنت بتشتري الاسهم ذي بأكثر من سبعين اذا بيجيبولك بعد خلنا انقول 4 سنوات 35 مليون بافتراض اكتمال المشاريع ووصول السهم ل 250 ريال بس. ربح مضمون

الهامووور

مساهم صغير
23-02-2005, 07:00 PM
ياخي ليش ما نحاول

مب خسرانين شي والله

تحياتي

prettywoman
23-02-2005, 08:05 PM
كلنا معاك يا واحد في حالة ولا تسمع من اللي مصالحهم في الربح على حساب غيرهم....انا راح اطرش مسجات واساعد....والسعر 80 ريال .....وانا اشتغل في موسسة الاجانب على القلب علل ...وماتدري ...راح يموتون ويشترون سهم....

الشقيان
23-02-2005, 09:21 PM
انا غيرت رايي وببيع 100 يا القناص شكلك تبي اتكسر السوق

كلام اخوووووووووووووووووي واحد في حاله صحيح

(((يا القناص )))

أبو محمد
23-02-2005, 10:20 PM
انا متفائل أن سعر السهم بيوصل 99

;)

سموالأخلاق
24-02-2005, 01:53 AM
السلام عليكم ورحمة الله وبركاته

هلا اخوي \ واحد في حاله

لا يا شيخ هذي الطريقه ما اعتقد انها تجوز

خل كل شي على طبيعته وان شاءالله رح يزيد عن ال 70 ريال بإذن الله
وماله داعي الاتفاق على واستغلال ان الهوامير بياخذونه بأي سعر قبل الاجانب ما ياخذون...
لأن نسبة الاجانب اصلا محدده على ما اعتقد يعني.... نصيبهم موجود...
لكن الهوامير كل واحد بياخذ قبل الثاني ما ياخذ قبله... لأن عارف مهما السعر اللي بينزل فيه..لو اخذه هو المستفيد عاجلا ام آجلا

لكن بإذن الله بدون تخطيط ولا اتفاق على الهوامير....
رح يكون السعر مرضي للجميع...

واحنا حاليا بالسوق لو الهوامير... او مب لو.... هذا اللي يصير احيانا....
يعني لما يتفقون وينزلون او يرفعون واحنا المساكين يتضررون....ويخسرون..
نتكلم وما نرضى على اللي يصير... من طلوع وهبوط مفاجيء بدون سبب....

فـ
توكل على الله ولا تخسر مسجات ولا شي.... ان شاءالله رح يكون 70 بدون اتفاق بينا على غيرنا
اذا بتنصح مافي مشكله تكون مجرد نصيحه الافضضل محد يبيع ...لكن يكون اتفاق و الخ.. ما اعتقد انه يجوز
الله يحفظك و


وبالتوفيق ان شاءالله


سلام
نـواف
السلام عليكم ورحمة الله وبركاته

انا برايي قبل كل شي.....تحط في بالك الشركات اللي عقودها اسلاميه واللي ما فيها ((ربا))
يعني (الاسلاميه..الدولي - المصرف - الخ و العقاريه والمطاحن والمواشي والمخازن ))
باقي الشركات فيها نسبة ربا ..وبعض المشايخ اجازوا اخراج النسبه..!! لكن برايي ابعد عن اللي فيه شبهه
الحلال بين والحرام بين ...وبينهما امور مشتبهات فمن اتقى الشبهات فقد استبرأ لدينه وعرضه..الخ الحديث..
عموما في ناس كثير حتى نسبة الحرام ..نسبة الربا لا يعرفونها ولا يطلعونها....
ودرهم ((ربا)) اشد عند الله من 36 زنيه ... وهي كمن أتى ((زنى))بأمه..والعياذ بالله...

فـ الكل ينتبه لهالشي قبل التفكير بالربح والمكسب.. يفكر بالحلال والحرام ويحسبها.....
صح في من اجازوا هذه الشركات مع اخراج نسبة الربا...... وهناك من يقول !! درهم الربا دخل في المال..!! فكيف ستخرجه وقد اختلط بالمال... يعني كيف بتعرف وين هذا الدرهم الحرام عشان تطلعه من ربحك اللي فيه نسبة الربا......
عموما... اللي بيمشي على النسبه... لازم يطلعها...واللي ما بيتعامل الا مع الشركات اللي مافيها ربا واسلاميه وبعقود اسلاميه ميه بالميه...جزاك الله خير....... انه اتقى الشبهات.....

فـ أهم شي لا احد ينسى قوله تعالى ((فأذنوا بحرب من الله ورسوله))
لمن ياخذويأكل ويتعامل بالربا

عموما لحد ينسى اخراج هذه النسب..نسبة الحرام والربا من ربحه....وهذا اذا تعامل مع الشركات التي بها شك وفيها ربا.

عموما انا رح اذكر نسبة بعض الشركات اللتي تتعامل بالربا...بذكر في بالي حاليا...

الصناعات : 2%
السلام : 5و.% نصف بالميه
العقاريه : لاشي...اسلاميه
مواشي : لاشي ( لا توجد نسبه )
مخازن : لاشي (اسلاميه .لا توجد نسبه
البنوك الاسلاميه والتأمين الاسلاميه : لا شي
السينما : لا يجوز..حرام
الاجاره : لا شي (لا توجد نسبه ) حلال 100%
الوقود : 7.7 %
كهرماء : 4.2 % 4فاصله و 2 بالمائه
الاسمنت :1.5% واحد ونصف بالمائه
--------------------------------------------------
ونرجع لموضوعنا... نسبة الربا...نسبة الربا...نسبة الربا ....نسبة الربا......نسبة الربا....

درهم ربا أشد عند الله من 36 زنيه.... ولا أعني بأن الزنا شي بسيط ..... كلهم من الكبائر وبالعكس الربا أشد من الزنا.....
لأن الربا.... رح تعيش وتاكل وتكثر فلوسك بالحرام وتاكل حرام وتاكل ببطنك الحرام وتأكل عيالك وأهلك حرام الى طول العمر......
((كل جسم نبت من سحت ((من حرام)) فالنار اولى به....

وكذلك حديث بما معناه.....((الاشعث الاغبر... يمد يده الى السماء ((يدعي)) يارب يارب...
ومأكله من حرام ومشربه من حرام وغذي بالحرام !...!! فأنى يستجاب له...!!


و بالتوفيق ان شاءالله للجميع

والحرام والحلال قبل كل شي عشان الله يوفق الجميع

, و اللهم انا نسألك الهدى والتقى والعفاف والغنى

وتحياااتي
ســلام
نـواف

http://nawafqatar.tripod.com/

بيـــزات
24-02-2005, 02:46 AM
مشكور على الفكره اخوي واحد في حاله

يا جماعة.... انا شراي... شراي.. ولاني ابايع

اقل من الـــ 70
والله الموفق

Euro
24-02-2005, 08:09 AM
انا اضم صوتي للاخ نواف ...
كلامك منطقي وربعنا تفكيرهم ماادري شلون ... انا ابي اعرف شغله وحده الهوامير هل امنعوهم من الاكتتاب ؟
الهوامير ذيلن ماعندهم عيال اخوان مايقدرون مثلا انهم يشترون بطايق الناس ؟؟

وكم واحد راح يشارك في هالسالفه 1000 نفر صدقني نصهم راح يبيعون لا وصل 50 وينكب العالم ...
المشكله مافي امان والسوق تجاره وشطاره انا بجي وبقولك انا وياكم وعقب بنكبكم وببيع وغيري بيفكر مثلي ...

وشغله ثانيه اذا السهم بيروح فهو رايح بسبة الطلب يعني اذا زاد الطلب عليه راح يرتفع مب لان فلان ماباع وفلتان يبغي سعر اعلى اشوى

يعني بالحسبه 1000 نفر * 2500 سهم = 2500000 هل تعتقدون ان مليونين و500 الف اتسوي المعجزات في السوق هذي اذا ماراحت من اول ربع ساعه لا وبسعر واحد ..

لا تفكرون بهالطريقه ولا تحطون لكم سعر جايز السهم يرتفع عشان محد ينقز باجر ويقول هااا ماقلنا لكم ... لا مب انتوا اللي اتحددون العرض والطلب راح يحدد كل شى ولا تنسون ان مب اقل من 100 الف مساهم في الغاز ..

الف تحيه لك ياواحد و تسلم على هالفكره

ملك الناقلات
26-02-2005, 09:04 PM
يجب ان نتفق جميعنا ان لا نبيع بأقل من 70
والله الموفق[u]