جو العمل .. غيره حسد غيبه ونميمه ..

[شمعة الدوحه]

السلام عليكم ورحمة الله وبركاته

موضوعي اليوم نتاج تجربه عشتها في عملي واللي هي اول وظيفه لي

فشي طبيعي انصدم بأشياء وااايد كأول وظيفه لي وانطعن من ناس وايد

خاصه اذا كان الواحد على نياته .. وعنده ان الناس كلهم مثله

اول موقف تعرضت له كان من 5 شهور تقريبا ان وصلني كلام من برى انه فيه بنات متكلمين علي وماخلوا شي ماقالوه عني مع اني كنت في حالي ومااختلط في احد ولا لي عداوه معاهم
الشي الثاني اني انكرف واقوم بالشغل كله ومسؤولتي ماعليها الا توقع عالطلبات بس وفي الاخير اسمع انها قالت عني اني مااشتغل ..مع انه من شكلها اللي يشوفها يقول طيبه وحليوه
بس ماتوقعت انها تكون من وراي شي ثاني .. بس مواقف مرت علي اثبتت لي هالشي ويوم تأكدت من شكي وتكلمت مع وحده بهالموضوع وصارحتها قالت لي اي فعلا هي كذا وكذا وكذا بس ماقدرت اقولج قلت يمكن انتي رفيجتها وبتعلمين ..ومرده الظالم ينكشف على حقيقته

يعني الموقف الاول بقولكم ماتعلمت منه كثر ماتعلمت من الموقف الثاني

بس بعد مااحد فيهم همني يتكلمون من اليوم لين بكره ..

لانه لاترمى سوى الشجره المثمره :victory:

انا عرضت تجاربي اللي تعرضت لها بالدوام .. لانه حبيت نتناقش بهالموضوع ..

ليش الحقد والغيره والنميمه موجوده بجو العمل ؟؟

ليش كل واحد يحب يبين انه الافضل على حساب غيره ؟

ليش اساءة الظن بالناس ؟

صفات سيئه موجوده للاسف .. وللاسف الشديد بعد تحديدا وبكثره بين النساء ..


ياريت يكون النقاش هادف :nice:

:: تحياتي لكم ::

[طلعة الروح]

صح كلامج اختي العمل وجو العمل دايما يكون ملوث بهالنوعيه من البشر وأي مكان بتروحين له بتحصلين هالاشكال موجوده مع اختلاف الاصناف و الدرجات والغايات والنوايا وبالتالي مالج الا انج تنجزين شغلج وتصبرين على كيد الحسود ويكون شعارج بالعمل طنش تعش تنتعش وقد ماتقدرين تتجنبين سوالفهم القرعه لانه من تابع الناس مات هماً وبنفس الوقت تكونين رسميه وتحطين حدود مع الكل بحيث مايتجاوزونها لانه في النهايه هذا مكان عمل مش بيت ولا صالون عشان ناخذ راحتنا فيه وبالنسبة حق الكلام والنميمه هذي موجوده بكل مكان وبتتعبين والله لو بتفكرين فيهم..

وتقبلي مروري..

[شاهة]

السلام عليكم ورحمة الله وبركاته

موضوعي اليوم نتاج تجربه عشتها في عملي واللي هي اول وظيفه لي

فشي طبيعي انصدم بأشياء وااايد كأول وظيفه لي وانطعن من ناس وايد

خاصه اذا كان الواحد على نياته .. وعنده ان الناس كلهم مثله

اول موقف تعرضت له كان من 5 شهور تقريبا ان وصلني كلام من برى انه فيه بنات متكلمين علي وماخلوا شي ماقالوه عني مع اني كنت في حالي ومااختلط في احد ولا لي عداوه معاهم
الشي الثاني اني انكرف واقوم بالشغل كله ومسؤولتي ماعليها الا توقع عالطلبات بس وفي الاخير اسمع انها قالت عني اني مااشتغل ..مع انه من شكلها اللي يشوفها يقول طيبه وحليوه
بس ماتوقعت انها تكون من وراي شي ثاني .. بس مواقف مرت علي اثبتت لي هالشي ويوم تأكدت من شكي وتكلمت مع وحده بهالموضوع وصارحتها قالت لي اي فعلا هي كذا وكذا وكذا بس ماقدرت اقولج قلت يمكن انتي رفيجتها وبتعلمين ..ومرده الظالم ينكشف على حقيقته

يعني الموقف الاول بقولكم ماتعلمت منه كثر ماتعلمت من الموقف الثاني

بس بعد مااحد فيهم همني يتكلمون من اليوم لين بكره ..

لانه لاترمى سوى الشجره المثمره :victory:

انا عرضت تجاربي اللي تعرضت لها بالدوام .. لانه حبيت نتناقش بهالموضوع ..

ليش الحقد والغيره والنميمه موجوده بجو العمل ؟؟

ليش كل واحد يحب يبين انه الافضل على حساب غيره ؟

ليش اساءة الظن بالناس ؟

صفات سيئه موجوده للاسف .. وللاسف الشديد بعد تحديدا وبكثره بين النساء ..


ياريت يكون النقاش هادف :nice:

:: تحياتي لكم ::

موضوع جيد للمشاركة أختي
في كل مكان تحصلين هالشيء اختي ، الحسد الغيرة الحقد وبخاصة مثل ماتفضلتي الأجواء النسائية

[غير البشر]

الله يعينج اختي شمعه اي والله زمان هذا الشي صاير للأسف

ولاتثقين في احد معظمهم خراطين وجمبازيه

انا ريحت بالي ومستانس سنتين في البيت راتبي ينزل كامل

وافتكيت من السنداره والحش وعوار الراس

ماعليج من احد اختي شمعه روحي خلصي شغلج والي اتحسين يتكلم عنج

احقريه وعطيها كلمه قويه في وجهها ماراح اتقرب صوبج

[أخت رجال]

كن كالنخيل عن الاحقاد مرتفعا بالطوب ترمى فترمي أطيب الثمر


كفايه الذنب اللي بياخذونه من رب العباد

وانتي خلج بس ماشيه سيده ولاتهتمين لهم

( امشي عدل يحتار عدوك فيك )

[شمعة الدوحه]

صح كلامج اختي العمل وجو العمل دايما يكون ملوث بهالنوعيه من البشر وأي مكان بتروحين له بتحصلين هالاشكال موجوده مع اختلاف الاصناف و الدرجات والغايات والنوايا وبالتالي مالج الا انج تنجزين شغلج وتصبرين على كيد الحسود ويكون شعارج بالعمل طنش تعش تنتعش وقد ماتقدرين تتجنبين سوالفهم القرعه لانه من تابع الناس مات هماً وبنفس الوقت تكونين رسميه وتحطين حدود مع الكل بحيث مايتجاوزونها لانه في النهايه هذا مكان عمل مش بيت ولا صالون عشان ناخذ راحتنا فيه وبالنسبة حق الكلام والنميمه هذي موجوده بكل مكان وبتتعبين والله لو بتفكرين فيهم..

وتقبلي مروري..


متى يتنظف جو العمل من هالنوعيه :omen2:

وصادقه هالاشكال بكل مكان

اهم شي انه شغلي قايمه فيه اول باول ومااحد له كلام عندي

واللي مستغربه منه كل واحد عنده من همومه اللي مكفيه وين يفضون يطلعون عالواحد سوالف او يراقبون الناس فلان راح وفلان سوى وفلان تزوج وفلانه غايبه صار لها اسبوع شعندها !!!

سوالف حريم ماتخلص

والشباب اللي معانا ماشاء الله عليهم محترمين وفي حالهم .. الله يثبتهم ان شاء الله

ويهدي الجميع اللي من هالنوعيه سواء شباب او بنات .. لان فيه اكيد رجال من هالنوع بس موب كثر الحريم :telephone:


وثاااانكس على ردج اللي اسعدني :victory:

[شمعة الدوحه]

موضوع جيد للمشاركة أختي
في كل مكان تحصلين هالشيء اختي ، الحسد الغيرة الحقد وبخاصة مثل ماتفضلتي الأجواء النسائية


صدقتي والله :nice:

مااقول الا الله يهديهم ان شاء الله

واسعدني مرورج يالغلا

[شمعة الدوحه]

الله يعينج اختي شمعه اي والله زمان هذا الشي صاير للأسف

ولاتثقين في احد معظمهم خراطين وجمبازيه

انا ريحت بالي ومستانس سنتين في البيت راتبي ينزل كامل

وافتكيت من السنداره والحش وعوار الراس

ماعليج من احد اختي شمعه روحي خلصي شغلج والي اتحسين يتكلم عنج

احقريه وعطيها كلمه قويه في وجهها ماراح اتقرب صوبج


تقدر تقول ان ثقتي صارت معدومه بكل اللي حواليني بالشغل عقب هالمواقف اللي صارت لي دام علاقتي فيهم سطحيه وماعرفتهم الا من فتره
وهذا درس لي لاني بسرعه أأمن للناس وهالشي غلط
وان شاء الله اقدر اغير هالطبع
احسن لك والله افتكيت من جو الشغل وفلان قال وفلان سوى
كله جو حسد وغيره ومافيه محبه ابداً
ههههههههههههههههههه هالنوعيه ماينفع معاهم تحقرهم عينهم قويه بعد
سويت لهم شي كنغزه بس مافاد
بوطبيع مايجوز عن طبعه
مافيه الا اطنش لهم :victory:وامشي على مزاجي

اسعدني مرورك وردك

[شمعة الدوحه]

كن كالنخيل عن الاحقاد مرتفعا بالطوب ترمى فترمي أطيب الثمر


كفايه الذنب اللي بياخذونه من رب العباد

وانتي خلج بس ماشيه سيده ولاتهتمين لهم

( امشي عدل يحتار عدوك فيك )


كلامج درر اختي

واسعدني مرورج :victory:

[شمعة الدوحه]

شكراً لكل من شاركني وانتظر ردود البقيه :telephone:

[law girl]

الله يهداج ماجبتي شي جديد
معروفة سوالف الحريم
هذي جذي تسوي وهذيج مادري شسوت
وووو وسوالفهم مكثرها
انتي ماعليج الا انتج ماتحتكين فيهم وايد
ولا تبتعدين عنهم وايد
خلي علاقتج فقط رسمية معاهم
وخليج فحالج عشان محد يطلع سوالف


والله يعينج صراحة

[شمعة الدوحه]

الله يهداج ماجبتي شي جديد
معروفة سوالف الحريم
هذي جذي تسوي وهذيج مادري شسوت
وووو وسوالفهم مكثرها
انتي ماعليج الا انتج ماتحتكين فيهم وايد
ولا تبتعدين عنهم وايد
خلي علاقتج فقط رسمية معاهم
وخليج فحالج عشان محد يطلع سوالف


والله يعينج صراحة


بالنسبه لي جديد علي

ومع اني مااحتك فيهم وايد بعد ماسلمت منهم لاانا ولاغيري

واللي بيني وبينهم سلام بس .. ومرات سوالف بسيطه .. بس اني احتك فيهم وايد واخذ واعطي معهم بالكلام لا

بس مسؤولتي اللي شوي كنت ماخذه عليها لانها جنبي وعطيتها اكبر من حجمها

والله يعين الجميع ان شاء الله

واسعدني مرورج :victory:

[Mo0o0oM]

اختي شمعة

سمعتي عن المثل اللي يقول ... امشي عدل يحتار عدوك فيك :)

انا عن نفسي صادفت اشكال وشخصيات غريبة في مجال عملي .. واللي مايعجبني اسلوبهاا احقرها وبكل بساطة

تحياتي لج

[شمعة الدوحه]

اختي شمعة

سمعتي عن المثل اللي يقول ... امشي عدل يحتار عدوك فيك :)

انا عن نفسي صادفت اشكال وشخصيات غريبة في مجال عملي .. واللي مايعجبني اسلوبهاا احقرها وبكل بساطة

تحياتي لج


احلى مثل واول مره اسمعه منكم اليوم بس عجيييب صراحه :nice:

وهذا اللي قاعده اسويه اني احقر ومااهتم قدامهم :victory:

بس من داخلي منصدمه من هالاشكال ..

اسعدني مرورج يالغلا

[راسي براسك]

أنا شكلي بستفيد من موضوعج واجد لان قريب بتوظف وهذي أول وظيفة لي
أبي نصايحكم لي ولو واجهت مثل هالمواضيع شنو الحل وياه لو ماقدرت أطنش !

[حقيقه]

الله يعينا القهر يوم المسؤوله تستغل الموظفات
انا بعد اول وظيفه لي وانصدمت الصراحه من اللي شفته
مادري اشلون بكمل معاهم

[غير البشر]

تقدر تقول ان ثقتي صارت معدومه بكل اللي حواليني بالشغل عقب هالمواقف اللي صارت لي دام علاقتي فيهم سطحيه وماعرفتهم الا من فتره
وهذا درس لي لاني بسرعه أأمن للناس وهالشي غلط
وان شاء الله اقدر اغير هالطبع
احسن لك والله افتكيت من جو الشغل وفلان قال وفلان سوى
كله جو حسد وغيره ومافيه محبه ابداً
ههههههههههههههههههه هالنوعيه ماينفع معاهم تحقرهم عينهم قويه بعد
سويت لهم شي كنغزه بس مافاد
بوطبيع مايجوز عن طبعه
مافيه الا اطنش لهم :victory:وامشي على مزاجي

اسعدني مرورك وردك



انا طلعت بسبب حسد لاني بالنسبه للموجودين جديد لاني منتقل من مكان ثاني

وعطووني مساعد مدير التوظيف وكنت انا الي امشي كل شي

وبس قااااااااالو مايصير وين جاينا هذا

والحمدلله الحين انا مرتاح :nice:

[حقيقه]

انا ريحت بالي ومستانس سنتين في البيت راتبي ينزل كامل

وافتكيت من السنداره والحش وعوار الراس





اشلون كذا :telephone:

[غير البشر]

اشلون كذا :telephone:



طلعت منهم بأتفاق :nice:


يعني واحد يبيها من الله اني افتح له المجال

وعلى اساس ماتكبر السالفه قدمت كتاب اني اكون في البيت وعلى راس عملي

طبعا السالفه طويله عريضه :victory:

[صمت القلوب]

اختي العزيزه شمعه الدوحه ... فعلا صار وايد منتشر الحسد والنميمه ...بالذات اذا كنتي انسانه ناجحه ... ولج كلمتج ومكانج ...
فسبحان الله ...بنات يجوون من بيئات مختلفه ... تربيتهم
ضعيفه ...او تربو على صفات سيئه ...

في كل مكاااااااااااان بتلاقين هالشي ...

من ناحيه العمل :
اللي تغير من السمعه والاحترام والنجاح
واللي تغير من هدوءج وطيبتج ومحبه الناس لج

غيره دراسيه ..
تغير من مستواج الدراسي ..<<< استغفر الله العظييييم


ويلا الحين الحسد والغيره ... (بتفرع)

من الشكل ..
من الترابط الاسري ..
من المال والغنى
ومن ومن وووووووووو


(جبت لج بعض خلاصه خبرتي :))

والله يعين الجمييع ياااارب ...

نصيحتين من اختج صمت ... (فعلا وايد تضررت من هالسوالف )
التزمي اذكار الصباح والمساء
واقضي حوائجج بالكتماااااان ..

ومن ناحيه هالصنف من البنات ... اعطيها كاش ..
انا من النوع اسكت مره ومرتين و3 و4 اذا لزم ...انا فعلا اصبر ..بس اذا هي مصختها ... والله اعطيها كلمتين ابلعمها ... واروايها شغل عدل ...وعقبها التزم الصمت ...
يعني بعدالكلمتين الحلوين حقران ...صدقيني ... دواء فعال :) ...ولا كانج
سويتي شي :shy:
ومن بعدها يعملون لج حساب ...

وتوكلي على الله ...
وحفظج الله من كل شر وعين وحسد ...

اختج
صمت ^^

[راسي براسك]

اختي العزيزه شمعه الدوحه ... فعلا صار وايد منتشر الحسد والنميمه ...بالذات اذا كنتي انسانه ناجحه ... ولج كلمتج ومكانج ...
فسبحان الله ...بنات يجوون من بيئات مختلفه ... تربيتهم
ضعيفه ...او تربو على صفات سيئه ...

في كل مكاااااااااااان بتلاقين هالشي ...

من ناحيه العمل :
اللي تغير من السمعه والاحترام والنجاح
واللي تغير من هدوءج وطيبتج ومحبه الناس لج

غيره دراسيه ..
تغير من مستواج الدراسي ..<<< استغفر الله العظييييم


ويلا الحين الحسد والغيره ... (بتفرع)

من الشكل ..
من الترابط الاسري ..
من المال والغنى
ومن ومن وووووووووو


(جبت لج بعض خلاصه خبرتي :))

والله يعين الجمييع ياااارب ...

نصيحتين من اختج صمت ... (فعلا وايد تضررت من هالسوالف )
التزمي اذكار الصباح والمساء
واقضي حوائجج بالكتماااااان ..

ومن ناحيه هالصنف من البنات ... اعطيها كاش ..
انا من النوع اسكت مره ومرتين و3 و4 اذا لزم ...انا فعلا اصبر ..بس اذا هي مصختها ... والله اعطيها كلمتين ابلعمها ... واروايها شغل عدل ...وعقبها التزم الصمت ...
يعني بعدالكلمتين الحلوين حقران ...صدقيني ... دواء فعال :) ...ولا كانج
سويتي شي :shy:
ومن بعدها يعملون لج حساب ...

وتوكلي على الله ...
وحفظج الله من كل شر وعين وحسد ...

اختج
صمت ^^


أأنا فكرت بنفس كلامج بالضبط لان لو سكتي عن حد بيتمادى لما يشوفج تدرين وساكته
علميها حدودها بس باأسلوب
؛)

[فرحة الكواري]

ذكرتيني بأول الشهور يوم توظفت

والله كنت ارجع البيت اصيح من الكلام اللي يشيب الراس

لكن الحمدالله ارتحت يوم اتبعت طريقه وحده وهي

1- شغلي بيني وبين رب العالمين ومسؤولي وتقريبا ماخلي حد يساعدني فيه ابداً
2- مابي اقول اني ماحتك في أحد .. لكن صرت اسلم على الكل واسولف مع الكل سوالف سطحية نقدر نقول مجاملة

والحمدالله مع الوقت تحاشيت المشاكل

ولكن كل بيئة عمل ماتخلو من مشاكلها البسيطة او الكبيرة

وقلي الحمدالله اللي حصلج شي بسيط .. ارد اقولج شي بسيط وكان مثل الدرس عشان تنتبهي من اللي حولج


ربي يوفقج عزيزتي وينولج اللي في بالج

[بنت^البحرين1]

الحقران

افضل الحلول صدقيني.. آنا اول ماشتغلت كنت بسوي نفسي خدومة بسرعة اسوي شغلي واساعد اللي معاي لو ماخلصوا.. لحد ماقعدت لي وحده قعدت لدرجة انها مرت نادتني من مكتبي لي مكتبها ويوم جيتها قالت لي الشيخة ماعليج امر تروحين مكتب البرنتر تجيبين الاوراق اللي طبعتهم !
شوفي انا ماقولج تهاوشي وياهم لا طبعا، بس في نفس الوقت لاتصيرين طيبة معاهم ، لان في ناس لين احترمتيهم مايستحون يحبون اللي يعاملهم بوقاحة مثلهم.. هالحركة وبعد سوت لي حركة في يوم ثاني وعلمتها السنع وخذت راحتي لعنت ابوخامسها دامنا في المكتب كلنا حريم وتميت ادخل واطلع ولاكأنها موجودة..

في ناس يستغلون انج موظفة يديدة خل نقص عليها نكرفها.. يطلعون ويروحون ويردون عقب يقولون لج تعالي سوي ساعدينا والا مثل ماسوت لي تعالي اكتبي اسماء الملفات كلهم ( فوق ال700 ملف) أكتب شنو والا اخلي شنو ؟؟وانا مب سكرتيرة ولا كاتبة


الزبدة اللي معاج لاتسكتين لهم اوقفي لهم وقفة أسد، وخل يعرفون ان اللي قاعده على المكتب مب هبله ولا ينقص عليها. أزأري عليهم واحقريهم عقبها ولاكأنهم موجودين وصدقيني بيتسنعون


وربي يوفقج ان شاءالله

[جرير]

على طاري التوظيف . . .

ذكرتيني بأول يوم اداوم فيه اول مارحت عند مسؤل الموظفين . . . بعدين وداني

عند الشخص اللي بشتغل عنده وانا تميت برا عند الباب مادشيت وياه .. . . لانه

قال وقف برا شوي . . . وكان اسمعهم يقولون هذي اشبنسوي فيه . . شلي جابه

هني . . . شلون حذوفه عندنا . . :weeping::weeping::weeping:

( ومسؤل الموظفين قطري واللي اشتغلت وياه من جنسيه عربيه )

ومسؤل التوظيف

صج انه كان عيار وكذاب وخراط ويعطيك كلام على الفاظي وصاحب وعود

وهميه . . . وما منه فايده . . . بس الحمد لله ربك ما نسى عبده المسكين

[هام السحاب]

والله الحسد و الحش و الكلام الفاضي موجود بعد بين الرجال
و اجواء العمل عموماً فيها هالامور ولاتظنين ان الطريق بيكون مفروش لج بالورد
بس العتب هنيه مب على زملاء العمل ,, العتب على المسؤول او المدير اذا كان يسمع هالكلام ويقتنع فيه اولا
و مثل ما قالوا اخواني الاعضاء الشجره المثمره ترمى بالحجاره

[شـعـشـبـونـه]

معليش اختي طنشي وخلاص وريحي باااالج

ونصيحه خليج جاده مع الكل ولا تعطين احد وجه ومثل ماقلتي لا ترمى الا الشجره المثمره

مووفقه ان شاء الله

[HIGHNESS]

حسبي الله ونعم الوكيل على كل من تسبب علي وماقدرت اخذ حقي لكن ربي بياخذه ... :thumbdown:

بيئة العمل مايبي لها نيه صافيه .. تعامل رسمي وسطحي لكن شنقول ...

[hasss1969]

صادفت ناس في بداية عملي استطيع ان اقول عنهم انهم بلا اخلاق او دين....الحسد والغيرة كانت تاكلهم وتنهش عظامهم...خصوصا في حال كانوا اقل درجة منك او انت مسئول عنهم....وبمرور الوقت تعلمت ان بيئة العمل لاتصلح فيها الطيبة وحسن النية....فربما تنصدم باشخاص كنت تعتقد انهم ثقة وهم يطعنونك من الخلف...وبتغيير طريقة تعاملي معهم اصبحوا يسلموا علي من بعيد ويعملوا لي الف حساب...
وخلاصة القول :قم بعملك على اكمل وجه وحذاري ان تنجرف وتصبح مثلهم تمشي بالغيبة والنميمة لكي ترد لهم غيبتهم ونميمتهم...
وشكرا لكاتبة الموضوع ..