مطلوب فكره هديه للوالده ...! [الأرشيف] - منتديات شبكة الأسهم القطرية

مشاهدة النسخة كاملة : مطلوب فكره هديه للوالده ...!

كبير المتداولين

10-10-2009, 06:28 AM

بصراحه محتار شاسوي دورت فكرت حاولت للأسف كل شي موجود ابي شي خاص في البيت هديه للوالده بمناسبه العوده من السفر وحاب اسوي لها مفاجأه وتغيير بسيط في ملامح البيت ..
ابي شي جديد ومميز وابي افكاركم ومقترحاتكم وتساعدوني بهالشي الي عنده فكره او شي مميز لايبخل علي ..

وشاكر لكم

اعالي الجنان

10-10-2009, 06:42 AM

كبير المتداولين

10-10-2009, 06:56 AM

خذها مني نصيحه
تبي تفرحها وتدعي لك كل يوم
غير غرفة نومها... من والى...اصبغها وخذ لها غرفة نوم مع ملحقاتها وشرشف جديد لها
وبدل الستاره وغير بالغرفه 180 درجه
والله تحصل منها دعوات ماتجي بالبال ولابتتخيل فرحتها بهالشي
والله ياجرك اخوي قله قليله من يفكر بامه الا من رحم ربي

وياك يارب وجزاك الله خير على هالفكره انا توني غيرت غرفه الوالده من فتره بسيطه
ومابي اعيد نفس الفكره السابقه ابي شي جديد مابعد سويته
ويعطيك العافيه على هالمشاركه ويجعلك من البارين بالوالدين امين يارب

لولوتي

10-10-2009, 07:04 AM

ودها العمره وبتكون احلى هديه :nice:

الله يحفظك لها، ويخليها لك، ويطول لك بعمرها
اللهم امين اللهم امين اللهم امين

الجووري

10-10-2009, 07:06 AM

اعتقد لو تحط المدى العمري للوالدة الله يخليها لكم بيكون اسهل في ان الناس تقترح عليك هدية حيث ان الهدايا تختلف باختلاف الأعمار

E L L E

10-10-2009, 07:08 AM

ســاعه

سيــاره

فلــوس

العمــره

شكثر اختيارات والله .. والله يطول بعمرها ويخليها لكم

كبير المتداولين

10-10-2009, 07:10 AM

ودها العمره وبتكون احلى هديه :nice:

الله يحفظك لها، ويخليها لك، ويطول لك بعمرها
اللهم امين اللهم امين اللهم امين

ويحفظ لك والديك امين يارب
كان ودي بس خايف من مرض الخنازير الله لايبلينا وياكم

كبير المتداولين

10-10-2009, 07:12 AM

اعتقد لو تحط المدى العمري للوالدة الله يخليها لكم بيكون اسهل في ان الناس تقترح عليك هدية حيث ان الهدايا تختلف باختلاف الأعمار

انا ودي اغير شي في البيت اهي تحب تعتني بمظهر البيت كثير وابي شي تحبه يعني ماتحب تلبس الذهب والساعات اكثر ماتشوف البيت مرتب وحلو

كبير المتداولين

10-10-2009, 07:14 AM

ســاعه

سيــاره

فلــوس

العمــره

شكثر اختيارات والله .. والله يطول بعمرها ويخليها لكم

ويخلي لك والديك قول امين يارب
ساعه ابي شي غير جديد مميز يخص البيت اكثر
خبرك الوالده وينها وين السياره كبيره في العمر فوق 60
فلوس الحمد لله ماينقصها
العمره هالسنه مافكر اوديها

لولوتي

10-10-2009, 07:45 AM

حاول بشكل غير مباشر اتعرف اذا ودها بشي :)

black@white

10-10-2009, 08:00 AM

الله يخليها لك
ويخليك لها نعم الابن البار الله يكثر من امثالك
اعتقد ماقي هديه بتليق بمقامها عندك لذلك انت محتار وش تهديها
بارك الله فيك وجزاك الله خير ورزقك الجنه ببرها

عاشق الشبكة

10-10-2009, 08:05 AM

ذهب

الله يوفقك ويحفظها لك

black@white

10-10-2009, 08:10 AM

اذا الوالده الله يحفظها تحب الجلسه في الحوش وخصوصا الجو حلو الايام هذه
سو لها جلسه او خيمه راقيه والحين موسم الزراعه ازرع لها ورود في الحديقه قدام الخيمه
اعتقد بتستانس
ارجو ان تعجبك الفكره

فهد الخاطر

10-10-2009, 08:16 AM

الله يخليها لك يا الغالي ان شاء الله

ونعم التربية

ما اوصيك كل صباح حب راسها ويدها وكل مساء بعد

الله يحفظك ويثبتك يا حبيب قلبي

نور الحور

10-10-2009, 08:20 AM

سماء الرياض

10-10-2009, 08:24 AM

مااعرف صراحة بس حبيت ارفع موضوعك

والله يرجعها بالسلامة والعافية

تحداني

10-10-2009, 08:29 AM

.. صباح الخير على الجميع ..

الحمد لله على سلامه الوالده ..
والله يحفظ لك غاليك ..
وما ننحرم من وجودهم يارب ..

أفكار الاخوان والاخوات حلوه ..

ولكن .. اعتقد انك اكثر شخص ...
يستطيع ان يحدد ما الذي تحبه ..
وما الذي يستهويها في البيت ..

اما عن افكاري .. :)
لدي الوالده والوالد يحبون التغير في البيت ..
فتعال شوف اهتماماتهم .. ..

يحبون اللوح كثيرا ..
فتجدهم بين فتره وفتره يغيرون فيها ..

يحبون الابجورات الغريبه ..
وايضا المزهريات الكبيره .. واشجار الظل ..

تغير ارضيه البيت " وانتم بكرامه "
من السجاد الى الرخام ..
او العكس ..

ان كانت صاله البيت كبيره نوعا ما ...
هناك من يضع نافوره صغيره " لا تضحكون "
تحت السلم .. او بين زايه من زوايا الصاله .. مع زراعه ..

ان كان نظام الصاله عندكم اوروبي ..
فإختار جزء منه على ان تكون جلسه عربيه ..
ورتبها بشكل رائع ..

ان كان لديها ملحق خارجي خاص بها ..
تستقبل فيه ضيوفها ..
فقم بتعديله وتغيره ..
واشتري لها كل ما يتعلق بأغراض الشتاء :)

هذا ما طرأ علي ..
ونتمنى ان تحوز اقتراحاتنا على اعجابك ..

الله يسعدك ..
ويجملك برضى الرحمن ..

طماطه

10-10-2009, 08:36 AM

اسالها شنو الشي اللي تشوفها تبي تغيره في البيت ..

وثاني يوم فاجئها انك تسوي لها .. :)

والله يخلي لك امك يارب

كبير المتداولين

10-10-2009, 08:38 AM

ذهب

الله يوفقك ويحفظها لك
فكره حلوه تسلم وماقصرت

اذا الوالده الله يحفظها تحب الجلسه في الحوش وخصوصا الجو حلو الايام هذه
سو لها جلسه او خيمه راقيه والحين موسم الزراعه ازرع لها ورود في الحديقه قدام الخيمه
اعتقد بتستانس
ارجو ان تعجبك الفكره

عجبتني الفكره بس يبي لها وقت مايمديني يعطيك العافيه

الله يخليها لك يا الغالي ان شاء الله

ونعم التربية

ما اوصيك كل صباح حب راسها ويدها وكل مساء بعد

الله يحفظك ويثبتك يا حبيب قلبي

تسلم فديت خشمك ويخلي لك كل عزيز

إذا كانت من محبات العطور .. انا مرة شفت نافور العود حلوة فكرتها وتختص بالبيت لأن فيها ديكور حلو وحق الضيوف ..
أو في فكرة ثانية .. أعرف خطاط يسوي لوحات جدارية كأنها ورق جدران بتقنية خاصة ممكن يسويلك لوحة بأسماء الله الحسنى أو سورة معينة على كامل الجدار ..شكله بيطلع روعة وفخم والأحسن ذكر الله ..
هاي بعد وايد حلوه نافوره عطور وين احصلها

مااعرف صراحة بس حبيت ارفع موضوعك

والله يرجعها بالسلامة والعافية
ثانكس وايد

.. صباح الخير على الجميع ..

الحمد لله على سلامه الوالده ..
والله يحفظ لك غاليك ..
وما ننحرم من وجودهم يارب ..

أفكار الاخوان والاخوات حلوه ..

ولكن .. اعتقد انك اكثر شخص ...
يستطيع ان يحدد ما الذي تحبه ..
وما الذي يستهويها في البيت ..

اما عن افكاري .. :)
لدي الوالده والوالد يحبون التغير في البيت ..
فتعال شوف اهتماماتهم .. ..

يحبون اللوح كثيرا ..
فتجدهم بين فتره وفتره يغيرون فيها ..

يحبون الابجورات الغريبه ..
وايضا المزهريات الكبيره .. واشجار الظل ..

تغير ارضيه البيت " وانتم بكرامه "
من السجاد الى الرخام ..
او العكس ..

ان كانت صاله البيت كبيره نوعا ما ...
هناك من يضع نافوره صغيره " لا تضحكون "
تحت السلم .. او بين زايه من زوايا الصاله .. مع زراعه ..

ان كان نظام الصاله عندكم اوروبي ..
فإختار جزء منه على ان تكون جلسه عربيه ..
ورتبها بشكل رائع ..

ان كان لديها ملحق خارجي خاص بها ..
تستقبل فيه ضيوفها ..
فقم بتعديله وتغيره ..
واشتري لها كل ما يتعلق بأغراض الشتاء :)

هذا ما طرأ علي ..
ونتمنى ان تحوز اقتراحاتنا على اعجابك ..

الله يسعدك ..
ويجملك برضى الرحمن ..

يعطيك الف عافيه ويحفظ لك والديك بصراحه احترت في كل شي

fff

10-10-2009, 08:49 AM

بصراحة فكرة حلوة وأتمنى من الكل ياخذ بفكرتك لأنه نادر ما يفكرون بأمهاتهم
الله يخليها لك ويطول في عمرها
بس الأهم تشوف هي شتحب يعني تغيير في أثاث الصالة أو المجلس والأهم من هذا كله الماعون خبرك أمهاتنا يستانسون على المواعين الكشخة (الدلال والاستكانات....)وممكن تسوي لها في الحوش شلالات في الزاوية ثرى يعطي البيت منظر حلو مع الزراعة
أو تغير لها زاوية في الصالة عندنا ناس سوها حطوا كل شي قديم في زاوية الصالة بس بصراحة عجب الكل
بالتوفيق يارب والله يكثر من أمثالك

كبير المتداولين

10-10-2009, 09:03 AM

اسالها شنو الشي اللي تشوفها تبي تغيره في البيت ..

وثاني يوم فاجئها انك تسوي لها .. :)

والله يخلي لك امك يارب
يبي لي اتصلها وأسألها بدون ماتحس
ومشكوره وماقصرتي

بصراحة فكرة حلوة وأتمنى من الكل ياخذ بفكرتك لأنه نادر ما يفكرون بأمهاتهم
الله يخليها لك ويطول في عمرها
بس الأهم تشوف هي شتحب يعني تغيير في أثاث الصالة أو المجلس والأهم من هذا كله الماعون خبرك أمهاتنا يستانسون على المواعين الكشخة (الدلال والاستكانات....)وممكن تسوي لها في الحوش شلالات في الزاوية ثرى يعطي البيت منظر حلو مع الزراعة
أو تغير لها زاوية في الصالة عندنا ناس سوها حطوا كل شي قديم في زاوية الصالة بس بصراحة عجب الكل
بالتوفيق يارب والله يكثر من أمثالك

يعطيك العافيه وماقصرت , وترى الجنه تحت اقدام الامهات جرب بوس أرجول الوالده شوف شلون تحس بالراحه
فكره الماعون شي حلو ماخطر في بالي
مشكور افكارك وايد حلوه

لولوتي

10-10-2009, 09:22 AM

إذا كانت من محبات العطور .. انا مرة شفت نافور العود حلوة فكرتها وتختص بالبيت لأن فيها ديكور حلو وحق الضيوف ..
أو في فكرة ثانية .. أعرف خطاط يسوي لوحات جدارية كأنها ورق جدران بتقنية خاصة ممكن يسويلك لوحة بأسماء الله الحسنى أو سورة معينة على كامل الجدار ..شكله بيطلع روعة وفخم والأحسن ذكر الله ..

اسمح لي اخوي :shy:
اهتميت بمعرفة الاقتراحات لأني حابه اهدي اختي ومحتاره في الهديه
وبما ان نافورة العود لقيتها فكره ممتازه وهديه راقيه
دورت ولقيت في احد المنتديات عرض لهذه النافوره

8
8

http://www.gulfup.com/gfiles/12551553631.jpg (http://www.gulfup.com/)

http://www.gulfup.com/gfiles/12551553632.jpg (http://www.gulfup.com/)

http://www.gulfup.com/gfiles/12551553633.jpg (http://www.gulfup.com/)

http://www.gulfup.com/gfiles/12551553634.jpg (http://www.gulfup.com/)

سعر الحبة 135 ريال

بس وين نلقاها :)
لعل وعسى حد من تجار المنتدى يقدر يوفرها ؟

واسمح لي اخوي :)

كبير المتداولين

10-10-2009, 09:24 AM

اسمح لي اخوي :shy:
اهتميت بمعرفة الاقتراحات لأني حابه اهدي اختي ومحتاره في الهديه
وبما ان نافورة العود لقيتها فكره ممتازه وهديه راقيه
دورت ولقيت في احد المنتديات عرض لهذه النافوره

8
8

http://www.gulfup.com/gfiles/12551553631.jpg (http://www.gulfup.com/)

http://www.gulfup.com/gfiles/12551553632.jpg (http://www.gulfup.com/)

http://www.gulfup.com/gfiles/12551553633.jpg (http://www.gulfup.com/)

http://www.gulfup.com/gfiles/12551553634.jpg (http://www.gulfup.com/)

سعر الحبة 135 ريال

بس وين نلقاها :)
لعل وعسى حد من تجار المنتدى يقدر يوفرها ؟

واسمح لي اخوي :)

بصراحه نافوره حلوه لو تجار المنتدى يوفرونها انا شراي

saranay1

10-10-2009, 11:56 AM

صراحة ادمعت عيني ليما قريت موضوعك
الله يكثر من امثالك ويعطي امك الصحة والعافية
هذه النافورة انا شايفتها في المنتدى للبيع
سو لها بحث واكيد بتلاقيها
او في منتدىات ثانيه في الدوحة مثل منتديات القطرية او عروس الدوحة
لاني انا كنت ابي وحدة وشفتها بس ما اذكر في اي منتدى
والله يجعلك من البارين

سداوي&مدريدي

10-10-2009, 12:03 PM

الحمد لله على سلامه الوالده

والله يخليها لكم ان شاء الله

اسالها شنو الشي اللي تشوفها تبي تغيره في البيت ..

وثاني يوم فاجئها انك تسوي لها .. :)

والله يخلي لك امك يارب

انا مع كلام أختي طماطه :nice:

saranay1

10-10-2009, 12:17 PM

http://www.al-qatarya.com/vb/showthread.php?t=97503&highlight=%E4%C7%DD%E6%D1%C9+%C7%E1%DA%E6%CF

لقيتها في المنتديات القطرية

المتضرعه لله

10-10-2009, 01:52 PM

طيب تغيير البيت من الداخل بسيط شوي ورق جدران على كم جلسه يمشي الحال

لكن ان كان حوش البيت واسع وفيه زراعه انا عندي افكار تخليه جنه

تسوي عريش بزاوية الحوش وله سقف من الدنجل والسعف وتحط به كراسي خشبيه تراثيه اثنين وكم جحلة ماي تعرف ايش جحله ماي حب الماي اللي يبردون لول فيه الماء تغطي طاوله فيه بالمواعين التراثيه تنظر فيه بعض قطع السدو

تعلق بعض الاقفاص التراثيه ولو تحط كم عصفور بقفص بيكون روعه

تعمل بالمساحات الخضراء بالحديقه اقواس من الخشب تغطيها بنباتات وزراعه الخضراء

تشتري اصايص زراعه وتنثرها بالبيت وفيه اصايص كثير حلوه في محل بطريق سلوى شكلها روووعه

تحط نافوره بوسط الحوش وايضا متوفره بنفس المكان بشارع سلوى

مدخل البيت تحضرلك كرسي خشبي شغل محفر من باكستاني بشارع النصر الكرسي تحفه كثير وتحط عليه قطعه قماش اما مخمل احمر او صوف كشميري وكانه شال على الكرسي وتنثر بجانب الكرسي بعض قطع الفازات الملونه اكيد بيكون شي رائع ويحدث في النفس الراحه

الزراعه الداخليه كثير حلوه حاول تجيب لك واحد ينسق لك زراعه داخليه مع احواض سمك بيكون شي رهيب

ياليت كل الشباب مثلك يفكرون بامهم وسعادتها

الله يحفظك

شاهيناز

10-10-2009, 02:03 PM

الله يخلي لكم الوالده يارب

من الهدايا الي امي تحبها اكيد اغلب الامهات يشاركون امي فيها

العطورات العربيه وتحب نختار لها الكرستالات حق العطور عليها زخارف
في معرض في الاند عنده زجاجات وشغلات حلوه

تحب السجاد

تحب العربات الي عليها دلال ومدخن وفناجين
في اشكال حلوه في اكسبو سنتر

وتحب البسط شفت منهم في المعرض الي في الاند

تحب المحافظ اذا الميزانيه اوكي اشتر لها من ال في

تحب الشاي الفاخر في منه في الاند وعندهم غواري لشاي اشكالهم حلوه وايد

هذي بعض الاشياء الي امي تحبهم
واغلب الامهات يحبون ها الاشياء

حليتان*

10-10-2009, 02:06 PM

الله يخليلك امك

جيبلها قرآن مافي شي يسعد امهاتنا غير القرآن الكريم

Northman

10-10-2009, 02:11 PM

غير المطبخ
واذا مايمدي اشتر اجهزه للبيت جديده

مثل فرن وثلاجه وغسلانه صدقني بتفرح من قلب

ولا بعد خذ الفرن الي يسوون فيه خبز المحلى او خذ الاجهزه الصغيره ماكرويف+ خلاط متعدد الاستخدامات+مكينه عجان+المكينه الي تسوي الخبز

واذا الوالدة عندها عزبه اشتر لها كم راس

بولينجر

10-10-2009, 02:18 PM

كبير المتداولين

10-10-2009, 04:30 PM

الحمد لله على سلامه الوالده

والله يخليها لكم ان شاء الله

انا مع كلام أختي طماطه :nice:

شاكر لك اخوي كفيت ووفيت

http://www.al-qatarya.com/vb/showthread.php?t=97503&highlight=%e4%c7%dd%e6%d1%c9+%c7%e1%da%e6%cf

لقيتها في المنتديات القطرية

يعطيج العافيه على المجهود الطيب انا سجلت في المنتدى وابي اطرش رساله للتجاره بس يطلب مني 50 مشاركه مايمديني الحق اذا انتي عضوه فيه ياريت تساعديني وتكلمينها لي انا طرشت لها رد اخاف ماترد علي لانها عجبتني النافوره

طيب تغيير البيت من الداخل بسيط شوي ورق جدران على كم جلسه يمشي الحال

لكن ان كان حوش البيت واسع وفيه زراعه انا عندي افكار تخليه جنه

تسوي عريش بزاوية الحوش وله سقف من الدنجل والسعف وتحط به كراسي خشبيه تراثيه اثنين وكم جحلة ماي تعرف ايش جحله ماي حب الماي اللي يبردون لول فيه الماء تغطي طاوله فيه بالمواعين التراثيه تنظر فيه بعض قطع السدو

تعلق بعض الاقفاص التراثيه ولو تحط كم عصفور بقفص بيكون روعه

تعمل بالمساحات الخضراء بالحديقه اقواس من الخشب تغطيها بنباتات وزراعه الخضراء

تشتري اصايص زراعه وتنثرها بالبيت وفيه اصايص كثير حلوه في محل بطريق سلوى شكلها روووعه

تحط نافوره بوسط الحوش وايضا متوفره بنفس المكان بشارع سلوى

مدخل البيت تحضرلك كرسي خشبي شغل محفر من باكستاني بشارع النصر الكرسي تحفه كثير وتحط عليه قطعه قماش اما مخمل احمر او صوف كشميري وكانه شال على الكرسي وتنثر بجانب الكرسي بعض قطع الفازات الملونه اكيد بيكون شي رائع ويحدث في النفس الراحه

الزراعه الداخليه كثير حلوه حاول تجيب لك واحد ينسق لك زراعه داخليه مع احواض سمك بيكون شي رهيب

ياليت كل الشباب مثلك يفكرون بامهم وسعادتها

الله يحفظك

كلك افكار بصراحه ماقدر اشلون اشكرك على الذوق الله يحفظك ويحفظ كل عزيز لك

الله يخلي لكم الوالده يارب

من الهدايا الي امي تحبها اكيد اغلب الامهات يشاركون امي فيها

العطورات العربيه وتحب نختار لها الكرستالات حق العطور عليها زخارف
في معرض في الاند عنده زجاجات وشغلات حلوه

تحب السجاد

تحب العربات الي عليها دلال ومدخن وفناجين
في اشكال حلوه في اكسبو سنتر

وتحب البسط شفت منهم في المعرض الي في الاند

تحب المحافظ اذا الميزانيه اوكي اشتر لها من ال في

تحب الشاي الفاخر في منه في الاند وعندهم غواري لشاي اشكالهم حلوه وايد

هذي بعض الاشياء الي امي تحبهم
واغلب الامهات يحبون ها الاشياء
مشكوره افكار وايد حلوه

الله يخليلك امك

جيبلها قرآن مافي شي يسعد امهاتنا غير القرآن الكريم
هاي احلى هديه بلاشك

غير المطبخ
واذا مايمدي اشتر اجهزه للبيت جديده

مثل فرن وثلاجه وغسلانه صدقني بتفرح من قلب

ولا بعد خذ الفرن الي يسوون فيه خبز المحلى او خذ الاجهزه الصغيره ماكرويف+ خلاط متعدد الاستخدامات+مكينه عجان+المكينه الي تسوي الخبز

واذا الوالدة عندها عزبه اشتر لها كم راس

فديت خشمك الوالده تموت على جو العزبه انا مجهز لها عنه كامله

كبير المتداولين

10-10-2009, 04:35 PM

الله يحفظ لك الوالدة والنعم فيك والله يكثر من امثالك ويرضى عليك.....

انا مع الاخوان انك تعرف منها وش خاطرها فيه.... وتقدر تسأل اخوانك او خواتك اذا سمعوا الوالدة تذكر شي في خاطرها.....

والله يبارك فيك....

يسلمو ماقصرتو كفيتو ووفيتو الحين صار عندي مجال مفتوح حيرتوني مع اني كنت ادور شي وصار عندي اشياء
شاكر لكم وعسى دوم يكون كل واحد منكم بار بوالديه

ماني بهين

11-10-2009, 02:23 AM

والله يا عزيزي نصيحتي لك طالما كل شي متوفر وعندها الله يخليها لكم ويخليكم لها

خل هديتك هدية تنفعها في الدنيا والآخرة

حفر بئر

بناء مسجد

كفالة أيتام

صدقني بتستانس اكثر

نور الحور

11-10-2009, 04:22 AM

نافورة العود لقيتها في سوق المنتدى وأنا أدور لك ..
هذا الرابط ..
http://www.qatarshares.com/vb/showthread.php?t=307173

(وكراوية)

11-10-2009, 08:32 AM

الله يحفظه الوالده ويخليها لك ،،

وبخصوص الهديه ،، شوف كورنر في البيت وحط فيه كل أنواع الزرع وكناري وعصافير حلو وملونه بس أهم شي يغردون ،، وبعد حط حوض سمك ،، واشترها أنواع سمك غربيه وملونه ،، مثل نيمو أو نجمة البحر وسلاحف ،،

=)

ANONYMOUS

11-10-2009, 08:41 AM

مادري كم البدجت تبعك

انا اقول عطها 20 الف ولا 10 الاف ولا 5 الآف.. يعتمد على استطاعتك

وخلها تتصرف براحتها..

كبير المتداولين

11-10-2009, 08:44 AM

والله يا عزيزي نصيحتي لك طالما كل شي متوفر وعندها الله يخليها لكم ويخليكم لها

خل هديتك هدية تنفعها في الدنيا والآخرة

حفر بئر

بناء مسجد

كفالة أيتام

صدقني بتستانس اكثر

فكره طيبه من وجه طيبه بارك الله فيك

نافورة العود لقيتها في سوق المنتدى وأنا أدور لك ..
هذا الرابط ..
http://www.qatarshares.com/vb/showthread.php?t=307173

والله عانيت لين احصلها هالنافوره يعطيج العافيه كفيتي ووفيتي

الله يحفظه الوالده ويخليها لك ،،

وبخصوص الهديه ،، شوف كورنر في البيت وحط فيه كل أنواع الزرع وكناري وعصافير حلو وملونه بس أهم شي يغردون ،، وبعد حط حوض سمك ،، واشترها أنواع سمك غربيه وملونه ،، مثل نيمو أو نجمة البحر وسلاحف ،،

=)

جزاك الله خير انا بشتري نافوره العود وحوض سمك دليني وين اصيد اماكن زينه احواض السمك .؟

هتـان قطر

11-10-2009, 08:45 AM

اذا الوالده نشيطه وفيها شده اشترلها مكينة خياطة..:)

الله يرحم عمتي كانت تضيع وقتها في خياطة ملابسها

اللي تبي تصليح..:)

الله يخليك للوالدة ويجعلك قرة عينيها

شيط ويط

11-10-2009, 09:40 AM

فتش عن الاشياء اللي تحبها وحاول توفر له كل هالاشيااااااااااااااااااااااااااء :shy:

(وكراوية)

11-10-2009, 08:19 PM

جزاك الله خير انا بشتري نافوره العود وحوض سمك دليني وين اصيد اماكن زينه احواض السمك .؟

شوف في محل وايد حلو في شارع النصر ،، وفي محل في شارع المنتزه حده كشخه ،،

وفي محل في شارع المطار اسمه مملكة الحيوان بعد حلو ،، وفي في الوكره بعد :victory: ...

شوف شنو اللي أقرب حق بيتكم وروح ..^_^..

وأحسن واحد فيه اللي في المنتزه عنده نجمة البحر كبيره وحلوه ...

شوف اذا سويت الحوض طرش لي الصور اذا ممكن :shy: ،، خاطري أشوف شنو بتشتري ...

saranay1

11-10-2009, 09:11 PM

يعطيج العافيه على المجهود الطيب انا سجلت في المنتدى وابي اطرش رساله للتجاره بس يطلب مني 50 مشاركه مايمديني الحق اذا انتي عضوه فيه ياريت تساعديني وتكلمينها لي انا طرشت لها رد اخاف ماترد علي لانها عجبتني النافوره

حاضرين
الحين باطرش لها >> اما بالنسبة لحوض السمج فلا تستعجل
اعرف واحد عنده حوض شارية اب 5000 ويبيه 2000
اذا ما خذته انا فباطرش لك الرقم

كبير المتداولين

12-10-2009, 08:39 AM

شوف في محل وايد حلو في شارع النصر ،، وفي محل في شارع المنتزه حده كشخه ،،

وفي محل في شارع المطار اسمه مملكة الحيوان بعد حلو ،، وفي في الوكره بعد :victory: ...

شوف شنو اللي أقرب حق بيتكم وروح ..^_^..

وأحسن واحد فيه اللي في المنتزه عنده نجمة البحر كبيره وحلوه ...

شوف اذا سويت الحوض طرش لي الصور اذا ممكن :shy: ،، خاطري أشوف شنو بتشتري ...

حصلت واحد في المطار بروح اليوم اشوفه حاضرين لك ويعطيج العافيه ان شاء الله بس تخلص الهديه بدز لكم الصوره بتجهز يوم الخميس بأذن الله

برشلوني قطر

12-10-2009, 12:45 PM

باارك الله فيج اخوي...والله يخليلك الوالده وكل من يعز عليك

ننتظر الصوره << متابع وبقووه ههههههه

دخلت ف بالي فكرة حوض السمج..واخاف اتملل منه واهمله :(

nouar

12-10-2009, 01:24 PM

اقول ...

ممكن ماكينه فرم الخضاء على قولة امي
مثل هذي
http://cdn2.ioffer.com/img/item/589/541/36/o_w6vtCbdwgx9RHsI.jpg

كلي أمل

12-10-2009, 01:37 PM

الله يخليها لكم

ودها العمره :nice:

كبير المتداولين

12-10-2009, 02:06 PM

اقول ...

ممكن ماكينه فرم الخضاء على قولة امي
مثل هذي
http://cdn2.ioffer.com/img/item/589/541/36/o_w6vtcbdwgx9rhsi.jpg

مشكوره على الصوره عندنا وحده قريب من شكلها

الله يخليها لكم

ودها العمره :nice:

ان شاء الله السنه الجايه هالسنه الانفلنزا ملعوزتنا

انا بصراحه قررت نافوره عود وحوض سمك في زاويه الغرفه ومسباح عقيق مع كتاب تفسير للقران
وعنه كامله في البر حق الشتاء ..

واشكر كل واحد ساهم في مساعدتي بهالموضوع
وجزاكم الله خير والله يجعلكم ذخرا للوالديكم امين يارب

نور الحور

13-10-2009, 06:45 AM

أخوي الله يسهل لك ..بالنسبة لحوض السمك فيه وحده في سوق المنتدى تبيع أحواض وايد حلوة تتعلق على الجدار.... بس لا تفكروني قاعدة أسوي دعاية ..هههه ..تراني ما أعرف الأخت التاجرة ..أنا بس حابة أساعد أخونا كبير المتداولين في البر بأمه ..
وهذا الرابط ..
http://www.qatarshares.com/vb/showthread.php?t=306527

saranay1

17-10-2009, 08:40 PM

مرحبا
اتفضلي الرقم
3493654

هذه رقم اللي تبيع النافورة

صاحب حق

17-10-2009, 08:48 PM

الله يطول بعمرها ،، و يرزقك برها ..
إذا عندكم حوش ممكن تنصب لها بيت شعر أو خيمة ،، هالأيام الجو حلو .
و ممكن تشتري لها طقم دلال قهوة و شاي مع البيالات و الفناجين و الصينية .
و ممكن تشتري لها اللاب توب المعلم اللي فيه سور القرآن الكريم من جرير . هو مو لاب توب حقيقي بس شكله شكل اللاب توب .
و ممكن تشتري لها سجادة إيرانية ،، و تحطها في مكان تحبه .
و إذا تلفزيون البيت عادي غيره و حطه بلازما .

ام حسوني

17-10-2009, 10:46 PM

سويليها وقف او انت واخوانك تحاططو وسولها مسيد باسها :shy:

الام اجمل هديه من الباري فقدروها احسن تقدير بارك الله فيك والله يخليها لك:shy:

saranay1

18-10-2009, 05:43 PM

سويليها وقف او انت واخوانك تحاططو وسولها مسيد باسها :shy:
:shy:

في اريي هذي احسن هدية
واذا المبلغ قليل ممكن يكون الوقف اسهم في مشروع مو لازم مسجد و 50 الف
المهم الفكرة
فكرة ممتازة