المساعد الشخصي الرقمي

مشاهدة النسخة كاملة : الـقـولـون - ممكن خبراتكم وتجاربكم مع هذا المرض


هذلان
08-10-2009, 03:19 PM
السلام عليكم و رحمه الله

احتاج معلومات عن مرض القولون

شنهي اعراضه كيف يتم تشخيصه و طريقه علاجه ؟

هل تنصحون بدكتور معين يكون فنان حد منكم جربه سابقا ؟

سمعت ان القولون انواع و فيه تشابه بين اعراضه و اعراض التهابات المعده او التهاب الاثنى عشر ؟

هل له تاثير على نفسيه الشخص ؟

اي معلومات دقيقه ممكن تفيد في الموضوع بارك الله فيكم

بانتظاركم
:(
محمد 2002
08-10-2009, 03:36 PM
خذها من اخوك نصيحه اول شي سو فحص جرثومة المعده لنها هي المسبب الاساسي لكثير من امراض القولون والقرحه والمعده بشكل عام وعلاجها بسيط ان شاء الله

ولو مافيها شي سمعت عن الدكتور عبدالعظيم في مستشفى الجزيره يقولون زين

والدكتور محمد زبيب بعد ممتاز خلف سوق عمان


وعسى ربي يشفيك ويشفي من يكل مسلم
alrheeb2020
08-10-2009, 03:40 PM
ان شاء الله الاخوان مابيقصرون
هذلان
08-10-2009, 03:48 PM
خذها من اخوك نصيحه اول شي سو فحص جرثومة المعده لنها هي المسبب الاساسي لكثير من امراض القولون والقرحه والمعده بشكل عام وعلاجها بسيط ان شاء الله
ولو مافيها شي سمعت عن الدكتور عبدالعظيم في مستشفى الجزيره يقولون زين
والدكتور محمد زبيب بعد ممتاز خلف سوق عمان
وعسى ربي يشفيك ويشفي من يكل مسلم

اخوي محمد وين اسوي فحص الجرثومه و شنهي اعراض الجرثومه .
وهل عن طريق فحص الدم يكتشفون وجود الجرثومه ؟


alrheeb2020

انشاءالله ماتقصر الله يسلمك
ALFAISAL
08-10-2009, 04:09 PM
مرحبا ....

www.se77ah.com/art-240-علاج-القولون-العصبي.
حمد
08-10-2009, 04:11 PM
دكتور حمدي ... بمستوصف الجزيرة ... وبتدعيلي
aljaber1
08-10-2009, 04:14 PM
اخي هذلان الله يشافيك ويعافيك
لا تفكر كثير ولا تعرض نفسك للعزله
او تعرض نفسك للمواقف الي تضايقك
فالقولون اهم اسبابه العصبية والغضب
اشرب ماء بقدر المستطاع في اليوم الترين
ابعد عن القهوة واشكولاته والبهارات
الروب ولبن يعتبر من الملينات
استخدم الخبز الي فيه نخاله او الاسمر
تناول الفواكه والسلطات
اخي الكريم القولون كما السكر داء ليس له دواء
الا بوعي المصاب به ان يبعد عن مايثيره
من وجهة نظري اعراض ادوية علاجه لي عليها تحفظ
فحاول تبتعد عن الادويه الا اذا ضطراريا
الاهم ان لا تستسلم لهذا الداء
لانه مخاطره كبيره وقد يسبب اعراض نفسية سيئة الصاحبه
ومن أهم النصائح الامتناع عن ملء المعدة بالطعام والأكل يكون ببطء
وعدم المضغ بسرعة ولا تأكل النشويات والسكريات بكثرة
وكرر اتمنى لك الشفاء
هذلان
08-10-2009, 04:16 PM
aljaber1

الله يرحم والديك على هالمشاركه . انت صدمتني كل الي حذتني منه هي اشياء اسويها دائما من عاداتي يعني :rolleyes2:
بولينجر
08-10-2009, 04:16 PM
ماعندي فكرة والله يشافي مريضكم.....
E L L E
08-10-2009, 04:21 PM
دكتور حمدي في عياده الجزيره الله يجزاه كل خير
هذلان
08-10-2009, 04:28 PM
يا شباب الله يرضى عليكم الموضوع مهم بالنسبه لي
ياريت مع ذكر اسم الدكتور تذكرون لي اعراض المرض عشان اعرف و الم بالمرض قبل لا اشوف اي دكتور .. ببساطه لو اروح لاي شخص بيسويلي فحوصات و بلاوي و بيعطيني دوا .
بالنسبه لي تجارب الاشخاص تهمني و اعراض المرض تهمني .

اشكر كل من دعا بكلمه طيبه . اسئل الله انكم ماتشوفون مكروه جميعا
eXpert*
08-10-2009, 04:42 PM
أخي الفاضل ,,

القولون نوعان :
1) هضميّ ،، ويتهيج عن طريق بعض أنواع الاطعمة ،، وبصراحة ما أعرف اعراضه .
2) عصبيّ ،، ويتيهج عند العصبية ،، وتحس بأنتفاخ في البطن ،، ويجيك اسهال (أعزكم الله).

علاج القولون الهضمي : شرب كأس من عصير البطاطس على الريق يومياً .
علاج القولون العصبي : ان لم تخني الذاكرة فيتم علاجه عن طريق الماء . وذلك بادخال مايشبه المنظار داخل المعدة وتمرير الماء بطريقة طبيه ، لا يحضرني آلية عملها آلان .

أغلب المصابين بـ القولون يتجهون الى تايلاند للعلاج لانه علاجه متوفر بطرق حديثة .

هذا ما لدي على عجاله .

وشافاكم الله .
aljaber1
08-10-2009, 04:50 PM
الله يرحم والديك على هالمشاركه . انت صدمتني كل الي حذتني منه هي اشياء اسويها دائما من عاداتي يعني :rolleyes2:

والديك اخ هذلان ..
وما في اليد سوى الدعاء لك بالشفاء
والله يقدرك تقدر توسع الابتسامة لان الابتسامة اهم العلاج
وابشرك القولون لا يسبب أي خطورة على الحياة
لا يؤدي إلى أي مرض خطير على المدى البعيد
وممكن السيطرة على اعراضه بالحمية
اعتقد انك اكتشفت القولون من رمضان
لان الصيام يؤثر فبعد الجوع فجاة يمتلي البطن
وهذا مؤثر خفف يعني اخي هذلان وان شاء الله ماتحتاج علاج
وامورك طيبه وراح تفقد الانتفاخات والاصوات لكن مهم
ان لاتغريك الوجبات السريعة او الحليب والبهارات والفلفل ..الخ
وماقول غير ماتشوف شر
هذلان
08-10-2009, 04:54 PM
اممممم يعني ما اروح مستشفى aljaber1

ولا اسوي فحص جرثومه و اشيك على القولون عند دكتور حمدي لاني اشوف الشباب اغلبهم يمدحونه
موضي قطر
08-10-2009, 05:25 PM
سلامتك يا خوي هذلان من القولون وماتشوف شر

أخوي أنا مصابة بالقولون من أكثر من عشر سنين :weeping:

والحمدلله على كل حال وأعراضه عندي الشعور بنفخة مزعجة واضطرابات

في الهضم واذا تهيج الله يرحمنا برحمته تشوف الموت شوف العين :rolleyes2:

ومرات تصاحب اعراضه (غثيان أو احساس انك تبي تروح الحمام أعزكم الله)ومغص

فظيع بس أنا بقولك تجنب الفلفل (ما أقدر أقاومه:weeping:) وكثرة البهارات ومضغ الطعام

بتأني وشرب الماي مثل ماقالوا الأخوان وتجنب العصبية (الدكتورة كل ماتشوفني تقولي ليش

معصبة :eek5: )؟؟!!
aljaber1
08-10-2009, 05:34 PM
اممممم يعني ما اروح مستشفى aljaber1

ولا اسوي فحص جرثومه و اشيك على القولون عند دكتور حمدي لاني اشوف الشباب اغلبهم يمدحونه



ياريت الي مجرب وشفى من هذا يقولك وبكل امانه
لان الي اعرفه ان القولون ليس له علاج سوى الحمية
لان اي دكتور ممكن يعطيك ادوية تخفف من التقلصات فقط
وانت ممكن تخفف التقلصات باتباع الحمية
اضرب لك مثال
واحد مصاب بسكري ومايقدر يسكر فمه اكيد يحتاج انسولين
لكن الدكتور ليس بمقدوره اعادة نشاط البنكرياس
اخي مراجعة الطبيب ليست خطأ وانا اقدر القلق الي يصاحب نفسيتك
وانا نصيحتي لكل مصاب ان يتبع الحميه ويبعد عن اعراض الادوية
هذلان
08-10-2009, 05:36 PM
موضي قطر

الف سلامه عليج و ماتشوفين شر

شوفي الله يسلمج .. نفخه ما احس بنفخه الا اذا كلت و كثرت و اظطرابات الهظم ما ادري بس فيه اصوات في البطن و غازات
و احيانا نوعيات معينه من الاكل تسويلي مصايب في البطن بس مش شرط تكون فلفل
يصيدني حارج بشكل متكرر
فيه نقطه ثانيه هذي ماتصيدني .. لله الحمد مايصيدني غثيان و مغص فظيع مايصيدني
و اساسا انا من النوع الي دايما اشرب ماي

هل تستنتجين شي من الي ذكرته ؟
موضي قطر
08-10-2009, 05:42 PM
الف سلامه عليج و ماتشوفين شر

شوفي الله يسلمج .. نفخه ما احس بنفخه الا اذا كلت و كثرت و اظطرابات الهظم ما ادري بس فيه اصوات في البطن و غازات
و احيانا نوعيات معينه من الاكل تسويلي مصايب في البطن بس مش شرط تكون فلفل
يصيدني حارج بشكل متكرر
فيه نقطه ثانيه هذي ماتصيدني .. لله الحمد مايصيدني غثيان و مغص فظيع مايصيدني
و اساسا انا من النوع الي دايما اشرب ماي

هل تستنتجين شي من الي ذكرته ؟



انا أقول توكل على الله وسوي فحوصات منت خسران شي لأن الكل بيدلي بدلوه

وبتزيد حيرتك واحنا يالأعضاء ماصدقنا مسوين ( نفسنا دكاتره :nice:) والأهم

انت تكون مرتاح ولا تقعد توسوس يمكن يكون شي بسيط إن شاء الله ولا تنسى

تستخير علشان ترتاح وتقدر تقرر اللي الله بيسره لك ولا تنسى اطمنا عليك ... وسلامتك
E L L E
08-10-2009, 05:48 PM
) عصبيّ ،، ويتيهج عند العصبية ،، وتحس بأنتفاخ في البطن ،، ويجيك اسهال (أعزكم الله).

وحارج - وغازاااات مزعجه والم فالبطن اذا هاج عندي القولون .. بس انا عرفت لنفسي من اعصب جاتني كل الاعراض الله المستعان
بولينجر
08-10-2009, 06:17 PM
شوف اخوي انت تتكلم عن اعراض جاتني وعانيت منها الفترة الماضية ومن ضمنها الحارج والغازات وبعض الاكلات تسبب تهيج.... وطلع عندي في الاخير حصوة في المرارة.... واستأصلت المرارة والحمدلله الحين الوضع احسن بكثير مع تجنب بعض الاكلات....
لازم اخوي تروح تفحص.... وزيارة الدكتور مب غلط.... والله يشافيك.....
383 STROKER
08-10-2009, 06:29 PM
اخوي انا عانيت من القولون العصبي من كان عمري 5 سنين وكنت ما اقدر اكل اي شي في بهارات او فلفل حتى البصل والجرجير البقوليات بانواعها وترى في بعض الناس يتهيج القولون من الالبان ومشتقاتها يعني القولون يختلف من شخص الى اخر. من تجربة شخصية الجو عندنا في الخليج والماي هم الاسباب الرئيسيه لاضطراب القولون. تخيل 6 سنين في امريكا ما اشتكيت من القولون وحتى الاكل اي شي في خاطري اكله بس يوم رجعت الدوحه رجع القولون. انا مريت على دكاتره معروفين في الدوحه بس احسن واحد فيهم الدكتور حمدي في مستوصف الجزيره بجانب فندق جنة الخليج في شارع الخليج. هوالوحيد اللي عنده تلفزيون يصور القولون وباذن الله يوصف العلاج المناسب. وما تشوف شر ان شاء الله.
هدهد سليمان
08-10-2009, 06:47 PM
الله يشفيك اخوي هذلان ما تشوف شر .. مثل ما قالوا الاخوان سو فحص وتوكل على الله واي مركز يقدر يسوي لك فحص الجرثومه على كل حال هي موجوده على الأغلب عند نسبه كبيره والاسباب كثيره ومن احداها النفخ على الطعام مما له مضار واعتقد والله اعلم انه احد الاسباب الأولى لذلك ..

لكن القولون العصبي في الغالب نفسيه .. وابتعد عن البهارات والفلفل .. ما تشوف شر
alfahad1
08-10-2009, 08:31 PM
اختي انت ذكرتي بعض الاكلات تسببلج تهيج في القولون حاولي ان تقللي من هذه المأكولات
لانني لا استطيع ان اقولج تتجنبي اكله تسببلي مشكلة القولون وانتي لا هذه وحده.......
حاولي لا تفكري كثير اشغلي وقتج....... اكثري من شرب الماء.......... وهناك دواء اخذته وريحني
كثير ويعمل هذا الدواء على تنظيم وظائف القولون الدواء اسمه (duspatalin retard)
ويؤخذ حبه قبل الاكل ب عشرين دقيقه (يؤخذ بعد استشاره طبيه).
واذا لا قدر الله فيه وجع في منطقة الشرج فيؤخذ مراهم او تحاميل لانها من اثار مرض القولون
وأنصحج اختي ب الدكتور حمد العذبه في المستشفى الاهلي............ ولا تهملي نفسج والله الشافي
fandi
08-10-2009, 08:43 PM
اذا بتفحص عند اي دكتور لاتقوله انك شاك في القولون بس اشرح شنو مشكلتك من غير ماتذكر المرض لان بعض الدكاتره الله يهديهم اذا قلت انك شاك في شي ماعنده مشكلة يقول صح عندك
أخت رجال
08-10-2009, 08:43 PM
انصحك تسوي فحص لجرثومة المعده هي تسبب الاعراض اللي ذكرتها

وتبين عن طريق الدم والمنظار احسن بنسبه اكبر يأكد وجودها

وعلاجها بسيط

احسن دكتور حمد العذبه في الاهلي ومستشفى الجيش

ودكتور حمدي بمستوصف الجزيره
أخت رجال
08-10-2009, 08:47 PM
اهم اعراض الجرثومه



حارق

لوعه حتى من ريحة الاكل

فقدان الشهيه للاكل

الاكل ماينهضم

تحس بحراره في المرئ او المعده

ألم في أعلى البطن من الجهه اليسرى

بعد التشخيص المبدئي بدون تحاليل راح يقولون لك التهاب في الاثنى عشر او المرئ او قولون

( قبل لايكتشفون انه جرثومه )

اما حمد العذبه ماراح يقول لك شي لحد مايعمل كل الفحوصات ومنها المنظار
هذلان
08-10-2009, 08:48 PM
جزاكم الله خير .. لي عوده بعد القراءه بتمعن

بارك الله فيكم
عامر1
08-10-2009, 09:32 PM
انا اشتكي من القولون صارلي سنتين ماخليت دكتور الا ورحت له
بس الي ارتحت وياااااااه دكتور حمدي بس للحين اشتكي منه بس الحمدلله اخف من قبل واعراض القولون الي جاتني انتفاخ في البطن وحرقان ودقات القلب عندي كانت قويه لدرجه اني شكيت بالقلب ـــــــــ>يمكن كانت من الوسواس مادري بس الحمدلله والدواء الي ارتحت عليه اسمه بيرت وابعد عن التفكير على قد ماتقدر والله يبعد عنك الاذى وعن اخوان واخواتنا المسلمين
عبدالمحسن
08-10-2009, 09:47 PM
السلام عليكم


مرحبا بك اخوي هذلان في نادي القولون :)




اول شي انصحك نصيحه لا تاخذ علاج جرثومة المعده


ثاني شي


انا اعاني من التهابات في المعده صار لي خمس سنوات وداش على السنه السادسه


وعملت فحوصات في قطر و الرياض و بانكوك و الهند ولندن والمانيا


هل قطر يقولون قولون

و لندن والمانيا يقولون لا التهاب بسيط

والى الحين مافيه فايده تذكر


الاعراض تختلف في اعراض بسيطه واعراض متطوره


وانا بذكرها لك لان مافيه شي اسمه مرض القولون حسب خبرتي ..

هناك حموضه زائده او التهاب في الاثنى عشر او المعده

اولا المعده بيت الداء ، واذا لم تكن سليمه فسوف ينعكس هذا على الجسم عموماً كــ المزاج والوزن ..

فــ أرتاح اذا كان اللي مشغل بالك ( تعكر المزاج ) واختلاف حياتك اليوميه وطباعك وكثرة تفكيرك وكرهك للتجمعات واحساس بالملل .. فهذا امر طبيعي.


وقد يعرض عليك بعض الاطباء استخدام ادويه تعدل من نفسيتك ، ولكني لا انصحك بالاستعجال ، فسوف تتأقلم تدريجيا وبأمكانك التغيير أن شاء الله




وللعلم

في قطر

انصحك بالدكتور محمد امين زبيب

واذا تبي خارج قطر بعد حاضر
عبدالمحسن
08-10-2009, 09:50 PM
اهم اعراض الجرثومه



حارق

لوعه حتى من ريحة الاكل

فقدان الشهيه للاكل

الاكل ماينهضم




اذا تحسين بهالاعراض فهذا ليس قولون

فعندي نصيحه مجربه
السامـي
08-10-2009, 09:53 PM
ما تشوف شر يا هذلان.

مر على مستشفى حمد وأطلب كشف عند الدكتور نزية الدويّك،ولا
تقول له إنك شاك في القولون،قل له أشكي من بطني ومعي أوجاع.
وشف وش يقول لك.
إذا ما تقدر تجيه الصباح،تقدر تجيه في العيادة المسائية.

وبالسلامة.
bshayer
08-10-2009, 10:24 PM
^^^
طيب مافي دكتوره شاطره ..!!
............................

الله يسلمك جاني القولون وانا بالجامعه من كثر التفكير والمحتاه ..>>استغفر الله >_>
وبعدين زاد هيجانه بمكان شغلي ضغظ اللهم ياكافي ...>_>!!
اعراضه انتفاح بالمعده وغازات وحارق ..لوعه .!!

في بعض الاطعمه حاول انك تبعد عنه مثل المعجنات اي شي فيه خميره لانه بيزيدعندك الالم ..
واي شي فيه دهوون وهو بعد يسبب لك الحارق >الحارج (المقليات).!!
والمنبهات ابعد عنها والاكل الحار ...والحوامض >>عشقي :(>>>حزات يمر يومين وثلاث احس كاني مااكله وجبة دسمه مع اني ماكليت شي ..:(

والقولون حاله حال السكري ماله علاج غير الحميه وبيستمر معاك الإ اذا حافظت على اكلك وراحتك النفسيه الاهم ..>>>مع التفكير والعصبيه تزيد ..:(

وسلامات ..
غزلان
08-10-2009, 10:28 PM
ماتشوف شر اخوي
السامـي
08-10-2009, 11:13 PM
^^^
طيب مافي دكتوره شاطره ..!!

والله ما عندي فكرة عن الدكتورات،بس..ممكن الأخوات اللي مروا
بنفس الحالة يفيدونك.
وما تشوفين شر.
حقيقه
08-10-2009, 11:23 PM
السبب النفسيه
انا قبل فتره مريت بأزمه قسم بالله بغيت اموت من المعده والقولون اكيد صادته ازمه نفسيه

الله يشفيك
يمدحون الدكتور حمدي في مستوصف الجزيره
يمدحون الدكتوره نجاح الزياني في مستشفى البحرين التخصصي
هذلان
09-10-2009, 03:05 AM
قريت كل الردود و بدقه

قبل كل شي اشكر كل من شارك و الله يكتب لكم الاجر بكل حرف كتبتوه سواء بالنصيحه او بالدعاء
رحم الله والديكم و جزاكم الله خير الجزاء .

اكتشفت بان المفروض اني اذكر الاعراض الي فيني في الموضوع من البدايه كان افضل .
-----------------------------


الاعراض:

١- حارج من اي شي فيه دهن او بهارات الاكلات الهنديه و الجباتي و بعض الاكلات الاخرى بس الغريب اني و انا اكل احس انه هالوجبه بتسبب لي مشكله ، و احيانا يستمر الحارج اكثر من يومين .
٢- غازات و اصوات في البطن ( اجلكم الله ) في البدايه كانت اقل و مع مرور الوقت احس تزيد او جسمي صار حساس اكثر .
٣- الم غريب مثل كاني متظايق من هذي المنطقه وهي في اسفل القفص الصدري في الوسط و من كم يوم احس مثل النبظات في هذه المنطقه و اتظايق اذا نمت على بطني مثلا .
٤- احس فعلا بدقات القلب و من سنه او اكثر صار عندي ارتفاع في ضغط الدم و اخذ علاج حاليا .
٥- ضيقه نفسيه و كأبه و فعلا صرت اتجنب التجمعات و قلت حياتي الاجتماعيه و نوع من الرغبه في العزله ، و احيانا كثيره تصيدني نوع من الوساوس و التفكير الي ما ادري هل تصيد اي انسان و كنت اتوقع انها وساوس شيطان ممكن يتعرض لها اي انسان .
٦- العصبيه الزائده و هذي مشكله لانه طبيعه عملي شفتات و ايضا التوتر و الاسترس من اهم صفات شغلي يعني عمل جماعي انا مسؤول عنه و ان طلع فيه قصور او فشل انا اتحمل المسؤوليه هذي طبيعه عملي للاسف .
٧- الهضم مش عادي او اقدر اقول مش ثابت مره غير و مره غير
٨- مشكله فيه النوم و انا اعزو هذا الشي لطبيعه عمل الشفتات حيث ان النوم غير ثابت المواعيد و انام بصعوبه ولكن نوم ثقيل ما ادري هل له علاقه بالموضوع او لا .
٩- سابقا ما كنت اشرب الماء او العصير بارد جدا جدا مع ثلج . حاليا اذا شربت ماء بروده الثلاجه بلاعيمي و الحلق يظرب علي . ما اقدر اشرب الا ماء بدرجه حراره الغرفه العاديه ، ما ادري له علاقه في الموضوع او لاء .
١٠- احيانا اذا كنا مجموعه شباب و كلنا من نفس المطعم و نفس الاكل تصير لي مشاكل في الهضم مغص و اسهال كرمكم الله و اسئل الي معاي يقولون لي عادي ماصادنا شي ماشاءالله عليهم تبارك الرحمن .


هذا الي يحضرني حاليا اتمنى يكون منه فائده و توضيح اكثر للحاله .

استفسار مهم الغالبيه ذكر بان القولون سبب نفسي .. هل يعني هذا ان الانسان سليم و صابه القولون و صارت نفسيه تعبانه او العكس النفسيه تتعب و نتيجه هذا الشي يصاب الانسان بالقولون ؟
قطر دزاين
09-10-2009, 03:32 AM
هذلان بساءل لك ولد اخوي نفسك
بس يستخدم حبوب ومعاه تمام بكره بعطيك اسمها ان شاء الله
سهم طايش
09-10-2009, 04:21 AM
أخوي هذلان الاعراض اللي ذكرتها تدل بالضبط ان عندك ارتخاء في فم المعدة مما يتسبب بارتفاع عصارة المعدة الى المريء مما يتسبب بألم شديد في المنطقة في منتصف الصدر تشبة الى حد كبير آلام القلب 0

انصحك بعمل منظار و تقليل الاكل الدسم و الحوامض

اتمنى لك الشفاء يا رب
Chanel
09-10-2009, 10:28 AM
اصدق الأمنيات اخوي هذلان بالشفاء
انا بقولك عن تجربتي انا تعالجت عند دكتور محمد امين كنت دايما احس بحراره في المعده ولوعه وتعب وشيء فضيع ,,,المهم رحت له وبعد الفحص والتصوير اتضح انها جرثومه في المعده عطاني حبوب والحمدلله من ذاك الوقت وانا بخير بس للعلم هالكلام تقريبا من 9سنوات
قطرية بعيون
09-10-2009, 10:33 AM
عندي الحل وانا عانيت كثير من القولون الحل هو ممارسة الرياضه وكل شي بيروح عقب 3 او اربع ايام
غير البشر
09-10-2009, 10:47 AM
اخوي هذلان ماتشوف شر يا الغالي

اجر وعافيه ان شاء الله

معظم تاتعراض الي ذكرتها اعاني منها لين اليوم من سنتين

وعلى كلام الدكتور عندي ارتخاء في المعده

والتهاب حلزوني (هليكوباكتر) في المعده

ماسويت منظتر بس اعرفو عن طريق تحليل الدم

مع العلاج اشفى لكن يرجع لي لاني ماتقيدت بكلام الدكتور :(

وبعد كم يوم بروح اسوي منظار في البحرين عند الدكتوره نجاح الزياني بتاريخ 20-10









السبب النفسيه
انا قبل فتره مريت بأزمه قسم بالله بغيت اموت من المعده والقولون اكيد صادته ازمه نفسيه

الله يشفيك
يمدحون الدكتور حمدي في مستوصف الجزيره
يمدحون الدكتوره نجاح الزياني في مستشفى البحرين التخصصي



:nice::nice:

عندي موعد عقب كم يوم عندها الله يشفيني ويشفي مرضى المسلمين
كيفـي
09-10-2009, 12:48 PM
والله هالمرض عذبني.. احس احياناً بالموت من شدة ألمه..

وأنا فيني القولون العصبي.. وماينفع معه حتى الزنتك ..

مع ان مالي كرش بس اذا ضرب الألم يصير بطني كبير ..:(

وبصراحة مايزيد الا لما اكون متوترة واعصاب..

واحساس فظيع الم حاد ماينفع معاه اي علاج..:(

والله الشافي.. بجد قلبتوا مواجعي..:'(

وأسأل الله العظيم رب العرش العظيم ان يشافي كل مسلم من أي مرض ويقيه..
عامر1
09-10-2009, 01:02 PM
قريت كل الردود و بدقه

قبل كل شي اشكر كل من شارك و الله يكتب لكم الاجر بكل حرف كتبتوه سواء بالنصيحه او بالدعاء
رحم الله والديكم و جزاكم الله خير الجزاء .

اكتشفت بان المفروض اني اذكر الاعراض الي فيني في الموضوع من البدايه كان افضل .
-----------------------------


الاعراض:

١- حارج من اي شي فيه دهن او بهارات الاكلات الهنديه و الجباتي و بعض الاكلات الاخرى بس الغريب اني و انا اكل احس انه هالوجبه بتسبب لي مشكله ، و احيانا يستمر الحارج اكثر من يومين .
٢- غازات و اصوات في البطن ( اجلكم الله ) في البدايه كانت اقل و مع مرور الوقت احس تزيد او جسمي صار حساس اكثر .
٣- الم غريب مثل كاني متظايق من هذي المنطقه وهي في اسفل القفص الصدري في الوسط و من كم يوم احس مثل النبظات في هذه المنطقه و اتظايق اذا نمت على بطني مثلا .
٤- احس فعلا بدقات القلب و من سنه او اكثر صار عندي ارتفاع في ضغط الدم و اخذ علاج حاليا .
٥- ضيقه نفسيه و كأبه و فعلا صرت اتجنب التجمعات و قلت حياتي الاجتماعيه و نوع من الرغبه في العزله ، و احيانا كثيره تصيدني نوع من الوساوس و التفكير الي ما ادري هل تصيد اي انسان و كنت اتوقع انها وساوس شيطان ممكن يتعرض لها اي انسان .
٦- العصبيه الزائده و هذي مشكله لانه طبيعه عملي شفتات و ايضا التوتر و الاسترس من اهم صفات شغلي يعني عمل جماعي انا مسؤول عنه و ان طلع فيه قصور او فشل انا اتحمل المسؤوليه هذي طبيعه عملي للاسف .
٧- الهضم مش عادي او اقدر اقول مش ثابت مره غير و مره غير
٨- مشكله فيه النوم و انا اعزو هذا الشي لطبيعه عمل الشفتات حيث ان النوم غير ثابت المواعيد و انام بصعوبه ولكن نوم ثقيل ما ادري هل له علاقه بالموضوع او لا .
٩- سابقا ما كنت اشرب الماء او العصير بارد جدا جدا مع ثلج . حاليا اذا شربت ماء بروده الثلاجه بلاعيمي و الحلق يظرب علي . ما اقدر اشرب الا ماء بدرجه حراره الغرفه العاديه ، ما ادري له علاقه في الموضوع او لاء .
١٠- احيانا اذا كنا مجموعه شباب و كلنا من نفس المطعم و نفس الاكل تصير لي مشاكل في الهضم مغص و اسهال كرمكم الله و اسئل الي معاي يقولون لي عادي ماصادنا شي ماشاءالله عليهم تبارك الرحمن .


هذا الي يحضرني حاليا اتمنى يكون منه فائده و توضيح اكثر للحاله .

استفسار مهم الغالبيه ذكر بان القولون سبب نفسي .. هل يعني هذا ان الانسان سليم و صابه القولون و صارت نفسيه تعبانه او العكس النفسيه تتعب و نتيجه هذا الشي يصاب الانسان بالقولون ؟

اخوي هذلان الاعراض الي انت كتبت عنه كلها جاتني وكل دكتور اروح له يقولي قولون بعد التحليل طبعا بس في بدايت المرض قالو جرثومه واستخدمت العلاج لفتره اسبوع وارتحت لكن بعد كذا ارجعت نفس الاعراض وانت افحص احسن لك مب شرط منظار والله يشفيك انشاالله
هذلان
09-10-2009, 01:16 PM
بارك الله فيكم


كيفـي

انا ماعندي هذا الالم الي تقولين عنه و الانتفاخ الي تذكرينه .. الالم مجد اني اتظايق من المنطقه في اعلى البطن و اسفل القفص الصدري في حالات مثلا في السجود في الصلاه او اني على السرير انقلبت على بطني مجرد بس استظيق من المنطقه هذي بس مش الم قوي مثل ما تذكرين .. اسئل الله ان يشفيج و الله يتقبل دعائي في هذه الجمعه المباركه .


غير البشر

ياخي اغلب الناس يقولون قولون و انت الوحيد الي ذكرت انه ارتخاء فم المعده و هذا المرض اعرفه لانه واحد من ربعي فيه الله يشفيك انت وياه و سبته الاكل و النوم مباشره بعد الاكل ،، فيضغط الاكل على فم المعده و ترتفع عصاره المعده فوق .

ولكن الي يخليني استغرب اني ذكرت تقريبا كل شي فيني بكل وضوح و انت تقول كل الي فيني فيك هذا الي محيرني .

اعتقد الي يحسم الموضوع هو استفسار من دكتور مختص ماهو الاختلاف بين اعراض ارتخاء فم المعده و واعراض القولون .
اعتقد هذا سؤال بيحسم الموضوع و مفيد لي و لك .

يا شباب اشكركم جميعا على مشاركاتكم المفيده و اسئل الله ان يكون هذا الموضوع مفيد لي و لغيري من الناس الي يعانون من هذه الامراض و الله يشفينا و اياكم فتبادل الخبرات و التجارب مفيد جدا و مثل مايقولون التشخيص نص العلام و الي نذكره في الموضوع هذا هي خطوه من خطوات التشخيص
غناتي1
09-10-2009, 02:13 PM
دكتور حمدي ... بمستوصف الجزيرة ... وبتدعيلي




يا سلام على الدكتور حمدي ---- يعالج كل التخصصات


على قولة المثل (( حجام وقشاع ظروس ))
هذلان
09-10-2009, 03:24 PM
هذا الموضوع بين لي انه فيه معادن طيبه في هذا المنتدى الطيب :weeping:

شي تعرفونه و شي ماتعرفونه :)
بولينجر
09-10-2009, 05:08 PM
اخوي هل عندك الام في اعلى البطن الجهة اليمنى؟ وهل عندك الام في اعلى الظهر؟ لأن ما ادري ليش شخصت اللي فيك انه قولون.... كل الاعراض اللي تقولها كانت فيني وطلع انه حصوة في المرارة.....

اخوي علشان تتطمن روح سوي فحص بالتلفزيون في اي مستشفى خاص او عيادة خاصة.... واطلب منهم يسوون لك اياه abdominal ولازم تروح لهم وانت صايم عن الاكل والشرب لمدة 10 ساعات على الاقل.... وخذ الصورة وروها دكتور باطني وبيعلمك وش فيك ان شاء الله.....
والله يشافيك....
هذلان
10-10-2009, 12:21 AM
بولينجر

هو مش الم بمعنى الم شي خفيف احس انس متظايق من المنطقه و هي في اعلى وسط البطن مش يمين

شكل الموضوع مايطله من ثلاث امور
الاحتمال الاول و هو الاقرب انه جرثومه
الثاني قولون
الثالث مراره

في جميع الاحوال بمر الدكتور حمدي على شور اغلبيه الشباب جزاهم الله خير

الف شكر لك طويل العمر
فراغ
10-10-2009, 01:34 AM
عندي الحل وانا عانيت كثير من القولون الحل هو ممارسة الرياضه وكل شي بيروح عقب 3 او اربع ايام
كلامك أخي صحيح
وبما أن الموضوع عن القولون
يقول المثل
أربط صبعك وكلآ بينعت لك أدوا
وأنا أحب أن أخوض مثل أخواني في الموضوع
كل ألي قالوه الأخوا صحيح
ولكن عندي زيادة عليه
يقول لي أحد الدكاترة أن القولون هو (ضعف في أعصاب الأمعاء) يعني المصارين فيها أعصاب دقيقه وهذه الأعصاب تتحرك حركه دوديه مما يدفع بالطعام الى الأمام
وفي حالة ضعف هذه الحركه أو شبه توقفها تتخمر الأغذيه مما يتسبب من تكون الغازات وتقوم هذه الغازات بدفع الأغذيه الى الأمام بدل الحركه الدوديه ولكن تكون الغازات بكميه كبيرة
لذلك يعوض الأنسان عن ذلك بتمرين للبطن أي يحرك عضلات بطنه (يعني يشفط بطنه لداخل وللخارج) عدت مرات يساعد ذلك في خروج الغازات فيرتاح الأنسان
كذلك رياضة المشي تساعد في الشفاء المؤقت من القولون
بعض الأكل وعدم المضغ يسبب القولون
يجب أن يكون من ضمن الأكل (الألياف) مهمه للقولون وتوجد في السلطات ولاحظ أنك أذا أكلت سلطه تحس براحه لآن من أسباب القولون نقص في السلطات أي أنك مقل في أكل السلطات
والقولون قصه طويله يجب أن تعتاد عليه ويعتاد عليك
بنت مريخ
10-10-2009, 10:23 PM
دكتور حمدي في متوصف الجزيره مافيه بعده فوق الممتاز تبارك الرحمان
مــــلاك
12-10-2009, 10:01 AM
اخوي هذلان بشر وشصار معاك ..راجعت الدكاتره ولا تنتظر ردود الاخوان ؟
هذلان
12-10-2009, 12:16 PM
اخوي هذلان بشر وشصار معاك ..راجعت الدكاتره ولا تنتظر ردود الاخوان ؟

لا والله مشاغل للحين ماصارت لي فرصه

بسوي فحص برى في مختبر و بعدين بروح للدكتور

جزاج الله خير
kitmat
12-10-2009, 04:56 PM
يمدحون نجاح الزياني في البحرين
طيوب
12-10-2009, 05:36 PM
الله يهداكـ يا هذلان . . خليتنا نوسوس وياكـ :anger1:

ياخوي ما فينا شي إن شاء الله :)

عيـــــــش حياتكـ . . أنت شكلكـ تدور إجازه مرضيه وبس :nice:





































قايلكـ عيــــش حياتكـ . . ليش تنزل تحت :victory:
غزلان
13-10-2009, 04:17 PM
http://www.alqabas.com.kw/Article.aspx?id=540472&date=13102009

موضوع عن القولون ممكن يفيدك اخوي
حياة
13-10-2009, 05:01 PM
القولون اعاني منه من سنه 1997
وماارتحت الا عند د.حمدي وبس
رحت لندن وعالجت
ورحت عند الدكتوره نجاح
في البحرين تقريبا 3سنوات ورحت اغلب دكاتره الدوحه ومااستفدت بعد اللــــــــــه الا مع الدكتور حمدي
هذلان
13-10-2009, 05:07 PM
http://www.alqabas.com.kw/Article.aspx?id=540472&date=13102009

موضوع عن القولون ممكن يفيدك اخوي

مشكوره على الرابط طاحت عيوني و انا اقرا بس مفيد و خصوصا لمسله الوقايه من المرض


طيوب

حط صبعك في اخر القفص الصدري من تحت و اضغط بقووووه و هد اذا حسيت بالم خفيف يعني فيك قولون :nice:


امزح اي حد بيضغط بيحس بالم :)

بعيد الشر عنك ان شاءالله و الموضوع هذا اذا مافاد مايضر


kitmat

شكرا


FlagLand

ماتشوفين شر و الدكتور حمدي اثبت لي هالموضوع انه متمكن جدا و متخصص بالقولون و الامراض المقاربه له
هذلان
18-10-2009, 08:39 PM
السلام عليكم


شباب مادري اقول ابشركم ولا مايصير :)

اليوم رحت لمختبر البرج و سويت فحص الجرثومه
وكان عن طريق ثلاث اشياء
1- فحص دم
2- فحص بالنفس
3- فحص شي مب زين :shy:

وطلع عندي جرثومه المعده و بينت في النفس و الدم
وفي اقرب فرصه بروح للدكتور حمدي في مستوصف الجزيره

بصراحه ما اردي شقولكم غير اني اشكر كل من شارك في الموضوع و الله يبعد عنا و عنكم كل شر
بولينجر
18-10-2009, 08:42 PM
ظاهر من الشر ان شاء الله.... والحمدلله انها هينة ان شاء الله والله يشافيك ويشافي مرضى المسلمين.....
هذلان
18-10-2009, 08:57 PM
ظاهر من الشر ان شاء الله.... والحمدلله انها هينة ان شاء الله والله يشافيك ويشافي مرضى المسلمين.....

ماتواجهه بولينجر .. جزاك الله خير

اللهم امين
سنطره
18-10-2009, 09:19 PM
انا رحت عيادة الدوحة وسويت اختبار للجرثومة المعدة لان كل شهر او شهرين معدتي اتعورني والتحليل عن

طريق اخذ عينة من البراز وكنت اراجع عند دكتورة هندية عطتني كورس من المضاد الحيوي والحمدالله صرت زينة

بس صار الم المعدة يرجعلى اذا::::::
*اكلت شي حامض
*شرب النسكافية (احذروا منه)
*العصبية (جدتي اتقولي ان الاوليين ايسمونها حرة المعدة بدل قرحة المعدة لانها تجي من الحرة (العصبية)

والحين اذا جاتني اشرب حليب بارد وأنام على السرير والله جربيها راح ترتاحين من غير ما تاخذين ادوية.

اذا حسيتو بالالم عليكم بالحليب البارد.

وبصراحة مستشفى حمد والمركز الصحى قالوا لي سوي منظار ، ويوم رحت عيادة الدوحة عند الدكتورة الهندية قالت لي العلاج يبدا باالمظادات واخر الحلول هو المنظار.
سنطره
18-10-2009, 09:26 PM
بس بصراحة احس حتى لو رحتوا عند احسن دكتور ما راح تشفون مئة بالمئة وعلشان تتجنبون الالم واخذ الادوية
ابتعدوا عن الفلفل والبهارات والمنبهات (القهوة والنسكافية)، وابتعدوا عن العصبية، والحوامض