الله يخليكم ردوا علي ضروري قبل الاربعاء ؟؟,,,,,؟؟

[ام حبيبتي]

السلام عليكم ...

اخواني الاعزاء واخواتي ,,,, انا بنتي في الروضه ,,,, وعطوني امس اوراق التطعيم اللي فيها السلبيات للتطعيم ....

اليوم سألت الممرضه قالت لي عادي عطي بنتج لانها نفس ابرة الحج والسفر مالت كل سنه .. واأجلي ( تأجيل ) تطعيمها مال اربع سنوات لمدة شهر .. للعلم تطعيم بنتي الشهر الياي ...

والحين رفيجتي تقول انه في برنامج وطني الحبيب صباح الخير ,, قالوا انه هالابره لها سلبيات وان دولة قطر اول دوله تشتري هالتطعيم من كل دول العالم ..


الحين شرايكم ... اوافق والا لااا ؟؟؟؟ وربي محتاااااااااااره ...:weeping:

[المســـك]

اليوم سألنا الدكتور قال لاتطعمونهم

[غير البشر]

اختي الله يكتب لج الي فيه الخير

انا بعطيج حل بأذن الله

لاتوقعين على الورقه

وانتظري لين تتضح الامور

وبعدين اذا اتضحت الامور خذي بنتج المستشفى الاهلي للتطعيم

يعني مب شرط لين يوم الاربعاء

انا بسوي نفس الشي :nice:

[.. ام عبودي ..]

حبيبتي

الاوراق اللي وزعوها اليوم ع الطالبات هاي الموسميه وهاي عادي طعميهم انا اعرف ناس كل سنه ياخذونها

واعرف نيرس فالمركز الصحي قالت طعمو عيالكم لان هالتطعيم يطلع من عندنا احنى قصدها من المراكز الصحيه وقالت لو مالت الخنازير بقولكم لاطعمون بس هاي عادي

[law girl]

انا ابـوي ماوقع الورقة لأخوآني ..
وحط غير موآفق :) ..

[حجر]

والله ما ندري ويش السالفة بين مؤيد ومعارض للتطعيم ، وكثير من الناس واقع في حيص بيص
ياليت أصحاب الاختصاص يفيدونا

[الخير كله]

اختي الله يكتب لج الي فيه الخير

انا بعطيج حل بأذن الله

لاتوقعين على الورقه

وانتظري لين تتضح الامور

وبعدين اذا اتضحت الامور خذي بنتج المستشفى الاهلي للتطعيم

يعني مب شرط لين يوم الاربعاء

انا بسوي نفس الشي :nice:
اللي ما يوقع يعني موافق.....:)
قوانين جديده.......ههههه.....:eek5:

[jajassim]

وافقي ،،

مثل ما انا وافقت ،،

[غير البشر]

اللي ما يوقع يعني موافق.....:)
قوانين جديده.......ههههه.....:eek5:



هههههههههه اووكي احنا مع القوانين الجديده اتحط (لا) :nice:

[ummbudoor]

هاي الورقة للانفلونزا الموسمية وليست للخنازير
انا وافقت احنا كل سنه ناخذ هذا التطعييم

[وطن]

عيال خوالي خذوه في شهر 6 تقريبا

في شهر 8 مرضوا وزكموا
ما منه فايده


الفايروس يطور من نفسه

[جـــــراح]

فالبداية الموضوع راجع لج لا تعتمدين على اللي اقوله

سألت دكتور وكلامه بالحرف
التطعيم عن الانلفونزا الموسمية وهي مالها مضار ولا نفع
وعن تجربه العام تطعمنا منها وكلنا مرضنا
واللي جانا من المدرسة مكتوب ان بعد التطعيم ممكن ان ترتفع الحرارة و و نسيت الباقي

اما بالنسبة لانلفونزا الخنازير
قال لا تطعمون بسبب المضار وان هو ماراح يطعم ونصحني بالينسون مره او اكثر فاليوم على حسب ماحب

[ام حبيبتي]

الله يجزاكم الف خير عن كل حرف كتبتوه ....

يعني الحين هاذي نفسها الابره اللي يعطونها في المركز الصحي ؟؟

بعد محتااااره ,,, وخااايفه ,, عمومااااااا .... باخذ بنصيحة الاغلبيه وهي لااا ...

وفعلا باوديها عيادة الدوحه وبقولهم ابي ابرة الانفلونزا الموسميه ....

شكرا لكم من كل قلبي ... وربي يحفظ بناتي وعيالكم وبناتكم يارب قولوا آمييييييين :)

[بنت الرجال]

عطيهـا و ماعليهـا شـر ... أظـن عمـر بنتـج 3 و شـوي ... وأكيـد وقت التطعيـم بيقولـون لـج يا تاخذ طعـم الأنفلـونـزا مـع تطعيمهـا الـدووري او لآ ...
و أنتـي بعـد خبريهـم في الوقـت المحـدد لهـا لتطعيمهـا الدووري أن هـي خذت جرعـة الانفلونـزا في تااريخ كـذا ... و بـس ...

بـس تـأكـدواا أن تطعيـم الإنفلونـزا الموسميـه يكـون جديـد لهـذي السنـه ... تـرى بعـضهــم يعطـي تطعيـم قديـم للسنـه اللي فـآتـــت ..

[أريج]

انا مساعدة صيدلي

وسالت كل ربعي الصيادلة عن تطعيم عيالهم كلهم اجمعوا ان ماراحو يطعمونهم لان الشركات اللي انتجت التطعيم مانتهت من تكملة الدراسات حول الاثار الجانبية للتطعيم

فلا للتطعيم

وحتى لو انصاب الطفل للمرض لاقدر الله ففي علاج التامفلو


اما تطعيم الانفلونزا العادية ففكل سنه ربعي ياخذون في الشغل فمافي اي فايدة لان يصابون بالانفلونزا

[المشرفي التم]

انا عن نفسي ما راح اطعم ولا العايلة بعد لان الوضع الصحي في البلد طبيعي
السؤال هو ايش علاقة الانفلونزا الموسمية بانفلونزا الخنازير ؟
وبعدين هي انفلونزا موسمية يعني موجودة طول الوقت ليش السنة قاموا بحملة التطعيم هذي!!
انا اعتقد ان الجماعة في المجلس الاعلى للصحة بدل ما يقومون بعمل فحص مخبري للمشتبة فيه ان معاها انفلونزا الخنازير وهذا مكلف حسب ما نعرف ، فأيش الحل
الحل ان يتم تطعيم الجميع ضد الانفلونزا الموسمية وبعدين اي واحد مطعم تصيدة انفلونزا بعد التطعيم بتكون انفلونزا خنازير بدون كشف او تحليل

الطريقة اللي راح اتبعها هي كالتالي :
عدم التطعيم - اتخاذ الاحتياطات الضرورية - مراقبة حالة الاولاد -مراجعة المراكز الصحية عند ظهور اعراض المرض

[ام حبيبتي]

بنت الرجال ,,,, شلون انعرف اذا هي قديمه والا لااا؟؟؟؟؟ :(

اريج .. انتي تقصدين تطعيم الانفلونزا الموسمي ؟؟؟؟؟

[ام حبيبتي]

انا عن نفسي ما راح اطعم ولا العايلة بعد لان الوضع الصحي في البلد طبيعي
السؤال هو ايش علاقة الانفلونزا الموسمية بانفلونزا الخنازير ؟
وبعدين هي انفلونزا موسمية يعني موجودة طول الوقت ليش السنة قاموا بحملة التطعيم هذي!!
انا اعتقد ان الجماعة في المجلس الاعلى للصحة بدل ما يقومون بعمل فحص مخبري للمشتبة فيه ان معاها انفلونزا الخنازير وهذا مكلف حسب ما نعرف ، فأيش الحل
الحل ان يتم تطعيم الجميع ضد الانفلونزا الموسمية وبعدين اي واحد مطعم تصيدة انفلونزا بعد التطعيم بتكون انفلونزا خنازير بدون كشف او تحليل

الطريقة اللي راح اتبعها هي كالتالي :
عدم التطعيم - اتخاذ الاحتياطات الضرورية - مراقبة حالة الاولاد -مراجعة المراكز الصحية عند ظهور اعراض المرض



خلاااااااص انا نفسك ,, والحااااااااافظ الله ...

[أريج]

اي ام حبيبتي اقصد الموسمية كل سنه ياخذونها ومافي منها اي فايدة وجودها مثل عدمها

[قمرهم]

وانا وافقت على تطعيم ولدي الله الحافظ انشاء الله

[بن موسى]

اناامس وقعت للبنات وبعد ردود خالد الحرقان الاغير مقنعه رحت للمدرسه لسحب الموافقه بس للاسف انتظرت امام باب المدرسة ولاحد رد علي وصراحة كنت متردد اسحب ولا لا وبعدها قلت ادا ماطعموهم بسحبها بكرة الثلاثاء 0
لاكن توكلت على الله ووقعت للعيال بالموافقه بعد وعسى ان تكرهوا شيآ ويجعل الله فيه خيرآ كثيرآ

[فهد111]

للحين الصحه ماوفقو على تطعيم انفلونزا الخنازير هذا التطعيم العادي السنوي يعني وافقي والله الحافظ

[مرت محمد]

انا وابو عيالي رفضنا تطعيم عيالنا والحافظ رب العالمين

[دنيا جديده]

اختي الصغيره معطينها ورقه فيها التطعيم ضد الانفلونزا الموسميه وكاتبين الاعراض واقسم بالله نفس الورقه معطينها اخوي بس مغيرين كلمة الموسميه حاطين الخنازير ونفس الاعراض اللي بالورقه الاولى استغفر الله هذي حيله والا شسالفه والله شاهد عليه

[مرت محمد]

نصيحه لج حبيبتي لا دخلين بنتج السنه الروضه خليها في البيت احفظ لها او دخليها الكورس الجاي

[الكلدي]

التطعيم عادي ومجرب
لسنه الرابعه اخذ التطعيم
باذن الله والحافظ الله

[بوخالد911]

عن نفسي

لا أقبل بها


مووفقيين

[ضوى]

اخواني واخواتي

تطعيم الخنازير لم يصل حتى الان ، وماهو موجود حاليا هو التطعيم الموسمي من يريد ان يأخذه فليأخذه جل مايفعله هذا التطعيم هو تخفيف اعراض البرد ويتأثر به جسم دون أخر وانا شخصيا لا اتأثر به ابدا ، انا اطفالي فسوف اقوم بتطعيمهم ان شاء الله ، ومن لم يرد ان ياخذه فهو حر ولا ضرر ان شاء الله من عدم اخذه والله الحافظ ان شاء الله

[جوال 11]

نريد التوضيح من المسؤلين بخصوص الفقرة الأخيرة من الرسالة والتي تذكر بأن المجلس الأعلى للصحة لا يتحمل المسؤلية بخصوص الأعراض الجانبية للتطعيم .
طالما هنالك أعراض جانبية لا نوصي أحد بالموافقة ، ربما الطفل لديه حساسية من أي دواء أو نوع من الطعام ولا نعلم به ، وتكون النتيجة سلبية لا سمح الله .

[المهندس عبدالعزيز]

الورقة الظاهر مختصة بتطعيم الانفلونزا العادية

بينما ما نوقش في الإذاعة هو تطعيم انفلونزا الخنازير

[شبح الصمت]

والله ضعنا فالطوشه ،، يعني الحين الواحد شيسوي اطعم فروخي الصغار والا لا ؟؟؟ نبي احد متخصص في المستشفى جزاه الله الف خير يفيدنا ،، ما نبي كلام ناس ابلاش نبي كلام موثوق منه يا جماعة شوفو لنا دكتور يخاف الله ويهدينا لبر الأمان ..
اللهم احفظ عيالنا وجميع المسلمين من كل مكروه