المساعد الشخصي الرقمي

مشاهدة النسخة كاملة : هل اشتري مرسيدس ام عيون 98 او كامري 2000


الملهم
05-10-2009, 06:14 AM
السلام عليكم اخواني الكرام

انا ما عندي خبرة بالسيارات الاوروبية كلش

بس حبيت اسأل عن سيارة مرسيدس e280 أو e240

أولا وهذا الأهم بالنسبة لقطع غيارها مستقبلا لو صار اي شي.. اشلون قطع غيار المرسيدس؟؟ اشلون اسعارها مقارنة بقطع غيار التويوتا وتحديدا الكامري من موديل 99 الى 2003

الحين في ناس يقولون انه قطع غيار المرسيدس عادية حالها حال اي سيارة ثانية يابانية.. ويقولون اسعار قطع الغيار انزلت لانه سيارات المرسيدس ام عيون صارت منتشرة... ولأن قطع الغيار التجارية يتم استيرادها مباشرة من دبي.. وعلشاان جذي.. صارت قطع غيارها رخيصة وسهالات.. يعني ما اعتمد كثيرا على قطع غيار الوكالة الغالية..

وفي ناس يقولون للحين قطع غيار المرسيدس نااار!!

ابي بس تأكيد.. على نقطة قطع الغيار.. لانها هي اللي راح تحدد اني اشتري سيارة ام عيون هذي ولا لأ..

وثانيا : كيف مكيفها هل تبريده غالبا زين ويبرد مثل التويوتا خصوصا في الصيف والحر ؟ وكيف خرابات السياره هل هي كثير ؟ وهل الحراره ترتفع بشكل متكرر ؟

انا بالأخير محتااار بين الكامري 2000 و 99 ... وما بين ام عيون 98 نفس ما قتلكم الكامري سهالات اعرف لها.. بس ام العيون ما عندي خلفية عنها..

للامانة فقط ما كنت راح اسأل بالمنتدى هذا.. الا وان عندي ثقة انه في ناس ممكن اعتمد عليهم.. ابي نصيحتكم..

ويعطيكم العافية مقدما..
الخارجية
05-10-2009, 07:31 AM
((( ام عيــــــــــــون ))) أو((( بوعيـــــــــون )))
الكامري أحسن من صج بوعيون
ALKUWARI-90
05-10-2009, 08:07 AM
الــــكــــــــــاأأأأأمــــــــــري
شبح الصمت
05-10-2009, 08:11 AM
الكاااااااااااااااااااااااااااامري وشتر راح بالك ايل فلتر بترول ومش ،،،،، ولا تقولي سيرفس شركة ونطر
abu m7md
05-10-2009, 08:12 AM
الكامريوبس
وتلقى قطع غيارها عند اي سوبر ماركت مثل الددسن :)
الملهم
05-10-2009, 11:59 AM
الف مليون شكر على نصيحتكم القيمه يا غوالي

لكن انا احترت بينها وبين الكامري لعدة اسباب

1- المرسيدس بوعيون نظيفه , فحصتها وطلعت ممتازه

2- قاطعه 190000 فقط

3- صبغها وكاله غير مثل بابين ورفرفين والصدامات

4- سعرها حلو 18000 ريال

فشنو رايكم بعد هذه المواصفات ؟ اتوكل على الله واشتريها ولا اخليني على الكامري ازين مثل تفضلتوا ؟
G0LD
05-10-2009, 12:07 PM
بالنسبه ل بوعيون وخصوصا هذي الفئه جيده جدا

وقطعها متوفر بشكل كبير !!

اذا جينا من ناحية السيفتي افضل بكثير من الكامري ولا توجد مقارنه !!

واذا جينا من ناحية الكماليات والشكل العام لاتوجد مقارنه !!

واذا جينا من ناحية الصيانه في الوكاله لاتوجد مقارنه كذلك الكامري تاخذ شهر والمرسيدس اسبوع بالكثير !!

هذا عن الصيانه في الوكاله !!

بخصوص الكامري سياره اقتصاديه فقط !!

تحياتي
G0LD
05-10-2009, 12:09 PM
وبالنسبه للسعر الي عطوك اياه ممتاز

ولاتنسى السياره نظيفه ومااستعملت كثير

وشوف اذا انت مااشتريتها عطني خبر أنا شراااي

وبالتوفيق ان شاء الله
الملهم
05-10-2009, 12:13 PM
بالنسبه ل بوعيون وخصوصا هذي الفئه جيده جدا

وقطعها متوفر بشكل كبير !!
اذا جينا من ناحية السيفتي افضل بكثير من الكامري ولا توجد مقارنه !!
واذا جينا من ناحية الكماليات والشكل العام لاتوجد مقارنه !!
واذا جينا من ناحية الصيانه في الوكاله لاتوجد مقارنه كذلك الكامري تاخذ شهر والمرسيدس اسبوع بالكثير !!
هذا عن الصيانه في الوكاله !!

بخصوص الكامري سياره اقتصاديه فقط !!

تحياتي


تسلم اخوي على نصيحتك وتوضيحاتك

وكلامك حلو ومشجع , لكن اشلون قطع غيارها مقارنة بالكامري بالنسبه للسعر ؟ هل في فرق وايد ؟ وهل لها قطع غيار تجاري وايد ولا بس وكاله ؟

وكيف مكيفها وحرارتها مقارنة بالكامري

انتظر ردك يا الحبيب والف مليون شكر
خيال شمر
05-10-2009, 01:22 PM
الكامري أحسن
simota uae
05-10-2009, 01:50 PM
والله كلام اخونا gold على العين والراس لكن انا اقول اختلفت الاسباب والموت واحد اذا كان الموضوع عن السفتي .
2- المرسيدس غير عملي مقارنه بالكامري (يعني اعطاله اكثر)
3- الكامري وسيعه ومكيفها بارد( وقطع غيارها متوفره عند الدكان اللي عدال بيتكم وبرخص التراب )
فالاخير الاختيار اختيارك انت
الصارم
05-10-2009, 02:48 PM
شكلك تبي البوعيون ودش في خاطرك وتبي من يقنعك ^_^

توكل على الله أخوي وخذ البوعيون لأن هالمديل بالذات ماعمري سمعت أحد يشتكي منه
بوطويشم
05-10-2009, 02:52 PM
السلام عليكم

انا اشوف الكامري احسن
hma
05-10-2009, 03:04 PM
السلام عليكم

نصيحتي أنك تاخذ الكامري وبس

الكامري تتصلح عند أي كراج وأي ميكانيكي عنده قطع غيار لها ويعرفلها ويصلحها خلال ساعة

أما المرسيدس اللي تتكلم عنها فهي أيضا ممتازة ولكن في كم كراج في الدوحة يصلحوها وأحيانا ممكن تحتاج قطعة وما تحصلها وتتوهقج وتقعد تتنتظر الطلبية وتاخذ تصليحها وقت.

أخيرا أختر اللي يناسبك والله يوفقك.
الملهم
05-10-2009, 03:06 PM
شكلك تبي البوعيون ودش في خاطرك وتبي من يقنعك ^_^

توكل على الله أخوي وخذ البوعيون لأن هالمديل بالذات ماعمري سمعت أحد يشتكي منه

:nice:


والله فعلا البوعيون دش خاطري لكن في نفس الوقت خايف يعذبني , انا ابي سياره تريحني وما تتعبني بكثرة اعطالها وضعف مكيفها وارتفاع حرارتها وغلا قطع غيارها , وخايف تكون البوعيون مثل كذا وتوهقني :weeping:

عموما مشكورين جميعا على نصيحتكم وفي انتظار اراء بقية الاخوه الكرام او اهل الخبره والتجريب
yousef545
05-10-2009, 03:11 PM
الشيخ البوعيون حلو و الكامري احلى

الكامري وقت البيع ماتوقف دقيقه بس البوعيون لك عليه يعني مب اي واحد يرغب المرسدس

اما الكامري تشتريها 18 عادي عقب سنه اتبيعها نفس السعر

و هذي نقطه ايجااااااااابيه لصالح الكامري و انا اشوف الكامري موديل 2003 الشكل الانسيابي

وايد احلى من البوعيون بس الله ايعينك على السفايف لأنه من واقع تجربه السفايف بسرعه ايخلصون

وانا اقول توكل الله و خذ الكامري لو مصبوغه كامل حتى احسن من المرسدس
الملهم
05-10-2009, 03:39 PM
الف شكر لكم جميعا على نصايحكم القيمه

ومن خلال ردودكم خرجت بالتالي :

1- المرسيدس قطع غيارها اغلى

2- وقطع الغيار غير متواجد بكثره

3- ما يعرف يصلحها اي مهندس

4- مكيفها مو بارد مثل التويوتا

5- مو مرغوبه بكثره وقت بيعها

فان شاء الله باخذ بنصيحتكم واشتري الكامري

ولو شريتها بعطيك رقم صاحب المرسيدس اخوي gold

وموفقين جميعا

ولو في أراء ونصايح اخرى من اهل الخبره فاليت
MP3
05-10-2009, 03:43 PM
الكامري
الملهم
05-10-2009, 07:29 PM
الكامري

مشكور اخوي
G0LD
06-10-2009, 12:29 PM
الف شكر لكم جميعا على نصايحكم القيمه

ومن خلال ردودكم خرجت بالتالي :

1- المرسيدس قطع غيارها اغلى

2- وقطع الغيار غير متواجد بكثره

3- ما يعرف يصلحها اي مهندس

4- مكيفها مو بارد مثل التويوتا

5- مو مرغوبه بكثره وقت بيعها

فان شاء الله باخذ بنصيحتكم واشتري الكامري

ولو شريتها بعطيك رقم صاحب المرسيدس اخوي gold

وموفقين جميعا

ولو في أراء ونصايح اخرى من اهل الخبره فاليت



الله يوفقك ان شاء الله

وللعلم بالنسبه لتصليح البوعيون بأي كراااج لكن متخصص وهذا في صالح صاحب المركبه !!

الظاهر البعض متوقع ان تصليح المرسيدس معقد بالعكس أخي الكريم

ومن واقع تجربه !! وللعلم حتى الموديل الأحدث غير معقد

وبالنسبه لقطع الغيار وأنا أتكلم الأصلي وليس بالتجاري ولا أنصح بالتجاري أبدا والقطع

متوفره في محلات كثيره !! وبالنسبه اني أصلح بأي كراج وأي كلام وبعدين ايش تتوقع النتيجه أكيد ليس بصالح صاحب المركبه !!

** وللأسف كثير من مستخدمي السيارات ماينظرون للسياره من ناحية السيفتي !!

فقط اذا المكيف بارد شوي والسياره تمشي وقطعها متوفره بكثره وتجاريه هذي مرغوبه !!

** وأبسط مثال جرب البريك ( الفرمله ) المفاجئه بعدها بتعرف الفرق كبير جدا !!


على العموم أنا بالانتظار اذا مااشتريت السياره

تحياتي
yousef545
06-10-2009, 02:06 PM
صح كلامك اخوي Gold بس تدري اهل متعودين على التيوتا

و التيوتا مايوقف لو حتى الموتر مقلوب فيه شاصي في بلاوي الدنيا بعد ينباع

و نفس ماقلت المرسدس لايعلى عليه
بن درويش
06-10-2009, 11:09 PM
كامرى
الملهم
06-10-2009, 11:23 PM
الله يوفقك ان شاء الله

وللعلم بالنسبه لتصليح البوعيون بأي كراااج لكن متخصص وهذا في صالح صاحب المركبه !!

الظاهر البعض متوقع ان تصليح المرسيدس معقد بالعكس أخي الكريم

ومن واقع تجربه !! وللعلم حتى الموديل الأحدث غير معقد

وبالنسبه لقطع الغيار وأنا أتكلم الأصلي وليس بالتجاري ولا أنصح بالتجاري أبدا والقطع

متوفره في محلات كثيره !! وبالنسبه اني أصلح بأي كراج وأي كلام وبعدين ايش تتوقع النتيجه أكيد ليس بصالح صاحب المركبه !!

** وللأسف كثير من مستخدمي السيارات ماينظرون للسياره من ناحية السيفتي !!

فقط اذا المكيف بارد شوي والسياره تمشي وقطعها متوفره بكثره وتجاريه هذي مرغوبه !!

** وأبسط مثال جرب البريك ( الفرمله ) المفاجئه بعدها بتعرف الفرق كبير جدا !!


على العموم أنا بالانتظار اذا مااشتريت السياره

تحياتي

كلام جميل جدا تشكر عليه
يعطيك العافيه اخوي , ولو ما شريت المرسيدس انا او واحد من ربعي راح ارسلك ان شاء الله
الملهم
06-10-2009, 11:24 PM
مشكور اخوي يوسف واخوي بن درويش على نصيحتكم القيمه
@north_star@
08-10-2009, 10:40 AM
مرسدس وبس هو صح صرفيته اكثر من الكامري بس موتر وشغل خطوط وبالنسبة لنظافة الموتر والسعر ما شاء الله نصيحه توكل على الله وخذ المرسدس وقطعه متوفرة اصلي وتجاري
وبالتوفيق ان شاء الله
السد
08-10-2009, 11:18 AM
الكامري وبس
الـخـور
08-10-2009, 11:26 AM
تحمل تاخذ مرسدس نصيحة اخ
رويس
08-10-2009, 11:48 AM
ولا وحده
Taxi
08-10-2009, 12:49 PM
اذا ماخذت المرسيدس حولها صوبي ولا عليك امر :shy: