المساعد الشخصي الرقمي

مشاهدة النسخة كاملة : الحذر من محطات البترول


تواق
09-10-2009, 11:41 PM
الطريقه الاولى

وهي استفزازيه

يقول قدام قدام لين تتعداء المكينه عشان ماتشوف العداد

واكثر من يقع فيها اللي يجي مستعجل

30 او 20 او 10 سوبر او ممتاز

وهنا فرصه يعبي له بسعر اقل ومحد بشايف كم عبى له


اما الطريقه الثانيه والاخطر

اني بعطيه 500 او 100 او 50

وعندهم طريقه حلوه واتسفاززيه اكثر من الاولى

وهي ان يرجع لك بعض المبلغ ويروح لرفيقه الثاني يجيب من عنده باقي الخرده

لييييييه مايطلع الخرده من اللي عنده

عشان انت تمشي وتنسى الباقي عنده

واكثر الناس مايشوف كم المبلغ واول مايرجع له الباقي يمشي بسرعه

واتمنى الكل ياخذ الحذر منهم

وهذي السرقه موجوده في جميع المحطات في قطر وخارج قطر
الـقـاسـي
09-10-2009, 11:45 PM
صدقت اخوي يخلونك تقدم عشان ماتشوف العداد .. بس لازم تنتبه تاكد انه مصنفره .. يعطيك العافيه ع التنبيه ..
بنت^البحرين1
09-10-2009, 11:59 PM
انا كله اطالع العداد..

بس مرة سوالي حركة الهندي ، مادري متعمد او يات عفوية، قلت له يحط بمبلغ ويوم ييت ادفع طالعت يقولي اكثر؟ قلت له انا ماطلبت هالكثر، يقول الحين حطيت خلاص

بس انا داااااااائما اطالع العداد
بس سالفة الخردة بانتبه لها
Riku3
10-10-2009, 12:33 AM
انا دايم اطالع العداد واحاسبهم الى الدرهم .. بس مره واحد سواها فيني في محطة وقود جنب دوار وقود ..

قتله "فوووووول سوبر" وطلع 45 ريال وعطيته 100 ريال .. رجعلي خردة عشرات وخمسات وناقص 5 ريالات مع ان الخردة كانت 50+5 بس ! .. وهنا انا حطيت الفلوس جنبي ومشيت شوي بس شكيت ووقفت اعد الفلوس وطلع ناقص ! ..

وهو اشكره عيني عينك قاعد يطالعني وخايف يوم وقفت .. ورجعت لفيت وجاي صوبي واول ماشافني يقول باقي 5 ريال >_> .. المشكلة الاهل معاي قالوا مسكين امين خله ياخذ الخمس والمشكلة اني حاس انه كان ناوي يسرقها اصلاً . . بس ان بعض الظن اثم وخليتها له لعل وعسى يحس بس .
منقاش
10-10-2009, 12:37 AM
يهبي يقص علي , عيني على العداد قبل ماحاسبه ومن اخذ الفلوس من يده اعد وراه ,,, اكون لاقي الفلوس بالشارع ولا اكد على عميان ونا مادري .....
المتضرعه لله
10-10-2009, 12:45 AM
كله ولا يعبي لي وتتعبى السياره بعدها يجي يضغط على البترول ويزيد كم ريال لين البترول يطلع من السياره ويطيح على جوانبها

حسبي الله عليهم
مساهم
10-10-2009, 12:46 AM
رجع السيارة ورا وشوف العداد وما همكم منه, وبالنسبة للتعبئة اعرف بكم لأني ما اعبي الا كامل الخزان وبنفس السعر واذا طلع اكثر ارجع واقرا العداد.. :deal:
بوخالد911
10-10-2009, 02:59 AM
دووم عيني ع العداد ولا علي منه


تسلم
سداوي&مدريدي
10-10-2009, 03:28 AM
انا

ماعبي

تدري ليش !!






:eek5:







لان

سيارتي تشتغل على الطاقه الشمسيه :tease:


امزح :telephone:

اي والله كلامك صحيح 100 %


جزاك الله خير أخوي :nice:
بوحارب
10-10-2009, 04:01 AM
قوله يلعب على غيري

انه لما اصب بترول اقعد اطال العداد لين ما يصير المبلغ كامل بالريال

يعني لو فول الموتر على 60.95 دريهم

اقوله كمل لين 61 ريال بسرعه

وهكذا

اما حركاتهم اللي يعطونك نص المبلغ ويتأخر في الباقي

ما عندي مشكلة بتم انطر الخردة الباقية لين اليوم الثاني حتى لو كان اللي باقي ريال

كيفي يه
سماء الرياض
10-10-2009, 04:50 AM
يعطيك العافية على الموضوع
جوال 11
10-10-2009, 05:19 AM
كلامك صحيح 100%
والبعض منهم مقاس الليتر عندهم غير صحيح نفس الكمية تكون عند محطة أرخص من محطة ، والرقابة لا توجد بحجة التجارة الحره .
وعند المحطة عامل نظافة ويطر .
ALRAYYAN
10-10-2009, 06:37 AM
انا كله اطالع العداد..

بس مرة سوالي حركة الهندي ، مادري متعمد او يات عفوية، قلت له يحط بمبلغ ويوم ييت ادفع طالعت يقولي اكثر؟ قلت له انا ماطلبت هالكثر، يقول الحين حطيت خلاص

بس انا داااااااائما اطالع العداد
بس سالفة الخردة بانتبه لها

من متى محطات البحرين فيها هنود .. كلهم بحااااااارنه :nice:
بوسنافي
10-10-2009, 07:01 AM
احسن حركه انك تنزل كم دقيقه وتعبي بترول لنفسك

:)
لولوتي
10-10-2009, 07:23 AM
انا صرت اناحسهم لو يقول لي جدمي ما افتكر فيه
والمبلغ اذا زاد او نقص عن المعتاد ادقق في العداد

من اسبوعين رحت المحطه و لا محد مفتكر منهم يمشي الناس:anger1:
قلت يمكن تغيير شفت،،، وسألته الهندي قال لي لازم تنتظرون عشان انسجل ارقام السيارات اللي قبلكم :eek5:
قلت من متى هالشي؟؟؟ ما عمري شفت ولا في اي محطه من قبل انهم يسجلون ارقام السيارات ؟ مجرد كلام !!! لأنه كانت عندهم سالفه أهم من شغلهم :anger1:
سألته عن المسؤول ؟
قال لي ما في :rolleyes2:
وين الاداره ؟
ما في اداره :rolleyes2:
رقم الاداره ؟
ما في :rolleyes2:

يعني ما لج امل تشتكين :rolleyes2:
الفضي
10-10-2009, 09:09 AM
بالتوووفيق
رجل الجزيرة
10-10-2009, 09:31 AM
عندي هندي كله أسلم وأبي عنده بترول ففي الأيام الأخيرة من رمضان وإلا وهو عطاني الخردة وقال: رمضان كريم وعقب ما رحت لدكان فأخذت الخردة إلا وهي ناقصة ريال ورجعت له ولا حصلته، وهو لين الحين وهو في بالي والله ما أخليه.
هذلان
10-10-2009, 09:46 AM
كلام سليم ١٠٠٪

و بصراحه هم محطتين الي لاحظتهم دايما يسوون هالشي
١- المحطه الفاشله محطه الخيسه
٢- المحطه الي بين الوكره و ام سيعيد

هذيلا اكيد يعني سووها وياي و الي في الخيسه جبت لهم الشرطه مره على هالحركه

و فيه شي ثاني يقهر بعد .

اذا كانت عندك عمله غير قطريه مثلا اماراتي سعودي يخصمون مبلغ مش طبيعي كفرق عمله .
من فتره كان عندي ٢٥ ريال سعوديه ماذيتني في البوك و الموتر فيه بترول قلت خل اصب فيها و يوم عطيته الفلوس قالي بابا هذا يجي ٢١ ريال .. عثرتك يعني في ٢٥ ريال خصم ٤ ريال
على حسبته يعني الـ ٥٠٠ ريال سغودي بيخصم منها ٨٠ ريال . والحقيقه الفرق بين العملتين في الـ ٥٠٠ هو ٣ ريال فقط .

طبعا زقرته و قالي انا مالي شغل كلم الاداره :anger1:
رويتر
10-10-2009, 09:47 AM
والله العظيم من كم يوم الصبح وانا رايح الدوام الصبح مريت المحطة أعبي وقال لي الهندي قدم شوي قلت له ليش قال الهوز ما يوصل التانكي !! حسيت انه يستعبط والمزاج نيله من الصبح ، وانزل له واسحب الهوز ماله وأمشي لييييين وصلت عند بانة السيارة اللي وراي وأصرخ فيه وجه (كل هاااااااذيه ولا يوصل يا ....) !!!
والعالم يطالعون وهو ما بغى إلا الفكه ويعبي سيارتي وعينه في الأرض ..

يبي يلعب علي الخايس !!
_بوشهاب_
10-10-2009, 12:02 PM
ههاي هاي هاي على من على بوشهاب لاياحبيبي والهندي يقولي قدم اقوله صب صب بس صب فل وقيج البترول جنبي لاريال لايقص علي ولا انصب عليه
كاتم الاسرار
10-10-2009, 12:18 PM
اهم شي الواحد يشوووف العداد انا سارت لي حركه وحده بس ومن عقبها خلاص عيني على العداد وعليه من قلب صج ما يستحون

والمشكله اكثر شي يصدون الحرمه او الدريول لانهم ما يتاكدوون قبل
eXpert*
10-10-2009, 12:20 PM
أحسن حل ان كل واحد يصب بـ نفسه ..
hasss1969
10-10-2009, 12:22 PM
والله العظيم من كم يوم الصبح وانا رايح الدوام الصبح مريت المحطة أعبي وقال لي الهندي قدم شوي قلت له ليش قال الهوز ما يوصل التانكي !! حسيت انه يستعبط والمزاج نيله من الصبح ، وانزل له واسحب الهوز ماله وأمشي لييييين وصلت عند بانة السيارة اللي وراي وأصرخ فيه وجه (كل هاااااااذيه ولا يوصل يا ....) !!!
والعالم يطالعون وهو ما بغى إلا الفكه ويعبي سيارتي وعينه في الأرض ..

يبي يلعب علي الخايس !!

بصراحة ادبته...بالنسبة لي انا فما في مجال احد منهم يلعب علي...اول ما اوصل المحطة اعطي العامل نظرة افهمه فيها انه لازم ينتبه ولايحاول يلعب...وبعدها احط عيني على العداد الى ان يوصل للمبلغ المذكور...
وهنا انصح كل واحد انه لايعبي خزان سيارته لاخره ..اولا عشان البنزين مايطلع للخارج ويخرب الصبغ..ثاني شي عشان مايعطي مجال للعامل يلعب عليه...
الجني
10-10-2009, 12:32 PM
جزاك الله خير على النصيحة اخوي

فعلاً حركات يجب الحذر منها
حليتان*
10-10-2009, 12:36 PM
صاججج
ساراام
10-10-2009, 12:37 PM
انااااا قدمت ولاماقدمت

لازم اشوف العداد على بدايته ونهايته

ومرره قلت للهندي صب كذاا راح صب دبل

زقررت عليه وحذفت الخرده عليه ومشيت واشوا انه هالمشهد لم يتكرر مره اخرى :nice:

ومن اليوم ورايح بنتبه على سالفه قدم شوي

واناا اصلا اقدم عشان اعطي مجال للسياره اللى وراي

لكن شكلي بعناد وبراقب العداد مراقب خخخخخ
حليتان*
10-10-2009, 12:40 PM
أحسن حل ان كل واحد يصب بـ نفسه ..




اييي
صح مادري من اللي بيصب بنفسه في الدوحة
مب عيب
بس حر
المها قطر
10-10-2009, 01:05 PM
خلة يلعب على هندي قريقا
انا اطلع عيونهم صراحة هم والبقالات الحرامية حتى لو تبقى النص ريال لازم اخذها
والله العظيم مش بخل والحمدلله بس اكرة ماعندي الاستغفال ودائما يضحكون على القطريين ان مايعرفون شي وانهم طيبين .... ...بس خلاص الطيبة راحت مع الطيبين
tawareq
10-10-2009, 01:18 PM
صادني اكثر من موقف

اخر موقف في محطة بترول الجزيرة ( جنب البيت - عين خالد ) قلت للبنغالي صب بترول سوبر بخمسين يوم انتهى ركزت على نوعية البترول اللا صاب لي بترول ممتاز مب سوبر ووقفت اتفاهم معاه علشان يطلعت البترول اللي صبه ويبدله بسوبر قالي ما اقدر
قلته ناد لي مدير المحطة اتتفاهم معاه - كانت الساعة تقريبا تسع وشي ولا يقولي المدير محد راح البيت 0

يعني المحطة بدون مدير

مع اني اعرف صاحب المحطة الله يجزيه الف خير السيد/ محمد المانع

بس ما حبيت اكبر الموضوع ورحت

وهذا ما حصل بالضبط
ALHAJAJI
10-10-2009, 01:28 PM
وفيه حركة صراحة انا اشوف دائما سيويها بعض العمال اللي يشتغلون في المحطات:
وهي انك تقول له عبي فل , يقوم هو يراقب العداد واذا كان مثلا المبلغ قرب يوصل 60 ريال او 80 ريال مثلا يوقفة عند 57 او 77 بحيث انك لو عطيتة 100 ريال او 60 او 80 فحاط في بالة ان الخردة راح تكون من نصيبة , وهذا انا شفتها كذا مره .
غناتي1
10-10-2009, 01:29 PM
انتوا ما لاحظتوا ان عمال المحطات بعد يتفقون مع سواقسن البيوت

ويعطونهم اوراق انه عبى الموتر ب 50 ريال مثلا ويوم تشيك على موترك

تشوفه ناقص الربع مع ان المبلغ المفروض يفول العراوي ويزيد -- مثلا
هذلان
10-10-2009, 01:30 PM
صادني اكثر من موقف

اخر موقف في محطة بترول الجزيرة ( جنب البيت - عين خالد ) قلت للبنغالي صب بترول سوبر بخمسين يوم انتهى ركزت على نوعية البترول اللا صاب لي بترول ممتاز مب سوبر ووقفت اتفاهم معاه علشان يطلعت البترول اللي صبه ويبدله بسوبر قالي ما اقدر
قلته ناد لي مدير المحطة اتتفاهم معاه - كانت الساعة تقريبا تسع وشي ولا يقولي المدير محد راح البيت 0

يعني المحطة بدون مدير

مع اني اعرف صاحب المحطة الله يجزيه الف خير السيد/ محمد المانع

بس ما حبيت اكبر الموضوع ورحت

وهذا ما حصل بالضبط

ترى عادي تصب بترول ممتاز مايضر و ايضا عادي تخلط بترول ممتاز و سوبر .
واساسا اغلب السيارات تجي من بلدها على انه تشتغل ببترول ممتاز . و هالمعلومه تلقاها مكتوبه على غطا البترول من داخل
yousef545
10-10-2009, 02:30 PM
ياجماعة الخير انا خذيت دوره في مكاين البترول <= كنت مقدم في محطة بترول ههههههه

بغض النظر عن نصب بعض العمال

الهدف من انه العامل ايقول قدام اشوي انه ايكون الهوز ( او النوزل = المسدس ) متساوي مع

فتحة البترول لأنه العمليه يكررها مئات المرات و متعبه فـ عشان جي ايحاول ايكون متساوي

عشان مايسحب الهوز و مايتعب و ايعبي السياره و ايرجعه بعد بنفس الطريقه بدون مايسحبه

و عن الاعضاء الي يشتكون في بعض المحطات ايكون الفلوس اكثر و البترول اقل او العكس

بكل بساطه الهوز ( النوزل = المسدس ) فيه ثلاث درجات او ثلا سرعات يعني لو حط على اسرع شي

الي هو دوم ايصير بعض الابخره تنحصر في الخزان و تعتبر بترول و اتساهم في رفع عداد البترول في السياره

و مرات انا شخصيا فليل مايكون فيه ناس انزل اعبي ابروحي و اخلي على اول درجه و بهالطريقه

بستفيد من البترول 100% و انا عن نفسي ماصارت معاي ولاحركه في المحطات و لله الحمد

متعود من ايام قبل سوائا عبينا 10-20-30-50- او فل اعرف نسبة عداد البترول المفروض وين ايوقف
جنوب الدوحه
10-10-2009, 02:38 PM
صدقت اخوي يخلونك تقدم عشان ماتشوف العداد .. بس لازم تنتبه تاكد انه مصنفره .. يعطيك العافيه ع التنبيه ..

مصنفر !!!
براتزية برازيلية
10-10-2009, 03:24 PM
يعطيك العافية عالتنبيه
شبح الصمت
10-10-2009, 03:29 PM
يعطيك العافيه على التنبيه وتصدق انا كله عيوني فالعداد اول ما اوقف افتر عادي لو يقولي مب قدام لازم اطالع .. تدري اخس شي وشو القيج اذا طايح شتسووي بتحسب باللتر يعني الله يعينك بس الحمد الله لي فترة الحين الامور طيبه يعني خلاص اشوف انقيج البترول فوق ما يهمني .. اما عن الفلوس ياخي لازم تحسب الفلوس ولا تحرك قبل ما أتأكد هي غلطت عاد ترد وتقوله انت مغلطني مالك الحق صراحه ليش تمشي من البداية ؟؟
امل الحب
10-10-2009, 03:40 PM
:rolleyes2:

زين سؤال ليش اماكن لما نطلب فل ويكون العداد مصفر منتهي ..

يطلع ب 45

ومكان ب50

ومكان ب43

ومكان ب55

:rolleyes2:

كله بترول شالفرق :rolleyes2:
HIGHNESS
10-10-2009, 06:30 PM
مشكلة حركاتهم ... مره كان باقي لي 3 ريال مارجعهم لي قلت له وين الباقي قال لي مدام بس 3 ريال شنو مشكل ... قلت له جيب الخرده لا اسوي لك مشكل من قلب ... :anger1:
مب بخل بس ماحب حد يقص علي بهالطريقة لا واجباري بعد ... حتى لو الخردة بس ريال .. هالريال تنفع حق الخبز :)

زين انا عندي سؤال الحين لما اصب بترول اقول له سوبر فل ساعات يكون 50 ساعات 51 ساعات 49 ... مادري هل هالشي عادي او لا ... ؟؟؟
HIGHNESS
10-10-2009, 06:31 PM
:rolleyes2:

زين سؤال ليش اماكن لما نطلب فل ويكون العداد مصفر منتهي ..

يطلع ب 45

ومكان ب50

ومكان ب43

ومكان ب55

:rolleyes2:

كله بترول شالفرق :rolleyes2:

هذا المقصود
هذلان
10-10-2009, 06:35 PM
على حسب الموتر شكثر مفظي من البترول

عمرها ماتكون دقيقه 3 ريال فوق و 3 ريال تحت عن الرقم المعتادين عليه.
بعظهم يعبي التانكي حده لين يشوف البترول واصل اخر الفتحه
هذا سبب الفرق
بوخالد911
10-10-2009, 07:15 PM
احسن حركه انك تنزل كم دقيقه وتعبي بترول لنفسك

:)



ذكرتني بجنيف والله

في بعض المحطات هناك ما فيها موظفين !!!

يجي الشخص وينزل من سيارته
ويدخل الكرت ويحط المبلغ اللي يبييه

ويسحب الهوز
ويصب

وبس

:nice::nice::nice:


متى يسوونها اهنييه؟



مسيوو / بوخالد911
fff
10-10-2009, 08:04 PM
خلوا بالكم يا شباب
الهـواوي
10-10-2009, 08:12 PM
خخخخخخخخخخخخخخ مره ضربت هندي والسبه هالحركه
alrheeb2020
10-10-2009, 08:16 PM
جزاك الله خير عالتنبيه
alrheeb2020
10-10-2009, 08:17 PM
خخخخخخخخخخخخخخ مره ضربت هندي والسبه هالحركه

:omg:

المسامح كريم :nice:
ALRAYYAN
10-10-2009, 09:16 PM
والله العظيم من كم يوم الصبح وانا رايح الدوام الصبح مريت المحطة أعبي وقال لي الهندي قدم شوي قلت له ليش قال الهوز ما يوصل التانكي !! حسيت انه يستعبط والمزاج نيله من الصبح ، وانزل له واسحب الهوز ماله وأمشي لييييين وصلت عند بانة السيارة اللي وراي وأصرخ فيه وجه (كل هاااااااذيه ولا يوصل يا ....) !!!
والعالم يطالعون وهو ما بغى إلا الفكه ويعبي سيارتي وعينه في الأرض ..

يبي يلعب علي الخايس !!

والله انك ذيب ولد ذيب .. كفو والله

يعجبني الرجال اللي جذي
ذوق
10-10-2009, 09:37 PM
اخبر اني حطيت موضوع بخصوص السرقات في محطات البترول بنفس الطريقه...تبون الصراحه انا كل ماجاتني هفه عصبيه وابي احط حرتي في حد رحت محطه بترول الجزيره الي في عين خالد...عمري في حياتي ما صبيت عندهم بترول ماباقوا مني ريال...واطيح تسفل فيهم لين تبرد حرتي ^_^
السندان
10-10-2009, 10:56 PM
انتوا ما لاحظتوا ان عمال المحطات بعد يتفقون مع سواقسن البيوت

ويعطونهم اوراق انه عبى الموتر ب 50 ريال مثلا ويوم تشيك على موترك

تشوفه ناقص الربع مع ان المبلغ المفروض يفول العراوي ويزيد -- مثلا

هذي المشكلة الاكبر .. وانتي جبتيها:eek5:

واقول لاصحاب (عبي فول ) اذا انت عارف الفول عندك 65ريال قوله 60 وارتاح :nice: