قدر الله ........

[بنت الاول]

السلام عليكم ورحمة الله وبركاته


صراحة قلبي يعورني لاني كنت حاجزة للحج هذة السنة ومرتبة أموري وأمس كنسلت الحج؟؟؟؟؟؟
ليش لان التطعيم الانفلونز أجباري ليش إجباري ما أدري ...... المهم .... حبسي الله ونعم الوكيل ..........إظهار لازم يجربونه علينا قبل ........ وحطو العقدة في المنشار ......... الله كريم كل سنة كنت أمني نفسي وأقول هالسنة بحج .....ما أدري متى بحج ؟؟؟؟؟؟؟؟؟

[هذلان]

قدر الله و ما شاء فعل

[شبح الصمت]

السلام عليكم ورحمة الله وبركاته


صراحة قلبي يعورني لاني كنت حاجزة للحج هذة السنة ومرتبة أموري وأمس كنسلت الحج؟؟؟؟؟؟
ليش لان التطعيم الانفلونز أجباري ليش إجباري ما أدري ...... المهم .... حبسي الله ونعم الوكيل ..........إظهار لازم يجربونه علينا قبل ........ وحطو العقدة في المنشار ......... الله كريم كل سنة كنت أمني نفسي وأقول هالسنة بحج .....ما أدري متى بحج ؟؟؟؟؟؟؟؟؟


اول شيء اختي جزاك الله الف خير والله يطول بعمرج للسنة الجايه انتي وكل من كان يبي يروح وهون والسبه ( هالمرض الله يبعده عنا وعن المسلمين ويشفي جميع مرضانا ) وتحجين وتدعين لنا ولجميع المسلمين .. اختي لو انج خذتي الابره وتوكلتي على الله والأمور ان شاء الله طيبه دام رب العالمين معانا وهو الحافظ لنا .. بس كل واحد ونفسه ( النيه محلها القلب ) هذا اهم شيء وانتي نيتج الحج بس الواحد لازم يخاف على نفسه من الي يشوفه ويسمعه .. الله يرزقنا وياج الجنة .. أللهم امين

[المشط]

اختي توكلي على الله

اصلان في تطعيمات اجباريه ولا تدخلين مطار السعوديه الا لما تبرزين لهم بطاقه التطعيم

واذا السنه تطعيم الانفلونز الخنازير اجباري تاكدي انه بيكون كل سنه اجباري

يعني عمرج مب رايحه الحج

توكلي على ربج يبه انا لو مب مشغول كان رحت السنه الحج .. فرصه ماتتعوض فاضي ودول وايد امنعت حجاجها .. يعني اتوقع بيكون اسهل من كل سنه

[تحداني]

.. لا تحزني سيدتي الفاضله ..

ومن أخلص النيه لله ..
فسيعوضه ..ان شاء الله خيرا منها ..

أنوي العام القادم ..
وعسى الله يسهل أمورك ..

ويرزقك حجه طاهره .. تمسحين خلالها كل أخطائك ..
وتكونين كمن خلق من جديد ..


والله يرزقني واياك ..
لان الوضع متشابه ..

كل عام أنوي ..
وكل عام .. تتخربط الأشياء ..


الله يسعدك يارب

[الخارجية]

التوفيق من الله ...إذا اذن الله أن يدخلج بيته هذا شي طيب واذا ما اذن الله يعينج ومن يضمن نفسه السنة الجايه ...كل التوفيق من الله

[بنت الاول]

الله يعلم ان أمري ليس بيدي وإلا أخذت التطعيم لان مؤمنة أني لن أموت إلا في يومي ........ ولكن ..... امري ليس في يدي والله كريم يسهل الأمور .....ومشكورين على الردود ........وجزاكم الله خير

[بوخالد911]

توكلي ع الله

وتطعمي

بسم الله الذي لا يضر مع اسمه شيء في الأرض ولا في السماء
وهو السميع العليم

[مشتاقة لقطر]

ليش مش مجبورة

روحي انتي والاهل بسيارة .. وحجوو عادي بدون تطعيمات بدون اجباريات

كل سنة الاهل يروحون بسيارة مجموعة منهم ويدخلون مكة .. عادي ولا ممنوع ولاهم يحزنون

اذا عزمتوو بتقدرون تروحون والله يوفقج

[بوطويشم]

السلام عليكم

الله يعوضج خير ان شاء الله

وما تدرين يمكن خيره لج

[ابن مانع]

اذا كان هالسبب الوحيد الي ردج
توكلي على ربج وحجي
ولايردج هذا السبب لانه مش انتي الوحيده الي بتطعمين
كلنا معاج ان شاءالله

وعسى ربي يكتب لج الاجر

[براتزية برازيلية]

الله يعوضج خير

[بنت الاول]

الله كريم ......

[السامـي]

اختي توكلي على الله
اصلان في تطعيمات اجباريه ولا تدخلين مطار السعوديه الا لما تبرزين لهم بطاقه التطعيم
واذا السنه تطعيم الانفلونز الخنازير اجباري تاكدي انه بيكون كل سنه اجباري
يعني عمرج مب رايحه الحج
توكلي على ربج يبه انا لو مب مشغول كان رحت السنه الحج .. فرصه ماتتعوض فاضي ودول وايد امنعت حجاجها .. يعني اتوقع بيكون اسهل من كل سنه


توكلي ع الله
وتطعمي
بسم الله الذي لا يضر مع اسمه شيء في الأرض ولا في السماء
وهو السميع العليم


اذا كان هالسبب الوحيد الي ردج
توكلي على ربج وحجي
ولايردج هذا السبب لانه مش انتي الوحيده الي بتطعمين
كلنا معاج ان شاءالله
وعسى ربي يكتب لج الاجر

أنا مع هـ الاراء.
وتذكرِ قول الله تعالى:
{قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ}.

[خليفـة]

تطمني اختي الكريمة

أجرج بتاخذينه من رب العالمين بأذن الله على نيتج الصافية
وتأكدي ان الله سبحانه وتعالى يؤجر عبده المسلم لمجرد نيته العمل الصالح .. فما بالج بالحج !

وتذكري قوله تعالى :

بسم الله الرحمن الرحيم

( وعسي ان تكرهوا شيئا
وهو خير لكم وعسي ان تحبوا شيئا
وهو شر لكم والله يعلم وانتم لا تعلمون ) .
صدق الله العظيم

الله يعطيج الصحه والعافية وتقدرين تحجين السنه الجاية باذن الله .

[فرقة الصقور]

استخيري اونتي مقبله على طاعة

وعسى ان تكرهو شيئا وهو خير لكم
عسى أن تكرهوا شيئا ويجعل الله فيه خيرا كثير

الحج يبي له دعاء لانه ماييسر له اي احد