المساعد الشخصي الرقمي

مشاهدة النسخة كاملة : :::نصيحه...مثال...صار لك...ودك تشوفه في كتاب؟؟يامرحبا بك:::احم


The Master
08-10-2009, 12:11 PM
احم احم ثم احم

هلا ومرحب فيكم...ونورتوا الموضوع...

ندخل على طول....
من العنوان...

عندي مشروع..وفكرة كانت في بالي..واحب الابداع والابتكار...وطبعا لما تبغي تسوي مشروع...تدرسه...وش هو...وليش...ومتى...وكيف...
وعلى اساس ما اعقد السالفه...اعطيكم المختصر المفيد..

في موضوعين قريتهم لخواتي ديمه وصمت القلوب..عن النصائح..الله يجزاهم خير

المشروع...فكرته...اهدافه...

فكرته...
ان انتوا كا اعضاء...تكتبون قصة صارت لكم...مرتبطه بمثل انقال في القصة او نصيحه...(راح اضرب لكم مثال كيف في اخر الموضوع)

اهدافه...
- نشر النصايح.. بطريقه مبتكره...وباسلوب سهل ومفيد...وسلس ويشد الانتباه للقارئ

- نشر الامثال بطريقه مبتكره وجديده وحلوة...ومفهومه ومفيده..بطريقه سهله وسلسه وتشد الانتباه للقارئ

- الابداع منكم...وكشف المواهب...والتحفيز...

- نشر خبراتكم...والاستفاده منها للجميع...وبذلك تكونون تعاونتوا على الخير...وعملتوا خير...ويحسب لكم...والاجر من الله...وعمل شي جميل وطيب في حياتكم..وخاصة لما يكون في كتاب...فالكتاب خير جليس...والكتاب خير صديق...

طبعا هذي كانت الافكار والاهداف...

نجي للتطبيق...
مشروع بدون تحديد وقت بيكون ضياع للوقت والجهد والمال...فا

المده الزمنيه للمشروع راح تكون خلال شهرين من اليوم...يعني
من تاريخ 8/10/2009
الى تاريخ 8/12/2009
واخر موعد للمشاركه بالقصة...في التاريخ المعروض.. 8/12/2009

كيف سيتم اختيار القصص...
هناك لجنه هي اللي بتختار القصص وهي مكونه من 5 اشخاص...انا من ضمنهم...

الكتاب...راح اتكلف انا شخصيا في طباعته...ونشره...

نموذج الكتاب كيف راح يكون؟
وكيف راح يكون سرد القصص؟
وايش طريقه العرض؟
والتنسيق؟
ومجمل مظهر الكتاب؟
...بعدين راح اوفيكم بمعلومات عنه...

طبعا كل مشترك وقصته راح نذكر فيها صاحبها...كان باسمه الحقيقي او في المنتدى...على حسب رايه...ورغبته

سيكون العمل..مذكور فيه....مشاركة اعضاء منتديات الاسهم القطريه..."بعد اذن صاحب المنتدى"..

شروط المشاركه...
- اولها ان القصه تكون صارت او حدثت لك...ويكون فيها مثل او نصيحه...(اخر الصفحه شوفوا المثال)
- انها تكون باللهجه العاميه....
-مسموح للعضو يشارك بكم قصه مافي اي مشكله...
- محاولة تنسيق الافكار في سرد القصة...عشان تطلع بمظهر طيب...(واذا شفنا القصه تحتاج تعديل بنعدل فيها)
- لما تشارك في الموضوع هذا يعني موافقتك على طرح قصتك في الكتاب...
- كا صاحب المشروع لي كل الحريه في مشاركتك اني اغير او اعدل فيها...دامها طرحت هنا...في موضوعي...
- ليس هناك مبلغ مالي مطلوب من الاعضاء للمشاركه...
- ليس هناك مبلغ مالي يعطى للمشاركين...
- لا يحق لاحد من المشاركين في الموضوع او الكتاب المطالبه بأي مبلغ او اي حق...عند نشر الكتاب...
- الملكيه وحقوق النشر محفوظة لدى صاحب المشروع...
- اذا كنت موافق على كل الشروط المذكورة اعلاه...فيمكنك المشاركة بقصتك...وبذلك تكون موافق على الشروط..

اتمنى الشروط كانت واضحه...اللي اوله شرط اخره نور..
صحيح الشروط غريبه نوعا ما...لكن هم بعد انا ابغي احمي نفسي...
صحيح عمل خير وماراح اخذ من وراه فلوس...لكن يبقى...الحرص واجب..
(اتمنى محد قال بل بل بل من صجه هذا..احم..)

الحين نجي للمثال....
مشاركتي كانت في موضوع اختي ديمه....تفضلوا..(طبعا كوبي بيست..بس يبغي لها تنسيق وبعض البهارات احم..بس كا مثال بيكون شي واضح لكم)

"....طبعا كما احب ان اقدم افكاري فا اني احبها قصصي منها تسلي ومنها اثاره ومنها استمتاع ومنها فايده ان شاء الله ومنها تغيير للروتين..(شنسوي نحاول نخترع اسلوب خاص فينا)

مع الوالد الله يرحمه...كنت انا توني في الابتدائيه...وكنت راكب معاه العراوي...وكنا رايحي سوق الغنم...كان عنده تيس يبغي يبيعه..مسوي له قلقان...عاد كنا في اجازة وكنت البكر...فا غصب عن امن ياباتني ياخذني معاه عشان يحكني حك وامسك له التيس(ايييه وين ابهات اول ووين ابهات الحين)
المهم فا وحنا راجعين عقب البيعه....طبعا عقب حيل وشقى(خبركم التيس كان مكربن ومحدن يبغيه احم)
كنا راجعين على خط الشمال...وكنا نمر على بقالة فيها كيمه وجباتي(صوفي..ايام والله)...وخبركم من عقب صلاة الفجر حنا طالعين من البيت والحين الضحى فا كنت جوعان...قلت له باباتي بغيت كيمه(حلوة باباتي احم) قصدي يبه بغيت كيمه...قال لي فالبيت ريوق مسويته امك...قلت له لا لا ابغي شباتي وكيمه...قال لي انجعم...قلت له انت قح(طبعا غلط)....قال لي اسمع يابوك..."اذا كنت انت تاكل الارطب انا احسب الطعام"(البذر)

ومن يومها صرت احاسب على اي شي اسويه كان لي ولا لغيري...
وافكر في المستقبل وهالاشيا اللي اسويها بتوصلني للي ابغيه ولا لا...
وكيف اوفر..
ودايما احاول اخلي شي في الحساب يسند اظهري....
وهم بعد من ناحية اني اشوف الشي من جميع النواحي...
واحاسب على ممتلكاتي...
واشوف فلوسي وين اقطها...
طبعا هي مش مساله قح او بخل وانما اعتدال...
عسى ربي يغفر للوالد ويرحمه برحمته ويسكنه فسيح جناته يارب..."

اتمنى القصة او المثال كان واضح...

انتظر منكم تجاوبكم...ولحد يبخل علينا...
ربع(ن) تعاونوا ما ذلوا...
واتمنى الفكرة اعجبتكم...ولحد يستعجل في السرد...اكتبوها بكل روقان وراحااات...
وانتظركم
نسيت ماذكرت فوق....ترا المشروع راح يكون عمل وقفي..لله تعالى....
لاهنتوا جمييعاااا
اخوكم...علي
ديمه
08-10-2009, 01:39 PM
السلام عليكم اخوي يسعدني اني اكون اول من يرد عليك قد يرى البعض ان النصيحة مجرد كلام من حد يده في الماي البارد ولا يفكر بانها خلاصة تجربة مر بها غيره قد تختصر عليه خوض تجربة قد يخسر فيها الكثير أحيك على هذا الموضوع ولي عوده ان شاء الله
The Master
08-10-2009, 06:45 PM
السلام عليكم اخوي يسعدني اني اكون اول من يرد عليك قد يرى البعض ان النصيحة مجرد كلام من حد يده في الماي البارد ولا يفكر بانها خلاصة تجربة مر بها غيره قد تختصر عليه خوض تجربة قد يخسر فيها الكثير أحيك على هذا الموضوع ولي عوده ان شاء الله

هلا ومرحب اختي ديمه....
وعليكم السلام ورحمة الله وبركاته...
لي الشرف في تواجدك اختي...

اتفق معاج وهي نقطه مهمه...في ان الواحد يسمع النصيحه ويكون مار او عايش في موقف..ولا يعلمه..لكن مع الايام يتذكر ان هالنصيحه سمعها لما صار له موقف او قصة كذا وكذا...

فا هذا الهدف من الطرح...نعلم عيالنا وغيرنا ونعلم نفسنا...محد معصوم عن الخطأ...لكن ابائنا واجدانا...ليه ينصحونا؟

لانهم مروا في هالمواقف ومايبغونك انت تشقى وتتعب فيها...فا تخيل نفسك مكانهم...وتخيل هالكتاب او القصة تهديه لابنك لاخيك لصاحبك لمن يعز عليك...

فا هنا خلاصة هالكتاب..
وطبعا اشيا ثانيه..ذكرتها فوق...

البقى اختي...
وانتظر مشاركتج...واكيد انها راح تثري الموضوع...

وانتظر كذلك باقي الاعضاء ذكور او اناث...
ينورونا بقصصهم...ويثرونا باللي صار لهم..
ويفيدون ويستفيدون...
لحد يقول اشدعوة اكتب في كتاب...او كلامي ينحط في كتاب..
ترى غيرك مب احسن منك...والتجربه والمحاولات كم مرة هي البرهان...ماراح تعرف الا لما تجرب ولما تجرب ماراح تخسر...(فا عن التفهي احم) ويامرحبا بكم..

اختي ديمه...لاهنتي على التواجد...
وننتظر مرورج...يامرحبا بج
The Master
09-10-2009, 10:01 AM
احم
بخصوص يعني......
سيييييييييين!
قلنا فكروا ونسقوا
بس مب هالكثر.... مافي الا رد واحد؟
قلنا الخميس والجمعه واجازه وقليل من يجي النت بس مب فوق ال ٩٠ مشاهده وبدون ردود...احم
واتوقع في ناس تكتب وعندها موهبه
فا انتظر...احم
العداله
09-10-2009, 01:14 PM
موضوع جيد وممتع
ولنا عوده بإذن الله
BURBERRY
09-10-2009, 01:31 PM
احم .. احم .. احم

مرحبا بعليان و بهل الشمال ..

احييك على هالفكره الفلته و الي بيكون فيها قصص و عبر للحياة .. و ان شاء الله بشارك ..

و جزاك الله خير
!الشايمه!
09-10-2009, 06:28 PM
احم
بخصوص يعني......
سيييييييييين!



هههههههههههههههههههههههههههههههههههههه

بخصوص اللي خرب على الموضوع...انك نزلت موضوع...بعد موضوع مشابه
معظم الاعضاء قالوا تجاربهم وقصصهم في موضوع صمت القلوب...
اللي عن النصيحة.....

انا اقول اذا فعلا...ودك تنشر هذا الكتاب....اختار القصص من ذاك الموضوع

يمكن بعض الاعضاء مايبون يكررون القصص هنا ايضا...

بس برأي ان استخدام اللغة العامية في النشر....شئ غير مطلوب
يبعده عن الجدية.....وسينظر له البعض انه لعب عيال << اسمح لي على
هذا التشبيه...

اذكر من فترة في كونفرنس في المدينة التعليمية...الاخوة السعوديين
احضروا منتج طلابي...كان عباره عن مجلة شبابية

كلها بجهودهم الصور والتصميم....والكلام بالعامي :) ...كانت وايد كيوت
بس الكل فكر بها بشكل عبطي......وغير جدي

والله يوفقك


تحية
ديموور
09-10-2009, 10:21 PM
فكرتك وااايد حلللوة وانا ان شاء الله بشارك لأني مرة شاركت في القصص القصيرة وفزت وانشروها في كتاب واحيانا اجوفها في الجريدة منشورة
The Master
10-10-2009, 10:22 AM
موضوع جيد وممتع
ولنا عوده بإذن الله

هلا ومرحب بالعداله...

ننتظر العوده...وفيها مايسر من القصص..
ونتطلع لرؤيه اسلوبك...وكتاباتك...

في الانتظار
لاهنت
The Master
10-10-2009, 10:25 AM
احم .. احم .. احم

مرحبا بعليان و بهل الشمال ..

احييك على هالفكره الفلته و الي بيكون فيها قصص و عبر للحياة .. و ان شاء الله بشارك ..

و جزاك الله خير

هلا بالماركه اللي من محبينها(اقصد الماركة لحد يروح باله بعيد بس)..احم
هلا ومرحب بك...حيالله هل ام وشاح(مادري شفتك تكتب ام وشاح..فا اذا كذلك...يعني انت من الانساب احم)

البقى...واهم شي انها فلته..ان شاء الله نشوفك معانا..واسمك مخطوط في الكتاب لاجيال...

ويجزاك يارب...

وفي الانتظار
لاهنت
The Master
10-10-2009, 10:39 AM
هههههههههههههههههههههههههههههههههههههه

بخصوص اللي خرب على الموضوع...انك نزلت موضوع...بعد موضوع مشابه
معظم الاعضاء قالوا تجاربهم وقصصهم في موضوع صمت القلوب...
اللي عن النصيحة.....

انا اقول اذا فعلا...ودك تنشر هذا الكتاب....اختار القصص من ذاك الموضوع

يمكن بعض الاعضاء مايبون يكررون القصص هنا ايضا...

بس برأي ان استخدام اللغة العامية في النشر....شئ غير مطلوب
يبعده عن الجدية.....وسينظر له البعض انه لعب عيال << اسمح لي على
هذا التشبيه...

اذكر من فترة في كونفرنس في المدينة التعليمية...الاخوة السعوديين
احضروا منتج طلابي...كان عباره عن مجلة شبابية

كلها بجهودهم الصور والتصميم....والكلام بالعامي :) ...كانت وايد كيوت
بس الكل فكر بها بشكل عبطي......وغير جدي

والله يوفقك


تحية

هلا ومرحب اختي الشايمه...
اشكر لك مشاركتك الجميلة وطرح بعض النقاط..

بخصوص موضوع اختي صمت...شنسوي كلت الجو عن موضوعي...ايييه شاقول ولا شاقول...احم

وبخصوص المشاركات اللي في موضوع صمت...امممم..مادري هل قريتي الشروط اللي انا كاتبها... فا ماقدر اخذ المكتوب...ولازم يكون موضوع هنا...والاهم انهم يحاولون ينسقون في السرد والسياق...على اساس تطلع بمظهر وشكل طيب...

بالنسبه للعامي...يمكن وجهة نظرك تكون صحيحه...لكن
فكرة العامي شي جديد وطيب وجميل
العامي سهل للقراءه...وفيه متعه...وتحس انك تعيش الجو..مع القصة اكثر من الفصحى..
العامي...على اساس امثالنا مايحتاج نعيد صياغتها الى الفصحى..وبذلك احيانا تفقد حلاوتها ومعناها حتى...
العامي...يشد القراء...وسهل للاطفال..المراهقين...حتى الكبار...وسهل للحفظ..يعني لو تفكرين ينفع انها تكون قصص نحفظها على اساس نقولها لعيالنا...
تسهيل لحفظ المثال..تسهيل لتوصيل المعلومه..
كا مثال قصتج اللي طرحتيها في موضوع صمت...تخيلي لو كانت بالعامي...وبصياغه وسرد جميل...(عن الديك)...راح تنحفظ وماراح تنسى والمثل اللي فيها بيكون محفوظ وشرح المثل مطبق...

وعن السعوديين ومشروعهم...وعن انه بيكون لعب عيال...
حبيت اوضح...فكرة عرض الكتاب...وطريقه الكتابه...واسلوب العرض للقصص...والاهداف...تفرق من مشروع لمشروع...
فا لاتحاتين...ومب اي شي سووه قبلنا وفشل يعني حنا بنفشل بكتابنا...
هناك مقومات...واساسيات..
بختصار...اللي يستوي بسرعه يروح بسرعه...

والعامي...لانها لهجة بلادي..ولي الفخر...وعلى عيني اللغه العربيه...لكن لما تسوي شي يونيك(فريد)...يبقى شي في المنطق اسمه...ابداااع...

ويوفق الجميع يارب...
واهم شي نشوف مشاركتك...
يبين مرت عليك سوالف وامثال واجد..
فا هالله هالله في القلم والدفتر...واكتبي...(هذا اللي غصب يبغيها تكتب احم)

اتمنى اني وصلت لج وجهة نظري من ناحية عامي ومن ناحية ليه ما اخذ ردود المواضيع الاخرى...

ويامرحبا بج
ولاهنتي على التواجد
The Master
10-10-2009, 06:58 PM
فكرتك وااايد حلللوة وانا ان شاء الله بشارك لأني مرة شاركت في القصص القصيرة وفزت وانشروها في كتاب واحيانا اجوفها في الجريدة منشورة

هلا ومرحب ب سنوات الضياع...
اوب اوب اوب...يا عييييييييني اي هذا هو المطلوب والحماس اللي انتظره...
يا مرحبا الساع
وينك من زمااان..كاتب ولا فاز بجائزه...يا عيييييييني...تستاهل كل خير...لنا الشرف اخوي تشاركنا...وتتحفنا بما لديك...

الحمدلله الفكرة اعجبتك...ومانبغي منك الا الهمه...والجديه...وماراح يصير الا كل خير...
واذا شي ولا شي فيفتي فيفتي..(توه يقول وقف...مالت بس احم) نمزح معاك...

انتظرك خيو...
وين الباقي...للحين ارقوود؟ ولا..اي اي اي قاعدين تكتبون اها..اوكي خلاص انتظركم..احم

يامرحبا بك وانتظرك يا سنوات الضياع..
ديموور
10-10-2009, 09:28 PM
أخوي انا وحدة مب واحد وصورة الريال الملتحي هذي موكلني ادافع عنه
حليتان*
10-10-2009, 09:34 PM
فكرتك جميلة
ومخك داهيه

ما شاء الله عليك
ديموور
10-10-2009, 10:59 PM
بسم الله الرحمن الرحيم

هذي النصيحة ياطويليين العمر تلقيتها من دكتورة في الجامعة

النصيحة كانت بخصوص الوالدين وكبار السن في العيله

ونصيحتها ان هالكبار الحياه معاهم قصيرة لأن في مرحلة الطفولة والمراهقة ماقدمنا لهم شي 0

أفضل شئ ان احنا انخليهم يتكلمون عن ماضيهم ونسألهم الأسئلة اللي يحبونها

وفعلا طبقت هالنصيحة على يدتي رحمة الله عليها وقعدت معاها هي وامي وكنا في بيتنا

قلت لها يما(فلانة) قولي لي قصة مالت أول وقامت اتقولي قصة واايد حلوه لا وراعية القصة على اسمي وبعدين قامت اتذيل القصة بقصيدة حزينة والقصة بختصار ان وحدة غاروا منها اهل زوجها لان زوجهاواايد يحبها فعملوا لها كمين وخلوا وحدة منهم تلبس ثياب رجال وتتلثم وتطلع من دريشةالزوجة وقت خروج الزوج من المسجد يفهمونه ان زوجته تخونه وبعد فتره تبينت له الحقيقة وبغا يرجعها بس رفضت وقصدت ذيك القصيدة 00 كل ذي وانا كنت أكتب اللي تقوله يدتي 00وبعدها امي قالت لي ان يدتي تقول اني أحسن وحدة من بناتها00وطبقتها عقب ماتزوجت قعدت مع ابو زوجي وقعد يقولي عن أيام شبابه يوم كان في الغوص عقبها بروحه قام وقال انا اليوم تكلمت وايد وانا مستانس والله هذي اغلى نصيحة اقدمها حق كل من عنده كبير في السن مايهمله معنويا وماديا
The Master
11-10-2009, 10:34 AM
أخوي انا وحدة مب واحد وصورة الريال الملتحي هذي موكلني ادافع عنه

هلا ومرحب اختي سنوات الضياع...
ما ركزت عدل على..فا تفهي..احم
سهالات مافرقت...الاهم هو القلم...
وبخصوص الموكل....
هذا الواقع...واللي حاصل في المسلسلات...خبرج يبغون يدعون للعلمانيه والليبراليه والطوائف الاخرى...
الله يهديهم ويهدينا يارب...
ومايصح الا الصحيح...

وبالتوفيق في الدفاع...ويستاهل من كان له لحية(ن) غانمه...

يامرحبا بج
ديموور
12-10-2009, 01:18 PM
لو سمحت اقرا الموضوع اذا مب حلوة بكتب وحدة ثانية

والله الفكرة حلوة بس للأسف موضوعك مااخذ حقه
The Master
13-10-2009, 11:53 AM
بسم الله الرحمن الرحيم

هذي النصيحة ياطويليين العمر تلقيتها من دكتورة في الجامعة

النصيحة كانت بخصوص الوالدين وكبار السن في العيله

ونصيحتها ان هالكبار الحياه معاهم قصيرة لأن في مرحلة الطفولة والمراهقة ماقدمنا لهم شي 0

أفضل شئ ان احنا انخليهم يتكلمون عن ماضيهم ونسألهم الأسئلة اللي يحبونها

وفعلا طبقت هالنصيحة على يدتي رحمة الله عليها وقعدت معاها هي وامي وكنا في بيتنا

قلت لها يما(فلانة) قولي لي قصة مالت أول وقامت اتقولي قصة واايد حلوه لا وراعية القصة على اسمي وبعدين قامت اتذيل القصة بقصيدة حزينة والقصة بختصار ان وحدة غاروا منها اهل زوجها لان زوجهاواايد يحبها فعملوا لها كمين وخلوا وحدة منهم تلبس ثياب رجال وتتلثم وتطلع من دريشةالزوجة وقت خروج الزوج من المسجد يفهمونه ان زوجته تخونه وبعد فتره تبينت له الحقيقة وبغا يرجعها بس رفضت وقصدت ذيك القصيدة 00 كل ذي وانا كنت أكتب اللي تقوله يدتي 00وبعدها امي قالت لي ان يدتي تقول اني أحسن وحدة من بناتها00وطبقتها عقب ماتزوجت قعدت مع ابو زوجي وقعد يقولي عن أيام شبابه يوم كان في الغوص عقبها بروحه قام وقال انا اليوم تكلمت وايد وانا مستانس والله هذي اغلى نصيحة اقدمها حق كل من عنده كبير في السن مايهمله معنويا وماديا

هلا ومرح ب اختي سنوات الضياع...
اولا احيييج على هالمشاركة الجميلة جدا..واللي افادتني كا قارئ...ونصيحه اول مرة اسمعها...
اشكرج على المشاركه الجميله...
ثانيا...
السموحة على التاخير في الرد...كان عندي امتحان اليوم...وكان كثير وغلج..فا ماكان في مجال هاليومين اللي طافوا...

المهم...
ماشاء الله اعجبتني نوعية النصيحه..
لكن...
يبين ان مخج ماكان مرتاح او فاضي لما كتبتي..يمكن مستعجله او شي...
لكن هي يبغي لها تنسيق وترتيب الافكار...
يعني مثلا نحط لج سيليبلس..(يعني ترتيب للمواضيع)

تكتبين نوعية النصيحه...كا عنوان مثلا
تكتبين القصة كاملة مش كان وعلى طول...يعني مو مشكلة طول القصة اهم شي الناس تستمتع وتستفيد...
مثلا كان ذكرتي القصة اللي قالتها لك جدتك واذا ذكرتي القصيده هذا لا يمنع..فيها فايده..

بعدها يعني في النهايه...تكتبين الفايده من القصة وعلاقتها بالنصيحه...
وانا اشوف لو انها باللغه العربيه افضل..
على اساس نكون جمعنا بين شيئين...الجديه والابداع في الطرح..

واتمنى اني قدرت اوصل لج المعلومه...
بحاول اكتب مثال...يكون واضح...

لكن هذا لا يمنع ان قصتج جميلة ومفيده ونصيحه بصراحه قمه في الروعه..
خاصة اني احب الكبار في السن والقعده معاهم...(توني شباب لحد يقول اني شايب احم)

فا ننتظر منج اكثر واكثر خيتو(هذا اللي بيشغلها صح..احم)

ولاهنتي على المشاركة الطيبه..وهذا عشمنا فيج
واتمنى من الباقي المشاركه...
وخل عنكم التفهي لا اعطيكم على راسكم(امحق اسلوب..لا ويبغيهم يشاركون بعد..احم..شكلي انا اللي بانضرب صح احم)

فا اشكر لج مشاركتج الطيبه...
وانتظر منج اكثر واكثر..
وانا ان شاء الله بحاول اضبط وقتي واول ما اخلص من الامتحانات بانزل كم نصيحه..

ويامرحبا بج دووووم
ولاهنتي خيتو
The Master
16-10-2009, 12:25 PM
احم
للحين ننتظر....
احم
The Master
20-10-2009, 04:24 PM
ايييييييه
شاقول ولا شاقول

ليكون معيين تشاركون تبغون جوائز وفلوس؟؟؟
اعشقوا الراحه بس...احم

لازلنا ننتظر
يعني وايتينق
Mozanee
20-10-2009, 09:21 PM
http://img33.imageshack.us/img33/7931/622701172860882f.gif

تسعدني المشاركة معاكم

المثل (الطيور على أشكالها تقع)
شعرت بهذا المثل وانا موظفة وكنت توني جديدة وما أعرف أي وحدة ؛وفي غرفة مليانة موظفات .

ما حبيت أدخل معاهم وفضلت الغرفة اللي فيها عدد صغير وهنا يدخل مثل آخر (الغريب عمي)

المهم كنت أ قعد معاهم وآكل واضحك واساعدهم واخدمهم وانا حابتهم بس في داخلي أحسهم

حاطين حواجز ومهب حابيني لين طاح الفاس في الراس وعشت بعدها في ألم واحباط واعتزلت

كل الموظفات؛ سنين وانا في غرفتي مابيني وبينهم الاالسلام لين تعرفت على ثنتين أحس يوم

يكونون معاي احس قاعدة مع روحي نفس الميول ولله الحمد مايجوفوني على خطأ الاانصحوني

بالحسنى ولين اليوم هم معاي ماقطعوني ولي سافروا لازم يهدوني شي عمرهم ماجرحوني

ولا غثوني صدق من قال (رب أخ لم تلده أمك).وعلى فكرة المثل ينطبق على أصدقاء النت .

وأخيرا أحب أشكر صاحب الموضوع على الفكرة الحلوة وان شاء الله هالقصة تكون فيها

الافادة.


http://img132.imageshack.us/img132/5640/2613.gif

هني كنت حزينة.
ساحل الشمال
21-10-2009, 08:38 AM
الفكرة جيدة واحييك عليها بس لا تكون باللهجه العامية ، والامثال لا ما نع من كتابتها بالعاميه لكن القصة واحداثها بالفصحى افضل وارقى ....ودمتم .
Mozanee
21-10-2009, 11:41 PM
بسم الله الرحمن الرحيم

اولا تفاجأت بالاسم؛ كأن متغيير؛ اييييه كل انسان وظروفة أنا لوحسيت ان في حد يراقبني


ويتتبع كل شي أكتبه ممكن أغيراسمي ؛ طبعا انت فاهم هالأمور صعبة تكون مراقب .


حبيت أشارك بنصيحة قدمتها لي صديقتي ؛والنصيحة (ماذا أفعل اذا أحسست بالضيق)

كانت تقول كلما أحسست بالضيق وقساوة في قلبي ألجأ لكتاب السيرة النبوية على

صاحبها أفضل الصلاة وأزكى السلام وبالذات وفاته وفعلا عملت بالنصيحة وطبعا وعصرنا

زاخر بالتكنولوجيا فعوض عن القراءة ألجأ الى سماع السيرة عن طريق الكمبيوتر وكلما


سمعت وفاة الرسول لابد أن أبكي حتى كأن قلبي قد انغسل من الهموم .والله مازلت أجربها

وآخر مرة اليوم .وكل مرة أسمعها من شيخ مختلف .


حاولت أكتب باللغة الفصحى ان شاء الله نجحت المحاولة .وألف شكر لك .

عاد انا كل مرة برز وجهي قصدي برز كيبوردي .
The Master
22-10-2009, 05:26 AM
http://img33.imageshack.us/img33/7931/622701172860882f.gif

تسعدني المشاركة معاكم

المثل (الطيور على أشكالها تقع)
شعرت بهذا المثل وانا موظفة وكنت توني جديدة وما أعرف أي وحدة ؛وفي غرفة مليانة موظفات .

ما حبيت أدخل معاهم وفضلت الغرفة اللي فيها عدد صغير وهنا يدخل مثل آخر (الغريب عمي)

المهم كنت أ قعد معاهم وآكل واضحك واساعدهم واخدمهم وانا حابتهم بس في داخلي أحسهم

حاطين حواجز ومهب حابيني لين طاح الفاس في الراس وعشت بعدها في ألم واحباط واعتزلت

كل الموظفات؛ سنين وانا في غرفتي مابيني وبينهم الاالسلام لين تعرفت على ثنتين أحس يوم

يكونون معاي احس قاعدة مع روحي نفس الميول ولله الحمد مايجوفوني على خطأ الاانصحوني

بالحسنى ولين اليوم هم معاي ماقطعوني ولي سافروا لازم يهدوني شي عمرهم ماجرحوني

ولا غثوني صدق من قال (رب أخ لم تلده أمك).وعلى فكرة المثل ينطبق على أصدقاء النت .

وأخيرا أحب أشكر صاحب الموضوع على الفكرة الحلوة وان شاء الله هالقصة تكون فيها

الافادة.


http://img132.imageshack.us/img132/5640/2613.gif

هني كنت حزينة.

يامرحبا بالحزينه...قصدي موزاني....
اشكرك على مشاركتك الطيبه والجميله صراحه...
واعجبتني الافكار اللي فيها....
وننتظر منج المزيد والمزيد...

وبجد اشكرج على مشاركتج الطيبه...
وهالله هالله نبغي المزيد..
عندي نصيحه...لو تحاولين تكثرين من التفاصيل بيكون احلى...

ولاهنتي خيتو
ويامرحبا بج
The Master
22-10-2009, 05:30 AM
الفكرة جيدة واحييك عليها بس لا تكون باللهجه العامية ، والامثال لا ما نع من كتابتها بالعاميه لكن القصة واحداثها بالفصحى افضل وارقى ....ودمتم .

هلا ومرحب ب سيف الشمال...
اشكرك على المرور وابداء رايك...ومن حقك خيو...
لكن تقدر تقرا ردي على الاخت الشايمه...ان شاء الله يكون جوابي لها راح يكفي..لتوضيح وجهة نظري...
وانا فاهم ان اللغه العربيه الفصحى ارقى...لكن...يعتمد انت كيف راح تقدم الكتاب...وهنا هو الفارق...

ويامرحبا بك خيو
ولاهنت
Mozanee
22-10-2009, 10:03 PM
http://img40.imageshack.us/img40/4540/93120930.gif

لو سمحت يا TheMaster ودي أسأل بخصوص لغة الكتابة عامية ولا فصحى ؟؟

من خلال الردود مرة أفهم ان اللغة عامية ومرة فصحى!!

أخاف يصيرلي انفصام بالشخصية هههه.

رجاء لاتأخر بالرد ...معليش أنا عيولة ..والسموحة.
The Master
23-10-2009, 03:11 AM
http://img40.imageshack.us/img40/4540/93120930.gif

لو سمحت يا themaster ودي أسأل بخصوص لغة الكتابة عامية ولا فصحى ؟؟

من خلال الردود مرة أفهم ان اللغة عامية ومرة فصحى!!

أخاف يصيرلي انفصام بالشخصية هههه.

رجاء لاتأخر بالرد ...معليش أنا عيولة ..والسموحة.

هلا ومرحب موزاني

اهم شي الانفصام...احم

اختي القصه تكون بالعاميه
والمغزى او الخلاصه من القصه تكون بالفصحى...

انتي اكتبي ما يحلا لج وبعدين نحكم...ونقدر نغير...يعني مش لانكتب الشي ماينمسح..احم

ولاهنتي على المشاركه...وننتظر منج ومن الجميع المزيد...

وعن الرد اتاخر احيانا لفارق التوقيت...والجامعه...يعني الحين توني قاعد ورايح الجامعه....بس عشانك عجوله قلنا نرد..احم

ويامرحبا بج
وفي الانتظار
Mozanee
23-10-2009, 03:14 PM
http://img243.imageshack.us/img243/4527/517e.gif

هذي قصة واحد من اهلي ونفترض اسمه (أحمد) تعرف على شخص في النادي .

وبعد وقت قصير من التعارف طلب هالشخص من أحمد ان يزوره في البيت <<<اللي هو بيت

الغريب .

ما ارتاح احمد للعزيمة بالذات ان زوجته بعد معزومة معاه .

فطلب المشورة من شقيقه وانصحه مايروح وزوجته معاه وحتى يطمن أكثر سأل صديقه وقاله
نفس الكلام .

وبعدها اتفقوا ان يلتقون في البحر وقعد أحمد مع الرجال وزوجة أحمد مع الزوجة .

وعرفت زوجة أحمد اسم الزوجة وقالت لها ان مابينهم اعيال ولأن حبل الكذب قصير

صديق الزوج قاله ان هم بينهم عيال .أحمد شك في الموضوع وعرف بعد البحث والسؤال

ان هالمرة اللي كانت معاه مب زوجته و هذاك يوم وهذي يوم وانقطعت الاخبار عن هذاك

الشخص.

فالمفروض ان لا نثق بالغريب ولنفرض ان أحمد قبل دعوة هذا الشخص وأخذ الزوجة معاه

ما مصير الزوجة .

نحن لا نشكك بنوايا الناس لكن الاحتياط واجب .

أتمنى القصة فيها العضة والعبرة .وياريت الكل يشارك والله نستفيد من القصص الواقعية
The Master
24-10-2009, 07:34 PM
http://img243.imageshack.us/img243/4527/517e.gif

هذي قصة واحد من اهلي ونفترض اسمه (أحمد) تعرف على شخص في النادي .

وبعد وقت قصير من التعارف طلب هالشخص من أحمد ان يزوره في البيت <<<اللي هو بيت

الغريب .

ما ارتاح احمد للعزيمة بالذات ان زوجته بعد معزومة معاه .

فطلب المشورة من شقيقه وانصحه مايروح وزوجته معاه وحتى يطمن أكثر سأل صديقه وقاله
نفس الكلام .

وبعدها اتفقوا ان يلتقون في البحر وقعد أحمد مع الرجال وزوجة أحمد مع الزوجة .

وعرفت زوجة أحمد اسم الزوجة وقالت لها ان مابينهم اعيال ولأن حبل الكذب قصير

صديق الزوج قاله ان هم بينهم عيال .أحمد شك في الموضوع وعرف بعد البحث والسؤال

ان هالمرة اللي كانت معاه مب زوجته و هذاك يوم وهذي يوم وانقطعت الاخبار عن هذاك

الشخص.

فالمفروض ان لا نثق بالغريب ولنفرض ان أحمد قبل دعوة هذا الشخص وأخذ الزوجة معاه

ما مصير الزوجة .

نحن لا نشكك بنوايا الناس لكن الاحتياط واجب .

أتمنى القصة فيها العضة والعبرة .وياريت الكل يشارك والله نستفيد من القصص الواقعية

ماشاء الله اختي موزاني...
بصراحه اختيار هالنقطه مهمه جدا جدا....احيييك عليها صراحه...
ماشاء الله عليج من قمتي تشاركين في الموضوع ودايما اختياراتج في الطرح والافكار فريده وماتخطر على بال الكثيرين...
احسنتي خيتو...
وبارك الله فيج...
وننتظر ابداعاتج...
وان شاء الله بشارك ب مثل عن قريب...
ولاهنتي على المواصله في الطرح...
ويامرحبا بج دوم...
The Master
24-10-2009, 08:04 PM
احم احم....
نشارك اليوم....ب مثل....اشوفه مهم جدا...خاصه في الايام وهالوقت اللي حنا عايشين فيه...في ظل العلاقات...والاصدقاء...

المثل.... ولا اقروا القصه ومنها راح تفهمونه...(تشويق يابالفيت...احم)

على ايام ماكنت توني مخلص الثانويه...خبركم...اول ماتخلص...وتنجح...كل احلامك تتحقق...وتنفتح لك كل الابواب...ولك كل ماتتمنى...ماعليك الا تقول "آآ" يقولون لك بالسمع والطاعه(قويه ها...احم..شنسوي بهارات..احم)
المهم شروا لي سياره...وجوال...وكان عندي لبليب(باااااال غبره...بس كان عجيب)...طبعا انا من اهل قريه...وقليل ماكنت انزل الدوحه...لكن لما قمت اسوق...تغير الحال...والواحد يحب يستكشف...فا قمنا نحوس...وندور...
وفي يوم كنت انا وولد عمي رايحين نتعشى...في شارع المرخيه...تحديدا نجمه الهند (اوووه على ذيك الايام مريش اللي ياكل هناك...احم)
فا قال لي ولد عمي واحد من ربعه بيخاوينا...قلت نو بروبلم...دامك اللي بتدفع...اعزم اللي تبغيه(ضرس من قلب..)...
المهم...وصل الرجال...ما اعرفه...يالله حيهم...خشم...هذا فلان بن فلان....هذا ولد عمي فلان.... والنعم...وش حالك...عساك طيب...والنعم فيك..ماعليك زود...
قعدنا على الطاوله...طلبنا!!...(خوفي طلبنا بس)..الا بوفييييييه على طوووول مافي واحد اثنين...احم
وحنا ناكل..سوالف وعلوم....وانا بطبعي اجتماعي اطيح الميانه بسرعه بيني وبين الغريب...
المهم....شوي والا الرجال قام يستلمني...يتطنز الاخ؟؟؟...عسى ماشر؟
شسالفه...انا استغربت...قلت بخصوص يعني...وولد عمي يتكركر معاه...وانا اضحك ه ه ه ...يعني اوكي اوكي...
فا تضايقت...قلت هذا مايعرفني...واليوم اول مره اشوفه وقاعد يستلم...
الرجال راح يعبي الصحن من البوفيه....وولد عمي قاعد...سألته...قلت له بخصوص الاخ يعني...قال لي وش فيه...قلت له مستلمني وانا ما اعرفه...قال لي...يا بوحسن...." اذا تبغي تصاحب صاحبك...حاسبه من اول مره"...
قعدت افكر...قلت بس مب حلوه اواجه الرجال...واليوم اول مره اقابله...احراج ياولد...فا كنت متردد...لكن...فكرت في طريقه...وقلت اذا قال شي راح اواجهه...
جا الاخ...وقط كلمه...رفعت راسي...وقلت له..."زودتها ياخوي....ريح شوي"...يعني اسلوب مزح على جد...وبس من عقب ذاك اليوم...وليومك هذا ربع...وكل ويك اند نطلع مع بعض مع الشله...والحين صار لنا ٩ سنين...الحمدلله...

الفائده...
لما تتعرف على اصدقاء جدد في حياتك...او حتى اصدقاء في عملك...
اذا رأيت شيأ لا يعجبك من ناحية التعامل معك قلها ولا تردد...ان هذا الشئ لا يعجبك...فبذلك تكون قد وضعت حدود للغير...قد يكونون لا يرونها...او كان سوء فهم منهم لك...
وعندما تقولها من البدايه افضل من ان تكون متاخره...فالناس يبنون الانطباعات والحدود...فا ابني حدودك من البدايه...حتى لا تتحسر بعدها...او تتكون بغضاء وسوء فهم وشحناء بينك وبين الغير....


احم احم....
اتمني المثل والقصه اعجبوكم...
واتمنى انها تعطيكم دافع للمشاركه...والمحاوله...
فا القصص والامثال...صعبه اسويها لحالي...فا مشاركتكم مهمه بالنسبه لي...

واشكر بالاخص اختي موزاني على متابعتها ومشاركاتها...بصراح تشكر على ما تقدم...وننتظر منها الكثير...(هذا اللي بيفححها...احم)

وننتظر الباقي...

ويامرحبا بكم
سيدة اعمال فلسطنية
24-10-2009, 09:14 PM
بالتوفيق فكره ممتازه والي رجعه معنو الانشاء عندي ضعيف بس راح احط كم قصه صارت معي مماثله لحكم وامثال


شكرا
Mozanee
25-10-2009, 07:11 AM
هذه القصة نرجع فيها للثمانينات وكنت في الصف الخامس أو السادس ... (بدينا بالفضايح)

المهم قالت لأبوي :انا اذا كبرت بصير ممرضة (منتهى الطموح مادري كنت متأثرة بمن؟؟)

أبوي الله يرحمه فجر قنبلة بوجهي قالي :انت لا لا ماتنفعين !!! اذا أختج الصغيرة اييه !!

انا حسيت بحباط في داخلي وانكسرت وحطيت في بالي اني ما أنفع حق شي والانسان نتاج طفولته

فاللي يصيرلك في الطفولة يأثر في نفسيتك لين تكبر وفي ناس ما تعرف تحدي النفس والآخرين

ووصلت الجامعة كنت أتمنى أتخصص تربية فنية بما اني فنانة ورثت الفن من أهل أمي ..لكن

للأسف وأقولها بكل حسرة ..ماعرفت وقت امتحان القبول ..وقلت بدخل أدبي عام والجامعة

بتحسب لي هذه المواد (اختياري)وفي الأدبي العام طلب الدكتور نعمل مقارنة بين قصيدتين

وسلمت البحث وسألني :انت اللي عاملة البحث لوحدك ،قلت اييه انا ،وشافني بنظرة شك

لأن البحث كان من أحسن الأبحاث واقترح الدكتور أتخصص لغة عربية وآدابها ...

وكان بامكاني أحاول مع قسم الفنية واتحدي نفسي لكن ماصارت تفرق معاي وايد يتهموني

بالبرود ...ومع الوقت تعلمت اني أمسح كلمة مستحيل في حياتي ولا أتأثر بكلام الناس ..

ودام الروح في الجسد ما نقول راحت علينا ...وعندي قصة في هالموضوع ...

وهذه النصيحة أوجها لأولياء الأمور ..لااااا تحطمون عيالكم ..الكلمة الطيبة ..ترفعهم فووووق

وأقول لكل من يقرا ان في ناس قطاع طرق يقطعون عليكم طريق النجاح والطموح ..

وأخيرا أشكر صاحب الموضوع جزيل الشكر ...
Mozanee
25-10-2009, 08:25 AM
لو سمحت بالنسبة لطباعة الكتاب بغيت أكلمك عن مطبعة بتساعدنا ..

ممكن اطرش لك التفاصيل على الخاص ..ولو اسمحت امسح بعص الرسايل ...
Mozanee
25-10-2009, 11:02 AM
أحاول أطرشها وما توصل ...سامحني على الازعاج
The Master
25-10-2009, 11:42 AM
أحاول أطرشها وما توصل ...سامحني على الازعاج

مامن ازعاج خيتو...
لازم تكون عدد مشاركاتج فوق ال 50 عشان تقدرين تطرشين رسايل...
وبس...احم
مشكله التفهي...
يامرحبا بج
Mozanee
25-10-2009, 01:20 PM
اممم صح محد مفهي غيري ....

اشوي واطرش لك ...
The Master
25-10-2009, 09:42 PM
وصلت اختي...تشكرين...وجزاك الله خير....
لاهنتي
The Master
27-10-2009, 12:51 PM
نعطيه امل في الحياة...احم
هتـان قطر
27-10-2009, 01:04 PM
نعطيه امل في الحياة...احم

من هو ..؟

:omen2:





ان شالله يتحقق الحلم ويتحول الى واقع

بانتظار الكتاب ..واتمنى لك التوفيق
راية الفخر
27-10-2009, 01:25 PM
ان شاءالله بكون من المشاركين معاكم .. لي عوده ان شاءالله
Mozanee
27-10-2009, 03:29 PM
السلام عليكم ....

ماودي كل شوي أرز عمري ..بس كل ماخطرت على بالي سالفة قلت أتحفكم فيها ...

(( لما كنت موظفة ادارية في مدرسة نموذجية وبحكم عملي كان لي مكتب خاص ...وفي

الفرصة كانوا طلاب الصف الخامس يجتمعون عندي ..ويقعدون حوالين المكتب..فاللي يسولف

واللي يستعبط على رفيجة ..واللي يتشكى من المدرسة لفلانية ..وانا أتأملهم ..وأقول في

نفسيٍٍ <<<< كل واحد تنفعله مهنة معينة وتذكرت حديث الرسول عليه الصلاة والسلام

{ان أحب الأعمال الى الله تعالى بعد الفرائض ادخال السرور على المسلم }...<>>>

فهذه وصية عظيمة من خير البشر...وقعدت أقول حق كل واحد منهم شنهي الوظيفة اللي

تناسبه وانا كنت صادقة ما أحب أكذب عليهم ..وبما ان الأولاد فيهم تحفظ وثقل ..بس كان واضح

عليهم انهم مستانسين ...وصاروا يحبون يقعدون عندي ولي جافوني يقولون لي :ابله اخذينا

احتياط ..<< هم والزمن علي يا كرهي حق الاحتياط >>

فهذه النصيحة أقدمها لكل من يتعامل مع الناس وبالذات الأطفال ..و حلو نكسب محبتهم ..وثقتهم

وأتمنى انها تعجبكم وتستفيدون منها ...وسلامي للجميع
The Master
27-10-2009, 05:02 PM
من هو ..؟

:omen2:





ان شالله يتحقق الحلم ويتحول الى واقع

بانتظار الكتاب ..واتمنى لك التوفيق

هلا ومرحب اختي هتان قطر...

احم....
انا قريت اسمك...قلت بس هتان كاتبه صفحه ونص من خبراتها في الحياه...لكن...التوقع شي والحقيقه شي ثاني...

اي والله من هو...احم
شنسوي الموضوع...هو الحمدلله الاخت موزاني ماقصرت...وانا احاول اكتب...لكن هم بعد نبغي عقليات منوعه...وكتابات مختلفه...لارضاء اذواق...

ان شاء الله بيتحقق...
واشكر لج تفاعلج الطيب...وفيج الخير خيتو...وماهو غريب عليج...

يامرحبا بج...
لاهنتي
The Master
27-10-2009, 05:04 PM
ان شاءالله بكون من المشاركين معاكم .. لي عوده ان شاءالله

هلا ومرحب هوى قطر

ننتظر عودتك...ومشاركتك...
واتمنى ماتكون مثل غيرك...
يوعدون...ولا شفناهم عقبها...احم
نتعذر لهم يمكن لظروف او شي ما...

وننتظر عودتك...
ويامرحبا بك
صمت القلوب
27-10-2009, 05:33 PM
افضل نصيحه سمعتها مؤخرا ..من شخص طيب الله يجزيه الجنه ...
اتهمي نفسك قبل ان تتهمي الاخرين ... وكان تاثيرها كبير علي ...

وانشالله لي رجعه بنصايح اكثر ... وموضوعك راح ياخذ حقهhttp://www.qatarshares.com/vb/images/icons/icon11.gif


موضوع جميل اخوي عليان :)

تحياتي لك
هتـان قطر
27-10-2009, 05:36 PM
هلا ومرحب اختي هتان قطر...

احم....
انا قريت اسمك...قلت بس هتان كاتبه صفحه ونص من خبراتها في الحياه...لكن...التوقع شي والحقيقه شي ثاني...

اي والله من هو...احم
شنسوي الموضوع...هو الحمدلله الاخت موزاني ماقصرت...وانا احاول اكتب...لكن هم بعد نبغي عقليات منوعه...وكتابات مختلفه...لارضاء اذواق...

ان شاء الله بيتحقق...
واشكر لج تفاعلج الطيب...وفيج الخير خيتو...وماهو غريب عليج...

يامرحبا بج...
لاهنتي


ولا يهمك اخوي الماستر انا قاعده اجهز لك قصة من الواقع

بس لا تستعجل انتظر لين استرجع الذكريات...:rolleyes2:
The Master
28-10-2009, 01:18 AM
السلام عليكم ....

ماودي كل شوي أرز عمري ..بس كل ماخطرت على بالي سالفة قلت أتحفكم فيها ...

(( لما كنت موظفة ادارية في مدرسة نموذجية وبحكم عملي كان لي مكتب خاص ...وفي

الفرصة كانوا طلاب الصف الخامس يجتمعون عندي ..ويقعدون حوالين المكتب..فاللي يسولف

واللي يستعبط على رفيجة ..واللي يتشكى من المدرسة لفلانية ..وانا أتأملهم ..وأقول في

نفسيٍٍ <<<< كل واحد تنفعله مهنة معينة وتذكرت حديث الرسول عليه الصلاة والسلام

{ان أحب الأعمال الى الله تعالى بعد الفرائض ادخال السرور على المسلم }...<>>>

فهذه وصية عظيمة من خير البشر...وقعدت أقول حق كل واحد منهم شنهي الوظيفة اللي

تناسبه وانا كنت صادقة ما أحب أكذب عليهم ..وبما ان الأولاد فيهم تحفظ وثقل ..بس كان واضح

عليهم انهم مستانسين ...وصاروا يحبون يقعدون عندي ولي جافوني يقولون لي :ابله اخذينا

احتياط ..<< هم والزمن علي يا كرهي حق الاحتياط >>

فهذه النصيحة أقدمها لكل من يتعامل مع الناس وبالذات الأطفال ..و حلو نكسب محبتهم ..وثقتهم

وأتمنى انها تعجبكم وتستفيدون منها ...وسلامي للجميع






وعليكم السلام اختي موزاااني
نورتي خيتو
المكان مكانج...والموضوع موجود لإثرائكم وتعليقاتكم وفهم خبره حياتكم واللي مريتوا فيه ومنها تفيدونا ومنها عبره لنا...

اتفق معاج في اللي قلتيه عن البزران...اتذكر الكبار كيف كانوا يستلموني لما كنت اقول واقول...يستهبلون علي...ويحبطونك...مب قصدهم شي لكن وناسه انهم ياخذون حلمك على اساس انه اضحوكه ويمسكونها عليك...كا نكته او لقب...

بارك الله فيج اختي...وهالكلام للي في قطاع التربيه والتعليم...

وننتظر منج كل ماهو جديد ومفيد خيتو...

ويامرحبا بج
ولاهنتي على التواصل الطيب والمفيد
The Master
28-10-2009, 01:35 PM
افضل نصيحه سمعتها مؤخرا ..من شخص طيب الله يجزيه الجنه ...
اتهمي نفسك قبل ان تتهمي الاخرين ... وكان تاثيرها كبير علي ...

وانشالله لي رجعه بنصايح اكثر ... وموضوعك راح ياخذ حقهhttp://www.qatarshares.com/vb/images/icons/icon11.gif


موضوع جميل اخوي عليان :)

تحياتي لك

هلا ومرحب خيتو صمت القلوووب...
هلا بالقلم المميز...

تشكرين على السرد السريع...وننتظر منج الاكثر...
ونصيحه ماشاء الله اعجبتني صراحه...ويبغي لك تطبقها...ونشوف كيف نتايجها...

ان شاء الله بياخذ حقه وزود...بتعاونكم وتواجدكم...ومشاركاتكم المثريه...

بخصوص عليان؟؟؟ :waiting: احم
مسوي نيو لوك جديد وتعبان عليه...وحركات وستايل...ومسوي تمويه...اخرتها تجيني تقولين لي عليااان؟؟؟ احم
عطه فورورد بس فورورد....

ننتظرج خيتو...
ويامرحبا بج
ولاهنتي على التواجد
ديمه
28-10-2009, 03:53 PM
السلام عليك اخوي اتمنى تكون في احسن حال
هل سبق ان احسست بانك لا تستطيع الكلام او الكتابة تظل تشاهد وتتابع بصمت احسست بان الحروف تتجمد على اصابعي وترفض النزول حتى بكلمة واحده
عموما إليك نصيحة من امي حفظها الله وعندما قالتها كان ابي يتابع بإعجاب ويقول سمعي كلام امج ( رحمه الله رحمة واسعه) واليكم الموقف والنصيحة التي قيلت فيه وكيف طبقتها وايش كانت النتيجة :

(الموقف حدث حين كنت في الاعدادية ) كنت محبوبه من زميلاتي وكانوا صديقاتي كثر وكنت اسولف على امي عن صديقاتي و هي كانت تسمع كل كلمة اقولها وعددت يمكن 10 اسماء كلهم صديقاتي المقربات طالعتني باستغراب وقالت كل هذولا صديقاتج المقربات والا زميلاتج قلت لا يمه هذولا اعز صديقاتي قربتني منها وضمتني وقالت : حبيبتي الصداقة شي عظيم ونادر ما نلاقي الصديق الصدوق اللي يكون مراية الشخص فاهمه وشهي مرايته يعني اللي يشوف فيها نفسه على حقيقتها حبيبتي حلوا ان تكون علاقاتك مع الاخرين ممتازه ولكن اختاري صديقاتج صح ولا تقولين اخطر اسرارج لاحد مهما كان قريب لان اسرارج اذا انتي ما قدرتي تحفظينها غيرج ماراح يحفظها لج واذا بغيتي اتعرفين اللي تستاهل صداقتج اختبريها قبل قلت : اشلون اختبرها اسويلها امتحان قالت ايه اخترعي موقف او قولي سر ( موب خطير ) وشوفي تنجح في الموقف او لا
وقصت لي قصت الرجل اللي يبيض كل يوم بيضة ( اذا ما تعرفونها بقولها لكم في وقت لاحق )
قلت لها واااااااااااااااااااااااو فكره حلوه من بكره بطبقها ومانمت افكر باختبار لكل وحده لين الله هداني لعدة افكار ..
تصدقون الصديقات العشر طلعت منهم وحده بس هي اللي للحين اعز صديقاتي
وحده منهم كانت تموت فيني ودايم تقول انتي اعز من خواتي تدرون وش صار دخلت علينا مدرسة كنت اشطر طالباتها وقالت ( ديمه ) اشطر وحده فيكم ولولاها كان ما اشتهي ادش عليكم بصراحة احرجتني بس اول ما قالت هالكلام ولعت اللمبه في راسي وقلت هذا احسن اختبار وكانت وحده من صديقاتي العشر في الصف في الفرصة قلت لها تدرين يافلانه اني لولا الكتاب اللي احطه في الدرج كان انا اكسل وحده عندها قالت اي كتاب قلت كتاب الماده افتحه على الدرس واحطه في الدرج وبحركة سريعة اطالع الدرس واصف لها الاجابات قالت بس المدرسة ما صادتج وانا اراقبج طول الحصة وما يبين عليج قلت حبيتي الموضوع يبيله خفة يد وذكاء اشوي . تخيلوا اشصار ..................
صديقتي طبعا راحت للمدرسة وقالت لها :weeping: وبعد ايام امسكتني المدرسة وشرشحتني :eek5: عاد انا صحت وحلفت لها انه كذب واني عمري ما غشيت قالت لي انا مصدقتج بس حبيت اتعرفين انه وحده من صديقاتج هي اللي علمتني بس اخذي حذرج منها قلت لها اعرف منهي و علمتها بالقصة كامله

وصار هذا ديدني قبل الحصول على صداقات جديده

وسلامتكم اتمنى ما طولت عليكم وتكون الفائدة فما ذكرت واسفين على التأخير

ودمتم
The Master
28-10-2009, 06:17 PM
ولا يهمك اخوي الماستر انا قاعده اجهز لك قصة من الواقع

بس لا تستعجل انتظر لين استرجع الذكريات...:rolleyes2:

هلا ومرحب خيتو هتان من جديد...
بشرك الله بالخير...
يا عييييني اهم شي من الواقع...احم

تسترجعين الذكريات؟؟؟ لا بالله بننطر صح...يمدحون الفقع يقولون يقوي الذاكره...(عطه فورورد بس فورورد..احم)

ننتظرك خيتو...ومابجعبتك (عاد هالكلمه توني الحين الحين مالفها...ابد ابد مايعرف يكذب الاخ..)

ويامرحبا بج
وننتظر مشاركتج خيتو...
The Master
28-10-2009, 06:24 PM
السلام عليك اخوي اتمنى تكون في احسن حال
هل سبق ان احسست بانك لا تستطيع الكلام او الكتابة تظل تشاهد وتتابع بصمت احسست بان الحروف تتجمد على اصابعي وترفض النزول حتى بكلمة واحده
عموما إليك نصيحة من امي حفظها الله وعندما قالتها كان ابي يتابع بإعجاب ويقول سمعي كلام امج ( رحمه الله رحمة واسعه) واليكم الموقف والنصيحة التي قيلت فيه وكيف طبقتها وايش كانت النتيجة :

(الموقف حدث حين كنت في الاعدادية ) كنت محبوبه من زميلاتي وكانوا صديقاتي كثر وكنت اسولف على امي عن صديقاتي و هي كانت تسمع كل كلمة اقولها وعددت يمكن 10 اسماء كلهم صديقاتي المقربات طالعتني باستغراب وقالت كل هذولا صديقاتج المقربات والا زميلاتج قلت لا يمه هذولا اعز صديقاتي قربتني منها وضمتني وقالت : حبيبتي الصداقة شي عظيم ونادر ما نلاقي الصديق الصدوق اللي يكون مراية الشخص فاهمه وشهي مرايته يعني اللي يشوف فيها نفسه على حقيقتها حبيبتي حلوا ان تكون علاقاتك مع الاخرين ممتازه ولكن اختاري صديقاتج صح ولا تقولين اخطر اسرارج لاحد مهما كان قريب لان اسرارج اذا انتي ما قدرتي تحفظينها غيرج ماراح يحفظها لج واذا بغيتي اتعرفين اللي تستاهل صداقتج اختبريها قبل قلت : اشلون اختبرها اسويلها امتحان قالت ايه اخترعي موقف او قولي سر ( موب خطير ) وشوفي تنجح في الموقف او لا
وقصت لي قصت الرجل اللي يبيض كل يوم بيضة ( اذا ما تعرفونها بقولها لكم في وقت لاحق )
قلت لها واااااااااااااااااااااااو فكره حلوه من بكره بطبقها ومانمت افكر باختبار لكل وحده لين الله هداني لعدة افكار ..
تصدقون الصديقات العشر طلعت منهم وحده بس هي اللي للحين اعز صديقاتي
وحده منهم كانت تموت فيني ودايم تقول انتي اعز من خواتي تدرون وش صار دخلت علينا مدرسة كنت اشطر طالباتها وقالت ( ديمه ) اشطر وحده فيكم ولولاها كان ما اشتهي ادش عليكم بصراحة احرجتني بس اول ما قالت هالكلام ولعت اللمبه في راسي وقلت هذا احسن اختبار وكانت وحده من صديقاتي العشر في الصف في الفرصة قلت لها تدرين يافلانه اني لولا الكتاب اللي احطه في الدرج كان انا اكسل وحده عندها قالت اي كتاب قلت كتاب الماده افتحه على الدرس واحطه في الدرج وبحركة سريعة اطالع الدرس واصف لها الاجابات قالت بس المدرسة ما صادتج وانا اراقبج طول الحصة وما يبين عليج قلت حبيتي الموضوع يبيله خفة يد وذكاء اشوي . تخيلوا اشصار ..................
صديقتي طبعا راحت للمدرسة وقالت لها :weeping: وبعد ايام امسكتني المدرسة وشرشحتني :eek5: عاد انا صحت وحلفت لها انه كذب واني عمري ما غشيت قالت لي انا مصدقتج بس حبيت اتعرفين انه وحده من صديقاتج هي اللي علمتني بس اخذي حذرج منها قلت لها اعرف منهي و علمتها بالقصة كامله

وصار هذا ديدني قبل الحصول على صداقات جديده

وسلامتكم اتمنى ما طولت عليكم وتكون الفائدة فما ذكرت واسفين على التأخير

ودمتم

هلا ومرحب اختي ديمه...
عاش من شافك خيتو...
اولا
اشكرك على الطرح القيم والرائع والمثري...
بارك الله فيك على المشاركه والإيفاء بالعهد...احم

ماشاء تطرقتي لموضوع جميل...خاصه في هالزمن...قليل من يكونون اصدقائك بما تحمل الكلمه من معنى...وخاصه في هالعمر...
والله يخلي لك والدتك ويجعلك باره بها يارب...ويغفر لوالدك ولجميع المسلمين ويدخلهم في فسيح جناته يارب...

احسنتي في الكتابه والنصيحه...
وننتظر منك اكثر واكثر...
قدامنا 70 صفحه لازم نعبيها...فا همتكم...احم(هذا اللي بيفحح العالم...احم)

وان شاء الله كل سطر وحرف في ميزان حسناتكم يارب...

ويامرحبا بج اختي ديمه
وننتظر منج المزيد
ولاهنتي
ديمه
28-10-2009, 11:40 PM
تسلم جزاك الله خير رفعت من معنوياتي :shy:
وتسلم على الدعوة اللهم امين ولك بالمثل



وخاصه في هالعمر...


ايش قصدك هاه احنا الحريم لا اطري لنا العمر كلش والا بنقاطع اكتابك و بنشن عليه حرب ضروس ( ضروس مثل الحرب النوويه سيم سيم )
ههههههههههههههههههههه 70 بس خلك متفائل الف صفحة وصفحة ( على غرار الف ليلة وليلة )
الله يبارك لك في مجهودك
The Master
30-10-2009, 11:29 AM
تسلم جزاك الله خير رفعت من معنوياتي :shy:
وتسلم على الدعوة اللهم امين ولك بالمثل

ايش قصدك هاه احنا الحريم لا اطري لنا العمر كلش والا بنقاطع اكتابك و بنشن عليه حرب ضروس ( ضروس مثل الحرب النوويه سيم سيم )
ههههههههههههههههههههه 70 بس خلك متفائل الف صفحة وصفحة ( على غرار الف ليلة وليلة )
الله يبارك لك في مجهودك

هلا ومرحب بك اختي ديمه...
وجزاك يارب....ماقلنا الا الصدق...
انتوا فيكم ابداع وتعرفون تكتبون وتخطون لكن عيبكم التريييح وماتبغين تتعبون وتشغلون مخوخكم...(مادري ليه مخوخكم شكلها غلط...احم...عطه فورورد بس فورورد)

بل بل ....لا يحووووشك
لا لا مب قصدي كذا
اللي قصدته اني في هالعمر هالنصايح تفيدهم...يعني للبنات اللي في عمر المراهقه كذا نصايح تفيدهم...اما انتي ماجبنا طاريك خير شر...(زوجع محا) احم

ان شاء الله يتحقق الي في بالي...نفيد العالم وحنا نفيد...ونكون سوينا شي في حياتنا...ماينساه التاريخ...خاصه لما يكون كتاب...
والاهم من هذا كله....الاجر من الله سبحانه...واخلاص النيه...

وننتظر منك المزيد خيتو...

معليش تاخرت في الرد لانشغالي في الجامعه
وانشغالي في تضبيط موقعي الشخصي....لايفوتك في التوقيع...احم احم

ويامرحبا بج
لاهنتي على الكومينت
The Master
02-11-2009, 02:56 AM
احم
شنسوي نعطيه اب شوي
وننتظر الباقي
روح-قطر
02-11-2009, 04:54 AM
مرحبااااااااااااااااااااااااا احم كيف الحال:)..

حتى لو ماخترتوها ولا انحطت بكتاب بس حبيت اقول هالشي اللي نفعني اكثر من 8 سنوات:)..



بسم الله الرحمن الرحيم



راح ابتدي كلامي بالعائله من حيث الاكثر تواجد بذيك الفتره..

الوالد والوالده الله يحفظهم يارب،، واحنا ثلاث اخوات طبعا ماراح اذكر المتزوجات لانهم مو بالبيت معانا..

اختي الكبيره فالاصغر وانا صغرهم:)..

اختي الكبيره مافيها اي مرض الا فجاه رجلها انتشرت فيها الوان اخضر بنفسجي احمر تحيرنا من هالامر،، رحنا المستشفى ومافي بالنا اي شي ورحنا سوينا تحليل بمستشفى حمد قالوا لها انتظري بالاستراحه قعدنا نضحك ونسولف ومن براءتنا اللي تسوي نفسها ما تشوف والثانيه تمسكها وكان الموضوع جدا عادي..


فجأه بالمايك فلانه الفلاني تجي الغرفه كذا رحنا لهم ماتكلم الدكتور بس قال لها نادي اهلج نادينا امي وابوي وخواتي واخواني وقالهم اختكم تعاني والله يحفظنا واياكم من سرطان الدم ومحد قدر اصلا يسمع باقي الكلام وانهار الكل..

اختي تماسكت او تظاهرت علشان امي وابوي وكان الموضوع عادي،، دخلنا بمرحله المستشفى وكيفيه العلاج طبعا العلاج كيميائي واذا ما غلطت 7جرعات ب7 اشهر وتوكلنا على الله..


مرت الايام بالتعب والسهر وحزني على اختي وبين زيارات صديقاتها وزيارات ما كنا نتوقعها والحمدلله،، وطبعا عقبها اختي ما ستحملت شلون يكون منظرها بدون شعر راحت الصالون وخلته اكثر من بوي وتحجبت بالمستشفى حتى وهي نايمه صاحيه تاكل تشرب تكرمون تدخل الحمام به..

خذت اول جرعه وترجع البيت وعقب تنزل مناعتها وترجع المستشفى بغرفه عزل ترجع مناعتها تاخذ راحه اسبوع بالبيت وترجع للمستشفى..

طبعا ماراح اشرح شلون عذاب الكميائي الا بختصار كانت ترجع وتدوخ وماتاكل واي مرض كان بسيط كان فيها يطلعه سبحان الله وغير الابر والقسطره من اليد لي الصدر والالتهابات اجر لها بأذن الله..

عدت السبع شهور على خير ولله الحمد،، اخر زياره لها كانت تاخذ الجرعه وسبحان الله المريضه اللي احذاها طلعت من بنت جيرانا الباب احذا الباب ماندري عنهم ولا يدرون عنا وسبحان الله نفس المرض بس هي من قبل اختي،، سلمنا سولفنا وكلن عرف بحاله الثاني ودعوا لبعض،، واختي كانت عندها توزيعات قالت لي عطي اي حد يمر بالممر مستانسه انها اخر جرعه لها وبتكون اخر الامها،، وكانت تسألني تهقين يا روح بشفى خلاص كل بين فتره وثانيه(( معلومه وقتنا ماكان عندنا خلفيه كبيره عن المرض))..

رجعنا البيت نفس الحاله صخونه وتعب ولازم ترجع علشان العزل ،، ورحنا لاهمال الاطباء وراحت الدور السادس وما ادراك ما السادس..

اتصلوا فينا الصبح تعالوا رحنا وهالمنظر محد شافه الا انا من ورا الدريشه اشوف يسوون لها صدمات وكيف كان نص جسمها يرتفع وينزل مره ومرتين وطلعوا كانوا دكتورين واحد مصري وما قدر يقول وواحد اجنبي قال اسف ماتت..

ماتت وكانت ب23من عمرها ماتت وكانت تطمح تعيش لكن قضاء الله وقدره كان اسرع من اي امنيه تمنتها..

المهم كلهم انهاروا ما انهرت ليش مادري مع اني ماحسيت اني قريبه منها كثر هالسبع شهور لدرجه اذا تعبت وطلبوا منها اي شي ماتسويه بس لي قلت لها سوته،، كان كل واحد للبيت له حياته وخصوصياته مابينا الا الغشمره ومرض قربني منها اكثر من السنين اللي عشتها معاها بالبيت..

جابوها لنا بسناها غسلوها وادفنوها واهني بكيت راحت اختي راحت ماقدر اقول اني كنت متعلقه فيها والا لا بس راحت وبكيت وبكيت بحضن خالتي لي رجعنا البيت ولا كأني بكيت..

كنت اقوم بالواجب احط واشيل واودي واضحك بتسالوني ليش مادري صديقاتها يطلبون يدخلون غرفتها ويقعدون يبجون اروح اضحكهم ليش مادري..

بس الكل انهار الكل يصيح وجات وحده كبيره وبصراحه على علاقتنا البسيطه بس احترمها لوقفتها قالت قصه علشان تخفف علينا طبعا بالعزى كنا نصلي جماعه ببيتنا وعقبها قالت هالقصه ما اذكره بالنص بس بجيب المعنى ان وحده عندها ابن توفى ومايأست راحت لحكيم قالت له ابي اي وصفه ترجع ولدي قالها اوكي بس لازم تجيبين حبه خردل من بيت ما دخله الحزن،، بكل همه راحت اول بيت قالت لها المره ان زوجها مريض وايد وماعندهم اكل تعاطفت معاها وساعدتها..

بعدها راحت لبيت ثاني وسالتها بيتكم ما دخله الحزن قالت لها الا الحزن كله في بيتي زوجي توفى من سنه وعندي 4عيال وقامت تواسيها وصاروا صديقات..

وصارت تدور بيت بيت وكل يشكي لها وهي تساعدهم وتخفف عنهم وصارت معروفه للناس وبمساعدتهم وبعدها نست حبه الخردل ونست ترجع ولدها والاكيد مافي بيت ما يدخله الحزن:(..

تأثر الكل وهدت النفوس ومرت ايام العزى على خير وتم الحزن بالقلب..

وماانتهت قصتي للان عقب وفاه اختي باسبوع توفت بنت جيرانا الباب بالباب اللي كانت بنفس الغرفه معاها وعقبها بنت جيرانا اللي مقابلنا بحادث سياره وعقبها ام بيت جيرانا وعقب ابو جيرانا..

ومافي بيت مايدخله الحزن..

طبعا هالقصه مو ضرب من الخيال الا واقع عشته ومريت فيه وكل مايصيدني حزن اقول مافي بيت ما فيه حزن...
وبالتوفيق للجميع

ملاحظه انا ماكنت قاسيه يمكن صبوره لان لليوم ابكيك ياختي الغاليه وكل بين فتره احلم فيها تبتسم لي والا تقولي ياروح انا ما مت انا للحين بثلاجه المستشفى:(
The Master
02-11-2009, 11:19 AM
هلا ومرحب اختي روح-قطر...
ماشاء الله...احسنتي في السرد والقصه...صدق معبره...وان شاء الله تفيد وتستفيدين...ولج الاجر ان شاء الله...
عسى يارب مثواها الجنه يارب...وكل شي مكتوب ومقدر...الله يرحمها...ويرحم موتانا وموتى المسلمين...

اعجبتني العبره من القصه او النصيحه...واشوفها تصلح لزمنا...خاصه كثروا اللي يتحندون من حياتهم وتعاستها...ومب عاجبهم شي...وحنا فينا وفينا...
خلهم يستفيدون من القصه...ويشوفون حواليهم...

يارب يفتح على كل مكروب وحزين ويفرج هموم الناس...
واهم شي الصبر...ويطلبون من الله الاجر...

بارك الله فيج اختي...واحسنتي...وماشاء الله اسلوبج في السرد جميل...وهذا ان دل فا انما يدل على موهبه في السرد..ننتظر منج المزيد اختي...ولا توقفين عند هذا الحد...

ويامرحبا بج
ولاهنتي على المشاركه الطيبه
روح-قطر
02-11-2009, 03:15 PM
يسلموووووووووووووووو عالتشجيع بس صدقني ماعرف اكتب الا باللي مريت فيه واحسه وهالشي صج بخاطري علشا جذي كتبته ونفسي من زماااااااااااان اكتب عن اختي وانفس اللي بخاطري والله يرحمها ويسكنها الجنه ويرحم موتى المسلمين:)

وثانكس عالموضوع
The Master
02-11-2009, 06:14 PM
يسلموووووووووووووووو عالتشجيع بس صدقني ماعرف اكتب الا باللي مريت فيه واحسه وهالشي صج بخاطري علشا جذي كتبته ونفسي من زماااااااااااان اكتب عن اختي وانفس اللي بخاطري والله يرحمها ويسكنها الجنه ويرحم موتى المسلمين:)

وثانكس عالموضوع

هلا ومرحب اختي روح-قطر من جديد
ومن قال سالم....
اكيد نشجع...وهذا واجبنا نشجع لما نشوف ابداع...مب شرط تشاركين في الكتاب...لكن بشكل عام...من نظري عندك قدره علي الكتابه...وامتاع الغير...وبفائده...وهي الاهم...الفائده...
يبغي لج بس تركيز...وتنسيق الافكار...والتسلسل...وبس كل شي بيكون خير ان شاد الله...اهم شي الصبر والمثابره والاستمرار...

وشي ثاني ترا موضوعنا كله قصص او نصايح او امثال واقعيه وحصلت...محد جاب شي من خياله...كل الاحداث اللي قريتيها والنصايح...مرينا فيها...وكل شخص كتب باسلوبه...وهذا ما يميز موضوع الكتاب...
اللي يجي من القلب...يوصل للقلب...

ونتمنى مشاركتج من جديد بنصايح وعبر...
اهم شي التريث والتركيز...وخلي قلمج هو اللي يبدع...وراح تشوفين الابداع ان شاء الله...مافي شي جي بسرعه...وكل شي بالصبر....والانسان يتعلم من اخطاءه

ويامرحبا بج
ونحن في الانتظار
روح-قطر
02-11-2009, 06:45 PM
ماعندي قلم كيبورد خخخخخخخخخخخخخخخخخخخ
The Master
03-11-2009, 11:09 AM
ماعندي قلم كيبورد خخخخخخخخخخخخخخخخخخخ

اممممم
الظاهر...بالغت في توقعاتي...
نعيش نشوف اكثر...
Mozanee
03-11-2009, 01:17 PM
أغيب عن هالصفحة وأقول ياويه استح ولا تكثرين الدوس .... بس أقول لا بد من الفضفضة

وحتى الناس تستفيد من تجارب الآخرين ويا بخت من اتعض بغيره ويا شقى من اتعض من


أخطائه... واليوم راح أرجع معاكم بالزمن تقريبا 14 سنة كنت توني متزوجه وعندي ولدي

وكان عمره سنتين .... المهم طلبت مني أخت زوجي أروح معاها عزى ناس من أهلها ..

في العزى خبركم سوالف وحكي وشوية حش وعقار وهني مربط الفرس

قاموا يحشون في وحده تركت اعيالها وزوجها عشان ولد ابليس ...فاللي كانت تقول

السالفة قالت كلمة ليييين اليوم معششه في راسي ..قالت احنا نطلب من الله الهدايه عشان

خاطر عيالنا....وانا من يومها لين هاليوم صبرت وتحملت وكل بيت فيه مشاكل احيانا

هالمشاكل تجيكم مثل الزلزال تزلزل كيانك وتعصف بقلبك تخليه مثل الطير المذبوح

فاتذكر كلام ذيج الحرمة واتشبث فيه وأقول أهم شي ولدي حرام أصير أنانيه وأطلق

وولدي يتلته ويضيع ...ولله الحمد ربي مايضيع الانسان ..قد ماصبرت ربي نولني وهدت

كل العواصف واستقرت حياتي وان كان الأمر ما يخلى من شوية أغبره بس مقدور عليها

ومن خلال هالقصة اقول لكل المتزوجين والمقبلين على الزواج الصبر ثم الصبر ... ولاتكونون

انانيين أهم حاجة عيالكم .....وان شالله تعجبكم هالسالفة ...واذا تذكرت لكم سالفة ما راح أقصر
The Master
05-11-2009, 09:44 AM
أغيب عن هالصفحة وأقول ياويه استح ولا تكثرين الدوس .... بس أقول لا بد من الفضفضة

وحتى الناس تستفيد من تجارب الآخرين ويا بخت من اتعض بغيره ويا شقى من اتعض من


أخطائه... واليوم راح أرجع معاكم بالزمن تقريبا 14 سنة كنت توني متزوجه وعندي ولدي

وكان عمره سنتين .... المهم طلبت مني أخت زوجي أروح معاها عزى ناس من أهلها ..

في العزى خبركم سوالف وحكي وشوية حش وعقار وهني مربط الفرس

قاموا يحشون في وحده تركت اعيالها وزوجها عشان ولد ابليس ...فاللي كانت تقول

السالفة قالت كلمة ليييين اليوم معششه في راسي ..قالت احنا نطلب من الله الهدايه عشان

خاطر عيالنا....وانا من يومها لين هاليوم صبرت وتحملت وكل بيت فيه مشاكل احيانا

هالمشاكل تجيكم مثل الزلزال تزلزل كيانك وتعصف بقلبك تخليه مثل الطير المذبوح

فاتذكر كلام ذيج الحرمة واتشبث فيه وأقول أهم شي ولدي حرام أصير أنانيه وأطلق

وولدي يتلته ويضيع ...ولله الحمد ربي مايضيع الانسان ..قد ماصبرت ربي نولني وهدت

كل العواصف واستقرت حياتي وان كان الأمر ما يخلى من شوية أغبره بس مقدور عليها

ومن خلال هالقصة اقول لكل المتزوجين والمقبلين على الزواج الصبر ثم الصبر ... ولاتكونون

انانيين أهم حاجة عيالكم .....وان شالله تعجبكم هالسالفة ...واذا تذكرت لكم سالفة ما راح أقصر

هلا ومرحب اختي موزاني...
الموضوع موضوعج اختي...ويامرحبا بج اي وقت...ولبغيتي الصدق محد اتحفنا وافادنا الا انتي اختي...فا استمري بالعطاء...بارك الله فيج

اكيد صادقه...خاصه من ناحيه الصبر...كل شي بالصبر...مابعد الصبر الا الفرج...ومافي شي يجي بسرعه...كل شي بالصبر...

بارك الله فيج اختي...واحسنتي...والله يجزاك خير على صبرج...والله يعوضج خير يارب...ومن يتقي الله يجعل له مخرجا ويرزقه من حيث لا يحتسب

الله يصبرنا وياج يارب...ويهدينا لما يحبه ويرضاه...

يا مرحبا بج اي وقت وباي قصه في بالج...
ولاهنتي على التواصل الجميل والطيب والمثري...
The Master
08-11-2009, 06:15 PM
احم
للرفع...ومنها للتذكير ان باقي شهر ان شاء الله...
ولازلنا ننتظر الاخوان الخوات...لمشاركاتهم...
ويامرحبا بكم
Mozanee
08-11-2009, 10:07 PM
http://img407.imageshack.us/img407/3876/120220061139020.jpg


خلاااااص أخوي انا شكلي بستوطن هالصفحة ...وهذا اللاب توب خله عندك أمانة...

لأني كل شوي طابه هني ....

يعطيك العافية
Mozanee
09-11-2009, 02:52 PM
حيا الله ذا ماستر

قصتي اليوم صارت وانا في المرحلة الابتدائية ....

سمعت نصيحة من مدرسة الشرعية والنصيحة من ضمن الدرس ومضمونها الحث على

الصدق ونبذ الكذب ...

والظاهر كانت المدرسة شرحها يجذب أو انا من النوع اللي تربيت في بيئة ولله الحمد

متدينة عشان جذي تأثرت بالنصيحة مباشرة ...

وعقبها بكم يوم طبقت النصيحة ..اشلون طبقتها؟؟؟

بنت عمي طرشتني أروح مكتب جدها آخذ من عندهم رسالة لها ..وكان هالمكتب في

الفريج وكان العامل يجمع الرسايل من البريد ويحطهم في المكتب وكل الأهل ياخذون

رسايلهم من هناك..وقبل لا وصل المكتب شفت وانتو بكرامة كلب ينبح ومت من الخوف

وكانوا معاي بنات من اهلي ...وما قدرت اروح المكتب وقلت حق بنت عمي اني ما

ما قدرت اروح لأني خايفة من الكلب والبنات اللي كانوا معاي قالوا لي خل نكذب عليها

ونخترع اي كذبة ..بس انا تذكرت كلام المدرسة وصدقت مع بنت عمي رغم اني كنت

مستحية أقولها اني خايفة من الوحش قصدي الكلب ...

وعلى هالمبدأ مشت حياتي اني ماأكذب ..وتوصلت من هالمبدأ؛ اذا انا اكره الكذب

يعني لازم ما اسوي الغلط ..وصار لي هالمبدئين يدي اليمين ويدي اليسار ..

لأني اذا سويت الغلط لازم اكذب ...ومؤخرا سمعت مقولة ان الفواحش في غرفة مغلقة

ومفتاحها الكذب ...اتمنى من كل قلبي انكم تستفيدون من القصة ...

واتمنى بعد اذن صاحب الموضوع اني ادعوا الأعضاء بالمساهمة في سرد القصص

وتقبل مروري ....
Mozanee
11-11-2009, 09:45 PM
السلام عليكم ورحمة الله وبركاته

حبيت اشارك بقصة أكون فيها الراوية للقصة وما أتكلم فيها عن نفسي

السبب لأن كلنا نشترك فيها ...الرجل والمرأة

الموظفة وربة البيت....الملك والأنسان البسيط ...كل انسان يخطر على بالك

ومن فيهم أنت أيها القارئ العزيز ...واليكم القصة :

صحت شيخة من نومها بكل نشاط... وصلت الفجر... وشافت ان عندها وقت حتى تقرا كم صفحة

من القرآن الكريم وكانت ناوية تقرا عشر صفحات بس اكتفت بأربع صفحات

قالت في نفسها <<يارب سامحني ..خلاص من بكرة بالتزم وأخلص جزء كامل )

سكرت المصحف بعنايه وحطته عند سريرها

احتارت شيخة من وين تبدا تنظيف البيت ؟؟

وراحت غرفتها ولما شافت كم الملابس اللي كانت اجربها البارحة مرمية على الكرسي...

(يارب ..ماأدري متى أبطل هالعادة؟ في كل شي مترددة أمس ماعرفت

وش البس حق خطوبة بنت عمي وآخرتها تكمكمت بالعبايه ...)

وراحت غرفة ولدها الوحيد عبدالله الطالب في المرحلة الثانوية وصحته للمدرسة ..

وبشكل سريع جهزت رويق عبدالله ...

وقبل لا يروح المدرسة سمعت ولدها الوصاية العشر اليومية

وقضت شيخة يومها بشغل البيت ..ووقت الراحة قدام التلفزيوت والكمبيوتر ..والساعة عشر وقفت

في المطبخ ...تستعد للغدا ..ما كانت تحب وجود الخادمة في البيت..

وما كان أحد معاها في البيت وقت اللي زوجها وولدها مو موجودين في البيت

وفجأة سمعت خطوات تقرب من المطبخ ..

اللمحت شخص واقف يناديها ..افتكرت انها تتوهم ..التفتت شافت شاب وبيده بنت صغيرة

وسألته بكل خوف:من أنت؟ وشلون دخلت ؟وش بغيت؟

قالها : يما !اسم الله عليج !نا عبدالله ولدج ...

عبدالله ولدي ؟؟؟ وقالت في نفسها(بسم الله الرحمن الرحيم ..والله هو يشبه عبدالله نفس الملامح لكن

بس ذي شاب كبير وملتحي ...)وقطع حبل أفكارها صوت الشاب المجهول ..وكان يوجه

كلامه للبنت الصغيرة :شيخة! روحي سلمي على جدتج ...

وشيخة زادت حيرتها ..قالت انا أكيد أحلم ...وركضت البنت وسلمت على شيحة...

وقبل لا تتحرك شيخة المحت صورتها عاكسه على شباك المطبخ ...بس ما شافت وجها ...شافت

وجه وحدة عجوز ...تشبه ملامحها ...صرخت ..وصرخت ..ويكت ..يشكل

هستيري ...لا انا متى كبرت ومرت علي كل هالسنين .. ؟؟.ولتفتت تبي تسأل عبدالله ..

بس عبدالله وبنته أختفوا ...وراحت مرة ثانية تشوف نفسها من الشباك العاكس

شافت ملامحها رجعت مثل ما كانت ...قالت (انا اش سويت في نفسي كانت أختي حصة دايما

توصيني لازم ما يمر علي يوم من غير مااستفيد منه..وانا .كل يوم يمر عمري وانا في

غفلة )

وراحت غرفتها وحضنت مصحفها وفتحته وقعدت تقرا ..وصلت ركعتين

وقعدت على السجادة ...وكانت تناجي ربها وتستغفر من الغفلة وانغماسها في الدنيا

ما حست بدخول عبدالله وأبوه ...

وسمعت صوت بو عبدالله يقولها :ها شيخة اشرايج نحجز روح دبي؟؟

شافته شيخة وماتحركت من مكانها وعيونها مليانه دموع:لا خلها على بيت الله الحرام .....
Mozanee
11-11-2009, 09:47 PM
ن شاءالله تعجبكم ...وبالمرة أرفع الموضوع ,,,
The Master
12-11-2009, 06:21 PM
هلا ومرحب اختي موزاني...

اولا الله يجزاك خير على القصص والعبر الجميله...والسموحة على التاخير في الرد...

وثانيا تشكرين لالتزامج بالتواجد المستمر...وهذا شرف لي اختي...

وثالثا اشكرج لرفعج الموضوع...وان شاء الله نشوف الناس تشارك...

والله يعين الجميع...
Mozanee
19-11-2009, 09:53 PM
بصراحة انا شفت هالموضوع رايح سابع أرض قلت أرفعه بقصة ,,,,

في يوم كنت قاعدة مع أمي الله يطول بعمرها و اعمار حبايبكم ,,

فأمي مثلها مثل كل مرة كبيرة ماتقدر تشيل في قلبها هموم فتحب تفضفض وتقول اللي

بقلبها ,, فأحنا كنا نلومها ( والله يعفو عنا ) ,,,فقالت لي قصة عن واحد كان كل ما يتزوج

وحدة تموت والناس ما تعرف السبب لين خطب وحدة وتزوجها وهي بطلة قصتنا ,,,

اكتشفت هذه الزوجة ان هالريال كان يتركهم في البيت فترة طويلة ويمنعهم من الزيارات

لا هم يزورون ولا حد يزورهم حتى يصيبهم الهم والغمم ويموتون من الكمد ,,,,

لكن بطلة قصتنا ما استسلمت وقررت انها تقاوم وطبعا هي مشت عليها الشروط السلبقة

وفكرت انها اذا استسلمت راح تموت مثلهم ,,جاته فكرة والفكرة هي انها تتخيل ان الحصاة

اللي بالحوش شخص فكل يوم كانت تكلمها وتبث همومها لها ,,, والزوج استغرب ليش ما ماتت

وسألها فقالت له بالفكرة واللي كانت تسويه لي طلع وروته الصخرة ولما رفعتها لقت تحتها

مليان دود,,,, تعرفون ان هذا الدود يرمز للهم وهي طلعته اما الزوجات اللي ماتوا فنخرهم

دود الهم ,,,,

فالخلاصة اذا انت مب قادر تكتم والله ما عطاك قوة التحمل والصبر ولو سكت بتنفجر لازم

تطلع اللي بقلبك حتى ما ينخرك دود الهم ,,,,

اتمنى اني افدتكم وتقبلوا مروري
Mozanee
29-11-2009, 10:09 PM
في بيوت من ندخلها نحس بكتمه وما تصدق تخلص الزيارة الا انت طاير عند الباب

وفي بيوت تدخلها تحس داخل بيتك تشعر براحة كبيرة

سبب هالمقدمة ,, انا بصراحة أشعر براحة اذا دخلت هالموضوع وكني داخلة بيتنا

وحتى لو الناس قالوا اني احتليتها انا اقولهم هي اللي احتلتني وحطيت فيها ذكرياتي وتجاربي

والقصة اليوم امي قالتها لي ,,,,

كانت في حرمة حست انها بتموت وكان عندها بنت و ولد وكانوا صغار ,,,,

فوصت ابوهم ان هي لي ماتت ان يقطعون يدها ويحشونها حتى ما تعطب واذا يبون يضربون

اعيالها ما يضربونهم الا باليد المحشوة ,,,

وفعلا بعد فترة ماتت الأم وكل ما بغوا يضربونهم اضربوهم بيد الأم ,,,

وكانوا هاليتامى عندهم زوجة اب تزوجها الاب بعد الأم ما ماتت ,,, فالكل كان متعجب,,,,

وكان عجبهم ان العيال كل مالهم ويمتنون وصحتهم تمام ,,,,

فتقول امي تدرين ان يد الأم حنونة حتى وهي ميتة ,,, طبعا امي تقولي القصة تبي تعبر لي

ان مهما سوت معانا اتم هي الحنونة والمحية لنا ,,,,

وأحب اذكر كلمة في حق أخوي علي ,,, انا بصراحة مب لي هناك في الكتابة لكن بفضل

الله ومن ثم بفضل توجيهات أخوي علي أحس اني تحسنت شوي ,,,

صج كنت أضايق لكن كان كلامه صحيح واستفدت منه ,, فانا احب اقدم له كل الشكر ,,,

وتقبل مروري واتمنى ما كون ثقيلة عليكم ,,, مب مشكلة حتى لو ثقيلة أصلي انا جبلة ,,,
The Master
23-02-2010, 08:34 PM
احم...
حبيت ارفع الموضوع وبذلك اجدد العقد الى مده اطول
وهي حتى رجعتي للدوحه واللي هي بتكون قبل رمضان اذا ربي سهل...
والسبب اللي خلاني ارفع الموضوع هو كم شخص ارفعوا معنوياتي وذمروني بهالمشروع...فا قلت يالله بسم الله نعيد فتح المشروع...والله المستعان...

حبيت اشكر الاخت موزاني على تواجدها في المشروع وايضا الاخوان اللي عرسلوا لي على الخاص ب نصايحهم وخبراتهم...
ويبشرون بتواجدها ان شاء الله في الكتاب...

نتمنى تواجد الاعضاء واثرائهم...من خبراتهم وتجاربهم...
ومن عنده افكار ...هذا لايمنع...لنا الشرف...
ويامرحبا بالجميع
The Master
24-02-2010, 08:17 AM
للرفع...في الانتظار
احم
The Master
12-04-2010, 08:21 PM
حبيت ارفع الموضوع...
واذكر الاعضاء من جديد...من يحب يشارك ياريت يتفضل...
لاني ناوي عالمشروع ب اذن الله...

فا بكم تزيد جمال وفايده وخبره...

وانتظركم...كان عالعام او الخاص...