الدكتوره وكلامها !!!

[كلي أمل]

السلام عليكم

بابتدي ف الموضوع على طول

المحاضره يوم الاربعاء في احدى المواد انقلبت الى حلقه نقاشيه كلها نقد

طبعآ اللي تدرسنا امريكيه

وبكلمه من بنيه معانا ف الكلاس انفتح الموضوع :rolleyes2:

وقامت الدكتوره تنتقد اسلوب الحياه عندنا

وتتسأل – شلون المرأه عندكم اتجيب 7 او 8 اطفال !!!! وبطلت عيونها عدل :omg:

وشلون بعض البنات اللي ف سنكم يتنقبون ؟؟؟؟ !!! وليش للحيين البنات خايفين يطلعون ويتكلمون عن حقوقهم !!!

وتقول ان بهاذي الطريقه ماراح يكون عمدنا ابداع !!!

وكلامها كله تنغز ف اسلوب حياتنا :rolleyes2::rolleyes2:

وتقول انها تعرف بنات يلتزمون بالعادات فقط لأوامر اهلهم وليس اقتناع منهم

وانتقدت احدى الدول الخليجيه واااايد وبصوره مب حلوه – وتقول انها مره كانت تبي تدخل
هالدوله وامنعوها لانها عزباء !!! وقامت تضحك وتقول عمري ماشفت هالــقانون ف اي مكان
ف العالم

وعقب تكلمت عن واحد امريكي راح باكستان وعطا المرأه حقوقها هناك واهتم بالاطفال وتعليمهم
وتقول انه مسيحي بس انقذ المسلمين من الجهل ! وان المسلمين مايساعدون المسلمين !!! ؟؟؟

وتنتقد طالبان وااايد – وتقول ليش هالتخلف ؟؟؟؟
وليش المرأه هناك كأنها كأئن منبوذ

وبصراحه احنا كنا منذهلين وكنت اطالع البنات وللأسف في فئه من البنات كانت مأيدتها :weeping:

انا قعدت اسأل روحي هي ليش تقول جذي ؟ وش تبغي يعني ؟ وش هدفها ؟
تنصيري مثلآ ؟ غزو فكري ؟؟؟ ولا تتكلم بطريقه سليمه !!

والله شي عجييب !!!


موضوع للنقاااش

[storm..]

.... غريبهـ هاذيـ الدكتورهـ..@_@..

لاتعليٌقـ

[VIP-QATAR]

كان مفروض انكم ماتسكتون وتبينون لها

بفائدة الحجاب والنقاب

بس الشرهه على المسلمات الي يأيدونها

مع ذلك انا اعذركم انكم سكتو لانها الدكتوره واذا حطتكم برسها راحت عليكم

[~ نســـايم ~]

حسافة اني ما كنت موجوده :secret:


انا وايد مرت علي امور مثل هذي اثناء دراستي ولكن للحمد غيرت مفاهيم كثيرة عند هالنوعية من الدكاترة وكلمتهم واقنعتهم ولله الحمد وبشكل سلس و في عدد منهم كان دائما يلجأ لسؤالي عن اي موضوع يخطر في باله عن الاسلام اقول لعل وعسى يسلم سبحان الله من يدري ,,


لكن هذي بصراحه تمادت وللاسف دام في فئه مأيدتها اكيد بتظل مقتنعه تماما باصحيـة ما قالت وخصوصا اني ما اشوف تكلمتي عن فئة معارضه لها !!

مشكله قلة اللي يملكون الحجة باللسان ,, :weeping:

[نورالهدى]

وين إدارة الجامعه عنها
المفروض يقلفعوها بأسرع وقت ممكن
ترى في بنات عندنا مايفهمون ولا يدركون خطورة الكلام اللي قاعده إتقوله
وين الجرايد عنها
مافي غير شكوى توصل لمدير شئوون الطلاب ومدير الجامعه وكل مسئوول
بكتاب مكتوب على الكمبيوتر ومسحوب عليه وموزع لكل الجهات المعنيه وتحديد إسمها
لابارك الله فيها خليهم يراقبونها ويستغنون عن خدماتها اللي شكل ويها

[بوحارب]

اول شي انتي غلطانه انج كاتبه في العنوان ( دكتوره )

هذي حتى كلمة بقرة حرام فيها

عيل دكتورة وتقول جيه!!!

كلي امل قولي لها يقولج بوحارب ( القافلة تسير والكلاب تنبح )

[كلي أمل]

^^^

نعم كانوا في فئه مأيدينها ويشكون لها حالهم بعد

واحنا الباقي كنا ساكتين ونسمع ومتفاجأييين !!!!!!!! والله حسيت ان الدنيا تدور فيني

[القلب المؤمن]

السلام عليكم

بابتدي ف الموضوع على طول

المحاضره يوم الاربعاء في احدى المواد انقلبت الى حلقه نقاشيه كلها نقد

طبعآ اللي تدرسنا امريكيه

وبكلمه من بنيه معانا ف الكلاس انفتح الموضوع :rolleyes2:

وقامت الدكتوره تنتقد اسلوب الحياه عندنا

وتتسأل – شلون المرأه عندكم اتجيب 7 او 8 اطفال !!!! وبطلت عيونها عدل :omg:

كان قلتي لها تروح تشوف الدول الاوروبية اللي شوية وبينقرضون قامت الحكومات عندهم تدفع راتب لكل طفل ينولد تشجيع للانجاب :tease:
وشلون بعض البنات اللي ف سنكم يتنقبون ؟؟؟؟ !!! وليش للحيين البنات خايفين يطلعون ويتكلمون عن حقوقهم !!!
من ناحية الحقوق فعلا ..المرأة حقوقها للأسف لاتوال مهضومة في بعض النواحي ..:secret:

وتقول ان بهاذي الطريقه ماراح يكون عمدنا ابداع !!!
مب بكيفها

وكلامها كله تنغز ف اسلوب حياتنا :rolleyes2::rolleyes2:
قولي لها من كان بيته من زجاج لايرمي الناس بالحجارة ..تروح تشوف مجتمعهم الفاسد اللي مافيه علاقات أسرية وارتفاع نسبة الجريمة !!

وتقول انها تعرف بنات يلتزمون بالعادات فقط لأوامر اهلهم وليس اقتناع منهم
العادات فعلا البعض ملزوم فيها من أهله بس هذا كان زمان الحين الناس صاروا مثقفين .. ولازم نتذكر ان العادات ليست جزء من الدين

وانتقدت احدى الدول الخليجيه واااايد وبصوره مب حلوه – وتقول انها مره كانت تبي تدخل
هالدوله وامنعوها لانها عزباء !!! وقامت تضحك وتقول عمري ماشفت هالــقانون ف اي مكان
ف العالم
:secret: حدث ولاحرج

وعقب تكلمت عن واحد امريكي راح باكستان وعطا المرأه حقوقها هناك واهتم بالاطفال وتعليمهم
وتقول انه مسيحي بس انقذ المسلمين من الجهل ! وان المسلمين مايساعدون المسلمين !!! ؟؟؟
اي قولي لها كان يروح يصلح في بلده ..ولا هم خيرهم لغيرهم يعني ؟ بس ترى دعاية واهية

وتنتقد طالبان وااايد – وتقول ليش هالتخلف ؟؟؟؟
وليش المرأه هناك كأنها كأئن منبوذ
طالبان الله يعينه على نفسه :nice:
تروح تنتقد رئيسهم أحسن اللي ماخلا دولة بالعالم الا وغزاها ودمرها ظلم ؟

وبصراحه احنا كنا منذهلين وكنت اطالع البنات وللأسف في فئه من البنات كانت مأيدتها :weeping:
بنات مساكين صغار بس مسيرهم يعرفون ويتعلمون :nice: وصدقيني اللي يعيش بين هالاجاني يكتشف الفرق الشاااااااااااااااسع بين مسلسلاتهم اللي ترسم الاحلام الوردية والحياة المثالية وبين واقعهم الخالي من الاخلاق ..والعلاقات ..والخير !

انا قعدت اسأل روحي هي ليش تقول جذي ؟ وش تبغي يعني ؟ وش هدفها ؟
تنصيري مثلآ ؟ غزو فكري ؟؟؟ ولا تتكلم بطريقه سليمه !!

هي شكلها مسكينة عايشة في عالمها الخاص قولي لها تروح تشوف الاخبار وتقرا التاريخ قبل لاتتفلسف ..
والله شي عجييب !!!


موضوع للنقاااش

وشكرا على الموضوع الجميل

[كلي أمل]

كان مفروض انكم ماتسكتون وتبينون لها

بفائدة الحجاب والنقاب

بس الشرهه على المسلمات الي يأيدونها

مع ذلك انا اعذركم انكم سكتو لانها الدكتوره واذا حطتكم برسها راحت عليكم



اختي احنا لو هي متكلمه بروحها كان ممكن نتكلم ونوضح لها بس

1- بنات مسلمات معانا مأيدينها
2- احنا ف حالة صدمه من جرئتها ومن البنات اللي معانا الله يهديهم

[الرادار]

بأمكانكم تكتبون كتاب للأداره يتضمن احاسيسكم من طريقتها بالتضامن انتي والي متفقين معاج في الرأي وتوقعون عليه بتكونون سجلتوا ملاحظه عليها ويمكن يغيرونها او يطلبون منها عدم التطرق للمواضيع الي تمس عقيدتكم وهذا ممكن حتى لو كانت الأداره اجنبيه.

[Arab!an]

الرد على مثل هذه الدكتوره ليس بفتح باب النقاش فيماهو مفروغ منه اصلا .. وتم الكلام فيه كثيرا


فقط قولوا لها انه يجب عليها ان تحترم ثقافتنا ولا تحتقرها بهذه الطريقة ,


علموها انه يجب عليها ان تعي ان المجتمعات في العالم تختلف كل له ثقافته وكل له هويته المميزه له عن الآخر ..


الواجب احترام ثقافتنا .. فقط قولوا لها هذا الكلام ..


وان حاولت ان تتكلم عن الحجاب مثلا فأسكتوها بأن هذا الامر من تعاليم الاسلام ,

ولا تحاولون ان تذهبوا الى منطقها هي .. بل حاولوا جذبها الى منطقنا وتصورنا قدر الامكان


ايضا الاهل يجبروننا على افعال معينة .. ذلك صحيح


وان كانوا في بلدانهم لا يتدخلون في ابناءهم وما يريدون فإننا هنا مختلفون عنهم .. ومرة أخرى يجب عليها احترام هذه الثقافة


ومهما حاولت ان تنتقد من شئ في مجتمعنا , فأثيروا موضوع الثقافة والاختلاف واحترام رغبات وتوجهات الآخر


لسنا في حاجة الى منقذين .. اخبروها ان عندنا من يحملون نفس افكارها ويحاولون جاهدين محاربة هذه الثقافة بدعوى الانقاذ , فعليها ان تريح نفسها وهم سيقومون بما تنوي القيام به



لم أكن لآقول مثل هذا الكلام لولا انني اعرف نواياهم , هم لا يريدون ان يناقشوا بقدر ماينظرون الينا نظرة شفقة اعتقادا منهم بأننا لا نؤمن بثقافتنا وديننا

[كلي أمل]

بأمكانكم تكتبون كتاب للأداره يتضمن احاسيسكم من طريقتها بالتضامن انتي والي متفقين معاج في الرأي وتوقعون عليه بتكونون سجلتوا ملاحظه عليها ويمكن يغيرونها او يطلبون منها عدم التطرق للمواضيع الي تمس عقيدتكم وهذا ممكن حتى لو كانت الأداره اجنبيه.


كلامك وايد منطقي :nice: وانا قلت حق البنات اللي معاي نسوي جذي وبدون حتى مانكتب اسامينا لان ف بس نكتب ان احنا قروب من هالكلاس

اعتقد انهم بيتفهمون هالشي - ب هالطريقه ما اعتقد بتحط حد معين ف بالها وتنقص ف درجاته

بس مب حلووو اللي سوته والمفروض تشرح الدرس اللي عندنا ف الماده

مب تعطينا محاضره عن اللي مب عاجبها وعاجبها :anger1:

[كلي أمل]

الرد على مثل هذه الدكتوره ليس بفتح باب النقاش فيماهو مفروغ منه اصلا .. وتم الكلام فيه كثيرا


فقط قولوا لها انه يجب عليها ان تحترم ثقافتنا ولا تحتقرها بهذه الطريقة ,


علموها انه يجب عليها ان تعي ان المجتمعات في العالم تختلف كل له ثقافته وكل له هويته المميزه له عن الآخر ..


الواجب احترام ثقافتنا .. فقط قولوا لها هذا الكلام ..


وان حاولت ان تتكلم عن الحجاب مثلا فأسكتوها بأن هذا الامر من تعاليم الاسلام ,

ولا تحاولون ان تذهبوا الى منطقها هي .. بل حاولوا جذبها الى منطقنا وتصورنا قدر الامكان


ايضا الاهل يجبروننا على افعال معينة .. ذلك صحيح


وان كانوا في بلدانهم لا يتدخلون في ابناءهم وما يريدون فإننا هنا مختلفون عنهم .. ومرة أخرى يجب عليها احترام هذه الثقافة


ومهما حاولت ان تنتقد من شئ في مجتمعنا , فأثيروا موضوع الثقافة والاختلاف واحترام رغبات وتوجهات الآخر


لسنا في حاجة الى منقذين .. اخبروها ان عندنا من يحملون نفس افكارها ويحاولون جاهدين محاربة هذه الثقافة بدعوى الانقاذ , فعليها ان تريح نفسها وهم سيقومون بما تنوي القيام به



لم أكن لآقول مثل هذا الكلام لولا انني اعرف نواياهم , هم لا يريدون ان يناقشوا بقدر ماينظرون الينا نظرة شفقة اعتقادا منهم بأننا لا نؤمن بثقافتنا وديننا




بالضبط هذا اللي كان يبين حتى من تعابير وجهها

[سداوي&مدريدي]

أختي كلي أمل تدرين شنو الي قاهرني !!

الي قاهرني في الموضوع انكم سكتو عنها

هي جايه تعطيكم محاضره عن ماده .. ولا تتكلم عن الدين والسياسه !!

هذا أشكره غزو فكري ولازم ماتسكتون عنها .. وانا أتفق مع أخوي الرادار

اكتبو اكتاب للادراه واشرحولهم الي صار .. ووقفوها عند حدها

اما البنات الي ايدوها مانقول الا الله يهديهم ان شاء الله

[الطيبة كلها]

اختي لا تسكتين فالساكت عن الحق شيطان اخرس انقذي خواتج من هذي المجرمه اكتبي فيها شكوى للاداره لا تسكتين وبعدين بتبردين هاي احنا نحترق وننقهر وبعدين نسكت لا اختي حصلي اجر فيهم ووصلي اللي صار للادارة ياريتني معاكم وعطيها حبتين كافي واحد مغطى والثاني بلا غطى واعصريه بيدج وعطيها شوفي تعليقها قولي اي واحد تفضلين - زبده الكلام الكافي المغطى هو البنت المستورة والمحافظه على نفسها عكس الثانيه

[بـن عدوان]

أتمنى من الليبراليين مايشاركون في الموضوع، ولا بتجيج الصــدمه صــــح.

[كلي أمل]

^^^^^^^^^^^

ان شاء الله انا متفقه مع كم بنيه وبكره بعد الباقي ويوم الاحد بنروح كلنا - ع الاقل ماتفتح هالمواضيع ف الكلاس وتجرح فينا وف دينا - وهالاذكيااااااء اللي معاها - اللي مادري وين عايشين اصلن - حسبي الله وحده ونعم الوكيل

[كلي أمل]

أتمنى من الليبراليين مايشاركون في الموضوع، ولا بتجيج الصــدمه صــــح.



انصدمنا بما فييه الكفايه من صديقاتنا :( :( والله اني زعلانه عشانهم

بس ان شاء الله يتغيرون

[الرادار]

كلامك وايد منطقي :nice: وانا قلت حق البنات اللي معاي نسوي جذي وبدون حتى مانكتب اسامينا لان ف بس نكتب ان احنا قروب من هالكلاس

اعتقد انهم بيتفهمون هالشي - ب هالطريقه ما اعتقد بتحط حد معين ف بالها وتنقص ف درجاته

بس مب حلووو اللي سوته والمفروض تشرح الدرس اللي عندنا ف الماده

مب تعطينا محاضره عن اللي مب عاجبها وعاجبها :anger1:

الأخت العزيزه بعد احداث الحادي عشر من سبتمبر بتسعة اشهر تقريبا توجهت للولايات المتحده لأخذ كورس في احدى الجامعات هناك كانت مدته تسعة اشهر وكان من بين المحاضرين استاذ امريكي اذا تحدث معي لا يناديني الا يا ابن العم ولم يكن اسمه يوحي بأنه يهودي ابدا وكان دائما يتعمد اثارة مثل هذه الأمور التي تمس العقيده امام الحضور موجها اسألته الي , ولي معه الكثير من المواقف التي تمكنت بفضل الله ان الجمه وارد سهامه عليه وقد سألته مباشره ذات يوم في المحاضرة بعد ان احتدام النقاش هل انت يهودي فأجاب بنعم , فوجدتها فرصه لكي اخاطب الأداره هناك وفي اليوم التالي تم تغييره , اول خطوه للنجاح المحاوله واول خطوه للفشل الأمتناع عن المحاوله.

[كلي أمل]

الأخت العزيزه بعد احداث الحادي عشر من سبتمبر بتسعة اشهر تقريبا توجهت للولايات المتحده لأخذ كورس في احدى الجامعات هناك كانت مدته تسعة اشهر وكان من بين المحاضرين استاذ امريكي اذا تحدث معي لا يناديني الا يا ابن العم ولم يكن اسمه يوحي بأنه يهودي ابدا وكان دائما يتعمد اثارة مثل هذه الأمور التي تمس العقيده امام الحضور موجها اسألته الي , ولي معه الكثير من المواقف التي تمكنت بفضل الله ان الجمه وارد سهامه عليه وقد سألته مباشره ذات يوم في المحاضرة بعد ان احتدام النقاش هل انت يهودي فأجاب بنعم , فوجدتها فرصه لكي اخاطب الأداره هناك وفي اليوم التالي تم تغييره , اول خطوه للنجاح المحاوله واول خطوه للفشل الأمتناع عن المحاوله.



ماشاء الله والله ف امريكا وغيرووه !!! عيل شلوون هني ؟؟؟ مادري عقب كم يووم بنشوووف !!! بس انا اللي اظنه ان ماراح يغيرونها بس يمكن يكلمونها - نصبر ونشوف - شجعتني صرااحه اروح اتكلم وبقول حق البنات يقرون الموضوع :nice: عشاان يتشجعون شوي

[المشط]

اعوذ بالله

اختي ياريت ترسلين لي اسمها وفي اي جامعه وان شاءالله اذا ربي قدرني بتسنع

[طماطه]

الله يعينكم عليها .. هذاا اللي يسمونه غزوووو فكري ..

والبنات اللي ايدوها اتوقع عشان التقادير !! وعشان يكسبونها !! يعني يحتالون عليها .. والله اعلم

[£عبدالعزيز£]

هذي الاشكال ما ينفع معاهم الا حل واحد :

هيئة الامر بالمعروف والنهي عن المنكر

نتمنى ان نشوفهم عندنا

[£عبدالعزيز£]

وعلى فكرة في مدرسين ومدرسات اجانب يحترمون الدين الاسلامي

واذكر ان مدرسة عندنا راوتنا لوحة مكتوب عليها (ما شاء الله) وسالتنا عن معناها

فهمناها باللي نقدر عليه

فقامت علقت اللوحة في مكتبها

والامثلة كثيرة جدا .. فيعني ما يصير نعمم على الكل بسبب تصرف من شخص واحد

[THE PILOT]

للاسف الاشكال هذي صاروا في كل مكان اليوم وبعضهم عايش على خيرنا من سنين بس بعد ما نعحبهم ..... :anger1: المشكله اختي انه لو اشتكيتي عليها ما راح عقابها يتجاوز أنذار شفوي من الأدارة اللي من نفس جنسيتها ...قهر على الفاضي ...

[فهد الخاطر]

صبحكم الله بالخير جميعا

اختي كلي امل

اغلب التفكير بانه الي ايدوها يبون منها معدل مرتفع لا اكثر والله اعلم وربما انهم يكونون من النوع الي اهلهم معطينهم الحرية بشكل خاطىء

الله يجزاج خير على هذا الاهتمام ويكثر من امثالج

وبالنسبة للدكتورة ممكن انكم ترسلون كتاب لادارة الجامعه من غير اسامي فقط فاعل خير

ولكن الاهم من هذا هل الجامعه ستتخذ اجراء ضد هذه الدكتوره

اعتقد بانه موقف الادارة احتمال كبير يتم بالسكوت فقط

الله يستر على بناتنا من هالنوعيه من بشر لا يعرف القيم الحميدة

وليست هي من يكره المسلمين في بعضهم البعض

واهل الخير موجودين

لماذا لم تتطرق الى رئيسهم ومعزبهم السابق جورج بوش عندما تسبب في قتل العراق وقتل الجنود الامريكين الذين هددوا في حال عدم الذهاب الى العراق

تنظر لمجتمعها فاذا كانت تريد الفساد فما اعظم مجتمعهم الامريكي بهذا

ولكن هناك يا اختي كلي امل من هم من غير المسلمين ولكن والله يحترمون المسلم وخصوصا كبار السن

وايضا هناك من يحترمون عادات المسلمين وتقاليدهم

شكرا اختي على الموضوع

[امل الحب]

:)

يتم اتخاذ الاجراء فورا معها .. لانهم يمنعون من التحدث بمثل هالامور او حتى مجرد ذكر الدين من قبل الادارة .. عشان يلزمون حدودهم

وفي واحد طار قبل فترة لانه اتبع نفس الاسلوب مع طالبات..

تحركوا بسرعة..

وكان المفروض تقولون لها الثقافات والاديان مختلفة فالاولى بج تحترمين هالشي وتلتزمين بما انتي له هني .. ولكن سكوتكم هو الخطأ ويمكن مالوم البعض اذا كانت اللغة عندهم ضعيفة ولكن التحرك السريع لان لو صار تاخير بيقولون لكم بدري عقب هالوقت جايين تشتكون .. :)

[alrheeb2020]

حسبي الله عليها ..!!

اتهمت المسلمين بالتخلف ؟@!@

هاي لازم اتكون شوتتها وشوتت الجلب وحده !

[hemoud123]

انا قعدت اسأل روحي هي ليش تقول جذي ؟ وش تبغي يعني ؟ وش هدفها ؟
تنصيري مثلآ ؟ غزو فكري ؟؟؟ ولا تتكلم بطريقه سليمه !!

والله شي عجييب !!!

موضوع للنقاااش

1- انا اشوق الخطأ منكم وليس من الدكتوره , هي قالت قالت ما تعتقد فيه وانتم خشيتم من قول ما تؤمنون به .
هذي الاسئله كان يفترض انك توجهينها للدكتوره وليس ل ( روحك ) ,بالتاكيد افضل من انك تضعينها في في موضوع في منتدى وتنتظرين الردود
انا احترم الاحوات اللائي ابدين رايهم وايدوها حتى وان كنت اختلف معاهم ,لكن على الاقل مارسوا حقهم بالنقاش وابداء الرأي والدفاع عنه ما داموا مقتنعين فيه.

2- انا ما اشوف انها تعرضت للدين كعقيده ولكنها تتكلم عن خطأ الممارسه , وهذا بالتاكيد موجود على مستوى الافراد والمجتمعات .




اعتقد انهم بيتفهمون هالشي - ب هالطريقه ما اعتقد بتحط حد معين ف بالها وتنقص ف درجاته
بس مب حلووو اللي سوته والمفروض تشرح الدرس اللي عندنا ف الماده
مب تعطينا محاضره عن اللي مب عاجبها وعاجبها :anger1:
واضح ان فيه خلط بين الدراسه الجامعيه والثانويه او الاعداديه ,الدكتوره من حقها تطرح اي موضوع للنقاش ومن ثم توجه النقاش حتى تصل الى هدفها , وبامكانها تقيم الطالبات من خلال النقاش والمشاركه فيه


الأخت العزيزه بعد احداث الحادي عشر من سبتمبر بتسعة اشهر تقريبا توجهت للولايات المتحده لأخذ كورس في احدى الجامعات هناك كانت مدته تسعة اشهر وكان من بين المحاضرين استاذ امريكي اذا تحدث معي لا يناديني الا يا ابن العم ولم يكن اسمه يوحي بأنه يهودي ابدا وكان دائما يتعمد اثارة مثل هذه الأمور التي تمس العقيده امام الحضور موجها اسألته الي , ولي معه الكثير من المواقف التي تمكنت بفضل الله ان الجمه وارد سهامه عليه وقد سألته مباشره ذات يوم في المحاضرة بعد ان احتدام النقاش هل انت يهودي فأجاب بنعم , فوجدتها فرصه لكي اخاطب الأداره هناك وفي اليوم التالي تم تغييره , اول خطوه للنجاح المحاوله واول خطوه للفشل الأمتناع عن المحاوله.

ممكن توضح لنا ماذا تعني انك لقيتها فرصه انه يهودي ؟
في امريكا لو اختلف الاستاذ مع الطالب وكان الطالب هو الرئيس الامريكي نفسه فسوف يتم طرد الرئيس :) لان لو كل طالب اختلف مع استاذه قدم فيه شكوى وتم تغير الاستاذ المحاضر اعتقد بتكون مشكله ,

اخيرا نصيحتي لك يا اختي استفيدي من الدكتوره قدر الامكان و ابعدي عن التكلتل والتحريض في الجامعه ضدها لانك انتي في النهايه الطرف الخاسرهذا اذا ما تعرضتي لعقوبه اداريه ,
اما بالنسبه للردود والمشاركات فاحذري انك تتبعين اي نصيحه انتي غير مقتنعه فيها واولهم مشاركتي هذه واحذري اكثر من اي شخص يطلب منك اسم الجامعه والدكتوره او اي معلومات , ويتبرع انه يفنشها :),
الحذر ثم الحذر ثم الحذر
والله من وراء القصد

[الفريق أول ركن]

^^^

نعم كانوا في فئه مأيدينها ويشكون لها حالهم بعد

واحنا الباقي كنا ساكتين ونسمع ومتفاجأييين !!!!!!!! والله حسيت ان الدنيا تدور فيني


كل هاللي يصير في البلد من ان المرأه وصلت وزيره وصارت مسؤوله ومديره وان المرأه القطريه تسوق السياره وتسافر براحتها وبعد مب مالي عينهم هع هع والله حاله لا وبعد يتشكون هذا اللي ناقص

بالله وشو اللي ناقصهم بعد ؟؟؟

[MoneyMaker]

موضوع نقاش ولها كامل الحريه لتعبر عن رأيها
وراكم طايحين في هالمسكينه

انا اشوف ان الدكتوره كلامها صح و بعد 100%

اللي ناقص بعد ان الطلاب ينتقدون الدكاتره ويتحسسون من مواضيعهم
نصيحتي اختي تعلمي منها النقاش حتى لو كان جريء وتعلموا الانفتاح مع الرأي الاخر
واذا كان شي لايعجبك في كلامها حاولي تحاججينها بس
والخلاف لايفسد للود قضيه
ولاتشتكين فيها ولا بطيخ

وفقك الله

[MoneyMaker]

hemoud123
ياخي انت عجيب
ومنك الواحد يتعلم صراحه
جزاك الله الف خير

[MoneyMaker]

للاسف الاشكال هذي صاروا في كل مكان اليوم وبعضهم عايش على خيرنا من سنين بس بعد ما نعحبهم ..... :anger1: المشكله اختي انه لو اشتكيتي عليها ما راح عقابها يتجاوز أنذار شفوي من الأدارة اللي من نفس جنسيتها ...قهر على الفاضي ...


ياحضرة الطيار
اذا انت بتعطيهم فلوس اهم معطينك علم لايقدر بثمن
ومصنعين لك طياره بعد


تحياتي

[الخير كله]

:nice:ما كذبت ............لا تاخذكم العنجهيه
اللهم الانجاب احنا نسوانا الحمد لله ينجبون ويربون مهب مثلهم ما يعرفون الاسرهاما باقي كلامها صحيح:)

[عـ العبيدلي]

انا والله جربت مثــل هالدكـاتره بس مب بطريقة السـخريه الي تتكلمـين عنها ..
يكونون مستغربين او شي وهم يبون حد يوضح لهـم بس ..
لانه هم عايشين بطريقة مختلفه عن طريقتنا فطبيعي يستغربون من طريقة حياة المسلمين ..

وللاسف البعض يأيدهم فهم يعتقدون انه كلامهم صح ..
وخصوصا البنات فالدكتور بيقول انه اكيد مغصوبين هالبنات .. الخ ..

والمفروض ع الطلاب انهم يوضحون ويفهمونهم شنو الصح وشنو الغلط عندنا ,,
لكن دام في مؤيدين فصعب اقناعهم ..

اخبر دكتوره كانت تكلم عن الدراسه المختلطه وليش بعض الناس ما يدخلون عيالهم والبعض يرفض وكلمناها واقتنعت انه عندنا الدراسه المختلطه مب اي حد يرضى فيها .. لانه هالشي منافي لعاداتنا وتقاليدنا

وفي دكتوره اسلمت على يد طالبات في جامعة قطر ..

الله المستعان

[عـلاء]

موضوع نقاش ولها كامل الحريه لتعبر عن رأيها
وراكم طايحين في هالمسكينه

انا اشوف ان الدكتوره كلامها صح و بعد 100%

اللي ناقص بعد ان الطلاب ينتقدون الدكاتره ويتحسسون من مواضيعهم
نصيحتي اختي تعلمي منها النقاش حتى لو كان جريء وتعلموا الانفتاح مع الرأي الاخر
واذا كان شي لايعجبك في كلامها حاولي تحاججينها بس
والخلاف لايفسد للود قضيه
ولاتشتكين فيها ولا بطيخ

وفقك الله



أنت كده :victory:

وبعد صلاة الجمعة ان شاء الله ممكن مناقشه الموضوع اكثر

[غير البشر]

ليش مستغربه انها ماتدخل عزباء ؟؟؟

لان عندهم عادي مافي مشاكل لكن العباء من محرمها

يعني اختي كلي امل اتردون عليها واتقولون احنا لازم البنت تكون عندها محرم

مب اتسافر بكيفها ومادام ان ماعجبج الوضع ليش جيتي خلج هناك مع البو؟؟؟ :secret:

ياريت لو حد منكم رجعها لموضوع المحاظره وانتهى على جذي

الله يعينكم عليها اختي :(

[عاشق الشبكة]

:nice:ما كذبت ............لا تاخذكم العنجهيه
اللهم الانجاب احنا نسوانا الحمد لله ينجبون ويربون مهب مثلهم ما يعرفون الاسرهاما باقي كلامها صحيح:)

اذا كان كلامها ينطبق عليج أنتي وعلى من هم حوالينك فلا تصفي المدافعين بالكذب:omen2:

[شلبي]

وحده امريكية وعندها وجهة نظر وجاهرت بها وفتحت باب النقاش ! عاااادي
انتم في بلادكم وكثرة وهي واحدة ومقتنعات (على قولتكم) في اكثركم او بعضكم على الاقل
ليش المفاجأة وفاجين الحلج ؟ لا يكون الدكتورة ماسكة السلاح وتناقش تحت التهديد

الغريبة انكم تظنون انكم فوق الانتقاد !! وانتم انفسكم تنتقدون الاديان والحضارات الاخرى وتسفهون اسلوب حياتهم واخلاقهم وتصرفاتهم وكل شي

المسالة اللي تفشل ان البنات اللي مقتنعات بوجهة نظرهن ما دافعوا عنها
اشبتسون لو انكم في كلاس بدورة في بلد غربي ؟؟

[الخير كله]

اذا كان كلامها ينطبق عليج أنتي وعلى من هم حوالينك فلا تصفي المدافعين بالكذب:omen2:
اخي شكرا لاحترامك قلمك:)
هذا موضوع نقاش ...
واكرر كلامها صحيح ....:nice:

[ريم المدينة]

مشكلة الجامعة ان ما بقى فيها الا الناس الخياااااس واللي بلا ذمة و بلا اخلاق وبلا ضمييير...

ومستعدة اتبيع اي شي عندها عشااان الفلوووووووووس...

ناس كارهتنا عشانا اخلاااااااااااااااق وهي فاااااسدة وسااااقطة من مبطي...

حسبي الله ونعم الوكيل...

[Arab!an]

وحده امريكية وعندها وجهة نظر وجاهرت بها وفتحت باب النقاش ! عاااادي
انتم في بلادكم وكثرة وهي واحدة ومقتنعات (على قولتكم) في اكثركم او بعضكم على الاقل
ليش المفاجأة وفاجين الحلج ؟ لا يكون الدكتورة ماسكة السلاح وتناقش تحت التهديد

الغريبة انكم تظنون انكم فوق الانتقاد !! وانتم انفسكم تنتقدون الاديان والحضارات الاخرى وتسفهون اسلوب حياتهم واخلاقهم وتصرفاتهم وكل شي

المسالة اللي تفشل ان البنات اللي مقتنعات بوجهة نظرهن ما دافعوا عنها
اشبتسون لو انكم في كلاس بدورة في بلد غربي ؟؟

صحيح ..

نحن هنا في بلداننا قد ننتقدهم بطرق فجة ونستهزئ بهم ونضحك عليهم وهم كذلك في بلدانهم ومجتمعاتهم وافلامهم

.. ولكن لن اقابل احدهم وافتح معه باب نقاش بداية باستهزاء او نغزات او غيرها من الاساليب .. كما قالت كاتبة الموضوع "انتقدت احد البلدان بصورة مش حلوة"

ليس هكذا يفتح باب النقاش.. خصوصا اذا كنت بين الناس الذين تريد ان تنتقدهم او تناقشهم


تريد ان تنقاش تناقش بداية بسؤال او باستفسار ..


هي من خلال ماقرأته لا تريد ان تناقش بقدر ما ارادت ان (تنقذ) البنات من براثن التخلف كما ترى


هنا هي في موقف المتعالي .. ان تبدأ نقاشك باستغراب العارف , وبانتقاد الكامل للناقص .. يعني انها متعاليه لا تريد فتح باب النقاش


عندها لا يجب سوى ايقاف النقاش بطرق تعرفها هي .. تحترمها هي


وهي احترام ثقافة الآخر كما هي .. دون الانتقاص منها



كما رأيت في الموضوع ومن خلال اسلوبها فهي عندها انطباع سابق وفكرة معينة , وقد عزمت على البدء في محاولة التغيير


وليست في وضع محاولة الفهم او انها تتساءل لفهم ثقافتنا



ارجو ان لا تخلطوا بين من يريد ان يفهم ومن قرر وخطط لتغيير المفاهيم وبدء بذلك فعلا في محيط يسانده بالكامل .. فهو الاقوى وغيره محتاج اليه



وارجو ان نعرف متى نبتسم للآخر ونعاملة بذوق ومتى يجب ان نظهر له الجانب القوي ونعاملة بصلابه

[Mr.Hamad]

الشرهة مب عليها

الشرهة عليكم الي ما فيه وحدة منكم فيها خير ترد عليها وتسكتها

وتوقفها عند حدها

وانا اقرا هالكلام مت من القهر وتمنيت اني كنت موجود

هو واحد من اثنين:

1. يا عاجبكم الكلام ومستانسين عليه

أو

2. خافيين منها انها تسقطكم بالمادة

للأسف ما صار عندكم غيرة على بلادكم ودينكم

لا تأسفن على غدر الزمان لطالما...رقصت على جثث الأسود كلابا
لا تحسبن برقصها تعلو على أسيادها...تبقى الأسود أسودا والكلاب كلابا

[كلي أمل]

لا حول ولا قوووة الا بالله

اللحييين اشدخل ؟؟؟ هي اتجي ف المحاضره وتعطينا وجهة نظرهااا - خير ان شاء الله - الموضوع المفروض ماينفتح ولا اصلن يمد للماده بصلــــــــه واحده :anger1: - ومب على كيفها اتقيمنا ع النقاش فيه لان مب من اهداف المنهج اصلن :anger1: - ثاني شي لاتقولون البنات اللي ايدوها يبون درجات 0 لاااااااا انا اعرفهم بس ماظنيتهم لين هالدرجه :(:( - هم شوي الله يستر عليهم ماخذين الحريه زياااده - الله يسامح من رباهم :(

وبعديين الناس اللي قالوا ان هم مجربين واقنعوهم - هاذي اذا كان قابل اصلن واذا تكلم شوي وسكت - اماا الدكتوره مالتنا حشى جنها حافظه الكلام ماسكتت :(- جنى ف قلبها حقد -

اكييييييد اكييييييييييد ان شاااء الله بنروح الاحد واحنا مقتنعيين ونقدم ورقه محترمه وبكل احترام ان احنا مانبغي مواضيع خارج الدرس وفقط واكييد هي بتفهم هذا الشي ان شاء الله


-------------------------------------------------

اممممم في اعضااء قالوا عادي خلها تتكلم وانتوا تناقشوا معاها

اقولهم انتوا لو شفتوا كيف طريقة كلامها كان ماقلتوا جذي وبس

[hemoud123]

وانا اقرا هالكلام مت من القهر وتمنيت اني كنت موجود


لو انك كنت موجود ايش كنت بتقول او بتفعل ؟ ياريت تقولنا على الاقل علشان الاخت تستفيد لجلسات حواريه مع الدكتوره في المستقبل

[كلي أمل]

اخوي مايصير تحكم علينا

اول شي احنا ماكنا قادريين نتكلم - اذا انت عندك القدره مب بالضروره الغير نفسك ويمكن انت مثقف ف اشياء احنا مانعرفها وماندركها او احنا مب حاضرنا الموضوع بحزتها ومب متصورين جرئتها ف الكلام والتهجم وخصوصآ ان قبل هالمحاضره كنا نشوفها طيبه ومتلخبطيين ومنصدميين وصايمين بعد >>> رايحيين فيها اصلن

ثاني شي احنا تكلمنا واتفقنا نروح ونشتكي وهذا دليل ان احنا متضايقين مب لووح مايحس

اكييييييد 100% -

وبخصوص الدرجات اكييد اخوي يعني بعد مب معقوله اذا الوحده معدلها ممتاز تنزلها لين جيد

واذا الاموور تعقدت معاها بنحذف الماده هالكورس مب مشكله -واعتقد انها بتفتح الموضوع المحاضره الجايه لان بيوصلها ان في بنات مشتكين عليها واكييد احنا بنبين لها راينا ف المحاضره القادمه يوم الاثنيين

قبلها للازم نقعد مع البنات كلهم

اففففففففففففففففففففففف من هالجامعه غير دراستها الصعبه مشاكلها وهمهااااا وكل يوم تطلع لنا بلووه

[PARIS]

وانتوا اختي ليش مارديتو عليها وانتقدتوا حياة البهائم الي يعيشونها الحمدلله والشكر وبينتوا لها كيف الاسلام كرم المراءة .... انا اقول اختي لاتخافين ولاشي ادخلوا على مديرة الجامعة وقولوا كل الي بخاطركم ...اختي هذة الضربة في دينكم ومن منا مايغار على دينة اذا واحد سب طايفتك قامت الدنيا وماقعدت شلون قاعدة تنتقد ديننا واشكرة وفي بلدنا والكل ساكت واذا سكتوا بتتمادى عليكم اكثر وبتحرض اصحاب النفوس الضعيفة من الطالبات ...انا اشوف ان السكوت مايجوز خلي عندكم غيرة على دينكم

[Mr.Hamad]

لو انك كنت موجود ايش كنت بتقول او بتفعل ؟ ياريت تقولنا على الاقل علشان الاخت تستفيد لجلسات حواريه مع الدكتوره في المستقبل

أخ hemoud123

حزة الموقف بيطلع الكلام

وانا صار لي تقريباً شبيه من هالموقف مع دكتور اجنبي بقطر

وما خفت منه الا بالعكس احترمني لاني رديت عليه ما سكت

والساكت عن الحق شيطان اخرس

يعني كل نقطة اذكرتها الي اسمها دكتورة فيها رد عليها

حتى لو الواحد انسان عادي مو شرط نابغة

يا أخ hemoud123 حتى الياهل يفهم شنو بيرد عليها

لانها ما تقول لوغاريتمات

[Mr.Hamad]

اخوي مايصير تحكم علينا

اول شي احنا ماكنا قادريين نتكلم - اذا انت عندك القدره مب بالضروره الغير نفسك ويمكن انت مثقف ف اشياء احنا مانعرفها وماندركها او احنا مب حاضرنا الموضوع بحزتها ومب متصورين جرئتها ف الكلام والتهجم وخصوصآ ان قبل هالمحاضره كنا نشوفها طيبه ومتلخبطيين ومنصدميين وصايمين بعد >>> رايحيين فيها اصلن

ثاني شي احنا تكلمنا واتفقنا نروح ونشتكي وهذا دليل ان احنا متضايقين مب لووح مايحس

اكييييييد 100% -

وبخصوص الدرجات اكييد اخوي يعني بعد مب معقوله اذا الوحده معدلها ممتاز تنزلها لين جيد

واذا الاموور تعقدت معاها بنحذف الماده هالكورس مب مشكله -واعتقد انها بتفتح الموضوع المحاضره الجايه لان بيوصلها ان في بنات مشتكين عليها واكييد احنا بنبين لها راينا ف المحاضره القادمه يوم الاثنيين

قبلها للازم نقعد مع البنات كلهم

اففففففففففففففففففففففف من هالجامعه غير دراستها الصعبه مشاكلها وهمهااااا وكل يوم تطلع لنا بلووه

شاطرين ما شاء الله عليكم رحتوا اشتكيتوا

المفروض تردون عليها أول شي وهذا اقل شي تسوونه

وبعدين تروحون تشتكون عليها

مثل ما أنتي شاطرة تردين علي

كان رديتي عليها مو تدافعين عن موقفج وموقف الي معاج

للأسف

"سكت دهراً ونطق كفراً"

[امل الحب]

موضوع نقاش ولها كامل الحريه لتعبر عن رأيها
وراكم طايحين في هالمسكينه

انا اشوف ان الدكتوره كلامها صح و بعد 100%

اللي ناقص بعد ان الطلاب ينتقدون الدكاتره ويتحسسون من مواضيعهم
نصيحتي اختي تعلمي منها النقاش حتى لو كان جريء وتعلموا الانفتاح مع الرأي الاخر
واذا كان شي لايعجبك في كلامها حاولي تحاججينها بس
والخلاف لايفسد للود قضيه
ولاتشتكين فيها ولا بطيخ

وفقك الله

انتي المفروض ماتستغربين لين شفتي في ناس مأيدة اختي "كلي امل" .. ترا الي يدعمون هالكلام وايد واكبر دليل الي فوق والي اعتبره ان موضوع نقاشي عادي.. رغم انه تعدي على دين لايقبل النقاش وهم يرفضون النقاش في دينهم او حتى الكلام عن حياة البهائم الي عايشينها ويشوفون انها انفتاح للاسف مادروا انها حياة بهيمية ولاتمت للانفتاح بصلة ..

ومشاء الله خوش نصيحة عطيتها نسيت انهم مازالوا في سن بناء النفس والافكار ..وطريقة طرحها لاتدل على كونه نقاش بقدر ماهو انتقاد واضح وزرع افكار سلبية..

وطلبك لها لمناقشتها .. البعض عندهم اللغة ضعيفة ومايقدرون يردون .. فالاولى بهالبهيمة"مع احترامي للكل" الي حاطينها مدرسة انها تسكت وتعطي المطلوب منها وتروح بلا يمين ويسار ..

نفس ما ايدت الدكتورة تقول رايها اعتقد يحق للطلاب ابدأ الرأي مثل مااعطيت الاحقية للدكتورة..

[Ghost]

اول شي انتي غلطانه انج كاتبه في العنوان ( دكتوره )

هذي حتى كلمة بقرة حرام فيها

عيل دكتورة وتقول جيه!!!

كلي امل قولي لها يقولج بوحارب ( القافلة تسير والكلاب تنبح )





كفيت ووفيت بو حارب
وياريت تقولي لها في واحد تاني يقولك مالت عليك وعلى البلد اللي جيتي منها

[الطيبة كلها]

اختي ممكن اسم الدكتورة واي جامعه ومتى صار النقاش

[حدالكلمه]

على الاقل اكتبوا ورقة وحطوها على الطاولة قبل لاتدخل تشوفها محتواها بما معنى --


احنا تضايقنا من كلامج في المحاضرة السابقة لأن احنا مسلمين ونفتخر بدينا ونتمنى هالشي مايتكرر

ولا تكثرون لان الكورس توكم بأوله فممكن تروح وترجع على الموضوع

[!الشايمه!]

للأسف انكم التزمتم الصمت.....وهنا المشكلة لما يصمت اللي على حق
ويتكلم اللي على خطأ.....هذي عادة نراها في
كل مكان << مثل وين وين يالشايمه :shy:

اذكر مثل هالنقاش فتح......ولكن من استاذ عربي مسيحي...وكان حاضر
استاذ آخر امريكي

يوووووووه البنات كلوووووووووه بلسانهن << بنات المدينة التعليمية :)

العربي...على قولتهم القموه الحجر...اما الامريكي...فقال:
انا استمعت بهذا النقاش....والاجمل اني عرفت رأيكن بمثل هذه الامور
وانا احترم كل انسان يدافع عن مبادئه....

مره ثانيه...تكلمي...وستجدين الكل يتحفز للكلام....

الصمت اسؤا اجابة.....لمثل هؤلاء


تحية

[MP3]

قولي لها

يالأمريكيه لو صار عندنا مثل مايصير عندكم جان حصلتي البنات بو 13 سنه حمل نفس مايصير في بلادهم لدرجه انه كل يوم اعلامهم يحطون وحده جديده طالعه على الساحه وصايره موضه عندهم

هاي ابسط شي من التحدر الي عندهم

والله يعز الاسلام والمسلمين الي مايرخصون نفسهم وحاطين المره نفس الملكه مب كائن منبوذ نفس ماتقول

قولي لها المره لها عزة بالاسلام عشان جي محد يرضى انها تنشاف من اي حد غريب ولاحد يرضى انها تطلع وتروح بروحها اهلها وريلها واخوانها يسون لها الي تبي وهي قاعده ويودونها وين مابغت

هاذي المره في الاسلام مب نفس ماتقول هذه الجاهله

[THE PILOT]

ياحضرة الطيار
اذا انت بتعطيهم فلوس اهم معطينك علم لايقدر بثمن
ومصنعين لك طياره بعد


تحياتي

في النهايه يالحبيب هم مثلك money makers يعني لايهمهم مصلحة الطالب ولا لهم ولاء للبلد اللي هم ضيوف فيه والعلم اللي انت تكلم عنه عندنا قبل ما نشوف أشكالهم وحنا تخرجنا طياريين ومهندسيين ومدرسيين وغيره وغيره بمجهودنا ..... مش بفضل هذي الفئه اللي همهم الوحيد صناعة جيل يستعر من دينه و تاريخه و وتقاليده .... لا حبيبي مش محتاجيين لكم ...

[حدالكلمه]

موضوع نقاش ولها كامل الحريه لتعبر عن رأيها
وراكم طايحين في هالمسكينه

انا اشوف ان الدكتوره كلامها صح و بعد 100%

اللي ناقص بعد ان الطلاب ينتقدون الدكاتره ويتحسسون من مواضيعهم
نصيحتي اختي تعلمي منها النقاش حتى لو كان جريء وتعلموا الانفتاح مع الرأي الاخر
واذا كان شي لايعجبك في كلامها حاولي تحاججينها بس
والخلاف لايفسد للود قضيه
ولاتشتكين فيها ولا بطيخ

وفقك الله

اذا الدكاترة كلامهم خطأ ويمس الدين لازم ننتقدهم وانقوول لهم استووووب ، وشنو يعني دكتور ؟؟ المفروض كدكتورة تكون قدوة وتحترم دينا وما تغالط فيه ، مب تاخذ مهنة التدريس لدس السموم التبشيرية لان ممكن في بنات يتأثرون وهذا اللي صار والدليل تجاوب بعض الطالبات معاها --

كان بامكانها تكون ذربه وتسأل الدكاتره المسلمين اللي معاها -- مثلا ليش المراة عندكم تنجب اكثر من غيرها والجواب :
قال رسول الله صلى الله عليه وسلم: (تناكحوا تكاثروا فأني مباه بكم الأمم يوم القيامة)وكذا في مسألة النقاب ووو

لكن الواضح هي هدفها ثاني

[burjalburoj]

السلام عليكم ورحمة الله وبركاته
اختي الكريمة اول شي احيي فيك الحمية والنخوة ولو ما كنتي بنت أصل ما انذهلتي وطرحتي الموضوع
اول شي انصحك لا تتهورين بالرد واجمعي البنات اللي أنتي متأكدة أنهم معاك ونفس تفكيرك وحميتك ونسقوا مع بعض ولكن بالكتمان الشديد عشان ما حد يخبر الدكتورة (مع التحفظ على المسمى) وتحطكم براسها وتأثر على دراستكم
وثاني شي ضعوا خطة ومراحل للرد بحيث اذا ما نفعت مرحلة تنتقلوا للمرحلة اللي بعدها ترا الموضوع مو سهل واذا انحل معاها ممكن يتكرر مع غيرها اذا ما كان الرد ملائم
ابدأو بكتابة ورقة رد على كل ما جاء في المحاضرة بتوضيح صورة الاسلام وصورتنا كعرب وتقاليدنا وقيمنا وكيف أن اللي تقول عنه وعلى فرض أقول على فرض جزء منه صحيح ولكن لا يعمم على الاطلاق ثم انتقلوا لسرد نفس النقاط وطبقوها على مجتمعها الامريكي من حيث الانحدار الأخلاقي والديني (طبعا انحدار يعني ان في قيم ولكن هابطة ولكن الحقيقة لا يوجد اي قيم) ثم قارنو بين ما تم استنتاجه بيننا وبينهم وستكون النتيجة خزي وعار على وجهها الكالح
ثم اذكروا بصراحة بأنكم وبسبب أخلاقكم الاسلامية التي تحملونها لم تقوموا برفع هذا الموضوع الى المجلس الأعلى للتعليم ولا إلى الجهات الأمنية حتى لا تتبهدل الدكتورة ويتم ابعادها عن البلاد حرصا منكم على رزقها ورزق أولادها وانه في حال لمستم منها أي عودة أو أي تأثير على درجاتكم الدراسية لم تتهاونوا في ذلك
لا ترسلوا لها اي شيء بالايميل حتى لا تكتشف الاي بي خليها مثل الضايعة
والادارة خلوها الخيار الثاني في حال جات ثاني يوم وحاملة عليكم وايش ما تكلمت بعدها في حال حاولت تستفزكم لتعرف من اللي خاطبها لا تعطوها مرادها وانما انتقلوا الى المرحلة الثانية من الرد بكل هدوء وفي الوقت المناسب
المعذرة على الاطالة وكان عندي اشياء حابب اقولها ولكن طارت بسبب ضجة أولاد اخواني حولي :tomato::tomato::tomato:
خبرينا ماذا تصرفتي بموضوع مستقل اذا أمكن يا اختي وجزاكي الله كل الخير وكثر الله من أمثالك

[كلي أمل]

هاذي عيب الجميييييع والله

كل ماقلت شي قالوا وراه مارديتي عليها

ماتعرفون ان اللي راح راح - شلوون يعني ارجع يووم الاربعاء ؟؟؟؟ علشان ارد عليها

يعني لو قايلين لي ردي المحاضره الثانييه بقوول انكم منطقيين -

انا قاعده اتكلم معاكم ف موضوع واحس انكم تقولون شي ثااني

الناس دايمآ تلووووم الواحد على اللي صار بس ماشوف الا القليل اللي اقترح اني اسوي شي منطقي

واشكرهم وانا قاعده مع البنات نفكر

[كلي أمل]

السلام عليكم ورحمة الله وبركاته
اختي الكريمة اول شي احيي فيك الحمية والنخوة ولو ما كنتي بنت أصل ما انذهلتي وطرحتي الموضوع
اول شي انصحك لا تتهورين بالرد واجمعي البنات اللي أنتي متأكدة أنهم معاك ونفس تفكيرك وحميتك ونسقوا مع بعض ولكن بالكتمان الشديد عشان ما حد يخبر الدكتورة (مع التحفظ على المسمى) وتحطكم براسها وتأثر على دراستكم
وثاني شي ضعوا خطة ومراحل للرد بحيث اذا ما نفعت مرحلة تنتقلوا للمرحلة اللي بعدها ترا الموضوع مو سهل واذا انحل معاها ممكن يتكرر مع غيرها اذا ما كان الرد ملائم
ابدأو بكتابة ورقة رد على كل ما جاء في المحاضرة بتوضيح صورة الاسلام وصورتنا كعرب وتقاليدنا وقيمنا وكيف أن اللي تقول عنه وعلى فرض أقول على فرض جزء منه صحيح ولكن لا يعمم على الاطلاق ثم انتقلوا لسرد نفس النقاط وطبقوها على مجتمعها الامريكي من حيث الانحدار الأخلاقي والديني (طبعا انحدار يعني ان في قيم ولكن هابطة ولكن الحقيقة لا يوجد اي قيم) ثم قارنو بين ما تم استنتاجه بيننا وبينهم وستكون النتيجة خزي وعار على وجهها الكالح
ثم اذكروا بصراحة بأنكم وبسبب أخلاقكم الاسلامية التي تحملونها لم تقوموا برفع هذا الموضوع الى المجلس الأعلى للتعليم ولا إلى الجهات الأمنية حتى لا تتبهدل الدكتورة ويتم ابعادها عن البلاد حرصا منكم على رزقها ورزق أولادها وانه في حال لمستم منها أي عودة أو أي تأثير على درجاتكم الدراسية لم تتهاونوا في ذلك
لا ترسلوا لها اي شيء بالايميل حتى لا تكتشف الاي بي خليها مثل الضايعة
والادارة خلوها الخيار الثاني في حال جات ثاني يوم وحاملة عليكم وايش ما تكلمت بعدها في حال حاولت تستفزكم لتعرف من اللي خاطبها لا تعطوها مرادها وانما انتقلوا الى المرحلة الثانية من الرد بكل هدوء وفي الوقت المناسب
المعذرة على الاطالة وكان عندي اشياء حابب اقولها ولكن طارت بسبب ضجة أولاد اخواني حولي :tomato::tomato::tomato:
خبرينا ماذا تصرفتي بموضوع مستقل اذا أمكن يا اختي وجزاكي الله كل الخير وكثر الله من أمثالك




شكرآ اخووي - اكييد انا ماكتبت الموضوع الا لاني محتره منها ومن جرئتها وهي ف بلادنا وبينا بعد - كلامك جدآ منطقي واشكرك مره ثاانيه - جيت اكتب الموضوع وتفاجأت اللي يتكلم ويلوم واللي عنده الامر سهالات واللي يقولي لو انا ولو انا - الحمدلله على كل حال واشكر الجميييييييع -

وان شاء الله بخبركم وش صار :nice:

[ريم المدينة]

اذا الدكاترة كلامهم خطأ ويمس الدين لازم ننتقدهم وانقوول لهم استووووب ، وشنو يعني دكتور ؟؟ المفروض كدكتورة تكون قدوة وتحترم دينا وما تغالط فيه ، مب تاخذ مهنة التدريس لدس السموم التبشيرية لان ممكن في بنات يتأثرون وهذا اللي صار والدليل تجاوب بعض الطالبات معاها --

كان بامكانها تكون ذربه وتسأل الدكاتره المسلمين اللي معاها -- مثلا ليش المراة عندكم تنجب اكثر من غيرها والجواب :
قال رسول الله صلى الله عليه وسلم: (تناكحوا تكاثروا فأني مباه بكم الأمم يوم القيامة)وكذا في مسألة النقاب ووو

لكن الواضح هي هدفها ثاني



:victory::victory::victory::victory:


مشكلة الرخيصات اللي قاعدين ايبونهم لنا...

الله يعينا على ما بلانا...

[ام لولوه]

ياربي
انتي ليش ساكته لين الحين روحي اشتكي عليها وشهدي البنات عليها
من زين حياتهم الي مافيها طعم الراحه النفسيهاو الاستقلال اليهال لما يكبر ينصدم ان امه مو امه وابوه مو ابوها
كان قلتي لها كلمه جمله وحده بس ليش نسب الانتحار عندكم مرتفعه بشكل كبيررررررررر
واحنا حالات الانتحار عندنا ماتنذكر وفهمتيها ان احنا نصلي ونقرأ قران ونذكر الله وهذا الي مطمن قلوبنا ونفوسنا والحجاب الي تنتقدينا هو الي حافظنا وحامينا من كل شي اقل شي اقل شي ماعندنا حالات اغتصاب
مثل ماعندكم يحسبونها بالساعه بعد مو بالشهر
ليش بلادنا أمنه مستقره ومافيها قتل وجرايم لانها ماشيها على قوانين من 1400سنه اثبت نجاحها
واصلا انا يوم كنت في الجامعه كانت تدرسني دكتوره امريكيه من ايرزونا وكانت تتمنى تعيش بقطر طول حياتها
وتموت وتندفن فيها لسبب واحد تقول احس بالامااااااااان والاطئنمان فيها ومابي ارجع بلادي لهاذ السبب ولحد علمي ان اريزونا من الولايات الامنه في امريكا
الحمد الله على نعمة الاسلام بس

صج شي يقهر

[بوعلي2]

جان حذفتي عليها الجوتي مثل ماسوى الصحفي العراقي حق بوش

شتطلع هي قدام بوش ؟ طبعا ولاشي

مافي مشكله تكبر وتنسى الفلعه

هذا الحل لهالحيوانات الي جايبينهم يدرسونا وانتوا بكرامه

وشكرا

[المتضرعه لله]

قمة التخلف انكم تسكتون او تأيدون المهم كنتم تدافعون عن دينكم وعاداتكم وتقاليدكم
حسافه والله يجينا من يهاجمنا واحنا ببلادنا وساكتين

[nouar]

شكلها الدكتوره ما بتفهم شي

وانه اصلا في امريكا يس

وانها مب ملاحظه انه مايكل جاكسون طلع مسلم بعد هذا العمر

وانه رئيس امريكا الحين ابوه مسلم وامه يهوديه \\\\

اصلا ا

[nouar]

شكلها الدكتوره ما بتفهم شي

وانه اصلا في امريكا يس

وانها مب ملاحظه انه مايكل جاكسون طلع مسلم بعد هذا العمر

وانه رئيس امريكا الحين ابوه مسلم وامه يهوديه \\\\

اصلا من اللي ضربها على ايدها وجابها ... شو خلصواا الدكاتره اللي عندنا ولا يصدروا المتعلمين عندنا لامريكا بس يا اما يشتغلوا زبالين

[شـعـشـبـونـه]

اختي هو موضوع للنقاش
بس اناقش من؟؟
انا ابي اناقش الدكتوره نفسهااا
اما اناقشج انتي اشحقه او الاعضاء

اختي انتي تميتي ساكته ولا رديتي عليها ؟؟ ولو رديتي وش كان ردج ؟؟

لو الدكتوره قدامي كان عرفت اتفاهم معاها واعلمهاااا النقاش الصح...
وتسلمين عالموضوع ... ونصيحه مثل هالاشكال لاتسكتون لهم بالمره لان لو سكتوااا بهالطريقه اتقوونهم عليناا اكثر مما هم مستقويين..

[hemoud123]

اختي هو موضوع للنقاش
بس اناقش من؟؟
انا ابي اناقش الدكتوره نفسهااا
اما اناقشج انتي اشحقه او الاعضاء

اختي انتي تميتي ساكته ولا رديتي عليها ؟؟ ولو رديتي وش كان ردج ؟؟

لو الدكتوره قدامي كان عرفت اتفاهم معاها واعلمهاااا النقاش الصح...
وتسلمين عالموضوع ... ونصيحه مثل هالاشكال لاتسكتون لهم بالمره لان لو سكتوااا بهالطريقه اتقوونهم عليناا اكثر مما هم مستقويين..

يا ترى ايش كان بيكون ردك اختي , يا ريت تقولين لنا على الاقل الاخت صاحبة الموضوع تستفيد

[MoneyMaker]

في النهايه يالحبيب هم مثلك money makers يعني لايهمهم مصلحة الطالب ولا لهم ولاء للبلد اللي هم ضيوف فيه والعلم اللي انت تكلم عنه عندنا قبل ما نشوف أشكالهم وحنا تخرجنا طياريين ومهندسيين ومدرسيين وغيره وغيره بمجهودنا ..... مش بفضل هذي الفئه اللي همهم الوحيد صناعة جيل يستعر من دينه و تاريخه و وتقاليده .... لا حبيبي مش محتاجيين لكم ...

من قالك انه لايهمهم مصلحة الطالب...؟؟؟
لو على كذا ماكان عندنا خمس جامعات عالميه وفيها من خيرة الدكاتره في العالم لو لا ثقتنا فيهم كان ماجبناهم

وبعدين اشدخل يكون عندهم ولاء للبلد اللي اهم فيه ؟؟؟ليش تبيها تروح حرب ؟؟؟
ماصار منها اي تجاوز على الدين واذا انت موب مصدق اش رايك تتصل على دار الافتاء وتستفسر اذا هالدكتوره تجاوزت حدودها وتطاولت على الاسلام او على العادات او على التقاليد او حتى على قوانين الجامعه الداخلية.
يعني انت وقت كنت تدرس برا كان لك ولاء للبلد اللي انت تدرس فيه.هذه ماصارت اخوي
النقاشات مرات وحب استكشاف ونقد البيئه الجديده شي عادي ومفروض يستقبل بصدر رحب
ولو تشوف كل كلام الدكتوره مردود عليه يعني موب شي جديد كل الغرب يستغربون من اسلوب الحياه العربي والتناقض الكبير وخاصه للمجتمع السعودي وهذا ماكانت تقصده الدكتوره

والله هاي اللي احنا شاطرين فيه نتخرج بمجهودنا واجد علينا
زين وبعدين....؟؟؟تعال صنع طياره F16 ولا بوينغ بتقدر

اقول بسكم تحريض :secret:

الله يحفضك اخوي (PILOT)

[HIGHNESS]

انا لو منج .. اقل شي لو ماقدر احاججها .. بقولها هذا ديني وهاذي عاداتنا وتقاليدنا وانا سعيده فيها وراضيه .. لانها تحميني وتصون مكانتي في المجتمع ... واكلم البنات المؤيدات واقولهم واهم شي الله يكون راضي عني صح ولا لا يابنات ... بنشوف حزتها شبيقولون :) ... انا واجهت هالفئات من الناس مو بس اجانب غربيين حتى عرب ... واهم شي توصلين وجهة نظرج لهم حتى لو بشي بسيط بس السكوت اكبر غلط .. والاراء الي تقولج احذفيها بجوتي او هاوشيها .. لاتسمعين لها لازم توضحين لها وجهة نظرج ولا تخلين الفكرة السايده عندهم باننا ناس متشددين و قلوبنا قاسية ومحد يقدر يكلمنا تتاكد لها .. لا ناقشيها ووضحي لها بانج سعيدة بحياتج وقولي لها انتي وين تحسين بالامان هني ولا في بلادج اكثر :) ....

[شـعـشـبـونـه]

اولا
صاحبة الموضوع هي الي اترد علي مو انت

ثانيا
هذي اقل شي اسويه في المحاظره لو كنت موجوده المهم اني مااسكتت




السلام عليكم



طبعآ اللي تدرسنا امريكيه

وبكلمه من بنيه معانا ف الكلاس انفتح الموضوع :rolleyes2:

وقامت الدكتوره تنتقد اسلوب الحياه عندنا

كيييفنااا حياتنا وحنا حرين فيها وراااضيين محد اشتكاا لهاا
وتتسأل – شلون المرأه عندكم اتجيب 7 او 8 اطفال !!!! وبطلت عيونها عدل :omg:

عيل الوحده ليش تتزوج ؟؟ الزواج يعني مسؤوليه وذريه صالحه باذن الله
الشي الثاني احسن من عيشتهم الي الوحده اترافج وااحد واتجيب منه يهال بعدييين يفكرون اذا يتزوجون او لااا
كم ملجأ للاطفال بامريكااا كم اطفال مشتتين وعيال شوارع .. خلوهاا تحسب هاي شغلها مو شغلي انا
وبخصوص بطلت عيونها يعل عيونها البط علموها كلمة مااشااالله ..


وشلون بعض البنات اللي ف سنكم يتنقبون ؟؟؟؟ !!! وليش للحيين البنات خايفين يطلعون ويتكلمون عن حقوقهم !!!

نتنقب لان هذا ديناا الي نحمد الله عليه وهذي تقاليدنااا الي راضيين فيهاا والنقاب ستر للبنت والحمدلله مستورين ومرتاحين محححححححححححححد اشتكى لهااا
ومن قال خايفين نطلع ونتكلم عن حقوقنا ههههههههههههه
اصلا حقوقنا محفوضه مافي شي كبير يستاهل نطلع عشانه


وتقول ان بهاذي الطريقه ماراح يكون عمدنا ابداع !!!

هههههههههههههههه ابي افهم هذاااا كللله ومافي ابدااع

شوفي كم خريجه في الكووورس ماشالله وكم منااصب كبيره شاغلينها حريم
ومافي ابدااع ؟؟
شنوو نوع الابداع الي تبيه ؟؟

وكلامها كله تنغز ف اسلوب حياتنا :rolleyes2::rolleyes2:

والله ماتنلام مدام ساكتين لهااا خلوها تبربر

وتقول انها تعرف بنات يلتزمون بالعادات فقط لأوامر اهلهم وليس اقتناع منهم
اهالينا نعمل لهم الف حساب وكلامهم على العين والراس ومانحب نخالف اوامرهم وفيه اشيا واجد مانقتنع فيها لكن كلمة الاهل فوق اي اعتبار وهذا اقل شي نقدمه للاهل ان نطيعهم ...

وانتقدت احدى الدول الخليجيه واااايد وبصوره مب حلوه – وتقول انها مره كانت تبي تدخل
هالدوله وامنعوها لانها عزباء !!! وقامت تضحك وتقول عمري ماشفت هالــقانون ف اي مكان
ف العالم

عزباء عن عزباء تفرق
اكيد شافوا فيها بلاا ومادخلوهاا :rolleyes2:

وعقب تكلمت عن واحد امريكي راح باكستان وعطا المرأه حقوقها هناك واهتم بالاطفال وتعليمهم
وتقول انه مسيحي بس انقذ المسلمين من الجهل ! وان المسلمين مايساعدون المسلمين !!! ؟؟؟

ههههههههههههه وعلى اي اساس مصدقينهااا ؟؟؟؟ قولوا لها اسمحي لنا مانصدق هالكلام جيبي لنا دليل ..

الشي الثاني لما المسلمين يساعدون بعض مايحتاج يعلنون هالشي ويااناس شوفوا ترانا نساعد بعض وقلوبنا على بعض
هذا شي بيناا هي مالها خص فيه دامها مب منااا


وتنتقد طالبان وااايد – وتقول ليش هالتخلف ؟؟؟؟
وليش المرأه هناك كأنها كأئن منبوذ
وبصراحه احنا كنا منذهلين وكنت اطالع البنات وللأسف في فئه من البنات كانت مأيدتها :weeping:
انا قعدت اسأل روحي هي ليش تقول جذي ؟ وش تبغي يعني ؟ وش هدفها ؟
تنصيري مثلآ ؟ غزو فكري ؟؟؟ ولا تتكلم بطريقه سليمه !!
والله شي عجييب !!!


والاعجب انكم كنتوا ساكتين ومأيدينهااا فما استغرب منها هالكلام ولا استغرب لو مسختها معاكم وافتحت معاكم هالمواضيع مره ثانيه
موضوع للنقاااش

السموحه عالاطاله بس هذا رد للاخ حمود

[Night KNight]

السلام عليكم

بابتدي ف الموضوع على طول

المحاضره يوم الاربعاء في احدى المواد انقلبت الى حلقه نقاشيه كلها نقد

طبعآ اللي تدرسنا امريكيه

وبكلمه من بنيه معانا ف الكلاس انفتح الموضوع :rolleyes2:

وقامت الدكتوره تنتقد اسلوب الحياه عندنا

وتتسأل – شلون المرأه عندكم اتجيب 7 او 8 اطفال !!!! وبطلت عيونها عدل :omg:

وشلون بعض البنات اللي ف سنكم يتنقبون ؟؟؟؟ !!! وليش للحيين البنات خايفين يطلعون ويتكلمون عن حقوقهم !!!

وتقول ان بهاذي الطريقه ماراح يكون عمدنا ابداع !!!

وكلامها كله تنغز ف اسلوب حياتنا :rolleyes2::rolleyes2:

وتقول انها تعرف بنات يلتزمون بالعادات فقط لأوامر اهلهم وليس اقتناع منهم

وانتقدت احدى الدول الخليجيه واااايد وبصوره مب حلوه – وتقول انها مره كانت تبي تدخل
هالدوله وامنعوها لانها عزباء !!! وقامت تضحك وتقول عمري ماشفت هالــقانون ف اي مكان
ف العالم

وعقب تكلمت عن واحد امريكي راح باكستان وعطا المرأه حقوقها هناك واهتم بالاطفال وتعليمهم
وتقول انه مسيحي بس انقذ المسلمين من الجهل ! وان المسلمين مايساعدون المسلمين !!! ؟؟؟

وتنتقد طالبان وااايد – وتقول ليش هالتخلف ؟؟؟؟
وليش المرأه هناك كأنها كأئن منبوذ

وبصراحه احنا كنا منذهلين وكنت اطالع البنات وللأسف في فئه من البنات كانت مأيدتها :weeping:

انا قعدت اسأل روحي هي ليش تقول جذي ؟ وش تبغي يعني ؟ وش هدفها ؟
تنصيري مثلآ ؟ غزو فكري ؟؟؟ ولا تتكلم بطريقه سليمه !!

والله شي عجييب !!!


موضوع للنقاااش

اول شي ابغي اعرف شلي قالته البنيه علشان ينفتح الموضوع

وأكبـر خطـآ ان المعارضين لكلامها ماتكلمو بكلمه
شي صار وراح ولازم ماتسكتون لها واتخلونها اتمادى على دينا
يعـني الحين انتو جامعين محد منكم قدر يناقشها بالموضوع :rolleyes2:
وعلى كلامج انكم كنتو تبون اتناقشونها بس ماتعطيكم مجال
شدعووه اختي لو تقطعوون نص كلامها واتفهموونها ثقافة دينا الحليف
ومدى حرصـه على المـرآه الي اهي اتشووفها متخلفـه
صدقيني لو في وحده اعرفة اترد عليها رد عدل بتحس بالنعمه الي عايشينها
المسلمات والمسلمين
الحمدالله على نعمـة الاسـلام

[MoneyMaker]

انتي المفروض ماتستغربين لين شفتي في ناس مأيدة اختي "كلي امل" .. ترا الي يدعمون هالكلام وايد واكبر دليل الي فوق والي اعتبره ان موضوع نقاشي عادي.. رغم انه تعدي على دين لايقبل النقاش وهم يرفضون النقاش في دينهم او حتى الكلام عن حياة البهائم الي عايشينها ويشوفون انها انفتاح للاسف مادروا انها حياة بهيمية ولاتمت للانفتاح بصلة ..

ومشاء الله خوش نصيحة عطيتها نسيت انهم مازالوا في سن بناء النفس والافكار ..وطريقة طرحها لاتدل على كونه نقاش بقدر ماهو انتقاد واضح وزرع افكار سلبية..

وطلبك لها لمناقشتها .. البعض عندهم اللغة ضعيفة ومايقدرون يردون .. فالاولى بهالبهيمة"مع احترامي للكل" الي حاطينها مدرسة انها تسكت وتعطي المطلوب منها وتروح بلا يمين ويسار ..

نفس ما ايدت الدكتورة تقول رايها اعتقد يحق للطلاب ابدأ الرأي مثل مااعطيت الاحقية للدكتورة..

اختي العزيزه
اذا مفتيه ياليت توضحين لنا كيف تعدت هالامريكيه على الدين ؟؟؟
مشكلة المسلمين مرات عندهم فهم قاصر لتفسير النصوص اختي انا اشوف انه عندنا مشكله لفهم حديث رسولنا الكريم صلى الله علية وسلم( مكاثر بكم بين الامم)

ياليت بس توضحين
جزاك الله خير

[كلي أمل]

اي ماشاااااااااء الله عليكم والله - انا ف وادي وانتوا ف وادي

يا اخواني ويا اخواتي انا لما فتحت الموضوع عشان نتناقش ف هالامر اللي اصلن صاير بكذا شكل ف بلادنا

وظاهرة جرئتهم - انا الحمدلله عرفت ان شااء الله وش بسوي مع البنات واتفقنا

وياليت تقرون ردي اللي ف الصفه قبل الاخيره اممم او اللي قبلها

خلاااص لو سمحتوا ياادرة المنتدى ممكن تسكرون الموضوع

لان الظاهر الاعضاااء ماعندهم الا يلومووون ويقولون لو ولو ولو

وش اسوي ف لو اللحيييييييييين ؟؟؟ الحمدلله في كم عضو عطوني حلووول وانتقدوا الظاهره بشكل محترم

[البنـدري]

ويييه ماعليج منها

بس سؤال شتدرس ومنهي :secret: << شكلها عرفتها :telephone:

[مساهم]

مشكلة خلط المفاهيم وخلط الشعوب والعادات والمصيبة فوق هذا كله يدرج تحت اسم الاسلام...

نقسم بعض النقاط الاساسية من ضوء فهمي للمناقشة ولو اني ما ارد على من كان متنرفز لعدم تقبله للنقاش..

اولاً الحجاب والنقاب وما يلبس انتم اسألوا النساء اللي يلبسونه اذا كان بإجبار عليهم بسبب الدين العادات والتقاليد اللي تنص على كذا او كان برغبة منهم وبمحض ارادتهم..

ثانياً المرأة عندنا بديننا وبمجتمعنا مصونة حقوقها ومكانتها بالمجمتمع..

ثالثأ نحن نؤمن بأن كل طفل رزقه مكتوب ومعلوم قب ان يولد, ليس كما حالهم الطفل معناه اقساط جامعة وتربية ومدارس ومن تكلفة المعيشة وما الى ذلك...

رابعاً بأي حق تخرج عن النص وتناقش ما ليس لها ان تناقشكم به واقترح رفع شكوى عليها تحت مسمى "خروج عن الدرس وتعدي لفظي عام على الدين والمجتمع والدولة".

خامساً اشكركي على الطرح والتوضيح.

وارجو ان تنقشون راسها بالشكوى :anger1:

[THE PILOT]

من قالك انه لايهمهم مصلحة الطالب...؟؟؟
لو على كذا ماكان عندنا خمس جامعات عالميه وفيها من خيرة الدكاتره في العالم لو لا ثقتنا فيهم كان ماجبناهم

وبعدين اشدخل يكون عندهم ولاء للبلد اللي اهم فيه ؟؟؟ليش تبيها تروح حرب ؟؟؟
ماصار منها اي تجاوز على الدين واذا انت موب مصدق اش رايك تتصل على دار الافتاء وتستفسر اذا هالدكتوره تجاوزت حدودها وتطاولت على الاسلام او على العادات او على التقاليد او حتى على قوانين الجامعه الداخلية.
يعني انت وقت كنت تدرس برا كان لك ولاء للبلد اللي انت تدرس فيه.هذه ماصارت اخوي
النقاشات مرات وحب استكشاف ونقد البيئه الجديده شي عادي ومفروض يستقبل بصدر رحب
ولو تشوف كل كلام الدكتوره مردود عليه يعني موب شي جديد كل الغرب يستغربون من اسلوب الحياه العربي والتناقض الكبير وخاصه للمجتمع السعودي وهذا ماكانت تقصده الدكتوره

والله هاي اللي احنا شاطرين فيه نتخرج بمجهودنا واجد علينا
زين وبعدين....؟؟؟تعال صنع طياره f16 ولا بوينغ بتقدر

اقول بسكم تحريض :secret:

الله يحفضك اخوي (pilot)

عزيزي للعلم انا عشت في أمريكا فوق السبع سنين ماشفت حد غلط علينا في الجامعه ولا في المدرسه أو تعرض لعاداتنا و تقاليدنا في محاضره كان في نوع من الأحترام للطالب , يعني الطالب مش (درس اليوم) مايحتاج أني أتعرض لمشاعر مجتمع كامل لمجرد أنهم مختلفين عني وهذا اللي مفروض تفهمه حضرة الدكتورة .....وبعدين من قالك أنها ما تكلمت في الدين ؟؟؟ليش الحجاب مش جزء من الدين ؟؟؟الغالي أذا أنت متأثر في الغرب فالغرب مش متأثر فيك والدليل واضح جدامك تبي تغمي عيونك وماتشوف الحقيقه هذا شي راجع لك ....

[hemoud123]

انا يا اخوان مااشوف انها تعرضت للاسلام كدين , هي استشكل عليها فهم بعض الممارسات الي ما قدرت تلقى لها تفسير بحكم اختلاف الثقافات وهذا شي طبيعي , وانا اعتقد انها لايمكن ولاتجرئ على انتقاد الاسلام كدين .
في السابق قبل الفضائيات كان الطالب العربي يصاب بما يسمى الصدمه الثقافيه عندما يذهب الى اوروبا او امريكا , ويرى بعض الممارسات التي يجد صعوبه في فهما مع انها شي عادي بالنسبه لهم , فمثلا يرى رجل وامرأه يتبادلان القبل في الشارع وامام مرأى الناس فيستنكر هذا الفعل اللااخلاقي من منظوره الثقافي ولكن مع الوقت تصبح رؤية هذه الممارسات عاديه بالنسبه له ولا تثير انتباهه له مع رفضه لها.
لو قيل لها ان الدين يفرض على المرأة الحجاب الشرعي واللباس المحتشم وهذا صحيح , ولكنها عندما تذهب الى احد المجمعات التجاريه ترى الكثيرات لا يتقيدن به ,
عندما تقول احد الاخوات ان الدين يفرض على امرأه ان لا تسافر الا برفقة محرم , ثم هي تشاهد الاف الطالبات المسلمات فى امريكا مثلا بدون محرم ,
اعتقد عند فتح باب النقاش مع هؤلاء يجب في البدايه الاتفاق على التفريق بين تعاليم الدين الاسلامي وممارسة الناس لهذه التعاليم والابتعاد عن المثاليه لان الواقع يقول خلاف ذلك