الثلاث ريالات سوت شغل عدل

[ولد البدر]

كنت أتردد كثيرا عندما يطلب مني الأهل بالذهاب لسوق واقف ، كنت أرفض أحيانا وأوافق أحيانا أخرى بحسب أهمية المشوار وكل خوفي من زحمة المواقف هناك وعدم حصولي على موقف وربما أضطر لأن أصعد على الرصيف أو أقف خلف أحد فأعطله أو تأتيني مخالفة مرورية تقصم ظهري .
وقد طالبت من خلال هذا المنبر قبل عدة شهور بأن تكون المواقف مقابل رسوم معقولة حتى نستطيع الحصول على مكان آمن نوقف فيه سياراتنا بكل يسر وسهولة حيث أن معظم من يوقف في تلك المواقف من إخواننا المقيمين والأجانب دون حاجة ماسة .
أما الآن وبعد أن طبق قرار فرض رسوم على المواقف ويقدر بثلاث ريالات للساعة لم نر السيارات التي كانت في السابق وهذا يبرهن على أن معظم السيارات كانت تقف دون حاجة ضرورية .
فالآن أصبحت أنا الذي يطلب من الأهل بالذهاب لسوق واقف لشراء أي سلعة متوفرة هناك ونحن بحاجة لها حيث أصبحت الثلاث ريالات هي الوسيلة التي فرجت همنا – بعد الله عز وجل - فهذه الثلاث ريالات لا تعتبر شيئا مبالغا فيه فنحن كم نصرف في السوق وكم نعطي ( الحمالي ) وماذا لو دفعنا هذا المبلغ البسيط مقابل وقوف آمن وسهل .
وكم كنت أتمنى أن تعمم هذه الفكرة على السوق كله وخاصة في شارع مشيرب وشارع عبدالله بن ثاني وغيرهما من الشوارع المزدحمة
وشكرا لإدارة سوق واقف وكل من وقف معها

[xlr]

والله انك صادق اخوي البدر واتمنى هالشي يصير بعد في مواقف جميع المجمعات

والاسواق لان الدعوة سايبه الصراحه

تقبل مروري اخوي الغالي

[ولد البدر]

تسلم أخوي الغالي على مرورك وسرعة ردك والله يعطيك العافية

[عاشق الشهادة]

كنت أتردد كثيرا عندما يطلب مني الأهل بالذهاب لسوق واقف ، كنت أرفض أحيانا وأوافق أحيانا أخرى بحسب أهمية المشوار وكل خوفي من زحمة المواقف هناك وعدم حصولي على موقف وربما أضطر لأن أصعد على الرصيف أو أقف خلف أحد فأعطله أو تأتيني مخالفة مرورية تقصم ظهري .
وقد طالبت من خلال هذا المنبر قبل عدة شهور بأن تكون المواقف مقابل رسوم معقولة حتى نستطيع الحصول على مكان آمن نوقف فيه سياراتنا بكل يسر وسهولة حيث أن معظم من يوقف في تلك المواقف من إخواننا المقيمين والأجانب دون حاجة ماسة .
أما الآن وبعد أن طبق قرار فرض رسوم على المواقف ويقدر بثلاث ريالات للساعة لم نر السيارات التي كانت في السابق وهذا يبرهن على أن معظم السيارات كانت تقف دون حاجة ضرورية .
فالآن أصبحت أنا الذي يطلب من الأهل بالذهاب لسوق واقف لشراء أي سلعة متوفرة هناك ونحن بحاجة لها حيث أصبحت الثلاث ريالات هي الوسيلة التي فرجت همنا – بعد الله عز وجل - فهذه الثلاث ريالات لا تعتبر شيئا مبالغا فيه فنحن كم نصرف في السوق وكم نعطي ( الحمالي ) وماذا لو دفعنا هذا المبلغ البسيط مقابل وقوف آمن وسهل .
وكم كنت أتمنى أن تعمم هذه الفكرة على السوق كله وخاصة في شارع مشيرب وشارع عبدالله بن ثاني وغيرهما من الشوارع المزدحمة
وشكرا لإدارة سوق واقف وكل من وقف معها




صدقت والله الحين احسن من اول بكثيررر

[عاشق الشهادة]

ولاتنسى تسلم على عباس وعلى الوالد خميس ابوجسوم

[ولد البدر]

أشكرك أخوي عاشق الشهادة وتسلم على الرد

[مزيون الدوحه]

بشرك الله بالخير دام انها جابت فايده
لاني من فتره مارحت وخبري قديم
بالزحمه وبلاويها

شكرا ع الخبر اخوي

[ولد البدر]

مشكور أخوي على مرورك الكريم وابشرك خفت الزحمة عن أول وقف أي مكان يعجبك

[الموضوعي]

أتمنى انها تطبق في الستي سنتر او انها تخصم من فاتورة المشتريات من اي محل في الستي سنتر

[yosif1]

اوكيه سوت شغل
بس سارت زحمه امام مدخل الموقف
ومخارج المواقف
المفروض يحون اكثر من مدخل وابوابات خروج كثيرة

[المشرفي التم]

كلامك صحيح يا اخوي وفعلا" حلت مشكلة المواقف لكن مثل ما يقولون الزين ما يكمل
ارضية المواقف سيئة جدا" وغير مناسبة للسيارات فما بالك بالمشاة وخاصة كبار السن والمعاقين
المواقف المخصصة للسيارات ضيقة و من السهولة انك تخدش السيارة اللي على جنبك وبالتالي سيارتك واذا رجعت للخلف ممكن تصدم السيارة في الموقف اللي خلفك والله يعين اللي عندهم سيارات كبيرة

واذا وقفت في موقفين جاتك المخالفة

بس في الاخير بنتحمل علشان كلنا عارفين ان الزين ما يكمل
وان شاء الله تعمم هذي التجربة على باقي المناطق اللي فيها زحمة ولكن بتطبيق افضل
وسلامتكم

[E L L E]

ليته بـ 10 احسن بعد وليت يسون هالنظام فالمجمعاااات

[سوق واقف]

اي والله صدقت يالغالي

أتمنى حتى المجمعات تصير بفلوس مثل السيتي

[ساراام]

كل شي تمام بس تمنى يوسعوووون المواقف شوي

والمفروض اهل قطر يدشون بلااااش:nice:

[رجل الجزيرة]

تدري ويش إلي مسبب زحمة المواقف: هم أصحاب المحلات، والحين تأدبوا.

[غناتي1]

والله انك صادق اخوي البدر --- الحين تاخذ راحتك وانت متطمن على سيارتك وموقفها عدل

ويقولون بيسوون مظلات بعد نفس اللاند مارك

اتمنى هالشئ وبسرعة بعد

[مرت محمد]

كنت أتردد كثيرا عندما يطلب مني الأهل بالذهاب لسوق واقف ، كنت أرفض أحيانا وأوافق أحيانا أخرى بحسب أهمية المشوار وكل خوفي من زحمة المواقف هناك وعدم حصولي على موقف وربما أضطر لأن أصعد على الرصيف أو أقف خلف أحد فأعطله أو تأتيني مخالفة مرورية تقصم ظهري .
وقد طالبت من خلال هذا المنبر قبل عدة شهور بأن تكون المواقف مقابل رسوم معقولة حتى نستطيع الحصول على مكان آمن نوقف فيه سياراتنا بكل يسر وسهولة حيث أن معظم من يوقف في تلك المواقف من إخواننا المقيمين والأجانب دون حاجة ماسة .
أما الآن وبعد أن طبق قرار فرض رسوم على المواقف ويقدر بثلاث ريالات للساعة لم نر السيارات التي كانت في السابق وهذا يبرهن على أن معظم السيارات كانت تقف دون حاجة ضرورية .
فالآن أصبحت أنا الذي يطلب من الأهل بالذهاب لسوق واقف لشراء أي سلعة متوفرة هناك ونحن بحاجة لها حيث أصبحت الثلاث ريالات هي الوسيلة التي فرجت همنا – بعد الله عز وجل - فهذه الثلاث ريالات لا تعتبر شيئا مبالغا فيه فنحن كم نصرف في السوق وكم نعطي ( الحمالي ) وماذا لو دفعنا هذا المبلغ البسيط مقابل وقوف آمن وسهل .
وكم كنت أتمنى أن تعمم هذه الفكرة على السوق كله وخاصة في شارع مشيرب وشارع عبدالله بن ثاني وغيرهما من الشوارع المزدحمة
وشكرا لإدارة سوق واقف وكل من وقف معها

من يقول لك ثلاث اريالات سوت شغل عدل انت اهني تشجع على فرضيه دفع رسوم حق كل المواقع في قطر لا بالله محنا راضين على دفع الرسوم على البركنات شدعوه حتى المواقف صارت الحين بفلوس وين صرنا وين كنا الثلاث الريال الي تقول عنها بكره بتصير عشرين وبتزيد بعد مع الايام بس هذا احنا يهل قطر ماعندك مشكله ادفع ادفع وادفع مصر الي اهي مصر وزحمتها تفوق عشرات المرات عندنا ماخبرنا عندها مواقف بفلوس حتى الحسين والي تشوف قاعده فيها ناس بالملايين .

بس تدري وشي مشكلتنا .... عادي ... عادي.... عادي........ كل شي عادي وهاذي مشكله

[رمــش الغلا]

هلا بشباب فريجنا ولد البدر وعاشق الشهادة هههههههه

بصراحة انا اشوف انه خفت الزحمه وياليت امسويين هالشي من زمان

[بواردي]

ادفع 30 ريال واروح مرتاح اصفط موتري

ولا اقعد احوس واطامر من رصيف لرصيف عشان اشوف لي باركن

[ضوى]

الله يبشرك بالخير

والله من زمان ودي اروح اشوف الدنيا اشلون صايرة هناك من زمااااااااااااااااااااااااااااان ماطبيت ذيك الجهة ، بس حلوا مشكلة المواقف ومشكلة الشيشة اشلون بيحلونها ؟؟؟

[BIG-VEGA]

والله انك صاج ياولد البدر...ريحونا
وعقبال ازاله الشيش


بخصوص دكان عباس...من الموجود الحين
والبيكم الحمر عاده ولا تكنسل

[bo_Oof]

بس بعد زحمه ماتحصل مواقف

[MP3]

لويخلونها 50ريال بعد احسن عشان نفتك من الأرجيله الواحد ماقام يقدر يودي هله مكان

[ولد البدر]

اوكيه سوت شغل
بس سارت زحمه امام مدخل الموقف
ومخارج المواقف
المفروض يحون اكثر من مدخل وابوابات خروج كثيرة

كلامك صحيح أخوي يوسف ضيق عند المداخل ولكن سعة بالداخل وتسلم على التعليق

[ولد البدر]

كلامك صحيح يا اخوي وفعلا" حلت مشكلة المواقف لكن مثل ما يقولون الزين ما يكمل
ارضية المواقف سيئة جدا" وغير مناسبة للسيارات فما بالك بالمشاة وخاصة كبار السن والمعاقين
المواقف المخصصة للسيارات ضيقة و من السهولة انك تخدش السيارة اللي على جنبك وبالتالي سيارتك واذا رجعت للخلف ممكن تصدم السيارة في الموقف اللي خلفك والله يعين اللي عندهم سيارات كبيرة

واذا وقفت في موقفين جاتك المخالفة

بس في الاخير بنتحمل علشان كلنا عارفين ان الزين ما يكمل
وان شاء الله تعمم هذي التجربة على باقي المناطق اللي فيها زحمة ولكن بتطبيق افضل
وسلامتكم
صحيح الأرضية سيئة للمشاة يمكن يتخرطفون ويطيحون ، لكن حتى يوم كانت ببلاش نفس الشي ضيق ومثل ما قلت . وجزاك الله خير أخوي الفاضل

[ولد البدر]

ليته بـ 10 احسن بعد وليت يسون هالنظام فالمجمعاااات
عاد بعشر للساعة يمكن يسمعونك ويطبقونها بعدين بنجي في باصات كروة أرخص ، تسلم أخوي ويعطيك العافية

[ولد البدر]

اي والله صدقت يالغالي

أتمنى حتى المجمعات تصير بفلوس مثل السيتي
تسلم أخوي سوق واقف بس لا يزيدون الكيلة وايد 3 ريالات معقولة ، وجزاك الله خير

[صوت الضمير]

ياناس ابي اعرف وين امن الدولة او الشرطه

أنا واقفه عند باب الستي اللي برا انتظر السياره
كل شوي جايني هندي يقول انا تكسي سياره اجاره
ومره مصري ... حوالي عشرين واحد جاونا كلمونا انا وخواتي
من المسئؤول....

يعني ذولا الهنود هاربين من الكفيل ومع ذلك صافطين في المواقف ومضيقين علينا
ويتكسون بسيارات خاصه.....

أدعوا المسئولين في أمن الدوله .. يوم الخميس والجمعه والسبت
اقعد عند باب الستي بس خلك مدني ... وبتشوفون 20 هندي اواكثر يجيك ويقول انا تاكسي...

مشكور ولد البدر ونتمنى ان كل المجمعات المواقف بفلوس...

أبداع

[ولد البدر]

أخوي سارام / فعلا المواقف تحتاج لتوسعة وشكرا لك .
أخوي / رجل الجزيرة : فعلا أصحاب المحلات هم من يسبب الزحمة في أي وقت تجي تحصل زحمة حتى لو السوق مغلق ، أشكرك على مرورك.
أخوي غنائي 1 / إذا فيه مظلات الله يبشرك بالخير ياليت يستعجلون فيها وتسلم أخوي .
أختي مرت محمد / كلامك صحيح لكن في منطقة مثل الأسواق يكون الواحد محتاج وما يحصل مكان والمخالفات شغالة من وجهة نظري إنه ما فيه مشكلة والكل مؤيد هالشي ولكل واحد وجهة نظر والواحد ما وده يدفع لكن للضرورة أحكام ، أشكرك على مرورك الكريم .
أختي رمش الفلا / تسلمين على المرور والتعليق يا بنت الفريج
أخوي بواردي / ما شاء الله عليك مستعد تدفع 30 ريال بتخربهم علينا هذي لازم يغسلون موترك ويحطونه تحت مظله أشكرك على المرور والتعليق.
أختي ضوى / توكلي على الله وروحي الزحمة خفت وخاصة وقت العصر . أما مشكلة الشيشة صج مشكلة قالوا من زمان قطر بلد خال من التدخين بحلول عام 2000 والحين احنا في 2009 وما شفنا شي يمكن زاد التدخين ، تسلمين على المرور والتعليق

[ولد البدر]

والله انك صاج ياولد البدر...ريحونا
وعقبال ازاله الشيش


بخصوص دكان عباس...من الموجود الحين
والبيكم الحمر عاده ولا تكنسل
الله يسمع منك يشيلون الشيش اللي شوشت عقلنا ، أما بخصوص البيكم فهو إرث ويجب المحافظة عليه وابشرك موجود إلى يومنا هذا

[بوحارب]

توني ادري عن هالقرار والله

على العموم دام المواقف متوفره بسهوله بندفع هال 3 ريالات

ولو انه 3 ريال تجيب لي 3 قلاصات كرك بس مب مشكلة

يعطيك العافية اخوي ولد البدر

[bo_moha]

ان شاء الله تطبق