الـــ 5% خصم التقاعد ايش سالفتها بالضبط ؟؟؟

[الواعد]

السلام عليكم

نفسي اعرف هالـ 5% حق التقاعد اللي تنخصم منا شهرياً

ايش سالفتها بالضبط ؟؟ هل راح تتجمع لنا وبعدين ناخذها

مع راتب التقاعد ؟؟ وبعدين ايش الفائدة مادام انها هي نفسها

اللي اخذوها منا وبعدين بيردونها نفسها ؟؟؟؟

البعض يقول لا ماراح ترجع :(

[khalil966]

عزيزي
ال 5% هاذي عبارة عن اشتراكك في صندوق التقاعد و مكان عملك يسدد 10%.
اذا انطبقت عليك شروط التقاعد راح ينصرفلك راتب التقاعد فقط ، يعني مجموع الاشتراكات راح يرجعلك بشكل راتب تقاعد و أكرر اذا انطبقت عليك شروط التقاعد.
اذا ما انطبقت عليك شروط التقاعد يرجعلك المبلغ بس تكون بهالشكل غير مشترك في صندوق التقاعد.

[ليــث قطر]

5% عبارة عن اشتراكك في صندوق التقاعد


ولو تلاحظ الخصم يكون من الاساسي والاجتماعية وهذا اللي راح تاخذ وقت التقاعد


لأن باقي العلاوات تروح مع التقاعد


وجهة عملك تسدد 10% من الاساسي والاجتماعية


يعني 15% .. وصندوق التقاعد يقوم باستثمار هذه الأموال .. وبعدين يعطيك راتبك التقاعدي منها ..

[ليــث قطر]

لمزيد من المعلومات


http://www.grpa.gov.qa/Arabic_Pages/Questions/index.html

[الواعد]

تسلون والله على الرد الشافي :)

بس عندي استفسارات بنفس الموضوع



عزيزي
ال 5% هاذي عبارة عن اشتراكك في صندوق التقاعد و مكان عملك يسدد 10%.
اذا انطبقت عليك شروط التقاعد راح ينصرفلك راتب التقاعد فقط ، يعني مجموع الاشتراكات راح يرجعلك بشكل راتب تقاعد و أكرر اذا انطبقت عليك شروط التقاعد.
اذا ما انطبقت عليك شروط التقاعد يرجعلك المبلغ بس تكون بهالشكل غير مشترك في صندوق التقاعد.

س1: ايش الحالات اللي ممكن ماتنطبق علي فيها شروط التقاعد ؟؟
هل معقولة اعمل كم سنة وبعدين يقولون مالك تقاعد ؟

س2 : كيف مجموعها يرجع لي على شكل راتب تقاعد ؟
هل بيكون راتب التقاعد بعدين لمدة سنوات محددة فقط ؟؟

س3 : في السنوات اللي قبل ماكان فيه هالأشتراكات بس كان فيه رواتب تقاعد
تعطى بدون اشتراك ، فأيش اللي اختلف الحين ؟


وشكرا

[moonبنتnight]

5% من الموظف ( أساسي + علاوة أجتماعية ) + 10 % من شغلك = أشتراكات التقاعد
تأخذ المعاش تقاعدي بعد 15 سنة عمل = يحسبون فيها آخر راتب + عمر الموظف بمعادلة = راتب التقاعد بعد الخصم ينصرف معاش

في خلال فترة عملك تنقلت من مكان إلى مكان يحسوبون سنوات خبرة لين ما تكمل المدة المستحقه للمعاش في باقي من الفترة ما كملته تقدر تشتري المدة ( بس ما سمعنا في حد سواها وستفاد منها )

طامه الكبري = مكافأة نهاية الخدمة في الحكومة ماكلينها عليك التقاعد ( لا يصرفها جهة عملك بحجة المعاش ولا تأخذها هيئة التقاعد وتعطيك أيها لانها غير عن سلفة المعاش لي ماشفنا أحد خذاها )
مكافأة نهاية الخدمة في القطاع شركات والقطاع الخاص = تعيش في عز تأخذ المكافأة نهاية الخدمة + راتب المعاش التقاعدي ( من ضمنها وزارة الداخلية بس ) يا بختهم ونفسها في جميع الدوائر الحكومية والقطاع الخاص في دول الخليج و الدول العربية ( قانون أسبيشل عند الهئية العامة التقاعد ) 00

والله يعين الموظف الحكومي الفقير 00

[محمد2]

5% من الموظف ( أساسي + علاوة أجتماعية ) + 10 % من شغلك = أشتراكات التقاعد
تأخذ المعاش تقاعدي بعد 15 سنة عمل = يحسبون فيها آخر راتب + عمر الموظف بمعادلة = راتب التقاعد بعد الخصم ينصرف معاش

في خلال فترة عملك تنقلت من مكان إلى مكان يحسوبون سنوات خبرة لين ما تكمل المدة المستحقه للمعاش في باقي من الفترة ما كملته تقدر تشتري المدة ( بس ما سمعنا في حد سواها وستفاد منها )

طامه الكبري = مكافأة نهاية الخدمة في الحكومة ماكلينها عليك التقاعد ( لا يصرفها جهة عملك بحجة المعاش ولا تأخذها هيئة التقاعد وتعطيك أيها لانها غير عن سلفة المعاش لي ماشفنا أحد خذاها )
مكافأة نهاية الخدمة في القطاع شركات والقطاع الخاص = تعيش في عز تأخذ المكافأة نهاية الخدمة + راتب المعاش التقاعدي ( من ضمنها وزارة الداخلية بس ) يا بختهم ونفسها في جميع الدوائر الحكومية والقطاع الخاص في دول الخليج و الدول العربية ( قانون أسبيشل عند الهئية العامة التقاعد ) 00

والله يعين الموظف الحكومي الفقير 00



لأن الموظف الحكومي ولد البطة السودة

وموظفين الشركات والداخلية عيال البطة البيضة


وهاي السبب انهم احسن من موظفين الفقاره اللي في الحكومة

[ليــث قطر]

س1: ايش الحالات اللي ممكن ماتنطبق علي فيها شروط التقاعد ؟؟
هل معقولة اعمل كم سنة وبعدين يقولون مالك تقاعد ؟

س2 : كيف مجموعها يرجع لي على شكل راتب تقاعد ؟
هل بيكون راتب التقاعد بعدين لمدة سنوات محددة فقط ؟؟

س3 : في السنوات اللي قبل ماكان فيه هالأشتراكات بس كان فيه رواتب تقاعد
تعطى بدون اشتراك ، فأيش اللي اختلف الحين ؟


وشكرا



1- راجع جهات العمل الموجودة في موقع هيئة التقاعد والمعاشات

وإذا انت تشتغل في قطاع حكومي او بنوك او شركة شبة حكومية فأكيد ينطبق عليك قانون التقاعد


2- الراتب التقاعدي تاخذه على طول وماله مدة محددة


3- اللي اختلف بارك الله فيك .. أن الحكومة كانت تعطي رواتب تقاعدية ومافي انتاجية بالمقابل .. فالحل انه تم انشاء صندوق للتقاعد والموظف يساهم بـ 5% فقط من راتبه الاساسي والاجتماعية وجهة عمله تساهم بـ 10% .. وبعدين هالمبلغ يستثمر ومنه يصرف للموظف راتبه التقاعدي .. والراتب التقاعدي ما يصرف من جهات العمل بل يصرف من الصندوق .. وهذا حل مشكلة جهات العمل الخاصة (الشركات) اللي ما عندها نظام تقاعد ..

[مشتاقة لقطر]

انا باقول لك من باب الحالة اللي مريت فيها ..


انا توظفت 2003 مدرسة .. وراتبنا كان 5800 ريال .. كانو يخصمون كل شهر تقريبا 250-350- مش متذكرة بالضبط كم

اشتغلت سنة ونص وعقب اخذت كورس كامل اجازة وعقب رجعت دوامت كورس .. يعني تقريبا سنتين ..

وقدمت استقالة .. وقلت لهم ابي حقي مقي .. مال التقاعد .. قعدو يسوون لي فيها كيري ميري محد يدري شسالفة فيه ناس تقول خلاص حطيتيها في الصندوق .. ما ترجع لج قلت لهم لا والله انا ماراح اتقاعد ولا راح اشتغل بقطر اساسا لظروف سفري .. مش مسوولة عن اللي بتقاعدون اعطيهم تعبي ياخذونه كراتب للمتقاعدين

الموهيم قالو خلصي اجراءاتج .. وعقب روحي هيئة التقاعد طالبوني الوزارة بالف وستمية ودفعتهم . لان كان منزلين لي البيان .. نهاية العام .. ومدر حق ايش ..
ورحت هيئة المعاشات .. وقعو لي ورقة وحسبو كم اشتغلت وكم انخصم ..

وعطوني اياه كامل مكمل 7الاف وشوي .. ومكافاة نهاية خدمة بسيطة8 الاف وشوي لان الفترة اللي اشتغلتها قصيرة ..

ورحت صيفت فيهم .. هههه

بس للعلم خبروني لو بتشتغلين مكان ثاني راح ينخصم منج 10 % لحد ما تسسددين اللي اخذتيه قلت اكيد ما راح اشتغل ..

وبس

[مستثمره جديده]

الـ 5% من الراتب اللي تنسحب من رواتبنا بيعطونا اياها كرواتب بعد التقاعد .. يعني معاشاتنا

اللي بنستلمها بعد التقاعد بتكون ماخوذه بالاستقطاع من رواتبنا قبل التقاعد ..

[الواعد]

ألف شكر لكل من رد

السؤال القادم هو

راتب التقاعد مب هو ( الأساسي + العلاوة الأجتماعية ) بالضبط ؟؟؟؟

يعني لو راتبي ( الأساسي + الأجتماعية ) = 12.000 ألف

هل بعد التقاعد راح تصفى لي هالـ 12 ألف ؟

لأن البعض يقول فيه حسبة ، إذا فيه حسبة أجل ليش الناس

يقولوا نبي الزيادة دائما تكون على الأساسي لأنه اللي بيبقى

[sendarala]

السلام عليكم
بما انكم طرحتوا هذا الموضوع حبيت اعرف وزارة التعليم والتعليم العالي ما عندهم تقاعد الحين او بمعنى اصح وقفوا التقاعد ،،،،، ابي اعرف ال 5% اللي يخصمونها منا كل شهر وين تروح
وليش يخصمون من عندنا اذا هم وقفوا التقاعد
حد يجاوبني على هذا السؤال ؟
ويعطيكم الف عافية

[مستثمره جديده]

السلام عليكم
بما انكم طرحتوا هذا الموضوع حبيت اعرف وزارة التعليم والتعليم العالي ما عندهم تقاعد الحين او بمعنى اصح وقفوا التقاعد ،،،،، ابي اعرف ال 5% اللي يخصمونها منا كل شهر وين تروح
وليش يخصمون من عندنا اذا هم وقفوا التقاعد
حد يجاوبني على هذا السؤال ؟
ويعطيكم الف عافية

بيعطونج اياها اذا تجاوزتي سن الــ50 وعطوج تقاعد اجباري :nice:

[sendarala]

بيعطونج اياها اذا تجاوزتي سن الــ50 وعطوج تقاعد اجباري :nice:

اذا تجاوزت سن ال 50 الله يعينا ويرحمنا برحمته
الله كريم ان شاء الله
شكررا لج حبوبة وبالتوفيق للجميع