العقارية الى متى؟

[Chanel]

طاحت فجبدي العقارية وموب عارفة شلوون اتخلص منها؟
المشكلة شاريتها بسعر 233
شنهو السعر المثالي للبيع؟
شنهو اقصى سعر متوقع للشركة؟

[كحيلان]

كم سهم عندك وبعدين اقدر اقولك وجهة نظري

[boabdullah]

طاحت فجبدي العقارية وموب عارفة شلوون اتخلص منها؟
المشكلة شاريتها بسعر 233
شنهو السعر المثالي للبيع؟
شنهو اقصى سعر متوقع للشركة؟

هلا أختي

أنا مب عارف كم عندك من الأسهم وهل شريتيها للمظاربة أو الأكتتاب ؟؟

خلينا نقول هلى المظاربة طبعا" السعر اللي شريتي فيه عالي واجد وألحين نزل وهذه خسارة عليك

البيعة

أما أذا شرتيها للأكتتاب فأنشاءالله ماراح تكون خسارة لأن أنتي بتكسبين أسهم أسميها مجانية 40ريال

وبنسبة كبيرة بتكونين ربحانة بأذن الله

نصيحة أذا تقدرين تصبرين حتى الأكتتاب فهذا أعتقد يرجع الخسارة لاقدرالله

والتوفيق

بوعبدالله :) :)

[الوجبه]

استعجلتي ولا شاورتي
انصحك مره ثانيه اتركدين ولا تستعجلين

[المراقب]

لك الحق في الإكتتاب إذا كنت مالكة الأسهم بتاريخ 30/3/2005م ويمكنك البيع في أي وقت الأن.

[Chanel]

اشكركم على التفعل والرد على سؤالي...
اخوي كحيلان وابو عبدالله عندي 1608 سهم مع 5% يطلعون 1688
انا ابي ابيعهم نهاية شهر 5

[Chanel]

اشكركم على التفعل والرد على سؤالي...
اخوي كحيلان وابو عبدالله عندي 1608 سهم مع 5% يطلعون 1688
طبعا ناوية لابعت هالاسهم اتخصص في الاسهم الي بتطلع لي95% ب 40 بيطلعلي 1527 سهم
انا ابي ابيعهم نهاية شهر 4هل توقعون السعر بيكون ارتفع؟

[سهم عتيج]

معلومة فقط.. ترى النزول الحاصل في سعر العقارية هو نزول فني فقط,, اذ ليس من المعقول ان يستمر سعرها على ال 200 ريال دام ان هناك توزيعات مجانية + اصدارات اضافية قد راحت على من سيشتري الآن,,

وأعتقد يا شانيل شرحت لك الطريقة في موضوع قديم على ما أعتقد,, وأن متوسط شراءك للسهم راح يكون أقل بكثير مع شراء الكمية الاضافية,,

وأعتقد بأن السهم بدأت حدة الانخفاض تخف,, حيث رأينا ان كمية الأسهم المعروضة يوم الخميس كانت أقل بكثير من أيام الأثنين والثلاثاء والأربعاء,, لذلك فأعتقد ان السهم راح يستقر في الأيام القادمة على مستوى الأسعار الجديد له,, وربما يستقر على أسعار في حدود ال 120 الى 150 ريالا,,
والله أعلم

[المراقب]

حاليا لا يوجد طلب عليها وأظن التحريك عند سعر بين 130 - 140 ريال.

والله اعلم

ولكنك تستفيدي من الإكتتاب الشبه مجاني 40 ريال.

[Chanel]

مشكوووووووور اخوي سهم عتيج واعذرني لتكرار السؤال في الموضوع بس الخوف ومايسوي

[سهم عتيج]

لاتخافين,, وخلي قلبك قوي,, وترى آنه عندي أسهم في العقارية,, وكنت متوقع لهذا السيناريو الذي يحدث الآن,, وعلى فكرة,, هذا السيناريو حدث العام الماضي مع اسهم المصرف اذ هبط بشدة من 215 ريال الى 140 ريال في عدة أيام,, واستمر لفترة الى ان رجع سعر السهم الى الصعود بقوة حتى وصل الى اكثر من 500 ريال قبل أيام,, وهذا الأمر حدث أيضا هذه السنة مع شركة قطر للتأمين,, وهذا الانخفاض يسمى انخفاض فني من الدرجة الاولى,,
والله يعطيك العافية

[Chanel]

اخوي سهم عتيج بتحليلاتك ونصايحك دايما نستفيد.........
عساك عالقوة دوووووم ويبارك لك في مالك ويجزاك عنا خير.....

[boabdullah]

مشكوووووووور اخوي سهم عتيج واعذرني لتكرار السؤال في الموضوع بس الخوف ومايسوي

أختي

هلابك مرة ثانية

أنا معاك من ناحية الخوف اللي عندك بس أعتقد الأخوان هونوا عليك بالمعلومة

اللي راح تفيدك بأذن الله

السعر أختي بأذن الله راح يتأرجح على 130-150

خلك دايما" واثقة من الخطوة اللي راح تقدمينها

وبعدين الأستخارة أهم شي والتوكل على الله

وأحنا والأخوان الكرام راح نوقف معاك

والتوفيق

بوعبدالله :) :)

[Chanel]

مشكووووووووور اخوي بوعبدالله
ويعطيك الف عافية

[كحيلان]

اختي شانيل شكلك مستعجله! نصيحتي اسهمك انسي تبيعينها الزبده 1688سهم+1527سهم=3215سهم*230ريال راح تساوي 739450الف ريال هاه وشرايك يستاهل المبلغ صح لكن هل تقدرين تدبرين المبلغ ام لا

[Chanel]

اخوي كحيلان ليش ضربتها 230 مع ان الكل متوقع ان سعرها يتراوح مابين 140- 150 على اي اساس؟!
ومتى تتوقع وصول سعر السهم لهالقيمة؟
اي ااقدر ادبره لاتحاتي
تسلم اخوي.