المساعد الشخصي الرقمي

مشاهدة النسخة كاملة : طلب صغير


حرف العين
08-10-2009, 12:19 AM
السلام عليكم ورحمه الله وبركاته

_



0



_



0

ماعليكم أمر بغيت الطريقه الصحيحه اللي اقدر اطرش فيها

من موقع امازون فيه كذا شي عجبني بس مب عارفه شلون اطرش
اّل ثاني 77
08-10-2009, 12:22 AM
وعليكم السلام ورحمة الله وبركاتة
لازم تفتح حساب في ارامكس اولا
سماء الرياض
08-10-2009, 12:29 AM
ان شاء الله الاعضاء يفيدونك
حرف العين
08-10-2009, 10:15 AM
لا اله الا الله

محمد رسول الله
هذلان
08-10-2009, 10:18 AM
السلام عليكم

روحي ارامكس و افتحي صندوق بريد في امريكا و بريطانيا .
وهم بيعطونج العنوان بالكامل ،
وفي موقع امازون دخلي الفيزا اذا بغيتي تشتركين و دخلي عنوان امريكا ،، هم بيطرشونه على صندوقج في امريكا و اتوماتيكيا بيتحول لصندوقج في الدوحه و بتوصلج رساله اذا الغرض وصل الدوحه
qrt_trading
08-10-2009, 11:33 AM
خلج من أرامكس صراحة تسعيرتهم للشحن عالية إفتحي في شركة واشنطن موفرز رقمهم هو: 4169955 أو 4169944 وهم راح يخدمونج ومافي داعي إتروحين لهم راح يفتحون لج صندوق بريد عن طريق التلفون وراح ياخذون منج بعض المعلومات مثل الإسم ورقم التلفون والبريد الإلكتروني الخاص فيج وبعدين راح يبعثون لج مسج أو إيميل على بريدج يتضمن كل المعلومات المطلوبة وبالتفصيل وبالترتيب بعد يعني لما تدخلين موقع أمازون وتسجلين بريدج بكون موضح عند في الإيميل طريقة الإدخال وشنهو تكتبين في كل خانه.

وبعدين لما توصل البضاعة إللي إنتي طالبتها راح يتصلون فيج وخيرونج ما بين إنج إتروحيت تستلمين الغرض من عندهم أو هم إذا إنتي تبين راح يوصلون الغرض لين باب البيت.

ولما تطلبين من أمازون أغراض هم راح يطرشون لج إيميل بالأغراض إللي إنتي طلبتيها وبتوصلج على كم باكج أو صندوق وكل إللي عليج إتسوينه إنج تتصلين في شركة واشنطن موفرز وتقولين لهم على عدد الصناديق وإنج تبينهم يجمعونهم لج ويطرشونهم مرة وحدة لأن هذي الطريقة هي الأرخص في سعر الشحن فكل ما كان الغرض ثقيل قل سعر الشحن وكل ما خف زاد أو إذا ما تبين تتصلين طرشي لهم إيميل باللموضوع وعدد الطرود ورغبتج في إنهم يوصلون لج في نفس الوقت.

وشي ثاني لازم تكون عندج بطاقة للنت يعني بطاقة إتعبينها كل مرة تبين تشترين شي وهذي ممكن تلقينها في بنك الدوحة وكل إللي عليج إتسوينه إنج تتصلين فيهم وتشوفين شنو المطلوب علشان إتطلعين البطاقة هذي، ولا تستعملين بطاقة الفيزا العادية لأنج ما إتعرفين هل راح يسرقون منج ولا لا، عموماً أنا دايماً أتعامل مع هذا الموقع وهو صراحه آمن لكن بالنسبة لباقي المواقع أنا ما أضمنلج أمانتهم فهذي الطريقة هي الأمن.

أرجو إنج تستفيدين من هذي المعلومات.

وبالتوفيق
زهرة بنفسجية
08-10-2009, 12:01 PM
موفقة حبيبتي
حرف العين
09-10-2009, 12:07 AM
تسلمون جميعا ماقصرتوا


الله يعطيكم العافيه
ذكرياات
22-10-2009, 04:03 PM
انشاء الله اتكوني استفدت
اميرةالصحراء
22-10-2009, 07:40 PM
بالتوفيق ان شاءالله
حرف العين
22-10-2009, 11:34 PM
تسلمون يارب

ماقصرتوا جميعا