مشكله جهاز انذار انخفاض الهواء في التاهو

[aa3131]

السلام عليكم

اذا حد ممكن يساعدني في ريست جهاز الانذار في التاهو لاني بدلت
4 تواير والشاشه تعرض كل التواير الهوا منخفض مع العلم انهم كلهم نفس الشي

السياره تاهو ال اس

ولكم جزيل الشكر

[eXpert*]

أخوي الطريقة بسيطة وان شاء الله بتقدر تسويها بنفسك .

السيارة تكون مطفية و ضع المفتاح على وضعية الـ On اللي يطلع صوت تنبه (طن طن طن) واكبس على دواسة البترول بشكل كامل وارفع رجلك 4 أو خمس مرات ،، انت جرب يا اربع أو خمس مرات بتلاقي عمل ريست على اعدادات المصنع وان شاء الله تنحل المشكلة .

اذا ما عرفت راسلني :)

[aa3131]

جزاك الله خير

بجرب وبرد لك خبر
لاني مسافر بكره واذا رجعت عطيتك النتيجه

وشكرا على المساعده

[ناصح لكم]

تتأكد أخوي أنك ركبت القطعه اللي تعطي ضغط الهواء بالتاير

القطعه متلاصقه بأنبوب النفخ من داخل التاير

[الـخـور]

اخوي اذا كنت بدلت التواي
لازم تقول حق البنجرجي قبل لايبدل التواير ان التواير فيها سينسر عشان مايخربها اثناء التبديل

[فلفل حار]

أخوي الطريقة بسيطة وان شاء الله بتقدر تسويها بنفسك .

السيارة تكون مطفية و ضع المفتاح على وضعية الـ on اللي يطلع صوت تنبه (طن طن طن) واكبس على دواسة البترول بشكل كامل وارفع رجلك 4 أو خمس مرات ،، انت جرب يا اربع أو خمس مرات بتلاقي عمل ريست على اعدادات المصنع وان شاء الله تنحل المشكلة .

اذا ما عرفت راسلني :)

رحم الله والديكـ يالغالـي ...
:)

[خيال شمر]

بالتوفيق ,,, والله يحفظك

[aa3131]

السلام عليكم

شاكر لكم اهتمامك للمساعده
وللاسف جربت الطريقه عده مرات وما نفعت

ان شاء الله برجع للبنشري يمكن عنده حل
واذا عرفت الحل ان شاء لله بقولكم

ولكم جزيل الشكر

[الفقير]

السلام عليكم
اخوي افصل واير البطارية دقيقة بعدين رجعه مكانة وجرب

[رويتر]

اخوي مالك إلا تبديل الأربع سنسرات في الشركة لأنها صارت عندي من قبل

اظن 500 ريال لكل سنسر وبنفس اليوم استلم سيارتك ..

[Qtr Denver]

عليكم السلام ورحمة الله وبركاته

اخوي صارت معاي من قبل .. وهو ان البنجري وهو يغير التاير ضرب السنسر وكسره ..

رحت شريت سنسر جديد من الوكالة بـ 250 ريال ورجعته عند البنجري يركبه ورجعت للوكاله على اساس يبرمجونه ..

والله يعينك ..

في امان الله